នាយឧត្តមសេនីយ៍ ហ៊ុន ម៉ាណែត និងឯកអគ្គរាជទូតថ្មីជប៉ុន បានជួបពិភាក្សាការងារជាមួយគ្នា ដោយលោកឯកអគ្គរាជទូត អ៊ូអេណុ អាត់ស៊ួស៊្ហិ បានប្តេជ្ញាថាលោកនឹងជួយខិតខំប្រឹងប្រែង ដើម្បីទាក់ទាញវិនិយោគិនជប៉ុនមកកម្ពុជាឱ្យបានកាន់តែច្រើនឡើងថែមទៀត នៅក្នុងអាណត្តិ នៃបេសកកម្មការទូតរបស់រូបលោក។ អប្សរាណិតរាយការណ៍

សម្ដេចតេជោ ហ៊ុន សែន បានប្រកាសឲ្យអ្នកដែលបានទិញសំបុត្រ ចូលទស្សនាព្រឹត្តិការណ៍ ស៊ីហ្គេម ត្រូវទៅប្ដូរយកលុយរបស់ខ្លួនវិញ។ ប្រសាសន៍របស់សម្តេចតេជោបានធ្វើ នៅព្រឹកថ្ងៃទី៣១ ខែមីនា ឆ្នាំ២០២៣ ក្នុងកិច្ចប្រជុំគណៈរដ្ឋមន្ដ្រី បន្ទាប់ពីមានការប្រកាសមួយរបស់ក្រុមរៀបចំកីឡាស៊ីហ្គេម បានដាក់លក់សំបុត្រជាមួយនឹងតម្លៃផ្សេងពីគ្នា ក្នុងឱកាសដែលកម្ពុជា បានរៀបចំធ្វើជាម្ចាស់ផ្ទះព្រឹត្តិការណ៍ស៊ីហ្គេមលើកទី៣២ បន្ទាប់ពីបានខកខានរយៈពេល ៦៤ឆ្នាំកន្លងមកនេះ។ សម្តេចតេជោបានប្រកាសតាមសារសម្លេងមួយក្នុងសប្តាហ៍នេះថា កម្ពុជាមិនលក់សំបុត្រក្នុងការចូលទស្សនាឡើយ និងថាការចូលទស្សនានឹងធ្វើឡើងដោយមិនមានការគិតតម្លៃអ្វីនោះឡើយ។ នៅថ្ងៃទី៣១ មីនា ឆ្នាំ២០២៣នេះផងដែរ គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម បានជូនដំណឹងជាផ្លូវការនូវ ការអនុញ្ញាតឲ្យចូលទស្សនាការប្រកួត និងផ្តល់សិទ្ធិផ្សព្វផ្សាយដោយមិនគិតថ្លៃ។ ព្រឹត្តិការណ៍កីឡាស៊ីហ្គេម របស់កម្ពុជានឹងមកដល់ក្នុងរយៈពេល៣៥ថ្ងៃទៀតគិតត្រឹមថ្ងៃទី៣១ មីនា ឆ្នាំ២០២៣។

សម្តេចតេជោ ហ៊ុន សែន នឹងអញ្ជើញចូលរួមកិច្ចប្រជុំកំពូលគណៈកម្មការទន្លេមេគង្គលើកទី៤ នៅប្រទេសឡាវ សប្តាហ៍ក្រោយ។ យោងតាមលិខិតរបស់ក្រសួងការបរទេសកម្ពុជា ដំណើររបស់សម្តេចតេជោ ហ៊ុន សែន ដែលគ្រោងនឹងធ្វើនៅថ្ងៃទី៥មេសា គឺតបតាមការអញ្ជើញរបស់នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ លោក សនសៃ ស៊ីផាន់ដន។ កិច្ចប្រជុំកំពូលគណៈកម្មការទន្លេមេគង្គលើកទី៤ ក្នុងរដ្ឋធានីវៀងចន្ទនៃប្រទេសឡាវ នឹងស្ថិតក្រោមមូលបទ «នវានុវត្តន៍ និងកិច្ចសហប្រតិបត្តិការសម្រាប់អាងទន្លេមេគង្គ ដែលមានសន្តិសុខទឹក និងប្រកបដោយចីរភាព»។ កិច្ចប្រជុំកំពូលគណៈកម្មការទន្លេមេគង្គលើកទី៤ គ្រោងនឹងពិនិត្យឡើងវិញអំពីវឌ្ឍនភាព និងសមិទ្ធផលសំខាន់ៗ ដែលគណៈកម្មការទន្លេមេគង្គសម្រេចបានតាមរយៈការលើកកម្ពស់ កិច្ចខិតខំប្រឹងប្រែងរួមគ្នា និងភាពជាដៃគូឆ្ពោះទៅសម្រេចបាននូវគោលដៅអភិវឌ្ឍន៍ ប្រកបដោយចីរភាព ក្នុងអាងទន្លេមេគង្គ ចាប់តាំងពីកិច្ចប្រជុំកំពូលគណៈកម្មការទន្លេមេគង្គលើកទី៣ កាលពីឆ្នាំ២០១៨ នៅប្រទេសកម្ពុជា និងពិភាក្សាអំពីបញ្ហាប្រឈមដែលកំពុងកើតមាននៅក្នុង អាងទន្លេមេគង្គ និងកំណត់នូវទិសដៅយុទ្ធសាស្ត្រនាពេលអនាគត ដើម្បីរួមគ្នាដោះស្រាយ បញ្ហាប្រឈមក្នុងអាងទន្លេមេគង្គឱ្យកាន់តែមានប្រសិទ្ធភាព ព្រមទាំងបន្តជំរុញកិច្ចសហប្រតិបត្តិការ និងភាពជាដៃគូក្នុងតំបន់ សម្រាប់ចីរភាពទន្លេមេគង្គ៕

បណ្ឌិត ហ៊ុន ម៉ាណែត បានអញ្ជើញជាអធិបតី ក្នុងពិធីសម្ពោធសណ្ឋាគារ Fairfield by Marriott Phnom Penh នារាជធានីភ្នំពេញ នៅថ្ងៃទី៣១ ខែមីនា ឆ្នាំ២០២៣។ បណ្ឌិត ហ៊ុន ម៉ាណែត បានចូលរួមអបអរសាទរជាមួយថ្នាក់ដឹកនាំ និងបុគ្គលិក-និយោជិតទាំងអស់នៃក្រុមហ៊ុន ជីប ម៉ុង ចំពោះការសម្ពោធដាក់ឱ្យដំណើរការសណ្ឋាគារ Fairfield by Marriott Phnom Penh ដែលជាសណ្ឋាគារលំដាប់អន្តរជាតិដ៏ទំនើប ហើយអគារជីបម៉ុង Tower ពេលនេះ ក៏បានក្លាយទៅជានិមិត្តរូបដ៏លេចធ្លោ និងជាអត្តសញ្ញាណមួយថ្មីរបស់រាជធានីភ្នំពេញ។ សូមទស្សនាសេចក្តីរាយការណ៍

គណរដ្ឋមន្ត្រីបានសម្រេចលើសេចក្តីព្រាងច្បាប់ស្តីពី កិច្ចព្រមព្រៀងធ្វើពាណិជ្ជកម្ម តាមព្រំដែនរវាងកម្ពុជា និងវៀតណាម និងបានជំរុញរកការអនុម័តពីរដ្ឋសភាថែមទៀត។ ការយល់ព្រមលើសេចក្តីព្រាងច្បាប់ថ្មីនេះ បានធ្វើឡើងនៅក្នុងកិច្ចប្រជុំគណរដ្ឋមន្ត្រីថ្ងៃទី៣១ មីនា ឆ្នាំ២០២៣។ អប្សរាណិតធ្វើសេចក្តីរាយការណ៍

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានចំនួន ៧៨៧ករណី ដែលថយចុះមកវិញចំនួន ២៤២ករណី ធៀបនឹងតួលេខឆ្លងកាលពីថ្ងៃម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន៥ នៅអាស៊ាន រួមមានប្រទេស ឥណ្ឌូនេស៊ី, ហ្វីលីពីន, វៀតណាម, មីយ៉ាន់ម៉ា និងប្រទេសឡាវ ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើនជាងគេ ដែលមានអ្នកឆ្លងចំនួន ៥៨០ករណី ។ តួលេខឆ្លងតិចជាងគេ គឺប្រទេសឡាវ ដែលមានអ្នកឆ្លងចំនួនតែ ១ករណីប៉ុណ្ណោះ ។ ប្រទេសថៃ, ម៉ាឡេស៊ី, កម្ពុជា, សឹង្ហបុរី, និងប្រទេសប្រុយណេ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ១១នាក់ ដែលជាពលរដ្ឋនៃប្រទេសឥណ្ឌូនេស៊ី និងប្រទេសហ្វីលីពីន ។ គិតសរុបរួមនៃប្រទេសទាំង១០អាស៊ាននាពេលនេះ ការឆ្លងសរុបមានចំនួន ៣៥លាន ៦៥ម៉ឺន ៨ពាន់ ៧៨០ករណី, និងការស្លាប់សរុបមានចំនួន ៣៦ម៉ឺន ៦ពាន់…

ការផ្សព្វផ្សាយដែលនិយាយថានឹងមានការលក់សំបុត្រទស្សនាក្នុងព្រឹត្តិការណ៍កីឡាស៊ីហ្គេម ដែលកម្ពុជាត្រៀមនឹងធ្វើជាម្ចាស់ផ្ទះនាពេលខាងមុខនេះ បានប្រញាប់ឱ្យសម្តេចតេជោ ហ៊ុន សែន បានចេញសារសម្លេងមួយនារសៀលថ្ងៃទី៣០មីនានេះ ប្រតិកម្មជុំវិញការលក់សំបុត្រនោះ។ សម្តេចតេជោ ហ៊ុន សែន បានថ្លែងថា មិនមានការលក់សំបុត្រចូលទស្សនាក្នុងព្រឹត្តិការណ៍ស៊ីហ្គេមលើកទី៣២ ដែលនឹងរៀបចំធ្វើក្នុងខែឧសភាខាងមុខនេះឡើយ។ (សម្លេងសម្ដេច) គួរបញ្ជាក់ថាព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជានឹងធ្វើជាម្ចាស់ផ្ទះនឹងឈានមកដល់រយៈពេល៣៦ថ្ងៃទៀត គិតត្រឹមថ្ងៃព្រហស្បតិ៍ ទី៣០ មីនានេះ។

សម្តេចតេជោបានបកស្រាយតបជុំវិញការចោទប្រកាន់ដែលនិយាយថាសម្តេចក្រាញអំណាច និងថាសម្តេចអាងអំណាចក្នុងតួនាទីដឹកនាំស្ថាប័នរាជរដ្ឋាភិបាល។ សម្តេចតេជោ ហ៊ុន សែន ក្នុងពិធីប្រគល់វិញ្ញាបនប័ត្រ និងសញ្ញាបត្រជួនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រក្នុងរាជធានីភ្នំពេញ បានលើកឡើងផងដែរ នូវការបំបែកឯកត្តទ្ទកម្មពិភពលោកពាក់ព័ន្ធនឹងរយៈពេលកាន់អំណាច និងភាពវ័យក្មេងជាងគេបង្អស់ ក្នុងពេលឡើងកាន់តំណែងជានាយករដ្ឋមន្ត្រី។