រលកសម្លេងគាំទ្រទាំងក្នុងស្រុក និងក្រៅស្រុក គាំទ្របណ្ឌិត ហ៊ុន ម៉ាណែត ក្លាយជានាយករដ្ឋមន្ត្រីថ្មី នៃប្រទេសកម្ពុជា បានបន្តថែមទៀតនៅថ្ងៃសុក្រ ទី២៨ កក្កដា។ នេះជាការដកស្រង់មួយផ្នែកតូចសម្លេងគាំទ្ររបស់ពលរដ្ឋ ដែលមានខ្លឹមសារដូចតទៅ

ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ និងអង្គការអន្តរជាតិ បានដាស់តឿនដល់ប្រធានឧត្តមស្នងការទទួលបន្ទុកសិទ្ធិមនុស្សរបស់អង្គការសហប្រជាជាតិដែលធ្វើការរិះគន់ផ្អែកតែលើសេចក្តីរាយការណ៍ភាគីម្ខាង ដែលមិនអនុលោមតាមសេចក្តីសម្រេចចិត្តរបស់អង្គការសហប្រជាជាតិឡើយ។ ការពន្យល់និងដាស់តឿននេះ បានធ្វើតាមសេចក្តីប្រកាសព័ត៌មានមួយចុះថ្ងៃទី២៧ កក្កដា ឆ្នាំ២០២៣ បន្ទាប់ពីមានការរិះគន់ របស់ប្រធានឧត្តមស្នងការទទួលបន្ទុកសិទ្ធិមនុស្ស របស់អង្គការសហប្រជាជាតិលោក វ៉ុលឃើ ធើក Volker Türk ជុំវិញលំហប្រជាធិបតេយ្យ និងការបោះឆ្នោតសកលនៅកម្ពុជា។ អប្សរាណិតធ្វើសេចក្តីរាយការណ៍

សាធារណរដ្ឋស៊ីប Cyprus បានអបអរសាទរចំពោះជោគជ័យ នៃដំណើរការរៀបចំការបោះឆ្នោត ជ្រើសរើសតំណាងរាស្ត្រនីតិកាលទី៧ របស់កម្ពុជា និងចាត់ទុកថាមានដំណើរការប្រកបដោយលក្ខណៈសេរី និងយុត្តិធម៌។ ការថ្លែងក្តីអបអរសាទរនេះបានធ្វើឡើង ក្នុងពេលដែលឯកអគ្គរដ្ឋទូតស៊ីប ប្រចាំកម្ពុជា លោកស្រី ម៉ាថា ម៉ាវ្រុម ម៉ាធីស Martha A. Mavrommatis បានជួបពិភាក្សាការងារជាមួយនឹងអនុប្រធានទីមួយអាជ្ញាធរមីនកម្ពុជា លោក លី ធុជ នាថ្ងៃទី២៨ កក្កដានេះ។ គួរបញ្ជាក់ថាទូតរបស់សាធារណរដ្ឋស៊ីបប្រចាំកម្ពុជា មាននិវេសនដ្ឋាននៅទីក្រុងប៉េកាំង នៃសាធារណរដ្ឋប្រជាមានិតចិន។ លោកស្រី ឯកអគ្គរដ្ឋទូត បានថ្លែងថា ដំណើរការរៀបចំការបោះឆ្នោតជ្រើសរើសតំណាងរាស្ត្រនីតិកាលទី៧ កន្លងទៅនេះបានប្រកបដោយភាពសេរី និងយុត្តិធម៌។ លោកស្រីឯកអគ្គរដ្ឋទូតបានវាយតម្លៃខ្ពស់ចំពោះការដឹកនាំរបស់ សម្តច តេជោ ហ៊ុន សែន ដែលបានស្វែងរកសុខសន្តិភាពជូនដល់ប្រជាជនកម្ពុជា និងធ្វើឲ្យកម្ពុជា មានការអភិវឌ្ឍលើគ្រប់វិស័យ៕

គណៈកម្មាធិការជាតិរៀបចំការបោះឆ្នោត នឹងចាប់ផ្តើមត្រួតពិនិត្យផ្ទៀងផ្ទាត់ អំពីភាពត្រឹមត្រូវចំពោះលទ្ធផល នៃការបោះឆ្នោត តាមមណ្ឌលបោះឆ្នោតរាជធានីខេត្តទូទាំងប្រទេស នៅថ្ងៃទី២៩កក្កដានេះ។ យោងតាម គ.ជ.ប ការប្រកាសត្រួតពិនិត្យ និងផ្ទៀងផ្ទាត់ភាពត្រឹមត្រូវនេះ បានទន្ទឹមនឹងសម្ភារៈស្បោង «ឃ» និងកញ្ចប់ «ឃពិសេស» ព្រមទាំងសម្ភារៈឯកសារបោះឆ្នោតពាក់ព័ន្ធដទៃទៀត ត្រូវបានបញ្ជូនមកទីស្នាក់ការកណ្តាលគជបវិញ រវាងពីថ្ងៃទី២៧ ដល់ ២៩កក្កដា។ យោងតាមប្រតិទិន នៃការបោះឆ្នោត, ការប្រកាសលទ្ធផលចុងក្រោយ នឹងធ្វើចន្លោះថ្ងៃទី៩ សីហា ដល់៤កញ្ញា បើសិនជាគ្មានពាក្យបណ្តឹង និងករណីគ្មានការបោះឆ្នោតណាមួយសាជាថ្មីនោះទេ។

មានប្រទេសតែ ៤ ប៉ុណ្ណោះនៅអាស៊ាន ក្នុងរយៈពេល ២៤ម៉ោងចុងក្រោយនេះ ដែលមានករណីឆ្លង និងស្លាប់ ដោយសារកូវីដ១៩ នៅឡើយ។ ដោយឡែកប្រទេសកម្ពុជា នៅថ្ងៃនេះ មិនមានរកឃើញករណីឆ្លងថ្មីឡើយ ដែលនាំឲ្យការមិនមានអ្នកឆ្លងសោះមានរយៈពេល ៩ថ្ងៃ បន្តបន្ទាប់ជាប់គ្នាមកហើយ។ តួលេខឆ្លងថ្មីកូវីដ១៩ ក្នុងប្រទេសអាស៊ាន នៃរយៈពេល ២៤ម៉ោងចុងក្រោយនេះ មានចំនួន ២៥៩ករណី ដែលជាតួលេខឆ្លងកើនឡើងមកវិញចំនួន ៨១ករណី បើប្រៀបធៀបការឆ្លងកាលពីថ្ងៃម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន ៤ នៅអាស៊ាន រួមមានប្រទេសហ្វីលីពីន, វៀតណាម, មីយ៉ាន់ម៉ា និងប្រទេសឡាវ។ ប្រទេសហ្វីលីពីន គឺជាប្រទេសដែលមានតួលេខឆ្លងច្រើនជាងគេ ដែលមានការឆ្លងចំនួន ២១៣ករណី។ តួលេខឆ្លងតិចជាងគេ គឺប្រទេសមីយ៉ាន់ម៉ា និងប្រទេសឡាវ ដែលមានការ ឆ្លងចំនួន ១៣ករណីដូចគ្នា។ ប្រទេសឥណ្ឌូនេស៊ី, ម៉ាឡេស៊ី, ថៃ, សឹង្ហបុរី, កម្ពុជា និងប្រទេសប្រុយណេ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ម៉ោងចុងក្រោយនេះ។ ការស្លាប់ដោយសារកូវីដ១៩ នៅអាស៊ាន…

ខេត្តព្រះវិហារបានបន្តដាំកូនឈើដើម្បីការទ្រទ្រង់បរិស្ថានជាតិ។ ពិភពលោកបានរងនឹងគ្រោះកម្តៅ, គ្រោះទឹកជំនន់ ខណៈផែនដីមានការប្រែប្រួលធាតុអាកាស។ ដើមឈើនឹងជួយថែរក្សាបរិស្ថានជួយបង្អន់ភាពក្តៅ និងគ្រោះថ្នាក់ធម្មជាតិនានាដទៃទៀតបាន។ អប្សរាណិតរាយការណ៍

អដ្ឋិធាតុយុទ្ធជនវៀតណាម ដែលពលីចំនួន១២២បន្ថែមទៀត ត្រូវបានកម្ពុជាប្រគល់ដល់ភាគីវៀតណាម។ពិធីនេះបានធ្វើឡើងនៅព្រឹកថ្ងៃទី២៧ ខែកក្កដា ឆ្នាំ២០២៣នេះ ចំណុចច្រកទ្វាព្រំដែនអន្តរជាតិព្រៃវល្លិ៍-ប៊ិញហៀបព្រំដែនកម្ពុជា-វៀតណាម។ អដ្ឋិធាតុជនពលីនេះ នឹងត្រូវយកទៅបញ្ចុះនៅបូជនីយស្ថានអន្តរស្រុកវិញហ៊ឹង-តឹនហ៊ឹង នៃខេត្តឡុងអាន។ ពិធីប្រគល់អដ្ឋិធាតុនេះ បានអញ្ជើញចូលរួមពីអភិបាលខេត្តស្វាយរៀងលោក ម៉ែន វិបុល និងប្រធានក្រុមប្រឹក្សាប្រជាជនខេត្តឡុងអាន លោក ង្វៀន វ៉ាន់អ៊ុក ដែលជាប្រធានគណៈកម្មាធិការប្រជាជនខេត្តឡុងអាន។ អភិបាលរងខេត្តប៉ៃលិន បាត់ដំបង ព្រមទាំងគណៈប្រតិភូ នៃខេត្តដែលជាប់ពាក់ព័ន្ធ បានអញ្ជើញចូលរួមក្នុងឱកាសនោះ។ ការស្វែងរុករកនិងការធ្វើមាតុភូមិនិវត្តន៍អដិ្ឋធាតុ កងទ័ពវៀតណាម ដែលបានពលីអាយុជីវិតក្នុងសម័យសង្គ្រាម ក្នុងប្រទេសកម្ពុជា គឺអនុវត្តន៍តាមកិច្ចព្រមព្រៀងសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលវៀតណាម និងរវាងខេត្តប៉ៃលិន, បាត់ដំបង, ស្វាយរៀង ជាមួយខេត្តឡុងអាន។ ភាគីវៀតណាម ក្នុងឱកាសនោះបានថ្លែងអំណរគុណចំពោះកិច្ចសហប្រតិបត្តិការ និងបានស្នើដល់អាជ្ញាធរគ្រប់ជាន់ថ្នាក់ និងកងកម្លាំងប្រដាប់អាវុធពាក់ព័ន្ធ ព្រមទាំងប្រជាពលរដ្ឋកម្ពុជា សូមបន្តសហប្រតិបត្តិការ និងបង្កលក្ខណៈងាយស្រួលដល់ដំណើរការស្វែងរុករកអដ្ឋិធាតុ កងទ័ពវៀតណាមពលីជីវិតនៅទឹកដីកម្ពុជា ដែលនៅសេសសល់បន្តទៀត ដើម្បីធ្វើមាតុភូមិនិវត្តន៍ទៅប្រទេសវៀតណាមវិញ។ យុទ្ធជនវៀតណាមត្រូវគេរាយការណ៍ថាបានបាត់បង់ជីវិត លើទឹកដីកម្ពុជាក្នុងអតីតកាលសង្គ្រាមកន្លងមក មានដល់ច្រើនម៉ឺននាក់។

ជំនន់ទឹកភ្លៀង បានបង្កការលិចផ្លូវគមនាគមន៍ដ៏សំខាន់មួយខ្សែ ដែលជាច្រកចេញពីខេត្តកំពង់ឆ្នាំងសម្តៅទៅខេត្តកំពង់ចាម។ បាតុភូតភ្លៀង ផ្គរ រន្ទះ និងខ្យល់កន្ត្រាក់ នៅតែបន្ដកើត ក្នុងសប្តាហ៍នេះខណៈកម្ពុជា ទទួលរងនូវឥទ្ធិពលពីប្រព័ន្ធសម្ពាធទាប អូសបន្លាយលើ អាងទន្លេមេគង្គភាគខាងលើ កាត់ប្រទេសថៃ ឡាវ និងភាគកណ្តាលវៀតណាម ជាមួយនិងខ្យល់មូសុងនិរតី ក្នុងកម្រិតមធ្យម។ អប្សរាណិតរាយការណ៍

មនុស្ស៤នាក់ត្រូវបានគណៈកម្មាធិការជាតិរៀបចំការបោះឆ្នោតសម្រេចលុបឈ្មោះចេញពីបញ្ជីបោះឆ្នោត និងដកសិទ្ធិឱ្យគេឈរឈ្មោះបោះឆ្នោតរយៈពេលពី៥ទៅ១០ឆ្នាំ។ ការសម្រេចនេះ បានធ្វើឡើងក្នុងសវនាការជំនុំជម្រះ លើបណ្តឹង៥ចុងក្រោយ ពាក់ព័ន្ធនឹងករណីញុះញង់គូសបំផ្លាញសន្លឹកឆ្នោត។ ក្នុងអម្លុងដំណាក់កាលបោះឆ្នោតសកលនេះ គជប បានទទួលពាក្យបណ្តឹងសរុបចំនួន៣៥ និងបានដោះស្រាយរួចមកហើយចំនួន២០បណ្តឹង។ សវនាការបណ្តឹង ៥ នៅថ្ងៃទី២៧កក្កដានេះ គឺជាសវនាការចុងក្រោយបំផុត។ បណ្តឹងទាំង៥នេះពាក់ព័ន្ធនឹង ខេត្តកំពង់ចាម, ខេត្តប៉ៃលិន និងខេត្តត្បូងឃ្មុំ។ មនុស្សចំនួន៤នាក់ដែលរងការពិន័យនេះ រួមមានឈ្មោះ លី ម៉េងហាំង និងឈ្មោះ យ៉ាន សុឃឿន រស់នៅខេត្តត្បូងឃ្មុំ និង២នាក់រស់នៅ ក្នុងខេត្តប៉ៃលិនឈ្មោះ ខឹម មុនីកុសល និងស្ត្រីឈ្មោះ ស៊ុន សុភា។ អ្នកទាំង៤ត្រូវបានក្រុម ប្រឹក្សាជំនុំជម្រុះ គជប សម្រេចពិន័យប្រាក់ចំនួន១៥លានរៀល ព្រមទាំងលុបឈ្មោះចេញពីបញ្ជីបោះឆ្នោត និងដកសិទ្ធិឱ្យឈរឈ្មោះឱ្យគេបោះឆ្នោត រយៈពេល១០ឆ្នាំ ដោយមិនគិតពីទោសព្រហ្មទណ្ឌផ្សេងៗទៀតឡើយ។