ក្រសួងកសិកម្មបាននឹងកំពុងជម្រុញការបញ្ចេញនូវពូជស្រូវចំប៉ីស៧០ ដែលត្រូវបានបង្កើតឡើងថ្មីសម្រាប់ប្រជាកសិករកម្ពុជា បន្ទាប់ពីបានធ្វើការពិសោធន៍អស់រយៈពេល៩ឆ្នាំ។ កិច្ចការជម្រុញនេះបានបង្ហាញឲ្យដឹងតាមរយៈដំណើរទស្សនកិច្ចរបស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទលោក ឌិត ទីណា នៅវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា នៅថ្ងៃទី១៦មករា ឆ្នាំ២០២៣នេះ។ ក្រសួងកសិកម្មបានបង្ហាញអំពីដំណើរការផលិតពូជស្រូវដែលមានគុណភាព សម្រាប់ផ្គត់ផ្គង់ ដល់ការធ្វើស្រែចម្ការរបស់បងប្អូនប្រជាពលរដ្ឋនៅរដូវក្រោយ។ អនុប្រធានការិយាល័យរុក្ខជម្រើសវិទ្យា លោក អន ឈួន បានថ្លែង ពីអំពីពូជស្រូវស្រាល “ចំប៉ីស៧០” ។ ហេតុអ្វីបានស្រូវនេះ មានឈ្មោះចំប៉ីស៧០? គម្រោងផលិតកម្មពូជស្រូវនេះ គឺជាធាតុចូលមួយសំខាន់នៅក្នុងបេសកកម្មឈានទៅកាត់ បន្ថយការចំណាយរបស់ប្រជាកសិករ ដើម្បីឲ្យលោកទទួលបានផលចំណេញច្រើនជាងមុន។ ពូជស្រូវ ចំប៉ីស៧០ ត្រូវបានអភិវឌ្ឍន៍ឡើងក្នុងឆ្នាំ២០១៣ តាមរយៈការបង្កាត់រវាងពូជស្រូវផ្ការំដួលជាប្រភេទពូជស្រូវកណ្តាលប្រកាន់រដូវ ដែលមានគុណភាពអង្ករល្អប្រណីត ជាមួយនឹងសែស្រឡាយស្រូវ CN9024 ដែលជាស្រឡាយស្រូវស្រាលមិនប្រកាន់រដូវមាន ដងដើម ល្អមកពីប្រទេសចិន។ ក្រោយពីធ្វើពិសោធន៍ និងជ្រើសរើសអស់រយៈពេល០៩ឆ្នាំ វិទ្យាស្ថានបានសម្រេចស្នើសុំបញ្ចេញ ឲ្យប្រើប្រាស់ជាផ្លូវការទើបតែនៅខែធ្នូ ឆ្នាំ២០២២ នេះ ទេ។ លក្ខណៈពិសេសៗរបស់ពូជស្រូវ ចំប៉ីស៧០ពូជ ចំប៉ីស៧០” ត្រូវក្រុមជំនាញ កសិកម្មថ្លែងថា វាជាពូជស្រូវស្រាលក្រអូបមិនប្រកាន់រដូវ ដែលអាចច្រូតកាត់បានក្នុងរយៈពេល ៩៣ ទៅ៩៧…

គណបក្សភ្លើងទៀន បានចេញសេចក្តីថ្លែងការណ៍បង្ហាញការមិនចង់ចូលរួមការបោះឆ្នោត សកលឆ្នាំ២០២៣ខាងមុខនេះ ខណៈដែលត្អូញត្អែរថាមានអំពើគំរាមកំហែង។ មន្ត្រីគណៈកម្មាធិការជាតិរៀបចំការបោះឆ្នោតលោក សោម សូរីដា បានថ្លែងថា ការចូលរួមឬមិនចូលរួម របស់គណបក្សនយោបាយ គឺជាសិទ្ធិផ្ទាល់ខ្លួនរបស់គណបក្ស។ គួរបញ្ជាក់ថាដំណើរការបោះឆ្នោតសកលថ្ងៃទី២៣ កក្កដា ឆ្នាំ២០២៣ នឹងនៅសល់តែរយៈពេល១៨៨ថ្ងៃទៀតប៉ុណ្ណោះគិតត្រឹមថ្ងៃច័ន្ទទី១៦ មករា ឆ្នាំ២០២៣។ នៅជាង១៨០ថ្ងៃទៀតដែលបានមកដល់នេះ មន្ត្រីគណបក្សភ្លើងទៀនយ៉ាងហោចចំនួន២រូប គឺលោក សុន ឆៃ និងលោក គង់ គាំ បានរងនឹងបណ្តឹងក្តី នៅតុលាការ ក្នុងនោះរឿងសំណុំបរិហាកេរ្តិ៍របស់លោក សុន ឆៃ ត្រូវបានដើមបណ្តឹងគណបក្សប្រជាជនកម្ពុជា ទាមទារការបង់សងជម្ងឹចិត្ត១លានដុល្លារពាក់ព័ន្ធបទបរិហាកេរ្តិ៍ទាក់ទងនឹង សម្តីនិយាយចោទប្រកាន់ការលួចបន្លំសន្លឹកឆ្នោត, ចំណែកលោក គង់ គាំ បានសារភាពកំហុស ក្រោយការរកឃើញថាលោកបានប្រើអំណាចជាមន្ត្រីជាន់ខ្ពស់ក្រសូងការបរទេសធ្វើឯកសារ យកផ្ទះដែលជាទ្រព្យសម្បត្តិរបស់រដ្ឋធ្វើជាកម្មសិទ្ធិផ្ទាល់ខ្លួន។ គណបក្សភ្លើងទៀនក្នុងសេចក្តីថ្លែងការណ៍មួយរបស់ខ្លួន ថ្ងៃទី១៦មករានេះ បានសរសេរត្អូញត្អែរថាមានការបំភិតបំភ័យ, ការគំរាមកំហែង និងការប្រើប្រាស់ប្រព័ន្ធតុលាការ ដើម្បីបង្ខិតបង្ខំ ឬរឹបអូសយកទ្រព្យសម្បត្តិដោយការប្តឹងទារសំណងខុសប្រក្រតី មកលើថ្នាក់ដឹកនាំគណបក្សភ្លើងទៀន។ គណបក្សភ្លើងទៀននិយាយថាសកម្មភាពនោះគេមិនអាចទទួលបានឡើយ ។ គណបក្សភ្លើងទៀនដដែលនិយាយថាគេនឹងពិចារណាឡើងវិញអំពីលទ្ធភាព នៃការចូលរួមបោះឆ្នោតខាងមុខនេះ។ មន្ត្រីគណបក្សប្រជាជនកម្ពុជានៅមិនទាន់មានប្រតិកម្មជុំវិញ សេចក្តីថ្លែងការណ៍គណបក្សភ្លើងទៀននោះឡើយ។ ប៉ុន្តែមន្ត្រីគជប លោក…

ឃាតកម្មមួយលើបុរសអាយុ៣៣ឆ្នាំដែលសាកសពត្រូវគេសម្លាប់ដាក់ក្នុងកាបូប និងគ្រវែងចោលក្នុងប្រឡាយទឹកនៅក្នុងឃុំព្រៃដូង ឃុំកំពង់ស្វាយ ស្រុកកៀនស្វាយ នៃខេត្តកណ្តាល ត្រូវសមត្ថកិច្ចបំបែកករណីនេះបានភ្លាម មិនដល់រយៈពេល២៤ម៉ោងឡើយ។ សមត្ថកិច្ចនគរបាលខេត្តកណ្តាលក្រោមការដឹកនាំរបស់ស្នងការនគរបាលលោកឧត្តមសេនីយ៍ទោ ឈឿន សុចិត្ត បានចាប់ខ្លួនជនសង្ស័យ២នាក់ក្នុងនោះរួមមានស្ត្រីម្នាក់ជាភរិយា និងម្នាក់ទៀតជាបុរសស៊ីឈ្នួលសម្លាប់អាយុ៣៩ឆ្នាំ។ អប្សរាណិតរាយការណ៍

មន្ត្រីអ៊ុយក្រែន១៥នាក់ បានចាប់ផ្តើមទទួលការហ្វឹកហ្វឺនរបៀបដោះគ្រាប់មីន និងគ្រាប់មិនទាន់ផ្ទុះពីគ្រូបង្វឹកកម្ពុជា ហើយបន្ទាប់វគ្គហ្វឹកហ្វឺនមួយ បានបើកនៅថ្ងៃទី១៦មករានេះក្រោម វត្តមានអគ្គនាយកអង្គការស៊ីម៉ាក់លោក ហេង រតនា។ ពិធីនេះបានប្រព្រឹត្តទៅនៅវិទ្យាស្ថានបច្ចេកទេសសកម្មភាពកម្ចាត់មីនរបស់ CMAC ក្នុងខេត្តកំពង់ឆ្នាំង ដោយមានការចូលរួមពីប្រធានអង្គការ JICA របស់ជប៉ុនផងដែរ។ វគ្គសិក្សាជំនាញបោសសំអាតគ្រាប់មីន និងយុទ្ធភណ្ឌមិនទាន់ផ្ទុះនេះ នឹងមានរយៈពេលមួយ សប្តាហ៍ចាប់ផ្តើមពីថ្ងៃទី១៦ ខែមករា ឆ្នាំ២០២៣។ ក្រុមហ្វឹកហ្វឺន១៥នាក់របស់អ៊ុយក្រែននេះ នឹងគ្រោងធ្វើទស្សនកិច្ចតាមការដ្ឋានដោះមីន នៅខេត្តបាត់ដំបង និងខេត្តសៀមរាបផងដែរ ។ អង្គភាព CMAC គឺជាអង្គភាពបោសសម្អាតមីនគ្រាំទ្រសកម្មភាពមនុស្សធម៌ ដែលមានវ័យចំណាស់ និងធំជាងគេបង្អស់នៅលើពិភពលោក។ សម្រាប់ការហ្វឹកហ្វឺនជំនាញដោះមីនដល់សិក្ខាកាមអន្តរជាតិនេះ មិនមែនជាលើកទី១ សម្រាប់មន្ត្រីអ៊ុយក្រែននោះទេ។ កន្លងមកដោយមានការគាំទ្រដោយរដ្ឋាភិបាល និងប្រជាជនជប៉ុន, អង្គភាព CMAC របស់កម្ពុជា ធ្លាប់បានផ្តល់ការជួយហ្វឹកហ្វឺនដោះមីននេះ ដល់ប្រទេសជាច្រើនដូចជា កូឡុំប៊ី, អ៊ីរ៉ាក់, អង់ហ្គោឡា និងប្រទេសឡាវជាដើម៕

ជំនន់ទឹកហៀរពីស្ទឹងព្រែកត្នោត បានធ្វើឱ្យជន់លិចភូមិករអ្នកស្រុកជាច្រើននៅក្នុងខណ្ឌដង្កោ ជាយរាជធានីភ្នំពេញ។ មិនមានសេចក្តីរាយការណ៍មនុស្សរងគ្រោះថ្នាក់ដោយជំនន់ទឹកលិច ភ្លាមៗនោះទេ។ អប្សរាណិតរាយការណ៍

សម្តេចនាយករដ្ឋមន្ត្រី ហ៊ុន សែន និងប្រធានាធិបតីកោះម៉ាល់ឌីវ បានចុះហត្ថលេខាលើឯកសារចំនួន៦ នៃកិច្ចសហប្រតិបត្តិការទ្វេភាគី ក្នុងវិស័យទេសចរណ៍, ការទូត និងសុខាភិបាល។ កម្ពុជា និងប្រទេសម៉ាល់ឌីវ មានចំណងការទូតរវាងគ្នារយៈពេល២៨ឆ្នាំ និងដំណើរទស្សនកិច្ច រយៈពេល៣ថ្ងៃរបស់សម្តេចតេជោ ហ៊ុន សែន រវាងពីថ្ងៃទី១៥ ដល់១៧ មករា ឆ្នាំ២០២៣ គឺជាដំណើរទស្សនកិច្ចលើកដំបូងតបតាមការអញ្ជើញរបស់ប្រធានាធិបតីកោះម៉ាល់ឌីវ។ អប្សរាណិតរាយការណ៍

ពិធីបុណ្យចូលឆ្នាំចិន វៀតណាម កូរ៉េ នឹងមកដល់នាច្រើនថ្ងៃទៅមុខទៀតនេះក្នុងខែមករា ឆ្នាំ២០២៣។ ជាធម្មតា អ្នកមានជំនឿលើប្រពៃណីបុណ្យចូលឆ្នាំចិន និងវៀតណាមនេះ តែងចង់ដឹងអំពីជោគជតារាសីរបស់ពួកគេសម្រាប់ឆ្នាំថ្មីដែលនឹងមកដល់នាពេលខាងមុខនេះ។ អប្សរាណិតបានធ្វើកិច្ចសម្ភាសន៍មួយជាមួយនឹងហោរាចិនល្បីល្បាញម្នាក់ឈ្មោះ កុក ឡុង។ តើក្នុងឆ្នាំថោះរបស់ចិនដែលនឹងមកដល់ក្នុងពេលខាងមុខនេះ មានរាសីឡើងនិងរាសីចុះប៉ះលើឆ្នាំអ្វីខ្លះ? សូមទស្សនា

តួលេខឆ្លងថ្មីកូវីដ១៩ ក្នុងប្រទេសអាស៊ាន នៃរយៈពេល ២៤ម៉ោងចុងក្រោយនេះ បានថយចុះចំនួន ២ពាន់ ៣៤៨ករណី បើប្រៀបធៀបនឹងតួលេខឆ្លងកាលពីម្សិលមិញ ។ តួលេខឆ្លងថ្មី កូវីដ១៩ នៅអាស៊ានរយៈពេល ២៤ម៉ោងចុងក្រោយនេះ មានចំនួនតែ ២ពាន់ ៣៤៨ករណី ។ ការឆ្លងថ្ងៃនេះ បានកើតលើប្រទេសចំនួន៩ នៅអាស៊ាន រួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ឡាវ, ប្រុយណេ និងប្រទេសកម្ពុជា ។ ប្រទេសប្រុយណេ គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ៦១៨ករណី ។ តួលេខឆ្លងតិចជាងគេ គឺប្រទេសមីយ៉ាន់ម៉ា ដែលមានចំនួនឆ្លងតែ ១ករណីប៉ុណ្ណោះ ។ ប្រ ទេសថៃ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយក្នុង រយៈពេល ២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មាន ចំនួន ២៧នាក់ ក្នុងនោះប្រទេសហ្វីលីពីន…