ខេត្តប៉ៃលិន បានបន្តរកឃើញអ្នកឆ្លងជំងឺកូវីដ១៩ ចំនួន ៩នាក់ ថែមទៀតហើយ ក្នុងរយៈពេល ២៤ម៉ោង ចុង ក្រោយនេះ។ យោងតាមរដ្ឋបាលខេត្តអ្នកដែលទើបរកឃើញឆ្លងថ្មីទាំងនោះ គឺជាពលករមកពីប្រទេសថៃដែល កំពុងស្ថិតនៅក្នុងមណ្ឌលចត្តាឡីស័កទាំងអស់។ ពលករទាំង នោះគឺជាពលរដ្ឋមានទីលំនៅនៅក្រុងប៉ៃលិន ៤នាក់, មកពីខេត្ដព្រៃវែង៣នាក់, ខេត្តបាត់ដំបងម្នាក់ និងខេត្តកំពតម្នាក់។

ខេត្តកោះកុង បានប្រកាសរកឃើញអ្នកឆ្លងកូវីដ១៩ ប្រភេទ Delta ចំនួន2នាក់ដែលជាម្តាយនិងកូនស្រី ខណៈ មានមនុស្សចំនួន៩នាក់បានប៉ះពាល់ផងដែរ។ ការរកឃើញនេះ បាននាំឲ្យខេត្តកោះកុង មានអ្នកឆ្លងកូវីដ១៩ ប្រ ភេទបំប្លែងថ្មីកាចសាហាវនេះ កើនដល់៣ករណីហើយ។

ខេត្តកែប បានរកឃើញអ្នកឆ្លងជំងឺកូវីដ១៩ ចំនួន ៧នាក់ ថែមទៀត ក្នុងរយៈពេល២៤ម៉ោង ចុងក្រោយនេះ ដែល តួលេខឆ្លងនេះ កើនឡើងចំនួន៥នាក់បើធៀបនឹងម្សិលមិញ ។ យោងតាមរដ្ឋបាលខេត្ត អ្នកទើបរកឃើញ ឆ្លងថ្មី ទាំង៧នាក់នេះ គឺជាពលរដ្ឋដែលស្ថិតនៅក្នុង ក្រុងកែបចំនួន២នាក់ និងពលរដ្ឋដែលមកពី ខេត្ដកំពត ចំនួន៥ នាក់។

ខេត្តរតនគិរី បានបន្តរកឃើញអ្នកឆ្លងជំងឺកូវីដ១៩ ចំនួន ១៨នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងកើនឡើងចំនួន ៧នាក់ ធៀបនឹងការរកឃើញកាលពីម្សិលមិញ ។

ខេត្តមណ្ឌលគិរី បានបន្តរកឃើញអ្នកឆ្លងជំងឺកូវីដ១៩ ចំនួន ២៧នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងបានថយចុះចំនួន ២នាក់ ធៀបនឹងការរកឃើញពីម្សិលមិញ ។

ខេត្តស្ទឹងត្រែង បានរកឃើញឆ្លងកូវីដ១៩ចំនួន ១៣នាក់ថែមទៀត ក្នុងរយៈពេល២៤ម៉ោង ចុងក្រោយនេះ ។ នេះជាតួលេខឆ្លងថយចុះចំនួន ២នាក់ធៀបនឹងម្សិលមិញ ។ ចំណែកអ្នកដែលទើបរកឃើញឆ្លងកូវីដ១៩ ទាំង ១៣នាក់ នេះ បានកើតឡើងលើពលរដ្ឋរស់នៅក្នុងក្រុងស្ទឹងត្រែងទាំងអស់ ។

ខេត្តក្រចេះបានបន្តរកឃើញអ្នកឆ្លងជំងឺកូវីដ១៩ថ្មីចំនួន៤៩នាក់ នៅក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត ការឆ្លងថ្ងៃនេះ បានកើតឡើងលើពលរដ្ឋ រស់នៅក្នុងក្រុងក្រចេះ ចំនួន៤២នាក់ ,ស្រុក សំបូរម្នាក់,ស្រុកស្នួលម្នាក់,ស្រុកឆ្លូង ៣នាក់, ស្រុកព្រែកប្រសព្វម្នាក់ និងស្រុកចិត្របុរីម្នាក់។

ខេត្តត្បូងឃ្មុំ បានបន្តរកឃើញអ្នកឆ្លងជំងឺកូវីដ១៩ ចំនួន ៥១នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងថយចុះចំនួន ១៣នាក់ ធៀបនឹងម្សិលមិញ ។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន២៨នាក់និងស្លាប់២នាក់ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងកើន៥នាក់ និងតួលេខស្លាប់កើនម្នាក់ទៀតបើប្រៀបធៀបនឹងម្សិលមិញ។

ខេត្តស្វាយរៀង បានបន្តរកឃើញអ្នកឆ្លងជំងឹកូវីដ១៩ ចំនួន ១១នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងកើនឡើងចំនួន ៤នាក់ ធៀបនឹងម្សិលមិញ ។