​ភ្នំពេញ៖ក្នុងឱកាសអញ្ជើញបំពាក់កន្សែងយុវជនកាកបាទ ក្រហមកម្ពុជា មកពីគ្រឹះស្ថានឧត្តមសិក្សាជិត៥ពាន់នាក់ កាលពីព្រឹកថ្ងៃទី១៩ ខែតុលា ឆ្នាំ២០២៤សម្តេចមហាបវរ ធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ កម្ពុជា បានថ្លែងទៅកាន់យុវជន យុវនារីទាំងនោះថា យុវជន​ត្រូវមានគំនិតវិជ្ជមាន ​។ប្រសិនបើយើងចង់ប្រកួតប្រជែងជា មួយគេ កុំទៅរិះរកវិធី​វាយប្រហារគេ​ ឬរកចំណុចខ្សោយ​គេ ប៉ុន្តែត្រូវពង្រឹងសមត្ថភាពខ្លួនឯង និងពង្រឹងសាមគ្គីភាព ។ ពីលើវេទិកាដោយមានវត្តមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមផងនោះសម្ដេចធិបតី នាយករដ្ឋមន្រ្តីកម្ពុជាបានជំរុញ និងលើកទឹកចិត្តដល់យុវជន​កម្ពុជា ត្រូវតែប្រកាន់ភ្ជាប់នូវផ្នត់គំនិតវិជ្ជមាននោះទើបជាតិ យើងទទួលបានជោគជ័យ ។សម្តេចធិបតី ហ៊ុន ម៉ាណែត បានលើកជាសំណួរថា ហេតុអី​បានជាយើងត្រូវមានគំនិតវិជ្ជមាន? បន្តមកសម្ដេច​បានបក​ស្រាយប្រាប់ទៅអ្នកចូលរួមថា “ផ្នត់គំនិត គឺជាកត្តាកំណត់​ពីសកម្មភាព”។ ការគិត ឬការឆ្លើយតបបែបវិជ្ជមាន និង​អវិជ្ជមាន គឺខុសគ្នា និងទទួលបានផលខុសគ្នា ។ សម្តេចធិបតីបានលើកឧទាហរណ៍ពាក់ព័ន្ធនឹងរឿងវប្បធម៌ ។សម្ដេចថា ប្រសិនបើអ្នកមានផ្នត់គំនិតអវិជ្ជមាននឹង​មិនធ្វើអ្វី​នោះ ទេ ហើយចាំតែស្រែកយំ និងបន្ទោសគេថាចង់បាន​តែរបស់យើង ក៏ដូចជាបន្ទោសជាតិសាសន៍ខ្លួនឯង ថា​មិនចេះ​ថែរក្សា។​ដោយឡែកអ្នកដែលមានផ្នត់គំនិត​បែប​វិជ្ជមាន គេនឹងមិនយំស្រែក តែគេធ្វើសកម្មភាពផ្សេងៗរួមគ្នា​លើកតម្កើងវប្បធម៌ ធ្វើឱ្យរឹងមាំ…

ភ្នំពេញ៖យុវជនកាកបាទក្រហម ត្រូវបន្តការយកចិត្តទុកដាក់ សិក្សាមុខជំនាញ ឱ្យបានច្បាស់លាស់និងចូលរួមលើកកម្ពស់ វប្បធម៌ អរិយធម៌ ប្រពៃណីជាតិ ។នេះជាការអំពាវនាវរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះ រាជាណាចក្រកម្ពុជាក្នុងឱកាសដែលសម្តេចធិបតីអញ្ជើញចូលរួមជាអធិបតីភាពក្នុងពិធីបំពាក់កន្សែងយុវជនកាកបាទក្រហមកម្ពុជា មកពីគ្រឹះស្ថានឧត្តមសិក្សាចំនួន៤,៧៤២នាក់ កាលព្រឹកថ្ងៃទី១៩ ខែតុលា ឆ្នាំ២០២៤ ។ សម្តេចធិបតី ហ៊ុន ម៉ាណែត បានបញ្ជាក់ថា សូមបន្តការ យកចិត្តទុកដាក់ ក្នុងការសិក្សារៀនសូត្រមុខជំនាញឱ្យ បានច្បាស់ លាស់ ចូលរួមលើកកម្ពស់វប្បធម៌ អរិយធម៌ ប្រពៃណីជាតិ ពង្រីកចំណេះដឹងដោយសិក្សាបន្ថែមនូវ បច្ចេកវិទ្យា ព័ត៌មានឌីជីថល និងភាសាបរទេស ឱ្យស្រប តាមតម្រូវការងារទីផ្សារក្នុងប្រទេស និងសកលលោក ។ ដោយសំដៅទៅពាក្យស្លោក” វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើងថ្កាន” សម្តេចធិបតីនាយករដ្ឋ មន្រ្តីកម្ពុជា ក៏បានអំពាវនាវយុវជនកាកបាទក្រហម ត្រូវបន្ត រួមគ្នាក្នុងការបណ្តុះឧត្តមគតិ និងស្មារតីឯកភាពជាតិ ស្រឡាញ់វប្បធម៌សន្តិភាព មានមនសិកា និងឆន្ទៈ ក្នុងការ ការពារបុព្វហេតុដ៏ត្រឹមត្រូវ របស់រាជរដ្ឋាភិបាលស្របច្បាប់។…

ភ្នំពេញ ៖គណៈប្រតិភូគណបក្សកុម្មុយនីស្តចិន ដឹកនាំ​ដោយឯកឧត្តមឈី ឈីងសាន (Qi Qingshan)​សមាជិកគណៈកម្មាធិការមជ្ឈិមបក្សកុម្មុយនីស្តចិន និងជាប្រធានវិទ្យាស្ថានប្រវត្តិសាស្ត្រនិងអក្សរសាស្រ្តនៃគណៈកម្មាធិការមជ្ឈិមបក្សកុម្មុយនីស្តចិនបានធ្វើ បទ​ឧទ្ទេសនាម ស្តីពី “លទ្ធផលសន្និបាតគណៈកម្មាធិការ​មជ្ឈិមលើកទី៣អាណត្តិទី២០របស់បក្សកុម្មុយនីស្ត ចិន“​ដល់មន្រ្តី គណបក្សប្រជាជនកម្ពុជាកាលពីរសៀលថ្ងៃទី១៧ ខែតុលា ឆ្នាំ២០២៤ នៅវិមាន៧មករា ។ ឯកឧត្តម សួស យ៉ារ៉ា អនុប្រធានទី១នៃគណៈទាក់ទងការ​បរទេស​គណបក្សប្រជាជនកម្ពុជា មានប្រសាសន៍ថា វត្តមាន គណៈប្រតិភូមកធ្វើបទឧទ្ទេសនាមដល់មន្រ្តីនៃរបស់គណបក្សប្រជាជនកម្ពុជានាពេលនេះគឺបានបញ្ជាក់ពីការទុកចិត្តខ្ពស់ពីថ្នាក់ ដឹកនាំគណបក្សកុម្មុយនីសចិន ក្នុងការចំណែក​រំលែកព័ត៌មាន ទស្សនៈ និងបទពិសោធន៍ល្អៗស្របពេល​ដែល​ប្រទេសទាំង២ កំពុងប្រារព្ធឆ្នាំនៃការផ្លាស់ប្តូររវាង​ប្រជាជន​និងប្រជាជនឆ្នាំ២០២៤ ពិសេសកម្ពុជា-ចិន ក៏ដូចជាចិន និងអាស៊ានផងដែរ ។ ក្នុងឱកាសនោះ ឯកឧត្តម ឈី ឈីងសាន (Qi Qingshan) មានប្រសាសន៍ថាលទ្ធផលសំខាន់ៗនិងការប្រជុំពេញអង្គបានឆ្លុះបញ្ចាំងយ៉ាងពេញលេញនូវការប្តេជ្ញាចិត្តដ៏មុតមាំរបស់គណៈកម្មាធិការមជ្ឈិមបក្សកុម្មុយនីស្តចិន ដែលមានឯកឧត្តម​ស៊ី ជីនភីង( Xi Jinping) ជាអ្នកដឹកនាំស្នូលបានប្រកាន់​ខ្ជាប់នូវកំណែទម្រង់ និងបើកចំហរ ដែលមានសារៈសំខាន់​ធំចម្បងក្នុងការបន្តជំរុញកំណែទម្រង់ស៊ីជម្រៅគ្រប់ជ្រុងជ្រោយដើម្បីកសាងអនាគត យ៉ាងទូលំទូលាយ សម្រាប់ការធ្វើ​ទំនើបកម្មតាមបែបចិន សម្រេចបាននូវគោលដៅសតវត្សរ៍​ទីពីរនិងសម្រេចបាននូវ សុបិនចិននៃ ការស្តារឡើងវិញដ៏​អស្ចារ្យនៃប្រជាជាតិចិន ៕ដោយ៖ គ្រី សម្បត្តិ

ភ្នំពេញ៖ស្ថិតក្នុងគោលដៅរួមគ្នា កាលពីព្រឹកថ្ងៃសៅរ៍ទី១៩​ខែតុលា ឆ្នាំ២០២៤ អង្គការផ្កាយសមុទ្រ និងក្រុមហ៊ុន ខេមបូឌា បេវេរេដ ខមប៉ានី លីមីធីត កូកា-កូឡាកម្ពុជា​សហការជាមួយយុវជន និងប្រជាសហគមន៍ជាង​៤០០​នាក់បានធ្វើសកម្មភាព សម្អាតបរិស្ថាន នៅក្នុងសង្កាត់ ភ្លើងឆេះរទះ ខណ្ឌកំបូល រាជធានីភ្នំពេញ។ សកម្មភាពនេះជាការលើកទឹកចិត្តឱ្យយុវជន និងប្រជាពល​រដ្ឋមានស្មារតីស្រលាញ់បរិស្ថានដោយឈប់ចោលសំរាមនៅទីសាធារណៈ និងយល់ដឹងអំពីវិធីទុកដាក់សំរាមឱ្យបាន​ត្រឹមត្រូវ។ យុវតីអេម រចនា សិស្សមកពីអង្គការផ្កាយសមុទ្រ ដែលបាន​ចូលរួមក្នុងគម្រោងនេះបានបង្ហាញនូវកង្វល់របស់ខ្លួន ថា “សម្រាប់បរិស្ថានបច្ចុប្បន្នហ្នឹងខ្ញុំមានការព្រួយបារម្ភមែនទែនព្រោះឃើញយុវជនឬក៏ចាស់ៗភាគច្រើនគាត់បោះចោលថង់ប្លាស្ទិក នៅទីប្រជុំជនទីសាធារណៈ។ដូចជាពេលខ្លះ​ពួកគាត់ផឹកឬញ៉ាំអ្វីមួយហើយគឺគាត់បោះចោលនៅកន្លែងហ្នឹងតែម្តង។ ខ្ញុំពិតជាសប្បាយចិត្តមែនទែន ដែលបានមកចូល​រួមការសំអាតបរិស្ថានថ្ងៃនេះព្រោះសំរាមអាចប៉ះពាល់ដល់សុខភាព ក្មេងៗនិងមនុស្សចាស់ដែលអាចធ្វើឱ្យយើង​ផ្តាសាយ​ឬក៏មានជំងឺគ្រុនចាញ់បង្កដោយមូសខ្លា មូសដែកគោល​ផ្សេងៗ”។ ការចោលសំរាមពាសវាលពាសកាលនៅទីសាធារណៈ ផ្ដល់​ផលប៉ះពាល់ធ្ងន់ធ្ងរ ចំពោះប្រជាពលរដ្ឋក្នុងសហគមន៍​ជា​ពិសេស ចំពោះសុខភាពសាធារណៈ។ គំនរសំរាម គឺជា​កន្លែង​បង្កកំណើតនៃពពួកសត្វល្អិត ដែលជាប្រភព​ជំងឺផ្សេងៗ និង ធ្វើឱ្យកកស្ទះប្រព័ន្ធលូបង្ហូរទឹកក្នុងទីក្រុង​ទៀតផង។ អ្នកស្រី សឿន ចារ៉ា ប្រធានប្រតិបត្តិអង្គការផ្កាយសមុទ្រ បាននិយាយថា៖ “បរិស្ថានស្អាតគឺជាសសរស្តម្ភដ៏​សំខាន់សម្រាប់ ការអភិវឌ្ឍទូទៅនៃកុមារគ្រប់រូប។ ប្រសិនបើទីកន្លែងដែលពួកគេរស់នៅ និងលេងកំសាន្ត ហ៊ុំព័ទ្ធជុំវិញដោយសំរាម នោះកុមារប្រាកដជាត្រូវ​ទទួលរងនូវបញ្ហាសុខភាព ដែលនាំឱ្យប៉ះពាល់ដល់ការ​សិក្សារបស់ពួកគេ។ វាគឺជាការទទួលខុសត្រូវរួមគ្នារបស់​យើងទាំងអស់គ្នាក្នុងការលើកស្ទួយការអនុវត្តប្រកបដោយចីរភាពទាំងនៅក្នុងសាលារៀន និងសហគមន៍គោលដៅដែល​យើងផ្តល់សេវាគាំទ្រ ដើម្បីបង្កើតសហគមន៍ស្អាតនិងរីក​ចម្រើន​សម្រាប់កុមារគ្រប់រូប”។ លោក…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី​នៃព្រះរាជាណាចក្រកម្ពុជា អញ្ជើញចូលរួម​ពិធី​ចូលកាន់តំណែង របស់ថ្នាក់ដឹកនាំថ្មីនៃសាធារណរដ្ឋឥណ្ឌូ​ណេស៊ី នាថ្ងៃទី២០ ខែតុលា ឆ្នាំ២០២៤ ។ ឯកឧត្តម មាស សុភ័ណ្ឌ ប្រធានអ្នកនាំពាក្យនាយករដ្ឋមន្ត្រី បានឱ្យដឹងថា សម្តេចធិបតី ហ៊ុន ម៉ាណែតនាយករដ្ឋមន្ត្រី កម្ពុជា ដឹកនាំគណៈប្រតិភូជាន់ខ្ពស់អញ្ជើញចូលរួម​ពិធីចូល​កាន់តំណែង របស់ឯកឧត្តម Prabowo Subianto ជា​ប្រធានាធិបតីថ្មី និង ឯកឧត្តម Gibran Rakabuming Raka ជាអនុប្រធានាធិបតីថ្មី នៃសាធារណរដ្ឋឥណ្ឌូណេស៊ី ដែលនឹងប្រារព្ធឡើងនៅថ្ងៃទី២០ ខែតុលានៅរដ្ឋធានីហ្សា​ការតា តបតាមការអញ្ជើញរបស់ ឯកឧត្តម ចូកូ វីដូដូ (Joko Widodo) ។ អញ្ជើញចូលរួមអមដំណើរ សម្តេចធិបតីនាយករដ្ឋមន្ត្រី​រួមមាន ឯកឧត្តម ទៀ សីហា ឧបនាយករដ្ឋមន្ត្រីនិងជា​រដ្ឋមន្ត្រីការពារ ជាតិ ឯកឧត្តម សុខ ចិន្តាសោភា ឧបនា​យករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការ​អន្តរជាតិ ឯកឧត្តមបណ្ឌិត…