(ភ្នំពេញ)៖ អាជ្ញាធរជាតិអប្សរា និងសាកលវិទ្យាល័យសូហ្វីយ៉ា បានធ្វើកំណាយ​ស្រាវជ្រាវរួមគ្នានៅទួលបុរាណនៅភាគអាគ្នេយ៍ក្នុងកំពែងនៃប្រាសាទបន្ទាយក្ដី ដើម្បីសិក្សាអំពីទំនាក់ទំនងរវាងកំពែង និងទួល ព្រមទាំងរចនាសម្ពន្ធរបស់ទួល។ អាជ្ញាធរជាតិអប្សរាបានឱ្យដឹងនៅថ្ងៃទី ២៧ ខែ សីហា ឆ្នាំ ២០២៤ថាការសិក្សា​ស្រាវ​ជ្រាវ​បានធ្វើឡើងនាដើមខែសីហា ឆ្នាំ២០២៤នេះដើម្បី ចង់ដឹងអំពីការរស់នៅ​របស់​មនុស្សនាសម័យនោះ ពោល គឺចាប់ពីពេលមុនសាងសង់ប្រាសាទរហូតដល់​សម័យ​កណ្ដាល។ លោក ញឹម សុធាវិន្ទ អ្នកស្រាវជ្រាវ និងជាសាស្រ្តាចារ្យ នៃសាកលវិទ្យាល័យសូហ្វីយ៉ា ប្រទេស​ជប៉ុន បានលើកឡើងថា ការជ្រើសរើសយកទីតាំងនៅអាគ្នេយ៍នៃប្រាសាទ​បន្ទាយក្តី សម្រាប់កិច្ចការស្រាវជ្រាវ ដោយហេតុថា នៅទីតាំងនេះ មើលតាមរូបថត lidar ឃើញមានទួលជាច្រើន ដូចជា នៅប្រាសាទអង្គរវត្ត និងប្រាសាទតាព្រហ្មជាដើម។ ដូច្នេះ​ហើយ នៅក្នុងកំណាយស្រាវជ្រាវ ពោល គឺសិក្សាអំពីលំនៅឋាន និងការតាំងទីរស់នៅ​របស់​មនុស្សនាសម័យមុន។ ម្យ៉ាងទៀត កិច្ចការសំខាន់ គឺការបណ្តុះបណ្តាលធនធាន​មនុស្ស ដែលសាកលវិទ្យាល័យសូហ្វីយ៉ា បានអនុវត្តតាំងពីឆ្នាំ១៩៩១មកម៉្លេះ។ ឆ្នាំនេះ សាកលវិទ្យាល័យសូហ្វ៊ីយ៉ាបានជ្រើសរើសនិស្សិតមកពីមហាវិទ្យាល័យបុរាណវិទ្យានៃសាកលវិទ្យាល័យភូមិន្ទវិចិត្រសិល្បៈ ឆ្នាំទី២ និងទី៣ ចំនួន៣នាក់ ដើម្បីមកចូលរួម​សិក្សា​អំពីការធ្វើកំណាយបែបបុរាណវិទ្យា។ បុរាណវិទូ នៃអាជ្ញាធរជាតិអប្សរា លោក វិទូ…

(ភ្នំពេញ)ក្នុងរយៈពេល១ឆ្នាំរបស់រាជរដ្ឋាភិបាលអាណត្តិទី៧នៃរដ្ឋសភា ក្រសួងបរិស្ថាន បានពង្រឹងខ្លាំងក្លាលើការគ្រប់គ្រធនធានធម្មជាតិ ការអភិរក្សជីវៈចម្រុះ ដើម្បីការ អភិវឌ្ឍ ដោយចីរភាព តាមការចង្អុលបង្ហាញ ពីសម្តេចមហាបវររធិបតី ហ៊ុន ម៉ាណែត នាយករដ្ឋ មន្រ្តី នៃព្រះរាជាណាចក្រកម្ពុជា។ ឯកឧត្តម ខ្វៃ អាទិត្យា អនុរដ្ឋលេខាធិការ និងជាមន្រ្តី​នាំពាក្យក្រសួងបរិស្ថាន បានបញ្ជាក់ថា សរសរស្តមទី២ នៃយុទ្ធសាស្រ្តចក្រាគឺ «ភាពបៃតង» ដែលសំដៅដល់ការការពារនិងអភិរក្សដើមឈើនិងព្រៃឈើ សម្រាប់ទ្រទ្រង់ជីវិតរបស់មនុស្សជាតិ។ មន្រ្តីនាំពាក្យក្រសួងបរិស្ថាន បានបញ្ជាក់ថា ក្នុងពេលកន្លងមកនេះ ក្រសួងបរិស្ថាន បានដាក់ចេញនូវវិធានការដូចខាងក្រោម៖ -ទី១-សមត្ថកិច្ចពាក់ព័ន្ធគ្រប់គ្រងតំបន់ការពារធម្មជាតិ ត្រូវបន្តអនុវត្តច្បាប់១០០% ដោយគ្មានការលើកលែងជាដាច់ខាត និងបញ្ចប់នូវវប្បធម៌ ធ្វើកិច្ចសន្យាហើយដោះលែង ជនប្រព្រឹត្តបទល្មើស។ ឯកឧត្តម ខ្វៃ អាទិត្យា បានឱ្យដឹងបន្ថែមថា តាមរយៈយុទ្ធនាការ«ពន្លកបៃតង» ឯកឧត្តម​បណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នៅថ្ងៃទី១០ តុលា ឆ្នាំ២០២៣ បានដាក់​ចេញយុទ្ធនាការ ផ្តល់ និងដាំដើមឈើយ៉ាងតិច ១លានដើមក្នុងមួយឆ្នាំជូនប្រជា​ពលរដ្ឋ​ដាំនៅកម្ពុជា។ ក្នុងនោះដែរ ព្រឹត្តិការណ៍ពិព័រណ៍ផ្សព្វផ្សាយនិងចែកកូនឈើ «ពន្លកបៃតង»…

បាត់ដំបង៖ឯកឧត្តម សុខ លូ អភិបាលខេត្តបាត់ដំបង និងថ្នាក់ដឹក​នាំសំខាន់ៗក្នុងខេត្តបានអញ្ជើញគារវកិច្ចនិងអមដំណើរ នៃការ និមន្ត​មកដល់របស់ព្រះធម្មវនរាសីបណ្ឌិត ចន្ទ មុនី នៅក្នុងដំណើរទស្សនកិច្ច​មកកាន់ខេត្តបាត់ដំបង ដើម្បីសម្តែងធម្មទាន និងជួប សំណេះ​សំណាល​ជាមួយព្រះសង្ឃ ប្រជាពលរដ្ឋ ប្រជាពុទ្ធបរិស័ទ ថ្នាក់ដឹកនាំ​ខេត្ត អាជ្ញាធរមូលដ្ឋាន និង មន្ត្រីរាជការ នៅ វត្តអូរជុំ ឧត្តមសាមគ្គី ហៅវត្តគីឡូ១៣ ក្នុងស្រុកសំពៅលូនកាលពីថ្ងៃទី ២៤-២៥ ខែសីហា ឆ្នាំ២០២៤។ ក្នុងដំណើរនិមន្តនេះដែរព្រះអង្គ ចន្ទ មុនី​ បាននិមន្តទៅកាន់ច្រកទ្វារ​ព្រំដែនអន្តរជាតិដូងនៃស្រុកកំរៀងនិងបន្តបង្គោល​ឡាក់​ព្រំដែន​លេខ៥៤ ស្ថិតនៅភូមិព្រះពុទ្ធ ឃុំបឹងរាំង ស្រុកកំរៀង ក្នុងភូមិសាស្ត្រ​ខេត្តបាត់ដំបង ឈមនឹងស្រុកប៉ូងណាំរ៉ង ប្រទេសថៃ។ នៅក្នុងវត្តអូរជុំឧត្តមសាមគ្គី ហៅវត្តគីឡូ១៣ ព្រះធម្មវនរាសីបណ្ឌិត ចន្ទ មុនី បានសម្តែងនូវធម្មទានជូនប្រជាពុទ្ធ បរិស័ទ​ប្រមាណ​ជាងពីរម៉ឺន​នាក់។ព្រះធម្មវនរាសីបណ្ឌិតបានមានថេរដីកាអំពាវដល់បងប្អូនជនរួមជាតិទាំងអស់ ត្រូវចេះរួបរួមសាមគ្គីគ្នា។ត្រូវចេះ​ស្រឡាញ់គ្នានាំគ្នាថែរក្សា​បាវចនា​របស់ជាតិឱ្យគង់វង់ថ្កុំថ្កើងរុងរឿង​កុំធ្វើឱ្យជាតិយើង បែកបាក់វិល​ទៅរកសង្គ្រាម ។កុំបន្តជឿលង់​ដោយការញុះញង់ ធ្វើឱ្យជាតិបែក​បាក់ទៀត។ ព្រះអង្គបានរំលឹកថា ប្រទេសជាតិដ៏កម្សត់របស់យើង ធ្លាប់បានឆ្លងកាត់​អតីតកាល ដ៏ជូរចត់និងសង្គ្រាមវិនាសកម្មជាច្រើន ទសវត្ស​មកហើយ ដូចនេះកុំនាំគ្នាបង្កចលាចលធ្វើឱ្យប្រទេសជាតិហិនហោច ដោយសារកា​រញុះញង់ជឿលង់តាមជនបរទេសឬបុគ្គល​ដែលនាំឱ្យជាតិយើងវឹកវរបែកបាក់គ្នា៕…

បន្ទាយមានជ័យ៖ពុទ្ធបដិមាមួយអង្គធ្វើអំពីស្ពាន់មានកម្ពស់​ប្រាំបួន​ម៉ែត្រនៅលើខ្នងភ្នំដងរែក ក្នុងវត្តគិរីរុក្ខារាមថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ បានប្រារព្ធពិធីពុទ្ធាភិសេកនៅ​ចុង​សប្ដាហ៍នេះក្រោមអធិបតី​ភាពឯកឧត្ដម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ។ ព្រះខេមញាណ រេន ស៊ីណាត លេខាធិការសាលាអនុគណស្រុកថ្មពួក ជាចៅអធិការវត្តថ្មរមៀល មានសង្ឃដីការំលឹកពីប្រវត្តិ វត្តគិរីរុក្ខារាម​ថ្មរមៀល។អារាមមួយនេះពីដើមឡើយជាអាស្រម។នៅឆ្នាំ២០១០​មកដល់ឆ្នាំ២០២៣បានក្លាយជាវត្តមួយពេញលេញ។វត្តគិរីរុក្ខារាម​ថ្មរមៀល ស្ថិតលើខ្នងភ្នំដងរែក ព្រំដែនកម្ពុជា-ថៃ ។ព្រះពុទ្ធអង្គធំ ដែលកំពុងប្រារព្វពិធីពុទ្ធាភិសេក នេះសាងពីលោហធាតុស្ពាន់សុទ្ធទម្ងន់​ប្រាំពីរតោន,មានកម្ពស់ប្រាំបួនម៉ែត្រ,ឥរិយាបថគង់ឈរអភ័យដល់សព្វសត្វលោក។បើគិតចាប់ពីផ្ទៃដីក្រោមឡើងទៅមានកម្ពស់២១ ម៉ែត្រ ។ពុទ្ធបដិមានេះសាងតាមរចនាបថខ្មែរដែលផ្ដួចផ្ដើមកសាងដោយ ឯកឧត្ដមអភិសន្តិបណ្ឌិត ស សុខា និងលោកជំទាវ កែ សួនសុភី ព្រមទាំងសប្បុរសជន និងពុទ្ធបរិស័ទជិតឆ្ងាយ។ លោក អែម សុខា អភិបាលស្រុកថ្មពួក បានបញ្ជាក់ថា ការកសាង​ពុទ្ធបដិមានៅលើខ្នងភ្នំដងរែក នៃកំណាត់ខ្សែបន្ទាត់ព្រំដែន កម្ពុជា- ថៃ នៃភាគពាយ័ព្យប្រទេសដើម្បីលើកស្ទួយតម្លៃវប្បធម៌ព្រះពុទ្ធសាសនា។ចំណែកទីតាំងវត្តគិរីរុក្ខារាមថ្មរមៀល ពី អតីកាលជាចម្ការមីនហើយក៏​ជា​សមរភូមិកំឡុងសង្រ្គាមផ្ទៃក្នុង៕ ដោយ៖គៀន ច័ន្ទហ៊ីន

(ភ្នំពេញ)៖ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិ ប្រយុទ្ធនឹងជំងឺអេដស៍ បានអះអាងថា ការងារប្រយុទ្ធនឹងជំងឺអេដស៍ ចំណែកធំ គឺពឹងផ្អែកលើវិស័យសុខាភិបាល ប៉ុន្តែអាជ្ញាធរ អាចធ្វើការងារជាពហុវិស័យ ។ ការថ្លែងរបស់ ឯកឧត្តម ទេសរដ្ឋមន្រ្តី អៀង មូលី ដូច្នេះ ក្នុងកិច្ចប្រជុំពិគ្រោះ យោបល់លើវឌ្ឍនភាព នៃការឆ្លើយតបនឹងមេរោគអេដស៍ និងជំងឺអេដស៍ ក្នុងវិស័យសុខាភិបាល នារសៀលថ្ងៃទី២២ ខែសីហា ឆ្នាំ២០២៤ ដើម្បីពិនិត្យមើលវឌ្ឍនភាព ក្នុងការអនុវត្ត គោលនយោបាយជាតិបញ្ចប់អេដស៍ និងចីរភាពកម្មវិធីអេដស៍ សម្រាប់ឆ្នាំ២០២៣-២០២៨ ដើម្បីឈានទៅបញ្ចប់អេដស៍ ដែលជាការគំរាមកំហែងដល់សុខភាពសាធារណៈ នាឆ្នាំ២០២៥ ។ ឯកឧត្តមទេសរដ្ឋមន្រ្តី បានថ្លែងអំណរគុណក្រសួងសុខាភិបាល ដែលធ្វើឱ្យសម្រេចក្នុងការឆ្លើយតបនឹងមេរោគអេដស៍និងជំងឺអេដស៍ នៅកម្ពុជា។ ក្នុងនោះគោលដៅ៩៥-៩៥-៩៥ កម្ពុជា សម្រេចបានគោលដៅ៩៥ ទី២ និងទី៣ រួចហើយ។ ឯកឧត្តម អ៊ឹង ភីរុន ប្រធានគណៈកម្មាធិការប្រយុទ្ធនឹងជំងឺអេដស៍ ក្រសួងសុខាភិបាល បានមានប្រសាសន៍ថា គណៈកម្មាធិការ បានរៀបចំកិច្ចប្រជុំនៅថ្ងៃទី៣១ ខែកក្កដា…

រតនគិរី៖ ដូចអ្វីដែលបានរៀបចំទុកព្រះអង្គធម្មវនវាសីបណ្ឌិត ចន្ទ មុនី បាននិមន្តទស្សនកិច្ចខេត្តរតនគិរី​ដោយឆ្លងកាត់ក្នុង​ភូមិសាស្ត្រ​ខេត្ត​មណ្ឌលគិរី។នៅខេត្តរតនគិរី​ព្រះអង្គនិមន្ត​ទៅជួបពុទ្ធបរិស័ទ​នៅស្រុក​អូរយ៉ាដាវដែលរស់នៅតាម​បន្ទាត់ខ្សែ​ព្រំដែនកម្ពុជា-វៀតណាម ,ទស្សនកិច្ច​បង្គោលមព្រំដែន លេខ៣០ និងលេខ២៩លើ៣ និងលេខ២៩លើ៤ដែលស្ថិតនៅច្រកទ្វារអន្តរជាតិអូរយ៉ាវ-ឡេថាញ់ កម្ពុជា-វៀតណាម។ ការនិមន្តមកដល់របស់ព្រះអង្គ កាលពីថ្ងៃទី២២ ខែសីហា ឆ្នាំ២០២៤ ព្រះអង្គ ចន្ទ មុនី បានទទួលនូវការគោរពគារវកិច្ច​កិច្ច​នៅ​ព្រំប្រទល់​រវាងខេត្តរតនគិរី និងខេត្តមណ្ឌលគិរី ពីសំណាក់ ឯកឧត្តម គិត ទ្រី អ្នកតំណាងរាស្រ្តមណ្ឌលខេត្តរតនគិរី និងឯកឧត្តម ញ៉ែម សំអឿន អភិបាលខេត្តរតនគិរី និងលោកជំទាវ ព្រមទាំងមន្រ្តីអ្នកមុខ អ្នកការ​ជាច្រើនទៀត។ ក្នុងដំណើរនិមន្តទស្សនកិច្ចរបស់ព្រះអង្គនៅខេត្តរតនគិរីគេសង្កេតឃើញប្រជាពលរដ្ឋ និងពុទ្ធបរិស័ទ យ៉ាងច្រើនកុះករ នៅសង​ខាងផ្លូវ រង់ចាំបង្ហាញនូវការគោរពចំពោះព្រះអង្គ ដើម្បសុំពរជ័យសេរីសួស្តី សេចក្តីសុខ សេចក្តីចម្រើន។សូមជម្រាបថា ព្រះធម្មវនវាសីំបណ្ឌិត ចន្ទ មុនី មានកម្មវិធីនិមន្ត​ទស្សនកិច្ច និងជួបប្រជាពលរដ្ឋ ពុទ្ធបរិស័ទ នៅតាមបណ្ដោយព្រំដែន​នៃខេត្តចំនួនបួន គឺខេត្តក្រចេះ មណ្ឌលគិរី រតនគិរី និងខេត្តស្ទឹងត្រែង ដោយចាប់ផ្តើមពីថ្ងៃទី២០ ដល់ថ្ងៃទី២៤ ខែសីហា ឆ្នាំ២០២៤៕ ដោយ៖…

(ខេត្តបន្ទាយមានជ័យ)៖ សិស្ស និស្សិត យុវជន មិនត្រូវ ចាប់មុខជំនាញតាមគ្នីគ្នាដោយមិនដឹងពីគោលដៅរបស់ខ្លួនច្បាស់លាស់ រួចតាំង ខំប្រឹងតាមមិត្តិភ័ក្ត្រមានលទ្ធភាពខ្ពង់ខ្ពស់ហើយជំនាញនោះប្រើពេលវេលាវែងឆ្ងាយ ថែមទាំងការងារចង្អៀត ពិសេសអ្នកដែលក្សត់ខ្សោយខាងជីវភាព មិនត្រូវមើលរំលងមុខជំនាញដែលទីផ្សារការងារត្រូវការច្រើន ហើយងាយរកធ្វើនោះទេ ។ ហើយមុខជុំនាញ បួនដែលឆ្លើយតបទីផ្សាការងារ រួមមាន ជំនាញអគ្គិសនី ជំនាញផ្នែកគ្រឿងយន្ត កសិកម្ម និង ភាសា រួមទាំងកុំព្យុទ័រ ។ ឯកឧត្តម កែ គឹមយ៉ាន អ្នកតំណាងរាស្ត្រមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ បាន ថ្លែងបែបនេះ ក្នុងពិធីបិទវគ្គបណ្តុះបណ្តាលជំនាញអគ្គីសនី នៅវិទ្យាល័យជប់វារី ស្រុកព្រះនេត្រព្រះ ខេត្តបន្ទាយមានជ័យ កាលពីថ្ងៃទី២១ ខែសីហា ឆ្នាំ២០២៤នេះ ។ ឯកឧត្តម កែ គឹមយ៉ាន បន្តថា ប្រមុខថ្នាក់ដឹនាំរដ្ឋាភិបាល បានយកចិត្តទុកដាក់ ក្នុងការបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជន យុវនារី ទាំងក្នុងនិងក្រៅសាលា ដើម្បីមានជីវភាពនិងអនាគតល្អប្រសើរ ស្របតាមចក្ខុវិស័យរបស់ រាជរដ្ឋាភិបាល ដែលបានកំណត់ថា យុវជនម្នាក់ត្រូវមានជំនាញមួយយ៉ាងតិច១មុខ និងស្របគោលដៅអភិវឌ្ឍប្រទេសកម្ពុជា ជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០…

(ភ្នំពេញ)៖ចម្លាក់បដិមាទ្វារបាល(យក្ស)ចំនួន១ ដែលធ្វើពីថ្មភក់ ត្រូវបានប្រទះ ឃើញនៅទិសខាងកើតរបស់ខ្លោងទ្វារទី២ នៃប្រាសាទបន្ទាយប្រី។ បើយោងតាមការឱ្យដឹងពីសំណាក់អាជ្ញាធរជាតិអប្សរាបានឱ្យដឹងនៅថ្ងៃទី២២ ខែ សីហា ឆ្នាំ ២០២៤នេះថា ខណៈពេលដែលក្រុមការងារនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា រៀបចំគំនរថ្មរាយប៉ាយ និងសម្អាតកំណកដីនោះប្រទះឃើញចម្លាក់បដិមាទ្វារបាល(យក្ស)មួយគួរឱ្យអស្ចារ្យ និងរកស្មានមិនដល់ផងដែរនូវវត្ថុដ៏មានតម្លៃមួយនេះ។ ទាក់ទិនក្នុងរឿងនេះអ្នកបុរាណវិទូ លោក ជា សារិទ្ធ បានឱ្យដឹងថា បដិមាទ្វារបាល ដែលប្រទះឃើញនេះ គឺស្ថិតនៅខាងស្តាំដៃរបស់ផ្លូវចូលទិសខាងកើតខ្លោងទ្វារទី២ នៃប្រាសាទបន្ទាយប្រី កប់ក្រោមគំនរថ្ម និងកំណកដីប្រមាណជា៨ទឹក។ តាមការសន្និដ្ឋានរបស់លោក សារិទ្ធ ការដួលរលំនេះ អាចបណ្តាលមកពីការដួលរលំរបស់រចនាសម្ពន្ធខាងលើនៃខ្លោងទ្វារនេះ។ ទោះបីយ៉ាងណា ក៏បដិមានេះ នៅតែរក្សាបាននូវរូបរាងល្អស្ទើរតែពេញលេញ។ បើតាមលោក ជា សារិទ្ធ បញ្ជាក់ថា ស្ថានភាពនៃបដិមាទ្វារបាលនេះ ដួលដេកក្បាលទៅទិសខាងលិច ហើយដងខ្លួននៃបដិមានេះ បាក់ជា៦បំណែក ដែលបាក់នៅត្រង់ក ដើមដៃផ្នែកខាងឆ្វេង ចង្កេះ និងក្រោមជង្គង់នៃជើងទាំង២ និងផ្នែកដែលបាត់បង់ គឺដំបង។ ចម្លាក់បដិមាទ្វារបាលនេះ គឺស្ថិតក្នុងរចនាប័ទ្មបាយ័ន មានកម្ពស់ប្រមាណ១,៦០ម៉ែត្រ៕ ដោយ៖ម៉ាដេប៉ូ

(ភ្នំពេញ)ប៉មឥដ្ឋ G15 ដែលស្ថិតនៅខាងត្បូងនៃប្រាសាទភ្នំបាខែង អាយុកាលជាង១ពាន់ឆ្នាំ មានសភាពទ្រុឌទ្រោមខ្លាំងទាមទារឱ្យជួសជុលទប់ស្កាត់ការខូចខាតជាបន្តទៀត។ ទាក់ទិនក្នុងរឿងនេះ លោកស្រី ឈុន រតនា មន្ត្រីនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា ឱ្យដឹងថា បច្ចុប្បន្ននេះ ប៉មឥដ្ឋ G15 នៃប្រាសាទភ្នំបាខែង ទ្រុឌទ្រោម ដោយសារអាយុកាលនៃសំណង់ កង្វះការថែទាំយូរអង្វែង ព្រមទាំងធម្មជាតិផង ធ្វើឱ្យប្រាសាទឥដ្ឋនេះ រងការខូចខាតទាំងស្រុងចាប់តាំងពីក្បាំងជញ្ជាំងឡើងលើ។ ក្រៅពីនេះ ចំណុចហានិភ័យនៃប៉មឥដ្ឋ G15 មានដូចជា ខូចខាតខឿន និងរលុះប្រេះហែករចនាសម្ពន្ធនៃជញ្ជាំងជ្រាបទឹកចូលនៅក្នុងរដូវវស្សា។ លោក ស្រី ឈុន រតនា បញ្ជាក់ប្រាប់ថា ដើម្បីថែរក្សាស្ថិរភាពប្រាសាទនេះឱ្យមានលំនឹងបន្តទៀត អ្នកជំនាញនៃអាជ្ញាធរជាតិអប្សរា កំពុងដំណើរការជួសជុលពង្រឹងជញ្ជាំងឥដ្ឋផ្នែកខាងក្នុង ព្រមទាំងជួសជុលពង្រឹងជញ្ជាំងឥដ្ឋផ្នែកខាងក្រៅនាទិសខាងកើត ទិសខាងលិច ទិសខាងជើង និងទិសខាងត្បូងឡើងវិញ។ លោកស្រីថា ៖ ការជួសជុលពង្រឹងខឿន សសរផ្អោប និងសសរ ពេជ្រ បិទភ្ជិតស្នាមប្រេះ ការពារជម្រាបទឹក គឺដើម្បីឱ្យតួប៉ម G15 នៃប្រាសាទភ្នំបាខែង រឹងមាំឡើងវិញនៅគង់វង្សយូរអង្វែងបន្តទៀត៕ ដោយ ៖…

(ភ្នំពេញ)រដ្ឋបាលព្រៃឈើនៃក្រសួងរុក្ខាប្រមាញ់ និងនេសាទបានចេញសេចក្តីជូនដំណឹងមួយដល់សាធារណៈជនដោយផ្តល់ជាដំណឹងក្នុងករណីដែលមានសត្វស្វាកាចសាហាវ ឬបង្កការគ្រោះថ្នាក់ណាមួយកើតឡើង។ បើយោងតាមសេចក្តីប្រកាសរបស់រដ្ឋបាលព្រៃឈើបានឱ្យដឹងនៅថ្ងៃទី ២០ ខែសីហា ឆ្នាំ២០២៤នេះថា ក្នុងគោលបំណងសុវត្ថិភាពជូនប្រជាពលរដ្ឋ និងភ្ញៀវទេសចរ រដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និង នេសាទបញ្ជាក់ប្រាប់ដល់សាធារណជនថា រដ្ឋបាលព្រៃឈើ សូមដាក់ជូននូវលេខទំនាក់ទំនង Hotline ខាង ក្រោមនេះ សម្រាប់ប្រជាពលរដ្ឋអាចប្តឹង ឬរាយការណ៍ករណីដែលមានសត្វស្វាបង្កបញ្ហាជាយថាហេតុនៅទូទាំងប្រទេស។ ប្រភពខាងលើនេះបានឱ្យដឹងថា ក្នុងករណីដែលមានសត្វស្វាកាច ឬស្វាចំនួនច្រើនបង្កការរំខាន និងធ្វើទុក្ខបុកម្នេញ សូមទាក់ទងមកតាមរយៈ ទូរស័ព្ទលេខ ០៨៥៧៨០៨៤៧ ឬ ០១០៥៥៦៦៣០នេះ ដែលរដ្ឋបាលព្រៃឈើនឹងចេញអន្តរាគមន៍ក្នុងការដកហូតសត្វស្វាដែល អាចបង្កគ្រោះថ្នាក់ទាំងនោះ ចេញពីតំបន់សាធារណៈមួយចំនួននេះ។ ស្វាដែលចាប់បានទាំងនេះ នឹងយកទៅព្រលែងក្នុង ព្រៃធម្មជាតិដើម្បីបង្កើនចំនួនសត្វស្វាដោយធម្មជាតិ ឬយកទុកធ្វើជាមេបង្កាត់ពូជនៅក្នុងកសិដ្ឋាន ឬរក្សាទុកនៅតាម សួនសត្វ អាស្រ័យទៅតាមស្ថានភាពនៃសត្វស្វានីមួយៗ។ ជាមួយគ្នានេះរដ្ឋបាលព្រៃឈើ បានអំពាវនាវដល់ប្រជាពលរដ្ឋទាំងអស់ត្រូវសហការ និងយោគយល់នូវការរំខាន ណាមួយជាយថាហេតុ និងសុំឱ្យប្រជាពលរដ្ឋទាំងអស់មេត្តាកុំព្រលែងស្វានៅតាមវត្តអារាម ឬទីសាធារណៈ និងកុំផ្តល់ ចំណី កុំប៉ះពាល់ ឬលេងជាមួយសត្វស្វា ហើយត្រូវរក្សាគម្លាតឆ្ងាយពីស្វាដើម្បីធានាសុវត្ថិភាពបញ្ចៀសការបង្កគ្រោះថ្នាក់ ណាមួយដោយសត្វស្វាទាំងនេះ ក៏ដូចជាកាត់បន្ថយហានិភ័យនៃការចម្លងជំងឺ៕ ដោយ ៖ ម៉ាដេប៉ូ