ស្ថានភាពទឹកភ្លៀងក្នុងឆ្នាំ២០២៣នេះ ត្រូវគេព្យាករណ៍ថាមិនសូវល្អឡើយ ខណៈសីតុណ្ហភាពកម្តៅក៏អូសបន្លាយពេលវេលាយូរផងទៀត។ ក្រសួងធនធានទឹក និងឧតុនិយម បានអំពាវនាវពលរដ្ឋត្រូវសន្សំសំចៃក្នុងការប្រើប្រាស់ទឹក និងប្រុងប្រយ័ត្នចំពោះគ្រោះធម្មជាតិផ្គរ និងរន្ទះ, ខ្យល់គួច និងខ្យល់កន្ត្រាក់។ អប្សរាណិតរាយការណ៍

គណៈកម្មាធិការជាតិរៀបចំការបោះឆ្នោត បានចាប់ផ្តើមថ្ងៃដំបូងរបស់ខ្លួន ក្នុងការចុះបញ្ជីគណបក្សនយោបាយ និងបេក្ខជនឈរឈ្មោះបោះឆ្នោត។ យោងតាមគជប មានគណបក្សនយោបាយទើបចំនួន៤ប៉ុណ្ណោះ ដែលបានមកចុះបញ្ជីនៅថ្ងៃទី២៤ មេសា ថ្ងៃដំបូងនេះ ក្នុងនោះនៅមិនទាន់មានគណបក្សភ្លើងទៀននៅឡើយទេ។ សមាជិកគជប លោក ឌឹម សុវណ្ណារ៉ុម ដែលជាប្រធានក្រុមប្រតិកម្មព័ត៌មាន គជប បានបញ្ជាក់ នៅថ្ងៃដំបូងនេះថា «គណបក្សដែលបានចុះបញ្ជីរួចរាល់ នៅគណៈកម្មាធិការជាតិរៀបចំការបោះឆ្នោត នៅថ្ងៃទី១នេះ រួមមានគណបក្សប្រជាជនកម្ពុជា, គណបក្សយុវជនកម្ពុជា, គណបក្សខ្មែររួបរួមជាតិ និងគណបក្សធម្មាធិបតេយ្យ»។ យោងតាម គជប ការចុះបញ្ជីគណបក្សនយោបាយ និងបេក្ខជនឈរឈ្មោះបោះឆ្នោតជ្រើសតាំងតំណាងរាស្រ្តនីតិកាលទី៧ នឹងមានរយៈពេល១៥ថ្ងៃ ចាប់ផ្តើមនៅថ្ងៃច័ន្ទ ទី២៤ មេសា រហូតដល់ថ្ងៃទី៨ ឧសភា។

សម្តេចតេជោ ហ៊ុន សែន បានមានប្រសាសន៍រំលឹកនូវការដឹងគុណដល់មាតាបិតា ដែលជាកិច្ចការមិនអាចរំលងចោលបានឡើយ ចំពោះរូបសម្តេច បើទោះបីជាមានកិច្ចការជាប់រវល់យ៉ាងណាក្តី។ ប្រសាសន៍បង្ហាញការដឹងគុណចំពោះបុព្វបុរសនេះ បានធ្វើឡើងនៅថ្ងៃច័ន្ទទី២៤ មេសានេះ ក្នុងឱកាសសម្តេច, ភរិយា, ក្រុមគ្រួសារ និងសាច់ញាតិបងប្អួនទាំងអស់ បានអញ្ជើញចូលរួមក្នុងពិធីបុណ្យបញ្ចុះខណ្ឌសីមា និងឆ្លងសមិទ្ធផលនានា ក្នុងវត្តព្រះបារមីវង្កតបុរី ហៅវត្តទួលក្រសាំង ដែលជាវត្តរក្សាអដ្ឋិធាតុមាតា និងបិតា បង្កើតដែលទទួលអនិច្ចកម្ម។ គួរបញ្ជាក់ថាមាតារបស់សម្តេចគឺលោកយាយមហាឧបាសិកា ឌី ប៉ុក បានទទួលមរណភាពនៅថ្ងៃទី១០ ខែមីនា ឆ្នាំ១៩៩៨ ក្នុងជន្មាយុ ៧៩ឆ្នាំ…ចំណែកបិតារបស់សម្តេចគឺអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង បានទទួលមរណភាពនៅថ្ងៃទី១២ ខែកក្កដា ឆ្នាំ២០១៣ ក្នុងជន្មាយុ ៩០ ឆ្នាំដោយជរាពាធ។ វត្តព្រះបារមីវង្កតបុរី ហៅវត្តទួលក្រសាំង គឺជាវត្តមួយដែលបិតារបស់សម្តេចតេជោ ហ៊ុន សែន បានជ្រើសរើសសម្រាប់ជាកន្លែងសាងសង់ចេតិយ៍សម្រាប់នៅពេលណាដែលអ្នកឧកញ៉ាមហាភក្តីបានធ្វើមរណកាល។

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានចំនួន ៤ពាន់ ៥៥១ករណី ដែលកើនឡើងចំនួន ៣៧៨ករណី ធៀបនឹងការឆ្លងកាលពីម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន៧ នៅអាស៊ាន រួមមានប្រទេសឥណ្ឌូនេស៊ី, ហ្វីលីពីន, វៀតណាម, មីយ៉ាន់ម៉ា, ប្រុយណេ, កម្ពុជា និងប្រទេសឡាវ។ ប្រទេសវៀតណាម គឺជាប្រទេសដែលមានតួលេខឆ្លងច្រើនជាងគេ ដែលមានអ្នកឆ្លងចំនួន ២ពាន់ ៤៦១ករណី។ តួលេខឆ្លងតិចជាងគេ គឺប្រទេសកម្ពុជា ដែលមានអ្នកឆ្លងចំនួន ២ករណី។ ប្រទេសថៃ, ម៉ាឡេស៊ី និងប្រទេសសឹង្ហបុរី គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល២៤ម៉ោងចុងក្រោយនេះ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ១៤នាក់ ដែលជាពលរដ្ឋ នៃប្រទេសឥណ្ឌូនេស៊ី និងប្រទេសហ្វីលីពីន។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន ៧៧ម៉ឺន ៥៧៩ករណី, និងការស្លាប់សរុបមានចំនួន ៣៦ម៉ឺន ៦ពាន់ ៩៨៩នាក់។ បើគិតសរុបនៅលើសាកលលោកនោះវិញ ការឆ្លងវីរុសកូវីដ១៩…

តម្លៃប្រេងសាំង បានធ្លាក់ចុះមកវិញ សម្រាប់ក្នុងការលក់រយៈពេល១០ថ្ងៃខាងមុខនេះ។ យោងតាមក្រសួងពាណិជ្ជកម្មតម្លៃ ប្រេងឥន្ធនៈ សម្រាប់ការលក់រវាងពីថ្ងៃទី២១ រហូតដល់ ថ្ងៃទី៣០ ខែមេសា ឆ្នាំ២០២៣ គឺប្រេងសាំងធម្មតាមានតម្លៃចំនួន៤ពាន់៤០០រៀល ក្នុង១លីត្រ ដែលតម្លៃនេះបានថយចុះ ចំនួន៥០រៀល បើធៀបទៅការលក់រយៈ ពេល១០ថ្ងៃមុន.. ចំណែកប្រេងម៉ាស៊ូតមានតម្លៃចំនួន ៤ពាន់៥០ រៀលក្នុង១លីត្រ ដែលតម្លែនេះគឺ បានធ្លាក់ ចំនួន១០០រៀល បើធៀបទៅនឹងការលក់រយៈពេល១០ ថ្ងៃមុន។ សូមជម្រាបថា រាជរដ្ឋាភិបាលតែងតែចំណាយប្រាក់ ជួយខាតយ៉ាងហោច ៦ចុច៥សេន ក្នុងមួយលីត្រ ដើម្បីជាការទប់ស្កាត់តម្លៃប្រេង ក្នុងការជួយសម្រាលបន្ទុកដល់ពលរដ្ឋ។

អតីតអគ្គនាយករង នៃអគ្គនាយកដ្ឋានរដ្ឋបាល និងកិច្ចការទូទៅ នៃរដ្ឋលេខាធិការដ្ឋានអាកាសចរស៊ីវិលលោក បែល វ៉ាន់ដែត ត្រូវបានសមត្ថកិច្ចឃាត់ខ្លួនសាជាថ្មី និងត្រូវបានតុលាការចេញដីកា ឃុំខ្លួនដាក់ពន្ធនាគារ។ ការឃាត់ខ្លួននេះបានធ្វើឡើងនៅទី២១ ខែមេសា ឆ្នាំ២០២៣នេះ។ យោងតាមដីកាបង្គាប់ឲ្យចាប់ខ្លួនរបស់ចៅក្រមស៊ើបសួរ និងជាអនុប្រធានសាលាដំបូងរាជធានីភ្នំពេញ ជនត្រូវចោទមិនបានគោរពកាតព្វកិច្ចតាមចំណុច “ង” ដែលហាមទៅគំរាមកំហែង ឬគៀបសង្កត់ ឬទៅបរិវេណលំនៅដ្ឋានរបស់ជនរងគ្រោះ ឬដើមបណ្តឹងរដ្ឋប្បវេណី ដូចនេះតុលាការត្រូវចេញដីកាបង្គាប់ឲ្យចាប់ខ្លួនតាមមាត្រា ១៩៥ និងមាត្រា ១៩៦ នៃក្រមព្រហ្មទណ្ឌ និងបង្គាប់អោយឃុំខ្លួនដាក់ពន្ធនាគារ។ សូមជម្រាបថា កាលពីវេលាម៉ោង៧យប់ថ្ងៃទី២៩ ខែមីនា ឆ្នំា២០២៣ ជនរងគ្រោះឈ្មោះ ឆែ វណ្ណម៉ូលីវ័ន្ត ភេទប្រុស អាយុ២២ឆ្នាំ មុខរបរនិស្សិត បើករថយន្តចេញពីហូបអីនៅខណ្ឌទួលគោក សំដៅទៅផ្ទះនៅក្រុមទី៣ ភូមិខ២ សង្កាត់ច្រាំងចំរេះទី២ ខណ្ឌឫស្សីកែវ។ លុះពេលមកដល់ក្លោងទ្វារច្រកចូលបុរី ស្រាប់តែលោក បែល វ៉ាន់ដែត អាយុ ៣៨ឆ្នាំ បានឈប់រថយន្តនៅពីមុខមិនព្រមទៅមុខ។ ជនរងគ្រោះ រង់ចាំប្រហែល៥នាទី ទើបស៊ីប្លេរថយន្តមួយដង និងបើកភ្លើងហ្វាជាច្រើនដង រួចក៏វ៉ារថយន្តជនសង្ស័យទៅមុន។ ពេលនោះ លោក…

ផ្លូវល្បឿនលឿនទី២ របស់កម្ពុជា គ្រោងនឹងបើកការដ្ឋានសាងសង់ជាផ្លូវការក្នុងខែមិថុនា ជិតមកដល់នេះហើយ។ ផ្លូវល្បឿនលឿនដែលតភ្ជាប់រវាងរាជធានីភ្នំពេញ រហូតដល់ក្រុងបាវិត ខេត្តស្វាយរៀង ជាប់ព្រំប្រទល់ដែនប្រទេសវៀតណាម នឹងបើកការដ្ឋានសាងសង់ជាផ្លូវការ នាថ្ងៃទី០៧ ខែមិថុនា ឆ្នាំ២០២៣ខាងមុខនេះហើយ។ យោងតាមក្រសួងសាធារណការ និងដឹកជញ្ជូន, ពិធីបើកការដ្ឋានសាងសង់ផ្លូវលឿនទី២នៅកម្ពុជា នឹងធ្វើឡើងក្រោមអធិបតីភាព របស់សម្តេចតេជោ ហ៊ុន សែន។ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ផ្លូវល្បឿនលឿនទី២នេះ នឹងមានចម្ងាយប្រមាណ ១៣៨គីឡូម៉ែត្រ និងត្រូវធ្វើស្ពានដ៏វែងមួយឆ្លងកាត់ទន្លេមេគង្គ។ បើគិតទាំងស្ពាន និងផ្លូវតភ្ជាប់ នឹងមានប្រវែងប្រមាណ ៥គីឡូម៉ែត្រ។ ទេសរដ្ឋមន្ត្រី ស៊ុន ចាន់ថុល បានឱ្យដឹងថា ថវិកាដែលគ្រោងបណ្តាក់ទុកប្រមាណលើផ្លូវល្បឿនលឿនទី២នេះ មានចំនួន១ពាន់ ៦៣៨លានដុល្លារ ដែលមានទំហំតិចជាងក្រុងព្រះសីហនុ ដោយសារប្រវែងផ្លូវក៏ខ្លីជាផ្លូវល្បឿនលឿនទី១ ភ្នំពេញ និងក្រុងព្រះសីហនុផងដែរ។ ផ្លូវនេះគ្រោងបញ្ចប់នៅចុងឆ្នាំ២០២៦ ឬដើមឆ្នាំ២០២៧។ ទេសរដ្ឋមន្ត្រី ស៊ុន ចាន់ថុល បានថ្លែងថា ផ្លូវល្បឿនលឿននេះ មានសារៈសំខាន់ណាស់ក្នុងការតភ្ជាប់ពីប្រទេសចិន មកប្រទេសមីយ៉ាន់ម៉ា បន្តមកថៃ, មកកម្ពុជា…

សិល្បករដ៏ល្បីល្បាញលោក ព្រហ្ម ម៉ាញ បានថ្លែងថាលោកគ្រោងនឹងស្នើទៅអាជ្ញាធរ ដើម្បីចាត់វិធានការតាមផ្លូវច្បាប់ ចំពោះការផ្សាយព័ត៌មានប្រឌិតខុសពីការពិតមួយ ដែលផ្សព្វផ្សាយថា លោកបានបាត់បង់ជីវិត។ កិត្តិឧទ្ទេសបណ្ឌិត ព្រហ្ម ម៉ាញ អាយុ៧៣ឆ្នាំ បានប្រាប់អប្សរាណិតនៅថ្ងៃទី២១ មេសាថា ការផ្សាយនោះ គឺជាការប្រមាថមួយដល់អាយុជីវិតរបស់លោក និងថាការផ្សាយព័ត៌មានមិនពិតនេះ ធ្វើឡើងដោយម្ចាស់គណនីបណ្តាញសង្គមឈ្មោះ «លាន កំសត់ស្នេហ៍»។ នៅថ្ងៃទី២៣ មេសា ឆ្នាំ២០២៣ចុងសប្តាហ៍នេះ លោកគ្រោងនឹងធ្វើសំណូមពរជាសាធារណៈ នៅក្នុងការសម្តែងមួយ ក្នុងពិធីបុណ្យបញ្ចុះខណ្ឌសីមាព្រះវិហារ ពុទ្ធាភិសេក និងឆ្លងសមិទ្ធផលនានា ជាកេរមរតករបស់អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង និងមហាឧបាសិកា ឌី ប៉ុក ដែលនឹងប្រព្រឹត្តទៅនៅថ្ងៃទី២១ ដល់ថ្ងៃទី២៤ ខែមេសា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ក្នុងវត្តបារមីវង្កតបុរីជាយរាជធានីភ្នំពេញ។ លោក ព្រហ្ម ម៉ាញ បានថ្លែងថាលោកនឹងស្នើរកការដាក់ទោស ដល់អ្នកផ្សព្វផ្សាយព័ត៌មានកុហកបោកប្រាស់នេះ ដោយលោកបាននិយាយថា បានធ្វើក្នុងចេតនាអាក្រក់មួយមុនដំណើរការបោះឆ្នោតសកលខែកក្កដា ឆ្នាំ២០២៣។