កងកម្លាំងមួកខៀវកម្ពុជាចំនួន៧៣នាក់ ត្រៀមនឹងចាកចេញពីកម្ពុជាក្នុងរយៈពេលច្រើនម៉ោងទៅមុខទៀតនេះ ក្នុងដំណើរផ្លាស់ប្តូរវេនកម្លាំងចាស់រយៈពេលមួយឆ្នាំដែលនឹងត្រូវវិលត្រឡប់មកពីប្រទេសស៊ូដង់។

រដ្ឋាភិបាលអូស្ត្រាលី បានផ្ដល់ជំនួយ១៥លានដុល្លារអូស្ត្រាលីដល់កម្ពុជា សម្រាប់អនុវត្តគម្រោងក្របខណ្ឌ គណនេយ្យភាពសង្គមក្នុងរយៈពេល៣ឆ្នាំ ។ ការផ្តល់ជំនួយនោះគឺបានឲ្យដឹងតាមរយៈ ឯកអគ្គរដ្ឋទូតអូស្ត្រាលី លោកប៉ាប្លូកាង ដែលបានបញ្ជាក់ប្រាប់ជុំវិញការផ្តល់ជំនួយអូស្រ្តាលីនេះ នៅ ថ្ងៃទី២៧ តុលា ក្នុងឱកាស អញ្ជើញ ជួបសម្ដេចក្រឡាហោមស ខេង ឧបនាយករដ្ឋ មន្ត្រី និងរដ្ឋមន្ត្រីក្រសួងមហាផ្ទៃ នៅទីស្ដីការ ក្រសួង មហាផ្ទៃ ។

ពលរដ្ឋជាច្រើនដែលបានភៀសខ្លួនចេញពីតំបន់ដែលលិចដោយសារទឹកហូរចេញពីទំនប់ស្ទឹងព្រែកត្នោត បាន អំពាវនាវរដ្ឋបាលរាជធានីដើម្បីជួយសង្គ្រោះអ្នកដែលមិនអាចចាកចេញបាន។

ទំនប់ទ្វារបង្ហូររំដោះទឹកជំនន់ដងស្ទឹងព្រែកត្នោតមួយកន្លែងស្ថិតនៅចំណុចភូមិកន្ទុយទឹក សង្កាត់ទៀន ខណ្ឌ ដង្កោ រាជធានីភ្នំពេញ ត្រូវទឹកជំនន់ហូរបុកច្រោះ និងរងការបាក់ស្រុតទាំងស្រុង។ អភិបាលរាជធានីនិងស្នងការ នគរបាលរាជធានី បានដឹកនាំកម្លាំងចុះធ្វើអន្តរាគមន៍នៅចំណុចដែលមានទឹកហូរបុកច្រោះនោះ ទន្ទឹមនឹង ចំនួនមនុស្សដែលរងគ្រោះដោយសារទឹកលិចផ្ទះសម្បែងបានកើនដល់ជាង៣ពាន់នាក់ហើយ ៕

អភិបាលរាជធានីភ្នំពេញលោកឃួងស្រេងដែលភ្លេចពាក់មួកសុវត្ថិភាពក្នុងពេលជិះម៉ូតូ បានចូលខ្លួនទៅបង់ លុយថ្លៃផាកពិន័យនៅថ្ងៃទី២៧តុលានេះ នៅការិយាល័យចរាចរណ៍ផ្លូវគោកក្នុងរាជធានី។

កិច្ចប្រជុំកំពូលអាស៊ានអូស្ត្រាលី បានចាប់ផ្តើមនៅថ្ងៃទី២៧តុលានេះតាមប្រព័ន្ធវីដេអូពីចម្ងាយ ដោយថ្នាក់ដឹក នាំពីបណ្តាប្រទេសអាស៊ាននានា បានស្វាគមន៍នាយករដ្ឋមន្ត្រីអូស្ត្រាលីលោក ស្កុតម៉ូរីសុន។ នាយករដ្ឋមន្ត្រីនៃ ប្រទេសកម្ពុជាសម្តេចតេជោហ៊ុនសែន បានថ្លែងស្វាគមន៍ចំពោះវត្តមាននាយករដ្ឋមន្ត្រីអូស្ត្រាលី ។

គ្រោះថ្នាក់ចរាចរណ៍ក្នុងរយៈពេល៩ខែដើមឆ្នាំ២០២១ មានមនុស្សស្លាប់សរុប១ពាន់៥៨នាក់ ដែលគិតជាមធ្យម គឺមានអ្នកស្លាប់ចំនួនជិត៤នាក់នាក់ក្នុងមួយថ្ងៃ។ សេចក្តីរាយការណ៍បានកត់សម្គាល់ថា ក្នុងចំណោមអ្នកស្លាប់ ទាំងអស់មានអ្នកជិះម៉ូតូ ៨១៦នាក់ ក្នុងនោះមានអ្នកអត់ពាក់មួកសុវត្ថិភាព ៥៧៦នាក់។

ការហ្វឹកហាត់សុនខក្នុងប្រទេសកម្ពុជាដើម្បីឲ្យចេះស្វែងរកមេរោគកូវីដ១៩ ត្រូវមជ្ឈមណ្ឌលកំចាត់មីនបាន បញ្ជាក់ថាទទួលបានជោគជ័យគាប់ប្រសើរ។ អគ្គនាយកអង្គការស៊ីម៉ាក់ លោក ហេង រតនា បានថ្លែងថា គេគ្រោង ប្រើប្រាស់សុនខហ្វឹកហាត់ទាំងនោះ ក្នុងពេលឆាប់ៗខាងមុខនេះ។ 

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន ៨ពាន់៣៤៩នាក់ ក្នុងនោះការចាក់វ៉ាក់សាំងលើមនុស្សអាយុលើសពី១៨ឆ្នាំមានចំនួន៤ពាន់៦៩២នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៦ពាន់៨៩៥ ករណី និងការស្លាប់ថ្មីមានចំនួន៧២៦នាក់។នេះជាតួលេខឆ្លងកើនឡើង១ពាន់៥២ករណីបើប្រៀបធៀបនឹងម្សិល មិញ, ចំណែកតួលេខស្លាប់បានកើនឡើង២៩២នាក់ ។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុង ក្រោយនេះនៅអាស៊ានមាន១០ប្រទេស។ ចំណែកការស្លាប់ថ្មីមានក៏មាន១០ប្រទេសផងដែរ៕