(កំពង់ធំ)៖ លោកជំទាវបណ្ឌិត ជា សិរី សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកសន្ទុក កាលពីថ្ងៃទី២០ ខែកក្កដា ឆ្នាំ២០២៤ បាននាំយកទៀនព្រះវស្សា ទេយ្យវត្ថុ និង បច្ច័យដែលជាសុទ្ធាជ្រះថ្លារបស់ ឯកឧត្តម ជា ចាន់តូ និងលោក ជំទាវ ខៀវ ស៊ីណាទៅប្រគេន ព្រះសង្ឃគង់ចាំព្រះវស្សាដល់វត្តចំនួន ៦៦ ស្ថិតក្នុងស្រុកសន្ទុក ខេត្តកំពង់ធំ ។ សូមបញ្ជាក់ថា÷ពិធីចូលព្រះវស្សានេះត្រូវបានប្រជាជនកម្ពុជាគោរពប្រតិបត្តិធ្វើជារៀងរាល់ឆ្នាំតាមទំនៀមទម្លាប់ប្រពៃណីព្រះពុទ្ធសាសនា។ហើយសម្រាប់ឆ្នាំ២០២៤នេះ ពិធីចូលព្រះវស្សាគឺប្រព្រឹត្តិទៅត្រូវថ្ងៃអាទិត្យ ១រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី ២១ ខែកក្កដា ឆ្នាំ២០២៤ ។ នៅក្នុងឱកាសអញ្ជើញប្រគេនទៀនព្រះវស្សា ទេយ្យវត្ថុ និងបច្ច័យទៅប្រគេនដល់វត្តចំនួន៦៦ក្នុងស្រុកសន្ទុក ខេត្តកំពង់ធំនោះ លោកជំទាវបណ្ឌិត ជា សិរី បានជម្រាបពីការផ្ដាំផ្ញើរសាកសួសុខទុក្ខពីសំណាក់ឯកឧត្តម ជា ចាន់តូ ទេសាភិបាលកិត្តិយសធនាគារជាតិនៃកម្ពុជា និងជាអ្នកតំណាងរាស្ត្រមណ្ឌលកំពង់ធំនិង លោកជំទាវ ខៀវ ស៊ីណាប្រគេនដល់ព្រះសង្ឃគ្រប់ៗព្រះអង្គ ក៏ដូចលោកយាយលោកតា…

(ភ្នំពេញ)៖ ឯកឧត្តម វ៉ាត់ ចំរើន រដ្ឋមន្រ្តីក្រសួងអប់រំ យុវជន និងកីឡានិងជាអគ្គលេខាធិការគណៈកម្មាធិការជាតិអូឡាំពិកកម្ពុជា រួមជាមួយឯកឧត្តម លី កុសល អគ្គហេរញ្ញឹកគណៈកម្មាធិការជាតិអូឡាំពិកម្ពុជា និងប្រតិភូគ្រូបង្វឹកកីឡាករ-កីឡាការិនីចូលជួបសម្តែងការគួរសមជាមួយ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំយុវជន និងកីឡា នាព្រឹកថ្ងៃទី២១ ខែកក្កដា ឆ្នាំ២០២៤ មុនចេញដំណើរទៅចូលរួមប្រកួតកីឡាអូឡាំពិក ក្រុងប៉ារីស ប្រទេសបារាំង ដែល នឹងចាប់ផ្ដើមពីថ្ងៃទី២៦ខែកក្កដា ដល់ថ្ងៃទី១១ ខែសីហា ឆ្នាំ២០២៤។ ឯកឧត្តមបណ្ឌិតសភាចារ្យឧបនាយករដ្ឋមន្រ្តី បានមានប្រសាសន៍ថា សម្រាប់ព្រឹត្តិការណ៍កីឡាអូឡាំពិកនេះ គឺជាព្រឹត្តិការណ៍កីឡាធំជាងគេនៅលើពិភពលោកហើយពិបាកណាស់សម្រាប់ អត្តពលិកដែលចង់ចូលរួម។ នេះអាចថាជាកិតិ្តយសមួយសម្រាប់ប្រទេស ហើយក៏សម្រាប់កីឡាករ-កីឡាការិនីខ្លួនឯងផ្ទាល់ផងដែរ។ ចំពោះកីឡាករ-កីឡាការិនីតំណាងឱ្យព្រះរាជាណាចក្រកម្ពុជា នៅពេលមានឱកាសចូលរួមប្រកួតក្នុងព្រឹត្តិការណ៍នេះគឺមានកិត្តិយសខ្លាំងណាស់។ ឯកឧត្តម ហង់ជួន ណារ៉ុន ក៏បានផ្តាំផ្ញើទៅដល់គ្រូបង្វឹក និងអត្តពលិកទាំងបីរូបដែលបានជាប់ជាបេក្ខភាពទៅចូលរួមការប្រកួតព្រឹត្តិការណ៍លំដាប់ពិភពលោកនៅប្រទេសបារាំង ឆ្នាំ២០២៤នេះ ពេលធ្វើដំណើរត្រូវមានការប្រុងប្រយ័ត្នឱ្យបានខ្ពស់ ទៅណាមកណាគឺត្រូវមានគ្នាជាក្រុម ដែលផ្តល់ភាពកក់ក្តៅសម្រាប់ខ្លួនឯង។ អ្វីដែលពិសេសនោះគឺរក្សាបាននូវិន័យ មិនថាពេលហ្វឹកហាត់ ប្រកួតត្រូវធានាឱ្យបាននូវការបង្ករឱ្យមានបញ្ហាអ្វីផ្សេងៗកើតឡើង។ ឧបនាយករដ្ឋមន្រ្តី បានគូសបញ្ជាក់ទៀតថា ព្រឹត្តិកាតណ៍អូឡាំពិកនេះ គឺសម្រិតសម្រាំង និងចម្រាញ់យកនូវកីឡាករ-កីឡាការិនីឆ្នើមមកពីបណ្តាប្រទេសផ្សេងៗគ្នាមកចូលរួម។…

(ខេត្តកោះកុង)៖ កាលពីរសៀលថ្ងៃទី១៨ ខែកក្កដា ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អមដំណើដោយថ្នាក់ដឹកនាំក្រសួង បានអញ្ជើញទស្សនកិច្ចមជ្ឈមណ្ឌលសហគមន៍អេកូទេសចរណ៍តំបន់ស្ទឹងអារ៉ែង ស្ថិតនៅភូមិជំនាប់ ឃុំជំនាប់ ស្រុកថ្មបាំង ខេត្តកោះកុង ។ ក្នុងដំណើរបេសកកម្មរបស់ ឯកឧត្តមរដ្ឋមន្ដ្រី ឌិត ទីណា នេះ មានគោលដៅពិនិត្យមើលអំពីលទ្ធភាពបង្កកំណើត និងបង្កាត់ពូជត្រីនាគ និងសត្វកម្រផ្សេងៗទៀតនៅក្នុងតំបន់ស្ទឹងអារ៉ែង ដើម្បីបង្កើនចំនួននៃសត្វទាំងនេះ នៅក្នុងធម្មជាតិ ។ គួរបញ្ជាក់ជូនថា ត្រីនាគត្រូវបានចាត់ចូលជាប្រភេទត្រីជិតផុតពូជនៅក្នុងប្រទេសកម្ពុជា ខណៈពិភពលោកចាត់ទុកត្រីប្រភេទនេះ ចូលទៅក្នុងឧបសម្ព័ន្ធ១ នៃអនុសញ្ញាសាយតេស (CITES)។ បើតាមការស្រាវជ្រាវ កម្ពុជាមានត្រីនាគមេពូជប្រមាណជាង ៥០ក្បាលតែប៉ុណ្ណោះ នៅតាមតំបន់ស្ទឹងអារ៉ែង។ជាការកត់សម្គាល់ នៅក្នុងដំណើរបេសកកម្មនេះដែរ ឯកឧត្តមរដ្ឋមន្ត្រី ឌិត ទីណា បានជួបសំណេះសំណាលជាមួយសមាជិកសហគមន៍អេកូទេសចរណ៍តំបន់ស្ទឹងអារ៉ែង និងបានណែនាំដល់សហគមន៍ឱ្យយកចិត្តទុកដាក់ខ្ពស់ ក្នុងការថែរក្សាធនធានធម្មជាតិ និងធនធានជលផល។ ទន្ទឹមនឹងនេះ ឯកឧត្តមរដ្ឋមន្ត្រី បានគូសបញ្ជាក់ថា ក្រសួងនឹងសហការជាមួយដៃគូនានា ក្នុងការចូលរួមការពារថែរក្សាធនធានព្រៃឈើ សត្វព្រៃ និងជលផល ឱ្យកាន់តែមានប្រសិទ្ធភាព និងមាននិរន្តរភាព…

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈកាលពីថ្ងៃទី១៩ ខែកក្កដា ឆ្នាំ២០២៤ នេះបានបើកវគ្គបណ្តុះបណ្តាលជំនាញទន់ស្តីអំពី «ការទំនាក់​ទំនង ការដោះស្រាយបញ្ហា និងការបំពេញការងារជាក្រុម» ដល់មន្រ្តីក្រុម​ការងារ​ឆ្លើយតប និងផ្តល់ព័ត៌មានពាក់ព័ន្ធនឹងសេវាសាធារណៈ (Call Centre) នៃក្រសួងការងារ និងបណ្តុះបណ្តាលវិជ្ជាជីវៈ។ ឯកឧត្តម កត្តា អ៊ន បានលើកឡើងថា ការរៀបចំវគ្គបណ្តុះបណ្តាល​ជំនាញ​ទន់ដល់ ក្រុមការងារឆ្លើយតប និងផ្តល់ព័ត៌មាន​ពាក់ព័ន្ធនឹងសេវា​សាធារណៈ​(Call Center) ក្នុងគោលបំណងដើម្បីបង្កើនសមត្ថភាពដល់មន្រ្ដី Call Center ក្នុងការផ្តល់សេវាសាធារណៈជូនសាធារណជន។ ឯកឧត្តមរដ្ឋលេខាបន្តថា ក្រុមការងារឆ្លើយតប និងផ្តល់ព័ត៌មានពាក់ព័ន្ធ​នឹងសេវាសាធារណៈនៃក្រសួងការងារត្រូវធ្វើការឱ្យបានសកម្ម និងមាន​ប្រសិទ្ធភាពក្នុងការឆ្លើយតបមតិយោបល់ សំណួរ និងបញ្ហារបស់សាធា​រណជន​បានទាន់ពេលវេលា និងឆាប់រហ័ស។ លើសពីនេះផងដែរក្រុមការងារ​ត្រូវអនុវត្តភារកិច្ចប្រកបដោយក្រមសីលធម៌ វិជ្ជាជីវៈ និងមានកិច្ចសហការ​យ៉ាងល្អជាមួយអង្គភាពពាក់ព័ន្ធដើម្បីឆ្លើយតបបញ្ហា សំណូមពរ និងសំណួរ​របស់បងប្អូនប្រជាពលរដ្ឋប្រកបដោយប្រសិទ្ធភាព​។ ឯកឧត្តមរដ្ឋលេខាធិការបញ្ជាក់សារឡើងវិញថា ក្រុមការងាររង់ចាំទទួល​ការ​ហៅ​ទូរសព្ទចូលរបស់សាធារណជន ២៤ម៉ោងលើ២៤ម៉ោង និង ៧ថ្ងៃក្នុងមួយ​សប្តាហ៍ តាមរយៈប្រព័ន្ធទូរសព្ទ Hotline ទាំងពីរខ្សែគឺ ១២៨៦ និង១២៩៧ ដែលរួមមាន លើសេវាបញ្ជិកានិងភាគទានបេឡាជាតិសន្តិសុខសង្គម​(ប.ស.ស)​, សេវាពាក់ព័ន្ធវិស័យការងារ, កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស(TVET 1.5M),…

(ខេត្តបន្ទាយមានជ័យ)៖ ព្រះពុទ្ធសាសនា បានអប់រំមនុស្សឲ្យវៀរចាកនូវអំពើអកុសល ឬអំពើអាក្រក់ និងប្រកាន់យកអំពើល្អ ដែលនេះដូចគ្នានឹងសង្គមបានអប់រំឲ្យយើង កុំប្រើប្រាស់គ្រឿងញៀន ចៀសវាងកុំប្រព្រឹត្តិអំពើឧបាយមុខនានា ហើយេខិតខំធ្វើការងារមនុស្សធម៌ ឬកិច្ចការមុខរបរដែលផ្ដល់ផលប្រយោជន៍ដល់សាធារណៈជន ឬសង្គមជាតិ ជាដើម ។ ព្រះពុទ្ធសាសនា ក៏ជាបណ្ណាល័យព្រះធម៌ និងអក្សសាស្ត្រជាតិ និងបានបណ្តុះបណ្ដាលធនធានចំណេះដឹងដល់មនុស្ស ចូលរួមការងារសប្បុរសធម៌ ការកសាងហេដ្ឋារចនាសម្ព័ន្ធសង្គមតាមរយៈការនិមន្តចូលរួមពីព្រះសង្ឃ ពោលគឺ ព្រះពុទ្ធសាសនា បានរួមចំណែកក្នុងការអភិវឌ្ឍសង្គមជាតិ និងថែរក្សាសុខសន្តិភាព ។ នេះជាការលើកឡើងរបស់ ឯកឧត្តម កែ គឹមយ៉ាន ឧត្តមប្រឹក្សាផ្ទាល់ព្រះមហាក្សត្រ ក្នុងឱកាសនាំយក ទៀនព្រះវស្សា ទេយ្យទាន បច្ច័យ និងគ្រឿងឧបភោគបរិភោគមួយចំនួនទៀត ប្រគេនថ្វាយព្រះសង្ឃ ចំនួន ១១វត្ត នៅខេត្តបន្ទាយមានជ័យ កាលពីព្រឹកថ្ងៃទី ១៩ ខែកក្កដា ឆ្នាំ២០២៤ ។ សូមបញ្ជាក់ថា វត្តនិមួយៗទទួលបាន ទៀនព្រះវស្សា ២ដើមធំ ថវិកា ១លានរៀល ព្រមទាំង សាដក និងគ្រឿងចង្ហាន់ជាច្រើនទៀតសម្រាបព្រះសង្ឃផ្គត់ផ្គង់ជីវភាព ក្នុងរដូវ ចូលកាន់ព្រះវស្សាអស់កាលត្រីមាស ដើម្បីសិក្សារៀនសូត្រព្រះធម៌…

(ភ្នំពេញ)៖ មជ្ឈមណ្ឌលភាសា អេ អាយ អាយ (Aii) ក៏ដូចជាសាលា AIS តែងតែបានចូលរួម ជាមួយរាជរដ្ឋាភិបាលជានិច្ច ដើម្បីកសាងវិស័យអប់រំ ឱ្យមានគុណភាព ហើយក៏ដើម្បីបណ្ដុះប្រជាពលរដ្ឋខ្មែរ ឱ្យក្លាយជាបណ្ដុំនៃបញ្ញាវន្តភាព ធ្វើយ៉ាងណា កសាងប្រទេសជាតិយើង ឱ្យមានការលូតលាស់ទៅមុខ ។ ដូច្នេះការបណ្ដុះបណ្ដាលធនធានមនុស្ស គឺជាការបណ្ដុះបណ្ដាលប្រទេសជាតិ និងជាការជ្រោមជ្រែង នៃការអភិវឌ្ឍប្រទេសជាតិ ។ នេះជាការការគូសបញ្ជាក់របស់អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. អេឌ្យូខេសិន ក្នុងឱកាសដាក់សម្ពោធអគារ ៩ជាន់បន្ថែមមួយទៀត នៅតំបន់ជ្រោយចង្វារ នាថ្ងៃទី១៩ ខែកក្កដា ឆ្នាំ២០២៤ ដើម្បីបំពេញតម្រូវការ នៃកំណើនសិស្សានុសិស្ស ក៏ដូចជាឪពុកអ្នកម្ដាយ និងអាណាព្យាបាលសិស្ស ដែលមានភាពកក់ក្ដៅ និងជឿជាក់ លើការសិក្សារបស់កូនៗគាត់ នៅសាលា AIS និង មជ្ឈមណ្ឌលភាសា AII តាមរយៈការសិក្សា មានវិន័យល្អ រៀនពូកែ…