(ខេត្តសៀមរាប)៖ នៅរសៀលថ្ងៃទី៥ ខែតុលា ឆ្នាំ២០២៣ម្សិលមិញ នៅអាកាសយានដ្ឋានអន្តរជាតិសៀមរាប មានការចុះចតយន្តហោះចំនួន២គ្រឿង ដែលមានផ្ទុកអ្នកទេសចរកូរ៉េសរុបចំនួន ៤០៣នាក់ ដែលជាក្រុមទេសចរធំជាងគេដំបូង នៅក្នុងឆ្នាំ២០២៣នេះ ។ តាមការឱ្យដឹងពីក្រុមហ៊ុនទេសចរណ៍ Tour Fresh ដែលមានដៃគូសហការជាមួយក្រុមហ៊ុនទេសចរណ៍នៃសាធារណរដ្ឋកូរ៉េ បញ្ជាក់ថា ក្រុមអ្នកទេសចរណ៍កូរ៉េ ដែលមកទស្សនានៅខេត្តសៀមរាបនាពេលនេះ នឹងមិនមែនក្រុមដំបូង ហើយក៏មិនមែនជាក្រុមចុងក្រោយនោះទេ។ បើតាមគម្រោង សម្រាប់ជំហានដំបូងនេះភ្ញៀវទេសចរណ៍ជនជាតិកូរ៉េអាចមានចំនួនប្រមាណ ១ ២០០នាក់ តែដោយសារការរៀបចំនៅពុំទាន់មានភាពរលូន ទើបធ្វើការរៀបចំជាជំហានៗ ៤០០នាក់ ។ ក្រុមហ៊ុនដដែល បន្ថែមថា ក្រុមភ្ញៀវទេសចរខាងលើមានលក្ខណៈចម្រុះ ដែលជាប្រភេទគ្រួសារ មិត្តភក្តិ ចាស់ ក្មេងជាដើម។ ពួកគេ បានលឺពីភាពស្រស់ស្អាតនៃធម្មជាតិ ជាពិសេសប្រាសាទបុរាណរបស់កម្ពុជាជាយូរមកហើយ សម្រាប់ដំណើរទេសចរណ៍នេះ ពួកនឹងមកទស្សនា និងស្នាក់នៅក្នុងខេត្តសៀមរាប រយៈពេល ៤ថ្ងៃ។ ចំពោះការបដិសណ្ឋាកិច្ច ក្រុមហ៊ុន ក៏ដូចជាប្រតិបត្តិករទេសចរណ៍ក្នុងខេត្ត ក៏បានសហការគ្នាយ៉ាងល្អ ដើម្បីតាមរយៈការស្វាគមន៍ តាមទំនៀមទម្លាប់របស់ខ្មែរយ៉ាងរួសរាយរាក់ទាក់ និងកកក់ក្ដៅ ។ គួរជម្រាបថា តាមរបាយការណ៍របស់ អាកាសយានដ្ឋានអន្តរជាតិសៀមរាប សម្រាប់រយៈពេល…

ភ្នំពេញ៖ ក្រសួងអប់រំ យុវជន និងកីឡា និងអង្គការរូមធូរីដសកលលោក(Room to Read) បានចាត់ទុកថា អំណានគឺជាមូលដ្ឋានគ្រឹះក្នុងការបរិវត្តកម្មវិស័យអប់រំក្នុងបរិបទប្រទេសកម្ពុជា។ភាគីទាំងពីរ ក៏បានប្តេជ្ញាថា នឹងរួមគ្នាពង្រីកការលើកម្ពស់វិស័យអំណាននៅកម្ពុជាឱ្យកាន់តែប្រសើរឡើងថែមទៀត។ ភាគីទាំងពីរលើកឡើងបែបនេះ ក្នុងជំនួបសម្តែងការគួរសម និងពិភាក្សាការងាររវាងឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោក Michael Bowers ប្រធានកម្មវិធីនៃអង្គការរូមធូរីដសកលលោក កាលពីថ្ងៃទី៥ ខែតុលា ឆ្នាំ២០២៣។នេះបើយោងតាមហ្វេសប៊ុករបស់ក្រសួងអប់រំ។ នាឱកាសនោះ លោក Micheal Bowers បានប្រគល់សៀវភៅជាខេមរៈភាសាចំនួនជាង១២ម៉ឺនក្បាលនិង សៀវភៅជាភាសាអង់គ្លេសចំនួនជាង៨៣ ម៉ឺនក្បាលដល់ក្រសួងអប់រំ ដើម្បីជំរុញកិច្ចការអំណានកម្ពុជា។ បន្ថែមពីនេះលោកជម្រាបថា៖« អង្គការរូមធូរីដសកលលោក នឹងទទួលយកនូវសំណូមពររបស់រដ្ឋមន្រ្តីក្រសួងអប់រំ ហើយអង្គការនឹងបន្តប្តេជ្ញាគាំទ្រដល់ការលើកកម្ពស់អំណាននៅកម្ពុជាថែមទៀត»។ ទន្ទឹមនឹងការលើកឡើងនេះដែរ ឯកឧត្តម ហង់ជួន ណារ៉ុន ក៏បានថ្លែងអំណរគុណដល់អង្គការរូមធូរីដ ដែលបានជួយដល់ការលើកម្ពស់អំណានថ្នាក់ដំបូង និងគាំទ្រដល់ការគ្រប់គ្រងនិងដំណើរការបណ្ណាល័យនៅតាមសាលាបឋមសិក្សាគោលដៅនាពេលកន្លងមក។ ឯកឧត្តមថ្លែងថា៖«នាពេលកន្លងមក និងនៅពេលបច្ចុប្បន្ន ក្រសួងបានអភិវឌ្ឍកញ្ចប់សម្ភារអំណានថ្នាក់ដំបូង ផ្អែកតាមបទពិសោធនៃការអនុវត្តរបស់អង្គការរូមធូរីដ ហើយក្រសួងសូមស្នើឱ្យអង្គ​ការជួយដល់ការវាយតម្លៃនៃការអនុវត្តកញ្ចប់សម្ភារអំណានថ្នាក់ដំបូង និងគាំទ្រដំណើរការបណ្ណាល័យនៅតាមគ្រឹះស្ថានបណ្តុះបណ្តាលគ្រូថែមទៀត»។ ជុំវិញ​រឿង​នេះ​លោក ​គង់ សំនៀង ប្រធាន​សហ​ព័ន្ធ​សេវា​អប់រំ​កម្ពុជា​…

(ខេត្តកណ្ដាល)៖ ឯកឧត្តម កែវ បេងវឌ្ឍន៍ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានហិរញ្ញវត្ថុ រដ្ឋបាលថ្នាក់ក្រោមជាតិ ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារថ្នាក់ជាតិចុះជួយឃុំព្រែកអំពិលនិងឃុំព្រែកលួងរួមនិងឯកឧត្តម លោកជំទាវ ជាថ្នាក់ដឹកនាំ បានអញ្ជើញចូលរួមក្នុងពិធីបុណ្យកាន់បិណ្ឌវេនទី៧ នៅវត្តចំនួន ៥ សាលាបុណ្យចំនួន២ ស្ថិតក្នុងសង្កាត់ព្រែកអំពិល និងសង្កាត់ព្រែកលួង ។  ឯកឧត្តម កែវ បេងវឌ្ឍន៍ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានហិរញ្ញវត្ថុ រដ្ឋបាលថ្នាក់ក្រោមជាតិ ក្រសួងសេដ្ឋកិច្ច និងហិរញ្ញវត្ថុ  រួមនិងឯកឧត្តម លោកជំទាវ ជាថ្នាក់ដឹកនាំ បានប្រគេនយាគូ រាប់បាត និងវេរភត្តាហារ ព្រមទាំង និមន្តព្រះសង្ឃ ដារ បង្សកូលពហូទេវាឆ្លង ដើម្បីជាកិច្ចឧទ្ទិសកុសលជូនចំពោះញាតិកាទាំង៧សណ្តាន ដែលបាន ចែកឋានទៅកាន់លោកខាងមុខ សូមជួបតែសេចក្តីស្ងប់ ក្នុងសុខគតិភព ជារៀងរហូត ។   ពិធីកាន់បិណ្ឌនេះ ជាបុណ្យប្រពៃណីជាតិដ៏ធំមួយ ត្រូវធ្វើឡើង ចាប់ពីថ្ងៃ១រោច រហូតដល់ថ្ងៃ១៥រោច ខែភទ្របទ ជាកាលបរិច្ឆេទ ដែលសន្មត់ទុកថាជា ថ្ងៃបុណ្យភ្ជុំបិណ្ឌ…

(ខេត្តតាកែវ)៖ ឯកឧត្តម ណុប រ័ត្ននិមល បានលើកឡើងថា សុខសន្តិភាពដែលកើតមានក្នុងប្រទេសកម្ពុជា ពិតជាមានតម្លៃថ្លៃថ្លាណាស់ មានសុខសន្តិភាព ទើបយើងបានធ្វើបុណ្យធ្វើទានតាមជំនឿសាសនា ។ មានមតិសំណេះសំណាលក្នុងឱកាសបុណ្យកាន់បិណ្ឌវេនទី៦ នៅវត្តតុំ ក្រុងដូនកែវ ខេត្តតាកែវ នាព្រឹកថ្ងៃទី៥ ខែតុលា ឆ្នាំ២០២៣ ឯកឧត្តម ណុប រ័ត្ននិមល បានមានប្រសាសន៍ថា ដោយទឹកចិត្តសទ្ធាជ្រះថ្លារបស់នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង និងលោកជំទាវ ប៉ែន ចនី្ន ជារៀងរាល់ឆ្នាំ នៅក្នុងពិធីបុណ្យប្រពៃណីជាតិ ឯកឧត្តម និងលោកជំទាវ តែងប្រារព្ធពិធីបុណ្យនៅវត្តតុំ និងចែកអំណោយដល់បងប្អូនប្រជាពលរដ្ឋ ក្នុងកិច្ចតបស្នងដឹងគុណដល់បុព្វការីជន និងអ្នកមានគុណ។ ឯកឧត្តម បានបញ្ជាក់ថា ដោយសារប្រទេសជាតិមានសុខសន្តិភាព ទើបយើងបានធ្វើបុណ្យធ្វើទាន និងការគោរពប្រតិបត្តិ បូជាតាមជំនឿសាសនា។ សុខសន្តិភាព ដែលកើតមានក្នុងប្រទេសកម្ពុជាពេលនេះ ពិតជាមានតម្លៃថ្លៃថ្លាណាស់ ទោះបីជាស្ថិតក្នុងតម្លៃណាក៏ដោយ យើងត្រូវតែការពារថែរក្សាឲ្យបាន និងគង់វង្សជារៀងរហូត។ មានសុខសន្តិភាពទើបមានអ្វីៗទាំងអស់ ហើយសូមបងប្អូនប្រជាពលរដ្ឋខិតខំបង្កបង្កើនផល និងធ្វើការរកស៊ីទទួលទាន ដើម្បីលើកកម្ពស់ជីវភាពរស់នៅឲ្យកាន់តែប្រសើរឡើង។ ក្នុងឱកាសនោះ លោកជំទាវ ប៉ែន…

(ភ្នំពេញ)៖ ជារៀងរាល់ឆ្នាំ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាក បាទ ក្រហមកម្ពុជា តែងតែគិតគូរយកចិត្តទុកដាក់ចំពោះព្រះសង្ឃ សាមណសង្ឃ ដែលកំពុងបំពេញវិជ្ជានៅពុទ្ធិកវិទ្យាល័យប៊ុន រ៉ានី ហ៊ុនសែន ក្រពើហា ដែលស្ថិតក្នុងវត្តប្រជុំនទី (ហៅក្រពើហា) ហើយដែលបច្ចុប្បន្ននេះ សាមណសង្ឃ ដែលកំពុងបំពេញវិជ្ជានៅពុទ្ធិកវិទ្យាល័យប៊ុន រ៉ានី ហ៊ុនសែន ក្រពើហា មាន ៣១៥អង្គ។ ដើម្បីព្រះសង្ឃ និងសាមណសង្ឃ មានចង្ហាន់គ្រប់គ្រាន់។ ក្នុងឱកាសចូលព្រះវស្សា និងក្នុងឱកាសបុណ្យកាន់បិណ្ឌ-ភ្ជុំបិណ្ឌនេះ នៅថ្ងៃពុធ ទី៤ ខែតុលា ឆ្នាំ២០២៣ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានចាត់ឱ្យលោកជំទាវ ពុំ ចន្ទីនី អគ្គលេខាធិការ និងលោកជំទាវ ម៉ែន នារីសោភ័គ អគ្គលេខាធិការរងទី ១ កាកបាទក្រហមកម្ពុជា ជាតំណាងដ៏ខ្ពង់ខ្ពស់ អញ្ជើញបូជាទៀន ធូប ផ្កាភ្ញី ថ្វាយព្រះរតនត្រ័យ…

(ស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន អនុប្រធានណបក្សប្រជាជនកម្ពុជា បាននាំយក ទេយ្យវត្ថុ និងបច្ច័យកសាង ប្រគេនព្រះសង្ឃ ១៨វត្ត នៅខេត្តស្វាយរៀង ក្នុងឱកាសបុណ្យភ្ជុំបិណ្ឌ ដែលពិធីនេះរៀបចំនៅវត្តជម្ពូព្រឹក្សា (វត្តថ្មី) ស្ថិតនៅភូមិថ្មី សង្កាត់សង្ឃ័រ ក្រុងស្វាយរៀង ក្នុងវេនកាន់បិណ្ឌទី៥ នាព្រឹកថ្ងៃពុធ ទី៤ ខែតុលា ឆ្នាំ២០២៣ ។ ថ្លែងក្នុងឱកាសនោះ សម្តេចកិត្តិសង្គហបណ្ឌិត បាននាំនូវការផ្ដាំផ្ញើសាកសួរសុខទុក្ខពីសំណាក់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្តេចធិបតី ហ៊ុន ម៉ាណែត នាយកដ្ឋមន្ត្រីនៃកម្ពុជា ជូនដល់ ឯកឧត្តម លោកជំទាវ លោកឧកញ៉ា លោក លោកស្រី បុគ្គលិក មន្ត្រីរាជការ និងពុទ្ធបរិស័ទដោយក្តីនឹករលឹក។ សម្តេចកិត្តិសង្គហបណ្ឌិតបានបន្តទៀតថា ក្រោមម្លប់នៃសុខសន្តិភាព គឺបានអនុញ្ញាតិឲ្យប្រជាពលរដ្ឋខ្មែរគ្រប់រូប អាចធ្វើបុណ្យតាមបែបប្រពៃណី និងការគោរពប្រតិបត្តិព្រះពុទ្ធសាសនាដែលជាទំនៀមទំម្លាប់ពីដូនតារៀងមក។ ម៉្យាងទៀត ទឹកចិត្ត និងសទ្ធាជ្រះថ្លារបស់ ឯកឧត្តម លោកជំទាវ…

(ភ្នំពេញ)៖ ក្នុងពិធីបិទវគ្គសុក្រឹតការថ្នាក់ដឹកនាំនគរបាល កម្រិត២ ជំនាន់ទី៤ និងវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី១៧ លើកទី២ នាថ្ងៃទី៤ ខែតុលា ឆ្នាំ២០២៣នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានដាក់កាតព្វកិច្ចដល់កងកម្លាំងនគរបាលជាតិគ្រប់ថ្នាក់ និងមន្ត្រីដែលផ្ទេរពីស្ថាប័នស៊ីវិលមកបម្រើការងារជានគរបាលជាតិ ដែលមិនធ្លាប់បានឆ្លងវគ្គបណ្ដុះបណ្ដាលជំនាញនគរបាល ចាំបាច់ត្រូវឆ្លងកាត់វគ្គបណ្ដុះបណ្ដាលជំនាញនគរបាល បើទោះមានឋានន្តរស័ក្តិ និងមុខតំណែងកម្រិតណាក៏ដោយ។ ឯកឧត្ដមអភិសន្តិបណ្ឌិត បញ្ជាក់ថា ការចូលរួមវគ្គបណ្ដុះបណ្ដាលនេះ ជាការកសាងសមត្ថភាពវិជ្ជាជីវៈក្នុងនាមជានគរបាលពេញលក្ខណសម្បត្តិ ស្របនឹងគោលនយោបាយបញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ ដែលដឹកនាំដោយ សម្ដេចធិបតី ហ៊ុន ម៉ាណែត ជានាយករដ្ឋមន្ត្រី ។ ឯកឧត្ដមអភិសន្តិបណ្ឌិត ថ្លែងទៀតថា ក្នុងបរិបទនៃយុគសម័យឌីជីថលនេះ កងកម្លាំង នគរបាលជាតិចាំបាច់ត្រូវធ្វើកំណែទម្រង់ និងធ្វើទំនើបកម្មតាមរយៈការបណ្ដុះបណ្ដាលដ៏ត្រឹមត្រូវ ប្រកបដោយគុណភាព ទាំងក្នុងក្របខ័ណ្ឌដឹកនាំបញ្ជា និងក្របខ័ណ្ឌមន្ត្រីបច្ចេកទេស ស្របតាមការវិវឌ្ឍរបស់សង្គមជាតិ សភាពការណ៍សន្តិសុខជាតិ និងអន្តរជាតិ ការវិវឌ្ឍផ្នែកបច្ចេកវិទ្យាឌីជីថល និងស្របតាមតម្រូវការជាក់ស្ដែងរបស់អង្គភាពដែលប្រើប្រាស់កងកម្លាំង។ ទន្ទឹមនេះ ក៏ត្រូវសិក្សាគិតដល់ការបំពាក់សម្ភារៈ និងមធ្យោបាយគ្រប់ប្រភេទក្នុងកិច្ចប្រតិបត្តិការ ដើម្បីប្រសិទ្ធភាពក្នុងការអនុវត្តតួនាទីភារកិច្ច បម្រើប្រជាពលរដ្ឋ និងសង្គមជាតិឱ្យបានល្អប្រសើរផងដែរ។…

(ខេត្តបាត់ដំបង)៖ ទឹកធ្លាក់អូរជាំស្ថិតក្នុងភូមិសាស្រ្ត ដែនជម្រក សត្វព្រៃភ្នំ សំកុសនៃភូមិអូរជាំលើ ឃុំកំពុងល្ពៅ ស្រុកសំឡូត ខេត្តបាត់ដំបង ជាតំបន់អេកូទេសចរណ៍ ធម្មជាតិមួយគួរជាទីទាក់ទាញ នៅ កម្ពុជា ដែលមិនអាចមើលរំលងបានឡើយ។ ទឹកធ្លាក់ អូរជាំគឺជារមណីយដ្ឋានធម្មជាតិដែលស្ថិតនៅប៉ែកខាង លិច ឆៀង ខាងត្បូងទីរួមខេត្ដបាត់ដំបងមានចំងាយ៨០គីឡូម៉ែត្រ។ ភ្ញៀវ ទេសចរ អាចធ្វើដំណើរតាមផ្លូវជាតិលេខ៥៧ទៅកាន់ស្រុកសំឡូត ហើយឆ្ពោះទៅកាន់ទឹកធ្លាក់នេះតែម្តង។ ក្នុងរដូវភ្នុំបិណ្ឌនេះអ្នកទេសចរដែលធ្វើដំណើរកម្សាន្តស្រុកវាលវែង ឬ ភ្នំ១៥០០ ខេត្តពោធិ៍សាត់កុំភ្លេចបង្ហួសចូលលេងទឹកធ្លាក់ខួបប្រាំង ខួបវស្សា មួយនេះ។ភ្ញៀវទេសចរណ៍ ដែលមកលេងកម្សាន្តទឹកដីមួយនេះ អាច បោះតង់សម្រាកលំហែកាយ រៀងរាល់ថ្ងៃបុណ្យទាន និងចុងសប្តាហ៍។ លោក គីម សុង ប្រធានសហគមន៍តំបន់ការពារធម្មជាតិទឹកធ្លាក់ អូរជាំ បាន ឱ្យ ដឹងថា ៖តំបន់អេកូទេសចរណ៍ទឹកធ្លាក់អូរជាំបច្ចុប្បន្នហាក់ ស្ងប់ ស្ងាត់ ភ្ញៀវ ទេសចរបន្តិច ប៉ុន្តែលោករំពឹងថារដូវភ្ជុំបិណ្ឌនេះភ្ញៀវទេសចរ នឹង ចូល លេង កម្សាន្តច្រើន។ ជាមួយគ្នាលោកបានអំពាវនាវឱ្យពលរដ្ឋកម្ពុជាក្នុងឱកាសភ្ជុំបិណ្ឌនេះកុំភ្លេចចូលកម្សាន្ត និងងូតទឹលធ្លាក់អូរជាំដែលជាទឹកធ្លាក់ដ៏ស្រស់ស្អាត និង បរិសុទ្ធតាមធម្មជាតិ។អ្នកទេសចរអាចងូតទឹកច្រើនដំណាក់ណាស់ដែលហូរធ្លាក់ពីកំពូលភ្នំ។នៅលើកំពូលភ្នំនេះដែរមាន…

(សៀមរាប)៖ នាព្រឹកថ្ងៃទី០៣ ខែតុលា ឆ្នាំ២០២៣នេះ លោកស្រី ម៉ននី រង្សី អភិបាលរងខេត្តសៀមរាប បានដឹកនាំមន្ត្រីក្នុងសាលាខេត្ត និងទេយ្យទានមួយចំនួន ដើម្បីចូលរួមកាន់បិណ្ឌជាមួយបងប្អូនប្រជាពុទ្ធបរិស័ទគឺវេនទី៤ នៃពិធីបុណ្យភ្ជុំបិណ្ឌចំនួន០២វត្ត គឺនៅវត្តទួលស្លែងតេជ:រង្សី ដែលស្ថិតនៅក្នុងឃុំស្រណាល ស្រុកក្រឡាញ់ ខេត្តសៀមរាប និងវត្តវេឡូវ័ន្តដោយប៉ោយគោលក្រោល ឃុំជ្រោយនាងងួន ស្រុកស្រីស្នំ ខេត្តសៀមរាប។ នាឱកាសបុណ្យកាន់បិណ្ឌនោះ លោកស្រី ម៉ននី រង្សី អភិបាលរងខេត្តសៀមរាប និងអាជ្ញាធរស្រុក ព្រមទាំងមន្ត្រីសាលាខេត្ត បានធ្វើការគោរពថ្វាយភួងផ្កា បូជាទៀនធូប ចំពោះព្រះពុទ្ធរូបព្រះសម្មាសាម្ពុទ្ធ និង នមសកាព្រះរតនត្រ័យ ទៅតាមគន្លងព្រះធម៌របស់ព្រះសម្មាសាម្ពុទ្ធរួចមក និងបានអញ្ជើញរាប់បាត្រ បង្សុកូល ឧទ្ទិសកុសលផលបុណ្យ ជូនដល់ដួងវិញ្ញាណក្ខ័ន្ត ចំពោះមាតាបិតា ជីដូនជីតា និង ញាតិកាលទាំង៧សណ្តាន ដែលបានចែកឋានទៅកាន់បរលោកខាងមុខហើយនោះ ព្រមទាំងឧទ្ទិសដល់ដួងវិញ្ញាណក្ខ័ន្តដល់កម្មាភិបាល យុទ្ធជន ដែលបានពលីជីវិត ក្នុងបុព្វហេតុការពារកសាង អភិវឌ្ឍន៍ជាតិមាតុភូមិកម្ពុជាផងដែរ។ គួររំលឹកថា ពិធីបុណ្យកាន់បិណ្ឌ ឬដាក់បិណ្ឌ ឬអ្នកស្រុកខ្លះហៅថាបុណ្យកាន់វេន ជាបុណ្យតាមកាល និងតាមគន្លងប្រពៃណីព្រះពុទ្ធសាសនា ដែលកើតមានឡើងតាំងពីសម័យពុទ្ធកាលមកម្ល៉េះ ដែលកាលនោះមានរយៈពេល…

(ភ្នំពេញ)៖ ក្រសួងអប់រំយុវជន និង កីឡាបានធ្វើការប្រកាសលទ្ធផលបេក្ខជនចំនួន៣រូបបានឈ្នះក្នុងម្មវិធីប្រឡងប្រណាំង តែងនិពន្ធពានរង្វាន់សម្តេចសង្ឈរាជ ជួន ណាត និងបេក្ខនារី៣រូបផ្សេងទៀតបានឈ្នះក្នុងកម្មវិធីស្មូតកំណាព្យ ពានរង្វាន់ ព្រះភិរម្យភាសាអ៊ូ ហៅ ង៉ុយ ដើម្បីអបអរសារទរទិវាគ្រូបង្រៀន ០៥ តុលា ២០២៣។ គួរបញ្ជាក់ថាកម្មវិធីប្រឡងប្រណាំងជ្រើសរើសជ័យលាភីថ្នាក់ជាតិនេះមានចំណាត់ថ្នាក់លេខ ១ ដល់លេខ ៣ ក្រោមប្រធានបទ “គ្រូបង្រៀនជាសសរស្តម្ភនៃកំណែទម្រង់សាលារៀនឆ្ពោះទៅរកឧត្តមភាព”។ កម្មវិធីនេះដែរប្រព្រឹត្តទៅក្រោមអធិបតីភាព ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការ ក្រសួងអប់រំ យុវជន និងកីឡា និងមានការចូលរួមពីថ្នាក់ដឹកនាំក្រសួងអប់រំ យុវជន និងកីឡា ដែលជាគណៈកម្មការ លោកគ្រូអ្នកគ្រូ និងបេក្ខជនជាច្រើនរូបផងដែរ ។ ក្រសួងអប់រំបានឱ្យដឹងថា៖ការរៀបចំទិវាគ្រូបង្រៀននេះក្នុងគោលបំណង ដើម្បីជាការបំផុសនូវគ្រប់ភូមិសិក្សាទូទាំងប្រទេស និងរំលឹកពីគុណបំណាច់របស់គ្រូបង្រៀន ដែលបានចំណាយពេលវេលា កម្លាំងកាយ កម្លាំងចិត្ត ស្មារតី និងវិជ្ជាជីវៈ ក្នុងការបំពេញភារកិច្ច ជាអ្នកបណ្ដុះបណ្ដាលដើម្បីផ្ទេរនូវតម្លៃ ព្រមទាំងទូន្មានឱ្យសិស្សានុសិស្សធ្វើតែអំពើល្អ ស្គាល់ខុស ស្គាល់ត្រូវ និងចេះគោរពចាស់ទុំ។ គួរបញ្ជាក់ថាសម្រាប់លទ្ធផលផ្នែកតែងនិពន្ធបានទៅ៖-ជ័យលាភីលេខ១ ៖ បេក្ខជន វង្ស…