-
របាយការណ៍នៅថ្ងៃទី១៩ មេសា
-
ក្រុងរុនតាឯក និងពាក់ស្នែង បាននិងកំពុងប្រែក្លាយឱ្យទៅជាបុរីជនបទគំរូរបស់កម្ពុជា
ក្រសួងរៀបចំដែនដី នគរូបនីយកម្ម និងសំណង់ ក្រសួងវប្បធម៌និងវិចិត្រសិល្បៈ អាជ្ញាធរជាតិអប្សរា និងអាជ្ញាធរខេត្តសៀមរាប បាននិងកំពុងរៀបចំកសាងហេដ្ឋារចនាសម្ព័ន្ធរូបវន្ត ក្នុងក្រុងរុនតាឯក និងពាក់ស្នែង ដើម្បីគាំទ្រដល់សុខុមាលភាព និងជីវភាពរស់នៅល្អប្រសើររបស់បងប្អូនប្រជាពលរដ្ឋនៅក្នុងតំបន់ទាំងពីរ។ ជាមួយគ្នានេះ យើងក៏បានបំពេញកាតព្វកិច្ចក្នុងការការពារ និងថែរក្សាមរតកដ៏មានតម្លៃពីដូនតាខ្មែរឱ្យបានគង់វង្ស សម្រាប់កូនចៅជំនាន់ក្រោយរបស់យើង។ ប្រសាសន៍ឯកឧត្តមឧបនាយករដ្ឋមន្រ្តី សាយ សំអាល់ ក្នុងជំនួបជាមួយមន្ត្រីមន្ទីរដ.ន.ស.ស. ខេត្តសៀមរាប នាព្រឹកថ្ងៃទី២០ ខែមេសា ឆ្នាំ២០២៤។ #ams1minute
-
សារផ្ដាំផ្ញើចុងក្រោយរបស់លោកសាស្ត្រាចារ្យ សំបូរ មាណ្ណារ៉ា ដាស់តឿនកុលបុត្រកុលធីតាខ្មែរគ្រប់រូបក្នុងការថែរក្សា ការពារ
និងលើកតម្កើងមរតកវប្បធម៌ជាតិឱ្យគង់វង្សជានិរន្តរ៍តទៅ។ ទោះបីពេលនេះ លោកសាស្ត្រាចារ្យបានឃ្លាតកាយឆ្ងាយពីពួកយើងហើយក្ដី ប៉ុន្តែពាក្យអប់រំ ទូន្មាន ប្រៀនប្រដៅ ពុទ្ធិ គំរូវីរភាព និងពលិកម្មដ៏ធំធេងពេញមួយជីវិតរបស់លោកសាស្ត្រាចារ្យ ក្នុងបុព្វហេតុជាតិមាតុភូមិ គឺនៅតែដក់ជាប់ក្នុងបេះដូង និងការចងចាំរបស់យុវជនខ្មែរគ្រប់រូបជាដរាប។ សូមចូលរួមរំលែកនូវមរណទុក្ខដ៏ក្រៀមក្រំ និងសោកស្ដាយជាទីបំផុត ជូនចំពោះក្រុមគ្រួសារសពលោកសាស្ត្រាចារ្យ សំបូរ មាណ្ណារ៉ា សាស្ត្រាចារ្យប្រវត្តិសាស្ត្រ។ ការបាត់បង់លោកសាស្ត្រាចារ្យជាការបាត់បង់ក៏ធំធេងនូវធនធានមនុស្សដ៏មានតម្លៃបំផុត សម្រាប់សង្គមជាតិកម្ពុជាទាំងមូល។ សូមបួងសួងឧទ្ទិសកុសលដល់ដួងវិញ្ញាណក្ខន្ធរបស់លោកសាស្ត្រាចារ្យ សំបូរ មាណ្ណារ៉ា បានទៅកាន់សុគតិភពកុំបីឃ្លៀងឃ្លាតឡើយ 🙏🙏🙏 🎥 UYFC Phnom Penh #ams1minute
-
សម្តេចធិបតី៖ “សៀមរាបជាតំបន់ទេសចរមួយដ៏មានសក្តានុពលនៃកម្ពុជា
និងជាខេត្តមួយដែលមានការវិវត្តរីកចម្រើនយ៉ាងឆាប់រហ័ស ដូច្នេះវិស័យសុខាភិបាល ពិសេសការងារផ្តល់សេវាសុខភាពត្រូវរត់តាមការវិវត្តន៍នៃសង្គមនិងសេដ្ឋកិច្ចនៃខេត្តនេះផងដែរ។ រាជរដ្ឋាភិបាលនីតិកាលទី៧ បានដាក់ចេញ យុទ្ធសាស្ត្របញ្ចកោណ ដំណាក់កាលទី១ ដោយកំណត់បញ្ចកោណទី១ គឺជាការអភិវឌ្ឍមូលធនមនុស្ស មានដូចជាសុខភាពល្អ និងគុណភាពខ្ពស់ ជាទ្រព្យសកម្មជាតិដ៏មានតម្លៃ និងជាមូលដ្ឋានគ្រឹះសម្រាប់ការអភិវឌ្ឍសង្គម-សេដ្ឋកិច្ចជាតិ។ ការលើកកម្ពស់សុខភាព និងសុខុមាលភាពប្រជាជន គឺជាអាទិភាពមួយ ក្នុងចំណោមអាទិភាពទាំង៥ ដែលរាជរដ្ឋាភិបាលផ្តោតលើ សម្រាប់ការអភិវឌ្ឍមូលធនមនុស្ស ដោយមានគោលដៅយុទ្ធសាស្ត្រផ្តោត លើការបន្តកាត់បន្ថយអត្រាឈឺ និងស្លាប់បណ្តាលមកពីជំងឺមិនឆ្លងចម្បងៗ និងការលើកកម្ពស់សុខភាពបន្តពូជ”។ #ams1minute
-
ឃុំមហាខ្ញូង ស្រុកកោះសូទិន ខេត្តកំពង់ចាម កម្ពុជាមាតុភូមិខ្ញុំ
-
សង្ខេបព័ត៌មានសំខាន់ៗ ថ្ងៃទី១៩ មេសា ២០២៤
១. ត្រីមាសទី១ ឆ្នាំ២០២៤ កម្ពុជាទទួលបានចំណូលជិត ១០០លានដុល្លារពីការនាំចេញកង់ – AMS Economy ២. ទំហំពាណិជ្ជកម្មកម្ពុជា-អាសិបសម្រេចបានជាង ៨ពាន់លានដុល្លារក្នុងរយៈពេល៣ខែ ឆ្នាំ២០២៤ – ស៊ីស៊ីថាមស៍ ៣. ការនាំចេញគ្រាប់ស្វាយចន្ទីទៅវៀតណាម កើនឡើង ១៣% ក្នុងរយៈពេល៣ខែនេះ – ថ្មីៗ ៤. អាមេរិក មានបំណងចាប់ផ្តើមប្រព័ន្ធឃ្លាំមើលទណ្ឌកម្មកូរ៉េខាងជើងថ្មី នៅខែឧសភា – AFP ៥. ប្រធាន CIA៖ អ៊ុយក្រែនអាចចាញ់សង្គ្រាមនៅឆ្នាំនេះ បើពុំមានជំនួយយោធាថ្មី – CNN #ams1minute
-
ឆ្នេររអង្កោល ខេត្តកែប!
-
របាយការណ៍នៅថ្ងៃទី១៨ មេសា
-
សម្តេចធិបតី ហ៊ុន ម៉ាណែត៖ ត្រូវពង្រឹងខឿនការពារជាតិ កងយោធពលខេមរភូមិន្ទ ត្រូវតែជាកម្លាំងដែលមានថាមពលខ្លាំង
សមត្ថភាពពេញលេញ ឆន្ទៈមោះមុត មនសិការ និងវិន័យល្អ ដោយការពារបានរឹងមាំនូវឯករាជ្យជាតិ អធិបតេយ្យភាព បូរណភាពទឹកដី សន្តិសុខសណ្តាប់ធ្នាប់សង្គម នៅគ្រប់កាលៈទេសៈសំដៅធ្វើឱ្យបរាជ័យ រាល់ឧបាយកល និងសកម្មភាពរបស់កម្លាំងអមិត្ត ទាំងក្នុង និងក្រៅប្រទេស។ ពិធីបិទវគ្គបណ្តុះបណ្តាលនិងហ្វឹកហ្វឺនឆ្នាំ២០២៣ បន្តបើកវគ្គបណ្តុះបណ្តាលនិងហ្វឹកហ្វឺនឆ្នាំ២០២៤ របស់សាកលវិទ្យាល័យការពារជាតិ រាជធានីភ្នំពេញ ព្រឹកថ្ងៃទី១៩ មេសា ២០២៤ #ams1minute
-
ឡាវ ជាប្រទេសក្នុងតំបន់អាស៊ីអាគ្នេយ៍តែមួយគត់ ដែលមានព្រំប្រទល់ដីគោកព័ទ្ធទៅដោយប្រទេសនានា ដែលគេហៅថា landlocked country
ឡាវ និងមីយ៉ាន់ម៉ា មានព្រំប្រទល់ជាប់ជាមួយប្រទេសផ្សេងៗច្រើនជាងគេ ធៀបទៅនឹងប្រទេសដទៃក្នុងអាស៊ីអាគ្នេយ៍ ពោលគឺរហូតដល់ ៥ប្រទេស ខណៈថៃមានព្រំប្រទល់ជាប់ប្រទេសចំនួន ៤ ហើយឥណ្ឌូណេស៊ី ម៉ាឡេស៊ី វៀតណាម និងកម្ពុជាមានព្រំប្រទល់ដីគោកជាមួយ ៣ ប្រទេស។ ដោយឡែក ហ្វីលីពីន និងសិង្ហបុរី ពុំមានព្រំប្រទល់ដីគោកជាប់ប្រទេសក្នុងអាស៊ីអាគ្នេយ៍ឡើយ – Seasia Stats #ams1minute