ក្រិកបានរងការចោទប្រកាន់ពីប្រទេសជិតខាង ជាពិសេសតួកគី ថាបានបណ្ដេញជនអន្តោប្រវេសន៍រាប់ពាន់នាក់ដោយសម្ងាត់តាមរយៈការបណ្ដែតពួកគេចោលនៅត្រឹមខាងក្រៅដែនសមុទ្ររបស់ខ្លួន។ កាលពីសប្ដាហ៍មុន លោក Notis Mitarachi រដ្ឋមន្ត្រីទទួលបន្ទុកជនចំណាកស្រុក និងសិទ្ធិជ្រកកោនក្រិក បានលើកឡើងថា មានករណីជាច្រើនត្រូវបានស៊ើបអង្កេតដោយសហភាពអឺរ៉ុប តែមិនបានរកឃើញភស្តុតាងណាមួយ ថាបានរំលោភលើសិទ្ធមនុស្សឡើយ។ លោក Philippe Leclerc ប្រធានទីភ្នាក់ងារជនភៀសខ្លួនរបស់អង្គការសហប្រជាជាតិប្រចាំនៅតួកគី បាននិយាយថា ការិយាល័យរបស់លោក បានបង្ហាញភស្តុតាងមួយចំនួនរួមទាំងការចោទប្រកាន់អំពីអំពើហិង្សា និងការបំបែកបំបាក់គ្រួសារ ទៅកាន់អ្នកស៊ើបអង្កេតក្រិក ដើម្បីស្នើការស៊ើបអង្កេត ប៉ុន្តែគ្មានការឆ្លើយតប។ មន្ត្រីតួកគីមួយរូប បាននិយាយថាតួកគីចង់ទាញការយកចិត្តទុកដាក់របស់ពិភពលោក ចំពោះបន្ទុកផ្ទាល់របស់តួកគីក្នុងការទទួលអ្នកស្វែងរកសិទ្ធិជ្រកកោនជាង ៤លាននាក់ពីសង្គ្រាម ក្នុងនោះជនភៀសខ្លួនពីស៊ីរ៉ីច្រើនជាង ៣,៦លាននាក់ និងប្រជាជនចំនួន ៤០ម៉ឺននាក់ផ្សេងទៀតមកពីអាស៊ី និងមជ្ឈិមបូព៌ា។ ប្រភព៖ New York Times

១៩ កក្កដា ២០២១

ប៉ុន្មានថ្ងៃមុនការប្រកួតកីឡាអូឡាំពិក គេបានរកឃើញវិជ្ជមានកូវីដ១៩ ចំនួន ៥៥ករណី លើកីឡាករ មន្ត្រី និងម្ចាស់កិច្ចសន្យានានាដែលទាក់ទិននឹងព្រឹត្តិការណ៍កីឡានេះ។ នេះបើតាម CNN ថ្ងៃទី១៩ កក្កដានេះ។ ប្រជាជនជប៉ុន ក៏ដូចជាអ្នកសង្កេតការណ៍អន្តរជាតិជាច្រើន បានសម្តែងការព្រួយបារម្ភចំពោះដំណើរការនៃព្រឹត្តិការណ៍កីឡា ដែលមានការចូលរួមពីសំណាក់ក្រុមអត្តពលិកពីជាង ២០០ប្រទេស ខណៈដែលប្រទេសជប៉ុនកំពុងព្យាយាមទប់ស្កាត់ការរាលដាលនៃជំងឺកូវីដ១៩។ ប្រភព៖ CNN

១៩ កក្កដា ២០២១

វេជ្ជបណ្ឌិតសរុប ១១៤នាក់ បានស្លាប់ក្នុងកំឡុងថ្ងៃ១-១៧ កក្កដា ដែលជាចំនួនខ្ពស់បំផុតបើប្រៀបធៀបទៅនឹងរយៈពេលប្រហាក់ប្រហែលគ្នាកាលពីខែមុនៗ។ មន្ត្រីជាន់ខ្ពស់នៃសមាគម IDI ថា “ប្រព័ន្ធសុខាភិបាលយើងប្រហែល ជាមិនអាចទប់ទល់នឹងជំងឺនេះបានទេ។” មរណភាពរបស់វេជ្ជបណ្ឌិតបាន កើនឡើងនៅក្នុងប្រទេសឥណ្ឌូនេស៊ី បើទោះបីជាមានអត្រាចាក់វ៉ាក់សាំងដល់ទៅ ៩៥ភាគរយក្នុងចំណោមបុគ្គលិកសុខាភិបាល។ ប្រការនេះបានជំរុញឱ្យរដ្ឋាភិបាលបើកយុទ្ធនាការចាក់វ៉ាក់សាំង Moderna បន្ថែមពីលើវ៉ាក់សាំងស៊ីណូវ៉ាក់ ដែលបុគ្គលិកសុខាភិបាលបានទទួល។ ប្រភព៖ CNA

ក្នុងជំនួបជាមួយប្រធានាធិបតីស៊ីរីលោក Bashar al-Assad កាលពីថ្ងៃ ១៧ កក្កដា រដ្ឋមន្ត្រីការបរទេសចិនលោក Wang Yi ថាចិនប្រឆាំងរាល់ការប៉ុនប៉ងជំរុញការផ្លាស់ប្ដូររបបនៅស៊ីរី 🇸🇾 ហើយនឹងបង្កើនកិច្ចសហប្រតិបត្តិការខ្សែក្រវាត់ និងផ្លូវជាមួយក្រុង Damascus និងគាំទ្រចំពោះការប្រយុទ្ធប្រឆាំងអំពើភេរវកម្ម។ ប្រមុខការទូតចិនស្វាគមន៍ការគាំទ្រដោយគ្មានលក្ខខណ្ឌរបស់ស៊ីរី លើបញ្ហាដែលជាផលប្រយោជន៍ស្នូលរបស់ចិនដូចជា បញ្ហាហុងកុង កោះតៃវ៉ាន់ និងតំបន់ស៊ីនជាំងជាដើម។ ស៊ីរី គឺជាចំណតទីមួយនៃទស្សនកិច្ច ៤ថ្ងៃ របស់លោក វ៉ាង យី ដោយលោកនឹងបន្តដំណើរទៅកាន់អេហ្ស៊ីប និងអាល់ហ្សេរី។ តំបន់មជ្ឈិមបូព៌ាបានក្លាយជាទិសដៅសំខាន់មួយនៃនយោបាយការទូតចិន ខណៈអាមេរិកផ្ដោតលើតំបន់ឥណ្ឌូ-ប៉ាស៊ីហ្វិកវិញម្តង។ ក្នុងជំនួបតាមទូរសព្ទជាមួយរដ្ឋមន្ត្រីការបរទេសអ៉ីរ៉ង់លោក Mohammad Javad Zarif លោក Wang Yi បានបញ្ជាក់ជំហរចិនក្នុងការពង្រឹងទំនាក់ទំនងជាមួយរដ្ឋាភិបាលអ៉ីរ៉ង់ថ្មី និងរួមគ្នាប្រឆាំងនឹងសកម្មភាពឯកតោភាគីនិយម។ ប្រភព៖ SCMP

១.កំពត ៤១នាក់២.កោះកុង ៩៥នាក់៣.សៀមរាប ៩៥នាក់៤.ព្រះវិហារ ១៧នាក់៥.ឧត្តរមានជ័យ ៧៤នាក់៦.រតនគីរី ០១នាក់៧.មណ្ឌលគីរី ០៦នាក់៨.ក្រចេះ ០៤នាក់៩.បាត់ដំបង ៦៨នាក់១០.ប៉ៃលិន ០៥នាក់១១.កំពង់ធំ ១៦នាក់១២.ព្រៃវែង ១៥៥នាក់១៣.កំពង់ចាម ៤៦នាក់១៤.កែប ០២នាក់១៥.ត្បូងឃ្មុំ ២១នាក់១៦.បន្ទាយមានជ័យ ៨៣នាក់១៧.កំពង់ឆ្នាំង ២៤នាក់ ចេញផ្សាយម៉ោង ១៩:០០ ថ្ងៃទី១៩ កក្កដា ២០២១ ប្រភព៖ We_Share

កាល ពី ថ្ងៃ ទី ១៨ កក្កដា ចលនា យុវជន សេរី ថៃ និង ក្រុម សម្ព័ន្ធ មិត្ត របស់ ខ្លួន បាន ចេញ តវ៉ា តាម ដង វិថី នៃ រាជធានី បាងកក ដោយ ល្មើស នឹង បម្រាម ទប់ ស្កាត់ កូវីដ១៩ ដាក់ ចេញ ដោយ រាជរដ្ឋាភិបាល ថៃ ដែល ហាម មិន ឱ្យ មាន ការ ជួប ជុំ មនុស្ស លើស ពី ៥នាក់។ ក្រុម បាតុករ ប្រឆាំង រដ្ឋាភិបាលបាន ទាមទារ ៣…

អាហ្វហ្គានីស្ថានបានដកឯកអគ្គរដ្ឋទូត និងអ្នកការទូតរបស់ខ្លួនចេញពីរដ្ឋធានី ប៉ាគីស្ថាន បន្ទាប់ពីមានការចាប់ជំរិតកូនស្រីរបស់ឯកអគ្គរដ្ឋទូតដែលនេះជាការប៉ះទង្គិចថ្មីមួយចំពោះទំនាក់ទំនងនៅក្នុងពេលវេលាដ៏រសើបមួយសម្រាប់ដំណើរការស្វែងរកសន្តិភាពនៅអាហ្វហ្គានីស្ថាន។ អនុប្រធានាធិបតីអាហ្វហ្គានីស្ថាន លោក Amrullah Saleh បាននិយាយនៅលើបណ្ដាញសង្គម Twitter ថា៖ “ការចាប់កូនស្រីរបស់ ឯកអគ្គរដ្ឋទូតអាហ្វហ្គានីស្ថាន និងការធ្វើទារុណកម្មជាបន្តបន្ទាប់ទៅលើខ្លួននាងបានធ្វើឱ្យព្រលឹងរបស់ជាតិយើងរងការរបួស។ ព្រលឹងជាតិយើងបានរងការធ្វើទារុណកម្ម”។ ក្រសួងការបរទេសអាហ្វហ្គានីស្ថាន បាននិយាយថាគណៈប្រតិភូអាហ្វហ្គានីស្ថានមួយនឹងធ្វើទស្សនកិច្ចនៅប្រទេសប៉ាគីស្ថាន ដើម្បីវាយតម្លៃស្ថានភាព។ បន្ទាប់ពីនោះ វិធានការជាច្រើននឹងត្រូវអនុវត្ត។ ប្រភព៖ Aljazeera

អ្នកឆ្លងសរុប ២៦៤៤នាក់ ជាសះស្បើយសរុប ១៨៨២នាក់ ស្លាប់ ៣៣នាក់ ១៩ កក្កដា ២០២១