អាមេរិក៖ ខ្មាន់កាំភ្លើងអាយុ១៤ឆ្នាំម្នាក់ បានសម្លាប់មនុស្ស៤នាក់ មានសិស្ស២នាក់ គ្រូបង្រៀន២នាក់ ហើយ៩នាក់ផ្សេងទៀតរងរបួស អំឡុងការបាញ់ប្រហារ នៅសាលារៀនមួយកន្លែង ក្នុងរដ្ឋ របស់សហរដ្ឋអាមេរិក កាលពីថ្ងៃពុធ។ មន្ត្រីអនុវត្តច្បាប់បាននិយាយថា ខ្មាន់កាំភ្លើង ដែលជាសិស្សសាលា ត្រូវបានចាប់ខ្លួន។ ការិយាល័យស៊ើបអង្កេតរដ្ឋ Georgia បាននិយាយថា កុមាររូបនេះនឹងត្រូវចោទប្រកាន់ពីបទមនុស្សឃាត ហើយត្រូវកាត់ទោស ជាមនុស្សពេញវ័យ។ ប៉ូលិសមិនទាន់ដឹងថា តើអ្នកបាញ់សម្លាប់មនុស្ស ជាមុខសញ្ញា ឬក៏អត់ ហើយសមត្ថកិច្ចក៏មិនទាន់កំណត់អត្តសញ្ញាណអាវុធនោះដែរ។ ការបាញ់ប្រហារនៅសាលាបានក្លាយទៅជារឿង ដ៏គួរឱ្យសោកស្ដាយ ដែលកើតឡើង ជាទៀងទាត់ នៅក្នុងសហរដ្ឋអាមេរិក។ ប្រហែលមួយភាគបីនៃមនុស្សពេញវ័យ មានអាវុធក្នុងដៃ ហើយបទប្បញ្ញត្តិស្តីពីការទិញអាវុធ សូម្បីតែ កាំភ្លើងបែបយោធា ក៏មានភាពធូររលុងដែរ៕ ប្រភពពី AFP ប្រែសម្រួល៖ សារ៉ាត

វ៉ាស៊ីនតោន ៖ ការសិក្សាថ្មីមួយបានបង្ហាញថា កម្ទេចកម្ទីអាចម៍ផ្កាយ Rocky ដែលកើតចេញពីអាចម៍ផ្កាយ Dimorphos នៅពេលដែលយានអវកាស DART របស់អង្គការ NASA បានបុកកម្ទេចកាលពីឆ្នាំ ២០២២នោះ អាចនឹងបង្កើតបានជាភ្លៀងអាចម៍ផ្កាយបង្កឡើងពីមនុស្សជាលើកដំបូង ដែលគេស្គាល់ថា Dimorphids។ ក្រោយអង្គការ NASA បានសម្រេចជាផ្លូវការនូវបេសកកម្ម DART (Double Asteroid Redirection Test) ដែលជាការធ្វើតេស្តបញ្ជូនយានឲ្យហោះទៅបុកដើម្បីបង្វែរទិសដៅអាចម៍ផ្កាយកាលពីខែកញ្ញា ឆ្នាំ២០២២ ដោយពេលនេះ ឥទ្ធិពលនៃការបុកនោះ ត្រូវបានក្រុមអ្នកវិទ្យាសាស្ត្រព្យាករថា នឹងជះប៉ះពាល់មកលើភពផែនដីវិញនៅមួយទសវត្សរ៍ខាងមុខ។ យោងតាមលទ្ធផលសិក្សាថ្មីរបស់ក្រុមអ្នកជំនាញផ្នែកវិស្វកម្ម និងអវកាសមកពីវិទ្យាស្ថានតារាសាស្ត្រ និងបច្ចេកវិទ្យាប្រចាំទីក្រុងមីលែន ប្រទេសអ៊ីតាលី ដែលត្រូវបានបញ្ចេញក្នុងខែសីហា ឆ្នាំ២០២៤ បានបញ្ជាក់ថា ដុំថ្មតូចៗរាប់លានដុំ ដែលបង្កឡើងពីការបុករបស់យាន DART ជាមួយអាចម៍ផ្កាយ Dimorphos នោះ ទំនងជាកំពុងស្ថិតក្នុងគន្លងផ្លូវមកកាន់ផែនដី ហើយអាចធ្លាក់ស្រោចមកលើផែនដីវិញ នៅអំឡុងមួយទសវត្សរ៍ខាងមុខ។ ក្រុមអ្នកជំនាញបានអះអាងថា ពួកវាត្រឹមជាដុំថ្មតូចៗប៉ុណ្ណោះ ហើយប្រសិនបើវាធ្លាក់ស្រោចមកលើផែនដីមែន ក៏មិនខុសនឹងដុំថ្មអវកាសខ្នាតតូច (meteorite) ទូទៅនោះដែរ នោះគឺនឹងធ្លាក់បុកបរិយាកាសផែនដី ហើយឆាបឆេះក្លាយជាធូលីផេះផង់អស់មិនខាន។ ទោះបីជាពួកវាមិនបង្កហានិភ័យដល់ផែនដី…

គៀវ៖ ប្រធានសភាអ៊ុយក្រែនបាននិយាយកាលពីថ្ងៃពុធថា ប្រមុខការទូតអ៊ុយក្រែនបានដាក់ពាក្យលាលែងពីតំណែងរបស់ខ្លួន ដែលនេះជាផ្នែកមួយនៃការរុះរើដ៏សំខាន់មួយរបស់រដ្ឋាភិបាល។ រដ្ឋមន្រ្តីការបរទេសអ៊ុយក្រែន លោក Dmytro Kuleba នៅថ្ងៃពុធនេះ បានដាក់ពាក្យសុំលាលែងពីតំណែង ដែលនេះជាផ្នែកនៃការរុះរើដ៏ធំបំផុតមួយ របស់រដ្ឋាភិបាល អំឡុងសង្រ្គាមរយៈ៣០ខែ ប្រឆាំងនឹងការឈ្លានពានរបស់រុស្ស៉ី។ ជាមួយគ្នានេះ រដ្ឋមន្ត្រីមួយចំនួនទៀតក៏បានសុំលាលែងពីតំណែងផងដែរ ក្នុងនោះមានដូចជារដ្ឋមន្ត្រីក្រសួងយុត្តិធម៌ ឧស្សាហកម្មយុទ្ធសាស្ត្រ និងការការពារបរិស្ថាន។ ការរុះរើរដ្ឋមន្រ្តីនេះកើតឡើងចំពេលដែលកងកម្លាំងរបស់រុស្ស៉ីកំពុងតែបន្តរុលឆ្ពោះទៅមុខនៅតំបន់ភាគខាងកើតរបស់អ៊ុយក្រែន ខណៈអ៊ុយក្រែនបានបញ្ជូនកងកម្លាំងខ្លួនបើកការវាយលុកចូលទៅក្នុងតំបន់ Kursk នៅភាគខាងលិចប្រទេសរុស្ស៉ី តាំងតែពីដើមខែមុន។ រុស្ស៉ីក៏បានបង្កើនការវាយប្រហារដោយប្រើយន្តហោះដ្រូន និងមីស៊ីលមកលើអ៊ុយក្រែនផងដែរ ដោយកាលពីថ្ងៃអង្គារ បានសម្លាប់មនុស្សរាប់សិបនាក់នៅទីក្រុង Poltava ភាគកណ្តាល ហើយនៅថ្ងៃពុធ បានផ្តាច់ជីវិត៧នាក់ទៀតនៅទីក្រុង Lviv ភាគខាងលិច៕ ប្រភព៖ AFP ប្រែសម្រួលដោយ៖ ឈឹម ទីណា