(ភ្នំពេញ)៖ ឯកអគ្គរដ្ឋទូតអូទ្រីស បានគូសបញ្ជាក់ថា ទំនាក់ទំនងពាណិជ្ជកម្មរវាងអូទ្រីស និងកម្ពុជា នឹងមាន​ការកើនឡើង ខណៈអ្នកវិនិយោគរបស់អូទ្រីស នឹងមក​ទស្សនកិច្ចដើម្បីស្វែងរកឱកាសវិនិយោគនៅកម្ពុជា នា​ខែ​​ក្រោយនេះ ។ នេះបើតាមឯកឧត្តម ជា ធីរិទ្ធ អ្នក​នាំ​ពាក្យ​ព្រឹទ្ធសភា បានប្រាប់អ្នកយកព័ត៌មាននៅក្រោយ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធ​សភា​ នៃព្រះរាជាណាចក្រកម្ពុជា អនុញ្ញាតឱ្យឯកឧត្តម Wehelm Maximilian Donko ឯកអគ្គរដ្ឋទូត នៃសា​ធា​រណរដ្ឋអូទ្រីសប្រចាំព្រះរាជាណាចក្រកម្ពុជា ចូលជួប​សម្ដែងការគួរសម និងជម្រាបលា នៅវិមានព្រឹទ្ធសភា នាព្រឹកថ្ងៃទី១៨ ខែវិច្ឆិកា ឆ្នាំ២០២៥ ។ អ្នកនាំពាក្យព្រឹទ្ធសភា បានឱ្យដឹងថា នៅក្នុងជំនួបនោះ សម្ដេចតេជោ ហ៊ុន សែន បានវាយតម្លៃខ្ពស់ចំពោះ​តួនា​ទី​របស់ឯកឧត្តមឯកអគ្គរដ្ឋទូត ក្នុងពេលបំពេញបេស​ក​កម្ម​ការងារ ថ្វីត្បិតតែពេលនេះ ឯកឧត្តមបានផុតអាណត្តិ​ក៏ពិតមែន ប៉ុន្តែ បេសកកម្មរបស់ឯកឧត្តមឯកអគ្គរដ្ឋទូត បានចូលរួមចំណាយយ៉ាងសំខាន់នៅក្នុងការអភិវឌ្ឍទំនាក់ទំនងរវាងកម្ពុជា និងអូទ្រីស ។ ឯកឧត្តមឯកអគ្គរដ្ឋទូតអូទ្រីស បានបញ្ជាក់អំពីទំនាក់​ទំនង​ដ៏ល្អរវាងកម្ពុជា និងអូទ្រីស នាពេលកន្លងមក ហើយ​បច្ចុប្បន្នកំពុងតែពង្រីកបន្ថែមទៀត ក្នុងនោះ ឯកឧត្តម…

(ភ្នំពេញ)៖ ថ្នាក់ដឹកនាំ និងមន្ត្រីរាជការគ្រប់ជាន់ថ្នាក់ នៃក្រសួងប្រៃសណីយ៍និងទូរគមនាគមន៍ សូមបួង​សួង​ដល់វត្ថុស័ក្តិសិទ្ធិ និងទេវតាឆ្នាំថ្មី តាមបីបាច់ថែរក្សា ប្រសិទ្ធិពរជ័យ សិរីមង្គល បវរមហាប្រសើរ ជូនចំពោះ សម្តេចមហារដ្ឋសភាធិការធិបតី ឃួន សុដារី ប្រធាន​រដ្ឋសភានៃព្រះរាជាណាចក្រកម្ពុជា ក្នុងឱកាសចម្រើន​ជន្មាយុគម្រប់ ៧៣ឆ្នាំ ឈានចូល ៧៤ឆ្នាំ សូម សម្តេច​មហារដ្ឋសភាធិការធិបតី ទទួលបាននូវសុខភាពល្អ​បរិ​បូរណ៍ សិរីមង្គល វិបុលសុខ មហាប្រសើរគ្រប់ប្រការ​កាយ​ពល​មាំមួន ជន្មាយុយឺនយូរ និងជួបប្រទះតែពុទ្ធពរ​ទាំង​៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាត​ឡើយ ។

(ពោធិ៍សាត់)៖ ក្រុមការងារក្រសួងបរិស្ថាន នៅរសៀល​ថ្ងទី១៧ ខែវិច្ឆិកា ឆ្នាំ២០២៥ បានចុះពិនិត្យនិងចាត់​វិធាន​ការទប់ស្កាត់កុំឱ្យសំណល់ប្រេង ម៉ាស៊ូត ដែលលេច​ធ្លាយចេញពីទូររថភ្លើង ក្រឡាប់ចេញពីផ្លូវរត់ នៅចំណុច​ភូមិច្រេស ឃុំអូរតាប៉ោង ស្រុកបាកាន ខេត្តពោធិ៍សាត់ ដោ​យ​មានការចូលរួមពីរដ្ឋបាលខេត្តពោធិ៍សាត់ មន្ទីរបរិ​ស្ថាន​ខេត្ត មន្ទីរអង្គភាពពាក់ព័ន្ធ និងអាជ្ញាធរស្រុក​បាកាន ។ ក្រុមការងារបានស្នើឱ្យសមត្ថកិច្ចនិងក្រុមហ៊ុនដឹកជញ្ជូនធ្វើការ​ទប់ស្កាត់ក្នុងជំហានដំបូងគឺ៖ ១) មិនអនុញ្ញាតឱ្យប្រជាពលរដ្ឋចូលទៅប្រមូល​សំណល់​ប្រេងហូរចេញពីស៊ីទែនរថភ្លើង ដើម្បីទប់ស្កាត់​ផលប៉ះ​ពាល់​ដល់សុខភាព និងកាត់បន្ថយវិសាលភាព នៃការ​សាយ​​ភាយសំណល់ប្រេងទៅទីតាំងផ្សេង ២) ពិនិត្យតាមដានសុខភាពប្រជាពលរដ្ឋរស់នៅ​ក្បែរ​ទី​តាំង​ឧប្បទ្ទហេតុ ដែលអាចទទួលរងផលប៉ះ​ពាល់ដល់​សុខភាព ៣) លើកទំនប់បន្ថែមនៅទីតាំងឧប្បទ្ទហេតុដើម្បី​ការពារ​និងទប់ស្កាត់ការសាយភាយសំណល់ប្រេង ចូលទៅក្នុងដី​ស្រែ និងស្រះទឹកប្រជាពលរដ្ឋ ៤) ក្រុមហ៊ុនត្រូវធ្វើការសម្អាតសំណល់ប្រេងនៅលើដី​ចំណី​ផ្លូវរថភ្លើងឱ្យអស់ ប្រមូលនិងទុកដាក់សម្ភារៈ​ដែល​ប្រឡាក់សំណល់អោយបានត្រឹមត្រូវដោយអនុលោមតាមបទដ្ឋានបច្ចេកទេសសុវត្ថិភាពបរិស្ថាន ៥) ក្រុមការងារជំនាញត្រូវបន្តសហការជាមួយមន្ទីរ​ពាក់​ពន្ធ័ និងអាជ្ញាធរមូលដ្ឋានតាមដានត្រួតពិនិត្យ​ការងារ​សម្អាត​សំណល់ប្រេង ដោយបន្តយកសំណាកទឹកនៅ​ទីតាំងដែលអាចទទួលរងផលប៉ះពាល់មកវិភាគ ។ ឯកឧត្តម ខ្វៃ អាទិត្យា អនុរដ្ឋលេខាធិការ និងជា​មន្ត្រី​អ្នក​នាំ​ពាក្យក្រសួងបរិស្ថាន បានឱ្យដឹងថា ករណីលេចធ្លាយ​ប្រេងចេញពីទូររថភ្លើង បានកើតឡើងនេះ ជា​លើកទី២ ក្នុងរយៈពេលត្រឹមតែ ៤ខែ ចុងក្រោយនៃឆ្នាំ២០២៥។ ករណីទី១ បានកើតឡើងនៅក្នុងសង្កាត់រុនតាឯក ក្រុង​បាត់ដំបង នាខេត្តបាត់ដំបង…

ភ្នំពេញ៖ឧត្តមសេនីយ៍ទោ សែម គន្ធា ប្រធាននាយកដ្ឋានគ្រប់គ្រងអាវុធ ជាតិផ្ទុះ និងវរសេនីយ៍ទោ ឆឺត ពលរិទ្ធ នាយការិយាល័យស្តីទីបានអញ្ជើញចូលរួមប្រជុំពិភាក្សាចែករំលែកព័ត៌មាន ស្តីពីការគំរាមកំហែងជីវសាស្រ្ត ក្នុងតំបន់​អាស៊ី​ប៉ាស៊ីហ្វិក នៅប្រទេសសិង្ហបុរី ដែលបានប្រព្រឹត្តចាប់ពីថ្ងៃទី១១-១៣ ខែវិច្ឆិកា ឆ្នាំ២០២៥ ដោយមានប្រទេស​ចំនួន៩ចូលរួម (កម្ពុជា ឥណ្ឌូនេស៊ី មីយ៉ាន់ម៉ា ថៃ វៀតណាម សិង្ហបុរី ចិន ឥណ្ឌា និងកូរ៉េខាងត្បូង)។ កិច្ចប្រជុំប្រព្រឹត្តទៅនៅទីបញ្ជាការនគរបាលអន្តរជាតិប្រទេសសិង្ហបុរី។កិច្ចប្រជុំបានលើកឡើងនូវគម្រោង BioTracker ។គម្រោងនេះមានគោលបំណងកសាង និងបង្កើនសមត្ថភាពវិភាគ និងស៊ើបអង្កេត ដើម្បីអនុវត្តច្បាប់ជាសកល​លើការ​គំរាមកំហែង និងឧប្បត្តិហេតុដែលបង្កឡើងដោយជីវសាស្រ្ត។ គម្រោងនេះ នឹងជួយគាំទ្រដល់ប្រទេសជាសមាជិក INTERPOL ដើម្បីបង្កើនការចែករំលែកទិន្នន័យតាមរយៈទិន្នន័យដែលបានផ្តល់ សម្រាប់ការគំរាមកំហែង និង​ឧប្បត្តិ​ហេតុជីវសាស្រ្ត រួមទាំងទិន្នន័យផ្ទាល់ខ្លួនរបស់បុគ្គលដែលពាក់ព័ន្ធនឹងការគំរាមកំហែង ឧប្បត្តិហេតុដោយចេតនា និងការរត់ពន្ធសម្ភារៈ និងឧបករណ៍ជីវសាស្រ្ត។ កិច្ចប្រជុំក៏បានផ្តោតដល់ផ្តល់ការជូនដំណឹងជាមុនអំពីព្រឹត្តិការណ៍ ជំងឺ សូចនាករ ឬការគំរាមកំហែងជីវសាស្រ្ត និងវាយតម្លៃ ឆ្លើយតបការគំរាមកំហែងជីវសាស្រ្ត ផ្តល់ការវិភាគព័ត៌មានចារកម្ម និងការស៊ើបអង្កេត ជាយុទ្ធសាស្ត្រ និងប្រតិបត្តិការ៕ ដោយ៖ វណ្ណលុក

(ភ្នំពេញ)៖ មន្ទីរពេទ្យបង្អែកខេត្តកោះកុង ត្រូវបាន​ក​សា​ង​ឡើងក្នុងឆ្នាំ១៩៦៣ ក្នុងសម័យសង្គមរាស្ត្រ​និ​យម ស្ថិ​ត​ក្នុងក្រុងខេមរភូមិន្ទ ខេត្តកោះកុង​។ បច្ចុប្បន្នមន្ទីរពេទ្យ​ស្ថិតក្រោមការគ្រប់គ្រងរបស់លោកវេជ្ជបណ្ឌិត ហៃ ឡៃ​សុន ជាប្រធានមន្ទីរពេទ្យ ដោយមានបុគ្គលិកសរុបចំនួន ៩៨នាក់។ មន្ទីរពេទ្យបង្អែកខេត្តកោះកុង ត្រូវបានរាជរដ្ឋាភិបាល​វាយ​តម្លៃ ​និង ទទួលស្គាល់ជាអង្គភាពផ្ដល់​សេវា​សា​ធា​រណៈគំរូ ក្នុងវិស័យសុខាភិបាល ឆ្នាំ២០២៤ ជាប់​ចំ​ណា​ត់​ថ្នាក់លេខ១ (សំណុំសកម្មភាពបង្រ្គប់កម្រិត២)។ កត្តាដែលជំរុញឱ្យមន្ទីរពេទ្យបង្អែកខេត្តកោះកុងទទួលបានចំណាត់ថ្នាក់លេខ១ ចំនួន២ដង កន្លងមកនេះ ដោយ​សារហេតុផលសំខាន់ៗចំនួន ៩រួមមាន៖ ទី១ មានចក្ខុ​វិស័យ គោលដៅ និងបេសកកម្មច្បាស់លាស់ ,ទី២ ការ​គ្រប់គ្រង និងការអភិវឌ្ឍធនធានមនុស្សប្រកប​ដោយ​គុណភាព, ទី៣ ការគ្រប់គ្រងហិរញ្ញវត្ថុប្រកប ដោយប្រ​សិទ្ធភាព តម្លាភាព និងគណនេយ្យភាព, ទី៤ មានហេដ្ឋា​រចនាសម្ព័ន្ធល្អ និងបរិស្ថាន អនាម័យ ស្អាត, ទី៥ មាន​ការ​អប់រំ និងលើកកម្ពស់សុខភាពដល់ប្រជាពលរដ្ឋ, ទី៦ សុខភាពសហគមន៍, ទី៧ ការទំនាក់ទំនងល្អជាមួយ​អាជ្ញា​ធម៌គ្រប់ជាន់ថ្នាក់, ទី៨ ការចូលរួមកៀគរដែគូ អភិ​វឌ្ឍន៍, ទី៩ ការចូលរួម និងគាំទ្រពីថ្នាក់ដឹកនាំគ្រប់ជាន់​ថ្នាក់(ថ្នាក់ជាតិ…

(ភ្នំពេញ)៖ សម្តេច ហ៊ុន សែន ថ្លែងថា ករណីភូមិព្រៃចាន់ ប្រសិនបើកម្ពុជា ផ្ទុះអាវុធភ្លាម តើលទ្ធផលចេញមកបែប​ណា ខណៈថៃ ចង់ញុះឱ្យកម្ពុជា ផ្ទុះអាវុធមុន គេបាញ់​ចំ​ពាម​កៅស៊ូមកយើងស្ទើររាល់ថ្ងៃ ប៉ុន្តែយើងមិនតបតនោះ​ទេ ព្រោះថា វាបានដើរដល់ដំណើរការនៃបទឈប់បាញ់ ដែលយើងត្រូវគោរព! បានដើរដល់សេចក្តីថ្លែងការណ៍រួម ស្តីពីសន្តិភាពរវាងកម្ពុជា និងថៃ ដែលមានទាំងម៉ាឡេស៊ី និងអាម៉េរិក ចុះហត្ថលេខាដឹងលឺ ហើយក៏មានទាំងចិន​ផង​ដែរ រួមជាមួយមិត្តភក្តិនៅលើពិភពលោកបានដឹងលឺ​រឿងនេះ ។ សម្ដេចតេជោ ហ៊ុន សែន ប្រធានព្រឹទ្ធសភា លើកឡើងដូច្នេះក្នុងឱកាសអញ្ជើញជាព្រះរាជតំណាងដ៏ខ្ពង់ខ្ពស់របស់ព្រះករុណា ព្រះមហាក្សត្រ ក្នុងពិធីបើកអនុ​សំវច្ឆរមហាសន្និបាតមន្ត្រីសង្ឃទូទាំងប្រទេស លើកទី​៣៣ នាព្រឹកថ្ងៃទី១៧ ខែវិច្ឆិកា ឆ្នាំ២០២៥ នៅវិទ្យា​ស្ថាន​​ជាតិអប់រំ ។ សម្តេចតេជោ បានពន្យល់អំពីមូលហេតុ ដែលកម្ពុជា ប្រ​កាន់​​ខ្ជាប់​នូវការអត់ធ្មត់មិនតបត ដោយសារតែប្រទេស​ទាំងពីរ​ បានឈានដល់ការអនុវត្តបទឈប់បាញ់ និងកិច្ច​ព្រមព្រៀងសន្តិភាពកូឡាឡាំពួរ ដែលមានទាំងម៉ាឡេស៊ី សហរដ្ឋអាមេរិកជាសាក្សី និងមានចិន និងមិត្តភក្តិ​បរ​ទេស​នានា បានដឹងឮផងដែរ។ បើកម្ពុជា ឆ្លងឆ្លើយ​ហួសហេតុ វានឹងបង្កជាជម្លោះពាក្យសម្តី ។…

(សៀមរាប)៖ មន្ត្រីគណបក្សប្រជាជនកម្ពុជា បានស្វាគម​ន៍​សកម្មជនគណបក្សផ្សេង ចំនួន ៦៣នាក់ ដែលបាន​ចូល​រួមជីវភាពនយោបាយជាមួយគណបក្សប្រជាជន​កម្ពុជា ឃុំខ្នារសណ្ដាយ ស្រុកបន្ទាយស្រី ខេត្តសៀមរាប ក្រោមវត្តមាន ឯកឧត្ដម ហេង ធូ សមាជិកគណៈកម្មាធិ​ការ​កណ្ដាល និងជាអនុប្រធានក្រុមការងារ គណបក្ស​ប្រជាជនកម្ពុជាចុះមូលដ្ឋានស្រុកបន្ទាយស្រី នាថ្ងៃទី ១៥វិច្ឆិកា ។  ឯកឧត្ដម ហេង ធូ បានស្វាគមន៍បងប្អូនសកម្មជន នៃ​គណ​បក្សផ្សេងៗ ដែលបានយល់ច្បាស់នូវតម្លៃសន្តិភាព ការយកចិត្តទុកដាក់របស់ថ្នាក់ដឹកនាំកំពូល របស់គណ​បក្ស​ប្រជាជនកម្ពុជា និងបានស្ម័គ្រចិត្តចូលរូម​ជីវភាព​​​ន​យោ​​បាយ ជាមួយគណបក្សប្រជាជនកម្ពុជា ដែលកើត​ឡើ​ងពីការបោះឆ្នោតគាំទ្រពីសំណាក បងប្អូនប្រជា​​​​​​​ពលរ​ដ្ឋ​ទូទាំងប្រទេស បោះឆ្នោតជាលក្ខណៈសកល ប្រកប​ដោយ សេរីភាព តម្លាភាព និងប្រជាធិបតេយ្យភាព គណ​បក្ស​​​​​​​​​​​​​​​​​​​​​​​​​​ប្រជាជនកម្ពុជា បានដឹកនាំតាមគោលនយោបាយ​ច្បាស់លាស់របស់គណបក្សប្រកបដោយ សេចក្ដីថ្លៃថ្នូរ កិត្តិយស យកអស់កម្លាំងកាយចិត្ត ដឹងសុខទុក្ខ របស់ប្រ​ជា​ពលរដ្ឋ ថែរក្សាបាននូវសុខសន្តិភាពយូរអង្វែង ។ ជាមួយគ្នានេះ ឯកឧត្ដម ក៏បានឧបត្ថម្ភដល់សមាជិក​គណ​បក្សថ្មី ចំនួន២៣នាក់ ក្នុងម្នាក់ៗទទួលបានថវិកា ២០,០០០រៀល អង្ករ១០គីឡូក្រាម ទឹកត្រី០១យួរ ទឹក​ស៊ីអ៉ីវ០២យួរ និងបានឧបត្ថម្ភដល់ក្រុមការងារភូមិ…

(ភ្នំពេញ)៖ រដ្ឋបាលខណ្ឌចំការមន បើកការដ្ឋាន​ជួស​ជុល​ផ្លូវអ៊ុតកៅស៊ូ និងដាក់លូរំដោះទឹក ក្នុងសង្កាត់ចំនួនពីរ មាន​សង្កាត់បឹងត្របែក និងសង្កាត់ផ្សារដើមថ្កូវ នាព្រឹក​ថ្ងៃទី១៧ ខែវិច្ឆិកា ឆ្នាំ២០២៥ ក្រោមវត្តមានលោក ហ៊ត វ៉ាន់ធី អភិបាលរងខណ្ឌ តំណាងលោក កៀង ល័ក្ស អភិបាលខណ្ឌចំការមន ។ លោក ហ៊ត វ៉ាន់ធី បានធ្វើការណែនាំទៅដល់អ្នកម៉ៅការ ទទួលជួសជុលផ្លូវអ៊ុតដៅស៊ូ និងដាក់ប្រព័ន្ធលូ ធ្វើយ៉ាង​ណាឱ្យពន្លឿនរួចរាល់តាមគម្រោង និងត្រឹមត្រូវតាម​លក្ខណៈបច្ចេកទេស ធានាពីគុណភាពប្រើប្រាស់​បាន​យូរអង្វែង ។ លោកអភិបាលរងខណ្ឌ បានលើកឡើងថា រាជរដ្ឋាភិ​បាល បានផ្តល់ថវិកាវិភាជន៍ដល់ឃុំសង្កាត់​ទូទាំង​ប្រ​ទេសមានការកើនឡើងជាលំដាប់រៀងរាល់ឆ្នាំ ដើម្បីរៀប​ចំ អភិវឌ្ឍន៍មូលដ្ឋាន ស្របតាមស្ថានភាពដែលតម្រូវការ​ចាំ​បាច់របស់ប្រជាពលរដ្ឋ។ ដោយឡែកចំពោះសង្កាត់ នៅក្នុងរាជធានីភ្នំពេញ បានរៀបចំផែនការអភិវឌ្ឍន៍របស់​ខ្លួន ដោយផ្តោតជាសំខាន់ទៅលើគម្រោងជាអាទិភាព គឺ៖ ការជួសជុលផ្លូវ ដាក់ភ្លើងបំភ្លឺផ្លូវសាធារណៈ ដាក់លូ ស្តារលូ និងការរៀបចំការ៉ូឡា ឱ្យមានលក្ខណៈ ល្អប្រសើរ និងមានគុណភាពខ្ពស់។ លោកអភិបាលរង ក៏បានធ្វើការណែនាំដល់ចៅសង្កាត់ ដែលជាម្ចាស់គម្រោង ត្រូវតាមដានឱ្យបានជាប់ជាប្រចាំ ចំពោះក្រុមហ៊ុនទទួលការ ក្នុងការអនុវត្តគម្រោង…

(ភ្នំពេញ)៖ សម្តេចតេជោ ហ៊ុន សែន បានផ្តាំទៅភាគីថៃ ថា កម្ពុជា មិនអង្វរថៃ ឱ្យមានការបើកច្រកព្រំដែន ឡើង​វិញទេ ព្រោះថៃ ជាអ្នកបិទមុន ដូច្នេះថៃ ត្រូវទទួលខុស​ត្រូវ​ចំពោះការបើកព្រំដែនឡើងវិញ ។ ការបញ្ជាក់ជាថ្មី​របស់សម្ដេចអគ្គមហាសេនាបតីតេជោ ហ៊ុន សែន ប្រ​ធានព្រឹទ្ធសភា នេះ ធ្វើឡើងបន្ទាប់ពីមានសេចក្តីថ្លែង​ការណ៍ថ្មីៗពីមន្ត្រីថៃ រួមទាំងនាយករដ្ឋមន្ត្រី និងរដ្ឋមន្ត្រី​ក្រសួងការពារជាតិ ដែលតែងតែលើកឡើងនៃការបើក​ច្រកព្រំដែនឡើងវិញ។ មន្ត្រីថៃមួយចំនួនថែមទាំង​បាន​បំផ្លើសថា កម្ពុជាបានស្នើសុំបើកព្រំដែន។ ជាពិសេស រដ្ឋមន្ត្រីក្រសួងការពារជាតិថៃ បានប្រកាសថា ក្នុងមួយ​ជីវិតនេះមិនចរចាដាច់ខាតលើរឿងបើកព្រំដែន ។ ក្នុងពិធីបើកអនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣៣ នាព្រឹកថ្ងៃទី១៧ ខែវិច្ឆិកា ឆ្នាំ២០២៥ នៅវិទ្យាស្ថានជាតិអប់រំ សម្ដេចតេជោ បានបញ្ជាក់ថា បញ្ហា​ច្រកព្រំដែនរវាងកម្ពុជា និងថៃ គឺថៃ ជាអ្នកផ្តើមបិទ​មុន ដូច្នេះថៃ ត្រូវតែបើកមុន ។ សម្តេច ថា រឿងព្រំដែន​នេះ យើងបានដឹងទាំងអស់គ្នាហើយ យើងមិនមែនអ្នក​បិទ​ទេ គេអ្នកបិទ កូនសោរនៅលើគេ ហេតុអ្វីយើង​ទៅ​អង្វរ​សុំគេ? សូមជូនសារទៅថ្នាក់ដឹកនាំថៃ…