(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារ​សាធា​រណៈ និងជាប្រធានគណៈកម្មការរៀបចំការប្រឡងប្រជែង បានដឹកនាំកិច្ចប្រជុំ ដោយយកលទ្ធផលនៃកិច្ចពិភាក្សាទាំងអស់ មកពិភាក្សា និងសម្រេចលើការងារ​មួយចំនួន ឆ្ពោះទៅកាន់ការរៀបចំដំណើរការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខណ្ឌក្រសួងក្រសួងសេដ្ឋកិច្ច និងហិរញ្ញវត្ថុ ក្រសួង​កសិ​កម្ម រុក្ខាប្រមាញ់ និងនេសាទ ក្រសួងសុខាភិបាល ព្រមទាំងសិស្សមន្ត្រីជាន់​ខ្ពស់ និងសិស្សមន្ត្រីក្រមការ ក្រោមការដឹកនាំដ៏ខ្ពង់ខ្ពស់ នៅទីស្តីការ​ក្រសួងមុខងារ​សាធារណៈ។ កិច្ចប្រជុំនេះ ប្រព្រឹត្តឡើងនារសៀលថ្ងៃទី៣០ ខែកញ្ញា ឆ្នាំ២០២៤ នៅទីស្តីការក្រ​សួង មុខងារសាធារណៈ ដោយមានការអញ្ជើញចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ តំណាងកសិកម្ម រុក្ខាប្រមាញ់ និងនេសាទ តំណាងក្រសួងសុខាភិ​បាល តំណាងអង្គភាពប្រឆាំងអំពើពុករលួយ ព្រមទាំងថ្នាក់ដឹកនាំ និងមន្ត្រីជំនាញ​សាលាភូមិន្ទរដ្ឋបាល និងក្រសួងមុខងារសាធារណៈជាច្រើនរូប ដោយសម្រេចថា ការប្រឡងនីមួយៗ ចាប់ផ្តើមជូនដំណឹង ចាប់ពីថ្ងៃទី០៧ ខែតុលា ឆ្នាំ២០២៤ តទៅ។ គួររម្លឹកថា ក្រសួងមុខងារសាធារណៈ ក្នុងនាមជាសេនាធិការ រាជរដ្ឋាភិបាល អាណត្តិទី៧ បានអនុវត្តការប្រឡងប្រជែងជ្រើសរើសមន្ត្រីរាជការ តាមគោល​ការណ៍គុណាធិបតេយ្យ តម្លាភាព យុត្តិធម៌ បរិយាបន្ន…

(ភ្នំពេញ)៖ក្រសួងកសិកម្ម រុក្ខាប្រមាញ់ និងនេសាទ បានសម្របសម្រួលឱ្យមាន​រោងម៉ាស៊ី​កិន​ស្រូវធំៗមួយចំនួន នៅរង់ចាំទិញស្រូវពីប្រជាកសិករយើង ដែលត្រូវ​ការលក់បន្ទាន់ក្នុងពេលឈប់សម្រាកថ្ងៃបុណ្យភ្ជុំបិណ្ឌ។ នេះបើតាមការបញ្ជាក់​ពីសំណាក់ លោក ជំទាវ អ៊ឹម រចនា មន្រ្តីនាំពាក្យក្រសួងកសិកម្មរុក្ខាប្រមាញ់ និងនេសាទ។ ថ្លែងបញ្ជាក់តាមបណ្តាញសង្គមតេឡេក្រាមនៅព្រលប់ថ្ងៃទៅ៣០ ខែកញ្ញា ឆ្នាំ២០២៤​នេះ លោក ជំទាវ អ៊ឹម រចនាបានឱ្យដឹងថា”បើទោះបីក្រសួងកសិកម្មបានសម្រប​សម្រួល​ជាមួយរោងម៉ាស៊ីនកិនស្រូវដើម្បីទទួលទិញស្រូវប្រជាកសិករដែលទើបច្រូតកាត់ហើយក៏ដោយ ប៉ុន្តែការទិញនៅមានកម្រិត ដោយក្នុងនេះរោងម៉ាស៊ីនលើសលុបបាន​ឈប់​សម្រាក ។ អញ្ចឹងការច្រូតកាត់របស់ប្រជាកសិករចាំបាច់ត្រូវធ្វើឡើងដោយថ្លឺងថ្លែង និង​ប្រយ័ត្នប្រយែងព្រោះបើការច្រូតកាត់នេះធ្វើឡើងព្រមៗគ្នា លើសសមត្ថភាពទិញរបស់​រោងម៉ាស៊ីនកិនស្រូវ ដែលនាំឱ្យជនឆ្លៀតឱកាសមួយចំនួនទម្លាក់ថ្លៃ។ ហេតុនេះបើមិនចាំ​បាច់​ពេកទេត្រូវរង់ចាំចប់ភ្ជុំរួចហើយចាំពិនិត្យមើលការច្រូតកាត់ចៀស​វាងការខាតបង់​ណាមួយក្នុងពេលដែលកម្ពុជាកំពុងប្រារពពិធីបុណ្យភ្ជុំបិណ្ឌនេះ។ គួរបញ្ជាក់ថាមន្រ្តីអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទនៅថ្ងៃដដេលនេះ​បាន​ចេញមកប្រតិកម្ម និង បានធ្វើការអំពាវនាវឱ្យប្រជាកសិករមិនត្រូវភ័យខ្លាច​ពីព័ត៌​មាន​ទាំងចាស់និងថ្មី ដែលត្រូវបានយកមកផ្សព្វផ្សាយ ដើម្បីបំពុល បំភ័ន្ត និងបំភ្លៃ​ចំពោះបញ្ហាស្រូវធ្លាក់ថ្លៃ។ ការចេញមកអំពាវនាវនេះដែរធ្វើឡើងដោយឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បន្ទាប់ពីមានក្រុមមនុស្ស​មួយ​ចំនួន​បានធ្វើការបង្ហោះតាមរយៈបណ្តាញសង្គមពីតម្លៃស្រូវធ្លាក់ចុះរួចមក។ មន្រ្តីអ្នកនាំពាក្យរូបនេះបញ្ជាក់ថាថាក្នុងរយៈពេលចុងក្រោយនេះមានការបង្កើតចលនាមួយដើម្បីរុញឱ្យមានការព្រួយបារម្ភកាន់តែខ្លាំង និងមានការភ័យខ្លាចជុំវិញការធ្លាក់ថ្លៃស្រូវ ពិសេសក្រុមដែលមានចេតនាអវិជ្ជមាន ពួកគេបានព្យាយាមយកវីដេអូចាស់ៗមកចាក់​ផ្សាយ​ឡើងវិញ ដែលខ្លះតាំងតែពីឆ្នាំ ២០១៦ ក្នុងចេតនាធ្វើយ៉ាងណាឱ្យមានការភាន់​ច្រឡំ ស្ថានភាពជាក់ស្តែងនាពេលបច្ចុប្បន្ន នៃវិស័យកសិកម្មរបស់កម្ពុជាយើង៕ ដោយ៖ម៉ាដេប៉ូ

(ភ្នំពេញ)រដូវបុណ្យភ្ជុំ ប្រជាពលរដ្ឋគ្រប់គ្នា បានឈប់សម្រាកពីការងារ ព្រមទាំងបានជួបជុំគ្រួសារ ក្រៅពីទៅវត្តអារាមរួចមមក ក៏មានដំណើរកម្សាន្ត តាមតំបន់រម្មណីយដ្ឋាននានា។ សហគមន៍តំបន់ការពារធម្មជាតិក៏ជាម្រើសមួយសម្រាប់ដំណើរកម្សាន្ត ក្នុងរដូវបុណ្យប្រពៃណីជាតិខ្មែរ។ ក្នុងន័យកិច្ចការពារបរិស្ថាន និងចូលរួមរក្សាភាពស្អាតក៏ដូចជាភាពបៃតងនោះពលរដ្ឋត្រូវចូលរួមលើកកម្ពស់ឱ្យបានគ្រប់គ្នា បន្ថែមលើការកម្សាន្តដ៏សប្បាយរីករាយនៃការឈប់សំរាកលំហែកាយនាពេលនេះ ។ ថ្លែងប្រាប់បណ្តាញសារព័ត៌មានឯកឧត្តម ខ្វៃ អាទិត្យា អ្នកនាំពាក្យក្រសួងបរិស្ថាន បានឱ្យដឹងថា បច្ចុប្បន្ននេះ សហគមន៍ដែលមានសក្តានុពលធម្មជាតិ បានរៀបចំផលិតផល និងសេវាកម្មទេសចរណ៍ ប្រកបដោយការទទួលខុសត្រូវ ដែលមានរៀបចំហេដ្ឋារចនាសម្ព័ន្ធ កន្លែងទេសភាពធម្មជាតិ ទឹកជ្រោះ ទស្សនាសត្វព្រៃ ដើមឈើ ប្រកបដោយខ្យល់អាកាសល្អ។ អ្នកនាំពាក្យក្រសួងបរិស្ថាន បានបញ្ជាក់ថា ទេសចរណ៍នៅតាមសហគមន៍តំបន់ការពារធម្មជាតិ រួមចំណែកដល់គោលលដៅអភិវឌ្ឍន៍លំហែបៃតង ដែលក្រសួងបរិស្ថាន នាពេលកន្លងមក បានយកចិត្តទុកដាក់ ជំរុញការលើកកម្ពស់ជីវភាព ប្រជាពលរដ្ឋ គោរពវប្បធម៌ និងបរិស្ថាន និងជំរុញឱ្យសហគមន៍មូលដ្ឋានមានភាពស្អាត មានផ្តល់សេវាក្នុងតម្លៃសមរម្យ មានអនាម័យ មានការទុកដាក់សំណល់ឱ្យបានត្រឹមត្រូវ កាត់បន្ថយការប្រើប្រាស់ប្លាស្ទិក ការការពារព្រៃឈើ សត្វព្រៃ និងដាំស្តារព្រៃឈើ ដែលជួយបង្កើនចំណូលបន្ថែម តាមរយៈវិស័យអេកូទេសចរណ៍ និងកាត់ផ្តាច់ពីការពឹងអាស្រ័យ លើអនុផលព្រៃឈើ។ ឯកឧត្តម បានលើកឡើងផងដែរថា ក្រសួងបរិស្ថានកន្លងមក…

កំពង់ធំ៖ឯកឧត្តមបណ្ឌិត ជីវ កេង ប្រធានតុលាការកំពូល និងលោក​ជំទាវ ឆាយ ស៊ីណា រួមទាំងក្រុមគ្រួសារ បងប្អូន អញ្ជើញវេន កាន់បិណ្ឌ​វេនទី១២ នៅវត្តឥន្ទ្រីយ៍សំវរ:ហៅវត្តខេត្តកំពង់ធំ  ស្ថិតនៅភូមិក្តី សង្កាត់ព្រៃតាហ៊ូ ក្រុងស្ទឹងសែនកាលពីថ្ងៃទី ២៩ ខែ​កញ្ញា  ឆ្នាំ២០២៤ ។ ក្នុងឱកាសនេះដែរ ឯកឧត្តមបណ្ឌិត ជីវ កេង និងលោកជំទាវរួម​ទាំងបង​ប្អូន​ពុទ្ធបរិស័ទបាននាំយកនូវទេយ្យវត្ថុ ប្រគេនដល់​ព្រះសង្ឃក្នុងវត្ត នោះរួមមាន៖ អង្ករ មី ទឹកបរិសុទ្ធ ទឹកក្រូច និងបច្ច័យសម្រាប់កសាងមួយចំនួនទៀត។ គួរបញ្ជាក់ថា ពិធីបុណ្យកាន់បិណ្ឌភ្ជុំបិណ្ឌ គឺជាពិធីបុណ្យប្រពៃណី​សាសនាដ៏ធំមួយនៅកម្ពុជាដែលប្រារព្ធឡើងចាប់ពីថ្ងៃ១រោច ដល់ថ្ងៃ១៥រោច ខែភទ្របទ៕ដោយ៖ប៊ុន រដ្ឋា

សៀមរាប​៖នៅព្រឹកថ្ងៃចន្ទទី៣០ ខែកញ្ញា ឆ្នាំ២០២៤ ឧត្តមសេនីយ៍ឯក ពៅ ស៊ា អគ្គនាយករង អគ្គ​នាយក​​ដ្ឋានយោធសេវា ក្រសួងការពារជាតិ និងជានាយកមជ្ឈមណ្ឌលអភិវឌ្ឍន៍យោធិនពិការ ៣១៧គូលែន​សៀមរាប និងលោកស្រី លោកនាយករង លោកនាយផ្នែក មេក្រុម យោធិនពិការនិងគ្រួសារ រួមទាំងបងប្អូនប្រជាពុទ្ធបរិស័ទ បានអញ្ជើញ​ចូលរួមកាន់បិណ្ឌវេនទី១៣ នៅវត្តព្រះខ័នសែនជ័យ ស្ថិតនៅភូមិស្នារ​តេជោ៣១៧ សង្កាត់បល្ល័ង្ក ក្រុងរុនតាឯក ខេត្តសៀមរាប  ។  ក្នុងឱកាសនេះលោក ពៅ ស៊ា និងលោកស្រី ព្រមទាំងអស់លោក លោកស្រី បានប្រគេនគ្រឿងឧបភោគបរិភោគដល់ព្រះសង្ឃ​ដែល​គង់ចាំព្រះវស្សាអស់កាលត្រីមាស នៅទីវត្តព្រះខ័នសែនជ័យ នូវគ្រឿងឧបភោគបរិភោគចំនួន១៦មុខ និង បច្ច័យកសាងចំនួន ១លានរៀល  ព្រមទាំបច្ច័យប្រគេនលោកសង្ឃផងដែរ ៕ដោយ៖​ប៊ុន​រដ្ឋា

(ភ្នំពេញ)៖ដូចសព្វមួយដងនៅពេលដល់រដូវកាន់បិណ្ឌ ជិតដល់ថ្ងៃភ្ជុំបិណ្ឌឬភ្ជុំធំពលរដ្ឋខ្មែរនៅតាមទីជនបទ ឬសូម្បីតែទីក្រុងក្តីតែងនាំគ្នាវេចអន្សមជ្រូក អន្សមចេក នំគម នំបត់ នំជាលឬខ្លះហៅតានំមោក ទៅតាមនិយមចូលចិត្តរៀងៗខ្លួនដើម្បីទុកយកទៅវត្តធ្វើបុណ្យ និងចែកជូនញាត្តិកូនចៅបងប្អូនដែលជាទំនៀមទំលាប់អស់កាលដ៏យូរលង់មកហើយរបស់ពលរដ្ឋខ្មែរ។ ការវេចនំអន្សម និងនំផ្សេងៗទៀតនេះគឺ មានដើមកំណើតតាំងពីបរមបុរាណកាលមក ក្នុងប្រវត្តិនំប្រពៃណីខ្មែរ និងត្រូវបានគេឃើញវត្តមាននំមួយប្រភេទនេះនៅក្នុងពិធីបុណ្យប្រពៃណីខ្មែរ ដូចជាបុណ្យចូលឆ្នាំ បុណ្យភ្ជុំបិណ្ឌ ក្នុងពិធីរៀបអាពាហ៍ពិពាហ៍ និងពិធីបុណ្យសាសនាមួយចំនួនទៀត។ ទំនៀមទំលាប់ដ៏ផូរផង់មួយនេះត្រូវបានពលរដ្ឋខ្មែរអនុវត្តតៗគ្នាពីមួយជំនាន់ទៅមួយជំនាន់ ហើយការបង្រៀនពីឪពុកម្តាយដល់កូនចៅគឺបានចេះចងចាំតៗគ្នារៀងរហូតមក។ លោកយាយ អ៊ី គ្រីម រស់នៅ ភូមិតាកោង ឃុំ អមលាំង ស្រុក ថ្ពង ខេត្តកំពង់ស្ពឺ ដែលកំពុងម្នីម្នាវេចនំអន្សមជ្រូកម្នាក់ឯងនៅក្នុងផ្ទះបានប្រាប់ថា បុណ្យភ្ជុំបិណ្ឌឆ្នាំនេះលោកយាយវេចអន្សមជ្រូក បន្តិចបន្តួចទេគឺវេចអង្ករចំនួន១៥កំប៉ុងប៉ុណ្ណោះ សម្រាប់ផ្ញើរឱ្យកូនចៅទុកគ្រាន់យកទៅវត្ត និងបរិភោគដើម្បីកុំឱ្យមើលមាត់គេ។ការវេចអន្សមនេះសំខាន់ណាស់សម្រាប់ថ្ងៃបុណ្យភ្ជុំបិណ្ដ ចូលឆ្នាំថ្មី ពីព្រោះដូនតាខ្មែរយើងរៀងរាល់ថ្ងៃបុណ្យសំខាន់ៗទាំងនេះតែងវេចអន្សមជ្រូក អន្សមចេក នំគម នំបត់មិនដែលខកខានសោះឡើយ។ ស្រ្តីវ័យជិត៧០ឆ្នាំរូបនេះបានឱ្យដឹងដែរថា៖”នំខ្មែរបុរាណយើងនេះសំខាន់ណាស់ ហើយទោះឥឡូវនេះសម្បូរនំបែបណាក៏ដោយគឺមិនស្មើនំខ្មែរយើងទេ។ការវេចនំអន្សមដើមឡើយផ្ទះណាក៏គេធ្វើដែរ ហើយសូម្បីតែបច្ចុប្បន្ននៅតំបន់ភូមិខ្ញុំ នេះគឺគេវេចស្ទើរគ្រប់ផ្ទះទាំងអស់។អ្នកខ្លះទោះរវល់មិនបានវេចក៏គេទិញសម្រាប់យកទៅវត្ត និងខ្លះទៀតទិញសម្រាប់ទុកឱ្យកូនចៅហូបកុំឱ្យមើលមាត់គេ។នំអ្វីក៏មិនស្មើនំអន្សមខ្មែរយើងទេ។វាមានតម្លៃខ្លាំងណាស់នំដូនតាយើងនេះ”។ នៅភូមិទំនាប ឃុំអមលាំង ស្រុកថ្ពងនេះដែរ អ្នកស្រី សាយ គីន បានឱ្យដឹងថាការវេចនំអន្សមជ្រូក អន្សមចេក គឺអ្នកភូមិរស់នៅតំបន់នេះតែងវេចតាមផ្ទះរបស់គេរៀងៗខ្លួន។របៀបរបបការវេចនំនេះគឺអ្នកស្រីបានធ្វើតពីឪពុកម្តាយ ដោយនំទាំងនេះសំខាន់បំផុតយកទៅវត្តធ្វើបុណ្យដល់ជីដូនជីតាដែលបានចែកឋានទៅ។ក្រៅពីនេះ…

(ស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាង រាស្រ្តមណ្ឌលស្វាយរៀង រួមជាមួយក្រុមការងារនិងអាជ្ញាធរដែនដីបានរៀបចំពិធីបុណ្យកាន់ បិណ្ឌវេនទី១៣ នៅវត្តជម្ពូព្រឹក្សា ហៅវត្តថ្មី ស្ថិតក្នុងសង្កាត់សង្ឃ័រ ក្រុងស្វាយរៀង ខេត្ត ស្វាយរៀង ថ្ងៃចន្ទ ១៣រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី៣០ ខែកញ្ញា ឆ្នាំ២០២៤។ ថ្លែងក្នុងឱកាសនោះ សម្តេចកិត្តិសង្គហបណ្ឌិត បាននាំមកនូវបណ្តាំផ្ញើរសួរសុខទុក្ខនឹករលឹក ពរជ័យពីសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត នាយកដ្ឋមន្រ្តី និងលោជំទាវបណ្ឌិត ពេជ ចន្ទមុន្នី ជូនចំពោះប្រជាពលរដ្ឋនៅខេត្តស្វាយរៀង។ សម្តេចកិត្តិសង្គហបណ្ឌិត បានបន្តទៀតថា ក្រោមការដឹកនាំសម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានធ្វើឲ្យប្រទេសកម្ពុជាមានសុខសន្តិភាព និងមានការ អភិវឌ្ឍន៍លើគ្រប់វិស័យ រួមមាន…

(ភ្នំពេញ)៖ “ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា លើកឡើងថា ជាទិដ្ឋភាពច្បាប់ ការបោះបង្គោលព្រំដែនគោក តាមបណ្តោយព្រំដែនកម្ពុជា-វៀតណាម គឺស្របនឹងច្បាប់អន្តរជាតិ និងឧត្តរមានុវត្តន៍អន្តរជាតិពាក់ព័ន្ធនឹងការកំណត់ព្រំដែន”។ អនុវត្តតាមការសម្រេចដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា កាលពីថ្ងៃទី២៩ ខែកញ្ញា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជាបានដឹកនាំមេធាវីជាង ២០០នាក់ ក្នុងដំណើរទស្សនកិច្ចទៅកាន់តំបន់ព្រំដែនកម្ពុជា-វៀតណាម(ខេត្តត្បូងឃ្មុំ និងខេត្តក្រចេះ) ដែលមានគោលបំណងពិនិត្យព្រំដែនរវាងប្រទេសកម្ពុជា-វៀតណាមក្នុងខេត្តត្បូងឃ្មុំ និងខេត្តក្រចេះ និងផ្តល់ឱកាសដល់បងប្អូនសហភាតាទាំងអស់បានឃើញដោយផ្ទាល់នូវការអភិវឌ្ឍជាក់ស្តែងនូវការកសាងហេដ្ឋារចនាសម្ព័ន្ធផ្លូវក្រវាត់ព្រំដែន ការបោះបង្គោលព្រំដែន និងការអភិវឌ្ឍជារួមរបស់ប្រជាពលរដ្ឋក្នុងខេត្តត្បូងឃ្មុំតាមបណ្តោយព្រំដែនកម្ពុជា-វៀតណាម។ ជាលទ្ធផលដោយផ្អែកទៅលើឯកសារច្បាប់ និងការពន្យល់បង្ហាញដោយក្រុមអ្នកជំនាញរបស់រដ្ឋលេខាធិការដ្ឋានកិច្ចការព្រំដែន និងការពិនិត្យជាក់ស្តែងរបស់ទីតាំងបង្គោលព្រំដែនផ្ទាល់ ឯកឧត្តម លី ច័ន្ទតុលា ក៏ដូចជាគណៈប្រតិភូបានលើកឡើងថា ការបោះបង្គោលព្រំដែនគោក តាមបណ្តោយព្រំដែនកម្ពុជា-វៀតណាម គឺមានលក្ខណៈត្រឹមត្រូវស្របទៅតាមច្បាប់អន្តរជាតិ និងឧត្តរមានុវត្តន៍អន្តរជាតិលើវិស័យកំណត់ព្រំដែន។ ឯកឧត្តម លី ច័ន្ទតុលា និងគណៈប្រតិភូបានធ្វើការកត់សម្គាល់ផងដែរអំពីការអភិវឌ្ឍនៅតាមតំបន់ព្រំដែននៅក្នុងខេត្តត្បូងឃ្មុំ និងខេត្តក្រចេះតាមរយៈការតាំងទីលំនៅរបស់ប្រជាពលរដ្ឋក៏ដូចជាការរៀបចំផ្លូវខ្សែក្រវាត់ព្រំដែនបានយ៉ាងស្អាតដែលបង្ករលក្ខណៈងាយស្រួលក្នុងការធ្វើដំណើរ។ ជាចុងក្រោយគណៈមេធាវីនៃព្រះរាជាណាចក្រកម្ពុជា សូមអំពាវនាវទៅកាន់បងប្អូនប្រជាពលរដ្ឋចូលរួមមកធ្វើការទស្សនានៅតាមតំបន់ព្រំដែននេះតាមរយៈទស្សនកិច្ចផ្លូវការរបស់យន្តការរាជរដ្ឋាភិបាលឬតាមរយៈការធ្វើដំណើរមកផ្ទាល់ខ្លួនដែលទេសភាពនារដូវវស្សានៅតាមតំបន់ព្រំដែនមានលក្ខណៈល្អស្អាត និងមានសុវត្ថិភាព៕ ដោយ ៖ ង៉ាន់ ទិត្យ

(កំពង់ធំ)៖ ថ្លែងក្នុងឱកាសផ្តល់ប័ណ្ណសរសើរដល់សិស្សប្រឡងជាប់មធ្យមសិក្សា​បឋមភូមិ និន្ទេសល្អ ល្អបង្គួរ សិស្សចំណាត់ថ្នាក់ប្រចាំឆ្នាំលេខ១ ដល់លេខ៥ និងបិទបញ្ចប់ឆ្នាំសិក្សា ២០២៣-២០២៤ នៅអនុវិទ្យាល័យ ព្រៃព្រាល ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ នាថ្ងៃទី២៧ ខែកញ្ញា ឆ្នាំ២០២៤ លោកឧកញ៉ា តាន់ មុន្នី អនុប្រធានសភាពាណិជ្ជកម្មមណ្ឌលខេត្តកំពង់ធំ-ព្រះវិហារ បានលើកឡើងថា វិស័យអប់រំ ដើរតួយ៉ាងសំខាន់ក្នុងការបណ្ដុះបណ្ដាលធនធានមនុស្ស​ប្រកបដោយគុណភាព និងប្រសិទ្ធភាពខ្ពស់ ។ លោកឧកញ៉ា តាន់ មុន្នី បានរំលឹកកុមារភាពដល់សិស្សានុសិស្ស ឱ្យបានយល់ពីភាពតស៊ូ​រៀនសូត្រ ស្គាល់ពីតម្លៃនៃការសិក្សា ហើយត្រូវខិតខំរៀនសូត្រ ដើម្បីអនាគតរបស់ខ្លួន និងត្រូវចេះរៀបចំផែនការគោលដៅអនាគត ក្រោយបញ្ចប់ការសិក្សាបឋមភូមិនេះ, ថាតើគួរជ្រើសរើសរៀនផ្នែកអ្វី ដែលខ្លួនស្រឡាញ់ និងចូលចិត្ត ជៀសវាងការខាតបង់ប្រាក់កាស និងពេលវេលា។ សូមសិស្សានុសិស្សទាំងអស់ ចូលរួមគោរពច្បាប់ចរាចរណ៍ផ្លូវគោកទាំងអស់គ្នា ចៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញខ្លួនឯង គ្រួសារ និងសង្គមជាតិទាំងមូល ។ សូមបញ្ជាក់ថា សម្រាប់សិស្សានុសិស្ស ដែលត្រូវបានទទួលប័ណ្ណសរសើរមានចំនួន ៣៨នាក់ ចាប់ពីថ្នាក់ទី៧ ដល់ទី៩ ក្នុងម្នាក់ទទួលបានសៀវភៅ ០២ក្បាល ប៊ិច០២ដើម…

(ភ្នំពេញ)៖ លោកជំទាវ ខៀវ ស៊ីណា ជា ចាន់តូ តំណាងឯកឧត្តម ជា ចាន់តូ ទេសា ភិបាលកិត្តិយសធនាគារជាតិនៃកម្ពុជា ក្រុមគ្រួសារ ព្រមទាំងទេសាភិបាលរង បុគ្គលិក មន្ត្រីធនាគារជាតិ នៃកម្ពុជា និងពុទ្ធបរិស័ទជិតឆ្ងាយ បានអញ្ជើញក្នុងពិធី កាន់បិណ្ឌ វេនទី១០ និងចាត់ចែងចង្ហាន់ប្រគេនព្រះសង្ឃ នៅវត្តឧណ្ណាឡោម ស្ថិតក្នុងខណ្ឌ ដូនពេញ រាជធានីភ្នំពេញ នាថ្ងៃទី២៧ ខែកញ្ញា ឆ្នាំ២០២៤ ។ បុណ្យប្រពៃណីជាតិដ៏ធំនេះ ប្រជាពុទ្ធបរិស័ទនៅទូទាំងប្រទេស គោរពប្រតិបត្តិ ទំនៀមទំលាប់ ប្រកាន់ភ្ជាប់ប្រពៃណី ព្រះពុទ្ធសាសនា ហើយតែងតែធ្វើបុណ្យធ្វើទាន នៅគ្រប់រដូវកាល នៃពិធីបុណ្យនីមួយៗ ជារៀងរាល់ឆ្នាំ ដើម្បីឧទ្ទិសកុសល ផលបុណ្យ ជូនដល់ដួងវិញ្ញាណក្ខន្ធញាតិការទាំង ៧សណ្តាន រួមមាន៖ មាតា បិតា ជីដូន ជីតា បងប្អូនកូនចៅ គ្រូឧជ្ឈាយាចារ្យ បុព្វការីជន-បុព្វបុរសជាតិ និងបងប្អូនជនរួមជាតិទាំង ឡាយ ដែលបានលាចាកលោកនេះ ទៅកាន់លោកខាងមុខ…