ដំណាំចេក គឺជាដំណាំមួយដែលកំពុងពេញនិយម ក្នុងការនាំចេញទៅលក់លើទីផ្សារក្រៅប្រទេសជាពិសេសលើទីផ្សារនៃប្រទេសចិន។ កំណើននៃការនាំផ្លែចេកស្រស់របស់កម្ពុជា នាំចេញទៅលក់លើទីផ្សារ នៃប្រទេសចិន ត្រូវគេរាយការណ៍ថាកាន់តែកើនឡើង។ សូមទស្សនាសេចក្តីរាយការណ៍មួយស្តីពីដំណើរទស្សនកិច្ចរបស់រដ្ឋមន្ត្រីក្រសួងកសិកម្ម លោក ឌិត ទីណា ដែលចុះពិនិត្យការដាំដំណាំចេកនៅកសិដ្ឋានចំការចេកក្រុមហ៊ុន ឡងមេត អេហ្គ្រីខលឈ័រ ស្ថិតនៅភូមិដុំផ្តៅ ឃុំត្រពាំងភ្លាំង ស្រុកឈូកខេត្តកំពត

អណ្តូងទឹកស្អាតចំនួន១០ត្រូវបានប្រគល់ជូនអ្នកស្រុកក្នុងតំបន់ដាច់ស្រយាលក្នុងខេត្តមណ្ឌលគិរី តាមរយៈដំណើរទស្សនកិច្ចរបស់លោកជំទាវ ពេជ ចន្ទមុន្នី ហ៊ុនម៉ាណែត និងក្រុមការងារ ដើម្បីជួយសម្រួលដល់តម្រូវការប្រើប្រាស់ទឹកជូនប្រជាពលរដ្ឋ។

បញ្ជាការដ្ឋានជាតិកម្លាំងពិសេសប្រឆាំងភេរវកម្ម ទទួលបានអំណោយរថយន្តគិលានសង្គ្រោះ ចំនួន ០៥ គ្រឿង ពីសប្បុរសជន។ រថយន្តគិលានសង្គ្រោះទាំងនោះ ត្រូវបានប្រគល់ជូនដោយ សប្បុរសជនកម្ពុជា និងជប៉ុនកាលពីថ្ងៃទី២៣ វិច្ឆិកា ឆ្នាំ២០២២ ក្នុងឱកាសដែលអញ្ជើញចូលរួម ដោយមេបញ្ជាការ នៃបញ្ជាការដ្ឋានជាតិកម្លាំងពិសេសប្រឆាំងភេរវកម្ម លោកឧត្តមសេនីយ៍ឯក ហ៊ុន ម៉ាណែត។

សម្តេចតេជោ ហ៊ុន សែន បានទទួលជួបប្រធានសភាម៉ារ៉ុក ដោយការពិភាក្សាបានផ្តោតលើ ទំនាក់ទំនងវិស័យនយោបាយ, សេដ្ឋកិច្ច និងពាណិជ្ជកម្ម។ ប្រធានរដ្ឋសភាម៉ារ៉ុក លោករ៉ា ឈីត តាល់ប៊ី អែល អាឡាមី កំពុងបំពេញទស្សនកិច្ចក្នុងប្រទេសកម្ពុជា ដើម្បីចូលរួមក្នុងមហាសន្និបាតអាយប៉ាលើកទី៤៣ ក្នុងរាជធានីភ្នំពេញ។

កម្ពុជានិងឥណ្ឌូស៊ី បានជំរុញកិច្ចសហប្រតិបត្តិការទ្វេភាគីជាពិសេសវិស័យកសិកម្ម, វិនិយោគ, ទេសចរណ៍ និងទំនាក់ទំនងរវាងសភា ក្នុងឱកាសដែលមានជំនួបមួយរវាងសម្តេចតេជោ ហ៊ុន សែន ជាមួយនឹងប្រធានរដ្ឋសភាឥណ្ឌូណេស៊ីនៅថ្ងៃទី២៤ វិច្ឆិកា ឆ្នាំ២០២២។

មន្ត្រីប្រធានគណៈកម្មាធិការបរទេសសភាតំណាងរាស្ត្រអាមេរិកបានប្រាប់សម្តេចតេជោ ហ៊ុន សែន ថាសហរដ្ឋអាមេរិក បានចាត់ទុកសម្តេចតេជោ ហ៊ុន សែន ជា «មិត្ត» និងបញ្ជាក់លើការប្តេជ្ញា ធ្វើការយ៉ាងជិតស្និទ្ធជាមួយសម្ដេចតជោថែមទៀត។ ការបញ្ជាក់នេះ បានធ្វើដោយមន្ត្រី តំណាងរាស្ត្រលោក ហ្គ្រេ ហ្គើរី មីកស៍ ដែលកំពុងបំពេញទស្សនកិច្ចការងារក្នុងសប្តាហ៍នេះ ចូលរួមក្នុងកិច្ចប្រជុំមហាសន្និបាត អន្តរសភាអាស៊ានអាយប៉ា។ អប្សរាណិតរាយការណ៍

ប្រធានសភានៃប្រទេសអាស៊ែ័របៃហ្សង់លោកជំទាវសាហ៊ីបា អាលី ហ្គីហ្ស៊ី ហ្គាហ្វារ៉ូវ៉ា បានថ្លែងអំណរគុណដល់កម្ពុជាដែលបានជួយឱ្យប្រទេសអាស៊ែ័របៃហ្សង់ បានក្លាយជាប្រទេស សង្កេតការណ៍របស់អាយប៉ា។

ប្រទេសថៃ ដែលបានបាត់មិនឃើញបង្ហាញចំនួនអ្នកឆ្លង និងអ្នកស្លាប់ដោយសារកូវីដ១៩ រយៈពេល១សប្តាហ៍មកហើយ បានបង្ហាញចំនួនអ្នកឆ្លងច្រើនរហូតដល់ ៣ពាន់ ៩៥៧ករណី ឆ្លងច្រើនឈរនៅលំដាប់ទី២ បន្ទាប់ពីឥណ្ឌូនេស៊ី ក្នុងរយៈពេល២៤ម៉ោងមកនេះ ។

តួលេខឆ្លងថ្មីកូវីដ១៩ នៅកម្ពុជា ក្នុងរយៈពេល២៤ម៉ោងចុងក្រោយនេះ មាន៣ករណី ដែលថយចុះមួយករណី បើប្រៀបធៀបនឹងម្សិលមិញ។ យោងតាមក្រសួងសុខាភិបាល ការឆ្លងទាំង ៣ករណីវេលា ២៤ម៉ោងចុងក្រោយនេះ គឺកើតឡើងក្នុងរង្វង់សហគមន៍ទាំងអស់ ។