ប្រទេសមួយចំនួនក្នុងអាស៊ាននៅតែមានករណីឆ្លង និងស្លាប់ដោយសារកូវីដ១៩ ក្នុងនោះ ប្រទេសកម្ពុជាផងដែរ ក៏មានករណីឆ្លងថ្មីចំនួន១១ករណីថែមទៀត ក្នុងរយៈពេល ៧២ម៉ោងចុងក្រោយនេះ។ នេះជាករណីឆ្លងកើនឡើងចំនួន ៦ករណី នៅកម្ពុជា បើប្រៀបធៀបនឹងសប្តាហ៍មុន។ សេចក្តីរាយការណ៍ពីក្រសួងសុខាភិបាល បានឲ្យដឹងថាការឆ្លងទាំង ១១ករណី នៅនោះបានរកឃើញនៅថ្ងៃសៅរ៍ចំនួន ៦ករណី, ថ្ងៃអាទិត្យ មាន១ករណី និងនៅថ្ងៃច័ន្ទនេះ មាន៤ករណីផងដែរ។ តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ៧២ម៉ោងចុងក្រោយនេះ មានចំនួន ១ម៉ឺន ២ពាន់ ១១៤ករណី ដែលជាតួលេខឆ្លងបានថយចុះមកវិញចំនួន ៩ពាន់ ៦៧២ករណី ធៀបនឹងការឆ្លងរយៈពេល ៣ថ្ងៃដូចគ្នាកាលពីសប្តាហ៍មុន។ ការឆ្លងក្នុងរយៈពេល ៧២ម៉ោងកន្លងមកនេះ បានកើតលើប្រទេសចំនួន ៧ នៅអាស៊ាន រួមមានប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, វៀតណាម, មីយ៉ាន់ម៉ា, កម្ពុជា និងប្រទេសឡាវ។ ប្រទេសហ្វីលីពីន គឺជាប្រទេសដែលមានតួលេខឆ្លងច្រើនជាងគេ ដែលមានការឆ្លងចំនួន ៥ពាន់ ៦៥១ករណី។ តួលេខឆ្លងតិចជាងគេ គឺប្រទសឡាវ ដែលមានការឆ្លងចំនួន ៣ករណី។ ប្រទេសសឹង្ហបុរី, ថៃ…

ក្រសួងធនធានទឹក បានបញ្ជាក់ថា នៅឆ្នាំ២០២៣នេះ ការព្យាករកម្ពស់ទឹកជំនន់ទន្លេមេគង្គ លើកទី១ មិនមានលក្ខណៈច្រើនហូរហៀរទេ ប៉ុន្តែអាចចាត់ទុកជាប្រភេទទឹកជំនន់តូច។ កម្ពុជាក្នុងឆ្នាំ២០២៣នេះ បានស្ថិតនៅចន្លោះបាតុភូតកម្តៅ និងបាតុភូតត្រជាក់ដែលនឹងធ្វើឱ្យមានភ្លៀងធ្លាក់ក្នុងកម្រិតពីតិចទៅមធ្យម។ ចាប់ពីខែមករា រហូតដល់ខែមេសា ឆ្នាំ ២០២៣ ស្ថានភាពភ្លៀងនៅអាងទន្លេមេគង្គ រួមទាំងកម្ពុជា មានកម្រិតតិចតួចដោយសារតែបាតុភូតអែលនីញ៉ូ ដែលមានប្រមាណ៦០% និង បាតុភូតអែនសូ មាន៤០%។ បាតុភូតអែនសូ គឺជាបាតុភូតអន្តរកាលចន្លោះបាតុភូតក្តៅអែលនីញ៉ូ និងបាតុភូតត្រជាក់ ឡានីញ៉ា។ ចាប់ពីខែឧសភានេះ រហូតដល់ខែវិច្ឆិកាឆ្នាំ ២០២៣ បាតុភូត ក្តៅអែលនីញ៉ូ នឹងកើនដល់៨០%, ចំណែកបាតុភូតអែនសូ នឹងថយចុះមកត្រឹមតែ ២០%។ ភាពវិវត្តចុងក្រោយនេះ នឹងធ្វើឱ្យស្ថានភាពអាកាសធាតុក្នុងរដូវវស្សាឆ្នាំ២០២៣ ជួបនឹងរបបទឹកភ្លៀងធ្លាក់មិនបានរាយប៉ាយល្អឡើយ។ ភ្លៀងអាចមានក្នុងកម្រិតតិចទៅមធ្យម និងផ្នែកខ្លះអាចមានភ្លៀងធ្លាក់ជាបង្គួរយោងតាមស្ថានភាពអំណោយផលក្នុងតំបន់។ ការព្យាករទឹកជំនន់ទនេ្លមេគង្គលើកទី១ បានបង្ហាញថា នៅស្ថានីយជលសាស្ត្របាសាក់-ចតុមុខសម្រាប់ឆ្នាំ២០២៣នេះ ទឹកអាចនឹងមានកម្ពស់ត្រឹមប្រមាណ ៨ម៉ែត្រ៣៥សង្ទីម៉ែត្រ ដែលគេចាត់ទុកជាប្រភេទជំនន់តូច។

មនសុ្សជាង១ពាន់នាក់ក្នុងខណ្ឌច្បារអំពៅទទួលបានការពិនិត្យ និងព្យាបាលជំងឺដោយឥតគិតថ្លៃ ពីសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)។ ការចុះពិនិត្យនិងព្យាបាលជម្ងឺដោយសមាគមគ្រូពេទ្យស្ម័គ្រចិត្តយុវជនសម្តេចតេជោ ដឹកនាំដោយវេជ្ជបណ្ឌិត ស៊ីម ស៊ូយេង បានធ្វើនាព្រឹកថ្ងៃទី២៨ ខែឧសភា ជាមួយនឹងក្រុមគ្រូពេទ្យ ស្ម័គ្រចិត្តចំនួន ២៦៥នាក់ ដល់ប្រជាពលរដ្ឋចំនួន១ពាន់៥៨៧នាក់ ដែលរស់នៅក្នុងសង្កាត់ក្បាលកោះ ខណ្ឌច្បារអំពៅ។ លោកវេជ្ជបណ្ឌិត ស៊ីម ស៊ូយេង អនុប្រធានប្រត្តិបត្តិ និងជាប្រធានបេសកកម្ម TYDA បានថ្លែងថា បណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី តែងតែយកចិត្តទុកដាក់គិតគូរខ្ពស់ចំពោះសុខទុក្ខ និងសុខភាពរបស់បងប្អូនប្រជាពលរដ្ឋ។ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) គឺជាសមាគមមួយដែលតែងជួយសង្គ្រោះពលរដ្ឋដោយស្ម័គ្រចិត្ត និងឥតគិតថ្លៃដោយមិនប្រកាន់ជាតិសាសន៍ ពណ៌សម្បុរ ឬនិន្នាការនយោបាយឡើយ។ សមាគមគ្រូវពេទ្យស្ម័គ្រចិត្តនេះ បានបង្កើតឡើងនៅថ្ងៃទី២៧ ធ្នូ ឆ្នាំ២០១២ ដោយមានបណ្ឌិត ហ៊ុន ម៉ាណែត ជាប្រធាន។ លោកវេជ្ជបណ្ឌិត ស៊ីម ស៊ូយេង បានថ្លែងក្នុងពេលចុះពិនិត្យសុខភាពជូនប្រជាពលរដ្ឋក្នុងពេលនោះថា គោលបំណងធំរបស់សមាគម TYDA គឺចូលរួមចំណែកជាមួយស្ថាប័នជាតិ ជាពិសេសក្រសួងសុខាភិបាល ដើម្បីផ្តល់សេវាសុខភាពជូនប្រជាពលរដ្ឋ ដោយឥតគិតថ្លៃ…

សកម្មជនដែលធ្លាប់បំរើគណបក្សប្រឆាំង បានបន្តចូលរួមជាមួយនឹងគណបក្សប្រជាជនកម្ពុជាបន្ថែមទៀត នៅមុនការបោះឆ្នោតសកល ខែកក្កដា ឆ្នាំ២០២៣ខាងមុខនេះ។ ក្នុងសប្តាហ៍នេះ, ក្រុមសកម្មជនគណបក្សប្រឆាំងនៅក្នុងខេត្តត្បូងឃ្មុំ ត្រូវគេឃើញថា បានផ្តួលរំលំស្លាក គណបក្សរបស់ខ្លួនចោល និងក្រុមសកម្មជនទាំងនោះ បាននាំគ្នាបានស្នើសុំរកការចូលរួមជីវភាពជាមួយនឹងគណបក្សប្រជាជនកម្ពុជា។ គណបក្សភ្លើងទៀន ត្រូវបានគជបបដិសេធការចុះបញ្ជីចូលរួមក្នុងការប្រកួតប្រជែងបោះឆ្នោតសកល ដោយសារមិនបានបំពេញតាមលក្ខន្តិកៈ នៃនីតិវិធីដែលគជបបានតម្រូវ។ ក្រុមប្រឹក្សាធម្មនុញ្ញដែលជាស្ថាប័នច្បាប់កំពូលរបស់ជាតិ បានសម្រេចបដិសេធបន្ថែមទៀតក្រោយ ការរកឃើញថាគណបក្សភ្លើងទៀននោះបានប្រព្រឹត្តខុសនឹងគតិច្បាប់។ សកម្មជនគន្លឹះរបស់គណបក្សភ្លើងទៀនក្នុងខេត្តបាត់ដំបង បាននាំគ្នាដើរចេញពីគណបក្សភ្លើងទៀន និងពួកគេបានសុំរួមជីវភាពនយោបាយជាមួយនឹងគណបក្សប្រជាជនកម្ពុជា។ ប្រធានគណៈកម្មការប្រតិបត្តិគណបក្សភ្លើងទៀនប្រចាំក្រុងបាត់ដំបងលោក យួម ដូង បានថ្លែងថ្កោលទោស មេដឹកនាំគណបក្សភ្លើងទៀន និងបានអំពាវនាវសមាជិកដទៃទៀត បោះបង់ចោលគណបក្សភ្លើងទៀន និងមកចូលរួមជាមួយគណបក្សប្រជាជនកម្ពុជា។ សមាជិកគន្លឹះរបស់គណបក្សភ្លើងទៀនម្នាក់ទៀតប្រចាំខេត្តបាត់ដំបងឈ្មោះ ហុង ថុនា បានសារភាពកំហុសខុសឆ្គងពីអតីតកាល និងបានស្នើសុំចូលរួមជីវភាពនយោបាយជាមួយគណបក្សប្រជាជនកម្ពុជា។ ខែមេសា និងខែឧសភា គឺជាខែដែលមានការភ្ញាក់រលឹកជាច្រើន របស់ពលរដ្ឋខ្មែរទាំងក្នុង និងក្រៅប្រទេស ដែលធ្លាប់តែរងនឹងការចាញ់បោកឧបាយកលគណបក្សប្រឆាំង។ សម្តេចតេជោ ហ៊ុន សែន បានថ្លែងបញ្ជាក់តាមបណ្តាញសង្គមមុននេះថា «ទឹកដែលធ្លាប់ល្អក់ ពេលនេះបានរងនឹងភាពថ្លាមកវិញហើយ»។

បេក្ខជននាយករដ្ឋមន្ត្រីរបស់គណបក្សប្រជាជនកម្ពុជាបណ្ឌិត ហ៊ុន ម៉ាណែត បានថ្លែង វាយតម្លៃខ្ពស់ចំពោះគំរូវីរភាពយុវជនជំនាន់មុន និងបានសន្យារៀនសូត្រនូវគំរូបន្សល់ទុកនូវលក្ខណៈសម្បត្តិបីយ៉ាងដល់អ្នកជំនាន់ក្រោយ។ តើគំរូវីរភាពទាំង៣បន្សល់ទុកដោយយុវជន ជំនាន់មុនមានអ្វីខ្លះ? អប្សរាណិតរាយការណ៍

មេបញ្ជាការកងទ័ពជើងគោក នាយឧត្តមសេនីយ៍ ហ៊ុន ម៉ាណែត បានថ្លែងថាក្នុងនាមជាកងទ័ពភារកិច្ចចំពោះមុខ គឺការប្តេជ្ញាការពារនិងថែរក្សាសុខសន្តិភាព សន្តិសុខ និងសណ្តាប់ធ្នាប់ របៀបរៀបរយសាធារណៈ តាមរយៈការទប់ស្កាត់រាល់ការប៉ុនប៉ងបង្កអស្ថិរភាពណាមួយ ដោយអនុវត្តគ្រប់បទបញ្ជារបស់រាជរដ្ឋាភិបាល។ លោកបានថ្លែងទៀតថាកងទ័ព កើតចេញពីប្រជាជន និងកងទ័ពត្រូវតែបម្រើផលប្រយោជន៍របស់ប្រជាជន។ អប្សរាណិតធ្វើសេចក្តីរាយការណ៍

ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិបានថ្លែងនៅថ្ងៃទី២៩ឧសភានេះថា កម្ពុជាប្ដេជ្ញាបង្កើនចំនួនយោធិនជានារីឱ្យបាន២៥ភាគរយនៅគ្រប់បេសកកម្មរក្សាសន្តិភាពក្រោមឆត្រ UN។ ប្រសាសន៍ថ្លែងរបស់សម្តេចពិជ័យសេនា ទៀ បាញ់ បានធ្វើឡើងក្នុងឱកាសចូល រួមទិវាអន្ដរជាតិកងកម្លាំងរក្សាសន្តិភាពអង្គការសហប្រជាជាតិ និងដាក់កម្រងផ្ការំឭកវិញ្ញាណក្ខន្ធកងកម្លាំងរក្សាសន្តិភាពពលីជីវិត ក្នុងតំបន់បេសកកម្មក្រោមឆត្រអង្គការសហប្រជាជាតិ នៅសាលាហ្វឹកហ្វឺនកងកម្លាំងរក្សាសន្តិភាពពហុជាតិក្នុងខេត្តកំពង់ស្ពឺ។ តំណាងអង្គការសហប្រជាជាតិប្រចាំកម្ពុជា លោកចូសេប ស៊្ហូអើ (Joseph Scheuer) បានអញ្ជើញចូលរួមក្នុងពិធីនោះផងដែរ។ សម្តេចពិជ័យសេនា ទៀ បាញ់ ជាមួយនឹងប្តេជ្ញានេះ បានបញ្ជាក់ថា នៅក្នុងរយៈពេល១៧ឆ្នាំ មកនេះគឺរវាងពីឆ្នាំ ២០០៦ ដល់២០២៣ កម្ពុជាបានបញ្ជូនកងកម្លាំងរាប់ពាន់នាក់ ដើម្បីទៅបំពេញបេសកកម្មក្នុងបណ្ដាប្រទេសដែលកំពុងជួបវិបត្តិ ក្នុងនោះរួមស្ត្រីជាង ១៥%។ សម្តេចពិជ័យសេនាទៀបាញ់បានថ្លែងបន្តថា «រាជរដ្ឋាភិបាលកម្ពុជា ប្ដេជ្ញាចិត្តយ៉ាងមុតមាំក្នុងការជំរុញបង្កើនការប្រើប្រាស់កម្លាំងស្ត្រីឱ្យបាន២៥% នៅគ្រប់បេសកកម្មរក្សាសន្តិភាពទាំងក្នុងកងនៅទីបញ្ជាការ, ពិសេសតួនាទីជានាយទាហានសេនាធិការ និងសង្កេតការណ៍យោធា សម្រាប់ធានានិរន្តភាព នៃការចូលរួមបំពេញបេសកកម្មរក្សាសន្តិភាពយូរអង្វែង ព្រមទាំងផ្តោតសំខាន់ទៅលើសកម្មភាពក្នុងវិស័យរក្សាសន្តិភាពមួយចំនួនទៀត ដែលកម្ពុជាមានលទ្ធភាពចូលរួម»។ មន្ត្រីអង្គការសហប្រជាជាតិ លោក ចូសេប ស៊្ហូអើ បានបង្ហាញក្តីរំភើបរីករាយចំពោះយុទ្ធជន យុទ្ធនារីកម្ពុជា ដែលបានសម្រេចចិត្តចូលរួមជាមួយកម្លាំងកងទ័ពមួកខៀវ។ លោកបានថ្លែងថា «អ្នកទាំងអស់គ្នាបានក្លាយជាគ្រួសារមួយរបស់អង្គការសហប្រជាជាតិ»។ កម្ពុជាក្នុងរយៈពេល១៧ឆ្នាំកន្លងមកនេះ បានបញ្ជូនកងកម្លាំងថែរក្សាសន្តិភាពក្រោមឆត្រ អង្គការសហប្រជាតិចំនួនជាង ៩ពាន់នាក់ ទៅបំពេញបេសកកម្មរក្សាសន្តិភាពចំនួន៩ប្រទេស…

គណបក្សប្រជាជនកម្ពុជា បានទទួលលេខរៀងទី១៨ នៃកំណត់សម្គាល់ឈ្មោះគណបក្ស ក្នុងការចាប់លេខរៀង រៀបចំដោយគណៈកម្មាធិការជាតិរៀបចំការបោះឆ្នោត។ ការចាប់លំដាប់លេខរៀងនៅថ្ងៃទី២៩ ឧសភានេះ បានប្រព្រឹត្តទៅនៅបរិវេណគណៈកម្មាធិការជាតិរៀបចំការបោះឆ្នោត ដោយមានការយាងនិមន្តចូលរួមពីសម្តេចសង្ឃរាជទាំងពីរគណៈ, តំណាងក្រសួងស្ថាប័នពាក់ព័ន្ធ, តំណាងគណបក្សនយោបាយ, តំណាងសមាគម និងអង្គការមិនមែនរដ្ឋាភិបាល ព្រមទាំងអ្នកសារព័ត៌មានជាច្រើនរូបទៀត។ ប្រធានគណៈកម្មាធិការជាតិរៀបចំការបោះឆ្នោតលោក ប្រាជ្ញ ចន្ទ បានថ្លែងថា គជបនឹងត្រូវផលិតសន្លឹកឆ្នោតតាមមណ្ឌលនីមួយៗ សម្រាប់ប្រើប្រាស់ក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧។ លេខរៀងទី១៨ដែលគណបក្សប្រជាជនកម្ពុជាចាប់បាន គឺជាលេខរៀងចុងក្រោយបំផុត របស់គណបក្សនយោបាយដែលមានសរុប១៨គណបក្ស និងដែលត្រូវចូលរួមក្នុងការបោះឆ្នោតសកលថ្ងៃទី២៣ខែកក្កដាខាងមុខនេះ។ គណបក្ស១៧ដទៃទៀត ដែលបានទទួលលំដាប់លេខ រៀងរួមមាន គណបកសំបុកឃ្មុំសង្គមប្រជាធិតេយ្យ មានលេខរៀងទី១, គណបក្សខ្មែរតែមួយ មានលេខរៀងទី២, គណបក្សសញ្ជាតិកម្ពុជា មានលេខរៀងទី៣, គណបក្សខ្មែររួបរួមជាតិ មានលេខរៀងទី៤, គណបក្សកម្លាំងប្រជាធិបតេយ្យ មានលេខរៀងទី៥, គណបក្សកសិករ មានលេខរៀងទី៦, គណបក្សស្រ្តីដើម្បីស្ត្រី មានលេខរៀងទី៧, គណបក្សគណបក្សខ្មែរឈប់ក្រ មានលេខរៀងទី៨, គណបក្សហ៊្វុនស៊ិនប៉ិចលេខរៀងទី៩, គណបក្សធម្មាធិបតេយ្យ លេខរៀងទី១០, គណបក្សប្រជាធិបតេយ្យមូលដ្ឋានលេខរៀងទី១១, គណបក្សបំណងប្រជាពលរដ្ឋលេខរៀងទី១២, គណបក្សខ្មែរអភិវឌ្ឍន៍សេដ្ឋកិច្ច លេខរៀងទី១៣, គណបក្សឯកភាពជាតិខ្មែរលេខរៀងទី១៤, គណបក្សខ្មែរអភិរក្ស លេខរៀងទី១៥, គណបក្សយុវជនកម្ពុជាលេខរៀងទី១៦ និងគណបក្សជនជាតិដើមប្រជាធិបតេយ្យកម្ពុជា…