ក្រសួងពាណិជ្ជកម្មកម្ពុជាបានថ្លែងថា ទំហំពាណិជ្ជកម្មកម្ពុជា និងឥណ្ឌូនេស៊ី បានធ្លាក់ចុះប្រមាណជាង១១ភាគ រយនិងសម្រេចបានតម្លៃប្រមាណជាង៥១៣លានដុល្លារ ក្នុងរយៈពេល១០ខែឆ្នាំនេះ។

សំណង់ថ្មីនៃរង្វង់មូលស្រអែមក្នុងខេត្តព្រះវិហារ គ្រោងនឹងសម្ភោធដាក់ឲ្យប្រើប្រាស់ជាផ្លូវការនៅសប្តាហ៍ ក្រោយនេះហើយ។ ប្រធានមន្ទីរសាធារណការនិងដឹកជញ្ជូនខេត្តព្រះវិហារ លោក សំ លាងទ្រី បានសរសេរ ក្នុងបណ្តាញទំនាក់ទំនងសង្គមថាសំនង់រង្វង់មូលស្រអែមតម្លៃជាង១២ម៉ឺនដុល្លារសាងសង់តាំងពីចុងខែធ្នូ ឆ្នាំ ២០១៨ នឹងត្រូវដាក់សម្ពោធជាផ្លូវការនៅថ្ងៃទី៦ធ្នូខាងមុខនេះ។ សំណង់ថ្មីនៃរង្វង់មូលស្រអែមក្នុងខេត្តព្រះវិហារ មានទីតាំងស្ថិតនៅឃុំស្រអែម នៃស្រុកជាំក្សាន្ត។

ក្រសួងធនធានទឹកនិងឧតុនិយម បានជួនដំណឹងដាស់តឿនប្រជាពលរដ្ឋជុំវិញការធ្លាក់ចុះនៃសីតុណ្ហភាពដែល រដូវធ្លាក់ខ្យល់នាំភាពត្រជាក់បានឈានមកដល់ហើយ។ យោងតាមការព្យាករណ៍, បណ្ដាខេត្តនៅតំបន់វាល ទំនាបកណ្ដាលរវាងពីថ្ងៃទី១ដល់៧ធ្នូ នឹងមានសីតុណ្ហភាពត្រជាក់អប្បបរមារវាងពី១៧ទៅ១៩អង្សាសេ, ចំណែក សីតុណ្ហភាពកម្តៅអតិបរមា មានរវាងពី២៦ទៅ២៨ អង្សាសេ។ តំបន់ទាំងនេះ អាចមានអាកាសធាតុត្រជាក់បង្គួរ និងខ្យល់ខុសធម្មតាដែលជាខ្យល់រដូវ។

សមត្ថកិច្ចបានបំបែកករណីសំណុំរឿងប្លន់មួយកន្លែងក្នុងខណ្ឌជ្រោយចង្វាររាជធានីភ្នំពេញក្រោយហេតុការណ៍ បានកើតឡើងរយៈពេល៣ថ្ងៃ។ ជនសង្ស័យ៣នាក់នៃអំពើប្លន់និងប្រើហិង្សាវាយឲ្យសន្លប់ទៅលើមនុស្សភេទទី ៣ម្នាក់ ត្រូវបានចាប់ខ្លួនពេលរត់លាក់ខ្លួននៅក្នុងខេត្តកំពង់ឆ្នាំង៕

មេខ្លោងសមរង្ស៊ី បានទទួលសម្តីព្រមានពីកូនស្រីទាំង២របស់លោកកឹមសុខាបន្ថែមទៀតនៅថ្ងៃទី៣០វិច្ឆិកា បន្ទាប់ពីទណ្ឌិតសមរង្ស៊ីនោះ នៅតែបន្តប្រើប្រាស់នយោបាយបោកប្រាស់កឹមសុខានិងសមរង្ស៊ីជាមនុស្សតែ មួយ ។ កូនស្រីរប់សលោកកឹមសុខា ថែមទាំងបានព្រលះនូវសារព័ត៌មានដែលតែងតែនិយាយមិនពិតនិងជួយលាប ពណ៌គាំទ្រសម រង្ស៊ីនោះថែមទៀត៕

មន្រ្តីផ្កាយបីយោធាម្នាក់ រួមនិងកូនប្រសារស្រី បានបាត់បង់ជីវិតដោយារគ្រោះអគ្គិភ័យមួយកើតឡើងនៅក្នុង បុរីមួយកន្លែងក្នុងខណ្ឌកំបូល។ ហេតុការណ៍បានកើតឡើងវេលាម៉ោង១២យប់រំលងអធ្រាត្រឈានចូលថ្ងៃទី៣០ ខែវិច្ឆិកា ឆ្នាំ ២០២១ នៅ បុរីគឹមសាន្ដ ភូមិតាកេរ្ដិ៍ សង្កាត់កំបូល ខណ្ឌកំបូល។

នាយករដ្ឋមន្រ្តីឡាវ លោក ផនខាំ វីផាវ៉ាន់ បានចូលក្រាបបង្គំគាល់ព្រះករុណាព្រះមហាក្សត្រខ្មែរ និងបានធ្វើ ដំណើរចាកចេញពីប្រទេសកម្ពុជាទៅកាន់ប្រទេសឡាវវិញហើយនៅថ្ងៃទី៣០វិច្ឆិកានេះ។ ការចូលក្រាបបង្គំគាល់ ព្រះករុណាព្រះមហាក្សត្រខ្មែរ គឺជាដំណើរចុងក្រោយនៃការបញ្ចប់ទស្សនកិច្ចផ្លូវការរយៈពេល២ថ្ងៃនៅក្នុងប្រ ទេសកម្ពុជានេះ៕

មន្ត្រីមូលដ្ឋាននៃអតីតគណបក្សសង្គ្រោះជាតិ ក្នុងក្រុងកំពង់ចាមចំនួន៥នាក់ បានចូលរួមជីវភាពនយោបាយ ជាមួយគណបក្សប្រជាជន។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៥ពាន់១៨៨ ករណី និងការស្លាប់ថ្មីមានចំនួន៣៥៦នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយ នេះនៅអាស៊ានមាន១០ប្រទេស។ ចំណែកការស្លាប់ថ្មីមាន ៩ប្រទេសផងដែរ៕

តួលេខឆ្លងជំងឺកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះ បានស្ថិតក្នុងខ្ទង់២០ករណីជា ដដែលក្នុងរយៈពេល៥ថ្ងៃជាប់គ្នាមកនេះ។ តួលេខឆ្លងថ្ងៃនេះ មាន២២ករណី។