(ភ្នំពេញ)៖ ក្រសួងអប់រំយុវជន និងកីឡាបានឱ្យដឹងថាក្នុងការបូកសរុបដំណើរការសំណេរ នាព្រឹកថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)ក្នុងដំណើរការសំណេរនាព្រឹកថ្ងៃទី១ សម័យប្រឡង៖ ០៦ វិច្ឆិកា ២០២៣ មានពីរមុខវិជ្ជាគឺ ប្រវត្តិវិទ្យា និងជីវវិទ្យា (សម្រាប់ថ្នាក់វិទ្យាសាស្ត្រ) ផែនដីនិងបរិស្ថានវិទ្យា និងប្រវត្តិវិទ្យា (សម្រាប់ថ្នាក់វិទ្យាសាស្ត្រសង្គម) ដោយបានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឱ្យកត់សម្គាល់ឡើយ។ នៅព្រឹកថ្ងៃទី១នេះដែរ មានបេក្ខជនអវត្តមានចំនួន ១ ៩៥១នាក់ ស្រី ៧៩៥នាក់ (ក្នុងនោះបេក្ខជនស្វ័យរិន្ទ ១ ៦៣១នាក់ ស្រី៦៨៥នាក់) ស្មើនឹង ១,៤២ភាគរយ មានបញ្ហាសុខភាព ៣០ករណី ដែលក្នុងនោះមានករណីបញ្ជូនទៅមន្ទីរពេទ្យចំនួន០២ករណី និងមានបេក្ខជនចំនួន០២រូប ជួបគ្រោះថ្នាក់ចរាចរណ៍ស្រាល។ ក្រសួងអប់រំបានឱ្យដឹងដែរថា៖បេក្ខជនដែលមានបញ្ហាសុខភាពទាំងអស់បានបន្តការប្រឡងជាធម្មតា ក្រោមការយកចិត្តទុកដាក់មើលថែពីក្រុមគ្រូពេទ្យ បន្ទាប់ពីអាការបានធូរស្រាល។ ក្រសួងអប់រំ យុវជន និងកីឡា ជំរុញលើកចិត្តឱ្យបេក្ខជនប្រឡងទាំងអស់ត្រូវថែរក្សាសុខភាពឱ្យបានល្អ សម្រាក និងបរិភោគអាហារឱ្យបានគ្រប់គ្រាន់ប្រកបដោយអនាម័យ ដើម្បីទទួលបានលទ្ធផលល្អក្នុងការប្រឡង។ ក្រសួងបានបន្តឱ្យដឹងថា៖នៅតាមមណ្ឌលប្រឡងនីមួយៗ មានដំណើរការល្អ មានសភាពស្ងប់ស្ងាត់ និងរបៀបរៀបរយល្អ អនុវត្តតាមសេចក្ដីណែនាំប្រតិបត្តិរបស់ក្រសួងអប់រំ យុវជន និងកីឡា ក្រោមការយកចិត្តទុកដាក់ និងទំនួលខុសត្រូវខ្ពស់ពីគណៈមេប្រយោគទូទាំងប្រទេស គណៈកម្មការអប្បមាទទូទាំងប្រទេស…

(ភ្នំពេញ)៖ក្នុងដំណើរការសំណេរនៃការប្រឡងសញ្ញាបត្រមធ្យម សិក្សា ទុតិយភូមិ(បាក់ឌុប) សម័យប្រឡង ៦-៧ វិច្ឆិកា ឆ្នាំ២០២៣ ដែលជាព្រឹកថ្ងៃទី១ ត្រូវបានក្រសួងអប់រំឱ្យដឹងថាមាន បេក្ខជន តាមមណ្ឌលមួយចំនួនមានបញ្ហាសុខភាពដោយ ក្នុងនេះក្រោយការសង្រ្គោះពីសំណាក់ក្រុមគ្រូពេទ្យបេក្ខជនអាចបន្តធ្វើការប្រឡងបន្តទៀតបាន និងចំណែកបេក្ខជនមួយចំនួនទៀត ដែលធ្ងន់ធ្ងរក៏ត្រូវបានបញ្ជូនទៅសង្រ្គោះនៅមន្ទីរពេទ្យផងដែរ។ យោងតាមទំព័រហ្វេសប៊ុករបស់ក្រសួងអប់រំ និងក៏ដូចជាអង្គភាព ប្រឆាំង អំពើពុករលួយបានឱ្យដឹងនៅព្រឹកថ្ងៃទី ០៦ ខែ វិច្ឆិកា ឆ្នាំ ២០២៣នេះថាក្នុងការដំណើរការសំណេរព្រឹកថ្ងៃទី១នេះបេក្ខជនដែលមានបញ្ហាសុខភាពដូចជា៖បេក្ខនារីឈ្មោះសាន ដាលីន នៅមណ្ឌលវិទ្យាល័យហ៊ុនសែន ប៊ុន រ៉ានីច្បារអំពៅ ក្នុងរាជធានីភ្នំពេញ បានសន្លប់ដោយសារសម្ពាធឈាមចុះខ្លាំង។ ក្រោយសង្រ្គោះពីសំណាក់ក្រុមគ្រូពេទ្យបេក្ខនារីរូបនេះអាចបន្តប្រឡងបន្តទៀតបាននៅក្នុងរថយន្តសង្រ្គោះ។ ដោយឡែកបេក្ខជន និងបេក្ខនារី ២ រូប នៅមណ្ឌលបឋម សិក្សា សន្តិភាព ខេត្តកំពង់ស្ពឺ ដែលម្នាក់ទើបជាសះពីជំងឺគ្រុនឈាម និងម្នាក់ទៀតទើបវះកាត់បាន២ថ្ងៃ ដោយសារមានសភាពធ្ងន់ធ្ងរ ត្រូវបានប្រធានមណ្ឌល និងប្រធានអប្បមាទ ធ្វើទំនាក់ទំនងឱ្យ ឪពុកម្តាយដើម្បីមកទទួលទៅផ្ទះវិញ។ សម្រាប់បេក្ខជនម្នាក់ជាព្រះសង្ឃមានបញ្ហាសុខភាពដួលសន្លប់ នៅមណ្ឌលអនុវិទ្យាល័យទឹកថ្លា ខេត្តបន្ទាយមានជ័យ ត្រូវបាន បញ្ជូនទៅសង្រ្គោះទៅកាន់មន្ទីពេទ្យបង្អែកខេត្ត ដោយសារមូល ហេតុព្រះអង្គមិនបានឆាន់ចង្ហាន់ពេលព្រឹក។ ចំណែកបេក្ខនារីនៅវិទ្យាល័យទូលទំពូងក្នុងរាជធានីភ្នំពេញដែលមានជំងឺគ្រុនឈាមមិនទាន់ជាត្រូវបានគេដាក់ឱ្យប្រឡងនៅបន្ទប់ដាច់ដោយឡែកពីគេមួយ។ ដោយឡែកបេក្ខជនដែលទើបវះ កាត់ពោះវៀនដុះខ្នែង…

(ភ្នំពេញ)៖ ស្រ្តីវ័យចំណាស់ជាងគេដែលជាបេក្ខជន ប្រឡងសញ្ញាបត្រមធ្យមសិក្សាទុតិយភូមិ (បាក់ឌុប)សម័យប្រឡង ០៦ វិច្ឆិកា ២០២៣គេឃើញបានចូលមកប្រឡងជាថ្មីម្តងទៀត។ ក្នុងទំព័រហ្វេសប៊ុកផ្លូវការរបស់ក្រសួងអប់រំយុវជន និងកីឡាបានឱ្យដឹងថា៖អ្នកស្រីហែម ស៊ីណាត អាយុ ៥៨ឆ្នាំដែលមានវ័យចំណាស់ជាងគេត្រូវបានបង្ហាញការលើកទឹកចិត្ត និង ថាអ្នកស្រី កំពុងប្រឡងនៅមណ្ឌល អនុវិទ្យាល័យទឹកថ្លា ខេត្តបន្ទាយមានជ័យ ។ គួរបញ្ជាក់ថាអ្នកស្រី ហែម ស៊ីណាត គឺជា អ្នកគ្រូអក្ខរកម្ម សព្វថ្ងៃរស់ នៅភូមិថ្មរមៀល ឃុំបន្ទាយឆ្មារ ស្រុកថ្មពួកខេត្តបន្ទាយមានជ័យ ដែលជាបេក្ខនារីវ័យចំណាស់ជាងគេ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ថ្ងៃទី៥ ខែធ្នូ ឆ្នាំ២០២២ កន្លងមក នាមណ្ឌលសាកលវិទ្យាល័យជាតិមានជ័យ ក្រុងសិរីសោភ័ណ ខេត្តបន្ទាយមានជ័យ។បើទោះបីលទ្ធផលចេញមកធ្លាក់កាលពីឆ្នាំ២០២២កន្លងមកតែឆ្នាំនេះអ្នកស្រីមិនចុះចាញ់ទេគឺបានដាក់ពាក្យចូលប្រឡងជាថ្មីម្តងទៀត។អ្នកស្រីសង្ឃឹមថាឆ្នាំនេះមិនដូចឆ្នាំមុនព្រោះថាអ្នកស្រី បានមករៀនជាប់លាប់ដែរនៅថ្នាក់បំពេញវិជ្ជា។ គួរបញ្ជាក់ថាអ្នកស្រី ហែម ស៊ីណាត រៀនបានជាប់ឌីប្លូមនៅស្រុកកំណើតនៅខេត្តកំពត ហើយចំណាកស្រុកទៅរស់នៅភូមិពាក់ស្បែកស្រុករតនមណ្ឌលខេត្តបាត់ដំបងកាលពីឆ្នាំ១៩៨៥ ហើយបន្តទៅរស់នៅភូមិ ថ្មរមៀលខាងកើត ឃុំបន្ទាយឆ្មារ ស្រុកថ្មពួក ខេត្ត បន្ទាយមានជ័យ នាឆ្នាំ២០០៨ ៕ ដោយ ៖ ម៉ាដេប៉ូ

ភ្នំពេញ៖រដ្ឋមន្រ្តីក្រសួងអប់រំ យុវជន និងកីឡា បណ្ឌិតសភាចារ្យ ហង់ជួន ណារ៉ុន ស្នើឱ្យបុគ្គលិកអប់រំ និងអ្នកពាក់ព័ន្ធ ធ្វើយ៉ាងណាបំពេញតួនាទីភារកិច្ចរបស់ខ្លួនប្រកបដោយការទទួលខុសត្រូវ និងវិជ្ជាជីវៈ ដើម្បីជួយសម្រួល និងធានាដល់ការប្រឡងសញ្ញាបត្រមធ្យមសិក្សាទិយភូមិ ឬបាក់ឌុប ឱ្យប្រព្រឹត្តិទៅដោយរលូន។ ការស្នើនេះត្រូវបានធ្វើឡើង តាមរយៈវីដេអូខ្លី ដែលបង្ហោះនៅលើហ្វេសប៊ុករបស់ក្រសួងអប់រំ កាលយប់ថ្ងៃទី២ ខែវិច្ឆិកា ឆ្នាំ២០២៣ ខណៈការប្រឡងកាន់តែខិតជិតមកដល់។ ថ្លែងក្នុងវីដេអូខាងលើបណ្ឌិត ហង់ជួន ណារ៉ុន បានផ្តាំផ្ញើ និងជូនពរដល់សិស្សដែលត្រៀមប្រឡងបាក់ឌុប ពិសេសជូនដល់បុគ្គលិកអប់រំ និងអ្នកពាក់ព័ន្ធនានា ក្នុងឱកាសនៃការប្រឡងសញ្ញាបត្រមធ្យមសិក្សាទិយភូមិ សម័យប្រឡងថ្ងៃទី ០៦ វិច្ឆិកា ២០២៣ ឱ្យខិតខំបំពេញភារកិច្ចរៀងៗខ្លួនដោយការទទួលខុសត្រូវ ប្រកបដោយវិជ្ជាជីវៈ និងមានប្រសិទ្ធភាពខ្ពស់។ លោករដ្ឋមន្រ្តីបន្តថា៖«ក្នុងនាមថ្នាក់ដឹកនាំក្រសួងអប់រំ ខ្ញុំសូមឱ្យមេប្រយោគ គណៈកម្មាការនានា និងអ្នកពាក់ព័ន្ធក្នុងការប្រឡងទាំងអស់ សូមយកចិត្តទុកដាក់លើការងាររបស់ខ្លួន ទាំងការងាររដ្ឋបាល ការគ្រប់គ្រងបច្ចេកទេស សន្តិសុខ វិធានការសុខភាព និងសុវត្ថិភាព ដើ​ម្បីធានថាការប្រឡងនេះ ប្រព្រឹត្តិទៅដោយគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន»។ ពាក់ព័ន្ធនឹងការប្រឡងបាក់ឌុបនេះដែរ ក្រសួងទេសចរណ៍ កាលថ្ងៃទី២ ខែវិច្ឆិកានេះ…

(ខេត្តពោធិ៍សាត់)៖ ឯកឧត្តម ឧត្តមសេនីយ៍ឯក ព្រហ្ម មរណៈ មេបញ្ជាការរងកងទ័ពជើងគោក បានអញ្ជើញជាចូលរួមបិទវគ្គហ្វឹកហ្វឺនបំប៉នចំណេះដឹងមូលដ្ឋានកសិកម្មជំនាន់ទី២៣, វគ្គពង្រឹងវរសេនាតូច និងវគ្គបំប៉នបញ្ជការ ខ. គ ឆ្នាំ២០២៣ នៅទីបញ្ជាការកងពលតូចអន្តរាគមន៍លេខ១៤ ខេត្តពោធិ៍សាត់ នាព្រឹកថ្ងៃទី៣ ខែវិច្ឆិការ ឆ្នាំ២០២៣ នៅកងពលតូចអន្តរាគមន៍លេខ១៤ កងទ័ពជើងគោក ។ តាមរបាយការណ៍បានឲ្យដឹងថា ៖ ការិយាល័យអភិវឌ្ឍន៍កងទ័ពជើងគោក និងកងពលតូចអន្តរាគមន៍លេខ១៤ បានដំណើរការបើកវគ្គហ្វឹកហ្វឺន បំប៉នចំណេះដឹងមូលដ្ឋានកសិកម្ម ដល់នាយទាហាន នាយទាហាន និងពលទាហាន កងពលតូចអន្តរាគមន៍លេខ១៤ សិក្សារយៈពេល ៦១ថ្ងៃ មានសិក្ខាកាមសរុបចំនួ ៧០នាក់ ។ សិក្សាលើខ្លឹមសារមេរៀនរួមមាន៖ ការផលិតមេជី EM ការផលិតថ្នាំពលបែបធម្មជាតិ, ការដាំដូងក្រអូប, ការចិញ្ចឹមជ្រូក, ការចិញ្ចឹមមាន់, ការចិញ្ចឹមគោ, ការបង្កាត់ និងពង្រីកពូជដំណាំ, ការបណ្ដុះផ្សិតចំបើង, ការបណ្តុះផ្សិតអំបោះ ។ ដោយឡែកវគ្គហ្វឹកហ្វឺនពង្រឹង វរសេនាតូច និងយុទ្ធដំណើរទ័ព សិក្សារយៈពេល ៩១ ថ្ងៃចាប់ពីថ្ងៃទី ២៤…

(បាត់ដំបង)៖ ក្នុងឱកាសសំណេះសំណាលជាមួយថ្នាក់ដឹកនាំស្នងការដ្ឋាននគរបាលខេត្តបាត់ដំបង មេបញ្ជាការវរព្រំដែន អធិការ និងនាយប៉ុស្ដិ៍នគរបាលរដ្ឋបាល នាព្រឹកថ្ងៃព្រហស្បតិ៍ ទី០២ ខែវិច្ឆិកា ឆ្នាំ២០២៣ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថ្លែងថា កងកម្លាំងនគរបាលជាតិ ត្រូវគោរពវិន័យ អនុវត្តបទបញ្ជា និងបំពេញតួនាទីភារកិច្ច ដើម្បីផ្ដល់ភាពកក់ក្ដៅជូនប្រជាពលរដ្ឋ ជាពិសេស ការពារសន្តិសុខ សុវត្ថិភាព សណ្ដាប់ធ្នាប់សង្គម។ ឯកឧត្ដម សង្កត់ធ្ងន់ថា រាល់ការបំពេញភារកិច្ច គប្បីចៀសឱ្យឆ្ងាយកុំពាក់ព័ន្ធនឹងគ្រឿងញៀន។ ករណីរកឃើញនគរបាលរូបណាជាប់ទាក់ទិននឹងបទល្មើសគ្រឿងញៀន ក្រសួងនឹងអនុវត្តវិន័យតឹងរឹងបំផុត ដោយអាចបណ្ដេញចេញពីក្របខណ្ឌជាដើម ។ ឯកឧត្ដមអភិសន្តិបណ្ឌិត ស សុខា បន្តទៀតថា ដោយសារការវិវត្តនៃសង្គម ក្នុងនាមកងកម្លាំងនគរបាល គប្បីផ្ដោតការយកចិត្តទុកដាក់លើបទល្មើសមួយចំនួនដែលកំពុងកើតមាន ជាអាទិ៍ បញ្ហាគ្រឿងញៀន បទល្មើសទូទៅគ្រប់ប្រភេទ បញ្ហាក្មេងទំនើង និងបញ្ហាចរាចរណ៍ ។ ពិសេសជាងនេះ ការជួញដូរផ្លូវភេទ ការជួញដូរមនុស្ស ដែលស្នងការដ្ឋាននគរបាល គួរពិនិត្យលទ្ធភាពបង្កើតយន្តការផ្សព្វផ្សាយអំពីគ្រោះថ្នាក់ ឧបាយកល វិធីបង្ការ និងមធ្យោបាយរំដោះខ្លួនជាដើម ដល់យុវនារី អាណាព្យាបាល…

(ខេត្តកោះកុង)៖ រៀងរាល់ឆ្នាំនៅពេលឈានចូល ខែវិច្ឆិកា ដល់ខែមេសា សត្វផ្សោតជាច្រើនក្បាលតែងចេញមកប្រមាញ់ រកចំណី យ៉ាងសប្បាយរីករាយ ហើយនាឱកាសនោះដែរ អ្នក ទេសចរ ក៏អាចមកកម្សាន្តដើម្បីទស្សនាសត្វដ៏កម្រនេះ នៅក្នុង សហគមន៍តំបន់ ការពារធម្មជាតិពាមក្រសោប នៃដែន ជម្រក សត្វព្រៃពាមក្រសោប ក្នុងភូមិសាស្រ្តខេត្តកោះកុង ។ សត្វផ្សោតសមុទ្រដែលត្រូវបានគេរកឃើញនាកន្លងមកនោះមានចំនួនច្រើនជាង ៥០០ក្បាល នៅដែនជម្រកសត្វព្រៃពាមក្រសោប ដែល ពួកវាកំពុងរស់នៅនៅយ៉ាងសុខុដុម នៅសមុទ្រ ក្នុងទឹកដីខេត្តកោះកុង ប្រទេសកម្ពុជា ។ លោក រ៉េត សុខនីម អនុប្រធានមន្ទីរខេត្តកោះកុង បានឱ្យដឹងនៅ ព្រឹកថ្ងៃទី២ ខែវិច្ឆិកា ឆ្នាំ២០២៣នេះថា ៖សត្វផ្សោតដែលមានវត្តមាននៅក្នុងនិងជុំវិញដែនជម្រកសត្វព្រៃពាម ក្រសោបនេះ មានចំនួន ៣ប្រភេទ គឺ សត្វផ្សោតទន្លេ ឬហៅថា ផ្សោតក្បាលត្រងោល សត្វផ្សោតឥតព្រុយខ្នង និងសត្វផ្សោតឃ្លៀច ។ បើតាមរយៈការសិក្សាស្រាវជ្រាវ កាលពីអំឡុងឆ្នាំ២០១៨ គេឃើញវត្តមានសត្វផ្សោតចំនួនប្រមាណជាង ៥០០ក្បាល។ លោក រ៉េត សុខនីម បន្តថា៖…

(សៀមរាប)៖ នៅក្នុងរយៈពេល ៣ថ្ងៃ ចាប់ពីថ្ងៃទី២៨ ដល់ទី៣០ ខែ តុលា ឆ្នាំ២០២៣ ប្រជាពលរដ្ឋខ្មែរ ទាំងក្មេងទាំងចាស់ មកពី បណ្តារាជធានី ខេត្ត នៃព្រះរាជាណាចក្រកម្ពុជា បានចូលមកកាន់ ខេត្តសៀមរាប ជាភ្ញៀវទេសចរណ៍ជាតិ បែបសាសនា ដើម្បីស្វែង ទៅជួប ព្រះភ័ត្តព្រះធម្ម វនវាសី ចន្ទ មុនី ( ហៅសង្ឃធុដង្គ) នៅប្រាសាទអង្គរ និងទីកន្លែងផ្សេងៗទៀតក្នុងក្រុង សៀមរាប ។  បងប្អូនប្រជាពុទ្ធបរិស័ទគ្រប់គ្នា បានចាត់ទុកថាព្រះធម្ម វនវាសី ចន្ទ មុនី មានព្រះបារមីដ៏ខ្លាំងពូកែ ដែលគួឲ្យ ជាទីគោរព ។  ក្នុងសកម្មភាពដែលប្រជាពលរដ្ឋបានមកកាន់លើទឺកដីខេត្តសៀមរាប អង្គរនេះយ៉ាពពាក់ពពួនគ្នានេះ ក្នុងគោលបំណងមក ជួប ព្រះធម្ម វនវាសី ចន្ទ មុនី  នៅប្រាសាទអង្គរវត្ត និង ទីតាំងផ្សេងៗ ទៀតក្នុងក្រុងសៀមរាប ។ ទាំងនេះក៏បានបញ្ជាក់ឲ្យឃើញថា ប្រជាពលរដ្ឋខ្មែរយើង មានជំនឿជឿជាក់តាមបែបប្រពៃណី…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាព្រះមហាក្សត្រ និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីបើកសិក្ខាសាលា ស្តីពី «ការចូលរួមគាំទ្រស្រ្តីបម្រើការក្នុងសេវាកម្សាន្តទេសចរណ៍នៃសេដ្ឋកិច្ច ក្រៅប្រព័ន្ធទទួលបានរបបថែទាំសុខភាពតាមប្រព័ន្ធមូលនិធិសមធម៌សុខាភិបាល» ដែលរៀបចំដោយសមាគមនារីកម្ពុជាដើម្បីសន្តិភាព និងអភិវឌ្ឍន៍ និងឧបត្ថម្ភថវិកា ដោយមូលនិធិទីភ្នាក់ងារអង្គការសហប្រជាជាតិដើម្បីប្រជាជន នាព្រឹកថ្ងៃទី៣១ ខែតុលា ឆ្នាំ២០២៣ នៅសណ្ឋាគារភ្នំពេញ ។ សមាសភាពអ្នកចូលរួមថ្ងៃនេះ ក៏មានការអញ្ជើញចូលរួមពីថ្នាក់ដឹកនាំមកពីក្រសួងសេដ្ឋកិច្ចនិងហិរញ្ញវត្ថុ ក្រសួងមហាផ្ទៃ ក្រសួងសុខាភិបាល ក្រសួងការងារនិងបណ្តុះបណ្តាលវិជ្ជាជីវៈ ក្រសួងផែនការក្រសួងសង្គមកិច្ច ក្រសួងកិច្ចការនារី ក្រសួងទេសចរណ៍ ក្រសួងធម្មការនិងសាសនា អាជ្ញាធរជាតិប្រយុទ្ធនឹងជំងឺអេដស៍ មជ្ឍមណ្ឌលជាតិគាំពារមាតានិងទារក មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ អភិបាលរងរាជធានីភ្នំពេញ មន្ទីរសុខាភិបាលរាជធានីភ្នំពេញ មន្រ្តីការិយាល័យស្រុកប្រតិបត្តិ ចៅសង្កាត់ តំណាងទីភ្នាក់ងារអង្គការសហ ប្រជាជាតិប្រចាំប្រទេសកម្ពុជា អង្គការ-សមាគមជាតិ អន្តរជាតិនិងស្រ្តីធ្វើការក្នុងសេវាកម្សាន្ត ប្រមាណជិត ២០០នាក់ ។ ថ្លែងក្នុងអង្គសិក្ខាសាលា លោកស្រី សាន់ដ្រា បឺនក្លាវ (Sandra Bernklau) នាយិកាទីភ្នាក់ងារអង្គការសហ ប្រជាជាតិដើម្បី ប្រជាជនប្រចាំព្រះរាជាណាចក្រកម្ពុជា (UNFPA)…