បរទេស៖ ប្រទេសចិនកំពុងសាងសង់ព្រលានយន្តហោះ នៅលើកោះសិប្បនិមិត្តធំជាងគេ ក្នុងលើពិភពលោក នោញគឺ អាកាសយានដ្ឋានអន្តរជាតិ Dalian Jinzhouwan មានទីតាំងស្ថិត នៅក្នុងទីក្រុងកំពង់ផែ Dalian ភាគឦសាន ភ្ជាប់ទំនាក់ទំនងសេដ្ឋកិច្ចដ៏រឹងមាំជាមួយប្រទេសជប៉ុន និងកូរ៉េខាងត្បូង។ កាសែត Interesting Engineering បានចេញផ្សាយ កាលពីថ្ងៃអង្គារថា អាកាសយានដ្ឋានថ្មីនេះ លាតសន្ធឹងលើផ្ទៃដី ២០ គីឡូម៉ែត្រការ៉េ ដោយការងារបុកគ្រឹះចាប់ផ្តើម តាំងពីខែសីហា។ គម្រោងដ៏មានមហិច្ឆតា តម្លៃ ៤.៣ ពាន់លានដុល្លារនេះ គ្រោងនឹងបើកដំណើរការ នៅឆ្នាំ២០៣៥។ អាកាសយានដ្ឋាននេះនឹងមានផ្លូវរត់ចំនួន៤ ដែលគ្របដណ្តប់លើផ្ទៃដី ៩០ម៉ឺនម៉ែត្រការ៉េ និងសមត្ថភាពទ្រទ្រង់អ្នកដំណើរចំនួន ៤៣លាននាក់ ក្នុងមួយឆ្នាំ ហើយអាចកើនឡើងទ្វេដង រហូតដល់ ៨០លាននាក់។ អាកាសយានដ្ឋាននេះ ក៏ត្រូវបានរចនាឡើង ដើម្បីគ្រប់គ្រងទំនិញ រហូតដល់មួយលានតោន ក្នុងមួយឆ្នាំ នេះបើតាមកាសែត Interesting Engineering ដដែល។ យ៉ាងណាមិញ ប្រភពក៏បានចុះផ្សាយអំពីការព្រួយបារម្ភអំពីហានិភ័យ គ្រោះធម្មជាតិ និងគ្រោះថ្នាក់ផ្សេងៗ ដែលអាចកើតឡើងផងដែរ ដោយសារទីតាំងព្រលាន្ត…

បរទេស ៖ មជ្ឈមណ្ឌលគ្រប់គ្រងជំងឺទីក្រុងហាណូយ បាននិងកំពុងរឹតបន្តឹងការត្រួតពិនិត្យសុខភាព នៅអាកាសយានដ្ឋានអន្តរជាតិ Noi Bai ចំពេលមានការផ្ទុះឡើងនៃជំងឺដ៏អាថ៌កំបាំង វាយលុកលើកុមារ ភាគច្រើន នៅប្រទេសកុងហ្គោ។ កាសែត VNexpress បានចេញផ្សាយថា រោគសញ្ញានៃជំងឺនេះរួមមាន គ្រុនក្តៅ ឈឺក្បាល ក្អក ហៀរសំបោរ និងឈឺសាច់ដុំ។ ករណីភាគច្រើន កើតមានលើកុមារ ក្នុងនោះ អាយុក្រោម៥ឆ្នាំ ប្រឈមខ្លាំង។ ករណីធ្ងន់ធ្ងរទាំងអស់ ត្រូវបានរកឃើញថា មានការខ្វះអាហារូបត្ថម្ភធ្ងន់ធ្ងរ។ វៀតណាមថា វិធានការរឹតបន្តឹងការត្រួតពិនិត្យ នៅព្រលាន្ត មានគោលបំណងស្វែងរកករណីឆ្លង ឬសង្ស័យឱ្យបានទាន់ពេលវេលា ដើម្បីចាត់វិធានការឆ្លើយតបសមស្រប និងទាន់ពេលវេលា។ កាលពីថ្ងៃទី ១២ ខែធ្នូ នាយកដ្ឋានឱសថបង្ការជំងឺឆ្លង នៃក្រសួងសុខាភិបាលវៀតណាម បានចេញសេចក្តីជូនដំណឹងបន្ទាន់មួយ ទាក់ទងនឹងករណីជំងឺមិនស្គាល់មុខ នៅប្រទេសកុងហ្គោ នៃទ្វីបអាហ្វ្រិក។ យោងតាមអង្គការសុខភាពពិភពលោក ហៅកាត់ WHO បានឲ្យដឹងថា ចាប់ពីថ្ងៃទី ២៤ ខែតុលា ដល់ថ្ងៃទី៥ ខែធ្នូ ឆ្នាំ២០២៤ កុងហ្គោបានរាយការណ៍ពីករណីជំងឺមិនស្គាល់អត្តសញ្ញាណ…

កៀវ ៖ រុស្ស៊ីបានវាយប្រហារចំនួន ១២លើក ដើម្បីបំផ្លាញហេដ្ឋារចនាសម្ព័ន្ធថាមពលរបស់អ៊ុយក្រែនដោយគិតត្រឹមចុងឆ្នាំ២០២៤ រុស្ស៊ីបានបាញ់មីស៊ីលប្រហែល ១,១០០គ្រាប់។ នេះទីភ្នាក់ងារព័ត៌មាន Ukrinform ដែលគ្រប់គ្រងដោយរដ្ឋាភិបាលអ៊ុយក្រែន បានរាយការណ៍កាលពីថ្ងៃអង្គារ ដោយដកស្រង់សម្តីអ្នកការទូតជាន់ខ្ពស់ម្នាក់។ លោក Sergiy Kyslytsya ដែលជាតំណាងអចិន្ត្រៃយ៍របស់អ៊ុយក្រែន ប្រចាំអង្គការសហប្រជាជាតិ បាននិយាយថា ការវាយប្រហារដោយមីស៊ីលទាំង ១២លើកនេះ ក៏រួមបញ្ចូលទាំងមីស៊ីលឆ្លងទ្វីប និងមីស៊ីលផ្លោងផងដែរ។ លោក Kyslytsya បន្ថែមថា រុស្ស៊ីកាលពីថ្ងៃសុក្រសប្តាហ៍កន្លងទៅ បានបើកវាយលុកដ៏ធំបំផុតមួយក្នុងឆ្នាំនេះ ទៅលើទីតាំងថាមពលរបស់អ៊ុយក្រែនជាមួយនឹងមីស៊ីលចំនួន ៩៤គ្រាប់ និងយន្តហោះគ្មានមនុស្សបើកចំនួន ១៩៣គ្រឿង។ ថ្មីៗនេះ ក្រុមហ៊ុនថាមពលរដ្ឋ Ukrenergo បានប៉ាន់ប្រមាណថា អ៊ុយក្រែនបានបាត់បង់សមត្ថភាពបង្កើតថាមពលប្រហែល ៩ជីហ្គាវ៉ាត់ ដោយសារការវាយប្រហាររបស់រុស្ស៊ីក្នុងឆ្នាំនេះ៕ ប្រភព ៖ ស៊ីនហួរ សម្រួល ៖ ឈឹម ទីណា