មេដឹកនាំប្រទេសកម្ពុជា ឡាវ និងវៀតណាម បានជួបប្រជុំជាមួយគ្នាជាទម្លាប់ប្រពៃណី ក្នុងពេលដែលបំពេញបេសកកម្មកិច្ចការនៅក្រៅប្រទេស។ សម្តេចធិបតី ហ៊ុន ម៉ាណែត នៃប្រទេសកម្ពុជា, លោកផាមមិញជិញ នៃប្រទេសវៀតណាម និងលោក ស៊នសៃ ស៊ីផាន់ដន នៃប្រទេសឡាវ ក្នុងជំនួបរួមជាមួយគ្នាក្នុងពេលចូលរួមកិច្ចប្រជុំកំពូលអាស៊ាន-ជប៉ុន នៅក្នុងរដ្ឋធានីតូក្យូ បានជួបពិភាក្សាគ្នា និងមេដឹកនាំនៃប្រទេសទាំង៣ បានប្តេជ្ញាបន្តការពង្រឹងកិច្ចសហប្រតិបត្តិការរឹងមាំ រវាងប្រទេសទាំង៣ ដែលស្ថិតនៅជាប់ព្រំដែនជាមួយគ្នា។ អប្សរាណិតរាយការណ៍

ក្រុមហ៊ុនជប៉ុនមួយ ដែលបានរួមចំណែកក្នុងការជួយបណ្តុះបណ្តាលធនធានមនុស្ស និងបញ្ជូនកម្មសិក្សាការីខ្មែរ មកធ្វើការនៅក្នុងប្រទេសជប៉ុន បានថ្លែងបង្ហាញនូវបំណងចង់បង្កើតភូមិខ្មែរមួយ នៅក្នុងខេត្តកាណាហ្គាវ៉ា។ ចំនួនប្រជាជនខ្មែរដែលរស់នៅក្នុងប្រទេសជប៉ុន ត្រូវគេរាយការណ៍ថា មានច្រើនម៉ឺននាក់នាពេលបច្ចុប្បន្ន។ អប្សរាណិតធ្វើសេចក្តីរាយការណ៍

អធិការរងក្រុងកំពតម្នាក់ ត្រូវបានបណ្ដេញចេញពីក្របខ័ណ្ឌមន្ដ្រីនគរបាលជាតិ ក្រោយការរកឃើញជាប់ពាក់ព័ន្ធការប្រើប្រាស់គ្រឿងញៀន។ រដ្ឋមន្ត្រីក្រសួងមហាផ្ទៃ បានដាក់ចេញនូវបទបញ្ជាដាច់ណាត់ មិនអនុញ្ញាតឱ្យមន្ត្រីនគរបាលអនុវត្តច្បាប់ណា ដែលគេរកឃើញជាប់ពាក់ព័ន្ធនឹងគ្រឿងញៀន បន្តបំរើកិច្ចការក្នុងអង្គភាពជួរនគរបាលទៀតឡើយ។ ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ នៅថ្ងៃទី១៧ធ្នូបានបញ្ជាក់ជុំវិញការបណ្តេញចេញ លោកអនុសេនីយ៍ឯក មាស ពិសិដ្ឋ អធិការរងនគរបាលក្រុងកំពត បន្ទាប់ពីរកឃើញថា មានពាក់ព័ន្ធជាមួយករណីប្រើប្រាស់គ្រឿងញៀន និងបានធ្វើឲ្យប៉ះពាល់យ៉ាងធ្ងន់ធ្ងរ ដល់កិត្តិយសកងកម្លាំងនគរបាលជាតិកម្ពុជា។ លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានបញ្ជាក់ទៀតថា ការបណ្ដេញអធិការរងម្នាក់នេះ ចេញពីក្របខ័ណ្ឌ គឺជាសារព្រមានដល់កងកម្លាំងទាំងអស់ នៃស្នងការរដ្ឋាននគរបាលខេត្តកំពត គឺត្រូវដាច់ខាតមិនត្រូវពាក់ព័ន្ធនឹងគ្រឿងញៀនឡើយ។

រដ្ឋមន្ត្រីក្រសួងមហាផ្ទៃ បានបញ្ជាក់ការសំអាតជួរផ្ទៃក្នុងមន្ត្រីនគរបាលទាំងអស់ ដោយមិនអនុញ្ញាតឱ្យអ្នកមានសារធាតុញៀនជាប់នឹងខ្លួន ឬអ្នកណាដែលជាប់ពាក់ព័ន្ធនឹងគ្រឿងញៀន ស្ថិតក្នុងជួរអង្គភាពមន្ត្រីអនុវត្តច្បាប់ទៀតឡើយ។ ថ្លែងក្នុងពិធីសម្ពោធដាក់ឲ្យប្រើប្រាស់ជាផ្លូវការ «ទីតាំងមណ្ឌលសំចត និងស្តារនីតិសម្បទា ប៉ោយប៉ែត» ស្ថិតក្នុងក្រុងប៉ោយប៉ែត ខេត្តបន្ទាយមានជ័យ, លោករដ្ឋមន្ត្រី ស សុខា បានថ្លែងបញ្ជាក់ភាពដាច់ណាត់ មិនឱ្យមានមន្ត្រីនគរបាលណាមួយ បំរើកិច្ចការបន្តឡើយ ប្រសិនបើរកឃើញមានសារធាតុញៀន។ កិច្ចការសំអាត និងគ្រប់គ្រងគ្រឿងញៀន គឺជាផ្នែកអាទិភាពដ៏ធំមួយ របស់រាជរដ្ឋាភិបាលអាណ្ណត្តិទី៧ នៃរដ្ឋសភា ដែលប្តេជ្គាការបង្ក្រាប និងកាត់បន្ថយបញ្ហាប្រើប្រាស និងជួញដូរនេះឱ្យបានច្រើនបំផុត។ របាយការណ៍បានបង្ហាញថា ក្នុងរយៈពេល ៥ខែ ដើមឆ្នាំ២០២៣នេះ កម្លាំងមានសមត្ថកិច្ចបានបង្ក្រា គ្រឿងញៀនចំនួន ៣ពាន់ ១៤៣ករណី និងឃាត់ខ្លួនជនសង្ស័យបានចំនួន ៧ពាន់ ៤៨០នាក់ ជាមួយនឹងការរឹបអូសគ្រឿងញៀនចំនួន ៨៣៨គីឡូក្រាម និង៧៧២ក្បៀស៦ក្រាម។

ពលរដ្ឋខ្មែរក្នុងប្រទេសជប៉ុន ដែលបានមកចូលរួមគាំទ្រដំណើរអញ្ជើញបំពេញទស្សនកិច្ច របស់សម្តេចធិបតី ហ៊ុន ម៉ាណែត បានថ្កោលទោសវិទ្យុអាស៊ីសេរី ដែលផ្សាយព័ត៌មានមិនពិត។ វិទ្យុអាស៊ីសេរីជាភាសាខ្មែរនេះ បានផ្សាយថាពលរដ្ឋដែលបានធ្វើដំណើរស្កាត់ពីគ្រប់ទិសទី មកគាំទ្រដំណើរទស្សនកិច្ចរបស់សម្តេចធិបតី ហ៊ុន ម៉ាណែត គឺជាការទិញទឹកចិត្ត ប៉ុន្តែអ្នកបានចូលរួមគាំទ្រដំណើរទស្សនកិច្ច បាននិយាយថា ពួកគេមិនមានអ្នកណាបានទិញទឹកចិត្តទេ។ ពួកគេបានថ្កោលទោសការផ្សាយមិនពិត របស់វិទ្យុអាស៊ីសេរីនោះ។ វិទ្យុអាស៊ីសេរីជាភាសាខ្មែរ ដែលរដ្ឋាភិបាលសហរដ្ឋអាមេរិកជួយជំនួយច្រើនសិបម៉ឺនដុល្លារ ក្នុងមួយឆ្នាំៗ ជាវិទ្យុមួយដែលពលរដ្ឋខ្មែរទាំងក្នុងស្រុក និងក្រៅស្រុក មើលឃើញជាវិទ្យុដែលរដ្ឋាភិបាលអាមេរិក ចំណាយលុយឥតតែប្រយោជន៍ ដោយសារតែការផ្សាយព័ត៌មានមិនពិត និងព័ត៌មានជាច្រើនពាក់ព័ន្ធនឹងរឿងនយោបាយ ត្រូវបានពលរដ្ឋនិយាយថា មិនដែលបានផ្សាយការពិតឡើយ ដោយសារតែភាពលំអៀងគាំទ្ររបស់ខ្លួន ចំពោះក្រុមធ្វើនយោបាយប្រឆាំង។ ពលរដ្ឋដែលបានមកចូលរួមជួបសំណេះសំណាលជាមួយសម្តេចនាយករដ្ឋមន្ត្រី បានថ្លែងបដិសេធការផ្សាយព័ត៌មានវិទ្យុអាស៊ីសេរី ដែលនិយាយថា ពួកគេទទួលបានការទិញទឹកចិត្តជាលុយកាក់ ដោយម្នាក់ៗ ទទួលយ៉ាងហោចពី ៣ម៉ឺនដល់ ៥ម៉ឺនយ៉េន។ ពលរដ្ឋអ្នកចូលរួមបានចោទថា ការផ្សាយព័ត៌មាននោះ គឺជាការផ្សាយព័ត៌មានមិនពិត។ សេចក្តីរាយការណ៍វិទ្យុអាស៊ីសេរី នៅបានផ្សាយកុហកថែមទៀត ជុំវិញចំនួនមនុស្សចូលរួមធ្វើបាតុកម្ម។ វិទ្យុអាស៊ីសេរីរាយការណ៍ថា ចំនួនអ្នកចូលរួមធ្វើបាតុកម្មមានជិត ៦០០នាក់ ខណៈដែលសាលសម្រាប់ធ្វើបាតុកម្មនោះ ត្រូវគេបញ្ជាក់ថា អាចផ្ទុកមនុស្សបានតែ ២០៧នាក់តែប៉ុណ្ណោះ។ ការផ្សាយព័ត៌មានកុហករបស់វិទ្យុអាស៊ីសេរីជាភាសាខ្មែរ ដែលប្រើប្រាស់ជំនួយពីរដ្ឋាភិបាលសហរដ្ឋអាមេរិកនេះ ត្រូវបានពលរដ្ឋចោទសួរថា…

សម្តេចធិបតី ហ៊ុន ម៉ាណែត បង្ហាញក្តីហួសចិត្ត នៃវិធីសាស្ត្រប្រមូលមនុស្សមកធ្វើបាតុកម្ម ប្រឆាំងដំណើរទស្សនកិច្ចនាយករដ្ឋមន្ត្រីកម្ពុជា។ ក្រុមធ្វើនយោបាយប្រឆាំងនៅក្រៅស្រុកដោយបារម្ភខ្លាចក្រែងមានមនុស្សមកចូលរួមតិចតួច ក្នុងការជួបប្រជុំគ្នា ក្រោមលេសធ្វើបាតុកម្មប្រឆាំងនឹងដំណើរទស្សនកិច្ច របស់សម្តេចធិបតីនាយករដ្ឋមន្ត្រី បានសរសេរតាមបណ្តាញសង្គមផ្តល់រង្វាន់លើកទឹកចិត្ត តាមរយៈការចាប់ឆ្នោតឱ្យរង្វាន់។ សម្តេចធិបតី ក្នុងប្រសាសន៍ថ្លែង ទៅកាន់ពលរដ្ឋខ្មែរប្រមាណជាង ២ពាន់នាក់ក្នុងប្រទេសជប៉ុន ដែលបានមកជួបជុំគ្នា ក្នុងសាលដ៏ធំមួយ នាថ្ងៃទី១៦ធ្នូ បានថ្លែងបង្ហាញក្តីហួសចិត្ត។ ក្រុមធ្វើនយោបាយប្រឆាំងក្រោមមេខ្លោងអូសទាញ សម រង្ស៊ី ដើម្បីមហិច្ឆិតានយោបាយរបស់ខ្លួន និងការបំរើចលនាបដិវត្តន៍ពណ៌ បានចោទថា សម្តេចធិបតី ហ៊ុន ម៉ាណែត គឺជានាយករដ្ឋមន្ត្រីបន្តពូជ និងចោទថាជានាយករដ្ឋមន្ត្រីមិនស្របច្បាប់។ សម្តេចធិបតី ហ៊ុន ម៉ាណែត បានបញ្ជូនសារប្រាប់ទៅអ្នករៀបចំធ្វើបាតុកម្មប្រឆាំង ដោយសម្តីបញ្ជាក់យ៉ាងនេះ។

នាយករដ្ឋមន្ត្រី នៃប្រទេសកម្ពុជា និងនាយករដ្ឋមន្ត្រីជប៉ុន បានជួបពិភាក្សាទ្វេភាគីជាមួយគ្នា និងបានធ្វើជាអធិបតីការចុះហត្ថលេខាលើឯកសារអនុស្សារណៈចំនួន ៧ នៅក្នុងក្រុងតូក្យូ នៃប្រទេសជប៉ុន។ ប្រទេសជប៉ុន និងកម្ពុជា មានទំនាក់ទំនងការទូតរវាងគ្នា ចាប់តាំងពីឆ្នាំ១៩៥៣ មក។ នាយករដ្ឋមន្ត្រីជប៉ុន លោក គីស្ហ៊ីដា ហ្វូមីអូ បានថ្លែងប្តេជ្ញាថានឹងជួយប្រទេសកម្ពុជា ដើម្បីការអភិវឌ្ឍន៍ប្រទេសជាបន្តថែមទៀត។ អប្សរាណិតធ្វើសេចក្តីរាយការណ៍

ការឆ្លងជំងឺកូវីដ១៩ ក្នុងរយៈពេល ២៤ម៉ោងកន្លងមកនេះ នៅអាស៊ានមានចំនួន ៣៤៤ករណី។ បើធៀបនឹងម្សិលមិញ តួលេខឆ្លងថ្ងៃនេះ បានកើនឡើងវិញចំនួន ៣៤២ករណី។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន ២ រួមមានប្រទេស ហ្វីលីពីន មានការឆ្លង ចំនួន ៣៣៨ករណី និងប្រទេសកម្ពុជា មានការឆ្លង ៦ករណី។ ប្រទេសអាស៊ាននារយៈពេល ២៤ ម៉ោងចុងក្រោយនេះ ពុំមានអ្នកស្លាប់ដោយសារជំងឺកូវីដ១៩ ឡើយ។

ក្រុមម៉ូតូទឹកកម្ពុជា បានដណ្ដើមបានមេដាយ៤គ្រឿង ក្នុងថ្ងៃទី២ នៃព្រឹត្តិការណ៍ Jet Ski World Series ជុំផ្ដាច់ព្រ័ត្រនៅក្នុងប្រទេសថៃ។ ព្រឹត្តិការណ៍ Jet Ski World Series ឆ្នាំ២០២៣ បានប្រព្រឹត្តទៅនាមាត់ឆ្នេរសមុទ្ទប៉ាតាយ៉ា ក្នុងប្រទេសថៃ រវាងពីថ្ងៃទី១៣ដល់១៧ធ្នូ។ ក្នុងរយៈពេល២ថ្ងៃគិតត្រឹមថ្ងៃ១៤ធ្នូ, ក្រុមកីឡាម៉ូតូទឹកជម្រើសជាតិកម្ពុជា ដណ្ដើមបានមេដាយ ៤គ្រឿងរួមមាន ប្រាក់ ១គ្រឿង និងសំរឹទ្ធ ៣គ្រឿង។ កីឡាករដែលទទួលបានមេដាយប្រាក់ គឺកីឡាករ ម៉ីន មូសស្ដាន លើវិញ្ញាសា Expert Ski GF ។ រីឯមេដាយសំរឹទ្ធ ៣គ្រឿង គឺដណ្ដើមបានដោយកីឡាករ សាលី ហ្វីលីន លើវិញ្ញាសា Runabout 1100 Limited, កីឡាករ ម៉ីន អូស្មាន់ លើវិញ្ញាសា Novice Ski Stock និងកីឡាករ កៃវ៉ាន់ ស៊ីដែន លើវិញ្ញាសា…

ឧបការីរងរដ្ឋមន្ត្រីក្រសួងការបរទេសសហរដ្ឋអាមេរិក ទទួលបន្ទុកតំបន់អាស៊ីអាគ្នេយ៍ លោកស្រី Melissa A. Brown បានធ្វើទស្សនកិច្ចរយៈពេលបីថ្ងៃ នៅព្រះរាជាណាចក្រកម្ពុជា និងបានជួបជាមួយមន្ត្រីជាន់ខ្ពស់រាជរដ្ឋាភិបាល។ មន្ត្រីការទូតកម្ពុជា និងអាមេរិកនៅជាមួយគ្នានេះ បានចេញសេចក្តីប្រកាសព័ត៌មានរៀងៗខ្លួន បង្ហាញកិច្ចសហប្រតិបត្តិការជិតស្និទ្ធរវាងគ្នាទៅវិញទៅមក។ សេចក្តីប្រកាសរបស់ស្ថានទូតអាមេរិកប្រចាំកម្ពុជា បានសរសេរថា ក្នុងដំណើរទស្សនកិច្ចរវាងពីថ្ងៃទី១៣ ដល់១៥ ធ្នូ ឆ្នាំ២០២៣, លោកស្រី Brown បានធ្វើកិច្ចពិភាក្សាក្នុងន័យស្ថាបនាលើបញ្ហាទ្វេភាគី និងតំបន់ជាមួយមន្ត្រីកម្ពុជា, ចំណែកក្រសួងការបរទេសកម្ពុជាបានសរសេរជុំវិញ «ការជួបពិភាក្សាក្នុងស្មារតីមិត្តភាពជាមួយលោកស្រី Melissa Brown»។ អប្សរាណិតធ្វើសេចក្តីរាយការណ៍ពិស្តារអំពីខ្លឹមសារនៃជំនួប