បរទេស ៖ យោងតាមការព្យាកររបស់សម្ព័ន្ធធ្វើដំណើរសកលរបស់អាមេរិក ហៅកាត់ Amex GBT បានគូសបញ្ជាក់ថា នៅឆ្នាំ២០២៥ សំបុត្រយន្តហោះនឹងមានតម្លៃកាន់តែថ្លៃឡើង ទោះបីជាកំណើនសេដ្ឋកិច្ចសកលមានកម្រិតមធ្យមក៏ដោយ។ នេះបើតាមការចុះផ្សាយរបស់សារព័ត៌មាន Economic times។ ការឡើងថ្លៃនេះ បានឆ្លុះបញ្ចាំងពីការចំណាយខ្ពស់ និងការរំខានដល់ខ្សែច្រង្វាក់ផ្គត់ផ្គង់។ តម្លៃសំបុត្រយន្តហោះភាគច្រើននឹងកើនឡើង ប៉ុន្តែទំហំនៃកំណើនទំនងជាប្រែប្រួលខ្លាំងទៅតាមតំបន់។ អាមេរិកខាងជើង និងអឺរ៉ុប ត្រូវបានរំពឹងថា នឹងមើលឃើញការកើនឡើងតិចតួចប៉ុណ្ណោះប្រហែល ២% ខណៈអាស៊ី និងអូស្ដ្រាលី ក្នុងចំណោមតំបន់ចុងក្រោយដែលទប់ស្កាត់ការរាតត្បាតនៃជំងឺកូវីដរំពឹងថា នឹងមើលឃើញកំណើនជិត ១៤%។ ការឡើងថ្លៃសំបុត្រយន្តហោះនៅឆ្នាំ២០២៥ ទំនងជាច្រើនជាងការថយចុះមុនឆ្នាំ២០២៤ មានន័យថា តម្លៃសំបុត្រមួយចំនួនអាចត្រឡប់ទៅរកកម្រិតខ្ពស់ក្រោយជំងឺរាតត្បាត។ នេះបើតាមការគណនារបស់សារព័ត៌មាន Bloomberg News ដោយផ្អែកលើទិន្នន័យរបស់ Amex GBT៕ ប្រភព ៖ Economic times ប្រែសម្រួល ៖ ឈឹម ទីណា

ភ្នំពេញ ៖ កម្មវិធីសន្និសីទប្រចាំឆ្នាំស្តីពីការពង្រឹងប្រព័ន្ធអេកូឡូស៊ី សហគ្រិនភាពនៅកម្ពុជា២០២៤ (CAMESCO24) ត្រូវបានរៀបចំឡើងដោយមានអ្នកចូលរួមប្រមាណ ២០០នាក់ មកពីបណ្តាស្ថាប័នប្រមាណជិត ១០០ស្ថាប័ន។ ប្រធានបទរបស់ម្មវិធីសន្និសីទ CAMESCO24 គឺ “ថាមពលនៃ កិច្ចសហការដើម្បីផលវិជ្ជមាន” ដែលជាកិច្ចសហការ និងទទួលបានការគាំទ្រថវិកាដោយសហគ្រិនខ្មែរ (KE) ទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC) និងទីភ្នាក់ងារសហប្រតិបត្តិការអន្តរជាតិកូរ៉េ (KOICA)។ គំនិតផ្តួចផ្តើមនេះ គឺជាសកម្មភាពសំខាន់មួយ ដែលបានសហការអនុវត្តដោយសហគ្រិនខ្មែរ (KE) និងអង្គការស្វីសខន់ថាក់ (SC)។ ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្ដិនៃសហគ្រិនខ្មែរ បានមានប្រសាសន៍ថា “សហគ្រិនខ្មែរបានកសាង និងជំរុញប្រព័ន្ធអេកូឡូស៊ីសហគ្រិនភាពឱ្យកាន់តែរឹងមាំ និងស្វែងរកសក្តានុពលដែលមិនទាន់ប្រើប្រាស់អស់ពីលទ្ធភាព ដើម្បីបង្កើតជាឱកាសនិងបង្កើនសក្តានុពល សម្រាប់ជួយដល់ សហគ្រាសធុនតូច និងមធ្យម ធុរកិច្ចបង្កើតថ្មី យុវជន គំនិតច្នៃប្រឌិត និងក្តីសង្ឃឹមរបស់ពួកគេ។ សហគ្រិនខ្មែរដើរតួជាកាតាលីករជំរុញកិច្ចសហការជាមួយដៃគូពាក់ព័ន្ធ ដើម្បីជួយពន្លឿនដល់ដំណើរការនៃការ ប្រែក្លាយគំនិតទាំងនោះឲ្យក្លាយទៅជាសកម្មភាពដែលអាចធ្វើបានប្រកបដោយប្រសិទ្ធិភាព ដែលទាក់ទាញវិនិយោគិនក្នុងតំបន់បន្ថែម ឲ្យចាប់យកឱកាសវិនិយោគនៅក្នុងប្រទេសកម្ពុជា”។ ឯកឧត្តមបណ្ឌិតបន្ថែមថា កម្មវិធីសនិ្នសីទ CAMESCO24 មានគោលបំណងបន្តពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា តាមរយៈ ការរំលេចអំពីសកម្មភាពដែលបានបំពេញមួយឆ្នាំ…

បន្ទាយមានជ័យ៖គោលនយោបាយរបស់រាជរដ្ឋាភិបាលកម្ពុជា ឈរលើ​ការថែ​រក្សាសន្តិភាពជាចំបងបំផុតក្នុងការអភិវឌ្ឍប្រទេសជាតិ ព្រោះថា បើសង្គមជាតិ ពោរពេញដោយសង្គ្រាមនោះកុំថាឡើយការកសាងអ្វីៗ សូម្បីសេចក្ដីសុខរបស់ប្រជាពលរដ្ឋក៏គ្មានដែរ។នេះជាការ បញ្ជាក់របស់ ឯកឧត្តម កែគឹមយ៉ាន តំណាងរាស្ត្រមណ្ឌលខេត្តបន្ទាយមានជ័យ និងជាឧត្តមទីប្រឹក្សាផ្ទាល់ព្រះមហាក្សត្រ​នៃព្រះ រាជាណាចក្រ​កម្ពុជាក្នុងឱកាសជួបសំណេះសំណាលជាមួយថ្នាក់ដឹកនាំមន្ត្រីរាជការ លោកគ្រូអ្នក សិស្សានុ​សិស្ស ប្រជាពលរដ្ឋ និងសមាគមចិន នៅស្រុក​មង្គលបូរីខេត្តបន្ទាយមានជ័យកាល​ពីពេលថ្មីៗនេះ។ ក្នុងឱកាសអញ្ជើញចូលរួមសម្ពោធអគារសិក្សាមួយខ្នងនៅ​សាលា​រៀនចិនចុងវ៉ា ស្រុកមង្គលបូរីឯកឧត្តម កែ គឹមយ៉ាន តំណាង​រាស្ត្រមណ្ឌលខេត្តបន្ទាយមានជ័យ បានបញ្ជាក់ថា នយោបាយ ឈ្នះ ឈ្នះ និងការបង្រួបបង្រួមជាតិ របស់សម្ដេចតេជោ ហ៊ុន សែន ក៏ដូចជា​ប្រមុខថ្នាក់រាជរដ្ឋាភិបាលកម្ពុជាបន្តដោយសម្ដេចធិបតី ហ៊ុន ម៉ាណែត រក្សា​ជំហររឹងមាំគឺនាំមកនូវសុខសន្តិភាពពេញ​បរិបូរណ៍ ហើយផ្ដោត​សំខាន់ក្នុងការថែរក្សាសន្តិភាព។ ដូច្នេះយើងទាំងអស់គ្នាចូលរួមថែរក្សា​ការពារសុខសន្តិភាពជានិច្ចនិររ៍ន្ត ដ្បិតសន្តិភាពជាមូលដ្ឋាគ្រឹះនៃសេចក្ដី​សុខក្សេមក្សាន្តរបស់ប្រជាពលរដ្ឋក៏ដូចជាប្រទេសនិងការអភិវឌ្ឍជាតិ។ ដោយមានវត្តមានលោក ចាវ ហៃយាន អគ្គទីប្រឹក្សានៃស្ថានទូត​ចិន​ប្រចាំកម្ពុជាក្នុងឱកាសនេះដែរឯកឧត្តមក៏បានថ្លែង​អំណរគុណ​ចំពោះសមាគម សប្បុរសជនជាតិចិន និងសប្បុរសជនក្នុងប្រទេស​ដែលបាន​ជួយកសាងនូវសមិទ្ធ​ផលមួយចំនួនលើវិស័យ​អប់រំសិក្សា​នៅ​សាលារៀន ចុងវ៉ា ស្រុកមង្គលបូរី ខេត្តបន្ទាយមានជ័យ ។ឯកឧត្តមបញ្ជាក់ថា នេះបង្ហាញឱ្យឃើញចំណងមិត្តភាព រវាងប្រទេស​ទាំងពីរ។ឯកឧត្តមបានលើកទឹកចិត្តនិងអំពាវនាវដល់សមាគម និងសប្បុរសជនជាតិចិន បន្តទៀតលើផ្នែកអប់រំ ការបណ្ដុះ​បណ្ដាល​ធនធានមនុស្ស៕ដោយ៖ គៀន ច័ន្ទហ៊ីន

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិ​ការសឹករងកំពង់ធំ បានប្រជុំផ្សព្វផ្សាយសភាពការណ៍ថ្មីៗ ដែល​កើតមានឡើង និងពង្រឹងតួនាទីភារកិច្ចរបស់កងយោធពលខេមរភូមិន្ទ ជូនដល់កងកម្លាំងនៅទីបញ្ជាការតំបន់ប្រតិបត្តិការសឹករង យោធ​ភូមិភាគទី៤កាលពីព្រឹកថ្ងៃទី២៥ ខែវិច្ឆិកា ឆ្នាំ២០២៤ ។ ក្នុងឱកាសនេះឯកឧត្តមមេបញ្ជាការតំបន់ប្រតិបត្តិការសឹករងកំពង់ធំ បានរំលឹកដល់កងកម្លាំង គឺត្រូវតែស្មោះត្រង់ដាច់​ខាតចំពោះ​ជាតិ សាសនា និងព្រះមហាក្សត្រ ។ត្រូវគោរពបទបញ្ជាយ៉ាងម៉ឺងម៉ាត់ តាមឋានានុក្រមនៃកងយោធពលខេមរភូមិន្ទ ។ ត្រូវប្តេជ្ញាចិត្ត​ថែរក្សា​និងការពារឲ្យបានដាច់ខាត មិនឱ្យមានបដិវត្តន៍ពណ៌កើតឡើងនៅ​លើទឹកដីកម្ពុជា ទោះបីជាត្រូវលះបង់ក្នុងតម្លៃណាក៏ដោយ ។ ត្រៀម​កងកម្លាំង គ្រឿងបំពាក់គ្រប់គ្រាន់ និងមធ្យោបាយគ្រប់គ្រាន់សម្រាប់​ចល័តអន្តរាគមន៍ទាន់ពេលវេលា តាមបទបញ្ជា។ ត្រូវបន្តចូលរួមយ៉ាង​សកម្មក្នុងការប្រើប្រាស់កម្លាំងសរុប ការពារទប់ស្កាត់ និងបង្ក្រាប​បទល្មើសធនធានធម្មជាតិនៅក្នុងភូមិ​សាស្ត្រ​ខេត្តកំពង់ធំឱ្យមាន​ប្រសិទ្ធភាពនិង អប់រំពង្រឹងវិន័យ របស់កងទ័ព ស្របតាមច្បាប់លក្ខន្តិកៈ និងបទវិន័យទូទៅរបស់នៃ​កងយោធ​ពលខេមរភូមិន្ទ និងទី៥ បន្តចូលរួមសហប្រតិបត្តិការ ក្នុងការអនុវត្តគោលនយោបាយភូមិ.ឃុំ មានសុវត្ថិភាព រួមចំណែក​ការពារសុខសន្តិភាព និងសណ្ដាប់ធ្នាប់​សង្គមនៅទូទាំងខេត្តកំពង់ធំឱ្យបានល្អប្រសើរ៕ដោយ៖ ប៊ុន រដ្ឋា

បន្ទាយមានជ័យ៖រដ្ឋបាលខេត្តបន្ទាយមានជ័យបានពន្លឿនដល់​ក្រុម​ការងារទាក់ទងនឹងអនាម័យសាធារណៈ​ ជាពិសេសបញ្ចប់​ការបន្ទោ​បង់ ពាស វាលពាសកាលត្រឹមត្រីមាសទី១ ឆ្នាំ២០២៥ខាងមុខ ។ ផែនការ​នេះត្រូវបានលើកយកមកពិភាក្សា​ក្នុងសិក្ខា​សាលា​មួយកាលពីចុង​សប្ដាហ៍កន្លងទៅសាលប្រជុំសាលាខេត្តបន្ទាយមានជ័យ ។ លោក ជា យុទ្ធសារុន ប្រធានមន្ទីរអភិវឌ្ឍន៍ជនបទខេត្តបន្ទាយ​មានជ័យ​បាន​បញ្ជាក់ជូនសិក្ខាសាលាដែលមាន​សមាស​ភាព​ចម្រុះ​ពាក់ព័ន្ធចូលរួមអំពីផលវិបាកនៃបន្ទោបង់ពាសវាលពាសកាល ដែលប៉ះពាល់បរិស្ថានរស់នៅប្រចាំថ្ងៃតែបង្កនូវជំងឺ​ឆ្លងនានា។​លោកបន្តថាបច្ចុប្បន្ននៅទូទាំងខេត្តបន្ទាយមានជ័យ មានផ្ទះចំនួន១២ ៦២០ខ្នងផ្ទះទៀតដែលមិនទាន់មានបង្គន់ប្រើប្រាស់​ល់ខ្លួន។ ក្នុងនោះ​ខ្នងផ្ទះចំណាកស្រុក និងប្រើប្រាស់បង្គន់រួមមាន ៧ ៨៤០ខ្នងផ្ទះ និងផ្ទះនៅបន្ទោបង់ពាសវាលពាសកាល ចំនួន៤ ៧៨០​ងផ្ទះ។ ពោលភូមិដែលមានអត្រាគ្របដណ្តប់ ទាបមិនទាន់ឆ្លើយតបនឹងការ​វាយតម្លៃបទដ្ឋានបច្ចេក​ទេសពី​ក្រសួងអភិវឌ្ឍន៍ជន​បទមាន ចំនួន​១១១ភូមិ ។ លោកបន្តថា ការងារពន្លឿនបញ្ចប់ការបន្ទោបង់ពាសវាលពាសកាល បានទទួលគាំទ្រដោយធនាគារអភិវឌ្ឍន៍អាស៊ី និងកិច្ច​សហការ​ទ្រជាមួយអង្គការទស្សនៈពិភពលោកអន្តរជាតិប្រចាំតំបន់ ។ឯកឧត្ដម អ៊ុំ រាត្រី អភិបាលខេត្តបន្ទាយមានជ័យក្នុងនាមរដ្ឋបាល​ខេត្តគាំទ្រ ចំពោះស្មារតីយកចិត្តទុកដាក់ទទួលខុសត្រូវ និងកិច្ច​សហ​ប្រតិបត្តិការរបស់មន្ទីរអភិវឌ្ឍន៍ជនបទខេត្តជាមួយបណ្តាមន្ទីរពាក់ព័ន្ធ – ស្ថាប័ននានាជុំវិញខេត្ត អង្គការ ដៃគូ ក្រៅរដ្ឋាភិបាលជាតិ-អន្តរជាតិក្នុង ក្នុងការជំរុញការផ្លាស់ប្តូរទម្លាប់ពីការបន្ទោរបង់ពាសវាលពាស ងាក​មកប្រើប្រាស់បង្គន់អនាម័យ។ឯកឧត្ដមបានជំរុញ​រដ្ឋបាលក្រុងស្រុក​ទាំងអស់ ត្រូវតែបន្តជំរុញឃុំ-សង្កាត់ បន្តសាងសង់បង្គន់អនាម័យបាន​ប្រើប្រាស់ គ្រប់គ្រួសារ​ដើម្បីឈានទៅ​សម្រេច​ជាខេត្តបញ្ចប់ការបន្ទោ​បង់ពាសវាលពាសកាល ក្នុងត្រីមាសទី១ ឆ្នាំ២០២៥ តាមផែនកា​រគ្រោង​ទុក។ដើម្បីសម្រេចបានតាមផែនការ ឯកឧត្តមអភិបាលខេត្តក៏បាន​ស្នើដល់​ក្រសួងអភិវឌ្ឍន៍ជនបទ ក៏ដូចជាអង្គការ ដៃគូរអភិវឌ្ឍន៍នានា សូមបន្តជួយគាំទ្រកម្មវិធីផ្គត់ផ្គង់ទឹកស្អាត និងសាងសង់បង្គន់​អនាម័យនៅ​តាម​សហគមន៍នេះឱ្យបានគ្រប់ ភូមិ…