(ខេត្តកោះកុង)៖ រៀងរាល់ឆ្នាំនៅពេលឈានចូល ខែវិច្ឆិកា ដល់ខែមេសា សត្វផ្សោតជាច្រើនក្បាលតែងចេញមកប្រមាញ់ រកចំណី យ៉ាងសប្បាយរីករាយ ហើយនាឱកាសនោះដែរ អ្នក ទេសចរ ក៏អាចមកកម្សាន្តដើម្បីទស្សនាសត្វដ៏កម្រនេះ នៅក្នុង សហគមន៍តំបន់ ការពារធម្មជាតិពាមក្រសោប នៃដែន ជម្រក សត្វព្រៃពាមក្រសោប ក្នុងភូមិសាស្រ្តខេត្តកោះកុង ។ សត្វផ្សោតសមុទ្រដែលត្រូវបានគេរកឃើញនាកន្លងមកនោះមានចំនួនច្រើនជាង ៥០០ក្បាល នៅដែនជម្រកសត្វព្រៃពាមក្រសោប ដែល ពួកវាកំពុងរស់នៅនៅយ៉ាងសុខុដុម នៅសមុទ្រ ក្នុងទឹកដីខេត្តកោះកុង ប្រទេសកម្ពុជា ។ លោក រ៉េត សុខនីម អនុប្រធានមន្ទីរខេត្តកោះកុង បានឱ្យដឹងនៅ ព្រឹកថ្ងៃទី២ ខែវិច្ឆិកា ឆ្នាំ២០២៣នេះថា ៖សត្វផ្សោតដែលមានវត្តមាននៅក្នុងនិងជុំវិញដែនជម្រកសត្វព្រៃពាម ក្រសោបនេះ មានចំនួន ៣ប្រភេទ គឺ សត្វផ្សោតទន្លេ ឬហៅថា ផ្សោតក្បាលត្រងោល សត្វផ្សោតឥតព្រុយខ្នង និងសត្វផ្សោតឃ្លៀច ។ បើតាមរយៈការសិក្សាស្រាវជ្រាវ កាលពីអំឡុងឆ្នាំ២០១៨ គេឃើញវត្តមានសត្វផ្សោតចំនួនប្រមាណជាង ៥០០ក្បាល។ លោក រ៉េត សុខនីម បន្តថា៖…

(សៀមរាប)៖ នៅក្នុងរយៈពេល ៣ថ្ងៃ ចាប់ពីថ្ងៃទី២៨ ដល់ទី៣០ ខែ តុលា ឆ្នាំ២០២៣ ប្រជាពលរដ្ឋខ្មែរ ទាំងក្មេងទាំងចាស់ មកពី បណ្តារាជធានី ខេត្ត នៃព្រះរាជាណាចក្រកម្ពុជា បានចូលមកកាន់ ខេត្តសៀមរាប ជាភ្ញៀវទេសចរណ៍ជាតិ បែបសាសនា ដើម្បីស្វែង ទៅជួប ព្រះភ័ត្តព្រះធម្ម វនវាសី ចន្ទ មុនី ( ហៅសង្ឃធុដង្គ) នៅប្រាសាទអង្គរ និងទីកន្លែងផ្សេងៗទៀតក្នុងក្រុង សៀមរាប ។  បងប្អូនប្រជាពុទ្ធបរិស័ទគ្រប់គ្នា បានចាត់ទុកថាព្រះធម្ម វនវាសី ចន្ទ មុនី មានព្រះបារមីដ៏ខ្លាំងពូកែ ដែលគួឲ្យ ជាទីគោរព ។  ក្នុងសកម្មភាពដែលប្រជាពលរដ្ឋបានមកកាន់លើទឺកដីខេត្តសៀមរាប អង្គរនេះយ៉ាពពាក់ពពួនគ្នានេះ ក្នុងគោលបំណងមក ជួប ព្រះធម្ម វនវាសី ចន្ទ មុនី  នៅប្រាសាទអង្គរវត្ត និង ទីតាំងផ្សេងៗ ទៀតក្នុងក្រុងសៀមរាប ។ ទាំងនេះក៏បានបញ្ជាក់ឲ្យឃើញថា ប្រជាពលរដ្ឋខ្មែរយើង មានជំនឿជឿជាក់តាមបែបប្រពៃណី…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាព្រះមហាក្សត្រ និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីបើកសិក្ខាសាលា ស្តីពី «ការចូលរួមគាំទ្រស្រ្តីបម្រើការក្នុងសេវាកម្សាន្តទេសចរណ៍នៃសេដ្ឋកិច្ច ក្រៅប្រព័ន្ធទទួលបានរបបថែទាំសុខភាពតាមប្រព័ន្ធមូលនិធិសមធម៌សុខាភិបាល» ដែលរៀបចំដោយសមាគមនារីកម្ពុជាដើម្បីសន្តិភាព និងអភិវឌ្ឍន៍ និងឧបត្ថម្ភថវិកា ដោយមូលនិធិទីភ្នាក់ងារអង្គការសហប្រជាជាតិដើម្បីប្រជាជន នាព្រឹកថ្ងៃទី៣១ ខែតុលា ឆ្នាំ២០២៣ នៅសណ្ឋាគារភ្នំពេញ ។ សមាសភាពអ្នកចូលរួមថ្ងៃនេះ ក៏មានការអញ្ជើញចូលរួមពីថ្នាក់ដឹកនាំមកពីក្រសួងសេដ្ឋកិច្ចនិងហិរញ្ញវត្ថុ ក្រសួងមហាផ្ទៃ ក្រសួងសុខាភិបាល ក្រសួងការងារនិងបណ្តុះបណ្តាលវិជ្ជាជីវៈ ក្រសួងផែនការក្រសួងសង្គមកិច្ច ក្រសួងកិច្ចការនារី ក្រសួងទេសចរណ៍ ក្រសួងធម្មការនិងសាសនា អាជ្ញាធរជាតិប្រយុទ្ធនឹងជំងឺអេដស៍ មជ្ឍមណ្ឌលជាតិគាំពារមាតានិងទារក មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ អភិបាលរងរាជធានីភ្នំពេញ មន្ទីរសុខាភិបាលរាជធានីភ្នំពេញ មន្រ្តីការិយាល័យស្រុកប្រតិបត្តិ ចៅសង្កាត់ តំណាងទីភ្នាក់ងារអង្គការសហ ប្រជាជាតិប្រចាំប្រទេសកម្ពុជា អង្គការ-សមាគមជាតិ អន្តរជាតិនិងស្រ្តីធ្វើការក្នុងសេវាកម្សាន្ត ប្រមាណជិត ២០០នាក់ ។ ថ្លែងក្នុងអង្គសិក្ខាសាលា លោកស្រី សាន់ដ្រា បឺនក្លាវ (Sandra Bernklau) នាយិកាទីភ្នាក់ងារអង្គការសហ ប្រជាជាតិដើម្បី ប្រជាជនប្រចាំព្រះរាជាណាចក្រកម្ពុជា (UNFPA)…

(ភ្នំពេញ)៖ ការប្រកួតប្រជែងភាពច្នៃប្រឌិតលើការរចនាផលិតផលមេកាត្រូនិច ជាកម្មវិធីប្រកួតប្រជែងមួយដែលរៀបចំឡើង ក្រសួងអប់រំ យុវជន និងកីឡា។ ការប្រកួតប្រជែងបានចូលមកដល់វគ្គផ្ដាច់ព្រ័តនៅថ្ងៃទី៣០ ខែតុលា ឆ្នាំ២០២៣ ដោយរកឃើញយុវជនជ័យលាភីចំនួន ៥ក្រុម។ ក្រោយឆ្លងវគ្គជម្រុះ ក្នុងរយៈពេលប៉ុន្មានខែមកនេះ កម្មវិធីប្រកួតប្រជែងភាពច្នៃប្រឌិតលើការរចនាផលិតផលមេកាត្រូនិច ក៏បានឈានដល់វគ្គប្រកួតចុងក្រោយ រវាងក្រុមយុវជនកម្រិតមធ្យមសិក្សាចំនួន ៩ក្រុម ។ ជាលទ្ធផលក្រោយធ្វើបទបង្ហាញ នូវផលិតផល របស់ខ្លួន គណៈកម្មការបានផ្ដល់ជ័យលាភី ជូនក្រុមចំនួន ៥ ដោយមានទាំងក្រុមសិស្សនៅរាជធានីភ្នំពេញ និងក្រុមសិស្សមកពីខេត្តផងដែរ ។ជ័យលាភីលេខ ៥ គឺបានទៅលើក្រុមមកពីខេត្តបន្ទាយមានជ័យ ដោយក្រុមនេះបង្កើតជាម៉ាស៊ីនច្រូតស្រូវ រីឯក្រុមលេខ ៤ បានទៅលើក្រុម យុវនារីយន្ត ដែលបានបង្កើតគម្រោង Smart Agriculture ចំពោះក្រុមទទួលបានចំណាក់លេខ ៣គឺក្រុមមកពីសាលាបញ្ញាសាស្រ្ត ឬស្សីកែវ ដែលបង្កើតម៉ាស៊ីនឆក់យកកម្ទេចដែកចេញពីអង្ករ។ ជ័យលាភី ២វិញ គឺបានទៅលើក្រុម បៀរដឺមែក នៃវិទ្យាល័យព្រែកលៀប ក្រុមនេះបង្កើតម៉ាស៊ីនស្រោចស្រពទឹកលើដំណាំដោយស្វ័យប្រវត្តប្រើប្រាស់ថាមពលព្រះអាទិត្យ ។ ជ័យលាភីលាភីលេខ ១ គឺបានទៅលើក្រុមក្រុមយុវជន មកពីវិទ្យាល័យ ហ៊ុន សែន អូរាំងឪ…

(តាកែវ)៖ នាយករងខុទ្ទកាល័យនាយករដ្ឋមន្ត្រី អំពាវនាវដល់ពលរដ្ឋ និងមន្រ្តីរាជការក្រុងដូនកែវ បន្តចូលរួមការពារសុខសន្តិភាព និងការអភិវឌ្ឍជាតិ ។ នេះជាការលើកឡើងរបស់ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចធិបតី នាយករដ្ឋមន្ត្រី ក្នុងឱកាសនាំ ដង្ហែអង្គកឋិនទានទៅវេរប្រគេនព្រះភិក្ខុសង្ឃគង់ចាំព្រះវស្សានៅវត្តតុំ អស់កាលត្រីមាស ស្ថិតក្នុងសង្កាត់រកាក្រៅ ក្រុងដូនកែវ ខេត្តតាកែវ នាព្រឹកថ្ងៃទី៣០ ខែតុលា ឆ្នាំ២០២៣ ដោយមានការចូលរួមពីលោកជំទាវ ប៉ែន ចន្ទី រួមនិងបុត្រ ព្រមទាំងនាយទាហាន ពលទាហាន បញ្ជាការដ្ឋានអង្គរក្ស និងប្រជាពលរដ្ឋចំណុះជើងវត្តជាច្រើនទៀត ។ លោកអភិបាលក្រុងដូនកែវ ខេត្តតាកែវ បានឲ្យដឹងថា ក្នុងរយៈកាលកន្លងមក រហូតមកដល់បច្ចុប្បន្ន ឯកឧត្តម នាយឧត្ដមសេនីយ៍ កិត្តិបណ្ឌិត ហ៊ីង ប៊ុនហៀង និងលោកជំទាវ ប៉ែន ចន្ទី ជាពុទ្ធសាសនូបត្ថម្ភមួយដ៏ឆ្នើម និងយកចិត្តទុកដាក់បំផុតក្នុងការលើកកម្ពស់វិស័យពុទ្ធសាសនា និងបានស្ថាបនាកសាងវត្តយ៉ាងល្អត្រចះត្រចង់ ទៅជារមណីយពុទ្ធសាសនា ជាពិសេស ឯកឧត្តម និងលោកជំទាវ ព្រមទាំងសហការីតែងតែឆ្លៀតពេលវេលាដ៏មមាញឹក និងមានតម្លៃដើម្បី ចុះសាកសួរសុខទុក្ខបងប្អូន…

(បាត់ដំបង)៖ សម្ដេចក្រឡាហោម ស ខេង ឧត្តមប្រឹក្សាផ្ទាល់ ព្រះមហា ក្សត្រ និងជាតំណាងរាស្ត្រមណ្ឌលបាត់ដំបង បានអញ្ជើញ ជាអធិបតី ក្នុងពិធីប្រណាំងទូក បណ្ដែតប្រទីប អបអរបុណ្យចេញ ព្រះវស្សា ខេត្ត បាត់ដំបង នៅវេទិកាអុំទូកមាត់ស្ទឹងសង្កែ ក្រុងបាត់ដំបង ខេត្តបាត់ដំបង ខណ:២ថ្ងៃនេះភ្ញៀវទេសចរជាតិ និងអន្តរជាតិ មកលេងកម្សាន្តជាង១លាននាក់។ ពិធីប្រណាំងទូក បណ្ដែតប្រទីប របស់ខេត្តបាត់ដំបងនាពេលនេះ គឺជាលើកទី២២ ដែលបានប្រព្រឹត្តិទៅរយៈពេល២ថ្ងៃ ចាប់ពីថ្ងៃទី២៨ និងទី២៩ ខែតុលា ឆ្នាំ២០២៣ ដោយខកខានប្រារព្ធរយៈពេល២ឆ្នាំ គឺឆ្នាំ២០២០ និង២០២១ ដោយសារជំងឺរាតត្បាតកូវីដ១៩។ ក្នុងឆ្នាំ២០២៣នេះ ទូកដែលបានចូលរួមប្រកួតសរុបចំនួន៤៥ទូក និងមានកីឡាករ កីឡាការិនីសរុប១,៥៩៦រូប។ ក្នុងរយៈពេល២ថ្ងៃនេះ ពិធីប្រណាំងទូកនៅខេត្តបាត់ដំបង និងបានដំណើរការទៅប្រកបដោយជោគជ័យ ស្ថិតក្នុងបរិយាកាស សប្បាយរីករាយក្រៃលែង រីឯកីឡាករកីឡាការិនីទាំងអស់ បានបញ្ចេញអស់ថាមពល និងបច្ចេកទេស ធ្វើការប្រកួតដោយលក្ខណៈសាមគ្គីភាព មិត្តភាព ក្នុងការដណ្ដើមយកចំណាត់ថ្នាក់លេខ១ លេខ២ និងលេខ៣។ សម្ដេចក្រឡាហោម ស ខេង…

(ភ្នំពេញ)៖ ក្រសួងព័ត៌មាននៅថ្ងៃទី ៣០ ខែតុលា ឆ្នាំ២០២៣នេះ បានចេញលិខិតបញ្ជាក់ប្រាប់ដល់ម្ចាស់ប្រព័ន្ធផ្សព្វផ្សាយទាំងអស់អំពីការផ្សព្វផ្សាយ និងប្រើប្រាស់ឈ្មោះអ្នកនិពន្ធទំនុកច្រៀង អ្នកសម្រួល តន្រ្តី និងអ្នក ច្រៀងបទចម្រៀងចំណងជើង “ឱភ្នំពេញអើយ” ឱ្យបាន ត្រឹមត្រូវ។ ការបញ្ជាក់ប្រាប់ដល់ប្រព័ន្ធផ្សព្វផ្សាយរបស់ក្រសួងព័ត៌មាននេះដែរធ្វើឡើងដោយ យោងតាមលិខិតលេខ ៥០៨ ឆត ចុះថ្ងៃទី២៥ ខែតុលា ឆ្នាំ២០២៣ របស់ក្រសួងវប្បធម៌ និងវិចិត្រសិល្បៈ។ បើយោងតាមលិខិតរបស់ក្រសួងព័ត៌មានដែលបានចុះហត្ថលេខាដោយ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានខាងលើនេះបាន បញ្ជាក់ ថា៖ បន្ទាប់ពីមានការ សម្របសម្រួលដោះស្រាយបញ្ហា ដោយ ក្រសួងវប្បធម៌និងវិចិត្រសិល្បៈ និងក្រសួងព័ត៌មាន … លើករណី រំលោភបំពានសិទ្ធិសីលធម៌អ្នកនិពន្ធចម្រៀងបទ “ឱភ្នំពេញអើយ រួចមក ភាគីពាក់ព័ន្ធទាំងអស់បាន សម្រេចទទួលយក និងឯកភាពថា បទចម្រៀង “ឱភ្នំពេញអើយ” ជាស្នាដៃនិពន្ធទំនុកច្រៀងដោយ សម មិត្ត កែវ ចិន្តា សម្រួលតន្ត្រីដោយសមមិត្ត ជ័យ សុភា និងច្រៀង ដោយ…

(ភ្នំពេញ)៖ ការប្រកួតជើងឯកយុវជនអាយុក្រោម ១៥ឆ្នាំ និងអាយុ ក្រោម ១៧ឆ្នាំថ្នាក់តំបន់បានបើកជាផ្លូវកា ក្រោមវត្តមាន ឯកឧត្តម លី កុសល រដ្ឋលេខាធិការក្រសួងការពារជាតិ និងជាប្រធានសហព័ន្ធ កីឡា វាយសីកម្ពុជា និង មានការអញ្ជើញចូលរួមពីលោក Wajid Ali ប្រធានក្រុមប្រឹក្សាអភិវឌ្ឍន៍កីឡាវាយសី នៃសហព័ន្ធកីឡាវាយសី អាស៊ី និងវត្តមានប្រតិភូ អត្តពលិក និងទស្សនិកជាច្រើនផងដែរ ។ ឯកឧត្តម លី កុសល មានប្រសាសន៍ថា នេះជាលើកដំបូងហើយ ដែលកម្ពុជាបានទទួលធ្វើម្ចាស់ផ្ទះព្រឹត្តិការណ៍នេះ ក្នុងគោលបំណង ពង្រឹង និងពង្រីកចំណងមិត្តភាពឲ្យកាន់តែរឹងមាំ និងទូលំទូលាយ រវាងថ្នាក់ដឹកនាំ និងកីឡាករ-កីឡាការិនីក្នុងតំបន់ ពិសេសចែករំលែក បទពិសោធន៍ និងបច្ចេកទេសល្អៗ និងជំរុញទឹកចិត្តដល់អត្តពលិក ទាំង អស់ ឲ្យមានឆន្ទៈមុះមុត ស្មារីរឹងមាំ ឈានទៅរកគោលដៅ ពិតប្រាកដ គឺការដណ្ដើមមេដាយមាសជូនប្រទេសជាតិខ្លួន ។ ឯកឧត្តមថា ការប្រកួតនេះ អាចប្រព្រឹត្តទៅបាន ដោយសារមានការ ឧបត្ថម្ភគាំទ្រពីថ្នាក់ដឹកនាំ BA…

(ខេត្តបាត់ដំបង)៖ ពិធីបុណ្យអុំទូកនិងបណ្តែតប្រទីបដែលរដ្ឋបាលខេត្តបាត់ដំបងរៀបចំឡើងរយៈពេល២ថ្ងៃចាប់ពីថ្ងៃទី២៨ ដល់២៩ ខែ តុលា ឆ្នាំ២០២៣ ដើម្បីអបអរសាទបុណ្យចេញព្រះវស្សា និងលើកស្ទួចអភិរក្សបុណ្យប្រពៃណីជាតិដ៏រុងរឿងរបស់ខ្មែរ ជាការំលឹកដល់ជ័យជំនះកងទ័ពជើងទឹកពីការទទួលបានជោគជ័យលើសមរភូមិ ពិសេស ផ្តល់ឱកាសឲ្យប្រជាពលរដ្ឋនៅខេត្តបាត់ដំបង និងភ្ញៀវជាតិ និងអន្តរជាតិមកកំសាន្តសប្បាយ តាមរយៈទស្សនាការប្រកួតប្រជែងប្រណាំងទូក និងទស្សនីយ៌ភាពផ្សេងៗ សម្រាប់ថ្ងៃទី១នៃការរៀបចំ សង្កេតឃើញថា មានប្រជាពលរដ្ឋរាប់ម៉ឺននាក់មកកំសាន្តសប្បាយ។ ការប្រណាំងទូករយៈពេល ២ថ្ងៃនេះ មានទូកចូលរួមចំនួន ៤៥ទូក មកពីខេត្តចំនួន ៣ បាត់ដំបង ព្រះវិហារ និងខេត្តពោធិ៍សាត់ ក្នុងនោះមានទូកចំណុះ ៦នាក់មាន ៨ទូក ទូកខ្នាតអន្តរជាតិនារីមាន ២ទូក ទូកខ្នាតអន្តរជាតិចំណុះ ២៦នាក់មាន ៦ទូក ទូកប្រពៃណីចំណុះ ២៣នាក់មាន ២៣ទូក ទូកវែងប្រពៃណីចំនួន ៦៨នាក់មាន ១៦ និងទូកប្រកួតមិត្តភាព៣ទូក សរុបកីឡាករកីឡាការិនី ១៥៩៦នាក់ តាមរូបមន្តវិលជុំ យកទូកដែលខ្លាំងមកប្រកួតផ្តាច់ព្រ័ត្រ។នេះបើយោងតាមការបញ្ជាក់ពី លោក អ៊ុន បូរ៉ាន់ ប្រធានការិយាល័យកីឡានៃមន្ទីរអប់រំយុវជន និងកីឡា ខេត្តបាត់ដំបង ។ លោក សូត្រ…