(ភ្នំពេញ)៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ដ្រី ក្រសួងអប់រំ យុវជន និងកីឡា និងជាតំណាងដ៏ខ្ពង់ខ្ពស់ សម្តេចមហា បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានបន្ត ដឹកនាំគណៈប្រតិភូរដ្ឋា ភិ បាល កម្ពុជា ចូលរួម កិច្ចប្រជុំកំពូល លើកទី៣ នៃក្រុមប្រទេសកំពុងអភិវឌ្ឍន៍ G77 ក្រោមប្រធានបទ៖ “កុំទុកនរណាម្នាក់ចោល” (LEAVING NO ONE BEHIND) ដែលប្រព្តឹត្តិទៅរយៈពេល ២ថ្ងៃ គឺ ថ្ងៃទី២១-២២ ខែមករា ឆ្នាំ២០២៤ នៅ ទីក្រុង Kampala ប្រទេសអ៊ូហ្កង់ដា។ គួរបញ្ជាក់ថាកិច្ចប្រជុំកំពូលលើកទី៣ G77 ក្រោមប្រធានបទ “កុំទុកនរណា ម្នាក់ ចោល” ដែលបានរៀចំឡើងកាលពីថ្ងៃទី២១ ខែមករា ឆ្នាំ២០២៤ ដោយបាន ផ្តោតសំខាន់ទៅលើកិច្ចពិភាក្សា រៀបចំផែនការយុទ្ធសាស្ត្រ ដើម្បីឆ្លើយតបនឹង បញ្ហាប្រឈមនានាដែលប្រទេសសមាជិកកំពុងជួបប្រទះ…

(ភ្នំពេញ)៖ ដោយសារពីជីវភាពរបស់ខ្លួនមិនឋិតឋេរពោលគឺប្រកបរបររកស៊ីចំណូលមិនទៀងទាត់ និងមិនអាចផ្គត់ផ្គង់ជីវភាពគ្រួសារមិនគ្រប់គ្រាន់ លោក កុយ សីហា មានគ្រួសារនិងមានកូន១នាក់នៅក្នុងបន្ទុក ប្រករបរដើររើសអេតចាយ និងឆ្លៀតទិញអេតចាយលក់ បានសម្រេចចិត្តមកចុះឈ្មោះចូលរៀនជំនាញអគ្គីសនី នៅវិទ្យាស្ថានពហុបច្ចេកទេសព្រះកុសមៈ ដែលមានទីតាំងស្ថិតនៅ មហាវិថីសហព័ន្ធរុស្ស៊ី ភូមិចុងថ្នល់ ខាងកើត សង្កាត់ទឹកថ្លា ខ័ណ្ឌសែនសុខ រាជធានីភ្នំពេញ តាមរយៈការផ្សព្វផ្សាយពីអាជ្ញាធរ ដល់ប្រជាពលរដ្ឋនៅក្នុងមូលដ្ឋានដែលមានបំណងចាប់យកអាជីពមួយពិតប្រាកដក្នុងខ្លួន តាមរយៈកម្មវិធីបណ្តុះបណ្តាលថ្នាក់ជាតិស្តីពីការបណ្តុះ បណ្តាល ជំនាញវិជ្ជាជីវៈ និងបច្ចេកទេស១,៥ លាននាក់ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។ ថ្លែងប្រាប់អ្នកសារព័ត៌មានទូរទស្សន៍អប្សរា លោក កុយ សីហា និយាយទាំងក្តុកក្តូលនិងសប្បាយចិត្តបន្ទាប់ពីបានចូលរៀនជំនាញអគ្គីសនីដោយឥតបង់ថ្លៃ នៅវិទ្យាស្ថានពហុបច្ចេកទេសព្រះកុសមៈ ថា បន្ទាប់ពីបានទទួលដំណឹង និងចុះប្រាប់ដោយផ្ទាល់ពីក្រសួងការងារ និងបណ្តុះបណ្តាលវិជ្ជាជីវៈ ដល់គ្រួសារក្រីដែលមានហានិភ័យ ពិសេសអ្នករើសអេតចាយដូចពួកគាត់ ដែលមានប័ណ្ណសមធម៌ ដើម្បីមកបណ្តុបណ្តាលឱ្យរៀនជំនាញ ងាយស្រួលរកការងារធ្វើ។ លោក ក៏បានរំលឹកពីជីវភាព ដែលជាអ្នករើសអេតចាយ និងទិញអេតចាយ មានភាពខ្សត់ខ្សោយ រកលុយមួយថ្ងៃបានចន្លោះត្រឹម២ទៅ៣ម៉ឺនរៀលមកផ្គត់ការចំណាយនៅក្នុងក្រុមគ្រួសារ ហើយការរស់នៅជួលផ្ទះគេ ត្រូវចំណាយច្រើន ធ្វើអោយលោកចាប់យកឱកាសមករៀនអគ្គីសនីអាចជាក្តីសង្ឃឹមឱ្យលោកអាចមានជីវភាពប្រសើរជាងមុន។ លោកបានបញ្ជាក់ផងដែរថា លោកពិតជា សប្បាយចិត្តដែលប្រមុខរាជរដ្ឋាភិបាល សម្តេចធិបតី ហ៊ុន…

ភ្នំពេញ៖នៅថ្ងៃនេះក្រសួងវប្បធម៌និងវិចិត្រសិល្បៈបានជូនដំណឹងថាក្រសួងនឹងរៀបចំកម្មវិធីបណ្តុះបណ្តាលជំនាញវិជ្ជាជីវៈដូនតា​ដោយមិនបង់ថ្លៃសម្រាប់ឆ្នាំ២០២៤ ចាប់ពីខែកុម្ភៈខាងមុខនេះតទៅនៅទីតាំងចំនួន១៣ ក្នុង ៨ រាជធានី-ខេត្ត។ក្នុងនេះមាន រាជធានីភ្នំពេញ ខេត្តសៀមរាប កំពង់ឆ្នាំង កំពង់ស្ពឺ​ តាកែវ រតនគិរី កំពង់ចាម និងខេត្តកណ្ដាល។  ជំនាញដែលនឹងបណ្តុះបណ្តាលនោះ រួមមាន ឌុកស្មាច់, ចម្លាក់ប្រាក់/ស្ពាន់, ចម្លាក់ស្បែក, ចម្លាក់ថ្ម, កម្បាញក្រមាក្រំ, ស្មូនឆ្នាំង, ផលិតឧបករណ៍ភ្លេង, តម្បាញសូត្រ, គំនូរពណ៌, គំនូរបុរាណ និងចម្លាក់ស្មិត។ ក្រសួងបានបញ្ជាក់ទៀតថា ចំពោះសិស្សដែលមកអំពីគ្រួសារក្រីក្រដែលមានបណ្ណសមធម៌ និងគ្រួសារងាយរងហានិភ័យដែល​មានបណ្ណសម្គាល់គ្រួសារងាយរងហានិភ័យនៅក្នុងព្រះរាជាណាចក្រកម្ពុជាឮនឹងទទួលបានប្រាក់ឧបត្ថម្ភចំនួន២៨០,០០០ រៀលក្នុងមួយខែ តែត្រូវបំពេញលក្ខខណ្ឌសិក្សាឱ្យបានត្រឹមត្រូវ។អ្នកដែលមានបំណងចង់សិក្សាវិជ្ជាជីវៈសូម​រួសរាន់ចុះឈ្មោះ​ចូលរៀន ដ្បិតកន្លែងសិក្សាមានកំណត់។ពិសេសយុរជនដែលមានបំណង ចង់សិក្សាជំនាញខាងលើ សូមទាក់ទងមកលេខាធិការដ្ឋាន​បណ្តុះបណ្តាលជំនាញវិជ្ជាជីវៈដូនកា ពីថ្ងៃចន្ទ ដល់ ថ្ងៃសុក្រ រៀងរាល់ម៉ោងធ្វើការតាមរយៈលេខទូរសព្ទ: ០១៧ ៤៣១ ៣០២/ ០៨៨ ៨៥៣ ៥៦៣៦ ,០៩៦ ៥២២ ៧៣៦៩,តេឡេក្រាម: ០១៧ ៤៣ ១៣ ០២និងអីម៉ែល : tstmcfa@gmail.com៕ ដោយ៖មុនី

ភ្នំពេញ៖ មានមនុស្សមិនច្រើនប៉ុន្មានទេដែលបានទៅទស្សនាផ្ទាល់នូវវត្តដ៏ចំណាស់មួយនេះ ។វត្តសសរ១០០ ជាវត្តដ៏ចំណាស់ មួយនៅ ប្រទេសកម្ពុជា សាងសង់ឡើងនៅឆ្នាំ១៨៦០ ស្ថិតនៅចំទីតាំងរាជវាំង នគរសម្ភបុរៈ នៃអាណាចក្រចេនឡា បច្ចុប្បន្នស្ថិតនៅ ស្រុកសំបូរ ខេត្តក្រចេះ។ វត្ដសសរ១០០ ត្រូវបានសាងសង់បែរទៅទិសខាងជើង ខុសពីព្រះ វិហារដទៃទៀត ក្នុងសម័យព្រះបាទអង្គច័ន្ទរាជា។ រយៈពេល១០០ ឆ្នាំ ក្រោយមក ព្រះវិហារត្រូវបានបំផ្លាញដោយគ្រោះធម្មជាតិរន្ទះបាញ់ ដែលបានធ្វើឱ្យសសរចំនួនន ២២ដើមឆេះ អស់ និងព្រះពុទ្ធបដិមា ប្រឡាក់ដោយផ្សែងភ្លើង។បន្ទាប់ប្រជាជននៅទីនោះបានរួបរួមគ្នាស្ថាបនាព្រះវិហារនេះឡើងវិញ ប៉ុន្តែមានសសរតែ៧៨ដើមប៉ុណ្ណោះ។ រហូតមកដល់ ឆ្នាំ១៩៧៨ ព្រះវិហារសសរ១០០ត្រូវបានរុះរើសាងសង់ឡើងវិញ ដោយមាន សសរ១១៦ដើម។ អ្វីដែលយើងបានឃើញនេះ គឺជាព្រះវិហារថ្មី ត្ដែលរូវបានស្ថាបនា រួចរាល់នៅថ្ងៃទី១៤ មករា ១៩៩៨៕ ប្រភព៖កម្ពុជាមាតុភូមិខ្ញុំ – គឹម បញ្ញារ័តន៍

ស្វីស៖ ក្រុមហ៊ុន Trip.com ដែលជាក្រុមហ៊ុនទេសចរណ៍លំដាប់ ពិភព លោក បានអះអាងថានឹងនាំភ្ញៀវមកទស្សនាកម្ពុជាឱ្យបាន កាន់ តែច្រើន ថែមទៀត។ការប្ដេជ្ញានេះបានធ្វើឡើងក្នុងឱកាសលោកស្រី Jane Sun អគ្គនាយិកាក្រុមហ៊ុន Trip.com ចូលជួបសម្តែងការគួរសម និងពិភាក្សា ការងារជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃ ព្រះរាជាណាចក្រកម្ពុជាកាលពីរសៀលថ្ងៃទី១៦ ខែមករា ឆ្នាំ២០២៤ ក្នុងឱកាសសម្ដេចអញ្ជើញចូលរួមវេទិកាសេដ្ឋកិច្ចពិភពលោកឆ្នាំ២០២៤ នៅទីក្រុងដាវ៉ូស ប្រទេសស្វីស ។ក្នុងជំនួបនេះ លោកស្រី Jane Sun បានជម្រាបជូន សម្តេចធិបតី អំពី ដំណើរការអាជីវកម្ម និងសក្តានុពលរបស់ក្រុមហ៊ុន Trip.com ដែលមាន ប្រតិបត្តិការអាជីវកម្មផ្តោតជាសំខាន់លើវិស័យទេសចរណ៍ ។លោកស្រី ក៏បានបញ្ជាក់ផងដែរអំពីគោលបំណងរបស់ក្រុមហ៊ុនក្នុងការបន្តសហការជាមួយក្រុមហ៊ុនដៃគូនៅកម្ពុជាដើម្បីនាំភ្ញៀវទេសចរឱ្យបានកាន់តែច្រើនមកទស្សនាប្រទេសកម្ពុជា ដែលជាប្រទេសដ៏ស្រស់ស្អាត និងមានគោលដៅ ទេសចរណ៍ ដែលមានភាពទាក់ទាញខ្លាំង។ សម្តេចធិបតីបានបង្ហាញនូវការស្វាគមន៍ចំពោះបំណងរបស់ក្រុមហ៊ុនក្នុងការពង្រីកសកម្មភាពវិនិយោគនៅកម្ពុជា ជាពិសេស តាមរយៈកិច្ចសហការជា មួយនឹងបណ្តាក្រុមហ៊ុនដៃគូក្នុងស្រុក ស្របពេលដែលរាជរដ្ឋាភិបាល អាណត្តិទី៧ បាន និងកំពុងដាក់ចេញនូវគោលនយោបាយ និងយន្តការចាំ បាច់ សំដៅជំរុញកំណើននៃវិស័យទេសចរណ៍…

(ភ្នំពេញ)៖ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជន និងកីឡាបានប្រកាសឱ្យអនុវត្តិនូវស្តង់ដាសាលាបឋមសិក្សាគំរូ ក្នុងនេះមានចំនួន៥ស្តង់ដែលគេរំពឹងថានឹងជួយជំរុញនៃការចាប់ផ្តើមដ៏ប្រសើរបំផុត នៃការអនុវត្តយុទ្ធសាស្ត្រកំណែទម្រង់វិស័យអប់រំ ឆ្នាំ២០២៤-២០២៨ ក៏ដូចជាយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាលកម្ពុជា។ ថ្លែងទៅកាន់លោកគ្រូ អ្នកគ្រូ សិស្សានុសិស្សក្នុង “ពិធីប្រកាសដាក់ឱ្យអនុវត្តជាផ្លូវការសាលាបឋមសិក្សាគំរូ ការដាក់ឱ្យប្រើប្រាស់ឯកសារ ស្តីពីការអភិវឌ្ឍកុមារផ្សារភ្ជាប់នឹងការអប់រំបឋមសិក្សា និងសៀវភៅពន្លឿនការសិក្សាភាសាខ្មែរ ថ្នាក់ឆ្នាំទី១” នាក្នុងវិទ្យាស្ថានជាតិអប់រំក្នុងរាជធានីភ្នំពេញនាថ្ងៃទី ១២ ខែមករា នេះ ឯកឧត្តមបណ្ឌិតសភាចារ្យ ហង់ជួន ណារ៉ុនបានឱ្យដឹងថា៖ការដាក់ឱ្យអនុវត្តស្តង់ដាសាលាបឋមសិក្សាគំរូ នាពេលនេះ ជាការចាប់ផ្តើមដ៏ប្រសើរបំផុត នៃការអនុវត្តយុទ្ធសាស្ត្រកំណែទម្រង់វិស័យអប់រំ ឆ្នាំ២០២៤-២០២៨ ក៏ដូចជាយុទ្ធសាស្ត្របញ្ចកោណដំណាក់កាលទី១ ដែលរាជរដ្ឋាភិបាល កម្ពុជាបានចាត់ទុកវិស័យអប់រំជាវិស័យអាទិភាពទី១ ឆ្ពោះទៅអភិវឌ្ឍមូលធនមនុស្សឱ្យមាន សមត្ថភាព ចំណេះដឹង និងជំនាញខ្ពស់ ភាពច្នៃប្រឌិត ស្មារតីសហគ្រិនភាព នវានុវត្តន៍ និងក្រមសីលធម៌ស្អាតស្អំ ដើម្បីជំរុញកំណើន និងការងារ រួមចំណែកដល់ការអភិវឌ្ឍសេដ្ឋកិច្ច- សង្គម ប្រកបដោយចីរភាព និងបរិយាបន្ន។ ឯកឧត្តមបណ្ឌិតសភាចារ្យ បានគូសបញ្ជាក់ដែរថានៅក្នុងកិច្ចប្រជុំដំបូងរបស់គណៈរដ្ឋមន្ត្រីនីតិកាលទី៧នៃរដ្ឋសភា នាថ្ងៃទី ២៤ ខែសីហា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត…

(ភ្នំពេញ)៖វិទ្យាស្ថានតេជោសែន សាធារណការ និងដឹកជញ្ជូន នឹងរៀបចំសិក្ខា សាលាអនឡាញស្តីពី «ជំនាញសិក្សា និងទីផ្សារការងាររបស់និស្សិតនៃវិទ្យាស្ថាន តេជោសែន សាធារណការ និងដឹកជញ្ជូន» ក្នុងគោលបំណងដើម្បីឱ្យនិស្សិតស្វែង យល់បន្ថែមអំពីជំនាញសិក្សា និងឱកាសការងារ ក្រោយពីបញ្ចប់ការសិក្សា នៅវិទ្យាស្ថានតេជោសែន សាធារណការ និងដឹកជញ្ជូន។ សិក្ខាសាលាតាមអនឡាញនេះ និងធ្វើឡើងនៅថ្ងៃអង្គារ ទី១៦ ខែមករា ឆ្នាំ២០២៤ ចាប់ពីម៉ោង ០៩:០០នាទី ដល់ម៉ោង ១១:០០នាទីព្រឹក ដោយនិងធ្វើការឡាយផ្ទាល់ នៅលើទំព័រហ្វេសប៊ុកផ្លូវការរបស់វិទ្យាស្ថានតេជោសែន សាធារណការ និងដឹកជញ្ជូន។ បញ្ជាក់ផងដែរថា វិទ្យាស្ថានទទួលពាក្យនិស្សិតប្រឡងជ្រើសរើសនិស្សិតជំនាន់ទី៤ រហូតដល់ថ្ងៃទី៣១ ខែមករា ឆ្នាំ២០២៤។ លក្ខណ្ឌដាក់ពាក្យ បំពេញពាក្យប្រឡងជ្រើសរើសនិស្សិតជំនាន់ទី៤ និងមកដាក់ពាក្យនៅការិយាល័យសិក្សានៃវិទ្យាស្ថានផ្ទាល់ ដោយតម្រូវមានឯកសារភ្ជាប់៖ រូបថត 4 x 6 (ពាក់អាវសឬអាវធំមានក្រវ៉ាត់ក ផ្ទៃខាងក្រោយពណ៍ខៀវ) សញ្ញាបត្រមធ្យមសិក្សាទុតិយភូមិ, សញ្ញាបត្របណ្តោះអាសន្ន ឬលទ្ធផលផ្លូវការប្រកាសដោយក្រសួងអប់រំ យុវជន និងកីឡា ទីតាំងវិទ្យាស្ថាន ផ្លូវ៥៩៨ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ…

ភ្នំពេញ៖ រាជធានីភ្នំពេញនៃប្រទេសកម្ពុជាបានក្លាយគោលដៅ ពេញនិយមបំផុតទាំង១០ សម្រាប់ឆ្នាំ២០២៤។នេះបើយោង តាមវេបសាយទេសចរណ៍មួយដែលមានឈ្មោះថា Tripadvisor បញ្ចេញឱ្យដឹងកាលពីថ្ងៃទី១១ ខែមករា ឆ្នាំ២០២៤។ Tripadvisor បានឱ្យដឹងថា ទីក្រុងភ្នំពេញបានក្លាយគោល ដៅ ពេញនិយមបំផុតទាំង១០ ដោយឈរលេខ៩ក្នុងចំណោម ២៥ ទីក្រុងនៃ២៥ប្រទេស ដែលត្រូវបានជ្រើសរើសដោយ អ្នក ធ្វើដំណើរជាភ្ញៀវទេសចរអន្តរជាតិ និងផ្អែកតាមរយៈលើការ វាយតម្លៃ របស់ភ្ញៀវទេសចរអន្តរជាតិ។ទីក្រុងជាប់ចំណាត់ថ្នាក់ទី១គឺទីក្រុងតូក្យូប្រទេសជប៉ុន ខណៈ ទីក្រុងជាប់ចំណាត់ថ្នាក់លេខ ៨ ដែលឈរមុខទីក្រុងភ្នំពេញ គឺជាទីក្រុងនៃ ប្រទេស កូស្តារីកា។ជាមួយគ្នានេះប្រមុខរដ្ឋាភិបាលកម្ពុជាសម្តេចធិបតី ហ៊ុន ម៉ាណែត លើបណ្ដាញសង្គមតេឡេក្រាមនៅថ្ងៃទី១២ ខែមករា នេះដែរបានបង្ហោះសារដែលមានខ្លឹមសារថា “អបអរសាទរ រាជធានីភ្នំពេញ ស្ថិតក្នុងចំណាត់លេខ ៩ នៃគោលដៅ ទេសចរណ៍ដែលពេញនិយមទាំង១០ នៅលើពិភពលោក ក្នុងឆ្នាំ ២០២៤”។ គួរបញ្ជាក់ថា ក្នុងចំណោមទីក្រុងទាំង២៥ ដែលត្រូវបាន ជ្រើស រើសមាន៖ ចំណាត់ថ្នាក់លេខ១ ទីក្រុងតូក្យូ(Tokyo) ប្រទេស ជប៉ុន, លេខ២ ទីក្រុងសេអ៊ូល(…

(ភ្នំពេញ)៖ លោក ជ្រុន គឹមឡេង នាយកវិទ្យាស្ថានជាតិ ពហុបច្ចេកទេសភូមិភាគ តេជោសែន បានលើកឡើង នៅថ្ងៃ១០ មករា ២០២៤ ថា វិទ្យាស្ថាន បានត្រៀម ខ្លួនរួចជាស្រេច ក្នុងការបើកជាផ្លូវការវគ្គបណ្តុះបណ្តាលជំនាញវិជ្ជាជីវៈ និងបច្ចេក ទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យនៅពាក់កណ្តាល ខែមករា ឆ្នាំ២០២៤ ខាងមុខនេះ។ លោកបានគូសបញ្ជាក់ថាចាប់តាំងពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានប្រកាសដាក់ឱ្យអនុវត្តន៍ជាផ្លូវការនូវការបណ្តុះ បណ្តាល ជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារ ងាយរងហានិភ័យ ១,៥ លាននាក់នៅថ្ងៃទី១៤ វិច្ឆិកា ឆ្នាំ២០២៣ វិទ្យាស្ថាន បានទទួលយុវជនមកចុះឈ្មោះចូលរៀនបានចំនួន ៦២៨នាក់ លើជំនាញចំនួន ៧ មានដូចជា ការងារកំបោរ ការដំឡើងបណ្តាញអគ្គិសនីក្នុងអាគារ ការថែទាំ និងជួសជុលរថយន្ត ការថែទាំ និងជួសជុលអគ្គិសនីរថយន្ត ការថែទាំ និងជួសជុលម៉ាស៊ីនត្រជាក់រថយន្ត សេវាកម្មកុំព្យូទ័រ និងការកែច្នៃបន្លែផ្លែឈើ។ លោកបន្តថា វិទ្យាស្ថានជាតិពហុបច្ចេកទេសភូមិភាគតេជោសែន…

កំពត៖មន្រ្តីមូលដ្ឋាន និងគ្រូបឋមសិក្សាបាននិយាយថា ការ ដាក់ឱ្យប្រឡងប្រណាំងភូមិឋានស្អាត និងសាលារៀនគំរូ អនាម័យ បរិស្ថានស្អាត (បឋមសិក្សា) របស់លោកអភិបាល ស្រុកទឹកឈូ គឺជាគំនិតមួយល្អបំផុត។ ពួកគាត់គាំទ្រនិង ចូលរួមយ៉ាងពេញ ទំហឹង ព្រោះចលនាប្រឡងប្រណាំងនេះ ព្រោះវាជួយឱ្យពលរដ្ឋ និងសិស្សកាន់តែយល់ដឹង និងចូល រួមថែរក្សាអនាម័យបរិស្ថាន មានសុខភាពរឹងមាំ ភូមិឋានស្អាត បៃតង និងទាក់ទាញដល់ភ្ញៀវទេសចរទៀតផង។ លោក ស៊ី ប៊ូន នាយកសាលាបឋមសិក្សាក្បាលរមាស បានឱ្យដឹងថា សាលាក្បាលរមាសបច្ចុប្បន្នមាន អគារបី ខ្នង អគារចាស់ ទ្រុឌទ្រោមប្រើការមិនកើតមួយខ្នង និងអគារ សិក្សាពីរខ្នង ប្រាំបួនបន្ទប់ ។មានសិស្សសរុប ៤២៩នាក់ ។ កន្លងមកក្រសួង មានកម្មវិធីសាលាកុមារមេត្រី ដែលមាន បីកម្រិត (កម្រិតមូលដ្ឋាន ធម្យម និងកម្រិតអភិវឌ្ឍន៍)  ។សាលាក្បាលរមាសស្ថិតក្នុង សាលារៀនកម្រិតមធ្យម នៅឡើយ ទេ ហើយការប្រកាសដាក់ឱ្យប្រើប្រាស់សាលាស្តង់ដាគំរូនោះ  សាលាក្បាលរមាសក៏មិនទាន់ បានទទួលចំណាត់ថ្នាក់នៅ ឡើយ ដែរ។ ដោយឡែកចំពោះគំនិតផ្តួចផ្តើមដាក់ ឱ្យ…