ប្រធានគណបក្សអភិវឌ្ឍន៍សេដ្ឋកិច្ចដែលធ្លាប់បានចូលរួមបោះឆ្នោតសកលឆ្នាំ២០១៨ បានទទួលមរណភាព ហើយនៅថ្ងៃទី២៤សីហានេះ។ លោកហួន រាជចំរើន ត្រូវមន្ត្រីបក្សរបស់ខ្លួនបញ្ជាក់ថាគាត់បានស្លាប់ដោយសារ តែមានជម្ងឺប្រចាំកាយជាច្រើនមុខ ប៉ុន្តែមិនជាប់ពាក់ព័ន្ធនឹងការឆ្លងនូវជម្ងឺកូវីដ១៩នោះទេ។ សេចក្តីរាយការណ៍ បានឲ្យដឹងសាកសពរបស់លោកត្រូវបានក្រុមគ្រួសារស្នើសុំធ្វើពិធីបុណ្យជាលក្ខណៈគ្រួសារក្នុងវត្តអង្គតាមិញ ខណ្ឌសែនសុខ រាជធានីភ្នំពេញ។ សូមបញ្ជាក់ថាក្នុងការចូលរួមបោះឆ្នោតសកលឆ្នាំ២០១៨, គណបក្សអភិវឌ្ឍន៍ សេដ្ឋកិច្ច មិនបានទទួលជោគជ័យក្នុងការរកសម្លេងណាមួយបានក្នុងរដ្ឋសភាឡើយ។ គណបក្សនេះ បានទទួល សម្លេងគាំទ្រនូវចំនួនសន្លឹកឆ្នោត២ម៉ឺន៣ពាន់២៥៥សន្លឹកតែប៉ុណ្ណោះ។

គ្រឹះស្ថានមីក្រូហិរញ្ញវត្ថុ Active People PLC ដែលមានទីតាំងស្ថិតនៅផ្លូវលេខ៦ ភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ មានអ្នកឆ្លងកូវីដ១៩ប្រភេទបំប្លែងថ្មី Delta បានចេញចូលនៅទីតាំងនោះ។

ភ្លៀងក្នុងមួយសប្តាហ៍ទៅមុខទៀតនេះ នឹងបន្ដធ្លាក់ច្រើនជាងសប្តាហ៍ខណៈកម្ពុជា ទទួលរងនូវឥទ្ធិពលពីជ្រលង សម្ពាធទាបឥណ្ឌាក្នុងកម្រិតខ្លាំង និងការរំពឹងអាចកើតឡើងនូវជ្រលងសម្ពាបទាប ITCZ សារជាថ្មីថែមទៀត ។

ថ្ងៃឈប់សម្រាកការងាររបស់មន្ត្រីរាជការ, និយោជិត, កម្មករ សម្រាប់ឆ្នាំ២០២២ នឹងមានរយៈពេល២១ថ្ងៃ។  យោងតាមអនុក្រឹត្យស្តីពីប្រតិទិនឈប់សម្រាកការងារ, ថ្ងៃឈប់សម្រាក២១ថ្ងៃសម្រាប់ឆ្នាំក្រោយ គឺដូចគ្នានឹង ចំនួនថ្ងៃឈប់សម្រាកក្នុងឆ្នាំ២០២១នេះផងដែរ។

ក្រុមហ៊ុនចំនួន៧បានបណ្តាក់ទុន៦៣លាន៥សែនដុល្លារដើម្បីការធ្វើវិនិយោគនៅកម្ពុជា និងគម្រោងនោះ អាច បង្កើតការងារដល់ពលរដ្ឋបានជាង៨០០នាក់។ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី២៣សីហាឆ្នាំ២០២១ បានសចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនចំនួន៧នោះ ហើយ។

ខេត្តប៉ៃលិន បានបន្តរកឃើញអ្នកឆ្លងជំងឺកូវីដ១៩ ចំនួន ៩នាក់ ថែមទៀតហើយ ក្នុងរយៈពេល ២៤ម៉ោង ចុង ក្រោយនេះ។ យោងតាមរដ្ឋបាលខេត្តអ្នកដែលទើបរកឃើញឆ្លងថ្មីទាំងនោះ គឺជាពលករមកពីប្រទេសថៃដែល កំពុងស្ថិតនៅក្នុងមណ្ឌលចត្តាឡីស័កទាំងអស់។ ពលករទាំង នោះគឺជាពលរដ្ឋមានទីលំនៅនៅក្រុងប៉ៃលិន ៤នាក់, មកពីខេត្ដព្រៃវែង៣នាក់, ខេត្តបាត់ដំបងម្នាក់ និងខេត្តកំពតម្នាក់។