កំពង់ធំ៖ការប្រឡងសញ្ញាបត្រមធ្យមសិក្សាទុតិយភូមិរយៈពេល​២ថ្ងៃ បានប្រព្រឹត្តទៅនៅព្រឹកថ្ងៃទី៨ ខែតុលា ឆ្នាំ២០២៤ដោយ ឯកឧត្តម នួន ផារ័ត្ន អភិបាលខេត្តកំពង់ធំ និងអភិបាលរងខេត្តព្រមទាំងសហការី បានអញ្ជើញបើកវិញ្ញាសាប្រឡងដោយផ្ទាល់។ មានប្រសាសន៍ក្នុងឱកាសបើកវិញ្ញាសាប្រឡង ឯកឧត្តម នួន ផារ័ត្ន អភិបាលខេត្តកំពង់ធំ បានលើកទឹកចិត្តដល់បេក្ខជនទាំង​អស់ត្រូវ ខិតខំប្រឹងប្រែងឱ្យអស់ពីសមត្ថភាព ធ្វើឱ្យបានរួចរាល់លើគ្រ ប់វិញ្ញាសា ដែលបានដាក់ក្នុងការប្រឡង ។គោរពឱ្យបានខ្ជាប់​ខ្ជួននូវបទប្បញ្ញត្តិ និងបទបញ្ជាផ្ទៃក្នុងនៃការប្រឡង។ ទាក់ទងនឹងសម័យប្រឡងថ្ងៃទី៨ ខែតុលា លោក តាន់ ប៊ុនហុង ប្រធានមន្ទីរអប់រំយុវជន កីឡាខេត្តកំពង់ធំ បានឱ្យដឹងថាការប្រឡង សញ្ញាបត្រមធ្យមសិក្សាទុតិយភូមិឆ្នាំ២០២៤នេះមានមណ្ឌលប្រឡង១៣មណ្ឌល ,បន្ទប់សំណេរចំនួន២២៨បន្ទប់និងមាន បេក្ខជន​សរុបចំនួន៥ ៦៥៨នាក់ (ស្រី៣២៧៣នាក់)។ការប្រឡងចែកចេញ ជាពីរផ្នែក គឺថ្នាក់វិទ្យាសាស្ត្រ និងថ្នាក់វិទ្យាសាស្ត្រសង្គម ។ ជាការសង្កេតនៅថ្ងៃប្រឡង រដ្ឋបាលខេត្តបានរៀបចំ​កម្លាំងប្រចាំការ នៅតាមមណ្ឌលប្រឡងនីមួយៗ និងមានក្រុមគ្រូពេទ្យប្រចាំការតាមមណ្ឌលនីមួយៗ។ចំណែកសហភាពសហព័ន្ធយុវជនកម្ពុជាខេត្តកំពង់ធំ ចាំជួយ​សម្រួលក្នុងការផ្ញើកង់ម៉ូតូដោយ​ឥតគិត​ថ្លៃដល់​បេក្ខជនឱ្យមាន សុវត្ថិភាព និងសណ្ដាប់ធ្នាប់ ។ ទាក់ទងនឹងការប្រឡងសញ្ញាបត្រមធ្យមសិក្សាទុតិយភូមិនេះដែរ រដ្ឋបាលខេត្តកំពង់ធំ ក៏បានចេញសេចក្តីជូនដំណឹង ដល់ម្ចាស់​សណ្ឋាគារ ផ្ទះសំណាក់ ភោជនីយដ្ឋាន មិនឱ្យដំឡើងថ្លៃសេវាស្នាក់នៅ និងហូបចុកជាដើម៕ដោយ៖​ប៊ុន​រដ្ឋា

(ភ្នំពេញ) ប្រធានមណ្ឌលសំណេរបានធ្វើការប្រជុំណែនាំបច្ចេកទេសដល់​គណៈ​កម្មាការ​កណ្ដាល គណៈកម្មាការត្រួតពិនិត្យអគារ គណៈកម្មការអនុរក្ស ដើម្បីត្រៀម​ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ នារសៀល​ថ្ងៃទី១នៃការប្រឡង។ ក្រសួងអប់រំបានឱ្យដឹងថានៅថ្ងៃទី១នេះ គណៈមេប្រយោគគ្រប់រូប បានអនុវត្តតួនាទី​របស់ខ្លួនប្រកបដោយស្មារតីទទួលខុសត្រូវ ព្រមទាំងអនុវត្តតាមសេចក្ដីណែនាំប្រតិ​បត្តិ​របស់ក្រសួងអប់រំ យុវជន និងកីឡា ស្ដីពីវិធានការសុខភាព និងសុវត្ថិភាព​សម្រាប់​ការប្រឡងសញ្ញាបត្រមធ្យមសិក្សាទុតិយភូមិ ដើម្បីចូលរួមក្នុងការទប់ស្កាត់​ការរីក​រាលដាលនៃជំងឺកូវីដ-១៩។ ដោយឡែកសម្រាប់ការបើកវិញ្ញាសាប្រឡងនារសៀលថ្ងៃទី១ នៃការប្រឡង​សញ្ញាបត្រមធ្យមសិក្សាទុតិយភូមិ ក៏ត្រូវបានបើកដើម្បីដាក់ដំណើរការសំណេរ ដោយ​គណៈមេប្រយោគទូទាំងប្រទេស គណៈកម្មការអប្បមាទ ជំនួយការអប្បមាទ ប្រធាន-អនុប្រធាននៅតាមមណ្ឌល ក្រោមការត្រួតពិនិត្យដោយអង្គភាព​ប្រឆាំង​អំពើពុករលួយ ដើម្បីធានាបានថា ស្រោមវិញ្ញាសានេះពិតជាត្រូវបា​នរក្សា​ទុក​ដោយមានសុវត្ថិភាព។ ចំពោះដំណើរការសំណេរនារសៀលនេះ មាន២មុខវិជ្ជាគឺ គីមីវិទ្យា ភាសាបរទេស សម្រាប់ថ្នាក់វិទ្យាសាស្ត្រ និង ភូមិវិទ្យា ភាសាបរទេស សម្រាប់ថ្នាក់វិទ្យាសាស្ត្រសង្គម​។ វិញ្ញាសាទាំងអស់ត្រូវបានជ្រើសរើស តាក់តែង រៀបចំ និងគ្រប់គ្រងដោយក្រសួង​អប់រំ យុវជន និងកីឡា។ វិញ្ញាសាប្រឡងត្រូវបានកំណត់សម្រាប់ថ្នាក់វិទ្យាសាស្ត្រ និងសម្រាប់ថ្នាក់វិទ្យាសាស្ត្រសង្គម។ ទម្រង់វិញ្ញាសា ត្រូវបានរៀបចំជាពីរ គឺទម្រង់​វិញ្ញាសាចម្លងដាក់លើក្តារខៀន និងទម្រង់វិញ្ញាសាដា សន្លឹកក្រដា​សចែកជូនបេក្ខជន ៕ ដោយ ៖ ម៉ាដេប៉ូ

(ភ្នំពេញ)៖ សហភាពសហព័ន្ធយុវជនកម្ពុជា បានក្លាយជាភាគីសំខាន់មួយ ក្នុងសកម្មភាពរៀបចំដំណើរការប្រឡងបាក់ឌុប ដោយឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបង្ហាញពីការចូលរួមយ៉ាងសកម្មរបស់ ស.ស.យ.ក ក្នុងការកែទម្រង់ការប្រឡងសញ្ញាបត្រមធ្យសិក្សាទុតិយភូមិ ឬបាក់ឌុប ចាប់តាំងពីឆ្នាំ២០១៤ រហូតមកដល់បច្ចុប្បន្ន ។ នេះជាការលើកឡើងរបស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ប្រាប់ក្រុមអ្នកសារព័ត៌មាន ក្រោយបើកប្រធានវិញ្ញាសាប្រឡងបាក់ឌុប នាព្រឹកថ្ងៃទី៨ ខែតុលា ឆ្នាំ២០២៤ នៅមណ្ឌលប្រឡង វិទ្យាល័យព្រះស៊ីសុវត្ថិ រាជធានីភ្នំពេញ ។ ឯកឧត្តម ហ៊ុន ម៉ានី បានថ្លែងថា សហភាពសហព័ន្ធយុវជនកម្ពុជា (ស.ស.យ.ក) បានក្លាយជាភាគីសំខាន់មួយ ដែលតែងមានវត្តមានចូលរួមក្នុងសកម្មភាព​រៀបចំ​ដំណើរការប្រឡងបាក់ឌុប ជាច្រើនឆ្នាំមកនេះ ។ ជាក់ស្ដែង ឆ្នាំនេះ មិនខុសពី​ឆ្នាំមុនៗ ស.ស.យ.ក បានចូលរួមលើសកម្មភាព ទាំងការបំប៉នសិស្សត្រៀមប្រឡង ការបង្កើតកម្មវិធីសិក្សាលើប្រព័ន្ធទូរស័ព្ទ ក៏ដូចជាការចូលរួមសង្កេតការណ៍ និងការ​ចូលរួមសម្រួលក្នុងការផ្ញើយានជំនិះរបស់បេក្ខជនប្រឡងថែមទៀតផង ។ ឯកឧត្តមប្រធានសហភាពសហព័ន្ធយុវជន នៅថ្ងៃប្រឡងបាក់ឌុបដំបូង បានចូលរួមក្នុងការត្រួតពិនិត្យលើដំណើរការប្រឡងបាក់ឌុប នៅមណ្ឌលប្រឡងវិទ្យាល័យព្រះស៊ីសុវត្ថិ ។ ក្នុងនាមជាថ្នាក់ដឹកនាំ…

កំពត៖ឯកឧត្តម ម៉ៅ ធនិន អភិបាលខេត្តកំពតបានលើកទឹកចិត្តដល់​បេក្ខជនប្រឡងបាក់ឌុប តាំងស្មារតីឱ្យល្អខិតខំបញ្ចេញ​សមត្ថ​ភាព​ខ្លួនដើម្បីទទួលបានលទ្ធផលល្អក្នុងការប្រឡង។ថ្ងៃដំបូងនៃការ​ប្រឡងសញ្ញាបត្រមធ្យមសិក្សាទុតិយភូមិសម័យប្រឡងថ្ងៃទី៨ខែតុលា ឆ្នាំ២០២៤ មន្ត្រីជំនាញបានបញ្ជាក់ថា ដំណើរការប្រឡង​មានភាពល្អប្រសើរនិងសង្ឃឹមថា ឆ្នាំនេះសិស្សនិទ្ទេសអេ អាចកើន​ឡើង។ អាន៖ ឯកឧត្តម ម៉ៅ ធនិន អភិបាលខេត្តកំពតបានអញ្ជើញបើក​វិញ្ញាសា​ប្រឡងសញ្ញាបត្រទុតិយភូមិឬបាក់ឌុបនៅមណ្ឌល​ប្រឡង​វិទ្យាល័យមិត្តភាពកម្ពុជា-ជប៉ុនក្រុងកំពត។ ក្នុងឱកាសនោះជាមួយ​នឹងការលើកទឹកចិត្តដល់បេក្ខជនប្រឡងបាក់ឌុប ឯកឧត្តម​អភិបាល​ខេត្តបានបង្ហាញពីបំណងចង់ឱ្យខេត្តកំពតឆ្នាំនេះមានសិស្សនិទ្ទេសA កើន ។ឯកឧត្តម និង ឯកឧត្តមបណ្ឌិត ប៉ែន ស៊ីម៉ន អ្នកតំណាងរាស្ត្រ​មណ្ឌលកំពត  បានត្រៀមរង្វាន់ម៉ូតូ សម្រាប់ទុកជូនបេក្ខជនជ័យលាភី​ជានិច្ច។ ប្រធានស្តីទីនៃមន្ទីរអប់រំយុវជន និងកីឡាខេត្តកំពត  លោក សូ ភារិទ្ធ បានបញ្ជាក់ថា ដំណើរការនៃការប្រឡងនៅព្រឹកថ្ងៃទី៨ ខែតុលានេះ មានភាពល្អប្រសើរទាំងក្នុង និងក្រៅមណ្ឌលប្រឡង ។ លោកប្រធានស្តីទីបានបញ្ជាក់ថា ចំពោះឥរិយាបថបេក្ខជន មានភាពល្អ​ប្រសើរ ឆ្លងតាមការត្រួតពិនិត្យឆែកឆេ ព្រឹកនេះ មិនឃើញ​មានបេក្ខជន​ណាម្នាក់លាក់សំណៅឯកសារ ឬយកឧបករណ៍ហាមឃាត់តាមខ្លួនទេ ។លោកសង្ឃឹមថា ឆ្នាំនេះសិស្សនិទ្ទេសA អាចកើនឡើង ខណៈឆ្នាំ​២០២៣ សិស្សនិទ្ទេសA មាន៩១នាក់។ សូមជម្រាបថា ខេត្តកំពតមានមណ្ឌលប្រឡងសរុប១០មណ្ឌល​(ក្រុងកំពត ៤, ស្រុកទឹកឈូ៣ និងស្រុកអង្គរជ័យ៣) មាន២១០​បន្ទប់…

បន្ទាយមានជ័យ៖ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបសម័យប្រឡងថ្ងៃទី៨ ខែតុលាឆ្នាំ២០២៤​ បានចាប់ផ្តើម​ដោយរលូន​ និងមានរបៀបរៀបរយ ។ខេត្តបន្ទាយមានជ័យបេក្ខជនចូល​រួមប្រឡង ៦.២៣៥នាក់ , មាន៨ មណ្ឌលសំណេរ ស្ថិតនៅក្រុងសិរី​សោភណតែមួយ។ ពិធីបើកវិញ្ញាសាប្រឡងនៅខេត្តបន្ទាយ បានអញ្ជើញចូលរួមដោយ​ឯកឧត្ដម បណ្ឌិតកុលផេង វឌ្ឍនា អនុរដ្ឋលេខាធិការក្រសួងអប់រំ យុវជននិងកីឡា ជាប្រធានគណគណៈមេប្រយោគទូទាំងប្រទេស​ប្រចាំខេត្តបន្ទាយមានជ័យ ឯកឧត្ដម អ៊ុ រាត្រី អភិបាល​ខេត្តបន្ទាយ​មានជ័យ លោក ច័ន្ទ ម៉ារ៉ាដូណា ប្រធានក្រុមការងារអង្គភាពប្រឆាំង​អំពើ​ពុករលួយ ខេត្តបន្ទាយមានជ័យ លោក ឈូ ប៊ុនរឿង ប្រធាន​មន្ទីរអប់រំ យុវជននិងកីឡាខេត្តបន្ទាយមានជ័យ និងមន្ត្រីជំនាញ អាជ្ញាធរដែនដី កងកម្លាំង អ្នកពាក់ព័ន្ធ។ លោកប្រធានមន្ទីរអប់រំខេត្ត​បន្ទាយមានជ័យបានឱ្យដឹងថា ការប្រឡង​សញ្ញាបត្រមធ្យម​សិក្សាទុតិយ​ភូមិសម័យប្រឡងថ្ងៃទី៨ ខែតុលា​មានបេក្ខជនចុះ​ឈ្មោះប្រឡងចំនួន ៦.២៣៥នាក់ (ស្រី ៣.៥៦៩នាក់) ។ ក្នុងនោះ បេក្ខជន​ចំណេះ​​ទូទៅចំនួន៥.១០៩នាក់(ស្រី៣.​០៦៦នាក់)​, បេក្ខជនស្វៃរិនចំនួន៨៤៣នាក់(ស្រី៤៣៦នាក់ )និងបេក្ខជនបំពេញ​វិជ្ជាចំនួន ២៨៣នាក់(ស្រី៦១នាក់ )។មានមណ្ឌលប្រឡងចំនួន៨ ក្នុងនោះ ថ្នាក់វិទ្យាសាស្ត្រមាន៣មណ្ឌល និងថ្នាក់វិទ្យាសាស្ត្រសង្គម៥ មណ្ឌល។ សូមរំលឹកថា សម័យប្រឡងឆ្នាំ២០២៣មានបេក្ខជនចុះឈ្មោះប្រឡង​ឬក្នុងបញ្ជីមានចំនួន…

(ភ្នំពេញ)៖ កំណែទម្រង់នៃការប្រឡងសញ្ញាបត្របាក់ឌុប បានធ្វើឱ្យសិស្ស មានការភ្ញាក់រលឹក លែងពឹងផ្អែកលើការអន្តរាគមន៍ ។ នេះជាការគូសបញ្ជាក់ របស់ឯកឧត្តម ប៉ា សុជាតិវង្ស ប្រធានគណកម្មការទី៧ នៃរដ្ឋសភា ប្រាប់ក្រុមអ្នកសារព័ត៌មាន ក្រោយបើកប្រធានវិញ្ញាសាប្រឡងបាក់ឌុប នាព្រឹកថ្ងៃទី៨ ខែតុលា ឆ្នាំ២០២៤ នៅមណ្ឌលប្រឡង វិទ្យាល័យព្រះស៊ីសុវត្ថិ រាជធានីភ្នំពេញ ។ ឯកឧត្តម ប៉ា សុជាតិវង្ស បានលើកឡើងថា ទិដ្ឋភាពនៃការបើកវិញ្ញាសារប្រឡង​សញ្ញា​បត្រមធ្យសិក្សាទុតិយភុមិ ឬ បាក់ឌុប បានបង្ហាញពីក្តីមោទនភាព បន្ទាប់ពី​កម្ពុ​ជា បានជំរុញការលើកគុណភាពវិស័យអប់រំ កាន់តែល្អប្រសើរពី ១ឆ្នាំ ទៅ ១ឆ្នាំ ។ ឯកឧត្តមបន្តថា អ្វីដែលកត់សម្គាល់ក្នុងរយៈពេល ១ទសវត្សរ៍ចុងក្រោយនេះ វិស័យអប់រំ ពិតជាមានការរីកចម្រើន និងប្រែប្រួលទាំងបរមាណ និងគុណភាព នោះគឺអាស្រ័យដោយយើងបានកំណត់នូវចក្ខុវិស័យ ក្នុងការលើកកម្ពស់ចំណេះដឹង លើកកម្ពស់ការទទួលខុសត្រូវ ទៅលើវិស័យនេះ ជាពិសេស ធ្វើឱ្យយុវជនជាសិស្សានុសិស្ស មានការខិតខំប្រឹងប្រែង ដោយសារការយកចិត្តទុកដាក់ពីរាជរដ្ឋាភិបាល នៅក្នុងការលើកកម្ពស់វិស័យអប់រំនេះឱ្យបានល្អប្រសើរ ។ ប្រធានគណកម្មការទី៧ នៃរដ្ឋសភា…

(ភ្នំពេញ)៖ កំណែទម្រង់នៃការប្រឡងបាក់ឌុប គឺជាកក្តាដែលធ្វើឲ្យវិស័យអប់រំ មានភាពល្អប្រសើរ ។ កំណែទម្រង់ការប្រឡងសញ្ញាបត្របាក់ឌុប ក៏ជាហេតុធ្វើឱ្យមានការកែទម្រង់វិស័យអប់រំ តាមសាលារៀន ផងដែរ ។ នេះជាការគូសបញ្ជាក់របស់ឯកឧត្តម បណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានប្រាប់ក្រុមអ្នក​សារព័ត៌មាន ក្រោយបើកប្រធានវិញ្ញាសាប្រឡងបាក់ឌុប នាព្រឹកថ្ងៃទី៨ ខែតុលា ឆ្នាំ២០២៤ នៅមណ្ឌលប្រឡង វិទ្យាល័យព្រះស៊ីសុវត្ថិ រាជធានីភ្នំពេញ ។ ឯកឧត្តមរដ្ឋមន្ត្រី បានអះអាងថា ការធ្វើកំណែរទម្រង់វិស័យអប់រំ ពិសេសការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនោះ មានការពិបាក រហូតរដល់មានការដាក់ទោសទណ្ឌ ចំពោះបេក្ខជន ដែលមិនគោរពបទប្បញ្ញត្តិ តែនៅឆ្នាំបន្តបន្ទាប់ គឺមានភាពល្អ ជាដើមហេតុធ្វើឲ្យមានការកែទម្រង់វិស័យអប់រំ នៅតាមសាលារៀន មានភាពល្អប្រសើរ ។ ឯកឧត្តម បណ្ឌិតសភាចារ្យ ហង់ ជួនណារ៉ុន បានបន្ថែមថា យើងឃើញថា នៅឆ្នាំដំបូង នៃការធ្វើកំណែទម្រង់ប្រឡងបាក់ឌុប មានកំហុសច្រើន ដោយសារតែបេក្ខជនមិនទាន់យល់ដឹង ដោយមានការនាំចូលនូវសំណៅឯកសារច្រើន ហើយក៏មានការនាំចូលឧបករណ៍អេឡិចត្រូនិច និងអ្នកប្រឡងជំនួសជាដើម…

តាកែវ៖ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប សម័យប្រឡងថ្ងៃទី៨ ខែតុលាបានចាប់ផ្តើមដោមានរយៈពេល២ថ្ងៃ។ក្នុងឱកាសអញ្ជើញការស្រោមវិញ្ញាសា នៅមណ្ឌលប្រឡង វិទ្យាល័យជាស៊ីមតាកែវ ឯកឧត្តម វ៉ី សំណាង អភិបាលខេត្តតាកែវបានក្រើនរំលឹកដល់បេក្ខជនប្រឡងទាំងអស់ត្រូវយកចិត្តទុកដាក់ដំបូងមើលវិញ្ញាសាយល់ឱ្យច្បាស់,គោរពវិន័យ និងបទបញ្ជាឱ្យ​បានល្អ ទាំងនៅក្នុង និងក្រៅបន្ទប់ប្រឡង ។ សូមជម្រាបថា ពិធីកាត់វិញ្ញាសាមានការអញ្ជើញចូលរួមពីឯកឧត្តម ស៊ាន បូរ៉ាត រដ្ឋលេខាធិការក្រសួងអប់រំ យុវជន និងកីឡា លោក កង អាណាន់ អភិបាលក្រុងដូនកែវ រួមនឹងមន្រ្តីពាក់ព័ន្ធជាច្រើនទៀត ។ លោក ឡោ វីរិទ្ធិ ប្រធានមន្ទីរអប់រំ យុវជន និងកីឡាខេត្តបានឱ្យដឹងថា ការប្រឡងសញ្ញាបត្រមធ្យមសិក្សាទុតិយភូមិ​ឆ្នាំ២០២៤​សម័យប្រឡង ថ្ងៃទី៨ ខែតុលានៅទូទាំងខេត្តតាកែវមានមណ្ឌលប្រឡងចំនួន ១៧ មណ្ឌល ស្មើនឹង ៣៧៧​បន្ទប់ , មានបេក្ខជន​ប្រឡង៩ ៣៤២នាក់ (ស្រី ៤៩៦៧នាក់) ។ក្នុងនោះ ថ្នាក់វិទ្យាសាស្រ្តមាន៥មណ្ឌល ស្មើនឹង ១០០ បន្ទប់ មានបេក្ខជនសរុប ២ ៤៣៩នាក់ (ស្រី ១ ៤៨៤នាក់)…

បាត់ដំបង៖ខណៈប្រឡងសញ្ញាបត្រមធ្យមសិក្សាទុតិយភូមិឬការ ប្រឡងបាក់ឌុបឆ្នាំ២០២៤ នឹងប្រព្រឹត្តទៅថ្ងៃទី៨-៩ ខែតុលា ឆ្នាំ២០២៤ស្អែកនេះ ។បេក្ខជនប្រឡងដែលបាននាំគ្នាមកពិនិត្យ​មើលឈ្មោះ លេខតុ លេខបន្ទប់នៅ​តាមមណ្ឌលសំណេរ​នីមួយៗ​បានបញ្ជាក់ថា ពួកគេបានត្រៀមលក្ខណៈរួចរាល់ហើយសម្រាប់​ការប្រឡងយកសញ្ញាបត្របាក់ឌុបនៅថ្ងៃស្អែកនេះ។ ក្នុងចំណោមបេក្ខជនប្រឡងជាច្រើននាក់ ដែលមកពិនិត្យបញ្ជី​ឈ្មោះដោយយកចិត្តទុកដាក់ បេក្ខជនម្នាក់បានប្រាប់ទូរទស្សន៍​អប្សរាថា​ ពួកគេបានខិតខំរម្លឹកមេរៀននិងបានធ្វើលំហាត់ជារៀងរាល់ថ្ងៃ ព្រមទាំងបានត្រៀមលក្ខណៈរួចរាល់ហើយ​សម្រាប់ការប្រឡង​បាក់​ឌុបបេក្ខជនរូបនេះថែមទាំងជឿជាក់ថាពួកគេនឹងទទួលបាននូវលទ្ធផលល្អប្រសើរ។ តាមការបញ្ជាក់របស់លោក យី សុងគី ប្រធានមន្ទីរអប់រំ យុវជន និងកីឡាខេត្តបាត់ដំបង បានឱ្យដឹងថា​ សម្រាប់ការ​ប្រឡងសញ្ញា​បត្រមធ្យមសិក្សាទុតិយភូមិសម័យប្រឡង៖ថ៨ ខែតុលា ខេត្តបាត់​ដំបងមានមណ្ឌល​ប្រឡង១៤មណ្ឌល ស្មើនឹង៣៨៥​បន្ទប់ មាន​បេក្ខជនសរុបចំនួន ៩ ៥៥០នាក់ ។ឆ្នាំនេះ ចំនួនបេក្ខជនពិការ​ភាពមានការកើនឡើងច្រើនជាងឆ្នាំមុន។ លោក យី សុងគី បានបញ្ជាក់ទៀតថា សម្រាប់ការប្រឡងបាក់​ឌុបឆ្នាំនេះ មិនខុសពីឆ្នាំមុនៗនោះទេ ក្រសួងអប់រំ យុវជន និងកីឡា នៅតែរក្សាគោលការណ៍ទាំង៤ នៃការប្រឡង គឺគោលការណ៍ច្បាប់ យុត្តិធម៌ តម្លាភាព និងលទ្ធផល ទទួលយកបាន ។ពោលគឺ «អ្នកចេះជាប់»៕ អត្ថបទ-រូបភាព៖ អ៊ុក សំអាន បប.