(ភ្នំពេញ)៖ ក្រសួងអប់រំយុវជន និងកីឡាបានចេញសេចក្តីជូនដំណឹងមួយពីការ ក្លែងបន្លំ សញ្ញាបត្រមធ្យមសិក្សាទុតិយភូមិ(បាក់ឌុប) ក្នុងការដាក់ពាក្យចូលរួម ប្រឡងជ្រើសរើសចូលរៀនថ្នាក់ឆ្នាំសិក្សាមូលដ្ឋាន សម្រាប់កម្រិតបរិញ្ញាបត្រ និងថ្នាក់ឆ្នាំទី១ សម្រាប់កម្រិតបរិញ្ញាបត្ររង។ ក្នុងសេចក្តីជូនដំណឹងដែលចេញកាលពីថ្ងៃទី ១០ ខែ មករា ឆ្នាំ ២០២៤ ក្រសួងអប់រំបានឱ្យដឹងថាគណៈកម្មាធិការប្រឡងថ្នាក់ជាតិ សម្រាប់ការ បណ្តុះបណ្តាលក្នុងវិស័យសុខាភិបាល ជម្រាប ជូនសិស្សានុសិស្សដែលបាន ប្រឡងជាប់សញ្ញាបត្រមធ្យមសិក្សាទុតិយភូមិព្រមទាំងសាធារណជនទាំងអស់ មេត្តាជ្រាបថា៖កន្លងមកគណៈកម្មាធិការប្រឡងថ្នាក់ជាតិ សម្រាប់ការ បណ្តុះបណ្តាលក្នុងវិស័យសុខាភិបាល ធ្លាប់បានរកឃើញមាននិស្សិត ក្លែងបន្លំសញ្ញាបត្រមធ្យមសិក្សាទុតិយភូមិ ត្រូវបានលុបឈ្មោះចេញពីបញ្ជី ឈ្មោះនិស្សិតប្រឡងជ្រើសរើសជាប់ចូលរៀន នៅតាមគ្រឹះស្ថានបណ្តុះ បណ្តាលវិស័យសុខាភិបាលនានា ជាបន្តបន្ទាប់។ ប្រភពខាងលើនេះបានបញ្ជាក់បន្ថែមថាក្នុងគោលបំណងបញ្ចប់ការក្លែងបន្លំឯកសារសាធារណៈមានជាអាទិ៍៖ សញ្ញាបត្រមធ្យមសិក្សា ទុតិយភូមិ និងដើម្បីរក្សា សណ្តាប់ធ្នាប់សាធារណៈ លើកកម្ពស់កិត្យានុភាពគ្រូពេទ្យ និងលើកកម្ពស់តម្លៃ នៃសីលធម៌សេចក្ដីថ្លៃថ្នូរក្នុងសង្គម ចាប់ពីឆ្នាំសិក្សា២០២៣-២០២៤តទៅ គណៈកម្មាធិការប្រឡងថ្នាក់ជាតិ នឹងពង្រឹងការអនុវត្តច្បាប់ លិខិតបទដ្ឋានគតិយុត្ត និងបទបញ្ជានានា ដោយចាត់វិធានការយ៉ាងម៉ឺងម៉ាត់ តាមបញ្ញត្តិមាត្រា៦២៩ នៃក្រមព្រហ្មទណ្ឌ ស្តីពីបទក្លែងបន្លំឯកសារសាធារណៈ ចែងថា “ការក្លែងបន្លំ ប្រព្រឹត្តនៅក្នុងលិខិតយថាភូត ឬការក្លែងបន្លំប្រព្រឹត្តនៅក្នុងឯកសារដែលចេញ ឱ្យដោយរាជការសាធារណៈ ដើម្បីធ្វើការកត់សម្គាល់សិទ្ធិអត្តសញ្ញាណ…

កែប៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ ព្រះមហាក្សត្រ នៃព្រះរាជាណាចក្រកម្ពុជា បានអញ្ជើញចូលរួមក្នុងពិធី ប្រុងពាលី បញ្ចុះបឋមសិលាសាងសង់ព្រះពុទ្ធអភយមុទ្រៈ និងសំណង់ នានា មជ្ឈមណ្ឌលវិបស្សនាធុរៈខេត្តកែប ស្ថិតក្នុងភូភូមិកែប សង្កាត់កែប ក្រុងកែប ខេត្តកែប នាថ្ងៃអង្គារទី៩ ខែមករា ឆ្នាំ២០២៤។ ពិធីនេះមានការអញ្ជើញចូលរួមពីសំណាក់ ឯកឧត្តម សំ សារីន ប្រធានក្រុមប្រឹក្សាខេត្តកែប ឯកឧត្តម សោម ពិសិដ្ឋ អភិបាលខេត្តកែប និងលោកជំទាវ អគ្គមហាឧបាសិកា មហាសទ្ធម្មជោតិកធជៈ សុខ អ៉ីម រួមជាមួយពុទ្ធបរិស័ទជិតឆ្ងាយ ។ ព្រះពុទ្ធអភយមុទ្រៈ ដែលត្រូវ កសាងនេះ មានកម្ពស់ ៤៥ម៉ែត្រ ស្ថិតនៅលើកំពូលភ្នំអតីតលោក សង្ឃចិនពីដើម នៃមជ្ឈមណ្ឌលវិបស្សនាធុរៈខេត្តកែប។ការកសាង ទុកជាសម្បត្តិព្រះពុទ្ធសាសនា វប្បធម៌ទេសចរណ៍ខេត្តកែប។ “ប្រុងពលី” ជាកិច្ចមួយដ៏សំខាន់ដែលខ្មែរតែងតែរៀបចំធ្វើដំបូង គេ នៅគ្រប់ពិធីធំៗនៅក្នុង ជំនឿ និងទំនៀមទម្លាប់ខ្មែរ។ “ប្រុង មានន័យ ដូចនឹង…

(កោះកុង)៖ លោកជំទាវ ចម ក្រស្នា អគ្គនាយិកាក្រុមហ៊ុន សោម៉ា គ្រុប និងជា ប្រធាន Soma Initiative បានលើកទឹកចិត្តដល់សិស្សានុសិស្ស ទាំងអស់ ឱ្យខិតខំ រៀនសូត្រ តស៊ូ ព្យាយាម ដើម្បីអនាគតខ្លួនឯង គ្រួសារ និងសង្គម ដោយកុំយកទឹក សមុទ្រ ជារនាំងឧបសគ្គក្នុងការឆ្លងកាត់ទៅរកភាពរុងរឿង តាមរយៈការសិក្សា បន្តនៅថ្នាក់ឧត្តមសិក្សា និងត្រឡប់មកជួយភូមិ ឃុំរបស់ខ្លួនវិញ ។ នេះជាប្រសាសន៍លើកឡើងក្នុងឱកាសដឹកនាំបុគ្គលិក និងនិស្សិតពេទ្យ ស្ម័គ្រចិត្ត ចុះធ្វើសកម្មភាពមនុស្សធម៌ដល់ប្រជាពលរដ្ឋ និងសិស្សានុសិស្ស ប្រមាណ ៧០០នាក់ នៅលើកោះស្ដេច ភូមិកោះស្ដេច ឃុំកោះស្ដេច ស្រុកគិរីសាគរ ខេត្តកោះកុង ។ ជាមួយនឹងការកោតសរសើរ និងថ្លែងអំណរគុណចំពោះការស្វាគមន៍យ៉ាងរាក់ទាក់ ពីអាជ្ញាធរដែនដី លោកជំទាវអគ្គនាយិកា លោកជំទាវក៏បានផ្ដល់ជាអនុសាសន៍ ដល់ប្រជាជនឱ្យយកចិត្តទុកដាក់ជាមួយសុខភាព និងរស់នៅប្រកបដោយ អនាម័យ ខ្ពស់ ហើយចូលរួមសកម្មភាពនានាជាមួយអាជ្ញាធរដើម្បីអភិវឌ្ឍសង្គម និងមូលដ្ឋាន ឱ្យកាន់តែប្រសើរ ។ សកម្មភាពដែលលោកជំទាវ…

ភ្នំពេញ៖វាគ្មិនជំនាញបរទេសចំនួន២រូបនឹងធ្វើការចែករំលែក បទពិសោធន៍ ក្នុង បាឋកថាសាធារណៈមួយនៅចុងសប្ដាហ៍នេះ ស្ដីពី “ការជួសជុលនិងការតាំងពិព័រណ៍ ប្រតិមា ក្រឹស្ណាដ៏ពិចិត្រ ចំនួនពីរ មកពីភ្នំដា” ។ យោងតាមសេចក្តីជូនដំណឹងបានបញ្ជាក់ថា សារមន្ទីរជាតិកម្ពុជា នឹងរៀបចំបាឋកថាសាធារណៈស្ដីពី “ការជួសជុល និងការតាំង ពិព័រណ៍ប្រតិមាក្រឹស្ណាដ៏ពិចិត្រចំនួនពីរ មកពីភ្នំដា” ដោយមាន វាគ្មិនចំនួន២រូបគឺ លោក ប៊ែកត្រង់ ពកត៍ អ្នកអភិរក្សនិង ជួស ជុលរូបចម្លាក់ នៃសាលាបារាំងចុងបូព៌ាប្រទេសនិង លោកស្រី សាន់យ៉ា រីមេស ហ៊្សក ភី ប៊ិកហ្វត អ្នករៀបចំពិព័រណ៍សិល្បៈ ឥណ្ឌានិងអាស៊ីអាគ្នេយ៍ នៃសារមន្ទីរសិល្បៈក្រុងក្លីវើឡែន សហរដ្ឋអាមេរិក។បាឋកថានេះនឹង ប្រព្រឹត្តទៅនៅថ្ងៃសុក្រ ទី១២ ខែមករាឆ្នាំ២០២៤ខាងមុខវេលាម៉ោង២រសៀលតាមរយៈទំព័រហ្វេសប៊ុកផ្លូវការរបស់សារមន្ទីរជាតិកម្ពុជា។ ប្រភពដដែលបន្តថា បាឋកថានេះនឹងបង្ហាញពីប្រវត្តិនៃការអភិរក្ សជួសជុលប្រតិមាក្រិស្ណាលើកទ្រភ្នំគោវធ៌នមកពីភ្នំដា នៅ សារមន្ទីរ ជាតិកម្ពុជា រួមទាំងប្រវត្តិនៃបំណែកព្រះសិរនិងដង ខ្លួនរបស់ប្រតិមាក្រឹស្ណាលើកទ្រភ្នំគោវធ៌ន មកពីភ្នំដាមួយទៀត នៅសារមន្ទីរសិល្បៈក្រុងក្លីវឺឡេន រួមជាមួយនឹងបំណែកអវយវៈ នៃរូប ចម្លាក់ប្រតិមាក្រឹស្ណាទាំងពីរ។ លើសពីនេះវាគ្មិនទាំងពីរនឹងលើកឡើងពីរបៀបនៃការធ្វើការរួមគ្នា ការចែករំលែកធនធាន…

(ភ្នំពេញ)៖ ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ បានអនុញ្ញាតឲ្យសិស្សនិស្សិតអាហារូបករណ៍រដ្ឋាភិបាលនូវែលសេឡង់ថ្នាក់បណ្ឌិត និងអនុបណ្ឌិតចំនួន ៣៥រូប ជួបសម្តែងការគួរសម និងទទួលនូវអនុសាសន៍ណែនាំគន្លឹះពីវិស័យទេសចរណ៍ នាព្រឹកថ្ងៃទី០៨ ខែមករា ឆ្នាំ២០២៣ នៅទីស្តីការក្រសួងទេសចរណ៍ ដើម្បីត្រៀមខ្លួនទៅសិក្សា នៅប្រទេសនូវែលសេឡង់ចាប់ពីចុងខែមករា ឆ្នាំ២០២៤ ។ ឯកឧត្តមរដ្ឋមន្ត្រី បានស្វាគមន៍ និងអបអរសារទរចំពោះសិស្សនិស្សិតជ័យលាភីទាំង ៣៥រូប ដែលទទួលបានអាហារករណ៍ថ្នាក់បណ្ឌិត និងអនុបណ្ឌិត ទៅសិក្សានៅប្រទេសនូវែលសេឡង់សម្រាប់ឆ្នាំសិក្សា២០២៤-២០២៥ ។ ឯកឧត្តមរដ្ឋមន្ត្រី បានគូសបញ្ជាក់ថា សិស្សនិស្សិតទាំងអស់នឹងក្លាយជាទូតនាំសារផ្សព្វផ្សាយពីវប្បធម៌ អរិយធម៌ និងសក្តានុពលវិស័យទេសចរណ៍កម្ពុជា លើឆាកអន្តរជាតិ ដូច្នេះសិស្សនិស្សិតទាំងអស់ត្រូវមានទំនាក់ទំនល្អ អត្តរចរឹកស្លូតបូត និងរួសរាយរាក់ទាក់ និងចូលរួមថែរក្សាវប្បធម៌-ប្រពៃណី និងមោទនភាពជាខ្មែរអំឡុងពេលស្នាក់នៅ និងសិក្សានៅប្រទេសនូវែលសេឡង់ ជាពិសេសផ្សព្វផ្សាយមោទកភាពជាប្រជាជនខ្មែរ “ប្រទេសតូច បេះដូងទូលាយ” និងនាំសារល្អៗពីកម្ពុជាលើឆាកអន្តរជាតិ ។ លោក អ៊ី ឆាលី តំណាងនិស្សិតជ័យលាភីអាហារូបករណ៍រដ្ឋាភិបាលនូវែលសេឡង់ បានថ្លែងអំណរគុណ ឯកឧត្តមរដ្ឋមន្ត្រី និងថ្នាក់ដឹកនាំក្រសួងទេសចរណ៍ បានផ្តល់អនុសាសន៍ណែនាំល្អៗ និងមានតម្លៃដល់សិស្សនិស្សិតជ័យលាភីទាំងអស់ អំពីព័ត៌មាន និងនិន្នាការវិវត្តន៍ថ្មីៗ នៃវិស័យទេសចរណ៍កម្ពុជា…

(ភ្នំពេញ)៖ យុវជនមកពីគ្រួសារក្រីក្រ និងគ្រួសារងាយរងហានិភ័យ ចំនួន៣១៥នាក់ និងជំនាញចំនួន១១ នឹងត្រូវបើកវគ្គបណ្តុះបណ្តាល ជំនាញវិជ្ជាជីវៈ និងបច្ចេកទេស របស់រាជរដ្ឋាភិបាលជាផ្លូវការ នៅថ្ងៃទី១៥ មករា ឆ្នាំ២០២៤ ខាងមុខនេះ។ នេះបើតាមលោក កែម ជាក់នី នាយកវិទ្យាស្ថានពហុបច្ចេកទេសខេត្តកំពង់ស្ពឺ ។ លោក កែម ជាក់នី បន្តថា ជំនាញចំនួន ១១ ដែលយុវជនបានមកចុះឈ្មោះចូលរៀននោះមាន ការថែទាំ និងជួសជុលម៉ាស៊ីនត្រជាក់រថយន្ត ការផ្សារអគ្គិសនី ការថែទាំ និងជួសជុលទូរស័ព្ទ ការថែទាំបរិក្ខាត្រជាក់ក្នុងគេហដ្ឋាន ការរចនាក្រាហ្វិកកុំព្យូទ័រ សេវាកម្មកុំព្យូទ័រ ការដាំ និងប្រមូលផលដំណាំស្វាយ និងការកែច្នៃបន្លែ និងផ្លែឈើ ។ លោកបន្ថែមថា ជំនាញទាំង១១នេះ សុទ្ធសឹងជាជំនាញ ដែលមានតម្រូវការខ្ពស់ ទីផ្សារការងារល្អ ដែលសិក្ខាកាមរៀនចប់ អាចមានប្រាក់ចំណូលសមរម្យសម្រាប់ទ្រទ្រង់ជីវភាពរបស់ពួកគេផងដែរ។ ហើយការចូលរៀននៅថ្ងៃទី ១៥ ខែមករា ឆ្នាំ២០២៤ ខាងមុខនេះ វិទ្យាស្ថានបានរៀបចំ ទាំងសម្ភារៈ ថ្នាក់រៀន រោងជាង បន្ទាប់ពិសោធន៍…

(ភ្នំពេញ)៖ លោកស្រី ស្រី ផង់ពុទ្ធី នាយកសាលា នៃវិទ្យាស្ថានពហុបច្ចេកទេស ភូមិភាគតេជោសែន សៀមរាប បានមានប្រសាសន៍ក្នុងបទសម្ភាសន៍មួយថា កម្មវិធីបណ្តុះបណ្តាលជំនាញបច្ចេកទេសវិជ្ជាជីវៈរបស់ថ្នាក់ដឹកនាំរាជរដ្ឋាភិបាល មិនត្រឹមតែជួយកាត់បន្ថយ ភាពក្រីក្រ និងផ្តល់ជំនាញច្បាស់លាស់ ដល់និស្សិត ប៉ុណ្ណោះទេ ថែមទាំងជាយុទ្ធសាស្ត្រដ៏មុតស្រួច ដើម្បីប្រែក្លាយកម្ពុជា ទៅជា ប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងកម្រិតខ្ពស់ នៅឆ្នាំ២០៥០។ លោកស្រី ស្រី ផង់ពុទ្ធី បានលើកឡើងថា ក្រោមការដឹកនាំរបស់រាជរដ្ឋាភិបាល វគ្គបណ្តុះបណ្តាលបច្ចេកទេសនិងវិជ្ជាជីវៈ ជាកម្មវិធីមួយរួមចំណែក ធ្វើឱ្យ ប្រសើរឡើងនូវកំណើនសេដ្ឋកិច្ចកម្ពុជា គិតគូដល់ប្រជាពលរដ្ឋក្រីក្រ និងគ្រួសាររងហានិភ័យ ដោយសិក្សាឥតគិតថ្លៃ និងផ្តល់ប្រាក់ឧបត្ថម្ភ។ ម្យ៉ាងវិញទៀត ថ្នាក់ដឹកនាំបានផ្តោតលើចំណេះនិងជំនាញច្បាស់លាស់ ស្របតាមលំហរនៃទីផ្សារសកល។ លោកស្រី មានប្រសាសន៍ថា កម្មវិធីរបស់រាជរដ្ឋាភិបាល ជា «មធ្យោបាយមួយ ជួយឱ្យយុវជន អាចចាប់យកជំនាញការងារ និងចូលរួមការអភិឌ្ឍន៍សង្គម សេដ្ឋកិច្ច ព្រមទាំងជាស្ពានសម្រាប់ជីវិត»។ លោកស្រី បន្ថែមថា «កាលណាមានជំនាញ ដូចមានលុយក្នុងហោប៉ាវ ម្យ៉ាងអាច យកជំនាញទៅគ្រប់ទីកន្លែង និងធ្វើឱ្យជីវភាពកាន់តែប្រសើរឡើង»។ សូមជម្រាបថា…

កែប៖ឯកឧត្តម សំ សារីន ប្រធានក្រុមប្រឹក្សាខេត្ត ឯកឧត្តមបណ្ឌិត សោម ពិសិដ្ឋ អភិបាលខេត្ត និងលោកជំទាវ ស ម៉ាលីដា សោម ពិសិដ្ឋ កាល ពីរសៀលថ្ងៃទី៣ ខែមករាឆ្នាំ២០២៤បានអញ្ជើញចូលរួម បើកការ ដ្ឋាន កសាងអគារសិក្សាមួយខ្នងមានប្រាំបន្ទប់ និងអគារ ទីចាត់ការមួយ ខ្នង នៅសាលា បឋមសិក្សាវត្តកំពង់ត្រឡាច។ អគារទាំងពីរនេះ ជា អំណោយដ៏ថ្លៃថ្លារបស់សម្តេចធិបតី ហ៊ុន ម៉ាណែត នាយករដ្ឋមន្រ្តី កម្ពុជានិងលោកជំទាវបណ្ឌិត ពេជ ចន្ទមុន្នី ។សាលាបឋមសិក្សា កំពង់ត្រឡាច ស្ថិតនៅក្នុងបរិវេណវត្តកំពង់ត្រឡាច ក្នុងសង្កាត់ព្រៃធំ ក្រុងកែប ឯកឧត្តមបណ្ឌិត សោម ពិសិដ្ឋ អភិបាលខេត្តកែបបានលើកឡើងថា សមិទ្ធផលថ្មីដែលយើងកំពុងដំណើរការសាងសង់នេះ គឺជា អំណោយ របស់សម្តេចធិបតី ហ៊ុន ម៉ាណែត ក្នុងឱកាសដែលសម្តេចអញ្ជើញមក សម្ពោធ សមិទ្ធផលនានាក្នុងវត្តកំពង់ត្រឡាច កាល ពីថ្ងៃទី១៨ ខែមីនា ឆ្នាំ២០២២…

ភ្នំពេញ៖រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និង ឯកអគ្គ រាជទូតឥណ្ឌូនេស៊ីប្រចាំនៅកម្ពុជា បានលើកឡើងពីការពិនិត្យ លទ្ធភាព ផ្តល់អាហាររូបករណ៍ដល់ពលរដ្ឋកម្ពុជាលើជំនាញបច្ចេកទេសវិជ្ជាជីវៈ ដែលប្រទេសឥណ្ឌូនេស៊ីមានសក្តានុពល និងលទ្ធភាពនៃការផ្លាស់ប្តូរ សិក្ខាកាមផ្នែកបច្ចេកទេសវិជ្ជាជីវៈរវាងប្រទេសទាំងពីរ។ ចំណុចទាំងនេះត្រូវបានធ្វើឡើងក្នុងជំនួបរវាងឯកឧត្តម ហេង សួរ រដ្ឋមន្ត្រី ក្រសួងការងារ និងបណ្តុះបណ្តាលវិជ្ជាជីវ និងឯកឧត្តម Santo Darmosumarto នៅទីស្តីការក្រសួងកាលពីព្រឹកថ្ងៃព្រហស្បតិ៍ ទី៤ ខែមករា ឆ្នាំ២០២៤។ ប្រភពក្រសួងការងារបានឱ្យដឹងថា៖កិច្ចការពិភាក្សារបស់មន្រ្តីជាន់ខ្ពស់ នៃ ប្រទេសទាំងពីរ នឹងក្លាយជាចលករសំខាន់សម្រាប់ជួយជ្រោម ជ្រែង ទំនាក់ទំនងរវាងប្រជាជន និង ប្រជាជន និងប្រទេសទាំងពីរឱ្យ កាន់ តែស្អិតរមួតថែមទៀត។ភាគីទាំងពីរ ក៏បានជជែក និងចែករំលែកពីទស្សនៈវិស័យក្នុងនាម ប្រទេស បញ្ជូនពលករទៅកាន់ពិភពលោកដូចគ្នា។ ក្នុងនោះឯកឧត្តម ឯកអគ្គរាជទូត បានថ្លែងអំណរគុណដល់ក្រសួងការងារ និងរាជរដ្ឋា ភិបាលទាំងមូលដែលបានមើលថែពលរដ្ឋខ្លួនដែលកំពុងធ្វើការ និងស្នាក់នៅក្នុងប្រទេសកម្ពុជាដោយគ្មានការរើសអើង។ចំណែកឯកឧត្តមរដ្ឋមន្ត្រីក្រសួងការងារ បានគូសបញ្ជាក់ទៅកាន់ ភាគី ឥណ្ឌូនេស៊ីថា ក្រសួងការងារក្នុងនាមជាប្រទេសទទួល និង ក្នុងនាម ជាមិត្តនៅក្នុងតំបន់អាស៊ាន ការផ្តល់ការគោរពសិទ្ធិដល់ ពលរដ្ឋ ទូទៅ…