កូនដើមកោងកាងចំនួន ៣ពាន់ដើមត្រូវបានដាំ ក្នុងទិវាអនាម័យបរិស្ថានជាតិនៅក្នុងថ្ងៃទី ២៨ វិច្ឆិកា ឆ្នាំ២០២២ នៅក្នុងខេត្តកែប ក្រោមអធិបតីភាពរដ្ឋលេខាធិការក្រសួងបរិស្ថាន លោក នេត្រ ភក្ត្រា។ អភិបាលខេត្តកែបលោក សោម ពិសិដ្ឋ, មន្ត្រីជំនាញក្រសួងបរិស្ថាន និងមន្ត្រីនៃមន្ទីរជំនាញចំណុះរដ្ឋបាលខេត្ត សិស្សានុសិស្ស និស្សិត និងប្រជាសហគមន៍ប្រមាណជាង ២០០នាក់ទៀត បានចូលរួមយ៉ាងកុះករ នៅតំបន់សហគមន៍នេសាទភូមិថ្មី ក្រោមប្រធានបទ «មាតុភូមិយើង កាតព្វកិច្ចយើង ស្អាត និងបៃតង»។ រដ្ឋលេខាធិការក្រសួងបរិស្ថាន លោក នេត្រ ភក្ត្រា បានថ្លែងថា ដើមកោងកាងផ្តល់សារៈ សំខាន់យ៉ាងច្រើនដល់ បរិស្ថានសមុទ្រក្នុងនោះមានជួយបង្កើតសុខភាពប្រព័ន្ធអេកូឡូស៊ី សមុទ្រ។ លោកបានបញ្ជាក់ទៀតថា ព្រៃកោង កាងជារបៀងយុទ្ធសាស្ត្រតភ្ជាប់ប្រព័ន្ធអេកូឡូស៊ីពីតំបន់ដីគោក ឆ្នេរ និងសមុទ្រ ហើយក៏ជារនាំងប្រឆាំងនឹងគ្រោះធម្មជាតិ និងការប្រែប្រួល អាកាសធាតុ។ ព្រៃកោងកាងមិនត្រឹមតែជារុក្ខជាតិផ្តល់នូវគុណប្រយោជន៍ខ្ពស់និងមានមុខងារសំខាន់ក្នុងប្រព័ន្ធអេកូឡូស៊ីតំបន់ឆ្នេរ និងសមុទ្រប៉ុណ្ណោះទេ, វាមានសារៈប្រយោជន៍ការពារជម្រាលដីពី ការសិករិចរិល, ជាកន្លែងបង្កាត់ពូជ និងថ្នាលសម្រាប់សរីរាង្គសត្វសមុទ្រមួយចំនួនរួម មាន បង្កង ក្តាម និងប្រភេទត្រីសមុទ្រដែលជាប្រភពសេដ្ឋកិច្ចដ៏សំខាន់ក្នុងតំបន់។ ព្រៃកោងកាង…

កម្ពុជាកំពុងបន្តដុសខាត់ធនធានកម្លាំងការពារជាតិ ដើម្បីការរក្សាការពារប្រទេស និងប្រឆាំងរាល់ឧបាយកលបដិវត្តពណ៌ដែលចង់ទាញកម្ពុជា ធ្លាក់ចូលក្នុងសង្គ្រាមសាជាថ្មី។ នៅថ្ងៃទី២៨ វិច្ឆិកាឆ្នាំ២០២២ អគ្គមេបញ្ជាការនៃកងយោធពលខេមរភូមិន្ទ នាយឧត្តមសេនីយ៍ វង្ស ពិសេន បានអញ្ជើញជាអធិបតីក្នុងពិធីបិទវគ្គកងកុម្មង់ដូជំនាន់ទី១១ ដែលប្រព្រឹត្តទៅនៅបញ្ជាការដ្ឋាន កងទ័ពពិសេសជាយរាជធានីភ្នំពេញ។ វគ្គហ្វឹកហ្វឺនកងកម្មង់ដូជំនាន់ទី១១នេះ រួមមានវគ្គឆត្រយោង, វគ្គឆត្របញ្ជា, វគ្គឯកទេសមុជទឹក, វគ្គជួសជុលអូរប័រ និងវគ្គសង្គ្រោះគ្រោះមហន្តរាយថែមទៀត។ នាយឧត្តមសេនីយ៍ វង្ស ពិសេន បានថ្លែងជុំវិញការដឹកនាំប្រទេសមានសន្តិភាព ក្រោមការដឹកនាំរបស់រាជរដ្ឋាភិបាល និងលោកបានចាត់ទុកវគ្គហ្វឹកហ្វឺននេះ ជាឱកាសដ៏មានតម្លៃសម្រាប់កងយោធពលខេមរភូមិន្ទធ្វើដើម្បីការពង្រឹងសមត្ថភាពជំនាញឲ្យកាន់តែមុតស្រួច ក្នុងបុព្វហេតុបម្រើជាតិ ការពារមាតុភូមិ។ លោកបានថ្លែងដាស់តឿនដល់កងយោធពល ខេមរភូមិន្ទត្រូវដាច់ខាតការពាររដ្ឋធម្មនុញ្ញ ការពារព្រះមហាក្សត្រ ការពាររាជរដ្ឋាភិបាលស្របច្បាប់ និងការពារឱ្យខានតែបាននូវសន្តិភាព ទោះស្ថិតក្នុងតម្លៃណាក៏ដោយ។

ចៅក្រមស៊ើបសួរ បានឃុំខ្លួនស្ត្រីមេខ្លោងម្នាក់ឈ្មោះ ឈឹម ស៊ីថរ ដែលបំពានសេចក្តីសម្រេច របស់តុលាការក្នុងពេលដាក់ឱ្យស្ថិតនៅក្រៅឃុំ។ ឈ្មោះ ឈឹម ស៊ីថរ ដែលជាមេដឹកនាំកម្មករ ធ្វើបាតុកម្មខុសច្បាប់នៅកាស៊ីណូណាហ្គា ត្រូវបានតុលាការចាប់ខ្លួនកាលពីខែមករា ឆ្នាំ២០២២ ប៉ុន្តែក្រោយជាប់ឃុំរយៈពេលប្រមាណ២ខែ ក៏ត្រូវបានដោះលែងក្នុងស្ថានភាពឱ្យនៅក្រៅឃុំបណ្តោះអាសន្ន និងគ្មានការអនុញ្ញាតឱ្យធ្វើដំណើរចាកចេញក្រៅប្រទេសឡើយ។ ប៉ុន្តែឈ្មោះឈឹម ស៊ីថរ ត្រូវគេរាយការណ៍ថានាងបានធ្វើដំណើរទៅប្រទេសអូស្ត្រាលី, និងពេលវិលត្រឡប់មកវិញបានមួយថ្ងៃ ក៏ត្រូវបានអាជ្ញាធរចាប់ខ្លួន។ មន្ត្រីនាំពាក្យនៃស្នងការដ្ឋាននគរ បាលរាជធានីភ្នំពេញលោកវរសេនីយ៍ឯក សានសុខ សីហា ត្រូវបានគេដកស្រង់សម្តីដែល បញ្ជាក់ថាការចាប់ខ្លួនស្ត្រីឈ្មោះ ឈឹម ស៊ីថរ នេះ គឺដោយសារតែនាងមិនគោរពតាមដីការរបស់តុលាការដែលដាក់ឱ្យនាងស្ថិតនៅក្រៅឃុំក្រោមការត្រួតពិនិត្យរបស់តុលាការ និងហាមការចាកចេញទៅក្រៅប្រទេស។ នាង ឈឹម ស៊ីថរ ត្រូវបានគេចាប់ខ្លួនសាជាថ្មីនៅថ្ងៃទី២៦ វិច្ឆិកា ឆ្នាំ២០២២។ ឈ្មោះ ឈឹម ស៊ីថរ នេះ ត្រូវបានគេបញ្ជាក់នៅថ្ងៃទី២៨វិច្ឆិកាថា នាងកំពុងស្ថិតក្នុងពន្ធនាគារព្រៃស។ នាយករងប្រចាំតំបន់អាស៊ីនៃអង្គការឃ្លាំមើលសិទ្ធិមនុស្ស លោកហ្វីល រ៉ូបឺត សុន បានទាមទារឱ្យមានការដោះលែងនាង ឈឹម ស៊ីថរ ដែលបំពាននឹងច្បាប់តុលាការ របស់កម្ពុជានេះ ប៉ុន្តែមន្ត្រីកម្ពុជាបានបដិសេធនិងចាត់ទុកទង្វើរបស់ ឈឹម…

សម្តេចតេជោ ហ៊ុន សែន បានទទួលជួបជាមួយប្រធានគណបក្សប្រជាធិបតេយ្យមូលដ្ឋាន ដែលបោះបង់ចោលនូវការគណបក្សដែលខ្លួនបានបង្កើត ដោយសុខចិត្តចូលរួមជីវភាពជា មួយនឹងគណបក្សប្រជាជនកម្ពុជា។ បណ្ឌិត យ៉ង់ សាំងកុមារ ដែលមានជំនាញខាងកសិកម្ម បានទទួលការអនុញ្ញាតជួបជាមួយនឹងសម្តេចតេជោ ហ៊ុន សែន នៅថ្ងៃទី២៨ វិច្ឆិកា ឆ្នាំ២០២២ ដែលជាសញ្ញាបង្ហាញថាអ្នកនយោបាយដែលធ្លាប់តែជំទាស់នឹងនយោបាយដឹកនាំរបស់គណបក្សប្រជាជនកម្ពុជា កាន់តែស្វែងយល់អំពីនយោបាយដឹកនាំជាតិរបស់គណបក្សប្រជាជន កម្ពុជា។ ការចូលរួមនេះ បានធ្វើឱ្យធនធានមនុស្សរបស់គណបក្សប្រជាជនកម្ពុជាជាពិសេស លើវិស័យកសិកម្មកាន់តែរឹងមាំល្អថែមទៀត។ អប្សរាណិតរាយការណ៍

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានចំនួន ១ម៉ឺន៣ពាន់ ២៧៧ករណី ដែលថយចុះចំនួន ៣៤៤ករណី បើប្រៀបធៀបតួលេខឆ្លងសរុប កាលពីម្សិលមិញ ។ នៅក្នុងអាស៊ានថ្ងៃនេះ មានប្រទេសចំនួន ៨ ដែលមានករណីឆ្លងថ្មីកូវីដ ១៩ ដែលរួមមានប្រទេសឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ឡាវ និងប្រទេសកម្ពុជា ។ ប្រទេសឥណ្ឌូនេស៊ី នៅតែជាប្រទេសដែលមានតួលេខឆ្លងច្រើន ជាងគេដដែល ដែលមានចំនួន៧ពាន់១១០ករណី ស្មើនឹងប្រមាណ៥៤ភាគរយ នៃតួលេខ ឆ្លង សរុបក្នុងចំណោមប្រទេសដែលរកឃើញឆ្លងនៅថ្ងៃនេះ នៅអាស៊ាន។ តួលេខឆ្លងតិចជាងគេ គឺប្រទេសកម្ពុជា ដែលមានចំនួនតែ ៩ករណីប៉ុណ្ណោះ ។ ប្រទេសព្រុយណេ និងប្រទេសថៃ ជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មាន ចំនួន ៧០នាក់ ក្នុងនោះប្រទេសឥណ្ឌូណេស៊ី មានមនុស្សស្លាប់ចំនួន ៤១នាក់…

នគរបាលចរាចរណ៍ គ្រោងនឹងចាប់ផ្ដើមរឹតបន្តឹងចំពោះ ការបើកបររបស់ប្រជាពលរដ្ឋ លើផ្លូវល្បឿនលឿនភ្នំពេញ ខេត្តព្រះសីហនុ ដោយត្រួតពិនិត្យល្បឿន និងអនុវត្តវិធានការ ផាកពិន័យចំពោះអ្នកបើកបរណាដែលល្មើស។ ឧត្តមសេនីយ៍ត្រី វ៉ាន់ ហាវ៉ារី អនុប្រធាននាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ បានថ្លែងថាវិធានការរឹតបន្តឹង នឹងចាប់ផ្តើមពីថ្ងៃទី០១ ខែធ្នូ ឆ្នាំ២០២២តទៅ។ លោកឧត្តមសេនីយ៍ត្រី វ៉ាន់ ហាវ៉ារី បានថ្លែងថា «ដើម្បីសុវត្ថិភាពរបស់ប្រជាពលរដ្ឋដែលប្រើប្រាស់ផ្លូវ, ត្រូវចៀសវាងការបើកបរដែលលើស ល្បឿនកំណត់»។ លោកឧត្តមសេនីយ៍ត្រី វ៉ាន់ ហាវ៉ារី ក៏បានអំពាវនាវដល់ប្រជាពលរដ្ឋអ្នកប្រើប្រាស់ផ្លូវល្បឿនលឿន សូមបើកបរដោយគោរពច្បាប់ ដោយបើកបរត្រឹមត្រូវទៅតាមគន្លងវ៉ាជែង…គន្លងធម្មតា នឹងមិនត្រូវបើកបរលើគន្លងអាសន្ននោះឡើយ៕

ដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតថ្មីនៅសល់តែរយៈពេល១៥ថ្ងៃទៀត តែប៉ុណ្ណោះ។ មន្ត្រីគជប បានអំពាវប្រជាពលរដ្ឋដែលមិនទាន់បានចុះឈ្មោះនិងពិនិត្យបញ្ជី ឈ្មោះសាជាថ្មី ត្រូវប្រញាប់រួសរាន់។ យោងតាមមន្ត្រីគជប ក្នុងរយៈពេល២៤ម៉ោងចុងក្រោយនេះ ពលរដ្ឋដែលបានមកចុះបញ្ជីឈ្មោះមានចំនួន ៧ពាន់៩៨៨នាក់ ដែលនាំឲ្យ ចំនួនអ្នកមក ចុះឈ្មោះរយៈ៣៥ថ្ងៃបន្តបន្ទាប់ជាប់គ្នាមកនេះបានកើនដល់ជាង៤៧ម៉ឺននាក់។ ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២២ រយៈពេល៥០ថ្ងៃ នឹងបញ្ចប់នៅថ្ងៃទី៨ខែធ្នូ ខាងមុខនេះ ។ ក្នុងរយៈពេល៣៥ថ្ងៃកន្លងមកនេះ ប្រជាពលរដ្ឋដែលបានមកពិនិត្យបញ្ជីឈ្មោះនិង ការចុះឈ្មោះថ្មីមានចំនួន ៤៧ម៉ឺន៦៦២នាក់ , អ្នកដែលនឹងត្រូវលុបឈ្មោះចេញពីបញ្ជីបោះ ឆ្នោតសរុបមានចំនួន ២០ម៉ឺន៤ពាន់៣៣៦នាក់ ,អ្នកដែលបានកែតម្រូវទិន្នន័យសរុប មានចំនួន៤ម៉ឺន៦ពាន់៩១៨នាក់ និងអ្នកដែលបានផ្ទេរទីលំនៅចូលក្នុងឃុំ សង្កាត់ថ្មីសរុបចំនួន ១៣ម៉ឺន៣ពាន់ ១៩៣នាក់។

ខេត្តកំពង់ឆ្នាំង គ្រោងនឹងរៀបចំប្រារព្ធពិធីបុណ្យអុំទូកនៅដើមខែធ្នូ ឆ្នាំ២០២២ខាងមុខនេះ។ យោងតាមរដ្ឋបាលខេត្ត ការរៀបចំបុណ្យអុំទូក នៃខេត្តដែលជាប់នឹងដងទន្លេសាបនេះ នឹង មានរយៈ២ថ្ងៃ គឺរវាងពីថ្ងៃទី២ ដល់ថ្ងៃទី៣ ខែធ្នូ ដែលស្ថិតនៅមាត់ទន្លេផ្សារក្រោម នៃក្រុងកំពង់ឆ្នាំង ។ យោងតាមរដ្ឋបាលខេត្តកំពង់ឆ្នាំង នៅក្នុងពិធីបុណ្យអុំទូកខាងមុខនេះ, រដ្ឋបាលខេត្ត គ្រោងរៀបចំកម្មវិធីជាច្រើនមានដូចជា៖ ការរៀបចំតាំងពិពណ៌ផលិតផលកសិកម្ម និងផលិតផលផ្សេងៗទៀត ដែលជាផលិតផលសម្រេចក្នុងខេត្ត, ការរៀបចំតំបន់កំសាន្តគឺជា តំបន់ត្រជាក់ដែលមានទីតាំងស្ថិតតាមបណ្តោយផ្លូវពីផ្សារលើ មកកាន់ផ្សារក្រោមមាត់ទន្លេទៀតផងដែរ។

នាយកជំនួយ នៃអង្គការមួយរបស់កូរ៉េខាងត្បូង បានបង្ហាញនូវគម្រោងមួយដែលត្រៀមនឹងកសាងមន្ទីរពេទ្យបង្អែកមួយស្ថិតក្នុងខណ្ឌដង្កោ។ ការបង្ហាញនូវគម្រោងចង់ កសាង «មន្ទីរពេទ្យបង្អែកដង្កោជើងឯក» តាមរយៈជំនួយ របស់រដ្ឋាភិបាលកូរ៉េខាងត្បូង បានធ្វើ ឡើងក្នុងជំនួបពិភាក្សាមួយរវាងអភិបាលរាជធានីលោក ឃួង ស្រេង ជាមួយនឹងនាយក ទីភ្នាក់ងារKOICA លោករ៉ូយុន ជុនRhoHyun Jun នាព្រឹកថ្ងៃទី២៥ វិច្ឆិកា ឆ្នាំ២០២២។ អភិបាលរាជធានីភ្នំពេញលោក ឃួង ស្រេង បានថ្លែងចាត់ទុកជំនួយ របស់កូរ៉េខាងត្បូងកសាង មន្ទីរពេទ្យបង្អែកជើងឯក គឺជាជំនួយដែលរាជធានីភ្នំពេញចង់ បានបំផុត។ លោកអភិបាលរាជធានី បានថ្លែងថាការកសាងមន្ទីរពេទ្យបង្អែកនោះ នឹងជួយ លើកកំពស់ សុខមាលភាពប្រជាពលរដ្ឋក្នុងរាជធានីភ្នំពេញ ក៏ដូចជួយពលរដ្ឋមកពីតាមបណ្តា ខេត្តនានា ដែលកំពុងត្រូវការសេវាសុខាភិបាលនៅរាជធានីភ្នំពេញ។ អភិបាលរាជធានីបាន បង្ហាញពីការគាំទ្រពេញទំហឹងនឹងផ្តល់កិច្ចសហការដល់ដំណើរការគម្រោងកែលំអមន្ទីរពេទ្យ បង្អែកជើងឯកនេះទៅតាមស្តង់ដារបច្ចេកទេសដែលរំពឹងថានឹងមានកំពស់លើសពី៤ជាន់។ នាយកអង្គការ Koica បានថ្លែងថា លោកបានដាក់ចេញគម្រោងចំនួនបី រវាងពីឆ្នាំ២០២៤ ដល់ ២០២៩ ក្នុងនោះរួមមាន៖ ការសាងសង់អាគារថ្មី, ការបំពាក់ឧបករណ៏បរិក្ខាពេទ្យ និងការបណ្តុះបណ្តាលជំនាញបន្ថែមដល់បុគ្គលិកមន្ទីរពេទ្យ។ នាយកអង្គការកូរ៉េខាងត្បូងដដែល បានអោយដឹងទៀតថា៖ គម្រោងនេះគ្រោងនឹងចំណាយថវិកា១១លានដុល្លាអាមេរិក។ លោកបានថ្លែងចាប់អារម្មណ៍លើការមានមន្ទីរពេទ្យបង្អែកនេះ នឹងទាក់ទាញចំពោះអ្នកជំងឺ…