ភ្នំពេញ៖នៅប្រទេសកម្ពុជា ៥៩ភាគរយនៃសិស្សអាយុ១៥ឆ្នាំ ស្ថិត ក្រោមមាត្រដ្ឋានសេដ្ឋកិច្ចសង្គមនៃស្តង់ដាអប់រំអន្តរជាតិក្នុងឆ្នាំ ២០២២។ នេះមានន័យថា ពួកគេស្ថិតក្នុងចំណោមសិស្សដែលជួបការលំបាក បំផុត ក្នុងការទទួលបានលំដាប់ពិន្ទុដែល កំណត់ដោយកម្មវិធីសម្រាប់វាយតម្លៃ សិស្សអន្តរជាតិ ឬហៅកាត់ថា PISA ។ នេះបើយោងតាមលោកបណ្ឌិត សុខ សូត្រ ព្រឹទ្ធបុរសមហាវិទ្យាល័យអប់រំនៃសាកលវិទ្យាល័យភូមិន្ទភ្នំពេញ។ លោកបណ្ឌិត សុខ សូត្រ បញ្ជាក់ថា តាមប្រភពជាផ្លូវការរបស់អង្គការ ដើម្បីសហប្រតិបត្តិការសេដ្ឋកិច្ចនិងអភិវឌ្ឍន៍ (OECD) នៅឆ្នាំ២០២២ ជាឆ្នាំដែលគ្មានសិស្សក្នុងប្រទេសកម្ពុជាណាម្នាក់បានទទួលពិន្ទុមុខវិជ្ជាគណិតវិទ្យាដល់កម្រិត ៥ ឬ ៦ ក្នុងការធ្វើតេស្តគណិតវិទ្យា PISA នៅឡើយទេ ខណៈដែលប្រទេសជាសមាជិក OECD មួយចំនួនមានលំដាប់ពិន្ទុខ្ពស់។ តួយ៉ាងនៅប្រទេសតួកគីនិងវៀតណាមសិស្សដែលមានប្រវត្តិសេដ្ឋកិច្ចសង្គមស្រដៀងគ្នាមានទំនោរទទួលបានពិន្ទុខ្ពស់ជាងកម្ពុជាគួរឱ្យកត់សម្គាល់។ លទ្ធផលគណិតវិទ្យា សិស្សកម្ពុជាទទួលបានពិន្ទុមធ្យម ៣៣៦ កើន ឡើង១១ភាគរយ តែនៅទាបជាងលំដាប់ពិន្ទុរបស់ប្រទេសអាស៊ានដែល មានពិន្ទុមធ្យម ៤១៨។ ចំណែក លទ្ធផលវិទ្យាសាស្រ្ត សិស្សកម្ពុជា ទទួលបានពិន្ទុជាមធ្យម ៣៤៧ កើន ១៧ពិន្ទុ ប៉ុន្តែទាបជាងអាស៊ាន ដែលមានពិន្ទុមធ្យម ៤២៤។…

កំពត៖ ក្នុងយុទ្ធសាស្ត្របញ្ចកោណ ដំណាក់កាលទី១ របស់ រាជរដ្ឋាភិ បាលនីតិកាលទី៧ នៃរដ្ឋសភា បានកំណត់ ការអភិវឌ្ឍធនធាន មនុស្ស ជាអាទិភាពគន្លឹះមួយ ក្នុងចំណោមអាទិភាពគន្លឹះទាំង៥ ។នេះជា ការលើកឡើង របស់ ឯកឧត្តមម៉ៅ ធនិន អភិបាលខេត្តកំពត ក្នុងពេល អញ្ជើញ ពិនិត្យទីតាំងសម្រាប់សាងសង់អគាសិក្សាមួយខ្នង កម្ពស់ពីរ ជាន់ ស្មើនឹង១០បន្ទប់ជាអំណោយដ៍ថ្លៃថ្លារបស់សម្តេច ធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជូនដល់សិស្សានុសិស្ស និងលោក គ្រូអ្នកគ្រូនៅសាលាបឋមសិក្សា ហ៊ុន សែន វត្តកំពត ស្ថិតក្នុងសង្កាត់ អណ្តូងខ្មែរ ក្រុងកំពត។ ជាមួយវត្តមានកាលពីថ្ងៃចន្ទ ឯកឧត្តមក៏បានផ្តាំផ្ញើដល់លោកគ្រូ អ្នកគ្រូ ឱ្យខិតខំបណ្តុះ បណ្តាល សិស្សានុសិស្សប្រកប ដោយ គុណភាព និង មានចំណេះដឹងខ្ពង់ខ្ពស់ដើម្បីចូលរួមអភិវឌ្ឍន៍សង្គមជាតិឱ្យមានការរីកចម្រើន ពិសេសវប ណ្តុះនូវវប្បធម៌ កត្តញ្ញូ ដល់សិស្សានុសិស្សឱ្យបាន ដឹងពីគុណបំណាច់ ដ៏ធំធេងរបស់សម្តេចតេជោ ហ៊ុន សែន…

កំពង់ធំ៖ កម្ពុជាកំពុងមានការអភិវឌ្ឍលើគ្រប់វិស័យ ខណៈវិស័យ ពុទ្ធចក្រមានការរីកចម្រើនគ្រប់ទីកន្លែង ។ នេះជាការគូសបញ្ជាក់ របស់ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ និងជាអនុប្រធានក្រុមការងារចុះមូលដ្ឋានស្រុក សណ្ដាន់ក្នុងឱកាសតំណាងនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ព ជើងគោក និងជាប្រធានក្រុមការងាររបស់រាជរដ្ឋាភិបាលចុះ មូលដ្ឋាន ស្រុកសណ្ដាន់ ខេត្តកំពង់ធំ ក្នុងពិធីសម្ពោធសមិទ្ធផលនានា ដែលមានតម្លៃជិត ២០ម៉ឺនដុល្លារនៅក្នុងវត្តសិរីឧត្តម ហៅវត្តជាន់លែង នៅឃុំមានជ័យ ស្រុកសណ្ដាន់ ខេត្តកំពង់ធំ កាលពីថ្ងៃ អាទិត្យទី២៤ ខែមីនា ឆ្នាំ២០២៤ ។ វត្តជាន់លែង ជាវត្តចំណាស់មានអាយុរយឆ្នាំនៅក្នុងខេត្តនេះ។ ក្នុងនាម តំណាងនាយឧត្តមសេនីយ៍ ម៉ៅ សុផាន់ ឧត្រមសេនីយ៍ទោ សោម ស៊ុន បានថ្លែងអំណរគុណ និងបានកោតសរសើរ ចំពោះ កិច្ចខិតខំប្រឹងប្រែង របស់ព្រះតេជគុណយោតវិរិយោ ជួន ពេញ និងព្រះតេជគុណព្រះសង្ឃ គ្រប់ព្រះអង្គ ព្រមទាំងពុទ្ធបរិស័ទ និង សប្បុរសជននានា…

បាត់ដំបង:អាចនិយាយបានថា ជាការអភិរក្សនិងអភិវឌ្ឍន៍ ,រដ្ឋបាលខេត្តបាត់ដំបងបាននិងកំពុងកែលម្អបន្ថែមលើផ្នែកមួយចំនួននៃសារមន្ទីរប្រវត្តិសាស្រ្តរបស់ខេត្តបាត់ដំបង។សកម្មភាពនេះ ក្នុងគោលដៅពិពិធកម្មលើសក្ដានុពលដែលមានស្រាប់ដើម្បីទាក់ទាញភ្ញៀវទេសចរឱ្យមកទស្សនាឳ្យកាន់តែច្រើនថែមទៀត។នេះបើតាមការលើកឡើង របស់ លោក ហម អរុណ អនុប្រធានមន្ទីរទេសចរណ៍ ខេត្តបាត់ដំបង ។ លោកបានប្រាប់ទូរទស្សន៍អប្សរាថា បច្ចុបន្នរដ្ឋបាលខេត្ត និងមន្ទីរជំនាញពាក់ព័ន្ធបានផ្ចិតផ្ចង់កែលម្អបន្ថែមទៀតលើផ្នែកខ្វះខាតមួយចំនួននៃទីតាំងសារមន្ទីរប្រវត្តិសាស្រ្តខេត្តបាត់ដំបង ដើម្បីបង្កើនឳ្យមានភាពទាក់ទាញនិងឱ្យកាន់តែប្រសើរឡើងសម្រាប់ការមកទស្សនារបស់ភ្ញៀវដែលមកកាន់ទីនេះ។ លោកអនុប្រធានមន្ទីរបានឳ្យដឹងទៀតថា ទៅថ្ងៃអនាគត សារមន្ទីរប្រវត្តិសាស្រ្ត ដ៏ចំណាស់មួយនេះ នឹងរៀបចំឱ្យប្រែក្លាយជាមជ្ឈមណ្ឌលកណ្ដាលមួយ សម្រាប់ភ្ញៀវទេសចរជាតិ និងអន្តរជាតិ ដែលមកទស្សនា ឬ ចង់សិក្សាពីសក្ដានុពល នៃវិស័យទេសចរណ៍នានារបស់ខេត្តបាត់ដំបង។ គប្បីជម្រាបថា អគារអតីតនិវេសនដ្ឋានសាលាខេត្ត ដែលបច្ចុប្បន្នបានប្រែក្លាយជា”សារមន្ទីរប្រវត្តិសាស្រ្តខេត្តបាត់ដំបង” និងមានអាយុកាលជាង ១០០ឆ្នាំនេះ មានទីតាំងស្ថិតនៅក្នុងបរិវេណសាលាខេត្តបាត់ដំបង នៃក្រុងបាត់ដំបង ។អគារត្រូវបានកសាងឡើងនៅចន្លោឆ្នាំ១៧៩៥ដល់១៩០៧ក្នុងសម័យលោកម្ចាស់។អគារនេះធ្លាប់ត្រូវបានប្រើប្រាស់ជាកន្លែងធ្វើការ និងជាទីកន្លែងស្នាក់នៅ របស់មន្ត្រីជាន់ខ្ពស់បារាំងនិងក្រោយមក ជាសាលាខេត្តបាត់ដំបង រហូតមកដល់ ឆ្នាំ២០០៥ ។បច្ចុប្បន្នអាជ្ញាធរខេត្តបាត់ដំបងបានរៀបចំ”អតីតអគារ”នេះ ទៅជា”សារមន្ទីរប្រវត្តិសាស្រ្តខេត្ត” ដើម្បីឱ្យភ្ញៀវជាតិ និងអន្តរជាតិ ចូលទស្សនាកម្សាន្ត ថែមទាំងមានការរៀបចំ ការដាក់តាំងផ្ទាំងរូបភាព ផ្ទាំងទស្សនីយភាពផ្សេងៗ វត្ថុដ៏កម្រ វត្ថុបុរាណ រូបចម្លាក់និងរូបភាពសិល្បៈជាដើម៕ (អត្ថបទ- រូបភាព៖ អ៊ុក សំអាន បប)

បន្ទាយមានជ័យ៖រដ្ឋបាលខេត្តបន្ទាយមានជ័យ កាលពីរសៀល ថ្ងៃព្រហស្បតិ៍បានប្រារព្ធទិវាវប្បធម៌ជាតិលើកទី២៦ឆ្នាំ២០២៤ នៅ សាលប្រជុំសាលាខេត្ត។ ទិវាវប្បធម៌ជាតិឆ្នាំនេះប្រព្រឹត្តទៅក្រោមប្រធានបទ ” យុវជន ដើម្បីវប្បធម៌ជាតិ”។ឯកឧត្តម អ៊ុ រាត្រី អភិបាលខេត្ត ដែល អញ្ជើញ ចូលរួមក្នុងពិធីបានបញ្ជាក់ថា ឆ្លើយតបប្រធានបទនេះ យុវជនត្រូវនាំគ្នាលើកកម្ពស់ស្មារតីមោទនភាពជាតិនិងភាពជាម្ចាស់ នៃកេរ្តិ៍តំណែលវប្បធម៌ ។ចូលរួមយ៉ាងសកម្ម ក្នុងការ អភិរក្ស លើកស្ទួយ និងអភិវឌ្ឍវប្បធម៌ជាតិរួមទាំងវប្បធម៌ ចម្រុះ របស់សហគមន៍ ជនជាតិដើមភាគតិចនៅកម្ពុជាឱ្យបាន ស្ថិត ស្ថេរ គង់វង្ស។នាំគ្នាគាំទ្រលើកស្ទួយនូវអ្វីជាប្រពៃណីវប្បធម៌ ជាតិខ្មែរ។រួមគ្នាអភិវឌ្ឍវប្បធម៌របស់ខ្មែរ ដូចពាក្យថា “យើងទាំង អស់ គ្នាដើម្បីវប្បធម៌ជាតិ ហើយវប្បធម៌សម្រាប់ទាំងអស់គ្នា” ។ ឯកឧត្តមអភិបាលខេត្តក៏បានអំពាវនាវដល់យុវជនឱ្យចូលរួមសហការចូលរួមជាមួយមន្ត្រីជំនាញនិងអាជ្ញាធរមូលដ្ឋានក្នុងការទប់ស្កាត់ការជីកកាយគាស់ទួលសពបុរាណរាវរកវត្ថុសិល្បៈបុរមបុរាណពីសំណាក់ជនខិលខូច៕ អត្ថបទនិងរូបភាព៖ គៀន ច័ន្ទហ៊ីន

(ភ្នំពេញ)៖ អង្គការមូលនិធិអាស៊ាន ក្រោមការគាំទ្រពី Google.org (https://www.google.org/) បានបង្ហាញលទ្ធផលស្រាវជ្រាវស្តីពីអក្ខរកម្មឌីជីថលនៅសន្និសីទថ្នាក់តំបន់អាស៊ាន ។ ក្រោមចំណងជើង « គម្លាតមួយ ឫ គម្លាតច្រើន? អក្ខរកម្មឌីជីថលដ៏មានអត្ថន័យរបស់សហគមន៍អាស៊ានដែលមានការខ្វះខាត និងការឆ្លើយតបទៅនឹងព័ត៌មានមិនពិត» ការ សិក្សា នេះ បង្ហាញ ពី ការ ចូល រួម ជាលក្ខណៈ ឌីជីថល របស់ សហគមន៍ អាស៊ាន ដែល មាន ការ ខ្វះខាត។ ការសិក្សានេះផ្តោតទៅលើចំណេះដឹង ជំនាញ បទពិសោធន៍ និងការឆ្លើយតបរបស់ពួកគេចំពោះព័ត៌មានមិនពិតក្នុងគោលបំណងបង្កើតការយល់ដឹងជាមូលដ្ឋានអំពីតួនាទីរបស់អក្ខរកម្មឌីជីថលក្នុងការទទួលស្គាល់ និងឆ្លើយតបទៅនឹងព័ត៌មានមិនពិតនៅក្នុងសហគមន៍ទាំងនេះ។ ការស្រាវជ្រាវនេះគឺជាកម្មវិធីមួយក្នុងចំណោមកម្មវិធីសំខាន់ៗនៃកម្មវិធីអក្ខរកម្មឌីជីថលអាស៊ាន ដោយមានការផ្តល់អត្ថប្រយោជន៍ ដល់បុគ្គលជាង ១៩០ ០០០ នាក់ នៅទូទាំងតំបន់អាស៊ានជាមួយនឹងជំនាញអក្ខរកម្មឌីជីថលសំខាន់ៗ។ កម្មវិធីនេះក៏បានបើកដំណើរការវេទិកាសិក្សាតាមប្រព័ន្ធអេឡិចត្រូនិច https://www.digitalclassasean.org/ដែលដោះស្រាយបញ្ហាព័ត៌មានមិនពិត។ (https://www.digitalclassasean.org/) លោកបណ្ឌិត Piti Srisangnam នាយកប្រតិបត្តិនៃមូលនិធិអាស៊ាន បានថ្លែងថា៖ « នៅពេលដែលការស្រាវជ្រាវកម្មវិធីអក្ខរកម្មឌីជីថលចុងក្រោយបង្អស់របស់អាស៊ានបានបញ្ចប់ អង្គការមូលនិធិអាស៊ានអញ្ជើញអ្នកពាក់ព័ន្ធផ្នែកយុទ្ធសាស្ត្រឱ្យចូលរួម និងពិភាក្សាអំពីរបាយការណ៍សិក្សា…

(ភ្នំពេញ)៖ ដោយមើលឃើញពីការរីកចម្រើនលើសេដ្ឋកិច្ចរបស់ប្រទេសកម្ពុជា ហើយ បច្ចុប្បន្ននេះ ប្រជាជនខ្មែរយើង គឺពិតជាមានការយកចិត្តទុកដាក់ខ្ពស់លើ បញ្ហាសុខភាព និងសម្រស់ផងនោះ មជ្ឈមណ្ឌលកែសម្ផស្ស Apex Medical Center របស់ព្រះរាជា ណាចក្រថៃ និង គ្លីនិកកែសម្ផស្ស Natural Beauty Lounge ដែលជាគ្លីនិកដ៏ល្បី ល្បាញ ក្នុងស្រុកមួយកន្លែងនៅកម្ពុជា ដែលមានការគាំទ្រនិងពេញនិយមពីតារាប្រុស ស្រីល្បីៗ បានសហការគ្នាពង្រីកវិសាលភាព និងយកចិត្តទុកដាក់ពីការថែរក្សាសុខភាព និងសម្រស់ មកកាន់ប្រជាជនកម្ពុជា ។ ថ្លែងក្នុងពិធីចុះអនុស្សរណៈនៃការយោគយល់គ្នា (MoU) នារសៀលថ្ងៃទី២១ ខែមីនា ឆ្នាំ២០២៤ លោក Jakkrit Kakrut ដែលជាប្រធាននាយករបស់គ្លីនិក Natural Beauty Lounge បានលើកឡើងថា “យើងបានមើលឃើញពីការរីកចម្រើនលើ សេដ្ឋកិច្ច របស់ប្រទេសកម្ពុជា ហើយបច្ចុប្បន្ននេះប្រជាជនខ្មែរយើង គឺពិតជាមាន ការយកចិត្តទុក ដាក់ខ្ពស់លើបញ្ហាសុខភាព និងសម្រស់របស់ពួកគាត់ ។ ជាមួយគ្នានេះ ពួកយើងបាននឹង កំពុងនាំយកសេវាកម្មកែសម្ភស្សដ៏ទំនើបមានប្រសិទ្ធភាព និងពេញនិយមជូន…

ភ្នំពេញ៖អាជ្ញាធរជាតិព្រះវិហារ បានជូនដំណឹង ដល់ក្រសួង ស្ថាប័នជាតិ អន្តរជាតិ អាជ្ញាធរមូលដ្ឋាន ភ្ញៀវទេសចរជាតិ និងបរទេស សមាគមមគ្គុទ្ទេសទេសចរណ៍ សមាគមដឹក ជញ្ជូន ភ្ញៀវទេសចរ សមាគម ក្រុមហ៊ុនទេសចរណ៍ ស្តីពីការផ្អាក បណ្តោះ អាសន្ន ការឡើងទស្សនាប្រាសាទប្រាង្គ នៅក្នុង រមណីយដ្ឋានប្រាសាទកោះកេរ។ សេចក្តីជូនដំណឹង បានបញ្ជាក់ថា ការផ្អាកឡើងទស្សនា ប្រាសាទ ប្រាង្គ នៅក្នុងរមណីយដ្ឋានប្រាសាទកោះកេរ គឺចាប់ពីថ្ងៃទី២០ ខែមីនា ដល់ថ្ងៃទី៥ ខែមេសា ដោយ អាជ្ញាធរជាតិព្រះវិហារ កំពុងអនុវត្តគម្រោងជួសជុល ជណ្តើរ ឈើឡើងប្រាសាទប្រាង្គ (ជណ្តើរឈើចាស់មានសភាព ទ្រុឌទ្រោម) ក្នុងគោលបំណងរក្សាសុវត្ថិភាពជូនភ្ញៀវទេសចរ។ សូមជម្រាបថាប្រាសាទកោះកេរបានកសាងឡើងក្នុងរជ្ជកាលព្រះបាទជ័យវរ័្មនទី៤ឧទ្ទិសដល់អាទិទេពមួយអង្គឈ្មោះ ត្រីភូវ នេស្វរៈ ដែលសិលាចារិក ជាភាសាខ្មែរថា “កម្រតែងដ៏រាជា” ជាអាទិទេពធំ ឬផ្តល់សេចក្តីសុខក្នុងពិធីសក្ការៈទេវរាជមនុស្ស លោក។។ ប្រាសាទនេះពីដើមឈ្មោះឆកគគីរ ឬផៃ្ទដីគោកគគីរ សព្វថៃ្ងហៅថា អតីត រាជធានីកោះកេរិ៍ដ មានទំហំផ្ទៃដី១៦គុណ នឹង ១៦គីឡូម៉ែត្រ…