ក្រុមអង្គការសង្គមស៊ីវិលចំនួន៣៩ក្រុម និងទីស្នាក់ការកណ្តាលយុវជនសង្គមស៊ីវិល បានចេញសេចក្តីថ្លែងការណ៍ដាច់ដោយឡែកពីគ្នាមួយ នៅថ្ងៃទី៣០ មីនា ឆ្នាំ២០២៣ ថ្លែងថាព្រឹត្តិការណ៍គប់គ្រាប់បែកមួយកាលពី២៦ឆ្នាំមុន គឺ សម រង្ស៊ី ជាអ្នកប្រឌិតរឿងនៅពីក្រោយ។ គួរបញ្ជាក់ថាកាលពី២៦ឆ្នាំមុន នៅថ្ងៃទី៣០ មីនា ឆ្នាំ១៩៩៧ ព្រឹត្តិការណ៍គប់គ្រាប់បែកមួយ ដាក់លើហ្វូងបាតុករ នៅមុខអតីតអគាររដ្ឋសភា បានបង្កឱ្យមានមនុស្សស្លាប់ និងរបួសច្រើនរយនាក់។ ក្រុមធ្វើនយោបាយប្រឆាំងជាពិសេស សម រង្ស៊ី បានចោទប្រកាន់ដោយគ្មានភស្តុតាងថា សម្តេចតេជោ ហ៊ុន សែន បានស្ថិតនៅពីខាងក្រោយខ្នង នៃអំពើឃាតកម្មនោះ។ ប៉ុន្តែនៅថ្ងៃទី៣០ មីនា ឆ្នាំ២០២៣នេះ ទីស្នាក់ការកណ្តាលយុវជនសង្គមស៊ីវិល និងក្រុមអង្គការសង្គមស៊ីវិលចំនួន៣៩ក្រុម បានសរសេរក្នុងសេចក្តីថ្លែងការណ៍របស់ខ្លួនថា ជាច្រើនឆ្នាំមកនេះ ព័ត៌មានដែលចោទប្រកាន់ដាក់លើសម្តេចតេជោ ហ៊ុ នសែន នោះ គឺជាព័ត៌មានមិនពិតឡើយ ។ សេចក្តីថ្លែងការណ៍របស់អង្គការទាំង២ បានសរសេរថា ក្រោយការសិក្សាស្រាវជ្រាវ និងស៊ីជម្រៅរបស់ពួកគេនោះមក បានសង្កេតឃើញថានេះជានយោបាយប្រជាភិថុត របស់គណបក្សប្រឆាំង ដើម្បីកេងចំណេញនយោបាយ។ សេចក្តីថ្លែងការណ៍របស់សហភាពអង្គការសង្គមស៊ីវិល បានថ្លែងថានេះគឺនយោបាយ ស្វាស៊ីបាយលាបមាត់ពពែ និងថាជាការបណ្តុះមនោគមន៍វិជ្ជាដ៏ខ្មៅងងឹតរបស់ពួកគេ ក្នុងចេតនាបំបែកបំបាក់ជាតិសាសន៍ខ្លួនឯង និងក្នុងចេតនាបង្ហាញដល់អន្តរជាតិឱ្យមើលឃើញ…

ព្រះមហាក្សត្រខ្មែរបានមានព្រះរាជបន្ទូលកោតសរសើររដ្ឋសភា និងរាជរដ្ឋាភិបាលក្នុងព្រះរាជសារមួយ ក្នុងថ្ងៃទី៣០ ខែមីនា ដែលមានសម័យប្រជុំរដ្ឋសភាលើកទី៩ ជាលើកដំបូង។ សារព្រះមហាក្សត្របានកោតសរសើររដ្ឋសភា និងរាជរដ្ឋាភិបាលថា «បានបំពេញតួនាទីយ៉ាងធំធេង ក្នុងនាមព្រះរាជាណាចក្រកម្ពុជាទទួលធ្វើជាម្ចាស់ផ្ទះ រៀបចំកិច្ចប្រជុំធំៗនានាកន្លងទៅនេះ ជាអាទិ៍កិច្ចប្រជុំកំពូលអាស៊ាន, មហាសន្និបាតអន្តរសភាអាស៊ាន និងកិច្ចប្រជុំពាក់ព័ន្ធជាច្រើនទៀត»។ ព្រះរាជសារបានចាត់ទុកការរៀបចំទាំងនោះ «គឺជាភាពជោគជ័យដ៏មហោឡារឹក នាំមកនូវកិត្យានុភាពជួនជាតិ មាតុភូមិនៅលើឆាកអន្តរជាតិ ជាពិសេសការពង្រឹង និងពង្រីកវិស័យការទូត, កិច្ចសហប្រតិបត្តិការ ជាមួយបណ្តាប្រទេសជាមិត្តឱ្យកាន់តែទូលំទូលាយ និងគ្រប់ជ្រុងជ្រោយ»។ ព្រះរាជសារបានកោតសរសើរដល់ថ្នាក់ដឹកនាំរដ្ឋសភា និងសមាជិកសភាទាំងអស់ ជាពិសេសការកោតសរសើរដល់កិច្ចប្រឹងប្រែងរបស់រដ្ឋសភា ដែលបានអនុម័តច្បាប់សំខាន់ៗចំនួន១០៩ ក្នុងនិតិកាលទី៦នេះ។ ព្រះរាជសារនៅបានកោតសរសើរដល់ទេពកោសល្យ នៃការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ក្នុងការដោះស្រាយដោយជោគជ័យនូវភាពលំបាកផ្ទួនៗឥតឈប់ឈរជាច្រើន ជាក់ស្តែងការស្តារសេដ្ឋកិច្ចជាតិ ក្រោយវិបត្តិ នៃជម្ងឺកូវីដ១៩ និងបេសកកម្មសំខាន់ៗ លើការងារថែរក្សាសន្តិភាព ឯករាជ្យ ជូនប្រទេសជាតិ និងជូនប្រជាពលរដ្ឋ បានរស់នៅដោយស្មើភាព ស្មើសិទ្ធិ និងសុខដុមរមនា។

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល៧២ម៉ោងចុងក្រោយនេះ មានចំនួន ៥៩៥នាក់ ដែលបន្តថយចុះចំនួន ៧០ករណី ធៀបនឹងការឆ្លងកាលពីម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន៦ នៅអាស៊ានរួមមាន ប្រទេសឥណ្ឌូនេស៊ី, ហ្វីលីពីន, មីយ៉ាន់ម៉ា, ថៃ, វៀតណាម និងប្រទេសកម្ពុជា ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ៣២៩ករណី។ តួលេខឆ្លងតិចជាងគេ គឺប្រទេសកម្ពុជា និងប្រទេសមីយ៉ាន់ម៉ា ដែលមានចំនួនអ្នកឆ្លងចំនួន ២ករណីប៉ុណ្ណោះ។ ប្រទេសម៉ាឡេស៊ី, ឡាវ, សឹង្ហបុរី និងប្រទេសប្រុយណេ គឺជាប្រទេស ដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយក្នុងរយៈពេល ២៤ម៉ោងចុងក្រោយនេះ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មាន ចំនួន ២៥នាក់ ដែលជាពលរដ្ឋនៃប្រទេសឥណ្ឌូនេស៊ី, ថៃ និងប្រទេសហ្វីលីពីន ។ គិតសរុប រួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន ៦៥ម៉ឺន ៥ពាន់ ៩៩ករណី, និងការស្លាប់សរុបមានចំនួន ៣៦ម៉ឺន…

បាតុភូតភ្លៀង ផ្គរ រន្ទះ និងខ្យល់កន្ត្រាក់ នឹងអាចកើតមាននៅក្នុងសប្ដាហ៍ទៅមុខនេះ ខណៈកម្ពុជាបាន ទទួលរងនូវឥទ្ធិពលខ្សោយពីជ្រលងសម្ពាធទាប និងខ្យល់ប្រែប្រួល និងឥទ្ធិពលខ្សោយ ពីជ្រលងសម្ពាធទាបចិន ។ យោងតាមការព្យាករណ៍របស់ក្រសួងធនធានទឹក និងឧតុនិយម រវាងពីថ្ងៃទី២៩ ខែមីនា រហូតដល់ថ្ងៃទី៤ ខែមេសា តំបន់ទំនាបកណ្ដាល មានសីតុណ្ហភាពអប្បបរមារវាងពី ២៣ទៅ២៥ អង្សាសេ, សីតុណ្ហភាពអតិបរមា មានរវាងពី ៣៥ ទៅ៣៧ អង្សាសេ។ ការព្យាករណ៍ក្នុងតំបន់ទំនាបកណ្ដាល អាចនឹងមានភ្លៀងធ្លាក់ដោយ អន្លើក្នុងកម្រិត ពីខ្សោយទៅមធ្យម ក្នុងនោះក៏អាចមានផ្នែកខ្លះ ភ្លៀងធ្លាក់ក្នុងបរិមាណបង្គួរ ដែលលាយឡំទៅដោយផ្គរ រន្ទះ និងខ្យល់កន្ត្រាក់ ។ ចំណែកនៅតំបន់ខ្ពង់រាប សីតុណ្ហភាពអប្បបរមានឹងមានរវាងពី ២៤ ទៅ ២៦ អង្សាសេ , សីតុណ្ហភាពអតិបរមា មានរវាងពី៣៥ទៅ៣៧ អង្សាសេ។ តាមការព្យាករណ៍, នៅតំបន់ខ្ពង់រាប អាចមានភ្លៀងធ្លាក់ដោយអន្លើក្នុងកម្រិតពីខ្សោយទៅមធ្យម ដែលលាយឡំទៅដោយផ្គរ រន្ទះ និង ខ្យល់កន្ត្រាក់ ។ ដោយឡែកនៅតំបន់មាត់សមុទ្រនោះវិញ…

មន្ត្រីរាជរដ្ឋាភិបាល បានថ្លែងចាត់ទុកពិធីបញ្ចុះខណ្ឌសីមាសម្ពោធឆ្លងព្រះវិហារ និងសមិទ្ធផលថ្មីៗ ក្នុងវត្តពោធិការាម ហៅវត្តគកក្របី គឺជាផ្នែកមួយ នៃការបង្ហាញប្រាប់សកលលោក អំពីភាពសុខដុមនីកម្ម នៃវិស័យសាសនា ក្នុងសម័យដឹកនាំរុងរឿងរបស់សម្តេចតេជោ ហ៊ុន សែន។ វត្តពោធិការាម ហៅវត្តគកក្របី ដែលជាវត្តដែលធ្លាប់បានឆ្លងកាត់ក្នុងអតីតកាល នៃសម័យសង្គ្រាម ត្រូវបានធ្វើពិធីបញ្ចុះខណ្ឌសីមា សម្ពោធឆ្លងនៅថ្ងៃទី២៧ ខែមីនា ឆ្នាំ២០២៣ ក្រោមម្លប់សន្តិភាព នៃនយោបាយឈ្នះឈ្នះ ដាក់ចេញដោយសម្តេចតេជោ ហ៊ុន សែន ដែលបានបំបាត់សង្គ្រាមរយៈពេល២៨ឆ្នាំ និងធ្វើឱ្យកម្ពុជាមានសុខសន្តិភាព និងសុខដុមនីយកម្មសាសនាដ៏ពិតប្រាកដ។ អប្សរាណិតធ្វើសេចក្តីរាយការណ៍

យ៉ាងហោចខណ្ឌចំនួន២ដែលប្រឈមនឹងការខ្វះទឹកប្រើប្រាស់ត្រូវបានអាជ្ញាធរបានដឹកទឹក ចែកចាយប្រើប្រាស់ ខណៈដែលរដូវប្រាំងគ្មានទឹកបង្កការលំបាកដល់ពលរដ្ឋ។ រដ្ឋាករទឹកបានថ្លែងថា កម្រិតប្រើប្រាស់ទឹកមានទំហំធំបច្ចុប្បន្នដែលទឹកមិនអាចមានគ្រប់គ្រាន់បានទេនាពេលនេះ ប៉ុន្តែនឹងអាចធូរស្រាលមកវិញដោយរង់ចាំរហូតដល់ខែឧសភាឆ្នាំ២០២៣។ សេចក្តីរាយការណ៍បានបង្ហាញថាសង្កាត់ជាច្រើននៅក្នុងខណ្ឌពោធិសែនជ័យ និងខណ្ឌព្រែកព្នៅ បានរងនឹងការខ្វះទឹកដែលតម្រូវឱ្យអាជ្ញាធរត្រូវដឹកជញ្ជូនទឹក ដើម្បីជួយផ្គត់ផ្គង់ប្រជាពលរដ្ឋ។ នៅក្នុងខណ្ឌពោធិ៍សែនជ័យ សង្កាត់ដែលប្រឈមនឹងការខ្វះទឹករួមមានសង្កាត់ចោមចៅទី៣, សង្កាត់សំរោងក្រោម និងសង្កាត់ត្រពាំងក្រសាំង។ ចំណែកនៅក្នុងខណ្ឌព្រែកព្នៅ សង្កាត់ដែលរងនឹង ការខ្វះទឹកខ្លាំងជាងគេ គឺសង្កាត់គោករការ។ រដ្ឋាករទឹកស្វយ័តក្រុងភ្នំពេញ កាលពីសប្តាហ៍មុន បានចេញការជូនដំណឹងជុំវិញការខ្វះទឹកនៅតាមបណ្តាសង្កាត់ក្នុងរាជធានីនិងក្រុងតាខ្មៅ និងបានសុំការយោគយល់ និងអធ្យាស្រ័យពីអតិថិជនដែលខ្វះខាតទឹកប្រើប្រាស់។

អភិបាលខេត្តបន្ទាយមានជ័យបានថ្លែងប្តេជ្ញាថាក្នុងឆ្នាំ២០២៣នេះ បណ្តាភូមិទូទាំងខេត្តដែលមានចំនួន៦៥៩ភូមិនឹងត្រូវមានភ្លើងអគ្គិសនីប្រើប្រាស់ទាំងអស់។ ប្រសាសន៍ប្តេជ្ញានេះ បានធ្វើឡើងដោយអភិបាលខេត្តបន្ទាយមានជ័យលោក អ៊ុំ រាត្រី ក្នុងសន្និសីទកាសែតមួយនាទីស្តី ការគណរដ្ឋមន្ត្រីនៅថ្ងៃទី២៨មីនាឆ្នាំ២០២៣។ លោកបានបញ្ជាក់ថាបច្ចុប្បន្នមានតែចំនួន៦ភូមិ ប៉ុណ្ណោះដែលស្ថិតក្នុងស្រុកម៉ាឡៃ គឺភូមិដែលមិនទាន់មានភ្លើងអគ្គិសនីប្រើប្រាស់។ ខេត្តបន្ទាយមានជ័យក្នុងអតីតកាល គឺជាខេត្តដែលរងការប៉ះទង្គិចខ្លាំងដោយសារសង្គ្រាមស៊ីវិល។ ផ្លូវថ្នល់ក្នុងខេត្តកាលពីអតីតកាល មិនមានសភាពល្អដូចបច្ចុប្បន្នឡើយ ដោយសារតែការដាក់មីនបំផ្ទុះរបស់ក្រុមឧទ្ទាមខ្មែរក្រហម និងកត្តាអសន្តិសុខដែលខេត្តមិនអាចធ្វើករ អភិវឌ្ឍន៍បានឡើយ។ ប៉ុន្តែបច្បុប្បន្ន ខេត្តបន្ទាយមានជ័យបានប្រែមុខមាត់ខណៈជាខេត្តនៃច្រកទ្វារអន្តរជាតិ។ ខេត្តបន្ទាយមានជ័យ បច្ចុប្បន្នគឺជាខេត្តដែលមានសក្តានុពលខ្ពស់ខាងវិស័យកសិកម្ម។ យោងតាមរបាយការណ៍របស់ខេត្ត ពលរដ្ឋដែលជាកសិករក្នុងខេត្តមានចំនួន៨៥ភាគរយ, ចំណែកពលរដ្ឋ១០ភាគរយជាអាជីវករ និងពាណិជ្ជករ និងពលរដ្ឋ៥ភាគរយប្រកបមុខរបរផ្សេងៗ។

ប្រធានអង្គការ CAPDI បានថ្លែងថាពិធីស្រាយបួសខែរ៉ាម៉ាឌន នៃសាសនាឥស្លាមកម្ពុជា គឺជាសកម្មភាពសាមគ្គីភាពយ៉ាងល្អបំផុតរវាងសាសនា នៅក្នុងព្រះរាជាណាចក្រកម្ពុជា។ ការថ្លែងរបស់ប្រធានអង្គការ CAPDI លោកជូសូហ្វ កាឡា Jusuf Kalla ដែលជាសហប្រធានកិត្តិយស នៃក្រុមប្រឹក្សាវប្បធម៌អាស៊ី បានធ្វើឡើងក្នុងឱកាសសម្តែងការគួរសម និងពិភាក្សាការងារជាមួយសម្តេចអគ្គមហាសេនាបតីតេជោ ហ៊ុន សែន នៅវិមានសន្តិភាព នាព្រឹក ថ្ងៃទី២៨ ខែមីនា ឆ្នាំ២០២៣ ។ លោក ជូសូហ្វ កាឡា បានជំរាបសម្ដេចតេជោថា លោកបានដឹកនាំសាសនិកឥស្លាមជាង ១០០នាក់ មកចូលរួមស្រាយបួសនៅកម្ពុជា ហើយអ្វីដែលលោកបានឃើញ គឺជាសកម្មភាព សាមគ្គីភាពយ៉ាងល្អបំផុតរវាងសាសនា នៅក្នុងព្រះរាជាណាចក្រកម្ពុជា ។ ក្នុងប្រសាសន៍ ឆ្លើយតបសម្ដេចតេជោ ហ៊ុន សែន បានថ្លែងអំណរគុណជូនចំពោះលោក ជូសូហ្វ កាឡា ដែលបានដឹកនាំសាសនិកឥស្លាម មកចូលរួមស្រាយបួសនៅកម្ពុជា។ សម្តេចតេជោ បានប្រាប់ប្រធានអង្គការ CAPDI ថា កម្ពុជាបានរៀបចំកម្មវិធីស្រាយបួស នេះជារៀងរាល់ឆ្នាំ និងបញ្ជាក់ថា សាសនានៅកម្ពុជា គឺមានសុខដុមភាពណាស់ ទាំងរវាង…