សៀមរាប៖ នៅសាលានគរបាលជាតិភូមិភាគ៤ ខេត្តសៀមរាប កាល ពីព្រឹកថ្ងៃទី៤ ខែមករា ឆ្នាំ២០២៤ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតី ក្នុងពិធីពិនិត្យវឌ្ឍនភាពនៃការស្ថាបនាហេដ្ឋារចនាសម្ព័ន្ធនានា និង បិទវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី១៧ លើកទី២ ដល់សិស្សនគរបាលជ័យលាភីចំនួន១៩២នាក់។ ក្នុងឱកាសនេះឧត្តមសេនីយ៍ទោ សាយ វិទ្ធីសក្តិ នាយកសាលាបានថ្លែង សុន្ទរកថាស្វាគមន៍និងរាយការណ៍សង្ខេបអំពីលទ្ធផលនៃការងារបណ្តុះបណ្តាល និងដំណើរការស្ថាបនាហេដ្ឋារចនាសម្ព័ន្ធនានារបស់សាលា នគរបាលជាតិភូមិភាគ៤។ ថ្លែងទៅកាន់អ្នកចូលរួមឯកឧត្តមអភិសន្តិបណ្ឌិត បានលើកឡើងថា ក្រសួងមហាផ្ទៃបានយកចិត្តទុកដាក់និង ផ្តល់អាទិភាពខ្ពស់ដល់ ការងារ អប់រំបណ្តុះបណ្តាល ព្រមទាំងដាក់ចេញនូវផែនការកំណែទម្រង់លើកង កម្លាំងនគរបាលជាតិជាប់ជាប្រចាំ ស្របតាមគោលនយោបាយ របស់ រាជរដ្ឋាភិបាល ដោយបានផ្ដោតសំខាន់ទៅលើ ការធ្វើទំនើបកម្មនិង ការពង្រឹងសមត្ថភាពវិជ្ជាជីវៈនៃកងកម្លាំងនគរបាលជាតិ ឱ្យស្របទៅ នឹងការវិវត្តនៃស្ថានការណ៍ សន្តិសុខជាតិនិងអន្តរជាតិ ព្រមទាំងឆ្លើយ តបនឹងតម្រូវការនៃអង្គភាពនគរបាល។ ឯកឧត្តមអភិសន្តិបណ្ឌិតក៏ បានថ្លែងកោតសរសើរចំពោះ វឌ្ឍនភាព យ៉ាងឆាប់រហ័សគួរឱ្យកត់សម្គាល់របស់បណ្ឌិត្យសភានគរបាលកម្ពុជា និងសាលានគរបាលជាតិភូមិភាគ៤ ក្នុងយុគសម័យតេជោសន្តិភាព ដែលប្រទេសជាតិកំពុងមានការរីកចម្រើនលើគ្រប់វិស័យ ។ឯកឧត្តម បន្តថា ការបណ្ដុះបណ្ដាលនេះ…

ភ្នំពេញ៖ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡាបណ្ឌិតសភាចារ្យ ហង់ជួន ណារ៉ុន បានដឹកនាំ កិច្ចប្រជុំ ស្ដីពីការរៀបចំសកម្មភាពក្រុមការងារចុះ គាំទ្រ សាលារៀនគំរូ ដោយមានការចូលរួមពីសំណាក់ មន្ត្រីពាក់ព័ន្ធ របស់ក្រសួង។ ប្រភពក្រសួងអប់រំបានឱ្យដឹងថា ក្នុងកិច្ចប្រជុំកាលពីថ្ងៃទី២ ខែ មករា បានផ្ដោតពិភាក្សាសំខាន់លើ ការពិនិត្យមើល វឌ្ឍនភាព ការងារនៃការអនុវត្តស្តង់ដាសាលាគំរូ ទាំង ៣ អនុវិស័យ (មតេ្តយ្យសិក្សា បឋមសិក្សា និងមធ្យមសិក្សា) ដែលត្រូវបានអនុម័តប្រើប្រាស់ជាផ្លូវការ ការរៀបចំ គណៈ កម្មការដឹកនាំ គ្រប់គ្រង និងគណៈកម្មការបច្ចេកទេស វាយតម្លៃសាលាគំរូ ការរៀបចំយន្តការគាំទ្រ រួមមាន៖ ក្រុមការងារពិនិត្យតាមដានផលសម្រេច, ក្រុមការងារគាំទ្រ ផ្នែកបច្ចេកទេស ,ក្រុមការងារគាំទ្រផ្នែកអាយស៊ីធី (ICT) ,ក្រុមការងារសម្របសម្រួលអនុវិស័យកុមារតូច, ក្រុមការងារ សម្របសម្រួលអនុវិស័យបឋមសិក្សា និងក្រុមការងារសម្រប សម្រួល អនុវិស័យមធ្យមសិក្សា។ ទាក់ទិនទៅនឹងរឿងនេះដែរ ឯកឧត្ដម ឧបនាយករដ្ឋមន្ត្រី បានផ្ដល់អនុសាសន៍ឱ្យគ្រប់នាយកដ្ឋាន រៀបចំផែនការ សកម្មភាពឱ្យច្បាស់លាស់ ពិភាក្សាលម្អិតថា…

ភ្នំពេញ៖ គ្រឹះស្ថានអង្គរបានប្រកាសឱ្យដឹងថា ក្នុងឆ្នាំ២០២៣ ដែល ទើបបញ្ចប់ទៅថ្មីៗនេះ កម្ពុជា រកចំណូលជិត៤០លាន ដុល្លាអាម៉េរិក ពីការលក់សំបុត្រឲ្យអ្នកទេសចរបរទេសចូល ទស្សនា រមណីយដ្ឋាន អង្គរ។ របាយការណ៍របស់គ្រឹះស្ថានអង្គរ ដែលចេញផ្សាយនៅថ្ងៃទី១ មករា ឆ្នាំ២០២៤នេះ បានឱ្យដឹងថា ពេញមួយឆ្នាំ២០២៣ គ្រឹះស្ថាន អង្គរ បានរកចំណូលពីការលក់សំបុត្រជូនអ្នកទេសចរបរទេសចូលទស្សនារមណីយដ្ឋានអង្គរ ចំនួន៣៧ ១៩៨ ៩៨៨ ដុល្លារ ស្មើនឹងជាង២០០ ភាគរយ បើធៀបទៅនឹងឆ្នាំ២០២២។ ប្រភពដដែលរំលេចបន្ថែមថា ក្នុងឆ្នាំ២០២៣ មានទេសចរបរទេស សរុប ៧៩៨ ០៦៩នាក់ បានចូលទិញសំបុត្រទស្សនា រមណីយដ្ឋាន អង្គរ ដែលចំនួននេះកើនឡើង១៧៧,៧៣ភាគរយធៀបនឹងឆ្នាំ២០២២ ។ដោយឡែកការលក់សំបុត្រទៅ ប្រាសាទ កោះកេរ បានចំនួន២២២ ០៩០ដុល្លារ លើអ្នកទេសចរបរទេសចំនួន ១៤ ៨០៦នាក់ និង រកចំណូលពីការលក់សំបុត្រទូកនៅ តំបន់ចុងឃ្នៀស បានចំនួន ៥៦៤ ៦៧១ដុល្លាអាម៉េរិក។ គ្រឹះស្ថានអង្គរបញ្ជាក់ថា ថវិកាដែលបានមកពីការលក់សំបុត្រ ទស្សនា…

បាត់ដំបង៖ព្រឹត្តិការណ៍ការដាក់តាំងពិព័រណ៍ម្ហូបអាហារ-បង្អែមខ្មែរ រយៈពេលបីថ្ងៃចាប់ពីថ្ងៃទី២៩-៣១ ខែធ្នូ ឆ្នាំ២០២៣ ដែល រៀបចំ ដោយរដ្ឋបាលខេត្តបាត់ដំបង មន្ទីរជំនាញ ព្រមទាំងបណ្តាញអាជីវករ អាជីវកម្មម្ហូបអាហារនានាក្នុងខេត្ត មានស្តង់-តូបជាង១០០ ដែល អាជីវករ មានអាជីពលើវិស័យនេះបានយកម្ហូបអាហារ និងបង្អែមខ្មែរ ស្នាដៃរបស់ខ្លួនមកចូលរួម តាំងលក់និង បង្ហាញដល់សាធារណៈជន អ្នកទេសចរជាតិ អន្តរជាតិ ទស្សនា ភ្លក់ និង ទិញស្នាដៃចម្រុះរសជាតិ នេះ។ ពិព័រណ៍ម្ហូបអាហារ បង្អែមខ្មែរ នេះត្រូវបានរៀបចំយ៉ាងមានរបៀប រៀបរយ និងប្រកបដោយសោភណភាព នៅតាមដងផ្លូវលេខ១ ចាប់ពី មុខអង្គភាពរដ្ឋាករទឹកខេត្ត រហូតដល់មុខមន្ទីរទេសចរណ៍ខេត្ត។ លោក ហម អរុណ អនុប្រធានមន្ទីរទេសចរណ៍ខេត្តបាត់ដំបង បានឱ្យ ដឹងថា ក្នុងព្រឹត្តិការណ៍បីថ្ងៃ ចាប់ពីថ្ងៃទី២៩ ដល់ថ្ងៃទី៣១ ខែធ្នូ ឆ្នាំ ២០២៣ ដែលជាថ្ងៃឆ្លងឆ្នាំខេត្ត បាត់ដំបង ទទួលបានភ្ញៀវទេសចរសរុប ៣៥៣ ៧០៨ នាក់ ។ពោលមានការកើនឡើង ៦៧,៦០ ភាគរយ…

(ត្បូងឃ្មុំ)៖ ឯកឧត្តម វង សូត អនុប្រធានទី២រដ្ឋសភា និងលោកជំទាវ ព្រមទាំងសម្តេចសង្ឃ មួង រ៉ា គណ:សង្ឃនាយករងទី៣ នៃព្រះរាជាណាចក្រកម្ពុជា បានអញ្ជើញជាអធិបតី ក្នុងពិធីបុណ្យលើកតម្កល់រតនៈវត្ថុចំនួន ៩អង្គ នៅលើប្រាសាទព្រះអង្គប្រសូត្រដែលមានកម្ពស់ ២១ម៉ែត្រ ដែលចំណាយថវិកាកសាងអស់ប្រមាណ ៣៣ម៉ឺនដុល្លារ នៅវត្តសាមគ្គីសុខារាម ហៅវត្ត “ច្រករំដេង” ស្ថិតនៅភូមិច្រករំដេង ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ នាព្រឹកថ្ងៃទី២ ខែមករា ឆ្នាំ២០២៤ ។ ឯកឧត្តម វង សូត បានថ្លែងអំណរគុណថ្វាយ ប្រគេនដល់ព្រះគ្រូចៅអធិការវត្ត រួមជាមួយឧកញ៉ា ឯកឧត្តម លោកជំទាវ អាជ្ញាធរគ្រប់លំដាប់ថ្នាក់ សប្បុរសជន ព្រមទាំងពុទ្ធបរិស័ទ្ធចំណុះជើងវត្តមកពីទីជិតទីឆ្ងាយ បានរួមសាមគ្គីគ្នាកសាងសមិទ្ធិផលយ៉ាងច្រើននៅក្នុងវត្តច្រករំដេងនេះ រួមមាន ៖ សាលាវិបស្សនាធុរៈ បដិមាព្រះពុទ្ធមាតា បដិមាព្រះពុទ្ធទ្រង់ត្រាស់ដឹង បដិមាព្រះពុទ្ធទ្រង់បរិនិព្វាន្ត និងសមិទ្ធផលដទៃទៀតជាច្រើន ។ ឯកឧត្តម វង សូត ក៏បានមានប្រសាសន៍ផងដែរថា រាល់សមិទ្ធផលទាំងឡាយដែលបានអភិវឌ្ឍន៍ គឺដោយសារប្រទេសមានសុខសន្តិភាព…

ភ្នំពេញ៖វេទិកាការងាររបស់ទីភ្នាក់ងារជាតិមុខរបរ និងការងារឬ NEA សហការជាមួយសហភាពសហព័ន្ធយុវជនកម្ពុជា( ស.ស.យ.ក)លើ វិស័យការងារ និងបណ្តុះបណ្តាលវិជ្ជាជីវៈ បានបញ្ចប់ទៅដោយរលូន កាលពីថ្ងៃទី២៨ ខែ ធ្នូ ឆ្នាំ ២០២៣។កម្មវិធីនេះមានពលរដ្ឋ យុវជន សិស្ស និស្សិត អ្នកស្វែងរកការងារធ្វើចំនួន ២១៧នាក់បានចូលរួមដាក់ ពាក្យ និងសម្ភាសការងារ។ ទីភ្នាក់ងារជាតិមុខរបរ និងការងារបានឱ្យដឹងនៅថ្ងៃទី២៩ ខែធ្នូ ឆ្នាំ ២០២៣នេះថាក្នុងកម្មវិធីនេះមានអ្នកទទួលបានលទ្ធផលល្អជាប់បឋមចំនួន ២០៣នាក់ ក្នុងកិច្ចសម្ភាសហើយនឹងត្រូវទៅសម្ភាសបន្តជាមួយ ក្រុមហ៊ុនដោយផ្ទាល់នាពេលឆាប់ៗខាងមុខនេះ។ ក្រុមហ៊ុនទាំង ៣ ដែល បានចូលរួមក្នុងវេទិកាការងារ និងកម្មសិក្សាកាលពីម្សិលមិញ នោះរួមមាន៖ ក្រុមហ៊ុន តេលា ក្រុមហ៊ុន DEVELOCUS និងសណ្ឋាគារ HOTEL KVL។ កញ្ញា ម៉ាត់ ម៉ារី ជានិស្សិតកំពុងសិក្សានៅសាកលវិទ្យាល័យ ន័រតុន ជំនាញគណនេយ្យ ដែលបានសម្ភាសការងារជាប់បឋម ពីក្រុមហ៊ុន Develocus Investment ផ្នែកលក់ បានលើកឡើងថា ការចូលរួម សម្ភាសនៅ…

(សៀមរាប)៖ សិស្សមានជីវភាពក្រីក្រ ៧០នាក់ក្នុងស្រុកអង្គរធំទទួលបានកង់ និងសម្ភារៈសិក្សាពីសមាគមសង្រ្កោះជីវិតប្រទេសសឹង្ហបូរី ដោយ មើល ឃើញ ពីការលំបាករបស់សិស្សានុសិស្សក្រីក្រនៅតាមជនបទដែលកំពុងតែមានការខ្វះខាតនូវមធ្យោបាយធ្វើដំណើរទៅកាន់សាលារៀននោះ នៅព្រឹកថ្ងៃទី២៦ ខែធ្នូ ឆ្នាំ ២០២៣ ព្រះគ្រូវិចិត្រវង្សា ហែម គឹមសាន ញាតិធម្មោ ព្រះចៅអធិការវត្តប្រាសាទ គោកចកក្រុងសៀមរាបខេត្តសៀមរាប បានដឹកនាំសប្បុរសជននៃសមាគម សង្រ្គោះ ជីវិត មកពីប្រទេសសឹង្ហបូរី បាននាំយកនូវកង់ និង សម្ភារៈសិក្សា រួមជាមួយ ថវិកាមួយចំនួន ដើម្បីផ្តល់ជូនដល់ក្មួយៗសិស្សានុសិស្ស មានជីវភាពក្រីក្រចំនួន៧០នាក់ បានកំពុងសិក្សានៅតាមសាលាបឋមសិក្សា និងអនុវិទ្យាល័យនានាក្នុងស្រុកអង្គរធំ ខេត្តសៀមរាប។ លោក ហ្កូ តុងហុង ( Goh Tung Hong ) ប្រធានសមាគមសង្រ្គោះជីវិត នៃប្រ ទេស សឹង្ហបូរី  បានមានប្រសាសន៍ថា សមាគមសង្រ្គោះជីវិត គឺជាសមាគម ដែល ជួយ សង្រ្គោះអ្នកដែលមានជីវភាពខ្វះខាតទីទ័លក្រដែលកំពុ ងជួប បញ្ហា ប្រឈម នានា ដោយមិនប្រកាន់ពូជសាសន៍ និន្នាការបក្សនយោបាយណាឡើយ…

(ខេត្តកណ្តាល)៖ តំបន់ប្រតិបត្តិការសឹករងកណ្តាល បានរៀបចំពិធីបិទវគ្គហ្វឹកហ្វឺនបំប៉នពង្រឹងកងឯកភាព ឆ្នាំ២០២៣ បានរៀបចំពិធីបិទវគ្គហ្វឹកហ្វឺនបំប៉នពង្រឹងកងឯកភាព ឆ្នាំ២០២៣ ក្រោមអធិបតីភព ឯកឧត្តម ឧត្តមសេនីយ៍ទោ ម៉ូ វណ្ណៈ មេបញ្ជាការរង នាយសេនាធិការ យោធភូមិភាគពិសេស ។ លោកឧត្តមសេនីយ៍ត្រី លុប វិបុល មេបញ្ជាការរង តំបន់ប្រតិបត្តិការសឹករងកណ្តាល បានឱ្យដឹងថា ក្នុងឆ្នាំ២០២៣នេះ អង្គភាពតំបន់ប្រតិបត្តិការសឹករងកណ្តាល រៀបចំបើកវគ្គហ្វឹកហ្វឺនបំប៉នពង្រឹងកងឯកភាព ចំនួន ០១វគ្គ មានសិក្ខាកាម មកពីបណ្តាកងឯកភាពចំណុះសរុបចំនួន ៨០នាក់ និងគ្រូចំនួន ០៨នាក់ បម្រើការចំនួន ០៥នាក់ រយៈពេលហ្វឹកហ្វឺន ៩១ថ្ងៃ គិតចាប់ពីថ្ងៃទី២១ ខែសីហា ដល់ថ្ងៃទី២០ ខែវិច្ឆិកា ឆ្នាំ២០២៣ ។ ឯកឧត្តម ឧត្តមសេនីយ៍ទោ ម៉ូ វណ្ណៈ មេបញ្ជាការរង នាយសេនាធិការ យោធ ភូមិភាគពិសេស បានផ្តាំផ្ញើដល់ថ្នាក់ដឹកនាំតំបន់ប្រតិបត្តិការសឹករងកណ្ដាល និងសិក្ខាកាមទាំងអស់ ត្រូវគោរពឱ្យបាននូវវិន័យ អត្តចរិត សីលធម៌រស់នៅស្អាតស្អំ ឲ្យសមស្របទៅជាកងយោធពលខេមរភូមិន្ទ…

(សៀមរាប)៖ នៅព្រឹកថ្ងៃទី១៨ ខែធ្នូ ឆ្នាំ២០២៣នេះ ស្ថិយក្នុងបរិ វេណ វត្តពោធិលង្កា (ហៅវត្តពោធិលើ) បានរៀបចំពិធីប្រកាសនីយប័ត្រ និង ស្រង់ ព្រះសុគន្ធារីដល់ចៅអធិការថ្មី គ្រូសូធ្យស្តាំ,ឆ្វេង ។ មានសង្ឃដីកាក្នុងពិធីនោះដែរ សម្តេចព្រះព្រហ្មរតនមុនី ពិន សែម សមាជិកថេរៈសភា និងជាឧត្តមទីប្រឹក្សាគណៈសង្ឃនាយក នៃកម្ពុជា បានផ្តល់នូវពុទ្ធឱវាទប្រគេនដល់ព្រះភិក្ខុសង្ឃ ពុទ្ធបរិស័ទទាំងឡាយ ដើម្បីយកទៅគោរពបដិបត្តិទៅតាមគន្លងនៃវិន័យព្រះសម្មាសាម្ពុទ្ធ ដែលជាព្រះបរម្យគ្រូនៃយើងបានចងក្រងជាគម្ពីបិដកឲ្យគោរពទៅតាមព្រះធម៌វិន័យរបស់ព្រះពុទ្ធសាសនា។ បើគិតមកទល់ពេលនេះ គឺមានរយៈពេលមួយខែនិងប្រាំថ្ងៃហើយ ដែលវត្តពោធិលង្កា (ហៅវត្តពោធិលើ)នេះ ត្រូវបានប្រកាសរំសាយគណៈគ្រប់គ្រងចាស់ ពោលគឺបញ្ចប់តួនាទីពីព្រះចៅអធិការ គ្រូសូធ្យស្តាំ គ្រូសូធ្យឆ្វេង និងវិន័យធរវត្ត ដែលវត្តពោធិលង្កាមានកើតនូវអធិករ ដ៏រ៉ាំរ៉ៃយូឆ្នាំ មកហើយ ទើបសាលាអនុគណក្រុង ជាអ្នកទទួលភារកិច្ចផ្ទាល់ជា មួយសាលាគណខេត្ត និងស្ថាប័នពាក់ព័ន្ធ មានរដ្ឋបាលក្រុងសៀមរាប ជាដើម ក្នុងការអនុវត្តកន្លងមក។ សម្តេច បានគូសបញ្ជាក់ទៀតថា ដើមី្បបំបាត់នូវអធិករណ៍ក្នុងវត្ត មួយនេះ គណៈសង្ឃនាយក បានចេញសេចក្តីសម្រេចបញ្ចប់តួនាទី ចៅអធិការ ,គ្រូសូធ្យស្តាំ ,គ្រូសូធ្យឆ្វេង និង វិន័យធរវត្ត ហើយត្រូវបាន រៀបចំគណៈគ្រប់គ្រងថ្មី ដើមី្បដឹកនាំរៀបចំវត្តបន្តទៀតឆ្ពោះទៅរកវឌ្ឍនភាព…

(ភ្នំពេញ)៖ នៅទីក្រុងតូក្យូ ប្រទេសជប៉ុន ព្រឹកថ្ងៃចន្ទ័ ទី១៨ ខែធ្នូ ឆ្នាំ២០២៣ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ភរិយាដ៏ឧត្តុង្គឧត្តម សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា រួមទាំងលោកជំទាវជាភរិយា ប្រមុខរដ្ឋ ប្រមុខរដ្ឋាភិបាលអាស៊ាន-ជប៉ុន អញ្ជើញទស្សនាមហោស្រព National Noh Theatre និងអញ្ជើញទស្សនាការសម្តែងសិល្បៈ ប្រពៃណីរបស់ប្រទេសជប៉ុន។ វត្តមាននៃការអញ្ជើញដល់របស់លោកជំទាវជាភរិយា នៃប្រមុខរដ្ឋ ប្រមុខរដ្ឋាភិបាលអាស៊ាន-ជប៉ុន ត្រូវបានការធ្វើគារវកិច្ចស្វាគមន៍យ៉ាង ស្និទ្ធ ស្នាលរ៉ាក់ទាក់បំផុត ពី លោកស្រី ហាសេហ្កាវ៉ា ប្រធានក្រុមប្រឹក្សា សិល្បៈជប៉ុន និងមន្រ្តីនៃមហោស្រព National Noh Theatre ជាច្រើនរូប។ នៅក្នុងពិធីនោះដែរ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត រួមទាំងលោកជំទាវជាភរិយា ប្រមុខរដ្ឋ ប្រមុខរដ្ឋាភិបាលអាស៊ាន-ជប៉ុន បានអញ្ជើញទស្សនាការរៀបចំរបស់អ្នកសំដែង Noh ដូចជា ម៉ាស់ សម្លៀកបំពាក់ប្រពៃណីរបស់ជប៉ុន…