កំពស់ទឹកទន្លេក្នុងខេត្តរតនគិរី បានកើនឡើងដល់កម្រិតប្រកាសអាសន្នហើយនៅថ្ងៃនេះ។ មន្ទីរធនធាន ទឹកនិង ឧតុនិយមខេត្ដ បានថ្លែងថា កម្ពស់ទឹកទន្លេសេសានស្ថានីយកាចូន ថ្ងៃនេះកម្ពស់ទឹកមាន ៨ម៉ែត្រ៥០ សង្ទីម៉ែត្រ ដែលកម្ពស់ទឹកប្រកាសអាសន្ន។ នៅថ្ងៃដដែលនេះផងដែរ, កម្ពស់ទឹកទន្លេស្រែពកនៃស្ថានីយលំផាត់ នោះវិញ ទឹកបានកើនឡើងលើសកម្ពស់ប្រកាសអាសន្នហើយ។ កម្ពស់ទឹកប្រកាសអាស្នននៅស្រែពក គឺ១២ម៉ែត្រនិង ៥០សង្ទីម៉ែត្រ ប៉ុន្តែកម្ពស់ទឹកបានកើន១២ម៉ែត្រ៦៧សង្ទីម៉ែត្រហើយនៅថ្ងៃនេះ។

ផ្ទះជាច្រើនខ្នងបានរងការលិចលង់ ក្រោយមានភ្លៀងធ្លាក់ធំជាប់ៗគ្នាចំនួន៣ថ្ងៃ ស្ថិតនៅក្រុងប៉ោយប៉ែត នៃ ខេត្តបន្ទាយមានជ័យ ។ អភិបាលក្រុងប៉ោយប៉ែត លោក គាត ហ៊ុល បានបញ្ជាក់នៅថ្ងៃទី១៨តុលាថា តំបន់រងការ លិច នោះ គឺនៅក្នុងភូមិ សុខសាន្ត, សង្កាត់ផ្សារកណ្តាលនៃក្រុងប៉ោយប៉ែត ។

តារាកំប្លែងនាងខ្ញុង ដែលជំពាក់លុយគេគ្រប់ទិស បានប្រកាសការក្ស័យធននិងត្រៀមចូលគុកដោយសារការ គ្មានលុយសង។ តារាកំប្លែងនាងខ្ញុង បានថ្លែងតាមបណ្តាញសង្គមហ្វេសបុកផ្ទាល់ខ្លូននាព្រឹកថ្ងៃទី ១៨ តុលាក្នុង ពេលយកបណ្តឹងរបស់ខ្លួនទៅដាក់នៅតុលាការជាមួយការសារភាពទាំងទឹកភ្នែកថានាងបានជំពាក់បុលគេជាង ៥៧ម៉ឺនដុល្លារ ។

ពលរដ្ឋចំនួន១ម៉ឺន៣ពាន់នាក់ បានមកចុះឈ្មោះបោះឆ្នោតថ្មីនៅក្នុងថ្ងៃទី៦នៃការនៃការពិនិត្យបញ្ជីឈ្មោះ ដែល នាំឲ្យចំនួនតួលេខបានកើនដល់ជាង៦ម៉ឺននាក់ហើយ។ ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ ២០២១ ដែលមានរយៈពេល៥០ថ្ងៃ បានចាប់ផ្តើមតាំងពីថ្ងៃទី១២ ខែតុលាដល់ថ្ងៃ ទី៣០ខែវិច្ឆិកា ដោយគិតទាំងថ្ងៃ សៅរ៍ និងថ្ងៃអាទិត្យ។

រដ្ឋមន្ត្រីការបរទេសកម្ពុជា បានថ្លែងរកការជួយដោះស្រាយនូវវិបត្តិនយោបាយធ្ងន់ធ្ងរក្នុងប្រទេសមីយ៉ាន់ម៉ា ស្របពេលដែលប្រទេសក្នុងអាស៊ាន បានផាត់ចេញមេដឹកនាំរដ្ឋាភិបាលមីយ៉ាន់ម៉ាបច្ចុប្បន្នក្នុងការចូលរួមកិច្ច ប្រជុំកំពូលអាស៊ាននាពេលខាងមុខនេះ។ ប្រទេសក្នុងតំបន់អាស៊ាន កាលពីខែមេសាឆ្នាំ២០២១ បានកោះប្រជុំ

នាវាចម្បាំងអូស្ត្រាលី HMAS Anzac បានចូលចតក្នុងកំពង់ផែក្រុងព្រះសីហនុនៅថ្ងៃទី១៨តុលានេះក្នុងដំណើរ ទស្សនកិច្ច៣ថ្ងៃក្នុងប្រទេសកម្ពុជា។ នេះជាលើកដំបូងហើយចាប់តាំងពីឆ្នាំ២០១៦នោះមកដែលនាវាកងទ័ពជើង ទឹកអូស្ត្រាលីបានចូលសំចតក្នុងកំពង់ផែនៃប្រទេសកម្ពុជា៕

តួលេខនៃអំពើល្មើសបំពានវិធានរដ្ឋបាលនិងវិធានសុខាភិបាល ក្នុងរយៈពេល៧២ម៉ោងកន្លងមកនេះ មានការ ធ្លាក់ចុះគួរឲ្យកត់សម្គាល់ ខណៈការផ្សព្វផ្សាយច្បាប់របស់គណៈកម្មការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ បានធ្វើជារៀង រាល់ថ្ងៃ ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន១០ម៉ឺន៣ពាន់៩០ ករណី និងការ ស្លាប់ថ្មីមានចំនួន១ពាន់២៩០នាក់។ ប្រទេសដែលមានការឆ្លងថ្មី និងការស្លាប់ថ្មីក្នុងរយៈ ពេល ៧២ម៉ោងចុង ក្រោយនេះនៅអាស៊ាន រួមមាន១០ប្រទេស៕

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន៨ពាន់៥៩១នាក់ ។ យោងតាមក្រសួងសុខាភិបាល, តួលេខនៃចំនួនសរុបដែលប្រជាពលរដ្ឋទូទាំងប្រទេស ដែលបានទទួល ការ ចាក់វ៉ាក់សាំងគិតត្រឹមថ្ងៃទី១៨ ខែតុលា បានកើនដល់១៣លាន៥សែន៩ម៉ឺន៣ពាន់៩១០នាក់ហើយ, ក្នុង នោះ អ្នកបានចាក់វ៉ាក់សាំងដូសទី២ រួចមានចំនួន១២លាន៦សែន១ម៉ឺន៧ពាន់២៥៤នាក់, ការចាក់វ៉ាក់សាំងលើ ពល រដ្ឋអាយុពី១៨ឆ្នាំឡើង មានចំនួន៩លាន៩សែន៤ម៉ឺន៨ពាន់២៥២នាក់, ការចាក់លើយុវជនវ័យជំទង់អាយុ រវាងពី ១២ដល់១៧ឆ្នាំ មានចំនួន ១លាន៧សែន៧ម៉ឺន៥ពាន់៥៧៩នាក់, ចំណែកការចាក់លើកុមារអាយុពី៦ ដល់ ១២ឆ្នាំ មានចំនួន ១លាន៨សែន៧ម៉ឺន៧៩នាក់ ។

កុមារ និងយុវវ័យអាយុក្រោម១៨ឆ្នាំ ត្រូវបានគេលើកលែងនូវកាតព្វកិច្ចបង្ហាញបណ្ណចាក់វ៉ាក់សាំងហើយ រាល់ ពេលដែលពួកគេចេញចូលសាលារៀន។ រដ្ឋបាលរាជធានីភ្នំពេញក្នុងសេចក្តីប្រកាសថ្ងៃទី១៧ ខែតុលា បានបញ្ជាក់ថា យោងតាមរយៈការតាមដានត្រួតពិនិត្យនិងវាយតម្លៃជាប់ជាប្រចាំនោះ, កុមារ និងយុវវ័យមានអាយុ ក្រោម១៨ឆ្នាំ មិនមែនជាក្រុមហានិភ័យដែលមានការចម្លងសកម្មនោះទេ ប៉ុន្តែ គឺជាក្រុមដែលងាយរងគ្រោះពី ការចម្លងជំងឺកូវីដ-១៩។