កែប៖មន្ទីរសង្គមកិច្ច អតីតយុវជន និងយុវនីតិសម្បទាខេត្តកែប​បាន​រៀប​ចំពិធីប្រកាសសមាសភាពសាខា​មូលនិធិជាតិ​ជំនួយ​សង្គមខេត្ត​កែបក្រោមការអញ្ជើញចូលរួមដោយផ្ទាល់ពីឯកឧត្តម ជា សុមេធី រដ្ឋមន្ត្រី​ក្រសួងសង្គមកិច្ច អតីតយុទ្ធជន និងយុវនីតិ​សម្បទា   ឯកឧត្តម​បណ្ឌិត សោម ពិសិដ្ឋ អភិបាលខេត្តកែប ។ ក្នុងពិធីដែលផ្សាភ្ជាប់ជាមួយការជួបសំណេះសំណាលផងកាលពីរសៀលថ្ងៃទី២២ ខែតុលា ឆ្នាំ២០២៤ ឯកឧត្តម ជា សុមេធី បានកោត​សរសើរ និងវាយតម្លៃខ្ពស់ចំពោះសមិទ្ធផលនានាដែលខេត្តកែប​សម្រេចបាននាពេលកន្លងមក ។សមិទ្ធិទាំងនេះ​ធ្វើឱ្យ​ខេត្តកែប​ប្រែប្រួលមុខមាត់ថ្មី។ ឯកឧត្តមរដ្ឋមន្ត្រីក៏បានចូលរួមអបអរសាទរជាមួយ លោក លោកស្រី ដែលទើបទទួលបានការតែងតាំងថ្មីជាប្រធាន អនុប្រធាន និងថ្នាក់ដឹក​នាំ​នៃសាខាមូលនិធិជាតិជំនួយសង្គមខេត្តកែប ។សាខាមូលនិធិ​ជាតិមួយនេះ ជាសេនាធិការឱ្យក្រសួង និង មូលនិធិ​ជាតិជំនួយសង្គម ក្នុងការផ្តល់សេវាជូនប្រជាពលរដ្ឋនៅក្នុងខេត្តកែបប្រកបដោយប្រសិទ្ធភាព។ ឯកឧត្តមរដ្ឋមន្ត្រី ជា សុមេធី បានរំលឹកថា ការផ្ដល់សេវាជូនប្រជាពល​រដ្ឋទាមទារ ឱ្យមានក្រមសីលធម៌ល្អ ,ប្រើពាក្យពេចន៍​សមរម្យ​ និងធ្វើការផ្សព្វផ្សាយឱ្យបានទូលំទូលាយពាក់ព័ន្ធការផ្ដល់បណ្ណសមធម៌ ក៏ដូចជាកម្មវិធីជំនួយសង្គមនានា ដែលផ្ដល់ដោយរាជ​រដ្ឋាភិបាល។ ឆ្លៀតក្នុងឱកាសនេះដែរឯកឧត្តមរដ្ឋមន្ត្រីបានអញ្ជើញសួរសុខទុក្ខនិងជូនអំណោយដល់មណ្ឌលកុមារកំព្រារមានដូចជាអង្ករមួយតោន, មី៤០កេះ, ប្រេងឆា ៤០ដប, ត្រីខ៣កេស, មុង៤០, ភួយ៤០, ប៊ីចេង៤០កញ្ចប់, ចានដែកបោកខោអាវ១៥ និងថវិកាមួយលានរៀល៕ដោយ៖ សិលា…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម អនុធីន ឆានវីរ៉ៈគូន ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃថៃ និងគណៈប្រតិភូ ចូលជួបសម្ដែងការគួរសម និងពិភាក្សាការងារនៅវិមានសន្ដិភាព នាព្រឹកថ្ងៃទី២៣ ខែតុលា ឆ្នាំ២០២៤ ។ ក្នុងឱកាសនៃជំនួប ឯកឧត្តមឧបនាយករដ្ឋមន្ត្រីបានគូសបញ្ជាក់ថា កម្ពុជា-ថៃ មានទំនាក់ទំនងជាប្រពៃណី និងយូរអង្វែង ជាអ្នកជិតខាងល្អ និងជាប្រទេសមានវប្បធម៌ប្រហាក់ប្រហែលគ្នា។ ការណ៍នេះគឺជាមោទនភាពសម្រាប់ប្រទេសទាំងពីរ ក្នុងការជំរុញកិច្ចសហប្រតិបត្តិការ កាន់តែច្រើន សម្រាប់ប្រជាជន និងប្រទេសទាំងពីរ។ ឯកឧត្តមបានប្ដេជ្ញាចិត្តជំរុញកិច្ចសហប្រតិបត្តិការថៃ-កម្ពុជា ឱ្យកាន់តែល្អប្រសើរថែមទៀត។ ជាការឆ្លើយតប សម្ដេចបវរធិបតី បានបង្ហាញនូវក្ដីរីករាយចំពោះវឌ្ឍនភាព និងភាពរឹងមាំនៃទំនាក់ទំនងកម្ពុជា-ថៃ និងលទ្ធផលប្រកបដោយផ្លែផ្កានៃជំនួបទ្វេភាគីកន្លងមក នៅគ្រប់កម្រិត ទាំងក្របខ័ណ្ឌ រាជរដ្ឋាភិបាល និងខេត្តជាប់ព្រំដែន។ សម្ដេចបវរធិបតីបានថ្លែងអំណរគុណចំពោះរដ្ឋាភិបាលថៃដែលបានកាត់បន្ថយតម្លៃទិដ្ឋាការការងារ និងតម្លៃបន្តសុពលភាពទិដ្ឋាការការងារ ព្រមទាំងលើកលែងតម្លៃនៃការអនុញ្ញាតចូលប្រទេសថៃឡើងវិញ សម្រាប់ពលករកម្ពុជា ក្នុងឱកាសពិធីបុណ្យចូលឆ្នាំខ្មែរ នាពេលកន្លងមក។ សម្ដេចបវរធិបតីបានលើកឡើងពីការអនុញ្ញាតឱ្យប្រជាពលរដ្ឋថៃដែលរស់នៅតាមបណ្ដាខេត្តជាប់ព្រំដែនកម្ពុជា អាចធ្វើដំណើរចូលមកទស្សនាខេត្តសៀមរាបបាន តាមរយៈការប្រើប្រាស់ប័ណ្ណព្រំដែន។ សម្ដេចបវរធិបតី និងឯកឧត្តមឧបនាយករដ្ឋមន្ត្រី បានពិភាក្សាគ្នាអំពីកិច្ចសហប្រតិបត្តិការលើវិស័យសំខាន់ៗ រួមមានជាអាទិ៍៖…

កំពង់ចាម៖ឯកឧត្តម អ៊ុន ចាន់ដា អភិបាលខេត្តកំពង់ចាម និងជា​ប្រធាន ក្រុមការងាររាជរដ្ឋាភិបាល​ចុះមូលដ្ឋានក្រុងកំពង់ចាម កាល​ពីព្រឹកថ្ងៃទី២៣ ខែតុលា ឆ្នាំ២០២៤នេះ បានអញ្ជើញចូលរួមក្នុងវេទិកា​សាធារណៈជាមួយ​ប្រជាពលរដ្ឋរស់នៅសង្កាត់បឹងកុក​ ក្រុង​កំពង់ចាម ។ ពិធីដែលបានប្រព្រឹត្តទៅក្នុងបរិវេណវត្តជោតរាមបឹងកុក​ ឯកឧត្តម អ៊ុន ចាន់ដា បានដឹកនាំការឆ្លើយតបចំពោះសំណើរ សំណូមពរ និងកង្វល់​ចំនួន៣០ករណី ដែលប្រជាពលរដ្ឋចូលរួមបានលើកឡើង ។ក្នុងនោះ​មាន ការសុំបណ្ណកម្មសិទ្ធិដីធ្លី សុំជួសជុលផ្លូវកៅស៊ូ សុំផ្លូវបេតុង សុំបើកផ្លូវឱ្យបានធំទូលាយ សុំដោះស្រាយបញ្ហាផ្លូវដក់ទឹក សុំស្លាក​សញ្ញាចរាចរណ៍ សុំបង្គោលភ្លើង និងអំពូល​សូឡាបំភ្លឺផ្លូវ សុំពង្រីក​ខ្លោងទ្វារវត្តបឹងកុក សាមណសិស្ស និស្សិតសុំបណ្ណសមធម៌ និងសុំជញ្ជីងថ្លឹងយុត្តិធម៌ដាក់នៅផ្សារបឹងកុក ។ល។ សំណើទាំងនេះ​ត្រូវបានដោះស្រាយនៅនឹងកន្លែងតែម្តង ។ ក្នុងពិធីនេះដែរឯកឧត្តម អ៊ុន ចាន់ដា បានគូសរំលេច រាជរដ្ឋាភិបាល​នីតិកាលទី៧ នៃរដ្ឋសភា ក្រោមការដឹកនាំដ៏ខ្ពង់ខ្ពស់ របស់​សម្តេច​មហាបវរធិបតី ហ៊ុន ម៉ាណែត ដែលបានដឹកនាំប្រទេសរយៈ​ពេលជាង​មួយឆ្នាំមកនេះ បានដាក់ចេញនូវយុទ្ធសាស្ត្រ​បញ្ចកោណ​ដំណាក់កាល​ទី១ និងនូវគោលនយោបាយអាទិភាព៩ចំណុច និងវិធានការគន្លឹះ​ទាំង៥ សំដៅឆ្ពោះទៅ ការដោះស្រាយ​បញ្ហាជូនប្រជា​ពលរដ្ឋ ក៏ដូចជា​ការលើកគុណភាពជីវភាពរស់នៅរបស់ ប្រជាពលរដ្ឋឱ្យកាន់​តែមាន​ភាពល្អប្រសើរឡើង​។ ឯកឧត្តមអភិបាលខេត្តបន្តថា…