ភ្នំពេញ៖នាយកសាលារៀនមួយចំនួននៅរាជធានីភ្នំពេញ និងតាមបណ្តាខេត្តនានាបានប្រាប់ទូរទស្សន៍អប្សរាថា សិស្សានុសិស្សជាច្រើននៅតែញៀននឹងការលែងទូរស័ព្ទ ពួកគេខ្លះប្រើទូរសព្ទទាំងក្នុងនិងក្រៅថ្នាក់រៀន ហើយសិស្សខ្លះទៀតឈានដល់គេចម៉ោងសិក្សាតែម្តង។ លោក ឆាយ គីមអាល់ គ្រូបង្រៀននៅវិទ្យាល័យព្រះស៊ីសុវត្ថិនារាជធានីភ្នំពេញបានឱ្យដឹងថា កូនសិស្សរបស់លោកស្ទើរតែ១០០ភាគរយប្រើទូរសព្ទដែលភាគច្រើនជាប្រភេទស្មាតហ្វូន មានអ៊ិនធឺណិត ផ្ទុកដោយហ្គេម និងខ្លះទៀតមានរូបឬវីដេអូមិនសមរម្យ។ លោក មូល ស៊ុយហេង នាយកវិទ្យាល័យព្រះស៊ីសុវត្តិសម្គាល់ឃើញថា កូនសិស្សជក់លេងទូរសព្ទ រំខានដល់គ្រូ សិស្សដទៃ និងជាពិសេសពួកគេពុំមានអារម្មណ៍យកចិត្តទុកដាក់រៀនសូត្រនោះទេ។ លោក យ៉ាន ឡាយ នាយកប្រតិបត្តិនៃអង្គការសម្ព័ន្ធសិទ្ធិកុមារកម្ពុជាបានសម្គាល់ឃើញថា សិស្សដែលងប់ងុលនឹងស្មាតហ្វូនខ្លាំងភាគច្រើនស្ថិតក្នុងវ័យ១៥ឆ្នាំ ដែលប៉ះពាល់ដល់ការទំនាក់ទំនង ថមថយនូវគំនិតថ្មីៗ មានចរិតកោងកាច មានបញ្ហាសុខភាពផ្លូវចិត្ត និងបង្អាក់ការលូតលាស់ផ្នែកបញ្ញាស្មារតីជាដើម។ ដារិទ្ធ វលក្ខទេពី សិស្សថ្នាក់ទី១២នៃវិទ្យាល័យព្រះស៊ីសុវត្ថិ ធ្លាប់ជាអ្នកវក់នឹងទូរសព្ទ។ នាងបានប្រាប់ទូរទស្សន៍អប្សរាថា វាធ្វើឱ្យនាងរៀនមិនទាន់គេ។ ទេពី៖ ”រូបខ្ញុំធ្លាប់លេងទូរសព្ទក្នុងថ្នាក់រៀន មានពេលមួយគ្រូបង្រៀនកំពុងពន្យល់ ស្រាប់តែខ្ញុំងើបមកវិញចាប់អត់ទាន់! អត់យល់! ។ខ្ញុំសោកស្តាយ។ អញ្ចឹងខ្ញុំប្រាប់មិត្តៗថា យើងមិនគួរលេងទូរសព្ទក្នុងម៉ោងគ្រូកំពុងបង្រៀនជាដាច់ខាត”។ ដោយមើលឃើញពីផលប៉ះពាល់នេះកាលពីខែតុលាឆ្នាំ២០២៣ក្រសួងអប់រំ យុវជន និងកីឡា បានណែនាំឲ្យសាលារៀននៅទូទាំងប្រទេសរឹតបណ្តឹងការប្រើទូរសព្ទនៅសាលារៀន។ រហូតមកដល់ពេលនេះ មានសាលាកាន់តែច្រើនដែលចាត់វិធានការដោយឡែកពីគ្នា។តួយ៉ាងវិទ្យាល័យព្រះសីសុវត្ថិនៅភ្នំពេញ និងវិទ្យាល័យបូទុមសាគរនៅខេត្តកោះកុង ហាមសិស្សប្រើទូរសព្ទក្នុងម៉ោងរៀន។ ចំណែកអនុវិទ្យាល័យចន្រ្ទានៃខេត្តស្វាយរៀងវិញ និងសាលាអន្តរជាតិទ្រូវីហ្សិនកម្ពុជានៅភ្នំពេញ…

សៀមរាប៖ ដោយប្រសិទ្ធនាមថា តំបន់ តស់ !តស់! លេងទឹក ក្នុងចំណោមកម្មវិធីកម្សាន្ដជាច្រើនទៀត នៃសៀមរាប សង្ក្រាន្ដ ដើម្បីអបអរថ្ងៃចូលឆ្នាំថ្មីប្រពៃណីជាតិខ្មែរ ឆ្នាំ២០២៤នេះ គិតមក ដល់ថ្ងៃពុធនេះក្រុមការងារបានរៀបចំបាន៨០ភាគរយហើយ។ លោក គឿយ រដ្ឋា តំណាងឱ្យក្រុមការងាររៀបចំកម្មវិធីតស់! តស់! លេងទឹកនៃសហភាពសហព័ន្ធយុវជនកម្ពុជា (ស.ស.យ.ក) បានឱ្យដឹងថា ដើម្បីអបអរសាទរពិធីចូលឆ្នាំថ្មីប្រពៃណជាតិខ្មែរ ខាងមុខនេះ រដ្ឋបាលខេត្ដសៀមរាបបានសហការជាមួយ ស.ស.យ.ក បានបង្កើតកម្មវិធីតំបន់តស់!តស់! លេងទឹក ក្នុង ចំណោមកម្មវិធីជាច្រើនទៀតនៃសៀមរាប សង្ក្រាន្ដ ។កម្មវិធីមួយ នេះ បានរៀបចំបាន៨០ភាគរយហើយ ។កម្មវិធីកម្សាន្ដខ្លះទៀត បានបើកសាកល្បងដូចជា កន្លែងបាញ់ទឹក និងកន្លែងខ្លះត្រៀម បំពាក់ឧបករណ៍និងសម្ភារៈប៉ុណ្ណោះ ។ តំបន់កម្មវិធីតស់!តស់!លេងទឹកនេះរៀបចំតាមដងស្ទឹងចាប់ ពីចំណុចស្ពានវត្ដរាជបូណ៍ ដល់ស្ពានមន្ទីរទេសចរណ៍ចាស់និង នៅក្បែព្រះរាជដំណាក់ក្រុងសៀមរាប ។នៅក្នុងទីតាំងនោះ មា នការរៀបចំកម្មវិធីកម្សាន្ដជាច្រើនទៀត ដែលគេហៅថា តំបន់ស្រស់ ស្រាយត្រជាក់ត្រជុំព្រោះកម្មវិធីកម្សាន្ដនោះ ជាប្រភពទឹកទាំងអស់។កម្មវិធីនោះ រួមមាន លេងទឹកក្រោមទុយោទឹក នៅលើថ្នល់ ,ប្រដាល់ ធ្លាក់ទឹក…

បន្ទាយមានជ័យ៖ខណៈដែលថ្ងៃចូលឆ្នាំថ្មីប្រពៃណី ជាតិ កាន់តែ ខិតជិតមកដល់ របាំប្រពៃណីនិងល្បែង ប្រជាប្រិយខ្មែរ មួយចំនួន ត្រូវបានយកមកសម្ដែង និងលេងកម្សាន្តនៅតាមមន្ទីរ អង្គភាពខ្លះ ឱ្យក្នុងខេត្តបន្ទាយមានជ័យ ។ ក្នុងពិធីសំណេះសំណាលជាមួយចាស់ជរា និងទស្សនាការ សម្ដែងនិង លេងល្បែងប្រជាប្រិយកាលពីថ្ងៃអង្គារ ឯកឧត្ដម កែ គឹមយ៉ានតំណាង រាស្រ្តមណ្ឌលខេត្តបន្ទាយមានជ័យ និងជាឧត្តម ក្រុមប្រឹក្សាផ្ទាល់ព្រះមហាក្សត្របានលើកឡើងពីរបាំត្រុដិ ក៏ដូចជា របាំប្រពៃណីផ្សេងទៀតនិងល្បែងប្រជាប្រិយខ្មែរជាច្រើន គឺជា អត្តសញ្ញាណជាតិ,ព្រលឹងវប្បធម៌ជាតិ,ជាមរតករូបីមានតម្លៃមហាសាលមិនអាចកាត់ថ្លៃបាន ដែលដូនតាខ្មែរបានបន្សល់ទុកឱ្យ។ឯកឧត្តម បន្តថាយើងទាំងអស់គ្នាចាំបាច់មានកាតព្វកិច្ច បន្តវេនចូលរួម លើក ស្ទួយ ថែរក្សាការពារសម្បត្តិបេតិកភណ្ឌជាតិឱ្យ ស្ថិតស្ថេរគង់វង់។ ងាកត្រឡប់ទៅរកជនចាស់ជរាឯណោះវិញ ឯកឧត្តម កែគឹមយ៉ាន បានរំលឹកថា ក្នុងនាមជាអ្នកបន្តវេនយើងក៏ត្រូវរួមគ្នាគិតគូរ ដល់ ជនវ័យចាស់ តាមរយៈនៃការជួយឧបត្ថម្ភ ជាគ្រឿងបរិភោគ សម្ភារៈ ប្រើប្រាស់ ថវិកាមួយចំនួនរួមទាំងជួយជួសជុល ផ្ទះសម្បែង របស់ ពួកគាត់។ពិសេសជនវ័យចាស់គ្មានទីពឹង។ពីព្រោះមនុស្សចាស់ ជាអ្នកបានផ្ដល់បទពិសោធន៍មានគុណតម្លៃលើជីវិតរស់នៅ និង ការងារ សម្រាប់យើងទាំងអស់គ្នា។ លោក យ៉ង់ តាំកួយ…

(ភ្នំពេញ)៖ សមាជិកព្រឹទ្ធសភា នៃគណបក្សប្រជាធិបតេយ្យសេរី (LDP) អភិបាលខេត្ត និងអភិបាលក្រុងអូសាកា (OSAKA) របស់ប្រទេសជប៉ុន បានចេញលិខិតចំនួន ៣ច្បាប់ផ្សេងគ្នា អបអរសាទរចំពោះការរៀបចំព្រឹត្តិការណ៍សង្ក្រាន្តឆ្នាំថ្មី នៅក្នុង ទីក្រុងអូសាកា ដែលបានប្រារព្ឋកាលពីថ្ងៃទី៧ ខែមេសា ឆ្នាំ២០២៤ កន្លងទៅថ្មីៗនេះ ដោយចាត់ទុកជាព្រឹត្តិការណ៍ ដែលបានបង្ហាញពីភាពល្អឥតខ្ចោះ និងភាពសម្បូររុងរឿង នៃវប្បធម៌ និងអរិយធម៌ខ្មែរ ហើយក៏ជាគន្លឹះនៃចំណងមិត្តភាព រវាងប្រទេសទាំងពីរផងដែរ។ លោកជំទាវ កាតាយាម៉ា សាតសុគិ(KATAYAMA SATSUKI) សមាជិកព្រឹទ្ធសភា និងជា ប្រធានគណៈកម្មការកិច្ចការស្រាវជ្រាវហរិញ្ញវត្ថុ និងជាអនុប្រធានគណៈកម្មការស្រាវជ្រាវ ប្រព័ន្ធពន្ធនៃគណបក្សប្រជាធិបតេយ្យសេរី(LDP)ដែលជាបក្សកាន់អំណាចនៅជប៉ុន បានបង្ហាញជំនឿយ៉ាងមុតមាំថា ព្រឹត្តិការណ៍សង្រ្កាន្តខ្មែរនៅជប៉ុននេះ នឹងចូលរួមចំណែក ក្នុងការផ្លាស់ប្តូរ និងចែករំលែកវប្បធ៌ម ព្រមទាំងពង្រឹងចំណងមិត្តភាពនៃប្រទេសទាំងពីរ ឱ្យកាន់តែរឹងមាំថែមមួយកម្រិតទៀត។ សម្រាប់លោកជំទាវ ព្រឹត្តិការណ៍សង្រ្កាន្តខ្មែរនេះ បានបង្ហាញពីភាពឥតខ្ចោះ និងភាពសម្បូររុងរឿងនៃប្រពៃណីវប្បធ៌មខ្មែរដែលបានល្បីរន្ទឺទូទាំងសកលលោក។ ដោយឡែក អភិបាលខេត្តអូសាកា ឯកឧត្តម យូស៊ីមូរ៉ា ហីរូហ្វូមី(YOSHIMURA HIROFUMI) ក៏រំភើបរីករាយយ៉ាងក្រៃលែងចំពោះការរៀបចំព្រឹត្តិការណ៍សង្ក្រាន្ត របស់ ខ្មែរដែលធើ្វជាលើកដំបូងក្នុងទឹកដីខេត្តអូសាកា។ សម្រាប់ឯកឧត្តម ការរៀបចំ…

(ខេត្តកណ្តាល)៖ ឯកឧត្តម ឧត្តមសេនីយ៍ត្រី នៃ និយម និងលោកជំទាវ ដុង សុឌីណែត ព្រមទាំងមានការអញ្ជើញចូលរួមពីលោកមេបញ្ចាការរង នាយការិយាល័យ ផ្នែក ជានាយ ទាហាន នាយទាហានរង រួមជាមួយអតីតយុទ្ធជន ក្រុមគ្រួសារ និងពុទ្ធបរិស័ទ ដែលមាន ទីលំនៅជាប់និងទីបញ្ជាការ នៅព្រឹកថ្ងៃ១កើត ខែចេត្រ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៩ ខែមេសា ឆ្នាំ២០២៤ ខែមេសា ឆ្នាំ២០២៤នេះ បានរៀបចំពិធី ចម្រើន ព្រះបរិត្ត បង្សុកូល ឧទិ្ទសកុសល ជូនដល់វិញ្ញាណក្ខន្ធ យុទ្ធជន ពលីជីវិតក្នុងសម័យ សង្គ្រាម និងប្រោះព្រំថ្វាយព្រះពរជ័យ លើករាសី និងអបអរសាទរឆ្នាំថ្មី ឆ្នាំរោង ឆស័ក ព.ស.២៥៦៨ ដែលនឹងឈានចូលមកដល់ នៅថ្ងៃទី១៣ ដល់ថ្ងៃទី១៦ ខែមេសាខាងមុខ ទៅតាមគន្លងទំនៀមទម្លាប់ប្រពៃណី ព្រះពុទ្ធសាសនា ដោយបាននិមន្ត ព្រះសង្ឃ ចំនួន ៣អង្គ សូត្រមន្តចំរើនព្រះបរិត្ត…

(កំពង់ធំ)៖ ពុទ្ធចក្រ និងអាណាចក្រ ត្រូវដើរទន្ទឹមគ្នា ពឹងគ្នា និងជួយទំនុកបម្រុងគ្នាទៅវិញទៅមក ដោយពុទ្ធចក្រជួយផ្នែកស្មារតី ផ្នែកទស្សនវិជ្ជា, មានពុទ្ធចក្រ ទើបអាណាចក្រ អាចរុងរឿងបាន ខណៈពុទ្ធចក្រ ក៏ពឹងផ្អែក និងផ្ញើលើរដ្ឋអំណាចផងដែរ ក្នុងនោះគឺដោយសារមានសុខសន្តិភាព ។ នេះជាការគូសបញ្ជាក់របស់លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា ក្នុងពិធីបុណ្យសម្ភោធឆ្លងឧបដា្ឋនសាលា ពុទ្ធាភិសេក និងសមិទ្ធផលនានានៅក្នុងវត្តមុនីរតនារាម (ហៅវត្តល្អក់)ស្ថិតក្នុងឃុំកំពង់ថ្ម ស្រុកសន្ទុក ខេត្តកំពង់ធំ នាថ្ងៃទី០៨ ខែមេសា ឆ្នាំ២០២៤ ។ លោកជំទាវបណ្ឌិត ជា សិរី បានថ្លែងចាត់ទុកសមិទ្ធផល សម្ភោធឆ្លងឧបដា្ឋនសាលានេះ ឆ្លុះបញ្ចាំងអំពីការដឹកនាំ និងការចូលរួមចំណែកជាកុសលដ៏ធំធេងរបស់អាជ្ញាធរ ព្រះចៅអធិការវត្ត គណៈកម្មការអាចារ្យវត្ត និងពុទ្ធបរិស័ទចំណុះជើងវត្តទាំងអស់។ សកម្មភាពទាំងនេះ ជាកុសលធំណាស់ ដូចជាការសន្សំបុណ្យ ជាហេតុនាំមកនូវសេចក្តីសុខ ។ លោកជំទាវបន្តថា សមិទ្ធផលដែលសម្រេចបានទាំងអស់នេះ កើតឡើងដោយសារការខិតខំប្រឹងប្រែងរបស់រាជរដ្ឋាភិបាល ក្នុងការរក្សាបានសន្តិភាពពេញលេញ និងស្ថិរភាពនយោបាយ ។ ពុទ្ធចក្រ និងអាណាចក្រ ត្រូវដើរទន្ទឹមគ្នា ពឹងគ្នាទៅវិញទៅមក…

កំពង់ធំ៖ខណៈដែលថ្ងៃចូលឆ្នាំថ្មីប្រពៃណីជាតិកាន់តែខិត មក ដល់ ដូចទម្លាប់រៀងរាល់ឆ្នាំដែរ បញ្ជាការដ្ឋានតំបន់ប្រតិបត្តិការ សឹក រងកំពង់ធំបាននិមន្តព្រះសង្ឃនៅវត្តបទុមរ័ត្នហៅ វត្ត ក្រចាប់ មកសូត្រមន្ត បង្សុកូល រាប់បាត្រ ឧទ្ទិសកុសលដល់ វិញ្ញាណក្ខន្ធកម្មា ភិបាល យុទ្ធជន យុទ្ធនារី ដែលបានពលី ជីវិត ក្នុងសម័យសង្គ្រាម ក្នុងបុព្វហេតុ ការពារទប់ស្កាត់ការវិល ត្រឡប់ មកវិញនៃរបប ប្រល័យ ពូជសាសន៍ ប៉ុល ពត ។ ពិធីដែលបានប្រព្រឹត្តទៅកាលពីថ្ងៃចន្ទមានការអញ្ជើញចូលរួមពីឧត្តមសេនីយ៍ទោ សោម ស៊ុន មេបញ្ជាការតំបន់ ប្រតិបត្តិការ សឹករងកំពង់ធំ និងលោកជំទាវព្រមទាំងនាយទាហាន នាយ ទាហានរង ពលទាហាន ក្រុមគ្រួសារ និងញាតិមិត្តជិតឆ្ងាយ យ៉ាងច្រើនកុះករ។ ឧត្តមសេនីយ៍ទោ សោម ស៊ុន មានប្រសាសន៍ថា ជារៀង រាល់ ឆ្នាំបញ្ជាការដ្ឋានតែងតែប្រារព្ធពិធីនេះ ដើម្បីអបអរសាទរ សង្ក្រាន្តឆ្នាំថ្មី ប្រពៃណីជាតិខ្មែរ និងឧទ្ទិសកុសលដល់វិញ្ញាណ ក្ខន្ធកម្មាភិបាល យុទ្ធជន យុទ្ធនារី…

សៀមរាប៖ រដ្ឋបាលសាលាខេត្តសៀមរាប កាលពីចុងសប្ដាហ៍បានប្រារព្ធពិធីសូត្រមន្ត ទទួលអំណរទេវតាឆ្នាំថ្មី ដោយមានការចូលរួមពីឯកឧត្តម អ៊ាន ឃុន  ប្រធានក្រុមប្រឹក្សាខេត្ត,ឯកឧត្តម ប្រាក់ សោភ័ណ អភិបាលខេត្ត និង លោកជំទាវ ព្រមទាំងមន្រ្តីរាជការនៃរដ្ឋបាលខេត្ត។ សូមជម្រាបថា ក្នុងឱកាសចូលឆ្នាំនេះ រដ្ឋបាលខេត្ត  សហភាពសហព័ន្ធយុវជនកម្ពុជាខេត្តសៀមរាប នឹងរៀបចំនូវ ព្រឹត្តិការណ៍សៀមរាប-សង្ក្រាន្ត  នៅតាមដងស្ទឹងសៀមរាបពីថ្ងៃទី១៣ដល់ថ្ងៃទី១៦ ខែមេសា ដើម្បីញ៉ាំងពិធីបុណ្យចូលឆ្នាំប្រពៃណីជាតិខ្មែរ ឱ្យកាន់តែមហោឡារិកដើម្បីបង្កើននូវភាពទាក់ទាញ ដល់ភ្ញៀវទេសចរក្នុងនិងក្រៅប្រទេស ចូលមកទស្សនាខេត្តសៀមរាបកាន់តែមានការកើនឡើងជាបន្តបន្ទាប់ ស្របតាមចក្ខុវិស័យរបស់ប្រមុខរាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា «ទស្សនាសៀមរាបឆ្នាំ២០២៤» ។ តាមសេចក្ដីជូនដំណឹងរបស់រដ្ឋបាលខេត្តបញ្ជាក់ថាការរៀបចំសៀមរាបសង្ក្រាន្ត នៅឆ្នាំ២០២៤ មានរយៈពេល៤ថ្ងៃ រាប់ចាប់ពីថ្ងៃទី១៣-១៦ ខែមេសា នៅសួនច្បារព្រះរាជដំណាក់ខេត្តសៀមរាប និងនៅតាមផ្លូវសងខាងដងស្ទឹងសៀមរាប ចាប់ពីស្ពានអតីតមន្ទីរទេសចរណ៍ខេត្ត រហូតដល់ស្ពានវត្តដំណាក់។ ព្រឹត្តិការណ៍នេះនឹងមានរួមបញ្ចូលនូវកម្មវិធីកម្សាន្តសប្បាយជាច្រើនដូចជា ការលេងល្បែងប្រជាប្រិយខ្មែរ, ការជិះទូកលេងតាមដងស្ទឹង ,ការវាយកូនហ្គោលសៀមរាបសង្ក្រាន្ត ,ការតាំងពិព័រណ៍ម្ហូបអាហារ ,ការទស្សនាផ្សារបណ្តែតទឹក និងការប្រគំតន្ត្រីនាពេលរាត្រីជាដើម៕  ដោយៈស៊ាន សុផាត

សៀមរាប៖ សាលារៀន អារីហ្សូន សាខាខេត្តសៀមរាប កាលពីថ្ងៃសៅរ៍បានប្រារព្ធពិធីប្រគល់បណ្ណសរសើរដល់សិស្សឆ្នើមប្រចាំស្ថាប័ន អេជី និងសិស្សពូកែជ័យលាភីចំណាត់ថ្នាក់លេខ១-៣ ប្រចាំឆមាសត្រីទី១ ឆ្នាំសិក្សា ២០២៣-២០២៤ ដែលមានសិស្សសរុបចំនួន ១៧៦០ នាក់ ។ក្នុងនោះសិស្ស ចំនួន ៩៨៦ នាក់ក្នុងឆមាសទី១ ឆ្នាំសិក្សា ២០២៣-២០២៤ ដែលទទួលបានជ័យលាភី។ ពិធីមានការអញ្ជើញចូលរួមពីសំណាក់លោកប្រធានមន្ទីរអប់រំ យុវជន និងកីឡា ខេត្តសៀមរាប និងគណៈគ្រប់គ្រងសាលា សាស្ត្រាចារ្យ លោកគ្រូ អ្នកគ្រូ បុគ្គលិក លោក-លោកស្រី ជាភ្ញៀវកិត្តិយសព្រមទាំងមាតាបិតាឬអ្នកអាណាព្យាបាលនិងសិស្សានុសិស្សទាំងអស់ផងដែរ។លោក ម៉ី ភារិទ្ធ នាយកសាលារៀន អារីហ្សន ( ARIZON SCHOOL) សាខាខេត្តសៀមរាប បានបង្ហាញថា ដោយមានការដឹកនាំ និងចាត់ចែងដ៏ល្អរបស់ឧកញ៉ាវេជ្ជបណ្ឌិត ជា សុខឃាង ប្រធាននាយកប្រតិបត្តិនៃស្ថាប័នអប់រំ អេជី បានធ្វើឳ្យមានការគាំទ្រ និងចូលរួមសហការដ៏ស្មោះស្ម័គ្រពីស្ថាប័ននានាជាដៃគូជា ពិសេសបុគ្គលិក សាស្ត្រាចារ្យ លោកគ្រូ-អ្នកគ្រូ ព្រមទាំងពីសំណាក់មាតាបិតា សហគមន៍ជាតិ អន្តរជាតិ និងអាជ្ញាធរដែនដីគ្រប់លំដាប់ថ្នាក់នាឆ្នាំសិក្សាកន្លងមក…

រតនគិរី:ខណ:នេះរដ្ឋបាលខេត្តរតនគិរីត្រៀមស្វាគមន៍ភ្ញៀវទេសចជាតិ-អន្តជាតិនាពេលពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ព.ស២៥៦៨ គ.ស២០២៤ដែលនឹងឈានចូលមកដល់នាពេលរួចរាល់ហើយ។ ឯកឧត្តម ញ៉ែម សំអឿន អភិបាលខេត្តបានបញ្ជាក់ថា រដ្ឋបាលខេត្តបានត្រៀមរួចជាស្រេចក្នុងការរៀបចំតុបតែងលំអនៅតាមមន្ទីរ អង្គភាពសាមីខ្លួនដើម្បីស្វាគមន៍ភ្ញៀវទេសចរជាតិ-អន្តជាតិនាពេលពិធីបុណ្យចូលឆ្នាំថ្មីប្រពៃណីជាតិខ្មែរ ឱ្យកាន់តែអធិកអធមផងដែរ ។ ជាក់ស្តែងយើងសង្កេតឃើញមានការរៀបចំសណ្ដាប់ធ្នាប់ ការតុបតែងលំអផ្កាភ្ញី ភ្លេីងពណ៌នៅតាមទីសាធារណៈ ។ការតុបតែងភ្លើងចម្រុះពណ៌តាមដងវិថីសំខាន់ៗប្រកបដោយភាពទាក់ទាញ៕ដោយ :គតិ យុត្ត