ទីក្រុងបាងកក ថ្ងៃទី១៨ ខែកក្កដា ឆ្នាំ២០២៤៖ ដោយទទួលបានគោលការណ៍អនុញ្ញាតពី  រាជរដ្ឋាភិបាល ឯកឧត្តម សុខ សូកេន រដ្ឋមន្រ្តីក្រសួងទេសចរណ៍ បានដឹកនាំគណៈប្រតិភូក្រសួងទេសចរណ៍ និងវិស័យឯកជនកម្ពុជា ចូលរួមកិច្ចប្រជុំថ្នាក់រដ្ឋមន្រ្តីទេសចរណ៍ទ្វេភាគីកម្ពុជា-ថៃ លើកទី៣។         កិច្ចប្រជុំនេះ ត្រូវបានរៀបចំឡើងស្របតាមស្មារតីនៃអនុស្សរណៈយោគយល់គ្នា ស្តីពីកិច្ចសហប្រតិបត្តិការកម្ពុជា-ថៃ ដែលបានចុះហត្ថលេខាកាលពីឆ្នាំ២០១៤ និងបានប្រព្រឹត្តទៅក្រោមការដឹកនាំដោយសហប្រធានទាំងពីរគឺ ឯកឧត្តម សុខ សូកេន រដ្ឋមន្រ្តីក្រសួងទេសចរណ៍នៃព្រះរាជាណាចក្រកម្ពុជា និង ឯកឧត្តម Sermsak Pongpanit រដ្ឋមន្រ្តីក្រសួងទេសចរណ៍ និងកីឡានៃព្រះរាជាណាចក្រថៃ។ អង្គប្រជុំបានពិនិត្យលើវឌ្ឍនភាពនៃការអនុវត្តផែនការសកម្មភាពរួម ស្តីពីកិច្ចសហប្រតិបត្តិការទេសចរណ៍កម្ពុជា-ថៃ ២០២៣-២០២៥ និងការធ្វើបច្ចុប្បន្នភាពលើសកម្មភាពរួមមួយចំនួន ដោយ ផ្តោតលើកិច្ចសហប្រតិបត្តិការសំខាន់ៗ ចំនួន០៥ រួមមាន៖១) ការសម្រួលការធ្វើដំណើរ និងឆ្លងកាត់ព្រំដែន ដោយភាគីទាំងពីរបានឯកភាពបន្តសម្របសម្រួលការធ្វើដំណើរឆ្លងកាត់ព្រំដែនជូនទេសចរនៃប្រទេសទាំងពីរ និងទេសចរមកពីប្រទេសទីបី។២) យុទ្ធនាការផ្សព្វផ្សាយទីផ្សារទេសចរណ៍រួមគ្នា“ព្រះរាជាណាចក្រពីរ គោលដៅមួយ” ដោយភាគីទាំងពីរបានពិភាក្សាលើការផ្សព្វផ្សាយរួមគ្នា ការរៀបចំដំណើរទស្សនកិច្ចស្វែងយល់ (Familiarization Trip) ការរៀបចំព្រឹត្តិការណ៍ទេសចរណ៍រួមគ្នា និងការជំរុញការចូលរួមក្នុងព្រឹតិ្តការណ៍ទេសចរណ៍ដែលរៀបចំដោយប្រទេសនីមួយៗ។៣) ការអភិវឌ្ឍធនធានមនុស្ស ដោយភាគីទាំងពីរបានពិភាក្សាលើការជំរុញការអនុវត្តកិច្ចព្រមព្រៀងទទួលស្គាល់អ្នកជំនាញទេសចរណ៍អាស៊ាន…

(ភ្នំពេញ)៖ នៅក្នុងពិព័រណ៍ផ្សព្វផ្សាយ និងចែកកូនឈើ «ពន្លកបៃតង» រយៈពេល ៣ថ្ងៃ ដើម្បីបណ្ដុះគំនិតប្រជាពលរដ្ឋឱ្យស្រឡាញ់ដើមឈើ ស្រឡាញ់ភាពបៃតង និងស្រឡាញ់បរិស្ថាន ក្នុងនោះអង្គការសម្ពន្ធ័មិត្តសត្វព្រៃ WA បានចែកគ្រាប់ពូជ ឈើប្រណិតចំនួន ៧ មុខ និងកូនឈើប្រមាណជា ២០០០ដើម ជូនដល់អ្នកចូលរួមជិត ៣០០នាក់ នេះបើតាម លោក អាន ណុច ប្រធានសមាគមកសិកម្មសុវណ្ណាបៃតង និងជាបុគ្គលិកគម្រោងស្តារព្រៃឈើឡើងវិញរបស់អង្គការសម្ព័ន្ធមិត្តសត្វព្រៃ WA បានបញ្ជាក់ថា ប្រាប់ទូរទស្សន៍អប្សរា ។ ប្រភេទឈើ និងគ្រាប់ពូជ បានបែងចែកជូនដល់អ្នកមកចូលរួម នាឱកាសនោះ មានប្រភេទឈើ នាងនួន ក្រញ៉ូង បេង ធ្នុង ឈើទាល ស្រ្តាវ និងកោងកាងភ្នំ ជាដើម ។ លោក បញ្ជាក់ថា រយៈពេល ១០ឆ្នាំមកហើយ គម្រោងរបស់អង្គការសម្ព័ន្ធមិត្តសត្វព្រៃ បានចូលរួមដាំ ស្តារព្រៃឈើឡើងវិញ ជាច្រើនកន្លែង នៅតាមតំបន់ជួរភ្នំក្រវាញខាងត្បូង និងតាមបណ្តោយផ្លូវជាតិល៤៨ ក្នុងខេត្តកោះកុងផងដែរ។ អង្គការសម្ព័ន្ធមិត្តសត្វព្រៃមាន…

(ភ្នំពេញ)៖ ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច នាថ្ងៃទី១៧ ខែកក្កដា ឆ្នាំ២០២៤ បានអញ្ជើញជាវាគ្មិនកិត្តិយស ក្នុងកម្មវិធីបាឋកថា ស្តីពី «វិស័យអធិការកិច្ច ការពង្រឹងគុណភាពស្ថាប័ន និងការលើកកម្ពស់អភិបាលកិច្ច» ជូនកម្មសិក្សាការីវគ្គវិក្រឹតការមន្រ្តីជាន់ខ្ពស់ មន្រ្តីគ្រប់គ្រងរដ្ឋបាល និងមន្រ្តីមធ្យម ឆ្នាំ២០២៤ នៃសាលាភូមិន្ទរដ្ឋបាល ។ គោលបំណងសំខាន់នៃការរៀបចំបាឋកថានាថ្ងៃនេះ គឺ៖ ទី១.ដើម្បីផ្តល់ឱកាសដល់កម្មសិក្សាការី បានជួបប្រាស្រ័យទាក់ទង និងទទួលការណែនាំដោយផ្ទាល់ពី ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច និងទី២.គឺជាឱកាសដ៏មានតម្លៃសម្រាប់កម្មសិក្សាការី ដើម្បីទទួលបាននូវការចែករំលែកនូវចំណេះដឹង និងបទពិសោធការងារដ៏សម្បូរបែបលើវិស័យអធិការកិច្ចពី ឯកឧត្តមរដ្ឋមន្រ្តី ផងដែរ។ ឯកឧត្តមរដ្ឋមន្ត្រី បានជម្រាបជូនអង្គពិធី អំពីសាវតារក្រសួងអធិការកិច្ច ដែលជាស្ថាប័នត្រួតពិនិត្យដ៏មានសារៈសំខាន់នៅគ្រប់ដំណាក់កាលតាំងពីសម័យសង្គមរាស្ត្រនិយម រហូតមកដល់បច្ចុប្បន្ន។ សមត្ថកិច្ចរបស់ក្រសួងក្នុងការធ្វើអធិការកិច្ចលើគ្រប់វិស័យនៃព្រះរាជាណាចក្រកម្ពុជា ចក្ខុវិស័យរបស់ក្រសួងចំនួន៤ បេសកកម្មចម្បងរបស់ក្រសួងលើការងារអធិការកិច្ច, ការងារទទួល អង្កេតស្រាវជ្រាវ និងដោះស្រាយបណ្តឹង, ការងារតាមដានការអនុវត្តច្បាប់ និងការងារអប់រំផ្សព្វផ្សាយច្បាប់, (៤) លទ្ធផលការងាររបស់ក្រសួងសម្រេចបាននាពេលកន្លងមកដែលចូលរួមចំណែកក្នុងការពង្រឹងគុណភាពស្ថាប័ន ពង្រឹងអភិបាលកិច្ចល្អ និងភាពស្អាតស្អំនៅក្នុងរដ្ឋបាលសាធារណៈ, (៥) ទិសដៅការងារអាទិភាពបន្តរបស់ក្រសួង ដើម្បីចូលរួមជាមួយរាជរដ្ឋាភិបាលក្នុងការអនុវត្តកម្មវិធីនយោបាយ និងយុទ្ធសាស្ត្របញ្ចកោណ-ដំណាក់កាលទី១…

(ភ្នំពេញ)៖ ពលរដ្ឋកម្ពុជា ចាប់ពីបុគ្គលម្នាក់ៗឡើងទៅ ត្រូវចូលរួមផ្សព្វផ្សាយសារអប់រំសុខភាព ជាពិសេសបុគ្គលខ្លួនផ្ទាល់ ដើម្បីសហគមន៍មានសុខភាពល្អ និងចូលរួមរក្សាការពារបរិស្ថានរាប់ពីការទុកដាក់សំរាម, ការកាត់បន្ថយប្រើប្រាស់ប្លាស្ទិក, ការរក្សាបរិស្ថាន បៃតង ដោយការដាំដើមឈើ ទោះតិចក្តី ច្រើនក្តី ។ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងជាអនុប្រធានក្រុមការងារឥស្សរជនឆ្នើមថ្នាក់ជាតិ បានលើកឡើងបែបនេះ ក្នុងពិធីអប់រំផ្សព្វផ្សាយ ស្តីពីការលើកកម្ពស់ការយល់ដឹងអំពី ភាពជាអ្នកដឹកនាំសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឥស្សរជនឆ្នើមថ្នាក់ជាតិ ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ ដល់និស្សិតនៃសាកលវិទ្យាល័យវិទ្យាសាស្រ្តសុខាភិបាលប្រមាណ ២៥០នាក់ ។ លោកសាស្រ្តចារ្យជំនួយ អៀង រ័ត្នមុនី សាកលវិទ្យាធិការរង បានឲ្យដឹងថា ដើម្បីចូលរួមចំណែកក្នុងសកម្មភាពអាទិភាពទាំង២ គឺគ្រប់គ្រងគ្រោះមហន្តរាយវិបត្តិភ័យ និងការប្រែប្រួលអាកាសធាតុ និងអាទិភាពសុខភាព និងការថែទាំសុខភាពក្នុងសហគមន៍ របស់កាកបាទក្រហមកម្ពុជា កន្លងមកសាកលវិទ្យាល័យតែងតែបានសហការយ៉ាងជិតស្និទជាមួយទីស្នាក់ការកណ្តាលកាកបាទក្រហមកម្ពុជា ។ លោកជំទាវ ពុំ ចន្ទីនី មានប្រសាសន៍ថា៖ ដើម្បីមានសុខភាពល្អ ក្មួយៗនឹងបានស្តាប់អ្នកបច្ចេកទេសបង្ហាញ ។ យុវជនគ្រប់រូបចូលរួមសកម្មភាពដើម្បីភាពធន់នឹងអាកាសធាតុ, យល់ដឹងពីផលប៉ះពាល់បណ្តាលមកពីការប្រែប្រួលនៃអាកាសធាតុ, ធ្វើសកម្មភាពនានា…

(ភ្នំពេញ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ ក្នុងភាពជាអ្នកដឹកនាំ តែងតែអំពាវនាវ លើកទឹកចិត្តឱ្យស្ត្រីដែលមានផ្ទៃពោះ យ៉ាងហោចណាស់ទៅពិនិត្យផ្ទៃពោះឱ្យបាន ៤ដង មុនការសម្រាល ដើម្បីពិនិត្យមើលមេរោគអេដស៍ មេរោគស្វាយ មេរោគថ្លើម និងប្រើឱសថបង្ការការចម្លងមេរោគអេដស៍ពីម្តាយទៅកូន។ នេះគឺជាអនុសាសន៍មួយចំនួនរបស់ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងជាអនុប្រធានក្រុមការងារឥស្សរជនឆ្នើមថ្នាក់ជាតិ ក្នុងពិធីផ្សព្វផ្សាយស្តីពីការលើកកម្ពស់ការយល់ដឹងអំពី ភាពជាអ្នកដឹកនាំសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឥស្សរជនឆ្នើមថ្នាក់ជាតិដើម្បីសហគមន៍មានសុខភាពល្អ និង មានភាពធន់នឹងអាកាសធាតុ ដល់និស្សិតសាកលវិទ្យាល័យធនធានមនុស្សប្រមាណ ២៥០នាក់ នាថ្ងៃទី ១៦ ខែកក្កដា ឆ្នាំ២០២៤ ។ លោក ឈុន ណុច សាកលវិទ្យាធិការងនៃសាកវិទ្យាល័យធនធានមនុស្ស បានថ្លែងអំណរគុណចំពោះក្រុមការងារឥស្សរជនឆ្នើមថ្នាក់ជាតិ ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាឥស្សរជនឆ្នើមថ្នាក់ជាតិ ដែលបានចុះមកផ្សព្វផ្សាយការរីករាលដាលមេរោគអេដស៍និងជំងឺអេដស៍ ការថែរក្សាសុខភាព មាតានិងទារក និងភាពធននឹងអាកាសធាតុជូនដល់និស្សិតនៃសាកលវិទ្យាល័យធនធានមនុស្សនាពេលនេះ។ លោកជំទាវ ពុំ ចន្ទីនី…

(ភ្នំពេញ)៖ ធនាគារជាតិនៃកម្ពុជា និងស្ថាប័នពាក់ព័ន្ធ រួមជាមួយដៃគូអភិវឌ្ឍ បាននិងកំពុងយកចិត្តទុកដាក់ បញ្ជ្រាបចំណេះដឹងផ្នែកហិរញ្ញវត្ថុ និងលើកកម្ពស់ការប្រើប្រាស់ សេវាហិរញ្ញវត្ថុប្រកបដោយការប្រុងប្រយ័ត្ន និងការទទួលខុសត្រូវ សម្រាប់ប្រជាពលរដ្ឋគ្រប់រូប ជាពិសេស កុមារ ស្រ្តី និងប្រជាពលរដ្ឋនៅតាមតំបន់មូលដ្ឋាន។ នេះជាការគូសបញ្ជាក់របស់ ឯកឧត្តម រ័ត្ន សុវណ្ណនរៈ ទេសាភិបាលរងធនាគារជាតិនៃកម្ពុជា ថ្លែងនៅក្នុងសិក្ខាសាលា ផ្សព្វផ្សាយស្ដីពី “វិស័យ មីក្រូហិរញ្ញវត្ថុនៅកម្ពុជា” នៅខេត្តរតនគីរី នាព្រឹកថ្ងៃទី១៦ ខែកក្កដា ឆ្នាំ២០២៤ ។ ឯកឧត្តម រ័ត្ន សុវណ្ណនរៈ បានថ្លែថា ជាច្រើនទស្សវត្សរ៍កន្លងទៅ វិស័យមីក្រូហិរញ្ញវត្ថុនៅកម្ពុជា បានបង្ហាញពីការវិវត្ត និងរីកចម្រើនយ៉ាងខ្លាំង ហើយបាននិងកំពុងដើរតួនាទីយ៉ាងសំខាន់ ក្នុងការរួមចំណែកអភិវឌ្ឍសេដ្ឋកិច្ច និងសង្គមកម្ពុជា ជំរុញកម្រិតបរិយាបន្នហិរញ្ញវត្ថុ កាត់បន្ថយវិសមភាព ក្នុងការទទួលបានសេវាហិរញ្ញវត្ថុ និងកាត់បន្ថយភាពក្រីក្ររបស់ ប្រជាពលរដ្ឋនៅតាមតំបន់មូលដ្ឋាន។ វិស័យនេះ បានបន្តពង្រីកវិសាលភាពប្រតិបត្តិការរបស់ខ្លួនប្រកបដោយនិរន្តរភាព និងទំនុកចិត្ត ព្រមទាំងបានបន្តអភិវឌ្ឍសេវាហិរញ្ញវត្ថុថ្មីៗ ដើម្បីបំពេញតម្រូវការហិរញ្ញវត្ថុប្រកបដោយប្រសិទ្ធភាព មានកិច្ចការពារ និងបរិយាបន្ន។ ឯកឧត្តមបន្តថា ទោះបីយ៉ាងណាក្តី វិស័យនេះ ក៏កំពុងទទួលរង…

កំពង់ធំ៖សមាគមក្រុមគ្រូពេទ្យស្ម័គ្រចិត្តកូរ៉េមានកម្មវិធី​ពិនិត្យនិងព្យាបាលជំងឺដោយឥតគិតថ្លៃជូនប្រជាពលរដ្ឋខ្មែរ​នៅមន្ទីរពេទ្យខេត្ត​កំពង់​ធំរយៈពេលបីថ្ងៃទី​២៦-២៧-២៨​ ខែកក្កដា ឆ្នាំ២០២៤​ខាងមុខនេះ។ ក្នុងនាមជាម្ចាស់ផ្ទះកាលពីព្រឹកថ្ងៃទី១២ ខែកក្កដា លោក​ ងួន​ រាសី​ អភិបាលរងខេត្តកំពង់ធំបានដឹកនាំកិច្ចប្រជុំមួយដើម្បី​រៀបចំកម្មវិធីនេះឱ្យប្រព្រឹត្តទៅដោយរលូន ដោយមានការចូល​រួមពី​ មន្ទីរ​ អង្គភាពពាក់ព័ន្ធ​  និងចៅសង្កាត់ទាំងប្រាំបី​។ កិច្ចប្រជុំបានផ្តោតទៅលើការរៀបចំមួយចំនួនមានដូចជា ការបែងចែកសង្កាត់​ និងចំនួនអ្នកចូលរួមព្យាបាល​ក្នុងថ្ងៃ​ព្យាបាលនីមួយៗ,,​ការរៀបចំសន្តិសុខ​ និងសណ្តាប់ធ្នាប់ក្នុង​កម្មវិធី,ការរៀបចំបច្ចេកទេសបន្ថែមត្រៀមទទួលនូវលំហូរ​ប្រជាពលរដ្ឋដែល​មកពិនិត្យ​ព្យាបាល​ ,ត្រៀមកងកម្លាំង​ដើម្បីជួយសម្រួលទាំងខាងក្នុង​  និងខាងក្រៅ,ក្រុមយុវជន​នសហភាពសហព័ន្ធយុវជនកម្ពុជា​ ត្រៀមជួយ​សម្រួលដល់​ប្រជាពលរដ្ឋក្នុងការមកពិនិត្យនិងព្យាបាល។ចំណែកមន្ទីរព័ត៌មាន​មានតួនាទីជួយផ្សព្វផ្សាយបន្ថែមដល់​ប្រជាពលរដ្ឋ​ដើម្បីឱ្យពួកគាត់បានដឹងពីកម្មវិធីពិនិត្យនិង​ព្យាបាលដោយឥតគិតថ្លៃនេះ៕ ដោយ៖​ប៊ុន​រដ្ឋា

(ភ្នំពេញ)៖ ប្រភេទសត្វរងគ្រោះថ្នាក់ជិតផុតពូជបំផុតមួយប្រភេទនោះ គឺអណ្តើកក្អែក ត្រូវបានក្រុមអ្នកជំនាញធ្វើការបង្កាត់ពូជនៅក្នុងមជ្ឈមណ្ឌលអង្គរសម្រាប់ការអភិរក្សជីវៈចម្រុះ Angkor Centre for Conservation of Biodiversity (ACCB )ហើយវាបានញាស់គួរឱ្យក្តីរំភើបមួយកាលពីថ្មីៗបំផុតមកនេះ ។ បើយោងតាម មជ្ឈមណ្ឌលអង្គរសម្រាប់ការអភិរក្សជីវៈចម្រុះនៅថ្ងៃទី០៩ ខែកក្កដា ឆ្នាំ២០២៤ បានឱ្យដឹងថា អណ្តើកក្អែក ជាប្រភេទរងគ្រោះថ្នាក់ជិតផុតពូជ ដែលមានដើមកំណើតនៅតែក្នុងតំបន់អាស៊ីអាគ្នេយ៍ប៉ុណ្ណោះ ពួកវាកំពុងប្រឈមនឹងការគំរាមកំហែងមួយចំនួន រួមមានការធ្វើទោហនកម្មសត្វព្រៃ (ការជួញដូរ) សម្រាប់ការប្រើប្រាស់ជាលក្ខណៈជាតិ និងអន្តរជាតិ ការជួញដូរនិងការបាត់បង់ទីជម្រក។ អណ្តើកក្អែក ជា ឧរង្គសត្វពណ៌ខ្មៅសុទ្ធ និងមានស្នាមអុចពពាលពណ៌សមួយចំនួននៅលើផ្ទៃមុខរបស់ពួកវា ហើយត្រូវបានគេស្គាល់ថា Smiling Terrapin ដោយទម្រង់មាត់រាងកោងឡើងលើរបស់ពួកវា។ មេបារបស់កូនអណ្តើកនេះត្រូវបានសង្គ្រោះពីការលក់ដូរដោយខុសច្បាប់នៅតាមចិញ្ចើមថ្នល់ ។ តាមរយៈនៃការជោគជ័យនៃការបង្កាត់កូនអណ្តើតក្អែកនេះដែរមជ្ឈមណ្ឌលអង្គរសម្រាប់ការអភិរក្សជីវៈចម្រុះ បានឱ្យដឹងថា ៖ វាជាការជោគជ័យក្នុងការបង្កើតនូវចំនួនប្រជាសាស្ត្រ ដែលធានាឱ្យបានសម្រាប់អណ្តើកប្រភេទនេះនៅកម្ពុជា ។ អណ្តើកក្អែកញីពងបានតែមួយ ជួនកាលពីរក្នុងពេលតែមួយ ប៉ុន្តែអាចពងបានដល់ទៅបី ឬបួនដងក្នុងមួយរដូវ ។ គួរបញ្ជាក់ថាអណ្តើកចំនួន ១០ប្រភេទនៅកម្ពុជា ដែលកំពុងរងការគំរាមកំហែង ប្រឈមនឹងការផុតពូជមានដូចជា ៖ អណ្តើកហ្លួង ឬ…

កំពង់ឆ្នាំង៖កាលពីព្រឹក និងរសៀលថ្ងៃទី៨ ខែកក្កដាឆ្នាំ ២០២៤ វិទ្យាល័យចំនួនពីរនៅស្រុករលាប្អៀរ និង ក្រុង​កំពង់ឆ្នាំង ដែលមាន​សិស្សប្រមាណជាង៥០០នាក់ បានទទួល​ការអប់រំ ផ្សព្វផ្សាយផលប៉ះពាល់ពីជំងឺផ្ដាសាយបក្សី ដែល​រៀបចំឡើងដោយក្រសួង កសិកម្ម រុក្ខាប្រមាញ់ និងនេសាទ និងក្រសួងសុខាភិបាល ដោយមានការឧបត្ថម្ភពីអង្គការ​ជាដៃគូ។ លោកស្រីបណ្ឌិត រ៉េន ធារី នាយករងវិទ្យាស្ថានស្រាវជ្រាវ សុខភាពសត្វ និងផលិតកម្មសត្វ មានប្រសាសន៍ថា មូលហេតុដែលនាំឱ្យ​មានវេទិការនេះឡើងដោយសារនៅចុងឆ្នាំ ២០២៣នេះជំងឺផ្ដាសាយបក្សីហាកបានងើបឡើងវិញ  បន្ទាប់ពីបានស្ងប់ស្ងាត់មួយរយៈធំ ។ការផ្សព្វផ្សាយថ្ងៃនេះ​ដើម្បីឱ្យ​សិស្សានុសិស្ស ប្រជាពលរដ្ឋ បានយល់កាន់តែច្បាស់​ពីជំងឺ​ផ្តាសាយបក្សី និងវិធានការបង្ការជំងឺ​នេះ​មិនឱ្យកើត​ឡើងក្នុងសហគមន៍ ។ លោក សៅ សុវណ្ណ មន្ត្រីក្រសួងសុខាភិបាលបានបញ្ជាក់​កន្លងមកនៅកម្ពុជាមានកើតជំងឺ​ផ្តាសាយ បក្សីបួន​ករណី ​បណ្តាលឱ្យ​បាត់បង់​ជីវិតមនុស្សបួននាក់។ក្នុងនោះនៅ​ខេត្តស្វាយរៀងមួយករណី ខេត្តព្រៃវែងពីរករណី និងខេត្តកំពត​មួយករណី។ចំណែ​ក​ថ្មីៗនេះនៅខេត្តតាកែវក៏​មានកុមារពីរនាក់​បានឆ្លងជំងឺផ្ដាសាយបក្សីនេះដែរ  ដែលធ្វើឱ្យរាជរដ្ឋាភិបាល មានការព្រួយបារម្ភនិងចាត់ឱ្យក្រសួងចំនួនពីរ គឺក្រសួង​កសិកម្ម និងក្រសួងសុខាភិបាល ចុះអប់រំផ្សព្វផ្សាយពីជំងឺ​ផ្តាសាយបក្សី។ ចំណែកលោក ក្រឹង សំអាត ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេ​សាទខេត្តកំពង់ឆ្នាំង បានប្រាប់ពីរោគសញ្ញា និងវិធីបង្ការ​ចំពោះជំងឺនេះ។ នៅខេត្តកំពង់ឆ្នាំងយុទ្ធនាការអប់រំផ្សព្វផ្សាយ ពីជំងឺផ្តា​សាយបក្សីនឹងប្រព្រឹត្តទៅរយៈពេលបួនថ្ងៃ…