បណ្ឌិត ហ៊ុន ម៉ាណែត បានថ្លែងនៅថ្ងៃទី១២ មករានេះ ប្រាប់និស្សិតក្នុងខេត្តបបន្ទាយមានជ័យថា មានតែការអភិវឌ្ឍធនធានមនុស្សទេ ដែលនឹងអាចនាំឱ្យប្រទេសមានការរីកចម្រើនរុងរឿងបាន។ ប្រសាសន៍ថ្លែងរបស់បណ្ឌិត ហ៊ុន ម៉ាណែត ដែលជាប្រធានគណៈកម្មាធិការ អាហារូបករណ៍សិស្ស-និស្សិតក្រីក្រសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានធ្វើឡើងក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រជូន និស្សិតជ័យលាភី និងសម្ពោធដាក់ឱ្យប្រើប្រាស់អគារការិយាល័យនៅសាកលវិទ្យាល័យ គ្រប់គ្រងនិងសេដ្ឋកិច្ចនៃសាខាខេត្តបន្ទាយមានជ័យ។ បណ្ឌិត ហ៊ុន ម៉ាណែត បានថ្លែងអបអរសាទរចំពោះនិស្សិតជ័យលាភីទាំងអស់ ដែលបានបញ្ចប់ការសិក្សាប្រកបដោយភាពជោគជ័យ ដោយបញ្ជាក់ប្រាប់និស្សិតទាំងឡាយថា នេះគឺជាការចាប់ផ្តើមនៃដំណើរឆ្ពោះទៅរកការ កសាងអនាគតដ៏ត្រចះត្រចង់សម្រាប់ខ្លួនឯង, ក្រុមគ្រួសារ, សហគមន៍ និងសង្គមជាតិទាំង មូល។ លោកបានថ្លែងបញ្ជាក់ទៀតថាចំណេះដឹង និងចំណេះធ្វើ ដែលទទួលបាននេះ នឹង ជួយនិស្សិតយើងប្រែក្លាយទៅជាមូលធនមនុស្សរបស់ប្រទេសជាតិ ជាពិសេសនៅក្នុង បរិការណ៍ដែលប្រទេសជាតិយើងកំពុងត្រូវការធនធានមនុស្សប្រកបដោយគុណភាព សមត្ថភាព គុណធម៌ និងសីលធម៌ខ្ពស់។

រុស្ស៊ីបានធ្វើការផ្លាស់ប្តូរមេបញ្ជាការសមរភូមិអ៊ុយក្រែនបន្ទាប់ពីទើបបានតែងតាំងលោកឧត្តមសេនីយ៍ សៀរហ្គេ ស៊ូរ៉ូវីគីន Sergei Surovikin រយៈពេលប្រមាណ៣ខែ។ តើមូលហេតុនៃការផ្លាស់ប្តូរនេះមានអ្វីខ្លះ? លោក ម៉ារ យ៉ារិទ្ធិ រាយការណ៍

ប្រទេសន័រវែស បានផ្ដល់ជំនួយដល់កម្ពុជាជិត ២០ម៉ឺនដុល្លារ ដើម្បីពង្រឹងសមត្ថភាពសកម្មភាពមីន។ ការផ្តល់ជំនួយរបស់ប្រទេសន័រវែស បានធ្វើឡើងតាមរយៈអង្គការជំនួយ នៃប្រជាពលរដ្ឋន័រវែសហៅកាត់ថា NPA។ ពិធីចុះអនុស្សារណៈយោគយល់គ្នាដើម្បីការទទួលជំនួយ នេះ បានធ្វើនៅថ្ងៃទី១២ធ្នូឆ្នាំ២០២២ រវាងអនុប្រធានទី១ អាជ្ញាធរមីន លោក លី ធុជ និងតំណាងអង្គការ NPA ក្នុងប្រទេសកម្ពុជា។ លោក លី ធុជ បានចាត់ទុកអង្គការ NPA គឺជាដៃគូយុទ្ធសាស្ត្រ ដែលបានជួយគាំទ្រកម្ពុជា ទាំងការបង្កើនសមត្ថភាព និងតាមរយៈជំនួយហិរញ្ញវត្ថុដ៏សប្បុរស ក្នុងគោលបំណងធានាថា អាជ្ញាធរមីន មានសមត្ថភាព និងរឹងមាំក្នុងការគ្រប់គ្រង និងសម្របសម្រួលសកម្មភាពមីននៅ កម្ពុជា ប្រកបដោយប្រសិទ្ធភាព។ អង្គការជំនួយនៃប្រជាពលរដ្ឋន័រវែស NPA គឺជាអង្គការដែលជួយពលរដ្ឋបំបាត់គ្រាប់មីនក្នុងសហគមន៍។ អង្គការនេះ បានធ្វើកិច្ចការជួយដោះមីននេះតាំងពីឆ្នាំ១៩៩២។ កម្ពុជាបានដាក់ ចេញនូវផែនការធ្វើឱ្យប្រទេសអស់មីនទាំងស្រុងក្នុងឆ្នាំ២០២៥។

តុលាការបានសម្រេចឃុំខ្លួនអនុប្រធាននាយកដ្ឋានហិរញ្ញវត្ថុ និងផ្គត់ផ្គង់ នៃក្រសួងសង្គមកិច្ច អតីតយុវជន និងយុវនីតីសម្បទា ពាក់ព័ន្ធនឹងអំពើកិបកេងថវិការដ្ឋ និងប្រាក់របបគោលនយោបាយជនពិការជាង៣៨ម៉ឺនដុល្លារ អាមេរិក។ លោក ឡាយ សំណាង នៃអនុប្រធាននាយកដ្ឋានហិរញ្ញវត្ថុ និងផ្គត់ផ្គង់របស់ក្រសួងសង្គមកិច្ច ត្រូវបានគេចោទពីបទល្មើសកេងយកផលប្រយោជន៍ដោយខុសច្បាប់ និងទី២ការសម្អាត ប្រាក់។ អង្គភាពប្រឆាំងអំពើពុករលួយបានរកឃើញលោក ឡាយ សំណាង កេងកឹបប្រាក់ពីគម្រោងចំនួន១១ ដែលមានទឹកប្រាក់ចំនួន១ពាន់៥៤៩លាន ៨១ម៉ឺន៤ពាន់១៦០រៀល ដែលស្មើនឹង៣៨ម៉ឺន ៧ពាន់ដុល្លារអាមេរិក។ អង្គភាពប្រឆាំងអំពើពុករលួយ បានថ្លែងថាគេបានប្រើពេលធ្វើការស៊ើបអង្កេតលើករណីនេះ រយៈពេលជាង ១៣ខែ មុនការចាប់ខ្លួន និងបញ្ជូនទៅតុលាការ។ លោក ឡាយ សំណាង គឺជាជនជាប់ចោទលើកទី២ហើយ បន្ទាប់ពីអតីតស្មៀនសង្កាត់ ក្រុងតាខ្មៅឈ្មោះ សុខ សុផា ដែលអង្គភាពប្រឆាំងអំពើពុករលួយបានបញ្ជួនទៅតុលាការដាក់ទោសកាលពីខែវិច្ឆិកា ឆ្នាំ២០២២។ អតីតស្មៀនសង្កាត់ឈ្មោះ សុខ សុផា នោះ គេបានរកឃើញថាបានកឹបកេងថវិកាជាង៧០លានរៀល ដែលជាប្រាក់របស់រាជរដ្ឋាភិបាល សម្រាប់ឧបត្ថម្ភអ្នកក្រីក្រក្នុងពេលជួបវិបត្តិឆ្លងកូវីដ១៩។

អង្គភាពប្រឆាំងនឹងអំពើពុករលួយ ត្រូវគេរាយការណ៍ថាបាននិងកំពុងបើកការស៊ើបអង្កេត លើករណីសំណុំរឿងលោក គង់ គាំ ពាក់ព័ន្ធនឹងរឿងបន្លំធ្វើបណ្ណកម្មសិទ្ធិ ដីរបស់ក្រសួងការបរទេសធ្វើជាទ្រព្យសម្បត្តិរបស់ខ្លួន។ ដីនិងអចលនទ្រព្យដែលកំពុងស្ថិតក្នុងភាពវិវាទនោះ គឺដីនិងផ្ទះក្នុងឡូតិ៍លេខ៧១ ផ្លូវសុធារស សង្កាត់ទន្លេបាសាក់ នៃខណ្ឌចំការមន។ លោក គង់ គាំ ក្នុងនាមជាអតីតមន្ត្រីជាន់ខ្ពស់ក្រសួងការបរទេស បានព្យាយាមលួចធ្វើវិញ្ញាបនបត្រយកផ្ទះ និងដីធ្វើជាទ្រព្យសម្បត្តិឯកជនកាលពីខែមេសាឆ្នាំ១៩៩០។ លោកគង់គាំក្នុងលិខិតមួយកាលពីថ្ងៃទី១១មករាឆ្នាំ២០២៣ បានសរសេរថាលោកពិតជាបានចូលរស់នៅក្នុងផ្ទះ នៃកម្មសិទ្ធិរបស់ក្រសួងការបរទេសនោះ ដោយគ្រាន់តែជូន ដំណឹងដល់រដ្ឋមន្ត្រីក្រសួងការបរទេសតែប៉ុណ្ណោះ។ គួរបញ្ជាក់រដ្ឋមន្ត្រីការបរទេស ជំនាន់នោះ គឺសម្តេចតេជោ ហ៊ុន សែន។ នៅថ្ងៃទី១២ ខែមករា ឆ្នាំ២០២៣, សម្តេចតេជោ ហ៊ុន សែន បានថ្លែងថាសម្តេចបានស្នើទៅ «អង្គភាពប្រឆាំងអំពើពុករលួយ ដើម្បីស្រាវជ្រាវជាបន្ទាន់ អំពីភាពមិនប្រក្រតីនានា នៃការលួចបន្លំធ្វើប័ណ្ណសម្គាល់សិទ្ធិកម្មសិទ្ធិលើដី និងផ្ទះដែលជាកម្មសិទ្ធិរបស់ក្រសួងការបរទេស និងចាត់វិធានការបន្តតាមផ្លូវច្បាប់ តាមការចាំបាច់ ដោយផ្អែកលើមូលដ្ឋាន នៃលទ្ធផលដែលបានស្រាវជ្រាវរកឃើញ»។ សម្តេចតេជោបានបញ្ជាក់ថា ដី និងផ្ទះ ដែលលោក គង់ គាំ រៀបចំឯកសារបន្លំយកនេះ គឺជា កម្មសិទ្ធិរបស់ក្រសួងការបរទេស ហើយដី និងផ្ទះនេះ…

សម្តេចតេជោ ហ៊ុន សែន បានចូលរួមថ្លែងសុន្ទរកថាតាមប្រពន្ធវីដេអូ ក្នុងកិច្ចប្រជុំកំពូល ស្តីពីសំឡេងនៃបណ្តាប្រទេសខាងត្បូង Voice of South Summit ដែលមានប្រទេសចូលរួម ប្រមាណ១២០ប្រទេស។ ប្រទេសឥណ្ឌាគឺជាប្រទេសនៃម្ចាស់ផ្ទះ កិច្ចប្រជុំកំពូលស្តីពីសំឡេង នៃបណ្តាប្រទេសខាងត្បូង ដែលកិច្ចប្រជុំនេះនឹងមានរយៈពេល២ថ្ងៃ។ ប្រធានបទឆ្នាំនេះគឺ សម្លេងរួមគ្នា និងគោលដៅរួមគ្នា។ អប្សរាណិតរាយការណ៍

ការឆ្លងថ្មីកូវីដ១៩ក្នុងរយៈពេល២៤ម៉ោងចុងក្រោយនេះ បានកើនឡើងមកវិញចំនួន ១ករណី បើប្រៀបធៀបនឹងតួលេខឆ្លងកាលពីម្សិលមិញ ។ យោងតាមក្រសួងសុខាភិបាល តួលេខឆ្លង ថ្មី២៤ម៉ោងចុងក្រោយ មានចំនួន៤ករណីផងដែរ ។ តួលេខឆ្លងថ្មីទាំង ៤ករណី នៅថ្ងៃនេះ សុទ្ធតែកើតឡើងក្នុងរង្វង់សហគមន៍ទាំងអស់ ។ កម្ពុជាបានចាប់ផ្តើមចាក់ដូសជំរុញទី៦ ក្នុងសប្តាហ៍នេះ ដែលមានចំនួន១ម៉ឺន ៣ពាន់ ៥៧៣ នាក់ហើយ ខណៈពិភពលោកកំពុងប្រុងប្រយ័ត្ន នូវវីរុសបំបែ្លងថ្មីម្យ៉ាងឈ្មោះ XBB។ វីរុសនេះ នៅមិនទាន់មានសេចក្តីរាយការណ៍អំពីការឆ្លង ចូលមកដល់ប្រទេសកម្ពុជានៅឡើយទេ។ កម្ពុជាបច្ចុប្បន្នកំពុងរៀនរស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូល ដ្ឋានទូទាំងប្រទេសមានប្រមាណជាង ៩៥ភាគរយ រួចមកនេះ។។។។។

អំណោយអង្ករគ្រឿងឧបភោគបរិភោគ និងថវិកាគិតជាទឹកប្រាក់តម្លៃប្រមាណ៤០លានរៀល ត្រូវបានជួយឧបត្ថម្ភដល់ពលរដ្ឋខ្សត់ខ្សោយ១៨០គ្រួសារ ក្នុងឃុំចំនួន៤ នៃស្រុកស្វាយអន្ទរ ខេត្តព្រៃវែង។ អំណោយដែលជារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន បានចែកជួនដល់ពលរដ្ឋក្នុងពិធីមួយនាថ្ងៃទី១០មករាឆ្នាំ២០២៣ក្រោមវត្តមានចូល រួមដោយមន្ត្រីទីប្រឹក្សាផ្ទាល់របស់សម្តេចគឺឯកឧត្តមបណ្ឌិត ស៊ាង ប៊ុនលាង ដែលជារដ្ឋលេខាធិការក្រសួងមហាផ្ទៃ និងលោកជំទាវអគ្គមហាឧបាសិកាពុទ្ធសាសនូប ត្ថម្ភក៍ ហ៊ុន ប៊ុនធឿន ទីប្រឹក្សាក្រសួងការបរទេស និងជាទីប្រឹក្សាគណៈសង្ឃនាយកគណៈមហានិកាយ នៃព្រះរាជាណាចក្រកម្ពុជា។ អប្សរាណិតរាយការណ៍

លោក គង់ គាំ ត្រូវបានគណបក្សប្រជាជនខេត្តត្បូងឃ្មុំ បានប្តឹងទារប្រាក់សំណងចំនួន ៥០ម៉ឺន ដុល្លារក្រោយសម្តីបរិហាកេរ្តិ៍ជុំវិញទិវា៧មករា។ ការប្តឹងនេះបានធ្វើឡើងក្រោយសម្តីរបស់ លោក គង់ គាំ ក្នុងពិធីមួយនៃការប្រកាសសុពលភាពក្រុមការងារគណបក្សភ្លើងទៀន នៅខេត្តត្បូងឃ្មុំនៅចំថ្ងៃ៧ មករា ឆ្នាំ២០២៣ ដោយលោក គង់ គាំ បានប្រើពាក្យសម្តីមិនពិតទាក់ទងនឹងប្រវត្តិរបស់ថ្ងៃ៧មករា ដែលគណបក្សប្រជាជនកម្ពុជាខេត្តត្បូងឃ្មុំ បានប្តឹងថាសម្តីរបស់លោក គង់ គាំ បានបង្ហាញពីចេតនាទុច្ចរិត និងញុះញង់ឲ្យមានភាពវឹកវរដល់សង្គម។ លោក គង់ គាំ បានប្រតិកម្មមកវិញថា ខ្លឹមសារនៃបណ្តឹង របស់គណបក្សប្រជាជនកម្ពុជាខេត្តត្បូងឃ្មុំ មិនមានលក្ខណៈជាក់ស្តែង និងមិនមានលក្ខណៈ ពិតប្រាកដនោះទេ។ លោកគង់គាំបានថ្លែងថា មេធាវីរបស់លោកកំពុងសិក្សាមើលថា តើសម្តីរបស់លោកនោះបានបំពាននិងបណ្តាលឲ្យមានបទល្មើសក្នុងកម្រិតណា? គណបក្សប្រជាជនកម្ពុជាខេត្តត្បូងឃ្មុំ ក្នុងលិខិតប្តឹងបានប្រាប់តំណាងអយ្យការថា សម្តីរបស់លោក គង់ គាំ បង្ហាញពីចេតនាទុច្ចរិត និងញុះញង់ឲ្យមានភាពវឹកវរដល់សង្គម។ ក្នុងបណ្តឹងមួយចុះកាលបរិច្ឆេទថ្ងៃទី១០ ខែមករា ឆ្នាំ២០២៣នោះ គណបក្សប្រជាជនកម្ពុជា ខេត្តត្បូងឃ្មុំ បានប្តឹងសុំឲ្យតុលាការ ដាក់ទោសលោកគង់គាំឱ្យបានធ្ងន់ធ្ងរ និងសុំទារសំណង ជំងឺ ចិត្តពីលោកដល់ទៅ៥០ម៉ឺនដុល្លារ។