ការឆ្លងជំងឺកូវីដ១៩នៅថ្ងៃនេះ មានចំនួន៨៨៩ករណី ដែលជាការថយចុះ១០៧ករណីបើប្រៀបធៀបនឹងការឆ្លង ម្សិលមិញ។ កម្ពុជាចាប់តាំងពីដើមខែកក្កដានេះមក ការឆ្លងជាង៩០០ករណីមាន១៣លើកនិងការឆ្លងខ្ទង់ ជាង ៨០០ករណី មាន៣លើកដែលមិនមានសញ្ញាមិនទាន់បង្ហាញភាពធូរស្រាលសោះឡើយ។ ចំណែកការស្លាប់ថ្មី ក្នុងរយៈពេល២៤ម៉ោងចុងក្រោយនេះ មានចំនួន២៧នាក់ ដែលថយចុះ១២នាក់បើប្រៀបធៀបនឹងម្សិលមិញ។ ក្នុងចំណោមការឆ្លងថ្មី៨៨៩ករណីថ្ងៃនេះ, ការឆ្លងចូលក្នុងសហគមន៍រយៈពេល២៤ម៉ោងកន្លងមកនេះ មានចំនួន ៦៨២ករណីដែលថយចុះ១៤៧ករណីបើប្រៀបធៀបនឹងម្សិលមិញ។ ការឆ្លងមកពីក្រៅប្រទេសថ្ងៃនេះ មានចំនួន ២០៧ករណីដែលកើនឡើង៤០ករណីប្រៀបធៀបនឹងម្សិលមិញ។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ រយៈពេល១៤៦ថ្ងៃកន្លងមកនេះ បានកើន ឡើង ដល់៥ម៉ឺន៩ពាន់៧៧៩នាក់ហើយ ។ កម្ពុជាគិតត្រឹមថ្ងៃទី១៦ខែកក្កដា ឆ្នាំ២០២១ ការឆ្លងសរុបទូទាំងប្រទេស មានចំនួន៦ម៉ឺន៥ពាន់៥០០នាក់, ការស្លាប់សរុបមានចំនួន១ពាន់៥២នាក់ និងការព្យាបាលជាសះស្បើយ សរុប មានចំនួន៥ម៉ឺន៧ពាន់២៧នាក់ ក្រោយការព្យាបាលជាសះស្បើយ ៨៤៩នាក់ក្នុងរយ: ពេល ២៤ ម៉ោង កន្លង មកនេះ។