តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានចំនួន ២ពាន់ ៤៥៨ករណី ដែលកើនឡើងវិញចំនួន ១១ករណី បើប្រៀបធៀបនឹងតួលេខឆ្លងកាលពីម្សិលមិញ ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន៦ នៅអាស៊ានរួមមាន ប្រទេសឥណ្ឌូនេស៊ី, ហ្វីលីពីន, វៀតណាម, មីយ៉ាន់ម៉ា សឹង្ហបុរី និងប្រទេសកម្ពុជា។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេ ដែលមាន ចំនួន ២ពាន់ករណី។ តួលេខឆ្លងតិចជាងគេ គឺប្រទេសកម្ពុជា ដែលមានអ្នកឆ្លងតែ ១ករណីប៉ុណ្ណោះ។ ប្រទេសចំនួន៤ រួមមាន៖ ប្រទេសថៃ, ម៉ាឡេស៊ី, ប្រុយណេ និងប្រទេសឡាវ គឺជាប្រទេស ដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះមានចំនួន ១១នាក់ ដែលជាពលរដ្ឋនៃប្រទេសឥណ្ឌូនេស៊ី និងប្រទេសហ្វីលីពីន។ គិតសរុបរួមនៃ ប្រទេសទាំង១០អាស៊ាន នាពេលនេះ ការឆ្លងសរុបមានចំនួន ៣៥លាន ៦៥ម៉ឺន ២ពាន់ ៤០២ករណី,…

កម្ពុជាមានអ្នកឆ្លងថ្មីកូវីដ១៩ ១ករណីឡើងវិញ ក្នុងរយៈពេល ២៤ម៉ោងចុងក្រោយនេះ បន្ទាប់ពីមិនមានអ្នកឆ្លងសោះរយៈមួយសប្តាហ៍ពេញកន្លងមក។ យោងតាមក្រសួងសុខាភិបាល ករណីឆ្លងថ្មី ១ករណី នៅថ្ងៃនេះ គឺជាករណីឆ្លងនៅក្នុងរង្វង់សហគមន៍ ។ កម្ពុជាក្នុងរយៈពេលប្រមាណជាង ១ខែកន្លង មកនេះ តួលេខឆ្លងប្រចាំថ្ងៃមានតិចតួចប៉ុណ្ណោះ។ កម្ពុជាបានចាប់ផ្តើមចាក់ដូសជំរុញទី៦ ចាប់តាំងពីដើមខែមករា ដែលរហូតមកទល់ពេលនេះ មានពលរដ្ឋទៅចាក់បានចំនួន ៣២ម៉ឺន ៦ពាន់ ២៧៦នាក់ហើយ។ ដោយឡែកតួលេខ នៃការចាក់វ៉ាក់សាំងដូសមូលដ្ឋានទូទាំងប្រទេសកម្ពុជាមានជិត៩៦ភាគរយ។

ក្រូចថ្លុងកោះពីរ នៅក្នុងខេត្តត្បូងឃ្មុំ ត្រូវបានក្រសួងពាណិជ្ជកម្ម បានទទួលស្គាល់ជាក្រូច មានឱជារស និងទទួលចុះក្នុងបញ្ជីកម្មសិទ្ធិបញ្ញាម៉ាកសមូហភាព “ក្រូចថ្លុងកោះពីរ” ដែលនឹងផ្តល់ប្រយោជន៍ដល់កសិករមិនលំបាកក្នុងការស្វែងរកទីផ្សារអន្តរជាតិ ដើម្បីលក់ក្រូចថ្លុងរបស់ខ្មែរនេះឡើយ។ ពិធីចុះក្នុងបញ្ជីកម្មសិទ្ធិបញ្ញាម៉ាកសមូហភាព “ក្រូចថ្លុងកោះពីរ” នាថ្ងៃទី២៣ មីនា ឆ្នាំ២០២៣ បានអញ្ជើញចូលរួមពីរដ្ឋលេខាធិការ ក្រសួងពាណិជ្ជកម្មចំនួន២រូប និងមានការអញ្ជើញចូលរួមជាពិសេស ពីទីប្រឹក្សាផ្ទាល់របស់សម្តេចតេជោ ហ៊ុន សែន បណ្ឌិត ស៊ាង ប៊ុនលាង ដែលជារដ្ឋលេខាធិការក្រសួងមហាផ្ទៃ។ អប្សរាណិតធ្វើសេចក្តីរាយការណ៍

រដ្ឋាករទឹកស្វយ័តក្រុងភ្នំពេញ បានថ្លែងថាចាប់ពីខែឧសភា ឆ្នាំ២០២៣ខាងមុខនេះ ទៅបញ្ហាខ្វះការផ្គត់ផ្គង់ទឹកស្អាតនឹងលែងក្លាយជាចំណោទធំទៀតហើយ។ សេចក្តីបញ្ជាក់ការលែងខ្វះ ទឹកស្អាតនេះ បានធ្វើឡើងតាមរយៈសេចក្តីជូនដំណឹងមួយកាលពីថ្ងៃទី២៣ មីនា ឆ្នាំ២០២៣ ដែលជាការជូនដំណឹងមួយទៅកាន់អតិថិជន ខណៈដែលមានការត្អូញត្អែរការខ្វះទឹកប្រើប្រាស់, បញ្ហាទឹកមានសម្ពាធខ្សោយ និងគ្មានទឹកក្នុងបណ្តាញជាដើម។ បញ្ហានៃចំណោទផ្គត់ផ្គង់ទឹកស្អាតមិនគ្រប់គ្រាន់នេះ ត្រូវគេប្រទះឃើញនៅក្នុងសង្កាត់មួយចំនួន ក្នុងសង្កាត់ជាច្រើនក្នុងរាជធានីភ្នំពេញ។ សេចក្តីជូនដំណឹងរបស់រដ្ឋាករទឹកស្វយ័ត បានសរសេររកការខន្តីអភ័យទោស ពីសំណាក់អតិថិជន និងសន្យាធ្វើការដោះស្រាយចំណោទទឹកនេះ ក្នុងលក្ខណៈជាប្រព័ន្ធ និងជាជំហានចាប់ពីខែឧសភា ឆ្នាំ២០២៣។ សេចក្តីជូនដំណឹងបានបញ្ជាក់ថាក្នុងឆ្នាំ២០២៣នេះ, តម្រូវការទឹកប្រើប្រាស់បានកើនឡើង ដល់៨៩ម៉ឺនម៉ែត្រគូបក្នុងមួយថ្ងៃ ខណៈការផលិតទឹកជាក់ស្តែងរបស់រដ្ឋាករទឹក មានប្រមាណតែ៦៤ម៉ឺនម៉ែត្រគូបតែប៉ុណ្ណោះ។ ប៉ុន្តែការខ្វះទឹកក្នុងមួយថ្ងៃ២៥ម៉ឺនម៉ែត្រគូបនោះ នឹងត្រូវរង់ចាំដល់ខែឧសភាខាងមុខនេះ បន្ទាប់ពីរោងចក្រផលិតទឹកថ្មីនឹងសាងសង់រួច។ រោងចក្រថ្មីផលិតទឹកស្អាតនេះ នឹងមានសមត្ថភាពអាចផលិតទឹកបាន ក្នុងបរិមាណ៤០ម៉ឺនម៉ែត្រគូបក្នុងមួយថ្ងៃ។ រដ្ឋាករទឹកស្វយ័តក្រុងភ្នំពេញ បានសន្យាថាចាប់ពីដើមខែឧសភាខាងមុខនេះទៅ រោងចក្រផលិតទឹកស្អាតថ្មីនឹងផលិតចែកចាយទឹកស្អាតបាន ក្នុងបរិមាណ២០ម៉ឺន ម៉ែត្រគូបសិន ក្នុងមួយថ្ងៃដែលនឹងបន្ថែមលើ៦៤ម៉ឺនម៉ែត្រគូបដែលមានរួចមកហើយនេះ ដែលនឹងនាំឱ្យក្នុងមួយថ្ងៃទឹកស្អាតដែលនឹងផលិតបានមានដល់ចំនួន៨៤ម៉ឺនម៉ែត្រគូប បើធៀបនឹងតម្រូវការ៨៩ម៉ឺនម៉ែត្រគូបនោះ ដែលយ៉ាងហោចក៏អាចដោះស្រាយតម្រូវការបានប្រមាណជាង៩០ភាគរយផងដែរ។ រដ្ឋាករទឹកស្វយ័តក្រុងភ្នំពេញ បានបញ្ជាក់បន្ថែមថា ចាប់ពីឆ្នាំ២០២៤នោះទៅ គេនឹងអាចផលិតទឹកស្អាតបាន២០ម៉ឺនម៉ែត្រគូបជាបន្ថែមទៀត ដែលនឹងធ្វើឱ្យទំហំផលិតនឹងកើនដល់ជាង១លានម៉ែត្រគូបក្នុងមួយថ្ងៃ។

បណ្ឌិត ហ៊ុន ម៉ាណែត បានថ្លែងផ្តល់យោបល់ជុំវិញកិច្ចពិភាក្សាមួយពាក់ព័ន្ធនឹងការបណ្តុះបណ្តាលជំនាញ ជូនប្រជាពលរដ្ឋ និងការស្វែងរកការងារធ្វើ។ ការជួយផ្តល់យោបល់របស់បេក្ខភាពអនាគតនាយករដ្ឋមន្ត្រី នៃគណបក្សប្រជាជនកម្ពុជា បានធ្វើឡើងក្នុងពិធីសម្ពោធមួយក្នុងសប្តាហ៍នេះ ខណៈដែលមានមតិចោទជាសំណួរខ្លះបានលើកឡើងថា តើគេត្រូវធ្វើការបណ្តុះបណ្តាលជំនាញជូនប្រជាពលរដ្ឋ ដើម្បីអោយស្របទៅតាមតម្រូវការទីផ្សារការងារ ឬត្រូវបង្កើតទីផ្សារការងារអោយស្របជាមួយជំនាញរបស់ប្រជាពលរដ្ឋ? នេះជាប្រសាសន៍ផ្តល់យោបល់របស់បេក្ខភាពអនាគតនាយករដ្ឋមន្ត្រី នៃគណបក្សប្រជាជនកម្ពុជាបណ្ឌិត ហ៊ុន ម៉ាណែត។ បណ្ឌិត ហ៊ុន ម៉ាណែត នៅបានលើកប្រៀបធៀបរបៀបច្នៃម៉ូតរបស់បុគ្គលម្នាក់ ដែលបានច្នៃបង្កើតសម្លៀកបំពាក់តាមការនឹកឃើញរបស់ខ្លួន បើទោះបីជាការច្នៃម៉ូតនោះ បានទទួលការរិះគន់ពីមនុស្សជាច្រើនក៏ដោយ។ គួរបញ្ជាក់ថា អ្នកច្នៃម៉ូដសម្លៀកបំពាក់ម្នាក់ឈ្មោះ ឯម រៀម ដែលបានប្រើប្រាស់នូវឈុតហូលផាមួងច្នៃ បង្កើតបានជាសម្លៀកបំពាក់ម៉ូតមិនធ្លាប់ជួបប្រទះ ក្នុងសម័យទំនើបនេះ បានរងការរិះគន់ជាខ្លាំង។ បណ្ឌិត ហ៊ុន ម៉ាណែត បានលើកនូវឧទាហរណ៍ នៃការបង្កើតគំនិតច្នៃរបស់ខ្លួនឯងនេះ បង្ហាញជាឧទាហរណ៍ពាក់ព័ន្ធនឹងយោបល់លើការ បណ្តុះបណ្តាលជំនាញជូនប្រជាពលរដ្ឋ និងការស្វែងរកការងារធ្វើ។

សម្តេចតេជោ ហ៊ុន សែន បានថ្លែងថាកម្ពុជា គឺជាប្រទេសដែលគ្មានចំណោទលើវិបត្តស្បៀងអាហារឡើយ ខណៈដែលប្រទេសមួយចំនួនលើពិភពលោកបានជួបប្រទះនឹងការខ្វះស្បៀងអាហារ។ សេចក្តីរាយការណ៍របស់អង្គការសុខភាពពិភពលោកបានបង្ហាញនូវប្រទេសមួយចំនួន ដែលកំពុងជួបប្រទះនឹងទុរ្ភិក្សខ្វះស្បៀងអាហារដូចជាប្រទេសអាប់កានីស្ថាន, ស៊ីរី, យេម៉ែន, ប៊ូរ៉ុនឌី, សូម៉ាលី, នីហ្សេរីយ៉ា និងស៊ូដង់ខាងត្បូង។ យោងតាមសេចក្តីរាយការណ៍របស់ អង្គការ The Global Report on Food ក្នុងឆ្នាំ២០២១កន្លងមកនេះ មានមនុស្សជិត១៩៣លាននាក់ ដែលជួបប្រទះនឹងបញ្ហាខ្វះស្បៀងអាហារ, និងក្នុងឆ្នាំ២០២២ មានប្រទេស និងដែនដីចំនួន៥៣ ដែលត្រូវការជំនួយស្បៀងអាហារជាបន្ទាន់។ ប៉ុន្តែកម្ពុជាក្រោមការគ្រប់គ្រងរបស់រាជរដ្ឋាភិបាលដឹកនាំគណបក្សប្រជាជនកម្ពុជា, កង្វះស្បៀងអាហារមិនមានជាចំណោទទៀតឡើយ ជាពិសេសបន្ទាប់ពីប្រទេសទទួលបានសន្តិភាពពិតប្រាកដ ក្រោមនយោបាយឈ្នះឈ្នះ ដាក់ចេញដោយសម្តេចតេជោ ហ៊ុន សែន។ ថ្លែងក្នុងពិធីបិទសន្និបាតបូកសរុបការងារប្រចាំឆ្នាំ របស់ក្រសួងកសិកម្ម រុក្ខាប្រមាញ់និងនេសាទ, សម្តេចតេជោ ហ៊ុន សែន បានមានប្រសាសន៍បញ្ជាក់យ៉ាងនេះ។ សម្តេចតេជោបានថ្លែងថាក្នុងពេលដែលពិភពលោកមានវិបត្តិបញ្ហាស្បៀងនោះ កម្ពុជាមិនត្រឹមតែមានស្បៀងអាហាររបស់ខ្លួនគ្រប់គ្រាន់ប៉ុណ្ណោះទេ ប៉ុន្តែថែមទាំងនាំចេញស្បៀងទៅលក់នៅក្រៅប្រទេស តាមរយៈផលិតផលកសិកម្មរបស់ខ្លួនបានជាង៨លានតោនថែមទៀត ទៅកាន់គោលដៅ នៃប្រទេសចំនួន៧៤ទៀតនោះផង។ សម្តេចតេជោនៅបានថ្លែងកោតសរសើរនូវការរកឃើញបង្កើតពូជស្រូវថ្មី «ចំប៉ីស៧០» និងពូជស្រូវ «កង្រី» ដែលជាស្នាដៃរបស់ខ្មែរដោយផ្ទាល់នោះថែមទៀត។ សម្តេចតេជោ ហ៊ុន…

នាយករដ្ឋមន្រ្តីនៃប្រទេសម៉ាឡេស៊ី លោក ដាតុ ស៊េរី អាន់វ៉ា ប៊ីន អ៊ីប្រាហ៊ីម គ្រោងនឹងធ្វើទស្សនកិច្ចក្នុងប្រទេសកម្ពុជា នៅថ្ងៃច័ន្ទសប្តាហ៍ក្រោយនេះ តបតាមការអញ្ជើញរបស់សម្តេចអគ្គមហាសេនាបតីតេជោ ហ៊ុន សែន។ យោងតាមសេចក្តីប្រកាសព័ត៌មានរបស់ក្រសួងការបរទេស, ក្នុងដំណើរទស្សនកិច្ចនាថ្ងៃទី២៧ មីនា ឆ្នាំ២០២៣, នាយករដ្ឋមន្ត្រីកម្ពុជា និងម៉ាឡេស៊ី នឹងជួបប្រជុំទ្វេភាគី ដើម្បីរិះរករបៀប និងវិធីសាស្រ្តថ្មីៗ សំដៅធ្វើឱ្យកាន់តែស៊ីជម្រៅបន្ថែមទៀត នូវទំនាក់ទំនងទ្វេភាគីដ៏យូរលង់ ដែលគ្រប់ដណ្តប់លើកិច្ចសហប្រតិបត្តិការគ្រប់វិស័យ រាប់ចាប់ពីនៅក្នុងវិស័យនយោបាយ សន្តិសុខ សេដ្ឋកិច្ច រហូតដល់វិស័យសង្គម-វប្បធម៌។ នាយករដ្ឋមន្រ្តីទាំងពីរ នឹងផ្លាស់ប្តូរទស្សនៈគ្នាទៅវិញទៅមកលើបញ្ហាអនុតំបន់ តំបន់ និងអន្តរជាតិ ដែលជាផលប្រយោជន៍ និងក្តីបារម្ភរួម។ នាយករដ្ឋមន្រ្តីទាំងពីរ នឹងអញ្ជើញធ្វើជាអធិបតី ក្នុងពិធីចុះហត្ថលេខាលើគំនិតផ្តួចផ្តើម នៃកិច្ចសហប្រតិបត្តិការមួយចំនួន និងធ្វើសន្និសីទសារព័ត៌មានរួមគ្នា។ ក្នុងដំណើរទស្សនកិច្ចនៅកម្ពុជា, នាយករដ្ឋមន្រ្តីម៉ាឡេស៊ី នឹងចូលរួមជាមួយសម្តេចតេជោ ហ៊ុនសែន ក្នុងពិធីលៀងសាយភោជន៍ស្រាយបួស របស់សាសនិកអ៊ិស្លាម និងចូលរួមពិធីថ្វាយបង្គំព្រះជាមួយនិស្សិត អាហារូបករណ៍ និងសហគមន៍អ៊ិស្លាមនៅកម្ពុជាផងដែរ។ យោងតាមក្រសួងការបរទេស, នាយករដ្ឋមន្ត្រីម៉ាឡេស៊ី នឹងចូលក្រាបបង្គំគាល់ ព្រះមហាក្សត្រខ្មែរ នៅក្នុងព្រះបរមរាជវាំង។ លោកនាយករដ្ឋមន្រ្តីម៉ាឡេស៊ី នឹងមានជំនួបសម្តែងការគួរសមដាច់ដោយឡែកជាមួយសម្តេចវិបុលសេនាភក្តី…

តួលេខឆ្លងថ្មីកូវីដ១៩ ក្នុងប្រទេសអាស៊ាន នៃរយៈពេល ២៤ម៉ោងចុងក្រោយនេះមានចំនួន ៦៤៧ករណី ដែលថយចុះមកវិញចំនួន ២០៧ករណី បើធៀបនឹងតួលេខឆ្លងកាលពីម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន៥ នៅអាស៊ាន រួមមានប្រទេស ឥណ្ឌូនេស៊ី, ហ្វីលីពីន, វៀតណាម, មីយ៉ាន់ម៉ា និងប្រទេសឡាវ ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ៤៤៩ ករណី។ តួលេខឆ្លងតិចជាងគេ គឺប្រទេសឡាវ ដែលមានអ្នកឆ្លង ៣ករណី ។ ប្រទេសចំនួន៥ រួមមាន៖ ប្រទេសថៃ, ម៉ាឡេស៊ី, សឹង្ហបុរី, ប្រុយណេ និងប្រទេសកម្ពុជា គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះមាន ចំនួន ១២នាក់ ដែលជាពលរដ្ឋនៃប្រទេសឥណ្ឌូនេស៊ី និងប្រទេសហ្វីលីពីន។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន ៦៣ម៉ឺន ១ពាន់ ១៤២ករណី,…