បាតុភូតភ្លៀង ផ្គរ រន្ទះ និងខ្យល់កន្ត្រាក់ នៅតែបន្ដកើតមានថែមទៀតសម្រាប់សប្ដាហ៍ ទៅមុខនេះ ខណៈកម្ពុជាបានបន្ដរងនូវឥទ្ទិពលពីជ្រលងសម្ពាធទាបចិន ក្នុងកម្រិតពីខ្សោយទៅមធ្យម និងខ្យល់ប្រែប្រួល ។ យោងតាមការព្យាករណ៍ របស់ក្រសួងធនធានទឹក និងឧតុនិយម រវាងពីថ្ងៃទី៥ រហូតដល់ថ្ងៃទី១១ ខែមេសា តំបន់ទំនាបកណ្ដាល នឹងមានសីតុណ្ហភាព អប្បបរមា រវាងពី ២៣ទៅ២៥ អង្សាសេ , សីតុណ្ហភាពអតិបរមា មានរវាងពី ៣៤ទៅ ៣៧ អង្សាសេ។ ការព្យាករណ៍នៅតាមតំបន់ទំនាបកណ្ដាលនេះ អាចមានភ្លៀងធ្លាក់ដោយអន្លើ ក្នុងកម្រិតពីខ្សោយទៅមធ្យម ដែលលាយឡំទៅដោយ ផ្គរ រន្ទះ និងខ្យល់កន្ត្រាក់។ ចំណែកតំបន់ខ្ពង់រាប សីតុណ្ហភាពអប្បបរមា គឺមានរវាងពី ២៣ទៅ២៥ អង្សាសេ, សីតុណ្ហ ភាពអតិបរមា មានរវាងពី ៣៤ទៅ៣៧ អង្សាសេ។ តាមការព្យាករណ៍តំបន់ខ្ពង់រាប អាចមានភ្លៀងធ្លាក់ដោយអន្លើ ក្នុងកម្រិតពីខ្សោយទៅតិច ដែលលាយឡំទៅដោយផ្គរ រន្ទះ និងខ្យល់ កន្ត្រាក់ ។ ចំណែក នៅតំបន់មាត់សមុទ្រនោះវិញ…

កម្ពុជានិងឡាវកំពុងសិក្សាលើការបើកច្រកព្រំដែនយ៉ាងហោចចំនួនកន្លែងនៅតាមបណ្តោយ ព្រំដែនខេត្តរតនគិរី។ គម្រោងសិក្សាដើម្បីធ្វើការបើកច្រកព្រំដែននេះ បានលើកឡើងដោយអភិបាលខេត្តរតនគិរីលោក ញ៉ែម សំអឿន ក្នុងសន្និសីទកាសែតមួយនាទីស្តីការគណរដ្ឋមន្ត្រី ថ្ងៃទី៤ មេសា ឆ្នាំ២០២៣។ ខេត្តរតនគិរីគឺជាខេត្តដាច់ស្រយាលមួយនាភាគឥសានប្រទេស ដែលមានចម្ងាយ៥៨៨គីឡូម៉ែត្រពីរាជធានីភ្នំពេញ។ ខេត្តនេះមានព្រំប្រទល់ខាងលិចជាប់នឹងខេត្តស្ទឹងត្រែង, ខាងកើតជាប់នឹងខេត្ត២ នៃប្រទេសវៀតណាម គឺខេត្តយ៉ាឡាយ និងខេត្តកន្ទុម ដែលមានប្រវែងសរុប ២១០គីឡូម៉ែត្រ។ ភាគខាងជើងខេត្ត ជាប់នឹងខេត្តអឌ្ឍពើរបស់ប្រទេសឡាវដែលមានប្រវែង ១៦៥គីឡូម៉ែត្រ និងខាងត្បូងជាប់ជាមួយខេត្តមណ្ឌលគិរី។ បើទោះបីជាការបោះបង្គោលព្រំ ដែនខេត្តដែលជាប់នឹងប្រទេសឡាវ បានធ្វើដោយរួចរាល់ ប៉ុន្តែការបោះបង្គោលតាមខេត្តដែលជាប់នឹងវៀតណាម នៅមិនទាន់បានគ្រប់សព្វនៅឡើយទេ។ ខេត្តរតនគិរី គឺជាខេត្តមួយដែលមិនទាន់មានការអភិវឌ្ឍន៍ជឿនលឿនដូចបណ្តាខេត្តមួយចំនួន របស់កម្ពុជាឡើយ។ ខេត្តនេះតាមពិតគឺជាខេត្តដែលមានប្រភពធនធានធម្មជាតិនៅក្នុងដីជាច្រើន ដែលមិនទាន់ត្រូវបានគេធ្វើអាជីវកម្មអស់លទ្ធភាពឡើយ។ លោកអភិបាលខេត្តបានថ្លែង អំពីប្រភពធនធានធម្មជាតិ ដែលមាននៅក្នុងខេត្តបច្ចុប្បន្ន។ ខេត្តនេះ ទោះជាយ៉ាងណា ក៏ត្រូវគេស្គាល់ថាជាខេត្ត នៃតំបន់រមណីយដ្ឋាន ដែលមានភាពទាក់ទាញផងដែរ គ្រាដែលរមណីយដ្ឋានធម្មជាតិចំនួន២០កន្លែង, រមណីយដ្ឋានវប្បធម៌ ធម្មជាតិចំនួន២កន្លែង និងកែច្នៃចំនួន៨កន្លែង តែងធ្វើឱ្យអ្នកទេសចរជាតិ និងអន្តរជាតិ បានជញ្ជក់មាត់ស្ងើចសរសើរ។ អភិបាលខេត្តរតនគិរីបានថ្លែងរំពឹងលើដំណើរការរីកចំរើន របស់ខេត្តបើសិនជាខេត្តនឹងមាន ព្រលានយន្តហោះ ដែលនឹងទាក់ទាញទេសចរកាន់តែខ្លាំងឡើង។ ខេត្តរតនគិរី គឺជាខេត្តមួយនៃតំបន់អភិវឌ្ឍន៍ត្រីកោណ ដែលជាចក្ខុវិស័យរបស់អាស៊ាន។…

កីឡាកររបស់កម្ពុជា បានស្ថិតលើតារាងចំណាត់ថ្នាក់កំពូល ក្នុងការប្រកួតកីឡាគុនល្បុក្កតោ ជ្រើសរើសជើងឯកអាស៊ីអាគ្នេយ៍លើកទី១ ឆ្នាំ២០២៣ ដោយបានដណ្តើមមេដាយសរុប៣៣គ្រឿង ក្នុងនោះមេដាយមាសច្រើនជាងគេចំនួន១១គ្រឿង។ ការប្រកួតកីឡាគុនល្បុក្កតោជ្រើសរើសជើងឯកអាស៊ីអាគ្នេយ៍លើកទី១ ឆ្នាំ២០២៣ ដែលមាន៤ប្រទេសចូលរួម បានបញ្ចប់ដោយជោគជ័យក្រោយឆ្លងកាត់ការប្រកួតរយៈពេល ៣ថ្ងៃ ចាប់តាំងពីថ្ងៃទី០១ដល់០៣ ខែមេសា ឆ្នាំ២០២៣ ដែលធ្វើឡើងនៅវិទ្យាល័យភូមិន្ទភ្នំពេញ។ ប្រទេសទាំង៤ដែលបានចូលរួម គឺប្រទេសវៀតណាម, ឡាវ, ហ្វីលីពីន, និងកម្ពុជា។ ជាលទ្ធផល, កម្ពុជាដែលជាម្ចាស់ផ្ទះ បានឈរលេខ១ ដោយដណ្តើមបានមេដាយមាសចំនួន ១១ គ្រឿង, មេដាយប្រាក់១០គ្រឿង និងសំរិទ្ធ១២គ្រឿង។ ចំណែកក្រុមអត្តពលិកឡាវ ឈរលេខ២ ដោយដណ្តើមបានមេដាយសរុប ២៤គ្រឿង ក្នុងនោះរួមមានមាស៥ ប្រាក់៧ និងសំរិទ្ធ ១២គ្រឿង។ ចំណែកក្រុមវៀតណាមឈរលេខ៣ ដណ្តើមបានមេដាយមាស៣ ប្រាក់៣ និងសំ រិទ្ធ ៣គ្រឿង សរុប ៩គ្រឿង, ខណៈហ្វីលីពីន ដណ្តើមមេដាយសរុប ៦គ្រឿង មាស២ ប្រាក់១ និងសំរិទ្ធ ៣គ្រឿងឈរលេខ៤។ ការប្រកួតនេះ មានការចូលរួមជាអាជ្ញាកណ្តាលកាត់សេចក្តីមកពីប្រទេសបារាំង អាមេរិក…

អគ្គមេបញ្ជាការនៃកងយោធពលខេមរភូមិន្ទ បានទទួលស្វាគមន៍ដល់គណៈប្រតិភូ និងនាវាកងទ័ពជើងទឹក នៃកងទ័ពរំដោះប្រជាជនចិន ដែលបានមកបំពេញទស្សនកិច្ចនៅកម្ពុជា និងចូលរួមសមយុទ្ធនាគមាស ឆ្នាំ២០២៣។ ពិធីស្វាគមន៍នេះ បានធ្វើឡើងនៅកំពង់ផែស្វយ័តក្រុងព្រះសីហនុ នាថ្ងៃទី៤ ខែមេសា ឆ្នាំ២០២៣ ក្រោមអធិបតីភាពនាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ និងមេបញ្ជាការតំបន់ភូមិភាគខាងត្បូងរបស់ប្រទេសចិន លោកឧត្តមសេនីយ៍ឯក វៃ វិនហុយ។ អប្សរាណិតធ្វើសេចក្តីរាយការណ៍

តួលេខឆ្លងថ្មីកូវីដ១៩ ក្នុងប្រទេសអាស៊ាន នៃរយៈពេល៧២ម៉ោងចុងក្រោយនេះ មានចំនួន ២ពាន់ ៣៤៨នាក់ ដែលថយចុះច្រើនរហូតដល់ ១ពាន់ ១៨៩ករណី ធៀបនឹងរយៈពេល៣ ថ្ងៃ ដូចគ្នាកាលពីសប្តាហ៍មុន ។ ការឆ្លងក្នុងរយៈពេល ៧២ម៉ោងកន្លងមកនេះ បានកើតលើប្រទេស ចំនួន៦ នៅអាស៊ាន រួមមានប្រទេស ឥណ្ឌូនេស៊ី, ហ្វីលីពីន, ថៃ, វៀតណាម, មីយ៉ាន់ម៉ា និងប្រទេសឡាវ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ១ពាន់ ៣៥៤ករណី។ តួលេខឆ្លងតិចជាងគេ គឺប្រទេសឡាវ ដែលមានចំនួនអ្នកឆ្លងតែ២ករណីប៉ុណ្ណោះ ។ ប្រទេសម៉ាឡេស៊ី, កម្ពុជា, សឹង្ហបុរី និងប្រទេសប្រុយណេ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយក្នុងរយៈពេល ៧២ ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ៧២ម៉ោងចុងក្រោយនេះ មានចំនួន ៤២នាក់ ដែលជាពលរដ្ឋនៃប្រទេសឥណ្ឌូនេស៊ី, ថៃ និងប្រទេសហ្វីលីពីន។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន ៣៥លាន…

កម្ពុជាមិនមានអ្នកឆ្លងថ្មីកូវីដ១៩ឡើយ ក្នុងរយៈពេល ៧២ម៉ោងចុងក្រោយនេះ ដែលបាននាំឲ្យការមិនមានករណីឆ្លងសោះមានរយៈពេល ៦ថ្ងៃបន្តបន្ទាប់ជាប់គ្នាមកហើយ។ យោងតាមក្រសួងសុខាភិបាល ក្នុងរយៈពេលប្រមាណ ២ខែកន្លងមកនេះ តួលេខឆ្លងប្រចាំថ្ងៃមានតិចតួចប៉ុណ្ណោះ ។ កម្ពុជាបានចាប់ផ្តើមចាក់ដូសជំរុញទី៦ ចាប់តាំងពីដើមខែមករា ដែលរហូតមកទល់ពេលនេះ មានពលរដ្ឋទៅចាក់បានចំនួន ៣៤ម៉ឺន ២ពាន់ ៦៦២នាក់ហើយ។ ដោយឡែកតួលេខ នៃការចាក់វ៉ាក់សាំងដូសមូលដ្ឋានទូទាំងប្រទេសកម្ពុជាមានជិត៩៦ភាគរយ។

តម្លៃប្រេងសាំង បានកើនឡើងមកវិញ សម្រាប់ក្នុងការលក់រយៈពេល១០ថ្ងៃ ខាងមុខនេះ ។ យោងតាមក្រសួងពាណិជ្ជកម្មតម្លៃ ប្រេងឥន្ធនៈសម្រាប់ការលក់រវាងពីថ្ងៃទី០១ រហូតដល់ថ្ងៃ ទី១០ ខែមេសា ឆ្នាំ២០២៣ គឺប្រេងសាំងធម្មតាមានតម្លៃចំនួន៤ពាន់ ២៥០រៀលក្នុង១លីត្រ ដែលតម្លៃនេះបានកើនឡើងចំនួន៥០រៀល បើធៀបទៅការលក់រយៈពេល១០ថ្ងៃមុន.. ចំណែកប្រេងម៉ាស៊ូតមានតម្លៃចំនួន ៤ពាន់១០០រៀលក្នុង១លីត្រ ដែលតម្លែនេះ គឺបានកើនឡើងចំនួន៥០រៀល បើធៀបទៅនឹងការលក់រយៈ ពេល១០ថ្ងៃមុន។ ដោយឡែកតម្លៃប្រេងស៊ុបពែ័រវិញ គឺមិនបានកំណត់ក្នុងតារាងក្រសួងពាណិជ្ជកម្មនោះទេ ប៉ុន្តែតម្លៃលក់តែងតែខ្ពស់ជាងតម្លៃប្រេងសាំងធម្មតា។ នៅថ្ងៃនេះប្រេងសាំងស៊ុបពែ័រតាមស្ថានីយ៍ខ្លះ គឺមានតម្លៃចំនួន៤ពាន់៩០០រៀល និងកន្លែងខ្លះទៀតមានតម្លៃចំនួន ៤ពាន់ ៨៥០រៀល ក្នុងមួយលីត្រ ។ សូមជម្រាបថា រាជរដ្ឋាភិបាលតែងតែចំណាយប្រាក់ ជួយខាតយ៉ាងហោច ៦ចុច៥សេន ក្នុងមួយលីត្រ ដើម្បីជាការទប់ស្កាត់តម្លៃប្រេង ក្នុងការជួយសម្រាលបន្ទុកដល់ពលរដ្ឋ។

ចំណូលពីការលក់សំបុត្រទស្សនារមណីយដ្ឋានអង្គរបានជាង៣លានដុល្លារដែលកើនឡើងជាង ១ពាន់ដង បើប្រៀបធៀបនឹងខែដូចគ្នាកាលពីឆ្នាំកន្លងមក។ សេចក្តីប្រកាសពត៌មាន របស់គ្រឹះស្ថានអង្គរ បានឲ្យដឹងថា សម្រាប់ខែមីនាឆ្នាំ២០២៣នេះ គេរកចំណូលបានចំនួន ៣លាន៧៤ ម៉ឺន៨ពាន់៧០០ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចំនួន៧ម៉ឺន៩ពាន់ ៣៩០នាក់។ គិតក្នុងរយៈពេល៣ខែ ចាប់ពីខែមករា ដល់ខែមីនា ឆ្នាំ២០២៣ កម្ពុជារកចំណូលបានចំនួន ១១លាន១៣ម៉ឺន៥ពាន់៤៩២ដុល្លារអាមេរិក ពីការលក់បណ្ណចូលទស្សនារមណីយដ្ឋានអង្គរ និងមានភ្ញៀវទេសចរបរទេសចំនួនសរុប២៣ម៉ឺន៦ពាន់៣៤១នាក់។ ដោយឡែកក្នុងរយៈពេល៣ខែ ឆ្នាំ២០២៣នេះ រដ្ឋាភិបាល បានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប៤៧ម៉ឺន២ពាន់៦៨២ដុល្លារអាមេរិក នៃប្រាក់កាត់ពីចំណែក នៃការលក់បណ្ណជូនភ្ញៀវទេសចរបរទេស ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា៕

សាក្សីដែលស្ថិតនៅកៀកក្បែរនឹង សម រង្ស៊ី ក្នុងហេតុការណ៍ផ្ទុះគ្រាប់បែកកាលពី២៦ឆ្នាំមុន បានលាតត្រដាងចំណុចសង្ស័យដែលបង្ហាញថា សម រង្ស៊ី អាចជាប់ពាក់ព័ន្ធនឹងករណីផ្ទុះគ្រាប់បែក បង្កឱ្យមានមនុស្សស្លាប់ និងរបួសជាង១០០នាក់ នៅមុខអគារចាស់រដ្ឋសភា កាលពីចុងខែមីនា ឆ្នាំ១៩៩៧។ សាក្សីដែលបង្ហាញហេតុការណ៍សង្ស័យនោះឈ្មោះ ងួន ងីម ដែលជាអតីតមនុស្សជំនិតរបស់ សម រង្ស៊ី ក្នុងអតីតកាលនោះ។ អប្សរាណិតរាយការណ៍