យោងតាមរបាយការណ៍របស់អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទបានឲ្យដឹងថា ក្នុងរយៈពេល៧ខែ ឆ្នាំ២០២១នេះ កម្ពុជាបាននាំចេញផ្លែស្វាយស្រស់ទៅក្រៅប្រទេសបានចំនួន ១៦ម៉ឺន១ពាន់២២៨កណ្តក់សញ្ញា៥៥តោន ក្នុង រយៈពេល៧ខែដើមឆ្នាំនេះ។ យោងតាមក្រសួងកសិកម្ម ការនាំចេញ៧ខែដើមឆ្នាំនេះ មានការកើនឡើងចំនួន ២៤៧កណ្តក់សញ្ញា៩២%បើប្រៀបធៀបនឹងរយៈពេលដូចគ្នាកាលពីឆ្នាំទៅ។ របាយការណ៍ដដែលបន្តថា ផ្លែស្វាយស្រស់ជាង ១៦ម៉ឺនតោននោះ បាននាំចេញទៅប្រទេសវៀតណាម, ប្រទេស ថៃ, ប្រទេសចិន, កូរ៉េខាងត្បូង, ក្រុងហុងកុង, ប្រទេសសិង្ហបុរី និងប្រទេសគុយវ៉ែត។ ក្រៅពីការនាំចេញផ្លែស្វាយស្រស់ កម្ពុជាក៏សម្រេចបានការនាំចេញដំណាប់ស្វាយផងដែរ ដែលមានចំនួន ១ម៉ឺន ៣ពាន់៥២៤កណ្តក់សញ្ញា៥តោន។ ដំណាប់ស្វាយនោះ ត្រូវបាននាំចេញទៅប្រទេសចិន, ប្រទេសជប៉ុន, កូរ៉េ ខាងត្បូង, ប្រទេសហ្វីលីពីន, ប្រទេសថៃ, សហរដ្ឋអាមេរិក, ប្រទេសវៀតណាម, ចក្រភពអង់គ្លេស និងប្រទេស កាហ្សាក់ស្ថាន។

ជនសង្ស័យ៤នាក់រួមនិងគ្រឿងញៀនជិត៤គីឡូក្រាមត្រូវបានសមត្ថកិច្ចបង្ក្រាបនៅរាជធានីភ្នំពេញ។ ការបង្ក្រាប នេះ បានធ្វើនៅចំណុចភូមិព្រៃខ្លា, សង្កាត់ក្រាំងធ្នង់ នៃខណ្ឌសែនសុខកាលពីថ្ងៃទី៣សីហាប៉ុន្តែទើបបានបង្ហើប ប្រាប់បណ្តាញសារព័ត៌មាននៅថ្ងៃនេះ។ សមត្ថកិច្ចបានឃាត់ខ្លួនបុរសជនសង្ស័យ៤នាក់ ឈ្មោះ សាក់ សិដ្ឋ អាយុ ២២ឆ្នាំ , ឈ្មោះ កែវ ណារ៉ុង អាយុ ២៩ឆ្នាំ , ឈ្មោះ ឡេង វណ្ណា អាយុ ២៧ឆ្នាំ និងជនទី៤ឈ្មោះ ឈ្មោះ ឡុង ដាណេ។ វត្ថុតាងដែលចាប់យកបានក្នុងការបង្ក្រាបនោះរួមមាន មេតំហ្វេតាមីនICEទម្ងន់៣គីឡូ និងជាង ៤៤៧ ក្រាម។ គ្រឿងញៀនវេលាចុងក្រោយនេះ ត្រូវគេឃើញថាបានកម្រើកសាឡើងវិញទន្ទឹមនឹងសមត្ថកិច្ចកំពុង ជាប់ រវល់ក្នុងការជួយទប់ស្កាត់ ការបង្កាការឆ្លងកូវីដ១៩។ កាលពីខែកក្កដាកន្លងមកនេះ ក្នុងរាជធានីភ្នំពេញ សមត្ថកិច្ច បានបង្ក្រាបគ្រឿងញៀននិង សារធាតុផ្សំជាង១ពាន់គីឡូក្រាមនៅក្នុងខណ្ឌចំនួន៣ គឺខណ្ឌច្បារអំពៅ, ខណ្ឌ សែនសុខនិងខណ្ឌឬស្សីកែវ ដោយបានចាប់ខ្លួនជនសង្ស័យយ៉ាងហោច៧នាក់ក្នុងនោះរួមមានជនជាតិ វៀត ណាម៤នាក់ផងដែរ។

កូនឈើប្រភេទម៉ៃសាក់លេខ១ ចំនួន៥០០ដើម ត្រូវបានដាំក្នុងស្រុករលាប្អៀរខេត្តកំពង់ឆ្នាំងក្នុងពិធីរំលឹកខួបរុក្ខ ទិវា។ កម្ពុជាជារៀងរាល់ឆ្នាំ ការប្រារព្ធ រុក្ខទិវា តែងមកដល់ជាទៀងទាត់នៅថ្ងៃទី៩កក្កដា ប៉ុន្តែដោយសារតែកម្ពុ ជាកំពុងរងនឹងការឆ្លងរាលដាលដោយជម្ងឺកូវីដ១៩ រុក្ខទិវា៩កក្កដា ត្រូវបានខេត្តកំពង់ឆ្នាំងបានលើកយកមកធ្វើ នៅថ្ងៃទី៦សីហានេះ។

ការជួសជុលប្រាសាទបាយក្អែកក្នុងខេត្តសៀមរាប គ្រោងនឹងបញ្ចប់នៅចុងខែកញ្ញា ឆ្នាំ២០២១នេះ។ ប្រាសាទ បាយក្អែកដែលស្ថិតនៅប៉ែកខាងលិចនៃប្រាសាទអង្គរវត្ត មុននេះបានដួលរលំទាំងស្រុង ដោយសារអាយុកាល, អាកាសធាតុ, សង្គ្រាមនិងកត្តាមនុស្ស។ប្រាសាទបុរាណខ្មែរនេះ ត្រូវបាននិងកំពុងធ្វើការជួសជុល និងរៀប ចំ លើក កម្ពស់សោភ័ណភាពប្រាសាទ, ទេសភាពវប្បធម៌សំដៅរក្សាតុល្យភាពរវាងការងារអភិរក្ស និងការងារ អភិវឌ្ឍន៍ ប្រកបដោយចីរភាព។ បុរាណវិទូនៃនាយកដ្ឋានអភិរក្សប្រាសាទក្នុងឧទ្យានអង្គរ លោក ស្រ៊ុន តិច បានថ្លែងថា ប្រាសាទបាយក្អែកត្រូវបានជួសជុលចាប់តាំងពីខែកុម្ភៈឆ្នាំ២០២១ និងរហូតមកទល់ពេលនេះ ដំណើរការជួសជុលដែលទើបបានរយៈពេលប្រមាណ៥ ខែរួមមកហើយ បានសម្រេចជាង ៦០ភាគរយហើយ។  ការជួសជុលប្រាសាទបុរាណនេះ គ្រោងនឹងបញ្ចប់នៅ២ ខែខាងមុខនេះ។ មន្ត្រីអភិរក្សប្រាសាទអង្គរបានថ្លែងទៀតថាដំណើរការជួសជុលពង្រឹងសំណង់ប្រាសាទបុរាណនេះត្រូវក្រុមការ ងារបច្ចេកទេសបានប្រកាន់យកគោលការណ៍អភិរក្ស, គោរពតាមអនុសាសន៍របស់អ្នកជំនាញអាយស៊ីស៊ី-អង្គរ និងគោរពតាមធម្មនុញ្ញអង្គរ ក្នុងគោលដៅរក្សារូបរាង ឬទម្រង់ស្ថាបត្យកម្មដើមរបស់ប្រាសាទ។ ការងារជួស ជុលនេះ ក្រុមការងារបានព្យាយាមប្រើប្រាស់ថ្មចាស់ៗឡើងវិញ ហើយជំនួសថ្មថ្មីក្នុងកម្រិតប្រមាណពី ១០ទៅ ១៥ ភាគរយផងដែរ។

អំណោយរបស់លោកហ៊ុនម៉ាណែតនិងលោកជំទាវពេជ ច័ន្ទមុន្នី តាមរយៈមូលនិធិកម្ពុជាប្រឆាំងកូវីដ១៩ត្រូវ បានចែកចាយនិងប្រគល់ជួនក្រុមយុទ្ធជនអាវសដែលកំពុងប្រយុទ្ធប្រឆាំងនឹងជម្ងឺកូវីដ១៩។ ការផ្តល់ អំណោយ ជាគ្រឿងឧបភោគបរិភោគ រួមនិងសម្ភារ:ប្រយុទ្ធប្រឆាំងជំងឺកូវីដ១៩ បានធ្វើកាលពីថ្ងៃទី៥សីហា។

រថយន្តចំនួន៨៧គ្រឿង ត្រូវបានរដ្ឋមន្ត្រីក្រសួងមហាផ្ទៃបានប្រគល់ជូនស្នងការដ្ឋាននគរបាលខេត្តចំនួន២៣ ដើម្បីការបំពេញកិច្ចការងារនិងការបម្រើសេវាជូនប្រជាពលរដ្ឋ។ ពិធីប្រគល់រថយន្ត Ford Ranger Pick-Up ទាំង៨៧គ្រឿង បានធ្វើនៅក្នុងពិធីមួយនៅថ្ងៃទី៦សីហានេះ ក្រោមការអញ្ជើញចូលរួមពីសម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ។ សម្ដេចក្រឡាហោម ស ខេង បានថ្លែងដាស់តឿនណែនាំ ដល់ស្នងការដ្ឋាននគរបាលខេត្តទាំង២៤ ត្រូវប្រើប្រាស់រថយន្ដនេះឱ្យបានត្រឹមត្រូវបំផុត និងត្រូវថែទាំរថយន្ដឱ្យ ប្រើប្រាស់យូរ អង្វែង ក្នុងការបំពេញបេសកម្មជូនប្រជាពលរដ្ឋ។

សម្តេចតេជោ ហ៊ុន សែន បានទាត់ចោលសំណើសុំសិទ្ធិធ្វើនយោបាយ របស់អតីតសកម្មជនគណបក្សប្រឆាំង ម្នាក់ទៀតដោយសារតែអំពើរបស់បុគ្គលនោះ បានរំលោភបំពាននឹងសាលដីកាតុលាការកំពូល។ អតីតប្រធាន គណៈកម្មាធិការប្រតិបត្តិខេត្តកំពង់ធំ នៃអតីតគណបក្សសង្រ្គោះជាតិ លោកស៊ុន ចន្ធី ត្រូវបានប្រមុខរាជរដ្ឋាភិ បាល នៅថ្ងៃទី៦សីហាឆ្នាំ២០២១ បានទាត់ចោលការស្នើសុំសិទ្ធិធ្វើនយោបាយឡើងវិញ ដោយសារបុគ្គលរូប នោះបានប្រព្រឹត្តសកម្មភាពរំលោភបំពាននឹងសាលដីកាតុលាការកំពូល។ គូរបញ្ជាក់ថាសាលដីកាតុលាការ កំពូលខែវិច្ឆិកាឆ្នាំ២០១៧ បានរំលាយគណបក្សសង្គ្រោះជាតិនោះចោល និងបានដាក់ឈ្មោះមនុស្សជាង១០០ នាក់ក្នុងបញ្ជីខ្មៅនៃការហាមឃាត់ធ្វើនយោបាយរយៈពេល៥ឆ្នាំ, ប៉ុន្តែឈ្មោះស៊ុន ច​ន្ធី ដែលស្ថិតក្នុងបញ្ជីហាម ឃាត់ការធ្វើនយោបាយនោះ ត្រូវបានគេរកឃើញប្រើប្រាស់បណ្តាញទំនាក់ទំនង Facebook ធ្វើការចែកចាយ រំលែកសារនយោបាយរបស់ក្រុមឧទ្ទាមជាបន្តបន្ទាប់ ព្រមទាំងបានធ្វើសកម្មភាពដាស់ពង្រឹងស្មារតីសតិអារម្មណ៍ ក្រុមសកម្មជនអតីតគណបក្សសង្រ្គោះជាតិ នៅខេត្តកំពង់ធំនោះទៀតផងដែរ។ បុគ្គលស៊ុន ចន្ធីនោះ ត្រូវគេរក ឃើញនៅបន្តមានទំនាក់ទំនងបច្ចុប្បន្នជាមួយក្រុមឧទ្ទាមក្រៅច្បាប់នោះជាដដែល។ ឈ្មោះស៊ុន ច​ន្ធី នេះ គឺជា បុគ្គលទី៣ហើយដែលត្រូវបានគេទាត់ចោលសេចក្តីស្នើសុំសិទ្ធិនយោបាយ។ មនុស្ស២នាក់មុននេះ ដែលគេបាន បដិសេធការស្នើសុំសិទ្ធិធ្វើនយោបាយ គឺឈ្មោះ ញឹម គឹមញ៉ុល និងឈ្មោះ ជូង ជូងី។ សម្តេចនាយករដ្ឋមន្ត្រីកាល ពីដើមខែសីហាបានមានប្រសាសន៍ជុំវិញសិទ្ធិរបស់សម្តេចក្នុងសេចក្តីបដិសេធលើការស្នើរបស់បុគ្គលដែលហាម ឃាត់ធ្វើនយោបាយ…