(ភ្នំពេញ)៖ វគ្គបណ្តុះបណ្តាលស្តីពី “ច្បាប់ពាក់ព័ន្ធនឹងការរៀបចំដែនដី និងនគរូបនីយកម្ម (បទពិសោធន៍ប្រទេសជប៉ុន)” ក្រោមអធិបតីភាព ឯកឧត្តម តឹក រ៉េតសំរេច រដ្ឋលេខាធិការប្រចាំការ ក្រសួងរៀបចំដែនដីនគរូបនីយកម្ម និងសំណង់ ដោយមានការចូលរួមពីគ្រប់ភាគីពាក់ព័ន្ធ និងនិស្សិត ប្រមាណជាង ៩០០នាក់ ដែលរៀបចំដោយមជ្ឈមណ្ឌលបណ្តុះបណ្តាលវិជ្ជាជីវៈនៃក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី ១៦ ខែសីហា ឆ្នាំ២០២៤ នោទីស្តីការក្រសួង ។ ឯកឧត្តម តឹក រ៉េតសំរេច មានប្រសាសន៍ថា សិក្ខាសាលាមានគោលបំណងរួមចំណែកក្នុងការបណ្តុះបណ្តាលនិងលើកកំពស់សមត្ថភាពចំណេះដឹងស្តីពីច្បាប់ពាក់ព័ន្ធនឹងការរៀបចំដែនដី នគរូបនីយកម្មនៃប្រទេសកម្ពុជា ដើម្បីកសាងកំលាំងបន្តវេននៅពេលអនាគត ។ ស្វែងយល់បទពិសោធន៍ ការវិវតន្ត៍នៃការអភិវឌ្ឍច្បាប់ពាក់ព័ន្ធនឹងការរៀបចំដែនដី និងទីក្រុងរបស់ប្រទេសជប៉ុន ។ អ្នកដែលបានចូលរួមសិក្ខាសាលានៅថ្ងៃនេះ អាចស្វែងយល់បន្ថែមទៀត អំពីក្របខណ្ឌគតិយុត្តនៃច្បាប់រៀបចំដែនដី និងនគរូបនីយកម្មរបស់ប្រទេសកម្ពុជា ព្រមទាំងបទពិសោធន៍នៃប្រទេសជប៉ុនផងដែរ ។ តាមរយៈវគ្គបណ្តុះបណ្តាលរយៈពេល ១ថ្ងៃនេះ ភាគីពាក់ព័ន្ធទាំងអស់អាចចូលរួមពិភាក្សា និងផ្លាស់ប្តូរយោបល់ ដើម្បីរួមគ្នាគិត និងរួមគ្នាទទួលខុសត្រូវ ក្នុងស្មារតីសាមគ្គី ឯកភាពជាតិ ធ្វើយ៉ាងណារក្សាការពារនិងអភិវឌ្ឍដែនដីរបស់យើងឱ្យបានគង់វង្សយូរអង្វែងទៅមុខទៀត ។ ឯកឧត្តម តឹក…

(ភ្នំពេញ)៖ ឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខាសាធារណៈ បាន​លើក​ឡើងថា អ្វីដែលកូនខ្មែរម្នាក់ៗ ពលរដ្ឋខ្មែរម្នាក់ៗ ជោគជ័យ មិនថាក្នុងការសិក្សា មិនថាក្នុងការធ្វើអាជីវកម្ម បង្កើតអាជីវកម្មជោគជ័យ គឺជាជោគជ័យរបស់ប្រទេសជាតិ ទាំងមូល ។ ឯកឧត្តម ឧបនាយករដ្ឋមន្ត្រី បានមានប្រសាសន៍បែនេះ នៅក្នុងពិធីប្រគល់សញ្ញាបត្រ​លើកទី៣៣ ជូនដល់និស្សិតជ័យលាភី ថ្នាក់វេជ្ជបណ្ឌិត ថ្នាក់ទន្តបណ្ឌិត និងថ្នាក់បរិញ្ញា​បត្រជាន់ខ្ពស់ជំនាញសំណង់ស៊ីវិល សុខភាពសហគមន៍ សុរិយោដីនិងអភិរក្ស ចំនួន ៣៧៧នាក់ នៅសាកលវិទ្យាល័យអន្តរជាតិ (IU) នាព្រឹកថ្ងៃទី១៥ ខែសីហា ឆ្នាំ២០២៤។ ឯកឧត្តមឧបនាយករដ្ឋមន្ត្រី បានបញ្ជាក់ទៀតថា និស្សិតម្នាក់ៗជាផ្នែកមួយក្នុងការចូល​រួម​សម្រេចចក្ខុវិស័យ ២០៥០ ក្នុងនោះ ភាពជោគជ័យរបស់យើងទាំងអស់គ្នា មិនមែន​អាចកាត់ផ្តាច់ដោយឡែកពីភាពជោគជ័យនៃសង្គមជាតិ និងប្រទេសជាតិឡើយ ព្រោះ​យើងទាំងអស់គ្នា មានការផ្សារភ្ជាប់អនាគតរបស់ខ្លួន ទៅនឹងអនាគតរបស់ប្រទេស។ ឯកឧត្តម ក៏បានបញ្ជាក់បន្ថែមពីការយកចិត្តទុកដាក់ និងការគិតគូរខ្ពស់​របស់រាជ​រដ្ឋា​ភិបាល​កម្ពុជា ក្នុងអាណត្តិទី៧ តាមរយៈយុទ្ធសាស្ត្របញ្ចកោណដំណាក់កាលទី១ បាន​ចាត់ទុក​ធនធានមនុស្សជាអាទិភាពទី១ ដោយបានផ្តល់បរិយាកាសក្នុងការ​ពង្រីក​ឱកាសជូនយុវជន សិស្ស និស្សិត ដើម្បីអភិវឌ្ឍចំណេះដឹង និងប្រើប្រាស់សមត្ថភាព ក្នុងទិសដៅរួមតែមួយ…

ភ្នំពេញ៖ ការប្រគំតន្រ្តីសប្បុរសធម៌ Heart​ Beats នៅប្រចាំឆ្នាំ ២០២៤ នៅព្រះរាជាណាចក្រកម្ពុជាកម្ពុជា​នឹងប្រារព្ធធ្វើនៅថ្ងៃទី៨ ខែកញ្ញាខាងមុខនៅអគារ​ Factory រាជធានីភ្នំពេញ។នេះបើតាមការ ប្រកាសឱ្យដឹងនៅក្នុងសន្និសីទសារព័ត៌មានកាលពីថ្ងៃទី១២ ខែសីហា ឆ្នាំ​២០២៤ ។ ពិធីបើកសម្ពោធកម្មវិធីការប្រគំតន្ត្រីសប្បុរសធម៌​ HeartBeats ជាផ្លូវការនឹងប្រព្រឹត្តទៅក្រោមអធិបតីភាពឯកឧត្តម សំហេង បុរស រដ្ឋមន្ត្រីប្រតិភូអមនាយករដ្ឋមន្ត្រី និងមន្រ្តីជាន់ខ្ពស់ជាច្រើនរូប។អ្នករៀបចំកម្មវិធីបានបញ្ជាក់ថា វត្តមានរបស់គណៈអធិបតី​បាន​បន្ថែម​នូវ​ភាពលេចធ្លោ​ និងគុណតម្លៃនៃកម្មវិធី ហើយពិសេសជាងនេះ ទៅទៀត នេះបានបង្ហាញពីការគាំទ្រពីសំណាក់រាជ​រដ្ឋាភិបាលក្នុង​សកម្មភាព​សង្គម​មួយនេះ។ ត្រឡប់មកនិយាយអំពីការប្រគំតន្ត្រីសប្បុរសធម៌ Heart Beats ជាប្រភេទតន្រ្តីបែប រ៉ក់ (Rock) និង រ៉ូល(Roll) ដែលអាចជួយកាត់​បន្ថយភាពតានតឹង បំបាត់នូវភាពសោកសៅ និងទុក្ខកង្វល់របស់ អ្នកចូលរួម។ ទស្សនិកជន​ នឹង​ទទួល​បាន​បទពិសោធន៍​ ដែលមិន​អាច​បំភ្លេចបាន ដោយមានឱកាសផ្សារភ្ជាប់អារម្មណ៍​របស់​ពួកគេជាមួយតន្ត្រី និងទទួលបាន​មកវិញនៅក្ដីសង្ឃឹម និង​ការបំផុសគំនិត​ថ្មីៗបន្ថែម ទៀត។ តាមរយៈការប្រគំតន្ត្រីនេះមានគោលបំណងរៃអង្គាសថវិកាដើម្បីគាំទ្រដល់គំនិតផ្តួចផ្តើមនៃគម្រោង​ One Village One Libary ឬ ភូមិមួយ បណ្ណាល័យមួយ​ ដោយអង្គការ​​ International…

(ភ្នំពេញ)៖ ដំរី គឺជាថនិកសត្វ រស់នៅជាហ្វូង មានភាពវៃឆ្លាត ហើយវាមានមាឌធំជាងគេក្នុងចំណោមសត្វលើគោកដទៃ។ នៅក្នុងធម្មជាតិ សត្វដំរីដើរតួនាទីដូចជាវិស្វករនៃប្រព័ន្ធអេកូឡូស៊ី ដោយមានមាឌធំសម្បើម ពេលវាធ្វើដំណើរ សត្វដំរីត្រួសត្រាយផ្លូវក្នុងព្រៃសម្រាប់សត្វតូចៗដទៃទៀត។ ដំរីដើរតួនាទីយ៉ាងសំខាន់ក្នុងការបែកខ្ញែកគ្រាប់ពូជនៅក្នុងព្រៃ និងត្រូវការជម្រកធម្មជាតិដែលមានទំហំធំសមរម្យដើម្បីចល័ត ស្វែងរកចំណី និងរស់រានមានជីវិត។ ទីភ្នាក់ងារជំនួយអាមេរិក USAID មរតកបៃតង នៅកម្ពុជាបានឱ្យដឹងនៅថ្ងៃទី ១២ ខែ សីហា ឆ្នាំ ២០២៤នេះថាមានដំរីមួយប្រភេទដែលមានឈ្មោះថា «ដំរីអាស៊ី» ជាប្រភេទសត្វជិតផុតពូជក្នុងបញ្ជីក្រហមអង្គការសហភាពអន្តរជាតិដើម្បីការអភិរក្សធម្មជាតិ និងកំពុងរងការគំរាមកំហែងពីការបាត់បង់ទីជម្រកទូទាំងពិភពលោក។ USAID មរតកបៃតងនៅតំបន់ជួរភ្នំក្រវាញកណ្តាល USAID មរតកបៃតង ដោយមានការសហការជាមួយ អង្គការអភិរក្សអន្តរជាតិកម្ពុជា Legacy Landscapes Fund និង P&G កំពុងធ្វើការរួមគ្នាជាមួយរាជរដ្ឋាភិបាលកម្ពុជា សហគមន៍មូលដ្ឋាន និងដៃគូអភិវឌ្ឍន៍ដើម្បីការពារសត្វព្រៃរួមទាំងដំរីអាស៊ី និងជម្រករបស់វាតាមរយៈគម្រោងរេដបូក។ ទីភ្នាក់ងារជំនួយអាមេរិក USAIDចូលរួមការពារសត្វដំរីដែលនៅសេសសល់ ជាពិសេសការពារទីជម្រកដ៏សំខាន់របស់ពួកវាសម្រាប់ការរស់រានតទៅមុខទៀតនៃសត្វដ៏កម្រនេះ។ ដោយឡែកបើតាមលោក John Willis នាយកប្រចាំប្រទេសនៃ អង្គការសម្ព័ន្ធមិត្ដសត្វព្រៃ(Wildlife Alliance Cambodia)បានបញ្ជាក់ប្រាប់AMSឱ្យដឹងដែរថា៖សត្វព្រៃ និងតំបន់ទេសចរណ៍ ភ្នំក្រវាញ គឺជាជម្រករបស់សត្វដំរីអាស៊ី…

(ភ្នំពេញ)៖ ដើម្បីចូលរួមកិច្ចការពារអភិរក្សព្រៃឈើ ក៏ដូចជាការអប់រំផ្សព្វផ្សាយ និងប្រមូលអន្ទាក់នៅតាមតំបន់សហគមន៍ការពារធម្មជាតិ អង្គការជីវិតធម្មជាតិនៅកម្ពុជា(NatureLife Cambodia) បានធ្វើការបើកវគ្គបណ្តុះបណ្តាលដល់យុវជនស្ម័គ្រចិត្តសហគមន៍ និងយុវជនបែតងសរុប១៨នាក់ក្នុងចំណោមនេះក៏មានស្រ្តីចំនួន៤រូបចូលរួមផងដែរ។ អង្គការជីវិតធម្មជាតិ នៅកម្ពុជា បានឱ្យដឹងនៅថ្ងៃទី ១២ ខែ សីហា ឆ្នាំ ២០២៤នេះថា៖វគ្គបណ្តុះបណ្តាលនេះធ្វើឡើងក្នុងគោលបំណងដើម្បីផ្តល់ជំនាញមូលដ្ឋានក្នុងការល្បាតព្រៃដោយសុវត្ថភាព និងបង្កើនការយល់ដឹងពីតួនាទីខ្លួនក្នុងពេលល្បាត។ ក្រោយពីបញ្ចប់វគ្គបណ្តុះបណ្តាលនេះអ្នកស្ម័គ្រចិត្តសហគមន៍ និង យុវជនទទួលបានចំណេះដឹងថ្មីៗទាក់ទង និង ការពារខ្លួន ការសង្កេតការណ៍ និង រាយការណ៍ ការប្រើប្រាស់ផែនទី និងមានទំនុកចិត្តខ្ពស់ក្នុងការរៀបចំផែនការ និង ចូលរួមល្បាតជាមួយឧទ្យានុរក្ស និង គណកម្មការ សហគមន៍ តំបន់ការពារធម្មជាតិ នៅពេលខាងមុខ។ ប្រភពខាងលើនេះបានបញ្ជាក់បន្ថែមថាដើម្បីដោះស្រាយបញ្ហាកង្វះធនធានមនុស្សក្នុងការល្បាតព្រៃគម្រោងឥណទានកាបូនដែនជម្រកសត្វព្រៃលំផាត់ និង គាំទ្រដល់អ្នកស្ម័គ្រចិត្តសហគមន៍ និង យុវជនបៃតងឱ្យចូលរួមក្នុងការល្បាតព្រៃ ក្រុមស្ម័គ្រចិត្តសហគមន៍ និង ចូលរួមល្បាតជាមួយ ឧទ្យានុរក្ស នៅតំបន់អភិរក្ស និង តំបន់ស្នូល តួនាទីរបស់ពួកគាត់គឺកត់ត្រាជីវចម្រុះ អប់រំផ្សព្វផ្សាយ និងប្រមូលអន្ទាក់ជាដើម។ ដោយឡែក យុវជនបៃតង និង ចូលរួមល្បាតជាមួយគណកម្មការសហគមន៍តំបន់ការពារធម្មជាតិដើម្បីកត់ត្រាជីវចម្រុះ និង អប់រំផ្សព្វផ្សាយពីការប្រើប្រាស់ធនធានធម្មជាតិឱ្យមាននិរន្តរភាព។…

(បន្ទាយមានជ័យ)៖ សិក្ខាកាម ជាង២០០នាក់ រដ្ឋបាលក្រុង ស្រុក រដ្ឋបាលឃុំ សង្កាត់ អធិការដ្ឋាននគរបាលក្រុង ស្រុក ប៉ុស្តិ៍នគរបាលឃុំ សង្កាត់ កងរាជ អាវុធ ហត្ថក្រុងស្រុក និងមន្ត្រីពាក់ព័ន្ធ បានចូលរួម បើកវគ្គបណ្តុះ បណ្តាល និងផ្សព្វ ផ្សាយ វិជ្ជាជីវះមេធាវីអំពីច្បាប់ មូលដ្ឋាន ក្នុងវិស័យព្រហ្មទ័ណ្ឌ និងរដ្ឋប្បវេណី ក្នុងសាល ប្រជុំសាលាខេត្ត នៅល្ងាចថ្ងៃទី ៨ ខែសីហា ឆ្នាំ២០២៤ វគ្គបណ្តុះ បណ្តាលនេះមាន ការ ចូលរួម លោក លី សុវណ្ណា រិទ្ធ អភិបាលរងខេត្តបន្ទាយមានជ័យ លោក យូ លីបហួត តំណាង លោក លី ច័ន្ទ តុលា ប្រធានគណៈមេធាវី នៃព្រះរាជាណាចក្រ កម្ពុជា លោកស្រេងសុផល អភិបាលក្រុងសិរីសោភ័ណ។ លោក យូ លីបហួត បានមានប្រសាសន៍…

(ខេត្តបន្ទាយមានជ័យ)៖ សារធាតុស្លឹកកា្រធំ ប៉ះពាល់យ៉ាងធ្ងន់ធ្ងរដល់សុខភាពត្រូវបានគេយកមកផលិតបំលែងជាភេសជ្ជៈមួយចំនួនដែល ប្រឈមហានិភ័យខ្ពស់ដល់អ្នកប្រើប្រាស់វា ។ អាជ្ញាធរ និងកម្លាំងសមត្ថកិច្ចនៅខេត្តបន្ទាយមានជ័យបានធ្វើការបង្ក្រាបទប់ស្កាត់ និងបានផ្សព្វផ្សាយដល់ប្រជាពលរដ្ឋ ពិសេស សិស្សានុសិស្ស និងយុវវ័យមិនត្រូវផឹកឬ ប្រើប្រាស់ភេសជ្ជៈដែលចម្រាញ់ចេញពីស្លឹកកា្រធំ ។ នេះបើតាមការឲ្យដឹងពីអ្នកនាំពាក្យសាលាខេត្តបន្ទាយមានជ័យ ក្រោយពិធីផ្សព្វផ្សាយពីសុខភាពអ្នកសិក្សា នៅមន្ទីរអប់រំខេត្តកាលពីថ្ងៃទី៨ខែកក្កដាឆ្នាំ២០២៤ ។ លោក ណងវុទ្ធី នាយករដ្ឋបាលសាលាខេត្តបន្ទាយមានជ័យ អ្នកនាំពាក្យសាលាខេត្ត បានបង្ហាញនូវឯកសាររូបភាពស្លឹកកា្រធំស្រដៀងស្លឹកថ្កូវ និងមួយទៀតស្រដៀងស្លឹកខ្ទុំ គ្រាន់តែស្លឹកវាធំហើយមានទងវែង។ ដើមក្រាធំកម្រមាននៅក្នុងស្រុកយើង ភាគច្រើនគេទិញស្លឹកនេះពីប្រទេសថៃ។លោកនាយករដ្ឋបាលសាលាខេត្តបន្ទាយមានជ័យ បានបញ្ជាក់បន្ថែមជុំវិញផលិតផលសម្រេចជាទឹកភេសជ្ជៈដែលត្រូវបានគេចម្រាញ់ពីស្លឹកកា្រធំ ឬកាធំនេះ វានាំឲ្យប៉ះពាល់សុខភាពអ្នកផឹក ក្នុងនោះមានយុវជន កម្មករហើយក្នុងពេលថ្មីៗនេះវាបាន រាលដាលទៅដល់សិស្សានុសិស្ស ។ បើតាមគ្រូពេទ្យផ្នែកគាំពារសុខមាលភាពនិងអាហាររូបត្ថម្ភដូចគ្នាលោក វីរៈសេនីយ៍ទោ ស្រី សារ៉ុមនាយការិយាល័យ ប្រឆាំងគ្រឿងញៀន នៃស្នងការរដ្ឋាននគរបាលខេត្តបន្ទាយមានជ័យ បានបញ្ជាក់ថា បើទោះជាស្លឹកកាធំនេះមិនមានចែងក្នុងច្បាប់គ្រឿងញៀនប៉ុន្តែសារធាតុស្លឹកកាធំវាមានជាតិញៀនមួយដូចសារធាតុញៀនមួយចំនួននិងបង្ករផលប៉ះពាល់ធ្ងន់ធ្ងរដល់សុខភាពអ្នកប្រើប្រាស់វា ហើយបញ្ហាស្លឹកកាធំច្រើនផ្ទុះឡើងនៅបណ្ដាក្រុងស្រុកតាមព្រំដែនកម្ពុជាថៃយើងរួមគ្នាទប់ស្កាត់វា កុំឲ្យរាលដាលទូទាំងប្រទេសដូច្នេះបានជាប្រមុខថ្នាក់ដឹកនាំរាជរដ្ឋាភិបាលយកចិត្តទុកដាក់ដាក់ចេញវិធានការផ្សព្វផ្សាយកុំឲ្យមានការប្រើប្រាស់និងទប់ស្កាត់បង្ក្រាបការលួចផលិតយកសារធាតុចេញពីស្លឹកកាធំធ្វើជាភេសជ្ជៈឬផលិតផលសម្រេចផ្សេងៗទៀតដោយអនុវត្តពីអាជ្ញាធរជាតិប្រយុទ្ធប្រឆាំងគ្រឿងញៀនក៏ដូចជាកម្លាំងសមត្ថកិច្ចនិងអាជ្ញាធរមូលដ្ឋាន ។ ឯកឧត្តម អ៊ុ រាត្រី អភិបាលខេត្តបន្ទាយមានជ័យ ប្រធានគណៈបញ្ជាការឯកភាពរដ្ឋបាលខេត្ត បានជំរុញដល់កន្លែងមានសមត្ថកិច្ច និងអាជ្ញាធរក្រុងស្រុកពិសេសនៅតាមតំបន់ព្រំដែនបន្តធ្វើការទប់ស្កាត់ឲ្យខាងតែបាននូវសកម្មភាពការលួចនាំចូលក៏ដូចជាការចម្រាញ់ ធ្វើជាភេសជ្ជៈ ពីស្លឹកកា្រធំ និងធ្វើការផ្សព្វផ្សាយឲ្យបានទូលំទូលាយដល់សាលាររៀន វត្តអារាមនិង…

កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម និង​ឯកឧត្តម ខ្លូត ផន ប្រធានក្រុមប្រឹក្សាខេត្ត កាលពីព្រឹកថ្ងៃទី៧ ខែសីហា​ឆ្នាំ​២០២៤​និងមន្រ្តីពាក់ព័ន្ធបានអញ្ជើញចុះពិនិត្យវឌ្ឍនភាពសាងសង់ បញ្ជរលក់សំបុត្រសម្រាប់ភ្ញៀវទេសចរអន្តរជាតិ ចូលទស្សនាប្រាសាទ​នគរបាជ័យ ខណៈការដ្ឋាននេះសម្រេចការសាងសង់បានជាង ៨០ភាគរយហើយ។ ប្រាសាទនគរបាជ័យ គឺជារមណីយដ្ឋានទេសចរ​ណ៍​វប្បធម៌​ប្រវត្តិសាស្រ្ដ​មួយ ដែលមានទីតាំងស្ថិតនៅក្នុងឃុំអំពិល ស្រុកកំពង់សៀម ខេត្តកំពង់ចាម។ បើចេញពីរាជធានីភ្នំពេញ អ្នកត្រូវធ្វើដំណើរតាម​ផ្លូវជាតិ​លេខ ៦ រួច​បន្ត​ទៅផ្លូវ​ជាតិ​លេខ ៧ ត្រង់ទីប្រជុំជនស្គន់ ក្នុង​ចម្ងាយ​​ប្រមាណជាង ១១០គីឡូម៉ែត្រ។ ប្រាសាទនគរបាជ័យ ជាប្រាសាទបុរាណមួយដែលបានកសាងឡើងពីថ្ម​បាយក្រៀម និងថ្មភក់ នៅ ចុងសតវត្សទី១២ ដោយព្រះ​បាទជ័យវរ្ម័នទី៧ ដើម្បីឧទ្ទិសដល់ព្រះពុទ្ធសាសនាមហាយាន។ ប្រាសាទនេះមានរចនាប័ទ្មបាយ័ន កសាងបែរទៅទិសខាងកើត រាងជាចតុកោណកែង និងមានកំពែង៣ជាន់ ព្រមទាំងមានគោបុរៈ ឬខ្លោងទ្វារគ្រប់ទិសធំទាំងបួន។ នៅកំពែងទី១ នៃប្រាសាទនេះ បាក់បែក និងស្រុតអស់ជាច្រើនកន្លែង ឯកំពែងជាន់ទី២ និងកំពែង​ជាន់ទី៣ នៅរក្សារូបរាងគួរសម។ ក្នុងបរិវេណកំពែងទី២ គេឃើញមានស្រះទឹកតូចៗចំនួន២ និងតួប្រាសាទ​ស្ថិតក្នុងកំពែងទី៣។ នៅផ្នែកតួប្រាសាទនេះ មានទម្រង់ជាចេតិយសាងសង់ពីថ្មភក់។ រីឯតាមហោជាង និងជញ្ជាំង…

(ភ្នំពេញ)៖ លោកជំទាវបណ្ឌិត ពេជ ចន្ទមុន្នី បានគូសបញ្ជាក់ថា ភារកិច្ចចម្បងរបស់សិល្បករ សិល្បការិនី គឺជាអ្នកនាំសារអប់រំ ជាអ្នកជួយលើកតម្កើងតម្លៃស្រ្តី និងជាអ្នកជួយដល់ការងារ មនុស្សធម៌នៅក្នុងសង្គមកម្ពុជា ដែលនេះជាការរួមចំណែកដ៏សំខាន់ ជាមួយរាជរដ្ឋាភិបាល ។ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានបញ្ជាក់ដូច្នេះ ក្នុងឱកាសអនុញ្ញាតឱ្យសមាគមសិល្បករខ្មែរ ដឹកនាំដោយលោកជំទាវអ្នកឧកញ៉ា ម៉ៅ ចំណាន ចូលជួបសំណេះសំណាល និងសម្ដែងការគួរសម នាថ្ងៃទី ៦ ខែសីហា ឆ្នាំ២០២៤ ដោយមានការចូលរួមពីសមាជិក សមាជិកា សិល្បករ សិល្បការិនី ក្នុងវិស័យសិល្បៈគ្រប់ទម្រង់ជាច្រើនរូប ព្រមទាំងតំណាងសមាគមកាយប្ញទ្ធិនារីកម្ពុជា និងសមាគមក្រុមគ្រូពេទ្យស្ម័គ្រចិត្តយុវជនសម្ដេចតេជោ ហ៊ុន សែន (TYDA) ។ លោកជំទាវបណ្ឌិត បានកោតសរសើរដល់សមាគមសិល្បករខ្មែរ ដែលបានចូលរួមថែរក្សា អភិរក្ស និងអភិវឌ្ឍវិស័យសិល្បៈខ្មែរ ព្រមទាំងបានជួយដល់សិល្បករ សិល្បការិនី ដែលមានវ័យចំណាស់ និងមានជីវភាពខ្វះខាត ហើយមានផែនការច្បាស់លាស់ក្នុងការជួយពង្រឹងវិស័យសិល្បៈខ្មែរឱ្យមានភាពរីកចម្រើនថែមទៀត ។ លោកជំទាវបណ្ឌិត ក៏បានលើកទ្បើងផងដែរថា ភារកិច្ចចម្បងរបស់សិល្បករ…

(ភ្នំពេញ)៖ ឯកឧត្តម ពឹង គិមឆេន អនុរដ្ឋលេខាធិការក្រសួងអប់រំ យុវជន និងកីឡា បានថ្លែងថា ក្រសួងអប់រំ កំពុងពង្រឹងការគិតរបស់កុមារតាំងតូចៗ តាមរយៈការជំរុញ និងផ្ដល់ឱកាសដល់ពួកគេ បានចូលរួមប្រឡងនានា ទាំងនៅថ្នាក់ជាតិ ថ្នាក់តំបន់ និងអន្តរជាតិ ។ ក្នុងកម្មវិធីបើកការប្រឡងថ្នាក់ជាតិកម្មវិធីUCMAS លើកទី៦ មានកុមារចូលរួមប្រមាណជាង ១ពាន់នាក់ នៅថ្ងៃទី៤ ខែសីហា ឆ្នាំ២០២៤ ឯកឧត្តម ពឹង គិមឆេន មានប្រសាសន៍ថា ការបណ្ដុះការគិតរបស់កុមារតាំងពីនៅតូច គឺពិតជាមានសារសំខាន់ខ្លាំងណាស់ ពិសេសលើមុខវិជ្ជាគណិតវិទ្យា ទន្ទឹងនឹងភាសាខ្មែរ ដូចនេះកុមារកម្ពុជា ត្រូវខិតខំព្យាយាមរៀនសូត្រ ។ ឯកឧត្តម បានបន្តថា ចំពោះកុមារ ឬយុវជន ដែលមានភាពឆ្លាតវៃ ក៏ត្រូវបានលើកទឹកចិត្តជាបន្តបន្ទាប់ គឺបានផ្ដល់ឱកាស ឲ្យមានការចូលរួមប្រកួតប្រជែងមុខវិជ្ជាផ្សេងៗ នៅថ្នាក់អន្តរជាតិ ហើយរហូតទទួលបាននូវលទ្ធផលល្អ និងបានឈ្នះពាន់រង្វាន់ផងដែរ ។ ជាមួយនេះ ឯកឧត្តមអនុរដ្ឋលេខាធិការ បានជំរុញបន្ថែមដល់សាលាឯកជន ដែលក្នុងនោះមានសាលា UCMAS ជាដើម បន្តចូលរួមជាមួយរាជរដ្ឋាភិបាល ក្នុងការបណ្ដុះធនធានមនុស្សតាំងពីកុមារតូចនេះ…