ក្រុមហ៊ុនអាល្លឺម៉ង Vallon GmbH បានប្តេជ្ញាចូលរួមកិច្ចសហការជាមួយនឹងរាជរដ្ឋាភិបាល ក្នុងការជួយបោសសំអាតមីន ខណៈដែលកម្ពុជាបានដាក់ចេញនូវគោលដៅ បោសសំអាតគ្រាប់មីនសេសសល់ក្រោមដី ឱ្យអស់ក្នុងឆ្នាំ២០២៥។ ក្រុមហ៊ុន អាល្លឺម៉ង Vallon គឺជាក្រុមហ៊ុនឈានមុខគេមួយលើពិភពលោក ក្នុងការអភិវឌ្ឍ និងផលិតឧបករណ៍រាវរកអាវុធជាតិផ្ទុះ។ ការប្តេជ្ញាចូលរួមកិច្ចសហការជាមួយកម្ពុជា ដើម្បីបោសសំអាតគ្រាប់មិនទាន់ផ្ទុះក្នុងដីនេះ ត្រូវបានលើកឡើងក្នុងសិក្ខាសាលាមួយ នៅថ្ងៃទី២៦ មេសា រៀបចំដោយអាជ្ញាធរមីនកម្ពុជា ជាមួយនឹងក្រុមហ៊ុនអាល្លឺម៉ង Vallon។ សិក្ខាសាលានេះ នឹងមានរយៈពេល២ថ្ងៃ ដែលនឹងបញ្ចប់នៅថ្ងៃទី២៧ មេសា នៅលើទឹកដីខេត្តសៀមរាប។ ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានថ្លែងថាការប្រើប្រាស់ឧបករណ៍បច្ចេកវិទ្យាទំនើប ក្នុងប្រតិបត្តិការរាវរកគ្រាប់មីន និងយុទ្ធភណ្ឌមិនទាន់ផ្ទុះ បានដើរតួនាទីយ៉ាងសំខាន់ក្នុងវឌ្ឍនភាពនេះ និងជាផ្នែកមួយ នៃការចូលរួមសម្រេចលើចក្ខុវិស័យរបស់សម្តេចតេជោ ដែលកំណត់ការបោសសំអាតមីន ឱ្យអស់ពីកម្ពុជាក្នុងឆ្នាំ២០២៥។ ទេសរដ្ឋមន្រ្តី លី ធុជ បានចាត់ទុកក្រុមហ៊ុន Vallon គឺជាដៃគូដ៏ចាំបាច់មួយ ក្នុងកិច្ចប្រតិបត្តិការបោសសម្អាតមីន នៅកម្ពុជា និងចាត់ទុកក្រុមហ៊ុន Vallon គឹជាក្រុមហ៊ុនឈានមុខគេនៅលើពិភពលោក ក្នុងការផលិត និងការអភិវឌ្ឍបច្ចេកវិទ្យាទំនើបកម្រិតខ្ពស់ ក្នុងប្រតិបត្តិការរាវរកគ្រាប់មីន និងយុទ្ធភណ្ឌមិនទាន់ផ្ទុះ…

សកម្មភាពដឹកជញ្ជូនឈើយ៉ាងអនាធិបតេយ្យចេញពីតំបន់ព្រៃឡង់ខេត្តក្រចេះ ទៅឱ្យក្រុមហ៊ុនឯកជនមួយ ដោយមិនខ្លាចញញើតនឹងកម្លាំងសមត្ថកិច្ច បានប្រញាប់ឱ្យសមត្ថកិច្ចដាក់ចេញនូវវិធានការបង្ក្រាបភ្លាមៗ។ កងកម្លាំងសម្រាប់ការបង្ក្រាបបទល្មើសព្រៃឈើ យ៉ាងហោចចំនួន១៥០នាក់ ប្រដាប់ដោយអាវុធគ្រប់ដៃ ត្រូវបានគេបញ្ជូនទៅកាន់តំបន់ព្រៃឡង់ ខេត្តក្រចេះ ដើម្បីបង្ក្រាបអំពើខុសច្បាប់នោះ។ អប្សរាណិតធ្វើសេចក្តីរាយការណ៍

សម្ដេចតេជោ ហ៊ុន សែន បានអញ្ជើញជួបសំណេះសំណាលជាមួយសាសនិកឥស្លាមចំនួន ៣ពាន់ ៥៤០នាក់ ដែលជាសមាជិក នៃគណៈចលនាសាសនិកឥស្លាម របស់គណបក្សប្រជាជនកម្ពុជា។ ជំនួបដែលបានធ្វើឡើងនៅព្រឹកថ្ងៃទី២៦ ខែមេសា ឆ្នាំ២០២៣ បានធ្វើឡើងនៅវិមាន៧មករា ដែលជាទីស្នាក់ការកណ្ដាល របស់គណបក្សប្រជាជនកម្ពុជា។ ប្រធានគណៈចលនាសាសនិកឥស្លាមរបស់គណបក្សប្រជាជនកម្ពុជា លោក អូស្មាន ហាសាន់ បានលើកឡើងជុំវិញប្រវត្តិ នៃការបង្កើតគណកម្មការគណៈចលនាសាសនិកឥស្លាម របស់គណបក្សប្រជាជនកម្ពុជា ក្នុងឆ្នាំ១៩៩៨ និងបញ្ជាក់ថា គណៈចលនាសាសនិកឥស្លាម តែងអនុវត្តបានយ៉ាងខ្ជាប់ខ្ជួននូវអនុសាសន៍ដឹកនាំរបស់សម្តេច និងជាលទ្ធផលនៅគ្រប់អាណត្តិ នៃការបោះឆ្នោតទាំងអស់ រួមទាំងការបោះឆ្នោតជ្រើសតាំងតំណាងរាស្ត្រ និងបោះឆ្នោតជ្រើសរើសក្រុមប្រឹក្សាឃុំសង្កាត់ គឺការបោះឆ្នោតជូនគណបក្សប្រជាជនកម្ពុជា ដោយពលរដ្ឋឥស្លាម គឺមានភាគរយខ្ពស់គួរឱ្យកត់សម្គាល់។ សម្តេចតេជោបានអរគុណដល់ពលរដ្ឋខ្មែរ-ឥស្លាម ដែលកន្លងមកបានបោះឆ្នោតគាំទ្រគណបក្សប្រជាជនកម្ពុជា និងសម្តេចបានចាត់ទុកថា «ការបោះឆ្នោតអោយគណបក្សប្រជាជនកម្ពុជានេះ គឺជាការចូលរួមរក្សាបាននូវសេចក្តីសុខ និងសុខសន្តិភាព របស់ជាតិកម្ពុជាទាំងមូល»។ សម្តេចតេជោនាយករដ្ឋមន្ត្រីបានថ្លែងអបអរសាទរចំពោះការបញ្ចប់ដោយជោគជ័យ នៃខែរ៉ាម៉ាដន និងបានថ្លែងការកោតសរសើរចំពោះការចូលរួមរបស់ពលរដ្ឋខ្មែរ-ឥស្លាម ក្នុងការអភិវឌ្ឍ របស់ប្រទេសជាតិជាមួយនឹងរាជរដ្ឋាភិបាលកម្ពុជា។

ក្នុងរយៈពេល ២៤ម៉ោងចុងក្រោយនេះ ប្រទេសមួយចំនួនក្នុងអាស៊ាន នៅតែមានករណីឆ្លង និងស្លាប់ដោយសារកូវីដ១៩ ក្នុងនោះកម្ពុជាមិនមានការឆ្លងថ្មីឡើយ។ តួលេខឆ្លងថ្មីកូវីដ១៩ ក្នុងប្រទេសអាស៊ាន នៃរយៈពេល ២៤ម៉ោងចុងក្រោយនេះ មានចំនួន ៣ពាន់ ១៦៥ករណី ដែលថយចុះមកវិញចំនួន ២ពាន់ ៥៣៧ករណី ធៀបនឹងការឆ្លងកាល ពីម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន៦ នៅអាស៊ាន រួមមានប្រទេសឥណ្ឌូនេស៊ី, ហ្វីលីពីន, ថៃ, វៀតណាម, មីយ៉ាន់ម៉ា និងប្រទេសឡាវ។ ប្រទេសវៀតណាម គឺជាប្រទេសដែលមានតួលេខឆ្លងច្រើនជាងគេ ដែលមានអ្នកឆ្លងចំនួន ១ពាន់ ៩០៨ករណី។ តួលេខឆ្លងតិចជាងគេ គឺប្រទសឡាវ ដែលមានអ្នកឆ្លងចំនួន ១ករណី។ ប្រទេសម៉ាឡេស៊ី, សឹង្ហបុរី, កម្ពុជា និងប្រទេសប្រុយណេ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល២៤ ម៉ោងចុងក្រោយនេះ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ៧២ម៉ោងចុងក្រោយនេះ មានចំនួន ៧នាក់ ដែលជាពលរដ្ឋនៃប្រទេសឥណ្ឌូនេស៊ី និងប្រទេសថៃ។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន…

បាតុភូត ភ្លៀង ផ្គរ រន្ទះ និងខ្យល់កន្ត្រាក់ នៅតែបន្ដកើតមាន ខណៈសីតុណ្ហភាពកម្ដៅ អតិបរមានៅតែស្ថិតក្នុងរង្វង់ពី៣៣ ទៅ៣៨អង្សាសេ ក្នុងមួយសប្ដាហ៍ទៅមុខទៀតនេះ។ យោងតាមការព្យាករណ៍ ការបន្តស្ថិតក្នុងសីតុណ្ហភាពដ៏ក្តៅដដែលនេះ គឺដោយសារកម្ពុជា បានទទួលរងនូវឥទ្ធិពលពីកម្រិតសម្ពាធទាបខ្សោយ ទៅមធ្យម និងមានខ្យល់ប្រែប្រួល។ យោងតាមការព្យាករណ៍, រវាងពីថ្ងៃទី២៦ ខែមេសា រហូតដល់ថ្ងៃទី២ ខែឧសភា ឆ្នាំ២០២៣ នៅតំបន់ទំនាបកណ្ដាល សីតុណ្ហភាពកម្រិតអប្បបរមានឹងមាន រវាងពី២៥ ទៅ២៧អង្សាសេ, សីតុណ្ហភាពកម្ដៅអតិបរមា នឹងមានរវាងពី៣៦ ទៅ៣៨អង្សាសេ។ យោងតាមការព្យាករណ៍ ក្នុងតំបន់ទំនាបកណ្ដាលនេះ មានផ្នែកមួយចំនួន នៃបណ្តារាជធានី-ខេត្ត អាចមានភ្លៀងធ្លាក់ក្នុងកម្រិតពីខ្សោយទៅមធ្យម និងអាចបង្គួរនៅផ្នែកខ្លះ ដែលលាយឡំទៅដោយផ្គរ រន្ទះ និងខ្យល់កន្ត្រាក់ ពិសេសបណ្តាខេត្តភាគពាយ័ព្យ។ ចំណែកនៅតំបន់ខ្ពង់រាប សីតុណ្ហភាពអប្បបរមា មានរវាងពី ២៥ ទៅ២៧ អង្សាសេ, សីតុណ្ហភាពកម្ដៅអតិបរមា មានរវាងពី៣៥ទៅ៣៧ អង្សាសេ។ តាមការព្យាករណ៍ ក្នុងតំបន់ខ្ពង់រាបនេះ អាចមានភ្លៀងធ្លាក់ក្នុងកម្រិតពីខ្សោយទៅមធ្យម ដែលលាយឡំទៅដោយផ្គរ រន្ទះ និងខ្យល់កន្ត្រាក់។ ចំណែកនៅតំបន់មាត់សមុទ្រនោះវិញ…

អធិការដ្ឋាននគរបាលខណ្ឌទួលគោកបានបើកកិច្ចប្រជុំផ្សព្វផ្សាយផែនការការពារសន្តិសុខ រក្សាសណ្តាប់ធ្នាប់ ខណៈព្រឹត្តិការណ៍ប្រកួតកីឡាស៊ីហ្គេមលើកទី៣២ និងកីឡាអាស៊ានប៉ារ៉ាហ្គេមលើកទី១២ កាន់តែកៀកជិតមកដល់។ ព្រឹត្តិការណ៍កីឡាស៊ីហ្គេមត្រៀមនឹងចាប់ផ្តើមកីឡាបាល់ទាត់នៅថ្ងៃទី២៩មេសាខាងមុខនេះ។ អប្សរាណិតធ្វើសេចក្តីរាយការណ៍

សម្តេចតេជោ ហ៊ុន សែន បានព្រមានដល់សកម្មជនគណបក្សប្រឆាំងម្នាក់ឈ្មោះ ស៊ន តារា ដែលបានចាត់ទុកឪពុកម្តាយរបស់ខ្លួនដូចជា «លាមកគោ»។ ស៊ន តារា ដែលរស់នៅក្រៅប្រទេស បានបន្តការវាយប្រហារដាក់មកលើសម្តេចតេជោ ហ៊ុន សែន និងក្រុមគ្រួសារជាបន្តបន្ទាប់ ជាពិសេសសម្តីវាយប្រហារដាក់មកលើបណ្ឌិត ហ៊ុន ម៉ាណែត ដែលជាបេក្ខជនបន្តវេននាយករដ្ឋមន្ត្រីរបស់គណបក្សប្រជាជនកម្ពុជា។

សម្តេចតេជោ ហ៊ុន សែន បានចាត់ទុកការវិភាគសភាពការណ៍ដ៏ត្រឹមត្រូវ គឺជាប្រការសំខាន់ ដែលមន្ត្រីក្នុងគណបក្សប្រជាជនកម្ពុជា កំពុងកាន់អំណាចត្រូវយកចិត្តទុកដាក់ ដើម្បីការរៀបធ្វើឱ្យប្រទេសជាតិមានដំណើរទៅមុខប្រកបដោយស្ថិរភាព និងរីកចំរើន។ ក្នុងពិធីប្រគល់សញ្ញាបត្រជូនគរុសិស្ស, និស្សិត និងបុគ្គលិកអប់រំ ជាង២ពាន់ នាក់នៅវិទ្យាស្ថានជាតិអប់រំ សម្តេចតេជោ ហ៊ុន សែន បានថ្លែងបង្ហាញនូវគន្លឹះបីសំខាន់ដែលជាវិធី នៃរបៀបវិភាគស៊ីជម្រៅ ដែលមន្ត្រីរាជរដ្ឋាភិបាលគប្បីរៀនសូត្រ និងក្រេបជញ្ជក់។ ការវាយតម្លៃ និងវិភាគរបស់ក្រុមប្រឆាំង គឺជារបៀបម្យ៉ាង ដែលក្រុមអ្នកតាមដានសភាពការណ៍ វិវត្តន៍ក្នុងប្រទេសកម្ពុជា បានហៅថា «ជារបៀបឆ្កឹះកកាយរឿងចាស់ ដែលរសើប ដែលគេចាត់ទុកថាជានយោបាយបាញ់គ្រាប់ស្អុយ ក្នុងការរកលេសបង្កើតរឿង ដើម្បីចង់ឱ្យបរទេសរកគំនាបដាក់មកលើរាជរដ្ឋាភិបាលកម្ពុជា»។ វិធីទុច្ចរិតនេះ តែងត្រូវបានក្រុមធ្វើនយោបាយប្រឆាំង ចូលចិត្តប្រើប្រាស់ ជាពិសេសនៅមុនដំណាក់កាលបោះឆ្នោតសកល ដើម្បីចង់នាំប្រទេសដែលមានសន្តិភាពឱ្យធ្លាក់ចូលក្នុងឧបាយកលសង្គ្រាមសាជាថ្មី តាមវិធីបដិវត្តពណ៌ ដែលធ្លាប់បានប្រើប្រាស់នៅតាមប្រទេសមួយចំនួន។

សម្តេចតេជោ ហ៊ុន សែន បានថ្លែងចំអកដល់ភាពល្ងង់ខ្លៅរបស់មេខ្លោងធ្វើនយោបាយ របស់ក្រុមឧទ្ទាម ដែលតែងតែស្ថិតក្រោមប្រៀបឈ្នះរបស់គណបក្សប្រជាជនកម្ពុជា។ សម្តេចតេជោ ហ៊ុន សែន បានរំលឹកជុំវិញការប្រើប្រាស់ភាពល្ងង់ខ្លៅ របស់ សម រង្ស៊ី ដើម្បីការផ្លាស់ប្តូររូបមន្ត២ភាគបីឱ្យក្លាយជារូបមន្ត៥០បូកមួយដូចបច្ចុប្បន្ន។ ដំណើរការនយោបាយរបស់កម្ពុជា តែងជាប់គាំងច្រើនដងពាក់ព័ន្ធនឹងការប្រើប្រាស់រូបមន្ត២ភាគបី ក្នុងការអនុម័តច្បាប់ ដែលចែងក្នុងរដ្ឋធម្មនុញ្ញ ប៉ុន្តែនៅក្នុងឆ្នាំ២០០៦ ភាពទ័លច្រកលើដំណើរការនយោបាយនេះ ត្រូវបានបំបែកដោយគណបក្សប្រជាជនកម្ពុជា តាមរយៈការប្រើប្រាស់ សម រង្ស៊ី ដែលជាអតីតប្រធានគណបក្សប្រឆាំងមួយក្នុងពេលនោះ ដោយសារតែការចង់យកឈ្នះលើគណបក្សហ៊្វុនស៊ិនប៉ិច។ ភាពល្ងង់ខ្លៅរបស់ សម រង្ស៊ី នោះ ត្រូវបានប្រវត្តិសាស្ត្របានចារឹកទុក…និងនៅថ្ងៃទី២៥ មេសា ឆ្នាំ២០២៣ ត្រូវបានសម្តេចតេជោ ហ៊ុន សែន បានលើកយកមករំលឹកជុំវិញភាពខ្សោយ របស់ក្រុមធ្វើនយោបាយប្រឆាំង។ យោងតាមប្រវត្តិសាស្ត្រ, ការផ្លាស់ប្តូររូបមន្តភាគបីឱ្យក្លាយជារូបមន្ត៥០បូកមួយ បានជួយគណបក្សប្រជាជនកម្ពុជា ក្នុងការបំបាត់គូប្រកួតប្រជែង ក្នុងនោះបានធ្វើឱ្យសម្តេចក្រុមព្រះ នរោត្តម រណឫទ្ធិ បាត់បង់តំណែងប្រធានរដ្ឋសភា ហើយក្រោយមកគណបក្សហ៊្វុនស៊ិនប៉ិច បានបាត់បង់អំណាចក្នុងរាជរដ្ឋាភិបាលចំរុះ និងរូបមន្ត៥០បូកមួយនោះផងដែរ បានធ្វើឱ្យគណបក្សប្រជាជនកម្ពុជា កាន់តែមានភាពជោគជ័យរបស់ខ្លួន ក្នុងដំណើរនយោបាយរៀបចំស្រុកទេស រហូតដល់មានការអភិវឌ្ឍន៍ដូចបច្ចុប្បន្ន។