-
អតិផរណាកាណាដាធ្លាក់ចុះដល់ ២.៩ភាគរយ ក្នុងខែមករា
អូតាវ៉ា៖ ទីភ្នាក់ងារស្ថិតិជាតិរបស់ប្រទេសកាណាដា ក្នុងថ្ងៃអង្គារនេះ និយាយថា អតិផរណានៅក្នុងប្រទេសកាណាដាធ្លាក់ចុះដល់ ២.៩ភាគរយ នៅក្នុងខែមករា ដើមឆ្នាំ២០២៤ តួលេខនេះ ធ្លាក់ចុះទាបជាងការព្យាករណ៍កាលពីខែមុន ដែលមាន ៣.៣ភាគរយ។ ទីភ្នាក់ងារស្ថិតិជាតិរបស់ប្រទេសកាណាដា បានបញ្ជាក់នៅក្នុងសេចក្តីថ្លែងការណ៍មួយថា ការធ្លាក់ចុះអតិផរណាកាលពីខែមករា មានការជួយជ្រោមជ្រែងធំពីតម្លៃប្រេងសាំង ដែលបានធ្លាក់ចុះក្នុងរយៈពេល៥ខែជាប់ៗគ្នា។ បន្ថែមលើនេះ ធនាគារកណ្តាលកាណាដាក្នុងពេលប៉ុន្មានឆ្នាំថ្មីៗនេះ បានដំឡើងអត្រាការប្រាក់ ពីកម្រិតទាបបំផុតពី ០.២៥ភាគរយទៅ ៥ភាគរយ នៅក្នុងការដេញថ្លៃ ដើម្បីទប់ទល់នឹងអតិផរណាដែលកំពុងកើនឡើង។ សូមរម្លឹកថា អតិផរណានៅក្នុងប្រទេសកាណាដា បានស្ទុះឡើងមិននឹកស្មានដល់កាលពីខែធ្នូឆ្នាំមុន ដោយហក់ដល់ ៣.៤ភាគរយ បន្ទាប់ពីការធ្លាក់ចុះជាលំដាប់ពីកម្រិតខ្ពស់បំផុត ៨.១ភាគរយក្នុងខែមិថុនា ឆ្នាំ២០២២។ ទន្ទឹមគ្នា អ្នកសេដ្ឋកិច្ចរំពឹងថា អតិផរណានឹងថយចុះមកត្រឹម ៣.៣ភាគរយនៅក្នុងខែមករាដើមឆ្នាំនេះ ប៉ុន្តែជាក់ស្តែង វាបានធ្លាក់ចុះដល់ ២.៩ភាគរយ៕ ប្រភព៖ AFP ប្រែសម្រួលដោយ៖ ឈឹម ទីណា
-
យន្តហោះចិនចង់ដណ្តើមតំណែង Airbus និង Boeing
សង្ហិបុរី៖ យន្តហោះដឹកអ្នកដំណើរផលិតក្នុងស្រុកដំបូងគេរបស់ប្រទេសចិន បង្ហាញខ្លួននៅក្នុងព្រឹត្តិការណ៍ពិព័រណ៍យន្តហោះដ៏ធំបំផុតរបស់អាស៊ី ដែលកំពុងបើកដំណើរការក្នុងប្រទេសសិង្ហបុរី ចាប់ពីថ្ងៃអង្គារ៍ ដល់ថ្ងៃអាទិត្យចុងសប្តាហ៍នេះ។ ជាមួយនឹងយន្តហោះដឹកអ្នកដំណើរ C919 របស់ខ្លួន ប្រទេសចិនមានមហិច្ឆតាចង់ប្រកួតប្រជែងជាមួយក្រុមហ៊ុនផលិតយន្តហោះកំពូល គឺ Airbus និង Boeing ស្របពេលដែលទីក្រុងប៉េកាំងកំពុងកាត់បន្ថយការពឹងផ្អែកលើបច្ចេកវិទ្យាបរទេស។ ក្រៅពីយន្តហោះខ្នាតធំ C919 ប្រទេសចិនក៏បានដាក់តាំងបង្ហាញយន្តហោះ ARJ21 ចំនួនពីរគ្រឿងផងដែរ ដែលយន្តហោះពាណិជ្ជកម្មខ្នាតតូច ផលិតដោយសាជីវកម្មយន្តហោះពាណិជ្ជកម្មរបស់រដ្ឋចិន (COMAC)។ យន្តហោះ C919 ចាប់ផ្តើមជើងហោះហើរពាណិជ្ជកម្មដំបូងនៅក្នុងប្រទេសចិនកាលពីខែឧសភា ហើយបានបង្ហាញខ្លួនជាលើកដំបូងនៅខាងក្រៅប្រទេសចិន គឺនៅក្នុងទីក្រុងហុងកុង កាលពីខែធ្នូ។ ខណៈពេលដែលវាមិនទាន់ទាក់ទាញអ្នកទិញនៅក្រៅប្រទេស យន្តហោះ C919 ទើបបានទទួលការបញ្ជាទិញដំបូងរបស់ខ្លួន ពីក្រុមហ៊ុនអាកាសចរណ៍ Tibet Airlines របស់ប្រទេសចិន ដែលបានចុះកិច្ចសន្យាទិញយន្តហោះ C919 ចំនួន ៤០គ្រឿង និង ARJ21 ចំនួន ១០គ្រឿង។ COMAC បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុន Henan Civil Aviation Development and Investment Group…
-
សេដ្ឋកិច្ចអ៊ីស្រាអែល ធ្លាក់ចុះ ចំពេលមានសង្គ្រាមជាមួយក្រុមហាម៉ាស់
ហ្ស៊េរុយសាឡឹម៖ តួលេខផ្លូវការបានបង្ហាញថា ផលិតផលក្នុងស្រុកសរុប (GDP) របស់អ៊ីស្រាអែល ធ្លាក់ចុះជិត១ភាគ៥ ពោលគឺ ១៩.៤ភាគរយ នៅក្នុងត្រីមាសចុងក្រោយនៃឆ្នាំ២០២៣ បើធៀបនឹងរយៈពេល៣ខែមុន។ ការធ្លាក់ចុះផលិតផលក្នុងស្រុកសរុប (GDP) របស់អ៊ីស្រាអែល នៅក្នុងត្រីមាសចុងក្រោយនៃឆ្នាំ២០២៣ ត្រូវបានគេសន្មត់ថា ដោយសារការជះឥទ្ធិពលពីសង្គ្រាមនៅហ្គាហ្សា ដែលកំពុងបន្តកើតមានលើសេដ្ឋកិច្ចរបស់ប្រទេសដែលមានបច្ចេកវិទ្យាខ្ពស់មួយនេះ។ ការនាំចេញរបស់អ៊ីស្រាអែលធ្លាក់ចុះ ១៨.៣ភាគរយ និងការនាំចូល ៤២.៤ភាគរយ ដោយសារតែក្រុមហ៊ុនអាកាសចរណ៍បញ្ឈប់ការហោះហើរ និងការដឹកជញ្ជូនអន្តរជាតិ គេចចេញពីសមុទ្រក្រហម បន្ទាប់ពីក្រុមឧទ្ទាមហ៊ូទី បានចាប់ផ្តើមវាយប្រហារលើនាវា ដើម្បីឆ្លើយតបនឹងសង្គ្រាមរបស់អ៊ីស្រាអែលប្រឆាំងក្រុមហាម៉ាសនៅតំបន់ហ្គាហ្សា។ ប្រទេសអ៊ីស្រាអែលបានជួបការខ្វះខាតកម្លាំងពលកម្មយ៉ាងច្រើន និងការដួលរលំនៃឧស្សាហកម្មទេសចរណ៍ ចាប់តាំងពីការផ្ទុះសង្រ្គាម។ តួយ៉ាង យោធាអ៊ីស្រាអែលបានកែនទ័ពបម្រុងជាង ៣០០,០០០នាក់ក្នុងរយៈពេលប៉ុន្មានថ្ងៃ បន្ទាប់ពីការវាយប្រហាររបស់ក្រុមហាម៉ាស់ថ្ងៃទី៧ ខែតុលា ហើយភ្លាមៗរដ្ឋាភិបាលថែមទាំងបានរារាំងមិនឱ្យកម្មករប៉ាឡេស្ទីនយ៉ាងតិច ១៦០,០០០នាក់ចូលក្នុងប្រទេសអ៊ីស្រាអែល ដែលភាគច្រើននៃពួកគេបំពេញការងារផ្នែកសំណង់ និងកសិកម្ម។ ទោះបីជាយ៉ាងណាក៏ដោយ តួលេខរបស់ការិយាល័យស្ថិតិកណ្តាលអ៊ីស្រាអែល បានបង្ហាញថា ជារួម GDP របស់អ៊ីស្រាអែល បានកើនឡើង ២ភាគរយក្នុងរយៈពេលពេញមួយឆ្នាំ២០២៣ ពោលគឺទាបជាងការព្យាករណ៍ ២.៣ភាគរយ ដែលធ្វើឡើងដោយធនាគារកណ្តាលអ៊ីស្រាអែល និងបន្ទាប់ពីការផ្ទុះសង្រ្គាមឡើងកាលពីខែតុលា៕ ប្រភព៖ AFP ប្រែសម្រួលដោយ៖ ឈឹម…
-
ក្នុងដំណើរទស្សនកិច្ចនៅប្រទេសជប៉ុន ឧបនាយករដ្ឋមន្រ្តី សាយ សំអាល់
-
មុខងារ និងភារកិច្ចលេខាធិការដ្ឋាននៃគណៈកម្មការសុរិយោដីថ្នាក់ខេត្ត ក្រុង
-
អាមេរិកនឹងប្រកាសដាក់ទណ្ឌកម្មថ្មីប្រឆាំងរុស្ស៊ី ជុំវិញការស្លាប់មេបក្សប្រឆាំង Navalny
វ៉ាស៊ីងតោន ឌីស៊ី៖ សហរដ្ឋអាមេរិកនឹងប្រកាសដាក់ទណ្ឌកម្មថ្មីលើរុស្ស៊ី នៅថ្ងៃសុក្រសប្តាហ៍នេះ ជុំវិញការស្លាប់នៅក្នុងពន្ធនាគាររបស់មេដឹកនាំប្រឆាំង លោក Alexei Navalny ខណៈដែលរដ្ឋាភិបាលនៅប្លុកអឺរ៉ុបជាច្រើនបានកោះហៅអ្នកការទូតរុស្ស៊ី។ ប្រធានាធិបតីអាមេរិក លោក Joe Biden បាននិយាយ កាលពីថ្ងៃអង្គារថា សហរដ្ឋអាមេរិកនឹងប្រកាសដាក់ទណ្ឌកម្មថ្មីនេះ ក៏ស្របពេលជាមួយនឹងខួបគម្រប់ពីរឆ្នាំ នៃការលុកលុយរបស់រុស្ស៊ី មកលើប្រទេសអ៊ុយក្រែនដែរ។ លោក Biden ប្រាប់អ្នកសារព័ត៌មាន បន្ទាប់ពីចាកចេញពីសេតវិមានថា «យើងនឹងមានកញ្ចប់ធំមួយ ដែលត្រូវបានប្រកាស នៅថ្ងៃសុក្រ»។ អាជ្ញាធររុស្ស៊ីបាននិយាយថា គូប្រជែងនយោបាយដ៏សំខាន់របស់ប្រធានាធិបតីរុស្ស៊ី លោក វ្ល៉ាឌីមៀ ពូទីន គឺលោក Alexei Navalny បានស្លាប់ កាលពីថ្ងៃសុក្រ។ ក្រុមរបស់លោកនិយាយថា បុរស វ័យ ៤៧ ឆ្នាំរូបនេះ ត្រូវបានគេសម្លាប់។ អ្នកនាំពាក្យក្រុមប្រឹក្សាសន្តិសុខជាតិអាមេរិកបានបញ្ជាក់ថា «កញ្ចប់ទណ្ឌកម្មដ៏សំខាន់មួយនេះ គឺ ដើម្បី ឲ្យរុស្ស៊ីទទួលខុសត្រូវចំពោះរឿងនេះ និងឆ្លើយតបទៅនឹងសង្រ្គាមដ៏សាហាវ និងឃោរឃៅ ដែលឥឡូវនេះ បានអូសបន្លាយ អស់រយៈពេលពីរឆ្នាំហើយ» ។ សហភាពអឺរ៉ុបបានកោះហៅឯកអគ្គរដ្ឋទូតរុស្ស៊ី ជុំវិញការស្លាប់របស់លោក…
-
ឧបនាយករដ្ឋមន្រ្តី សាយ សំអាល់ អញ្ជើញជាអធិបតីក្នុងពិធីចុះហត្ថលេខាលើអនុស្សារណៈសហប្រតិបត្តការណ៍
រវាងក្រសួងរៀបចំដែនដី នគរូបនីយកម្ម និងសំណង់ និងលេខាធិការដ្ឋានគោលនយោបាយអាវកាសជាតិ (NSPS) នៃទីស្តីការគណៈរដ្ឋមន្រ្តីជប៉ុន ស្តីពីការអនុវត្តគម្រោង “កិច្ចសហប្រតិបត្តការណ៍លើប្រព័ន្ធផ្កាយរណបកំណត់ទីតាំងសកល” សម្រាប់ការប្រើប្រាស់សេវាកំណត់ទីតាំងជាក់លាក់តាមរយៈផ្កាយរណប QZSS ដោយពុំចាំបាច់ប្រើប្រាស់សេវា Internet ដែលបច្ចុប្បន្នត្រូវបានចែកចាយក្នុងតំបន់អាស៊ីប៉ាស៊ីហ្វិក ក្នុងឱកាសដឹកនាំគណៈប្រតិភូក្រសួងអញ្ជើញបំពេញទស្សនកិច្ចផ្លូវការនៅប្រទេសជប៉ុន។ 📷 MLMUPC #ams1minute
-
អភិក្រម ៣ នៃយុទ្ធនាការត្រួតពិនិត្យ និងដោះស្រាយភាពមិនប្រក្រតីនៅតាមតុលាការ
-
សង្ខេបព័ត៌មានសំខាន់ៗ ថ្ងៃទី២០ កុម្ភៈ ២០២៤
១. ខែមករា ឆ្នាំ២០២៤ កម្ពុជានាំចេញទំនិញទៅទីផ្សារអាមេរិក ក្នុងទំហំជាង ៦២៦លានដុល្លារ ខណៈអាមេរិកនាំមកកម្ពុជាមានទំហំត្រឹម ១៧លានដុល្លារ – AMS Economy ២. កម្ពុជារកចំណូលបាន ១២១លានដុល្លារ ពីការនាំចេញកៅស៊ូក្នុងខែដំបូងនៃឆ្នាំ២០២៤ កើនជាង ១២៣% – AMS Economy ៣. ត្រឹមឆ្នាំ២០២៣ ទឹកស្អាតពង្រីកគ្របដណ្តប់ដល់ភូមិចំនួន ៦ ៥១៩ក្នុងតំបន់សេវាសរុប ១០ ១៧៣ភូមិទូទាំងប្រទេស – កម្ពុជាថ្មី ៤. ឧបនាយករដ្ឋមន្ត្រីថៃ ទទូចថាលោក Srettha មានអំណាចពេញលេញជានាយករដ្ឋមន្ត្រី គ្មានការលូកលាន់ពីលោក Thaksin – The Nation ៥. អាល្លឺម៉ង់ ចេញមុខដឹកនាំ EU អំពាវនាវឱ្យមានការដាក់ទណ្ឌកម្មបន្ថែមលើរុស្ស៉ី ជុំវិញការស្លាប់នៃមេដឹកនាំបក្សប្រឆាំងលោក Navalny – Reuters #ams1minute
-
សម្តេចធិបតី៖ រាជរដ្ឋាភិបាល អាណត្តិទី៧ បន្តគោលនយោបាយពីអាណត្តិមុនៗ
គឺពង្រឹងការអនុវត្ដគោលនយោបាយភូមិឃុំសង្កាត់មានសុវត្ថិភាពដោយផ្ដោតការយកចិត្តទុកដាក់លើការកាត់បន្ថយឈានដល់ការលុបបំបាត់ការជួញដូរ និងការប្រើប្រាស់គ្រឿងញៀនក្នុងសហគមន៍។ ឈរលើមូលដ្ឋាន នៃគោលការណ៍ដឹកនាំ “សម្អាតផ្ទះយើង” ដើម្បីឱ្យក្រសួង-ស្ថាប័ន ពង្រឹងគុណភាពធនធានមនុស្ស ប្រកដោយ ភាពស្អាតស្អំ និងភាពជាគម្រូនៃការអនុវត្តច្បាប់ សម្ដេច ក៏បានប្រកាសដាក់ចេញនូវវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀន នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ តាមរយៈការបង្កើនការត្រួតពិនិត្យជាប្រចាំ ចំពោះមន្ត្រីដែលស្ថិតក្រោមឱវាទរបស់ខ្លួនលើការប្រើប្រាស់គ្រឿងញៀន ឬមានការពាក់ព័ន្ធនឹងគ្រឿងញៀន ព្រមទាំងត្រូវចាត់វិធានការបញ្ចប់មុខតំណែង និងបណ្តេញចេញពីក្របខណ្ឌដោយគ្មានការលើកលែង។ សម្តេចធិបតី ក៏បានប្រកាសសារជាថ្មីនូវ ជំហរ ប្រឆាំង ដាច់ខាត ចំពោះ ការ ដាំដំណាំ កញ្ឆា នៅ តាម មូលដ្ឋាន ទូទាំង ប្រទេសកម្ពុជា ដើម្បី ធានា ថាកម្ពុជា គ្មាន ការ ផលិត សា ធារ ធាតុ ញៀន និង គ្មាន ការប្រើប្រាស់ គ្រឿងញៀន ផ្សំ ។ #ams1minute