(ភ្នំពេញ)៖ ការប្រកួតប្រជែងភាពច្នៃប្រឌិតលើការរចនាផលិតផលមេកាត្រូនិច ជាកម្មវិធីប្រកួតប្រជែងមួយដែលរៀបចំឡើង ក្រសួងអប់រំ យុវជន និងកីឡា។ ការប្រកួតប្រជែងបានចូលមកដល់វគ្គផ្ដាច់ព្រ័តនៅថ្ងៃទី៣០ ខែតុលា ឆ្នាំ២០២៣ ដោយរកឃើញយុវជនជ័យលាភីចំនួន ៥ក្រុម។ ក្រោយឆ្លងវគ្គជម្រុះ ក្នុងរយៈពេលប៉ុន្មានខែមកនេះ កម្មវិធីប្រកួតប្រជែងភាពច្នៃប្រឌិតលើការរចនាផលិតផលមេកាត្រូនិច ក៏បានឈានដល់វគ្គប្រកួតចុងក្រោយ រវាងក្រុមយុវជនកម្រិតមធ្យមសិក្សាចំនួន ៩ក្រុម ។ ជាលទ្ធផលក្រោយធ្វើបទបង្ហាញ នូវផលិតផល របស់ខ្លួន គណៈកម្មការបានផ្ដល់ជ័យលាភី ជូនក្រុមចំនួន ៥ ដោយមានទាំងក្រុមសិស្សនៅរាជធានីភ្នំពេញ និងក្រុមសិស្សមកពីខេត្តផងដែរ ។ជ័យលាភីលេខ ៥ គឺបានទៅលើក្រុមមកពីខេត្តបន្ទាយមានជ័យ ដោយក្រុមនេះបង្កើតជាម៉ាស៊ីនច្រូតស្រូវ រីឯក្រុមលេខ ៤ បានទៅលើក្រុម យុវនារីយន្ត ដែលបានបង្កើតគម្រោង Smart Agriculture ចំពោះក្រុមទទួលបានចំណាក់លេខ ៣គឺក្រុមមកពីសាលាបញ្ញាសាស្រ្ត ឬស្សីកែវ ដែលបង្កើតម៉ាស៊ីនឆក់យកកម្ទេចដែកចេញពីអង្ករ។ ជ័យលាភី ២វិញ គឺបានទៅលើក្រុម បៀរដឺមែក នៃវិទ្យាល័យព្រែកលៀប ក្រុមនេះបង្កើតម៉ាស៊ីនស្រោចស្រពទឹកលើដំណាំដោយស្វ័យប្រវត្តប្រើប្រាស់ថាមពលព្រះអាទិត្យ ។ ជ័យលាភីលាភីលេខ ១ គឺបានទៅលើក្រុមក្រុមយុវជន មកពីវិទ្យាល័យ ហ៊ុន សែន អូរាំងឪ…

(តាកែវ)៖ នាយករងខុទ្ទកាល័យនាយករដ្ឋមន្ត្រី អំពាវនាវដល់ពលរដ្ឋ និងមន្រ្តីរាជការក្រុងដូនកែវ បន្តចូលរួមការពារសុខសន្តិភាព និងការអភិវឌ្ឍជាតិ ។ នេះជាការលើកឡើងរបស់ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចធិបតី នាយករដ្ឋមន្ត្រី ក្នុងឱកាសនាំ ដង្ហែអង្គកឋិនទានទៅវេរប្រគេនព្រះភិក្ខុសង្ឃគង់ចាំព្រះវស្សានៅវត្តតុំ អស់កាលត្រីមាស ស្ថិតក្នុងសង្កាត់រកាក្រៅ ក្រុងដូនកែវ ខេត្តតាកែវ នាព្រឹកថ្ងៃទី៣០ ខែតុលា ឆ្នាំ២០២៣ ដោយមានការចូលរួមពីលោកជំទាវ ប៉ែន ចន្ទី រួមនិងបុត្រ ព្រមទាំងនាយទាហាន ពលទាហាន បញ្ជាការដ្ឋានអង្គរក្ស និងប្រជាពលរដ្ឋចំណុះជើងវត្តជាច្រើនទៀត ។ លោកអភិបាលក្រុងដូនកែវ ខេត្តតាកែវ បានឲ្យដឹងថា ក្នុងរយៈកាលកន្លងមក រហូតមកដល់បច្ចុប្បន្ន ឯកឧត្តម នាយឧត្ដមសេនីយ៍ កិត្តិបណ្ឌិត ហ៊ីង ប៊ុនហៀង និងលោកជំទាវ ប៉ែន ចន្ទី ជាពុទ្ធសាសនូបត្ថម្ភមួយដ៏ឆ្នើម និងយកចិត្តទុកដាក់បំផុតក្នុងការលើកកម្ពស់វិស័យពុទ្ធសាសនា និងបានស្ថាបនាកសាងវត្តយ៉ាងល្អត្រចះត្រចង់ ទៅជារមណីយពុទ្ធសាសនា ជាពិសេស ឯកឧត្តម និងលោកជំទាវ ព្រមទាំងសហការីតែងតែឆ្លៀតពេលវេលាដ៏មមាញឹក និងមានតម្លៃដើម្បី ចុះសាកសួរសុខទុក្ខបងប្អូន…

(បាត់ដំបង)៖ សម្ដេចក្រឡាហោម ស ខេង ឧត្តមប្រឹក្សាផ្ទាល់ ព្រះមហា ក្សត្រ និងជាតំណាងរាស្ត្រមណ្ឌលបាត់ដំបង បានអញ្ជើញ ជាអធិបតី ក្នុងពិធីប្រណាំងទូក បណ្ដែតប្រទីប អបអរបុណ្យចេញ ព្រះវស្សា ខេត្ត បាត់ដំបង នៅវេទិកាអុំទូកមាត់ស្ទឹងសង្កែ ក្រុងបាត់ដំបង ខេត្តបាត់ដំបង ខណ:២ថ្ងៃនេះភ្ញៀវទេសចរជាតិ និងអន្តរជាតិ មកលេងកម្សាន្តជាង១លាននាក់។ ពិធីប្រណាំងទូក បណ្ដែតប្រទីប របស់ខេត្តបាត់ដំបងនាពេលនេះ គឺជាលើកទី២២ ដែលបានប្រព្រឹត្តិទៅរយៈពេល២ថ្ងៃ ចាប់ពីថ្ងៃទី២៨ និងទី២៩ ខែតុលា ឆ្នាំ២០២៣ ដោយខកខានប្រារព្ធរយៈពេល២ឆ្នាំ គឺឆ្នាំ២០២០ និង២០២១ ដោយសារជំងឺរាតត្បាតកូវីដ១៩។ ក្នុងឆ្នាំ២០២៣នេះ ទូកដែលបានចូលរួមប្រកួតសរុបចំនួន៤៥ទូក និងមានកីឡាករ កីឡាការិនីសរុប១,៥៩៦រូប។ ក្នុងរយៈពេល២ថ្ងៃនេះ ពិធីប្រណាំងទូកនៅខេត្តបាត់ដំបង និងបានដំណើរការទៅប្រកបដោយជោគជ័យ ស្ថិតក្នុងបរិយាកាស សប្បាយរីករាយក្រៃលែង រីឯកីឡាករកីឡាការិនីទាំងអស់ បានបញ្ចេញអស់ថាមពល និងបច្ចេកទេស ធ្វើការប្រកួតដោយលក្ខណៈសាមគ្គីភាព មិត្តភាព ក្នុងការដណ្ដើមយកចំណាត់ថ្នាក់លេខ១ លេខ២ និងលេខ៣។ សម្ដេចក្រឡាហោម ស ខេង…

(ភ្នំពេញ)៖ ក្រសួងព័ត៌មាននៅថ្ងៃទី ៣០ ខែតុលា ឆ្នាំ២០២៣នេះ បានចេញលិខិតបញ្ជាក់ប្រាប់ដល់ម្ចាស់ប្រព័ន្ធផ្សព្វផ្សាយទាំងអស់អំពីការផ្សព្វផ្សាយ និងប្រើប្រាស់ឈ្មោះអ្នកនិពន្ធទំនុកច្រៀង អ្នកសម្រួល តន្រ្តី និងអ្នក ច្រៀងបទចម្រៀងចំណងជើង “ឱភ្នំពេញអើយ” ឱ្យបាន ត្រឹមត្រូវ។ ការបញ្ជាក់ប្រាប់ដល់ប្រព័ន្ធផ្សព្វផ្សាយរបស់ក្រសួងព័ត៌មាននេះដែរធ្វើឡើងដោយ យោងតាមលិខិតលេខ ៥០៨ ឆត ចុះថ្ងៃទី២៥ ខែតុលា ឆ្នាំ២០២៣ របស់ក្រសួងវប្បធម៌ និងវិចិត្រសិល្បៈ។ បើយោងតាមលិខិតរបស់ក្រសួងព័ត៌មានដែលបានចុះហត្ថលេខាដោយ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានខាងលើនេះបាន បញ្ជាក់ ថា៖ បន្ទាប់ពីមានការ សម្របសម្រួលដោះស្រាយបញ្ហា ដោយ ក្រសួងវប្បធម៌និងវិចិត្រសិល្បៈ និងក្រសួងព័ត៌មាន … លើករណី រំលោភបំពានសិទ្ធិសីលធម៌អ្នកនិពន្ធចម្រៀងបទ “ឱភ្នំពេញអើយ រួចមក ភាគីពាក់ព័ន្ធទាំងអស់បាន សម្រេចទទួលយក និងឯកភាពថា បទចម្រៀង “ឱភ្នំពេញអើយ” ជាស្នាដៃនិពន្ធទំនុកច្រៀងដោយ សម មិត្ត កែវ ចិន្តា សម្រួលតន្ត្រីដោយសមមិត្ត ជ័យ សុភា និងច្រៀង ដោយ…

(ភ្នំពេញ)៖ ការប្រកួតជើងឯកយុវជនអាយុក្រោម ១៥ឆ្នាំ និងអាយុ ក្រោម ១៧ឆ្នាំថ្នាក់តំបន់បានបើកជាផ្លូវកា ក្រោមវត្តមាន ឯកឧត្តម លី កុសល រដ្ឋលេខាធិការក្រសួងការពារជាតិ និងជាប្រធានសហព័ន្ធ កីឡា វាយសីកម្ពុជា និង មានការអញ្ជើញចូលរួមពីលោក Wajid Ali ប្រធានក្រុមប្រឹក្សាអភិវឌ្ឍន៍កីឡាវាយសី នៃសហព័ន្ធកីឡាវាយសី អាស៊ី និងវត្តមានប្រតិភូ អត្តពលិក និងទស្សនិកជាច្រើនផងដែរ ។ ឯកឧត្តម លី កុសល មានប្រសាសន៍ថា នេះជាលើកដំបូងហើយ ដែលកម្ពុជាបានទទួលធ្វើម្ចាស់ផ្ទះព្រឹត្តិការណ៍នេះ ក្នុងគោលបំណង ពង្រឹង និងពង្រីកចំណងមិត្តភាពឲ្យកាន់តែរឹងមាំ និងទូលំទូលាយ រវាងថ្នាក់ដឹកនាំ និងកីឡាករ-កីឡាការិនីក្នុងតំបន់ ពិសេសចែករំលែក បទពិសោធន៍ និងបច្ចេកទេសល្អៗ និងជំរុញទឹកចិត្តដល់អត្តពលិក ទាំង អស់ ឲ្យមានឆន្ទៈមុះមុត ស្មារីរឹងមាំ ឈានទៅរកគោលដៅ ពិតប្រាកដ គឺការដណ្ដើមមេដាយមាសជូនប្រទេសជាតិខ្លួន ។ ឯកឧត្តមថា ការប្រកួតនេះ អាចប្រព្រឹត្តទៅបាន ដោយសារមានការ ឧបត្ថម្ភគាំទ្រពីថ្នាក់ដឹកនាំ BA…

(ខេត្តបាត់ដំបង)៖ ពិធីបុណ្យអុំទូកនិងបណ្តែតប្រទីបដែលរដ្ឋបាលខេត្តបាត់ដំបងរៀបចំឡើងរយៈពេល២ថ្ងៃចាប់ពីថ្ងៃទី២៨ ដល់២៩ ខែ តុលា ឆ្នាំ២០២៣ ដើម្បីអបអរសាទបុណ្យចេញព្រះវស្សា និងលើកស្ទួចអភិរក្សបុណ្យប្រពៃណីជាតិដ៏រុងរឿងរបស់ខ្មែរ ជាការំលឹកដល់ជ័យជំនះកងទ័ពជើងទឹកពីការទទួលបានជោគជ័យលើសមរភូមិ ពិសេស ផ្តល់ឱកាសឲ្យប្រជាពលរដ្ឋនៅខេត្តបាត់ដំបង និងភ្ញៀវជាតិ និងអន្តរជាតិមកកំសាន្តសប្បាយ តាមរយៈទស្សនាការប្រកួតប្រជែងប្រណាំងទូក និងទស្សនីយ៌ភាពផ្សេងៗ សម្រាប់ថ្ងៃទី១នៃការរៀបចំ សង្កេតឃើញថា មានប្រជាពលរដ្ឋរាប់ម៉ឺននាក់មកកំសាន្តសប្បាយ។ ការប្រណាំងទូករយៈពេល ២ថ្ងៃនេះ មានទូកចូលរួមចំនួន ៤៥ទូក មកពីខេត្តចំនួន ៣ បាត់ដំបង ព្រះវិហារ និងខេត្តពោធិ៍សាត់ ក្នុងនោះមានទូកចំណុះ ៦នាក់មាន ៨ទូក ទូកខ្នាតអន្តរជាតិនារីមាន ២ទូក ទូកខ្នាតអន្តរជាតិចំណុះ ២៦នាក់មាន ៦ទូក ទូកប្រពៃណីចំណុះ ២៣នាក់មាន ២៣ទូក ទូកវែងប្រពៃណីចំនួន ៦៨នាក់មាន ១៦ និងទូកប្រកួតមិត្តភាព៣ទូក សរុបកីឡាករកីឡាការិនី ១៥៩៦នាក់ តាមរូបមន្តវិលជុំ យកទូកដែលខ្លាំងមកប្រកួតផ្តាច់ព្រ័ត្រ។នេះបើយោងតាមការបញ្ជាក់ពី លោក អ៊ុន បូរ៉ាន់ ប្រធានការិយាល័យកីឡានៃមន្ទីរអប់រំយុវជន និងកីឡា ខេត្តបាត់ដំបង ។ លោក សូត្រ…

(ភ្នំពេញ)៖ កិច្ចប្រជុំក្រុមប្រឹក្សាភិបាលមជ្ឈមណ្ឌលស៊ីមេអូធីត (6th GBM of SEAMEO TED) លើកទី៦ ត្រូវបានរៀបចំឡើងនៅថ្ងៃទី២៦-២៧ ខែតុលា ឆ្នាំ២០២៣ នៅសណ្ឋាគារភ្នំពេញ រាជធានីភ្នំពេញ ក្រោមវត្តមាន លោកជំទាវ គឹម សេដ្ឋានី រដ្ឋលេខាធិការប្រចាំការ នៃក្រសួងអប់រំ យុវជន និងកីឡា ជាតំណាងដ៏ខ្ពង់ខ្ពស់របស់ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។ កិច្ចប្រជុំនេះមានការអញ្ជើញចូលរួមពីសមាជិក ក្រុមប្រឹក្សាភិបាលតំណាងប្រទេសក្នុងតំបន់ស៊ីមេអូ ទំាង ១១ប្រទេស ដែលរួមមាន ប្រ៊ុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ ទីម័រឡេស្ត និងវៀតណាម។ កិច្ចប្រជុំ ក្រុមប្រឹក្សាភិបាលលើកទី៦ (6th Governing Board Meeting of Southeast Asian Ministers of…

(ភ្នំពេញ)៖ ក្រសួងអប់រំ យុវជន និងកីឡាបានរៀបចំបុគ្គលិកអប់រំនៅតាមអង្គភាពដើម្បី ធ្វើតេស្តប្រព័ន្ធបញ្ចូលពិន្ទុប្រឡង និងសាកល្បងបញ្ចូលពិន្ទុប្រឡងតាមសន្លឹកសម្រង់ពិន្ទុ(MCS) ដើម្បីត្រៀមជាស្រេចក្នុងការបញ្ចូលពិន្ទុប្រឡងសម្រាប់ការប្រឡងសញ្ញាបត្រមធ្យមសិក្សាទុតិយភូមិឬហៅថាបាក់ឌុប សម័យប្រឡង០៦ វិច្ឆិកា ២០២៣ ខាងមុខ។ ការធ្វើតេស្តសាកល្បងនេះបានរៀបចំឡើងនៅព្រឹកថ្ងៃទី២៤ ខែតុលា ឆ្នាំ២០២៣ ដើម្បីធានាបានថាដំណើរការនៃការស្រង់បូកពិន្ទុ អាចដំណើរការ ទៅដោយរលូន សុក្រឹត ត្រឹមត្រូវ និងគ្មានកំហុសឆ្គងណាមួយកើតឡើង។ បើតាមក្រសួងអប់រំបានឱ្យដឹងថា៖ចំពោះការសាកល្បងប្រព័ន្ធ និងការបញ្ចូលពិន្ទុនេះចាប់ពីម៉ោង ៨ព្រឹក ដល់ម៉ោង ១៧រសៀល ដោយចែកចេញជាពីរវេន នៅអគាររដ្ឋបាលក្រសួងអប់រំ យុវជន និងកីឡា។ គួរបញ្ជាក់ថា៖សម្រាប់មណ្ឌលប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុបសម័យប្រឡង៖ ០៦ វិច្ឆិកា ២០២៣នេះដែរ៖ថ្នាក់វិទ្យាសាស្ត្រ មាន ៧២ មណ្ឌលត្រូវជា ១ ៦៩២ បន្ទប់ និងថ្នាក់ វិទ្យាសាស្ត្រសង្គម មាន ១៥៥ មណ្ឌលត្រូវជា ៣ ៩២៣ បន្ទប់ សរុបមានចំនួន ២២៧ មណ្ឌល ត្រូវជា ៥ ៦១៥បន្ទប់ ៕…