(កំពង់ធំ)៖ រយៈពេល ៧៥ឆ្នាំមកនេះ គណបក្សប្រជា ជន​​កម្ពុជា បានដឹកនាំប្រទេសជាតិ ឆ្លងកាត់ឧបសគ្គ និង​ការលំបាកជាច្រើនរាប់មិនអស់ ព្រមទាំងថ្មីៗនេះ ការ​ខិត​ខំប្រឹងប្រែង ក្នុងការដោះស្រាយបញ្ហាព្រំដែនកម្ពុជា-ថៃ ថែមទៀតផង ដោយគណបក្សប្រជាជនកម្ពុជា មិន​រត់​ចោលប្រជាជនឡើយ យើងនឹងនៅរួមសុខរួមទុក្ខ និង​យកប្រជាជនជាធំ ។ ក្នុងឱកាសម្ពោធស្នាក់ការគណបក្សឃុំតាំងក្រសៅ ដែល​ចំណាយទឹកប្រាក់ជិត ៩ម៉ឺនដុល្លារ និងដាក់ឱ្យ​ប្រើ​ប្រា​ស់​ផ្លូវបេតុង ១ខ្សែ ប្រវែង ១៦០ម៉ែត្រ ទទឹង ៤,៦ម៉ែត្រ នៅអនុវិទ្យាល័យ ហ៊ុន សែន ព្រៃក្តី ឃុំតាំងក្រសៅ ស្រុក​ប្រាសាទសំបូរ ខេត្តកំពង់ធំ នាថ្ងៃទី២៣ ខែវិច្ឆិកា ឆ្នាំ២០២៥ លោកជំទាវបណ្ឌិត ជា សិរី សមាជិកគណៈ​អចិន្ត្រៃ​យ៍ នៃគណៈកម្មាធិការកណ្តាលគណបក្សប្រ​ជា​ជនកម្ពុជា និងជាប្រធានក្រុមការងារគណបក្ស​ចុះមូល​ដ្ឋានស្រុកប្រាសាទសំបូរ បានថ្លែងថា គណបក្សប្រជា​ជន​កម្ពុជា មានភាពរឹងមាំមកដល់សព្វថ្ងៃ គឺមានកត្តា​ចូលរួមជា​ច្រើន ខណៈពិធីសម្ពោធអគារទីស្នាក់ការ​បក្ស​ថ្មីពេល​នេះ បានបង្ហាញពីភាពរឹងមាំនៃគណបក្ស ឆ្លុះ​បញ្ចាំងពី​ស្មារតីសាមគ្គីភាព និងឯកភាពផ្ទៃក្នុងបក្ស ។ ជាមួយគ្នានេះ លោកជំទាវ ជា សិរី…

(ភ្នំពេញ)៖ ក្រុមការងារជំរុញការវិនិយោគក្នុងភូមិភាគ​ឦសាន ដឹកនាំដោយ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្ត្រី ប្រធាន​ក្រុម​ការងារជំរុញការវិនិយោគក្នុងភូមិភាគឦសាន កាល​ពីថ្ងៃទី ២១ ដល់ថ្ងៃទី ២៣ ខែ វិច្ឆិកា ឆ្នាំ ២០២៥ បាន​ចុះទៅខេត្តទាំង ៤ នៅភូមិភាគឦសាន ដើម្បីជួប​សំ​ណេះ​សំណាល ពិភាក្សាអំពីទិសដៅ និង យន្តការអនុ​វត្ត​កម្មវិធីពិសេសជំរុញការវិនិយោគក្នុងខេត្តទាំង​បួន​នៅភូមិភាគឦសាន នៃព្រះរាជាណាចក្រកម្ពុជា ឆ្នាំ ២០២៥-២០២៨ ជាមួយរដ្ឋបាលខេត្តរតនគិរី ខេត្តស្ទឹងត្រែង និង ខេត្តក្រចេះ បន្ទាប់ពីបានជួបផ្ទាល់​ជាមួយអភិបាលខេត្តមណ្ឌលគិរី កាលពីថ្ងៃទី ២០ ខែ វិច្ឆិកា កន្លងទៅ ។ ឯកឧត្តមបណ្ឌិតសភាចារ្យ បានរំលេចថា ការអនុវត្តកម្ម​វិធី​ពិសេសជំរុញការវិនិយោគក្នុងខេត្តទាំងបួន​នៅភូមិ​ភាគ​ឦសាន នៃព្រះរាជាណាចក្រកម្ពុជា ឆ្នាំ២០២៥​-២០២៨ ផ្តោតសំខាន់លើ ១). វិស័យកសិកកម្ម ដែលរួមបញ្ចូលទាំងការជំរុញការប្រើប្រាស់ដីធ្លី ឱ្យអស់សក្តានុពល, ២). វិស័យកសិ-ឧស្សាហកម្ម ដែលផ្តោតលើការលើកកម្ពស់ការកែច្នៃកសិផលក្នុងស្រុក ឱ្យមានតម្លៃបន្ថែមខ្ពស់ និង ៣). វិស័យ ទេសចរណ៍…

ភ្នំពេញ៖ឯកឧត្ដមឧបនាយករដ្ឋមន្ត្រី ប្រាក់ សុខុន រដ្ឋមន្រ្តីក្រសួងការបរទេសនិងសហប្រតិបត្តិការអន្តរជាតិ​នឹងអញ្ជើញ​បំពេញទស្សនកិច្ចផ្លូវការនៅសាធារណរដ្ឋប្រជាធិប​តេយ្យ​ប្រជាមានិតឡាវ និងធ្វើជាសហប្រធាននៃកិច្ចប្រជុំលើកទី១៥ នៃគណៈកម្មការចម្រុះសម្រាប់កិច្ចសហ​ប្រតិ​​បត្តិការទ្វេភាគី រវាងកម្ពុជា និងឡាវ ក្នុងសប្ដាហ៍នេះ។ ក្រសួងការបរទេសបានប្រកាសឱ្យដឹងនៅរសៀលថ្ងៃទី២៤ ខែវិច្ឆិកា ឆ្នាំ២០២៥នេះថាតបតាមការអញ្ជើញរបស់​ឯកឧត្តម ថងសាវណ្ណ ភុមវិហាន រដ្ឋមន្ត្រីការបរទេស នៃសាធារណរដ្ឋប្រជាធិបតេយ្យប្រជាមានិត​ឡាវ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា នឹងអញ្ជើញ​ទៅបំពេញទស្សនកិច្ចផ្លូវការ នៅសាធារណរដ្ឋប្រជាធិបតេយ្យប្រជាមានិតឡាវ និងធ្វើជាសហប្រធាន នៃកិច្ចប្រជុំលើក​ទី១៥ នៃគណៈកម្មការចម្រុះសម្រាប់កិច្ចសហប្រតិបត្តិការទ្វេភាគី រវាងកម្ពុជា និងឡាវ នៅទីក្រុងវៀងចន្ទន៍ពីថ្ងៃទី២៦ ដល់ថ្ងៃទី២៨ ខែវិច្ឆិកា ឆ្នាំ២០២៥។ ក្នុងអំឡុងពេលនៃទស្សនកិច្ចនេះឯកឧត្តម ប្រាក់ សុខុន ក៏នឹងអញ្ជើញជួបសម្តែងការគួរសមចំពោះឯកឧត្តមបណ្ឌិត ថងលុន ស៊ីសុលីត ប្រធានាធិបតី និងឯកឧត្តមបណ្ឌិត សនស ស៊ីផាន់ដននាយករដ្ឋមន្ត្រី នៃសាធារណរដ្ឋប្រជា​ធិបតេយ្យប្រជាមានិតឡាវ។ ក្រសួងការបរទេសបញ្ជាក់ថា ដំណើរទស្សនកិច្ចផ្លូវការនេះ បញ្ជាក់ជាថ្មីនូវទំនាក់ទំនងមិត្តភាព និងសាមគ្គីភាពដ៏យូរ​អង្វែងរវាងប្រទេសទាំងពីរដែលបង្ហាញពីការប្តេជ្ញាចិត្តរួមនៃប្រជាជាតិទាំងពីរ ក្នុងការធ្វើឱ្យកាន់តែស៊ីជម្រៅនូវចំណងមិត្តភាពជាប្រពៃណី ភាពជាអ្នកជិតខាងល្អ និងកិច្ចសហប្រតិបត្តិការពហុវិស័យ៕ ដោយ៖មុនី

(ភ្នំពេញ)៖ ឯកឧត្តមរដ្ឋមន្រ្តី អ៊ាង សុផល្លែត មានប្រសា​ស​ន៍​លើកឡើងថា គម្រោងសំខាន់ៗចំនួន៦ ត្រូវបាន​ទទួល​ការគាំទ្រពីអង្គការសហប្រជាជាតិ និងដៃគូ​អភិ​វឌ្ឍ​ធ្វើឱ្យប្រសើរឡើងនូវភាពស្អាត ភាពបៃតង កាត់​បន្ថយការប្រែប្រួលអាកាសធាតុ និងការរស់នៅប្រកប​ដោយចិរភាព។  គម្រោងទាំង៦ ដែលទទួលបានការគាំទ្រនោះរួមមាន ៖១. កម្មវិធីចីរភាពបឹងទន្លេសាបសម្រាប់អនុវត្តរយៈ​ពេល ២៥ឆ្នាំ រហូតដល់ឆ្នាំ២០៥០ ដោយផ្តោតលើសុខភាព​នៃបឹងសាប ការការពារបរិស្ថានទប់ស្កាត់ការបំពុល ការ​បង្កើននូវជីវចម្រុះ និងមច្ឆាជាតិ និងការបង្កើនជីវភាព​ស​ហ​គមន៍មូលដ្ឋានដែលធន់ការប្រែប្រួលអាកាសធាតុ។ ២. គម្រោងរៀបចំកោះស្រឡៅ ក្នុងភូមិសាស្ត្រ​ខេត្ត​កោះ​កុ​ង ឱ្យក្លាយជាកោះអព្យាក្រិតកាបូន និងជា​កោះ​ដែលល្អជាងគេបំផុតនៅអាស៊ី ។ ៣. គម្រោងអភិរក្សពូជក្តាមតំបន់ឆ្នេរក្នុងភូមិសាស្រ្ត​ស្រុក​ស្រែអំបិល ខេត្តកោះកុង ។ ៤. គម្រោងអភិវឌ្ឍន៍តំបន់ខ្នងផ្សារ ខេត្តកំពង់ស្ពឺ ស្រប​តាមប្រសាសន៍ដឹកនាំដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រ​កម្ពុជា ដើម្បីផ្តល់ជូនសហគមន៍មានការអភិវឌ្ឍ​ជីវភាព​ឱ្យកាន់តែប្រសើរ និងចូលរួមការពារនិងអភិរក្សធនធាន​ធម្មជាតិប្រកបដោយចីរភាព ។ ៥. គម្រោងអភិវឌ្ឍន៍តំបន់ទេទឹកពុះ នៅខេត្តកំពង់ស្ពឺ ដើម្បីប្រែក្លាយឱ្យទៅជាសហគមន៍អព្យាក្រឹតកាបូន និង​ផ្តល់ប្រយោជន៍ផ្ទាល់ដល់​ប្រជាពលរដ្ឋ​នៅក្នុង​មូល​ដ្ឋាន ពីគម្រោង​សម្រាប់​ការបង្កើនជីវភាព​កាន់តែ​ប្រសើរ។  ៦. កម្ពុជាទទួលបានគម្រោងអភិវឌ្ឍន៍​ក្នុងទឹកប្រាក់​ប្រ​មា​ណ ៤លានដុល្លារ សម្រាប់ការកាត់បន្ថយការ​សាយ​ភាយកាបូនខ្មៅ ចូលរួមក្នុងការឆ្លើយតបនឹង​ការប្រែ​ប្រួ​ល​អាកាសធាតុ ដែលជាបញ្ហាសកល។ ប្រសាសន៍ ឯកឧត្តមបណ្ឌិត…

(ភ្នំពេញ)៖ សម្ដេចនាយករដ្ឋមន្ត្រី ហ៊ុន ម៉ាណែត បានអបអរសាទរ និងស្វាគមន៍រតនវត្ថុសិល្បៈខ្មែរ មាតុភូមិនិវត្តន៍មកកម្ពុជាវិញ ពីប្រទេសហុងគ្រី ។ នេះបើតាមបណ្ដាញសង្គមសម្ដេចធិបតី ដែលបាន​បង្ហោះនាព្រឹកថ្ងៃសុក្រ ទី២១ វិច្ឆិកា ឆ្នាំ២០២៥ ។ សម្ដេច ហ៊ុន ម៉ាណែត បានបញ្ជាក់ថា អនុវត្តតាម​គោលការណ៍ដ៏ហ្មត់ចត់របស់រាជរដ្ឋាភិបាល ក្នុង​នាម​ជាសេនាធិការផ្ទាល់ក្រសួងវប្បធម៌ និងវិចិត្រ​សិល្បៈ បានខិតខំប្រឹងប្រែងចរចាជាមួយលោក István Zelnik ជនជាតិហុងគ្រី និងរដ្ឋាភិបាល​ហុង​គ្រី ដើម្បីនាំយករតនវត្ថុសិល្ប:ខ្មែរ​ត្រឡប់​មកកាន់មាតុភូមិវិញ ។ រតនវត្ថុសិល្បៈខ្មែរ រួមមាន៖ វាយនភណ្ឌសូត្រខ្មែរ ចំនួន ១៨៣ផ្ទាំង និងវត្ថុសម័យបុរេប្រវត្តិសាស្ត្រ ដូចជា៖ កាក់ អង្កាំ គ្រឿងអលង្ការ និងវត្ថុប្រើ​ប្រា​ស់​​​ធ្វើពីលោហធាតុមានតម្លៃ សំរិទ្ធ ថ្ម និងដីដុត ព្រមទាំងសមុច្ច័យសំខាន់ៗ ដូចជា៖ វត្ថុធ្វើអំពីថ្ម និងសំរិទ្ធ ក្នុងសម័យមុនអង្គរ និងសម័យអង្គរ គឺសុទ្ធ​សឹងជាកេរតំណែលពីបុព្វបុរសខ្មែរសម្រាប់​កូនចៅជំនាន់ក្រោយ ដោយប្រៀបបាននឹងការវិល​ត្រឡប់នូវព្រលឹងដូនតាខ្មែរ។ យោងតាមសេចក្តីប្រកាសព័ត៌មានរបស់ក្រសួងវប្បធម៌និងវិចិត្រសិល្បៈ ដែលទទួលបាននាថ្ងៃទី ២០វិច្ឆិកា បានឱ្យដឹងថា…

ភ្នំពេញ៖ឯកឧត្តម ទេព អស្នារិទ្ធ អនុរដ្ឋលេខាធិការនិងអ្នកនាំពាក្យក្រសួងព័ត៌មានបានបញ្ជាក់នៅថ្ងៃទី២០ ខែវិច្ឆិកា ឆ្នាំ២០២៥នេះថា កម្ពុជាលើកកម្ពស់សារៈសំខាន់នៃព័ត៌មានស្ថិតិសម្រាប់ការគ្រប់គ្រងលើគ្រប់វិស័យ។ ប្រារព្ធប្រាំឆ្នាំម្តង ទិវាស្ថិតិពិភពលោកឆ្នាំ២០២៥ បានផ្តល់ឱកាសសម្រាប់រាជរដ្ឋាភិបាល ក្រសួង ស្ថាប័ន តួអង្គទាំងអស់ដើម្បីផ្សព្វផ្សាយបង្កើនការយល់ដឹងអំពីសារៈសំខាន់នៃទិន្នន័យ និងព័ត៌មានស្ថិតិ ដោយបរិយាបន្ន គ្រប់ជ្រុងជ្រោយ រាប់បញ្ចូលទាំងព័ត៌មានបានមកពីការសិក្សាស្រាវជ្រាវបែបវិទ្យាសាស្ត្រ សម្រាប់ការអភិវឌ្ឍ។ ក្នុងបរិបទនេះ របាយការណ៍ស្តីពីស្ថានភាពសេរីភាពសារព័ត៌មាន ឆ្នាំ២០២៤ និង ២០២៥ ជាមូលដ្ឋានគ្រឹះមួយដ៏ចាំបាច់ សម្រាប់ការអភិវឌ្ឍវិស័យព័ត៌មាននិងសោតទស្សន៍កម្ពុជា។ ការអធិប្បាយរបស់ឯកឧត្តម ទេព អស្នារិទ្ធ ស្របគ្នាជាមួយនឹងឆ្នាំដែលពិភពលោកប្រារព្ធទិវាស្ថិតិពិភពលោកដែលត្រូវបានប្រារព្ធប្រាំឆ្នាំម្តង។ ឯកឧត្តមបានពន្យល់ថា របាយការណ៍នេះបានផ្តល់ព័ត៌មានស្ថិតិបែបវិទ្យាសាស្ត្រ ដែលមានសារៈសំខាន់ចាំបាច់ សម្រាប់គាំទ្រដល់ការធ្វើការសម្រេចចិត្ត ការរៀបចំគោលនយោបាយនិងយន្តការការងារ ជាមួយការកំណត់គោលដៅត្រឹមត្រូវ និងមានប្រសិទ្ធភាពឆ្លើយតបនឹងតម្រូវការជាក់ស្តែង ដើម្បីលើកកម្ពស់តម្លាភាព គណនេយ្យភាព និងភាពជឿជាក់មកលើការដឹកនាំ។ សំដៅលើរបាយការណ៍ស្តីពីស្ថានភាពសេរីភាពសារព័ត៌មានឆ្នាំ២០២៤និង២០២៥វិញអ្នកនាំពាក្យក្រសួងព័ត៌មានបានបញ្ជាក់ថា សុទ្ធសឹងជាលទ្ធផលស្តែងចេញពីការសិក្សាដែលមានលក្ខណៈបរិយាប័ន្ន គ្រប់ជ្រុងជ្រោយនិងផ្តល់ទំនុកចិត្តខ្ពស់។«ការសិក្សានេះបានប្រើវិធីសាស្ត្របែបវិទ្យាសាស្ត្រដែលពិភពលោក​ទទួលស្គាល់ ក្នុងនោះវិធីសាស្ត្រស្រាវជ្រាវឯកសារ(Desk Review), ការស្ទង់មតិឯករាជ្យ ដោយវិធីស្ទង់មតិចៃដន្យ(Random Sampling) ក្នុងចំណោមប្រតិបត្តិករនៃវិស័យសារព័ត៌មាននៅក្នុង ២៥រាជធានី-ខេត្ត និងការដាក់បញ្ចូលទស្សនៈ មតិយោបល់ចម្រុះរបស់ឥស្សរជនក្នុងវិស័យព័ត៌មានរួមមាន៖ មន្ត្រីជាន់ខ្ពស់រាជរដ្ឋាភិបាល ប្រធានសមាគមអ្នកសារព័ត៌មាន ភ្នាក់ងារសារព័ត៌មានជាតិនិងបរទេស សារព័ត៌មានសហគមន៍…

(ភ្នំពេញ)៖ រដ្ឋមន្រ្តីក្រសួងបរិស្ថាន ឯកឧត្តម អ៊ាង សុផល្លែត បានបញ្ជាក់ឱ្យដឹងថា៖រាជរដ្ឋាភិបាល​កម្ពុជាបានអនុញ្ញាតឱ្យក្រសួងបរិស្ថានរៀបចំកម្មវិធីចីរភាពនៃបឹងទន្លេសាបសម្រាប់អនុវត្តរយៈពេល២៥ឆ្នាំ រហូតដល់ឆ្នាំ២០៥០ ដោយផ្តោតលើ​សុខភាព នៃបឹងសាប ការការពារបរិស្ថាន​ទប់ស្កាត់​ការបំពុល ការបង្កើននូវជីវចម្រុះ និងបច្ឆាជាតិ និង​ការបង្កើនជីវភាពសហគមន៍មូលដ្ឋានដែលធន នឹង​ការប្រែប្រួលអាកាសធាតុ។ គួរបញ្ជាក់ថា ការលើកឡើងពីសំណាក់ រដ្ឋមន្រ្តី​ក្រសួង​បរិស្ថាននេះ ធ្វើឡើងនៅក្នុងពេលចូលរួម​សន្និសីទបណ្តាភាគីលើកទី៣០ នៅទីក្រុង ប៊ែឡឹម ប្រទេសប្រេស៊ីល នាដើមសប្តាហ៍នេះបាន ទទួលជួបជាមួយលោកស្រី Mathilde Laurans នាយករងប្រតិបត្តមូលនិធិសម្រាប់ការឆ្លើយតបការបាត់បង់ និងការខូចខាត (Fund for Responding to Loss and Damage-FRLD)និងសហការី និងតំណាង GGGI ៕ ដោយ ៖ ង៉ាន់ ទិត្យ

(កែប)៖ ខ្មែរមានតំបន់ឆ្នេរសមុទ្រស្អាតៗជាច្រើន ក្នុងការទាក់ទាញទេសចរណ៍ជាតិ និងអន្តរជាតិ ចំណុចសក្តានុពលទាំងអស់នេះហើយធ្វើឱ្យមានការចាប់អារម្មណ៍ពីអ្នកទេសចរណ៍។ បើតាម ឯកឧត្ដមឧបនាយករដ្ឋមន្រ្តី សាយ សំអាល់ បាន​បញ្ជាក់ថា គណៈកម្មាធិការជាតិគ្រប់គ្រង និង​អភិ​វឌ្ឍតំបន់ឆ្នេរសមុទ្រកម្ពុជា បានប្រើ​ប្រាស់​តួនាទី​របស់ខ្លួន ដើម្បីប្រែក្លាយតំបន់​ឆ្នេរសមុទ្រកម្ពុជា ឱ្យក្លាយទៅជារបៀងសេដ្ឋកិច្ចមួយដ៏រឹងមាំ។ រឹងមាំ​ក៏ព្រោះ លក្ខណៈអំណោយផលពីទីតាំង​ភូមិ​សាស្ត្រ ពីធម្មជាតិ និងជាចំណុចទាក់ទាញ់​ដ៏មាន​ប្រជាប្រិយភាព។ ឯកឧត្ដមឧបនាយករដ្ឋមន្រ្តី សាយ សំអាល់ សង្កត់​ធ្ងន់​ថា កិច្ចការគ្រប់គ្រងនិងអភិវឌ្ឍន៍​តំបន់ឆ្នេរ​សមុ​ទ្រ សំខាន់គឺឆ្នេរស្អាត ហើយត្រូវយកចិត្តទុកដាក់​លើ​ការបង្កើតចរន្តសេដ្ឋកិច្ច និងលើកកម្ពស់​ជីវភាព​រស់​នៅរបស់ប្រជាពលរដ្ឋឱ្យប្រសើរឡើង ដោយបំផុសគំនិតឲ្យមានការឯកភាពគ្នា ផ្ដល់​មតិយោបល់ដើម្បីកែលម្អរ។ ឯកឧត្តមថា ឆ្នេរ​សមុទ្រកម្ពុជា គួរក្លាយជារបៀងសេដ្ឋកិច្ច ដែល​ទ្រទ្រង់ជីវភាពពលរដ្ឋ ត គ្រប់ជំនាន់ ដោយ​បង្កើត​ការងារធ្វើ ព្រោះពេលវេលានេះ សមស្រប សម្រា​ប់​រៀបចំសមុទ្រឱ្យមានដំណើរការល្អប្រសើរ។ ជាយុទ្ធសាស្ត្រ ក្នុងនាមតំណាងដ៏ខ្ពស់ខ្ពស់​សម្តេច​មហាបវរធិបតី ហ៊ុន ម៉ាណែត ឯកឧត្តម ស្នើឱ្យ​មាន​ការគ្រប់គ្រង និងអភិវឌ្ឍន៍តំបន់ឆ្នេរ គឺត្រូវ​ខិត​ខំថែរក្សាសន្តិភាព និងស្ថេរភាពនយោបាយ ដែល​ជាកត្តាគន្លឹះមិនអាចខ្វះបាន អាជ្ញាធរមូលដ្ឋាន​ស្រុកឃុំ និងមន្ទីរជំនាញត្រូវរៀបចំ​កសាង​ហេដ្ឋា​រចនាសម្ព័ន្ធ ផ្លូវថ្នល់ ស្ពាន ដោយដាំដើមឈើលំអ រៀបចំប្លង់គោលនៃការប្រើប្រាស់ដី…

(ក្រចេះ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យ ឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា និង ឯកឧត្តម វ៉ា ថន ប្រធានគណៈកម្មាធិការសាខាកាក​បាទក្រហមកម្ពុជា ខេត្តក្រចេះ ចុះសួរសុខទុក្ខ និងផ្តល់​អំណោយមនុស្សធម៌ជូនប្រជាជនងាយរងគ្រោះបំផុតចំនួន ៩១០គ្រួសារ រស់នៅស្រុកអូរគ្រៀងសែនជ័យ និង​ស្រុក​​សំបូរ ខេត្តក្រចេះ នៅថ្ងៃទី១៨ ខែវិច្ឆិកា ឆ្នាំ​២០២៥ ក្នុងនោះទីតាំងទី១ នៅភូមិអូរគ្រៀង ឃុំអូរ​គ្រៀង ចំនួន ៤៥០​គ្រួសារ មកពីឃុំចំនួន៥ នៃស្រុក​អូរគ្រៀង​សែន​ជ័យ និងទីតាំងទី២ នៅភូមិសំបូរ ឃុំសំបូរចំនួន ៤៦០គ្រួសារ មកពីឃុំចំនួន៦ នៃស្រុកសំបូរ ។ ឯកឧត្តមអគ្គលេខាធិការរងទី២ បាននាំនូវព្រះរាជសវនី​យ៍​​របស់ សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា និងការផ្តាំ​ផ្ញេីពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនបង​ប្អូន​ប្រជាជនទាំងអស់ សូមយកចិត្តទុកដាក់ថែទាំសុខ​ភាពឱ្យបានល្អ ដោយត្រូវមានអានាម័យជាប់ជានិច្ច ពិសាទឹកដាំពុះ ដើម្បីជៀសផុតពីជំងឺមិនឆ្លង…