តាកែវ៖ លោកឧត្តមសេនីយ៍ទោ ម៉ែន លី ស្នងការនគរបាល​ខេត្តតាកែវ ត្រៀមដាក់កម្លាំងនគរបាលជាងមួយពាក់នាក់ ដើម្បី ការពារ សន្តិសុខ សុវត្ថិភាព ជូនប្រជាពលរដ្ឋ ក្នុងថ្ងៃប្រារព្ធពិធី​អុំទូកនៅថ្ងៃទី១ និងទី២ ខែវិច្ឆិកា ឆ្នាំ២០២៤នេះនៅបឹងតាកែវ ស្ថិតក្នុងក្រុងដូនកែវ ខេត្តតាកែវ ។ លោកឧត្តមសេនីយ៍ទោ ម៉ែន លី ក្នុងឱកាសប្រជុំផ្សព្វផ្សាយ​ផែនការការពារសន្តិសុខសណ្តាប់ធ្នាប់និងសុវត្ថិភាពដដែល ក៏បានបញ្ជាក់ផងដែរអំពីការការពារ​ជូនសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជាអញ្ជើញសម្ពោធវិថីតេជោសន្តិភាព ឆ្នេរអង្កោលប្រវែង ១២.៦៤៥ម៉ែត្រនៅខេត្តកែបផងដែរ។ ឧត្តមសេនីយ៍ទោ ម៉ែន លី ទាក់ទងបុណ្យអុំទូកនៅខេត្តតាកែវ លោកបានណែនាំថា នៅគ្រប់គោលដៅឈរជើងប្រចាំការ ការពារទាំងអស់ត្រូវតែបង្កើនការយកចិត្តទុកដាក់ខ្ពស់ដើម្បីបង្ការទប់ស្កាត់កុំឱ្យមានបាតុភាពអាក្រក់កើតឡើងលើប្រជាពលរដ្ឋក៏ដូចជាភ្ញៀវទេសចរជាតិ អន្តរជាតិដែលមកទស្សនា​កម្សាន្ត​ក្នុងឱកាសនេះផងដែរ។ សូមបញ្ជាក់ថា កិច្ចប្រជុំមានការចូលរួមពីលោក លោកស្រី ឧត្តមសេនីយ៍ វរសេនីយ៍ ស្នងការរងលោកនាយការិយា ល័យ​ជំនាញទាំង៣២ លោកមេបញ្ជាការវរសេនាតូចនគរបាលការ​ពារព្រំដែនគោកលេខ៦០៣ លោកអធិការនគរបាលក្រុង ស្រុកទាំង១០ និងលោកនាយប៉ុស្តិ៍នគរបាលរដ្ឋបាលឃុំ សង្កាត់ ទាំង១០០ប៉ុស្តិ៍៕ដោយ៖ តាកែវ

កំពង់ឆ្នាំង៖លទ្ធផលប្រឡងសញ្ញាបត្រមធ្យមសិក្សាទុតិយភូមិ​ផ្លូវការនៅខេត្តកំពង់ឆ្នាំងបានបង្ហាញថ្ងៃទី៣១ ខែតុលា ឆ្នាំ​២០២៤នេះ។អ្វីជាការកត់សម្គាល់អត្រាប្រឡងជាប់មានចំនួន​កើនឡើងបើធៀបនឹងសម័យប្រឡងឆ្នាំ២០២៣។ ពិសេស​សិស្សទទួលចំណាត់ថ្នាក់និទ្ទេសអេ ( A)បានកើនឡើង​ខ្លាំង​រហូតដល់ទៅជាង១០០ភាគរយ។ លោក សឹម ប្រឹម ប្រធានមន្ទីរអប់រំ យុវជន និងកីឡាខេត្ត​កំពង់​ឆ្នាំង​បានឱ្យដឹងនៅរសៀលថ្ងៃទី៣១ ខែតុលាថា​ឆ្នាំនេះបេក្ខជន ប្រឡង​សញ្ញាបត្រមធ្យមសិក្សាទុតិយភូមិទទួលចំណាត់ថ្នាក់និទ្ទេស A រហូតដល់ទៅ ៤៨ នាក់ បើប្រៀបធៀបឆ្នាំ២០២៣ បេក្ខជនប្រឡង​ជាប់និទ្ទេសAមានចំនួន ២២ នាក់ប៉ុណ្ណោះ។គឺបានកើនឡើង​ចំនួន​២៦ នាក់។ លោកប្រធានមន្ទីរបន្តថា បេក្ខជនដែលបានប្រឡងជាប់និទ្ទេស A និងនិទ្ទេសផ្សេងទៀតមានចំនួនកើនឡើងបែបនេះដោយសារ​តែកត្តាសិស្ស បានប្រឹងប្រែងរៀនសូត្រផងនិងដោយមានការ​យកចិត្តទុកដាក់បង្ហាត់បង្រៀនពី លោកគ្រូ អ្នកគ្រូ នៅតាម វិទ្យាល័យក៏ដូចជាក្រសួងបានពង្រឹងសមត្ថភាពដល់លោកគ្រូអ្នកគ្រូផងដែរ។ សម្រាប់ខេត្តកំពង់ឆ្នាំងសម័យប្រឡងថ្ងៃ៨ តុលា សិស្ស​ប្រឡង​ជាប់ពីនិទ្ទេស A រហូតដល់និទ្ទេសE មានចំនួន ៣.២៦៤នាក់​ស្មើនឹង ៧២,៦៦ភាគរយបើប្រៀបធៀបឆ្នាំ២០២៣សិស្ស​ប្រឡងជាប់ស្មើនឹង៦៧,២២ ។ សូមបញ្ជាក់ថា បេក្ខជនប្រឡងឆ្នាំ២០២៤នេះមានចំនួន៤.៤៩២​នាក់ប្រឡងជាប់៣.២៦៤នាក់។ ក្នុងនោះ និទ្ទេស ចំនួន A​ចំនួន​៤៨នាក់,និទ្ទេសB ចំនួន២៣៨នាក់ ,និទ្ទេសC ចំនួន ៦៥៥នាក់ ,និទ្ទេស Dចំនួន ១.០៦៨នាក់ និង និទ្ទេស…

ស្ទឹងត្រែង៖រដ្ឋបាលខេត្តស្ទឹងត្រែងបានប្រារព្ធវេទិកាស្តីពី​ការអនុវត្ត​កំណែទម្រង់វិមជ្ឈការ និងវិសហមជ្ឈការដើម្បីសម្រេចបាន នូ​វចក្ខុវិស័យកម្ពុជាឆ្នាំ២០៥០កម្ពុជាក្លាយជាប្រទេសមានចំណូលខ្ពស់ រយៈពេលពីរចាប់ថ្ងៃទី៣១ ខែតុលា​ដល់ថ្ងៃទី១ ខែវិច្ឆិកា ឆ្នាំ២០២៤ ក្រោមអធិបតីភាព ឯកឧត្តម ឈាង ឡាក់ ប្រធាន​ក្រុមប្រឹក្សាខេត្ត ឯកឧត្តម សរ សុពុត្រា អភិបាលខេត្តស្ទឹងត្រែង។ វេទិកានេះដែរអញ្ជើញចូលរួមដោយសមាជិកក្រុមប្រឹក្សាខេត្ត គណៈអភិបាលខេត្តមន្រ្តីរាជការគ្រប់លំដាប់ថ្នាក់ចំណុះ រដ្ឋបាលខេត្ត ប្រធានមន្ទីរអង្គភាពជុំវិញខេត្ត ប្រធានក្រុមប្រឹក្សា អភិបាលក្រុងស្រុកទាំង៦ មេឃុំ ចៅសង្កាត់ស្មៀនឃុំសង្កាត់ ទាំង៣៤ កម្លាំងសមត្ថកិច្ចពាក់ព័ន្ធ តំណាងដៃគូអភិវឌ្ឍន៍ អង្គការសង្គមស៊ីវិល តំណាងសមាគមក្រុមប្រឹក្សាថ្នាក់មូលដ្ឋាន និងតំណាងគ្រឹះស្ថានឧត្តម សិក្សាឯកជន សាលារៀនឯកជន ព្រមទាំងអ្នកពាក់ព័ន្ធមួយចំនួន៣២២នាក់ ។ ឯកឧត្តមអភិបាលខេត្តស្ទឹងត្រែងបានបញ្ជាក់ថា វេទិការវាងរាជរដ្ឋា​ភិបាលជាមួយរដ្ឋបាលថ្នាក់ក្រោមជាតិ ថ្នាក់ខេត្ត គឺផ្តោតលើ​ខ្លឹម​សារសំខាន់ៗដើម្បីដោះស្រាយនូវស្ថានភាព និងបញ្ហា​ប្រឈមនានាពាក់ព័ន្ធទៅនឹងការអនុវត្តគោលនយោបាយ កំណែទម្រង់វិមជ្ឈការ និងសហមជ្ឈការនាពេលកន្លងមក ។ការធ្វើកំណែទម្រង់នេះបានផ្តោតទៅលើការរៀបចំឡើងវិញនូវរចនាសម្ព័ន្ធនិងប្រព័ន្ធគ្រប់គ្រងរដ្ឋបាលសាធារណៈនៅថ្នាក់ក្រោមជាតិដោយឈរលើគោលការណ៍គន្លឹះនានានៃអភិបាលកិច្ចល្អ គឺភាពជាតំណាងការចូលរួម ការឆ្លើយតប ប្រសិទ្ធភាព តម្លាភាព គណនេយ្យភាព នីតិរដ្ឋ បរិយាបន្ន និងសមធម៌សង្គម ៕ដោយ៖ដេង ម៉ាវិន

បាត់ដំបង៖ក្រុងបាត់ដំបង ខេត្តបាត់ដំបងត្រូវបានប្រកាសទទួល​ស្គាល់ និងទទួលបានពានជ័យលាភី “ជាទីក្រុងទេសចរណ៍ គ្មាន​ផ្សែងបារី”។នេះជាសមិទ្ធផលថ្មីបន្ថែមទៀត បន្ទាប់ពី​រដ្ឋបាលខេត្ត​ជង្រុកស្រូវ និងទេសចរណ៍វប្បធម៌ អេកូទេសចរណ៍មួយនេះ​ទទួល​ជោគជ័យក្នុងការប្រារព្ធពិធីបុណ្យអុំទូកនិងបណ្ដែតប្រទីបដ៏ធំមិនធ្លាប់មានកាលពីពេលថ្មីៗនេះដែរ។ ពិធីប្រកាសទទួលស្គាល់ និងទទួលបានពានជ័យលាភី “ជាទីក្រុង​ទេសចរណ៍ គ្មានផ្សែងបារី”បាន ប្រព្រឹត្តទៅនៅសាលប្រជុំ​សាលា​ខេត្តបាត់ដំបងក្នុងសប្ដាហ៍នេះក្រោមអធិបតីភាព ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ ឯកឧត្តម សុខ លូ អភិបាល​ខេត្តបាត់ដំបង លោកស្រីបណ្ឌិត អេដា ម៉ូដស៊ីរី( Ada Moad siri)តំណាងអង្គការសុខភាពពិភពលោកនៅកម្ពុជា(WHO)​ព្រមទាំងមន្រ្តីជាន់ខ្ពស់នៃក្រសួងទេសចរណ៍ ថ្នាក់ដឹកនាំនៃមន្ទីរ អង្គភាពជុំវិញខេត្ត អាជ្ញាធរក្រុង ស្រុក សង្កាត់ ម្ចាស់អាជីវកម្ម​ទេសចរណ៍ក្នុងខេត្ត យុវជន និងសិស្សានុសិស្សយ៉ាងច្រើនកុះករ ។ ទទួលបានសេចក្តីប្រកាសនិងពាន ឯកឧត្តម សុខ លូ អភិបាល​ខេត្តបាត់ដំបង បានចាត់ទុកពានរង្វាន់ជ័យលាភីនេះនឹងកាន់ តែជួយនិងផ្តល់ឱកាសឱ្យខេត្តបាត់ដំបង។ជាពិសេសក្រុងបាត់​ដំបងកាន់តែមានមោទកៈលេចធ្លោនិងកាន់តែផ្តល់នូវភាព ទាក់​ទាញ​ភ្ញៀវទេសចរជាតិ អន្តរជាតិ ឱ្យ​កម្សាន្តខេត្តបាត់​ដំបងកាន់​តែច្រើនឡើង។ បន្ថែមទៅលើអ្វីដែលឯកឧត្តមអភិបាលខេត្តបាត់ដំបងបានលើកឡើង ឯកឧត្តម ហួត ហាក់ បានគូសរំលេចថា សមិទ្ធផល ដែល​ក្រុង​បាត់ដំបងសម្រេចបាននៅថ្ងៃនេះ វាមិនត្រឹមតែ​ជាការជំរុញ​ឱ្យមានការអនុវត្តច្បាប់ស្តីពី “ការត្រួតពិនិត្យផលិត…

(សិង្ហបុរី)៖ ឯកឧត្តមរដ្ឋមន្រ្តី ហេង សួរ បានបង្ហាញពីពីវឌ្ឍនភាពនៃគោលការណ៍​ណែនាំអាស៊ាន ស្តីពីចល័តភាពនៃអត្ថប្រយោជន៍របបសន្តិសុខសង្គម​សម្រាប់ទេស​ន្តរ​ប្រវេសករ ក្នុងតំបន់អាស៊ាន ដែលត្រូវបាន​ប្រមុខដឹកនាំអាស៊ានកត់សម្គាល់នៅ​ក្នុងកិច្ចប្រជុំកំពូលអាស៊ានលើកទី៤៤ និង៤៥ និងកិច្ចប្រជុំកំពូលពាក់ព័ន្ធ នៅប្រទេសឡាវ។ ឯកឧត្តមរដ្ឋមន្រ្តី ក៏បានបង្ហាញពីការប្តេជ្ញាចិត្តរបស់កម្ពុជា ក្នុងការសហការជាមួយ​រដ្ឋជាសមាជិកអាស៊ានទាំងអស់ ដើម្បីផ្តល់ជូនពលករទេសន្តរប្រវេសន៍នៃបណ្ដា​ប្រទេសអាស៊ាន នូវលទ្ធភាពទទួលបានអត្ថប្រយោជន៍នៃរបបសន្តិសុខសង្គម ដោយ​មិនគិតពីការបម្លាស់ទីនៅក្នុងតំបន់ ដែលស្របនឹងមូលបទរបស់ប្រទេស​សិង្ហបុរី​ឆ្នាំនេះ គឺ “ការពង្រឹងភាពធន់ និងការលើកកម្ពស់នវានុវត្តន៍”។ គំនិតផ្ដួច​ផ្ដើមនេះ មិនត្រឹមតែជួយពង្រឹងសាមគ្គីភាព និងបរិយាប័នរបស់អាស៊ានប៉ុណ្ណោះទេ ប៉ុន្តែថែម​ទាំងបញ្ជាក់ពីភាពជាអ្នកដឹកនាំរបស់អាស៊ាននៅលើឆាកអន្ដរជាតិ ពិសេសក្នុងការ​លើក​កម្ពស់ស្តង់ដាការងារប្រកបដោយសុខុមាលភាពនៅក្នុងតំបន់ផងដែរ។ ប្រសាសន៍លើកឡើងរបស់ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះ​បណ្តាល​វិជ្ជាជីវៈ បានដឹកនាំប្រតិភូកម្ពុជាចូលរួមកិច្ចប្រជុំរដ្ឋមន្រ្តីការងារ​អាស៊ាន​លើកទី២៨ (28th ASEAN Labour Ministers’ Meeting – ALMM) និងកិច្ច​ប្រជុំពាក់ព័ន្ធ ក្រោមមូលបទ “ការពង្រឹងភាពធន់ និងការលើក​កម្ពស់នវានុវត្តន៍” នាថ្ងៃទី៣០-៣១ ខែតុលា ឆ្នាំ២០២៤ នៅក្នុងប្រទេសសិង្ហបុរី ដែលដឹកនាំ​ដោយរដ្ឋម​ន្រ្តីក្រសួង​ហត្ថពល​កម្ម​សិង្ហបុរី និងមានការចូលរួមពីរដ្ឋមន្ត្រី/ប្រធាន​ប្រតិភូក្រសួងការងារ​នៃរដ្ឋជាសមាជិកអាស៊ាន, រដ្ឋមន្រ្ដីការងារទីម័រឡេស្ដេ ក្នុងឋានៈជាអ្នកសង្កេតការណ៍ និងឯកឧត្តមអគ្គលេខាធិការអាស៊ាន។ នៅក្នុងកិច្ចប្រជុំដ៏សំខាន់នេះដែរ រដ្ឋមន្រ្តី​/តំណាងប្រតិភូការងារមកពីបណ្ដាប្រទេស​ជាសមាជិក​អាស៊ាន…