កម្ពុជាត្រៀមនឹងទទួលបានមកវិញនូវរូបចម្លាក់បុរាណអាយុជាង១ពាន់ឆ្នាំពីអាជ្ញាធរសហរដ្ឋអាមេរិក។ ក្រសួង វប្បធម៌នៅថ្ងៃទី១៦កក្កដាឆ្នាំ២០២១ បានឲ្យដឹងថា រូបចម្លាក់បុរាណព្រះស្កន្ទគង់លើក្ងោក ដែលគេបានលួច ចេញពីប្រទេសកម្ពុជាក្នុងអម្លុងពេលមានវិបត្តិសង្គ្រាមស៊ីវិលកន្លងមកនោះត្រូវបានអាជ្ញាធរអាមេរិករកឃើញនិងបានរឹបអូសយកពីម្ចាស់ដែលរក្សាទុកនៅក្នុងក្រុងញូយ៉ក និងរូបចម្លាក់បុរាណនោះ នឹងត្រៀម  ប្រគល់មកឲ្យ កម្ពុជាវិញនាពេលខាងមុខនេះ។ រូបព្រះស្កន្ទគង់លើក្ងោក ត្រូវបានលួចយកចេញពីប្រាសាទក្រចាប់ ដែលជា ប្រាសាទ មួយក្នុងរមណីដ្ឋានប្រាសាទកោះកេរ នៃអតីតរាជធានីអាណាចក្រខ្មែរក្នុងសតវត្សទី១០គ្រឹស្ត សករាជ ។  រដ្ឋមន្ត្រីក្រសួងវប្បធម៌ លោកស្រី ភឿង សកុណា បានថ្លែងចាត់ទុកការវិលត្រឡប់មកវិញនៃរូបចម្លាក់ នោះ បញ្ជាក់នូវការប្ដេជ្ញាចិត្តរបស់កម្ពុជា ក្នុងការស្វែងរក និងការនាំយកមកវិញ នូវព្រលឹងរបស់បុព្វបុរសខ្មែរ ដែល បានចាកចេញពីមាតុភូមិកំណើតអស់រយៈពេលច្រើនឆ្នាំកន្លងមក ក្នុងអំឡុងសម័យសង្គ្រាម។

អត្តសញ្ញាណអ្នកវិជ្ជមានកូវីដ១៩ចំនួន ៥៧នាក់ នាក់ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងទាបជាងម្សិលមិញចំនួន ចំនួន ១១នាក់ ធៀបនឹងម្សិលមិញ ។ អ្នកឆ្លងថ្មីនៅថ្ងៃនេះ ត្រូវបាន គេរកឃើញឆ្លងលើពលរដ្ឋនៅក្រុងខេមរភូមិន្ទ , ស្រុកមណ្ឌលសីមា ,ស្រុកកោះកុង  , ស្រុកស្រែអំបិល និងស្រុក គិរីសាគរ ។ ខេត្តកោះកុងនៅថ្ងៃ នេះ បានព្យាបាលអ្នកជំងឺកូវីដ១៩ចំនួន ១៣នាក់ផងដែរ ៕

ខេត្តព្រះវិហារ ក្នុងរយៈពេល ២៤ម៉ោង ចុងក្រោយនេះ បានរកឃើញអ្នកឆ្លងជំងឺកូវីដ១៩ ចំនួន ១៩នាក់ ថែម ទៀត ដែលជាតួលេខថយចុះចំនួន ១៨នាក់ បើប្រៀបធៀបនឹងការរកឃើញកាលពីថ្ងៃម្សិលមិញ ដែលមានចំនួន ៣៧នាក់ ។ យោងតាមរដ្ឋបាលខេត្ត អ្នកឆ្លងថ្មីទាំង ១៩នាក់នោះ គឺជាពលរដ្ឋនៅក្រុងព្រះវិហារ ស្រុកជាំក្សាន្ត ស្រុកគូលែន និងពលរដ្ឋស្រុកឆែប ។ ខេត្តព្រះវិហារ គិតត្រឹមថ្ងៃនេះ បានរកឃើញអ្នកឆ្លងជំងឺកូវីដ១៩ សរុបចំនួន ៣០៧នាក់ ក្នុងនោះមានអ្នកជាសះស្បើយចំនួន ១៣០នាក់ ក្រោយការព្យាបាលជាសះស្បើយនៅថ្ងៃនេះចំនួន ៣៩នាក់ថែមទៀត និងមានអ្នកស្លាប់ ម្នាក់ ៕

ខេត្តស្ទឹងត្រែងដែលមានការឆ្លងកូវីដ១៩ជាង៤០០ករណី បានសម្រុកការចាក់វ៉ាក់សាំងតាមបណ្តាស្រុកនិង ក្រុង ជាគោលដៅដើម្បីបង្កាការឆ្លងកូវីដ១៩។ យុទ្ធនាការចាក់វ៉ាក់សាំងបានចាប់ផ្តើមកាលពីថ្ងៃទី១៣កក្កដា នៅក្រុង ស្ទឹងត្រែង, ស្រុកថាឡាបរិវ៉ាត់និងស្រុកសេសាន។ ខេត្ត ស្ទឹងត្រែងថ្ងៃនេះ មានការឆ្លងថ្មី៦នាក់ដែលនាំឲ្យការ ឆ្លងសរុបមាន ចំនួន៤៤៣នាក់។

ខេត្តឧត្តមានជ័យ បានរកឃើញអ្នកឆ្លងថ្មីចំនួន ៩៧នាក់ និងមានអ្នកស្លាប់ថ្មី ២នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ តួលេខឆ្លងថ្ងៃនេះ គឺមានការកើនខ្ពស់ឡើងវិញចំនួន ៣៣នាក់ ធៀបនឹងម្សិលមិញ ដែលបានរកឃើញអ្នកឆ្លងចំនួន ៦៤នាក់ ។ យោងតាមរដ្ឋបាលខេត្ត អ្នកទើបរកឃើញឆ្លងថ្មីទាំង ៦៧នាក់ នៅ ថ្ងៃនេះ គឺបានឆ្លងលើពលករដែលកំពុងធ្វើចត្តាឡីស័ក និងពលករដែលទើបត្រឡប់មកពីប្រទេសថៃ ។ ចំណែកអ្នកស្លាប់ថ្មី ២នាក់ ថែមទៀតនោះវិញ គឺជាស្រ្តី អាយុ ៧៤ឆ្នាំ នៃស្រុកអន្លង់វែង និងស្រ្តីម្នាក់ទៀត អាយុ ៣៤ឆ្នាំ ជាពលរដ្ឋមកពីខេត្តត្បូងឃ្មុំ ។ ខេត្តឧត្តមានជ័យ គិតរហូតមកទល់នឹងពេលនេះ មានអ្នកឆ្លងជំងឺកូវីដ១៩ សរុបចំនួន ២ពាន់ ៣១៩នាក់ ក្នុងនោះមានអ្នកជាសះស្បើយចំនួន ៤៩០នាក់ និងមានអ្នកស្លាប់បានកើនដល់ ៦នាក់ ហើយ ៕

ខេត្តក្រចេះ បានបន្តរកឃើញអ្នកឆ្លងជំងឺកូវិដ១៩ ចំនួន ៧នាក់ ថែមទៀត  ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងមានចំនួនដដែល ធៀបនឹងថ្ងៃម្សិលមិញ ។ យោងតាមរដ្ឋបាលខេត្ត អ្នកជំងឺកូវីដ១៩ថ្មីនៅ ថ្ងៃនេះ គឺជាពលរដ្ឋនៃក្រុងក្រចេះម្នាក់ និងនៅស្រុកស្នួល ៦នាក់ ។ ខេត្តក្រចេះ គិតត្រឹមថ្ងៃនេះ មានអ្នកឆ្លងជំងឺ កូវីដ១៩សរុបចំនួន ២១៤នាក់ ក្នុងនោះព្យាបាលជាសះស្បយចំនួន  ១០៨នាក់  និងមានអ្នកស្លាប់ចំនួន ៥នាក់ ៕

ខេត្តត្បូងឃ្មុំ បានរកឃើញអ្នកឆ្លងជំងឺកូវីដ១៩ ចំនួន ៤៧នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខកើនឡើងមកវិញចំនួន ៤នាក់ ធៀបនឹងការឆ្លងកាលពីម្សិលមិញ ។ យោងតាមរដ្ឋបាលខេត្តការ រកឃើញឆ្លងថ្មីក្នុងខេត្តត្បូងឃ្មុំនៅថ្ងៃនេះ បានឆ្លងលើពលរដ្ឋរស់នៅក្នុងក្រុងសួងចំនួន ២នាក់, ស្រុកត្បូងឃ្មុំ ១៦នាក់, ស្រុកតំបែរម្នាក់, ស្រុកពញាក្រែក ៩នាក់, ស្រុកអូរាំងឪ ៨នាក់,ស្រុកក្រូចឆ្មា ៨នាក់ និងបាលឆ្លងលើ ពលរដ្ឋដែលជាអ្នកដំណើរមកពីរាជធានីភ្នំពេញ ម្នាក់ ។ ខេត្តត្បូងឃ្មុំ នៅថ្ងៃនេះ បានព្យាបាលអ្នកជំងឺកូវីដ១៩ អោយជាសះស្បើយចំនួន ៣៦នាក់ ផងដែរ ៕

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន៥០នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងថយចុះ៣៩នាក់បើប្រៀបធៀបនឹងការឆ្លងម្សិលមិញ។ យោងតាមរដ្ឋបាលខេត្ត ការ ឆ្លងថ្មី ទាំង៥០នាក់ថ្ងៃនេះ រួមមាននៅក្រុងកំពង់ចាម៩នាក់,ស្រុកបាធាយ៧នាក់,ស្រុកជើងព្រៃ១០នាក់, ស្រុក ស្រីសន្ធរ៤នាក់, ស្រុកស្ទឹងត្រង់៣នាក់, ស្រុកព្រៃឈរ៧នាក់, ស្រុកកងមាស២នាក់, ស្រុកចំការលើ៥នាក់ និងស្រុកកំពង់សៀម៣នាក់។  ចំណែកអ្នកស្លាប់ដោយសារ ជំងឺកូវីដ-១៩ទាំង២នាក់នោះ រួមមានស្ត្រីអាយុ ៦៤ឆ្នាំនៅស្រុកព្រៃឈរ និងស្ត្រីអាយុ៥៤ឆ្នាំ នៅស្រុកស្រីសន្ធរ។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៩៩នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងកើនឡើង១៧នាក់ប្រៀបធៀបនឹងការឆ្លងម្សិលមិញ។ យោងតាមរដ្ឋបាលខេត្ត ការ ឆ្លងថ្មី ទាំង៩៩នាក់ថ្ងៃនេះ រួមមាននៅក្រុងព្រៃវែង៤នាក់, ស្រុកបាភ្នំ២៧នាក់, ស្រុកព្រះសេ្ដច១៨នាក់, ស្រុក ពាមរក៍១៥នាក់, ស្រុកកំចាយមារ១២នាក់, ស្រុកមេសាង៩នាក់, ស្រុកស្វាយអន្ទរ៣នាក់,ស្រុកកញ្ច្រៀច៣នាក់,  ស្រុកពារាំង២នាក់, ស្រុកពោធិ៍រៀង២នាក់, ស្រុកកំពង់ត្របែកម្នាក់, ស្រុកស៊ីធរកណ្ដាលម្នាក់, មកពីរាជធានីភ្នំ ពេញ ម្នាក់ និងមកពីខេត្តកំពង់ចាមម្នាក់។ ចំណែកអ្នកស្លាប់ជាស្ត្រីអាយុ៥២ឆ្នាំនៃស្រុកពារាំង និងម្នាក់ទៀត រដ្ឋបាលខេត្តមិនទាន់បញ្ជាក់អត្តសញ្ញាណនៅឡើយ។ ខេត្តព្រៃវែង មានអ្នកឆ្លងជំងឺកូវីដ-១៩ចំនួន២ពាន់៨៣៨ នាក់, ព្យាបាលជាសះស្បើយចំនួន១ពាន់៦០១នាក់ និងមានអ្នកស្លាប់ សរុបចំនួន៤១នាក់។

ខេត្តកំពង់ឆ្នាំង បានបន្តរកឃើញអ្នកឆ្លងជំងឺកូវីដ១៩ថ្មី ចំនួន ១៩នាក់ និងអ្នកស្លាប់ថ្មីម្នាក់ថែមទៀត ក្នុងរយៈ ពេល ២៤ម៉ោងចុងក្រោយនេះ ។ យោងតាមរដ្ឋបាលខេត្តអ្នកជំងឺកូវីដ១៩ថ្មីនៅថ្ងៃនេះ គឺជាពលរដ្ឋរស់នៅ ក្នុង ក្រុងកំពង់ឆ្នាំង១០នាក់, ស្រុកកំពង់ត្រឡាចម្នាក់, ស្រុកជលគិរី៣នាក់, ស្រុកទឹកផុសម្នាក់ និងស្រុករលាប្អៀរ ៤នាក់ ។ ចំណែកអ្នកស្លាប់ថ្មីម្នាក់នោះវិញ គឺជាស្រ្តីអាយុ ៣៥ឆ្នាំ ជាអ្នកស្រុករលាប្អៀរ ។ ខេត្តកំពង់ឆ្នាំង គិតត្រឹម ថ្ងៃនេះ មានអ្នកឆ្លងជំងឺកូវីដ១៩សរុបចំនួន ១ពាន់ ៣៣២នាក់ ក្នុងចំណោមនោះ អ្នកកំពុងទទួលការព្យាបាល ចំនួន ៥៩៤នាក់ និងមានអ្នកស្លាប់កើនដល់ចំនួន ២៣នាក់៕