(ភ្នំពេញ)៖ សម្ដេចតេជោ ហ៊ុន សែន បានថ្លែងដោយ ចាត់​​ទុកបញ្ហាកងទ័ពកម្ពុជា ១៨រូប ដែលត្រូវបានថៃ លេង​​​ល្បិចចាប់ខ្លួន ក្រោយបទឈប់បាញ់ប៉ុន្មានម៉ោង គឺពួកគាត់ពលីកម្ម ដើម្បីជាតិស្រាប់ទៅហើយ ។ សម្ដេច ក៏បានបង្ហើបដែរថា តាំងពីម៉ោងដំបូងដែលគេចាប់ខ្លួន​កង​ទ័ព​កម្ពុជា ១៨រូប គឺច្បាស់ណាស់ដើម្បីដោះដូរអ្វី​មួយជា​មួយកម្ពុជា ។ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធ​សភា លើកឡើងដូច្នេះ ក្នុងឱកាសអញ្ជើញ​ជាព្រះរាជ​តំ​ណា​ង​ដ៏ខ្ពង់ខ្ពស់របស់ព្រះករុណា ព្រះមហាក្សត្រ ក្នុងពិធី​បើកអនុសំវច្ឆរមហាសន្និបាតមន្ត្រីសង្ឃទូទាំងប្រទេស លើក​ទី៣៣ នាព្រឹកថ្ងៃទី១៧ ខែវិច្ឆិកា ឆ្នាំ២០២៥ នៅ​វិទ្យា​ស្ថានជាតិអប់រំ ។ សម្ដេច ហ៊ុន សែន បានលើកឡើងពីមូលហេតុដែលថៃ មិន​ព្រមដោះលែងកងទ័ពខ្មែរ១៨នាក់នេះ ដោយសារ​ពួកគេមានបំណងទុកធ្វើជាថ្នូរដោះដូរជាមួយកម្ពុជា ។ សម្ដេច ថ្លែងទាំងហួសចិត្តថា នៅលើពិភពលោក គេតែង​តែដោះដូរឈ្លើយសឹក ក្រោយពេលបញ្ចប់សង្គ្រាម។ ប៉ុន្តែ​ភាគីថៃ បែរជាចាប់កងទ័ពខ្មែរទាំង១៨នាក់ ទុកធ្វើជាចំ​ណាប់​ខ្មាំង ក្នុងការដោះដូរជាមួយកម្ពុជាទៅវិញ ។ សម្ដេច បានចាត់ទុកកងទ័ពខ្មែរទាំង ១៨នាក់នេះ បាន​ពលី​យ៉ាងធំធេងដើម្បីជាតិ ។…

(ភ្នំពេញ)៖ ថ្លែងក្នុងនាមជាអគ្គភស្តុភាជាន់ខ្ពស់សម្រាប់ កងកម្លាំងប្រដាប់អាវុធ សម្តេចតេជោ ហ៊ុន សែន បាន ប្រកាសថា សម្តេចនឹងផលិតអាវការពារគ្រាប់ បំពាក់ជូន ដល់កងទ័ពទាំងអស់ ហើយថែមទាំងនាំចេញទៅលក់នៅ ក្រៅប្រទេសផងដែរ ។ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធ​សភា លើកឡើងដូច្នេះ ក្នុងឱកាស អញ្ជើញជាព្រះរាជ​តំ​ណាង​ដ៏ខ្ពង់ខ្ពស់របស់ព្រះករុណា ព្រះមហាក្សត្រ ក្នុងពិធី​បើក​អនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣៣ នាព្រឹកថ្ងៃទី១៧ ខែវិច្ឆិកា ឆ្នាំ២០២៥ នៅ​វិទ្យា​ស្ថានជាតិអប់រំ ។ សម្តេចតេជោ ហ៊ុន សែន បានបញ្ជាក់ថា យើងមានការ ភ្លាត់​ភ្លាំង ដោយមិនបានបំពាក់អាវក្រោះ ឬអាវសុវត្ថិភាព​ឲ្យ​បងប្អូនកងទ័ព ។ ប៉ុន្តែពេលនេះ សម្តេច បានប្រកាស​ថា អាវក្រោះនេះ វាបានលើសពីការគ្រប់គ្រាន់រួចទៅ​ហើ​យ ដោយសម្តេច អះអាងថា សម្តេចផលិតម៉ាកអាវការ​ពារ​សុវត្ថិភាពមួយ ដែលមានឈ្មោះថា DSS ហើយមិន​ត្រឹម​តែបំពាក់សម្រាប់កងទ័ពកម្ពុជាយើងប៉ុណ្ណោះទេ ថែម​ទាំងអាចនាំចេញទៅក្រៅប្រទេសផងដែរ ។ សម្តេច បានបន្ថែមថា ការផលិតអាវក្រោះការពារដល់​កង​ទ័ពកម្ពុជានេះ សម្តេច…

(ភ្នំពេញ)៖ វិ​ស័យ​​អាណាចក្រ និងពុទ្ធចក្រ មិនអាចកាត់​ផ្ដាច់​​ពីគ្នា​បាន​ទេ។ វិស័យអាណាចក្រ និងពុទ្ធចក្រ ជាចំ​ណង​ទាក់​ទង​គ្នា និងជាការបំពេញគ្នាទៅវិញទៅមក ។ សម្ដេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធ​សភា លើកឡើងដូច្នេះ ក្នុងឱកាសអញ្ជើញជាព្រះរាជ​តំ​ណាង​ដ៏ខ្ពង់ខ្ពស់របស់ព្រះករុណា ព្រះមហាក្សត្រ ក្នុងពិធី​បើក​អនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣៣ នាព្រឹកថ្ងៃទី១៧ ខែវិច្ឆិកា ឆ្នាំ២០២៥ នៅវិទ្យាស្ថានជាតិអប់រំ ។ សម្តេចតេជោ ហ៊ុន សែន មានប្រសាសន៍ថា រដ្ឋធម្មនុញ្ញ​នៃព្រះរាជាណាចក្រកម្ពុជា បានកំណត់ច្បាស់ថា ព្រះពុទ្ធ​សាសនាជាសាសនារបស់រដ្ឋ ប៉ុន្តែពុំមានការរឹតត្បិត​លើ​សិទ្ធិសេរីភាពខាងសាសនានោះទេ ។ សម្តេចតេជោ ហ៊ុន សែន ថ្លែងថា គ្មានសាសនាណា​មួយ​នៅលើលោកនេះ ដែលប្រដៅឲ្យសាសនិករបស់ខ្លួន ប្រ​ព្រឹត្ត​​អំពើអាក្រក់នោះទេ គឺគេតែងតែអប់រំ ប្រដៅឱ្យ​ប្រ​ព្រឹត្តអំពើល្អ មានសីលធម៌ល្អ និងគុណធម៌ល្អទាំងអស់ ។ សម្តេចតេជោ បន្តថា ព្រះសង្ឃ ឬសាសនិកដទៃទៀត អាច​ចូលរួមអប់រំមនុស្ស និងចូលរួមគ្នាដើម្បីអភិរក្ស អភិវឌ្ឍន៍វិស័យព្រះពុទ្ធសាសនានៅកម្ពុជា និងលើក​កម្ពស់ការផ្សព្វផ្សាយ និងការយល់ដឹងពីពុទ្ធឱវាទ និង​ការប្រតិបត្តិធម៌វិន័យរបស់ព្រះពុទ្ធសាសនា ។…

ស្វាយរៀង៖នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា និង នាយឧត្តម​សេនីយ៍ ហ្វាន វ៉ាន់ យ៉ាង រដ្ឋមន្រ្តីក្រសួងការពារប្រទេសវៀតណាម​កាលពី​ព្រឹកថ្ងៃទី១៤ ខែវិច្ឆិកា ឆ្នាំ២០២៥​បានអញ្ជើញបញ្ចុះ​បឋម​សិលារួមគ្នា​សាងសង់ហេដ្ឋារចនាសម្ព័ន្ធនៅសាលារៀនបឋមសិក្សា សាំង សុវណ្ណ ស្ថិតនៅស្រុកស្វាយទាប ខេត្តស្វាយរៀង។ សកម្មភាពបញ្ចុះបឋមសិលារបស់ប្រមុខកងទ័ពនៃប្រទេសទាំងពីរធ្វើឡើងបន្ទាប់ពីនាយឧត្តមសេនីយ៍ ទៀ សីហា បញ្ចប់​ធ្វើទស្សនកិច្ចផ្លូវការ និងចូលរួមជំនួបប្រាស្រ័យមិត្តភាពការពារព្រំដែន ថ្នាក់រដ្ឋមន្ត្រីការពារជាតិ កម្ពុជា-វៀតណាម លើកទី២ និងលំហាត់សុខាភិបាលរួមគ្នារវាងកងទ័ពប្រទេសទាំងពីរ។ ក្នុងឱកាសនៃពិធីបញ្ចុះបឋមសិលាលោក ជា ហ៊ន អភិបាលស្រុកស្វាយទាបបានឱ្យដឹងថា ទូទាំងស្រុកស្វាយទាប​មានសាលាមត្តេយ្យសិក្សាសហគមន៍ និងមត្តេយ្យរដ្ឋចំនួន ៤២កន្លែង, សាលាបឋមសិក្សាមាន២៥កន្លែង និងអនុវិទ្យា​ល័យ៦កន្លែង វិទ្យាល័យ២កន្លែង។ដោយឡែកសាលាបឋមសិក្សា សាំង សុវណ្ណ ដើមឡើយមានឈ្មោះ”ពោធិ៍ទន្ទឹម” មានទីនៅក្នុងវត្ត ពោធិ៍ទន្ទឹម ភូមិកក់ ឃុំស្វាយរំពារ ស្រុកស្វាយទាប ។ ដោយពិនិត្យឃើញស្ថានភាពតូចចង្អៀត ចំនួន​សិស្ស កើនឡើង​ជាលំដាប់និងចំនួនថ្នាក់រៀនមានចំនួន​តិចមិនសម​ស្របទៅតាមនិយាមរបស់ក្រសួងអប់រំយុវជន និងកីឡា នាយឧត្តម​សេនីយ៍ សៅ សុខា អគ្គមេបញ្ជាការរងនៃកង​យោធពលខេមរភូមិន្ទ មេបញ្ជាការកងរាជអាវុធហត្ថ​លើផ្ទៃប្រទេស និងជាប្រធានក្រុមការងាររាជរដ្ឋា​ភិបាលចុះមូលដ្ឋាន​ស្រុកស្វាយទាបខេត្តស្វាយរៀង…

(ភ្នំពេញ)៖ សម្ដេចនាយករដ្ឋមន្ត្រី ហ៊ុន ម៉ាណែត រួមជា​មួយ​ភរិយា បានចុះទៅសាកសួរសុខទុក្ខបងប្អូន​ប្រ​ជាពលរដ្ឋខ្មែរស្លូតត្រង់ ចំនួន ៣រូប នាព្រឹកថ្ងៃទី១៤ វិច្ឆិកា ២០២៥ ដែលបានរងរបួស ដោយការ​បាញ់​ប្រហារ​ពីយោធាថៃ នៅភូមិព្រៃចាន់ កាលពីថ្ងៃរសៀល​ថ្ងៃ១២ ខែវិច្ឆិកា ឆ្នាំ២០២៥ ក្រោយពីបានយកមក​ពិនិត្យ និងព្យាបាលបន្តនៅមន្ទីរពេទ្យកាល់ម៉ែត្រ រាជធានី​ភ្នំពេញ បន្ទាប់ពីធ្វើការវះកាត់ដោយជោគជ័យ សង្គ្រោះ​ជីវិត​នៅ​មន្ទីរពេទ្យខេត្តមិត្តភាពកម្ពុជា-ជប៉ុន មង្គលបុរី ខេត្តបន្ទាយមានជ័យរួចមក ។ សម្ដេចធិបតី សូមអរគុណដល់អាជ្ញាធរមូលដ្ឋាន កងកម្លាំង​​សមត្ថកិច្ចរបស់យើង ដែលបានចាត់វិធានការ​លឿន​រហ័សក្នុងការអន្តរាគមន៍ជួយសង្គ្រោះ​បងប្អូន​ប្រជាពលរដ្ឋយើង ដែលរស់នៅទីនោះ ជាពិសេសអ្នក​របួស ដោយជួយចាត់ចែង ដឹកជញ្ជូនមកពិនិត្យ សង្គ្រោះ​នៅមន្ទីរពេទ្យបានទាន់ពេលវេលា។ ព្រមជាមួយគ្នានេះ សម្ដេច ហ៊ុន ម៉ាណែត ក៏សូមថ្លែង​អំណរ​គុណដល់ក្រុមគ្រូពេទ្យ បុគ្គលិកសុខាភិបាល​ទាំង​អស់នៅមន្ទីរពេទ្យខេត្តមិត្តភាពកម្ពុជា-ជប៉ុន មង្គលបុរី ខេត្តបន្ទាយមានជ័យ ដែលបានយកចិត្តទុកដាក់ធ្វើ​ការ​វះកាត់ជួយសង្គ្រោះជីវិត បងប្អូនប្រជាជនខ្មែរស្លូតត្រង់​របស់យើងទាំង ៣រូប ប្រកបដោយជោគជ័យ និងសូម​ជូនពរដល់បងប្អូនទាំងអស់ដែលកំពុងសម្រាកព្យាបាលឆាប់ជាសះស្បើយ និងរឹងមាំឡើងវិញ ។ ឆ្លៀតក្នុងឱកាសនេះ សម្ដេចនាយករដ្ឋមន្ត្រី ក៏សូមចូល​រួម​រំ​លែកទុក្ខសារជាថ្មី ជូនដល់ក្រុមគ្រួសារសពប្អូនប្រុស ឌី ណៃ…

(ភ្នំពេញ)៖ ក្រសួងរៀបចំដែនដី នគរូបនីយកម្ម និង​សំ​ណង់ ប្រកាសដាក់ឱ្យដំណើរការគម្រោងគំនិតផ្ដួច​ផ្ដើម​សាលារៀនកម្ពុជា និងសម្ពោធកម្មវិធីស្ថាបត្យកម្មខ្មែរ ក្រោមអធិបតីភាព ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និង​សំណង់ នាថ្ងៃទី ១៣ ខែ វិច្ឆិកាឆ្នាំ ២០២៥ នៅទីស្ដីការ​ក្រសួង ។ ឯកឧត្តមឧបនាយករដ្ឋមន្ត្រី សាយ សំអាល់ បានថ្លែងអំ​ណរ​គុណ​ដល់គណៈស្ថាបត្យករកម្ពុជា ដែលបានប្តេជ្ញា​ចិត្ត​ខ្ពស់ចំពោះបុព្វហេតុលើវិស័យរបស់ខ្លួន និងបានថ្លែង​អំណរគុណដល់ថ្នាក់ដឹកនាំ និងមន្រ្តីនៃក្រសួងរៀបចំដែន​ដី នគរូបនីយកម្ម និងសំណង់ ដែលបង្ហាញ​អំពីវីរៈ​ភាព​ក្នុង​ការបំពេញកិច្ចការងារជាច្រើន នារយៈពេលជាង ២ឆ្នាំ​ក្នុងអាណត្តិទី៧នេះ ដើម្បីរួមចំណែកជំរុញឱ្យជាតិ​សាសន៍​ខ្មែរ​មានជីវិតកាន់តែល្អប្រសើរ ។ ឯកឧត្តមឧបនាយករដ្ឋមន្ត្រី បានលើកឡើងថា បច្ចុប្បន្ន​ក្រសួងកំពុងតែបណ្ដុះផ្នត់គំនិតដល់ប្រជាពលរដ្ឋគ្រប់រូប និងគ្រប់កោសិកានៃសង្គមជាតិ ឱ្យទទួលបានផ្នត់គំនិតនៃ​ការរស់នៅបែបថ្មីតាមរយៈស្ថាបត្យកម្ម ។ ជាមួយនេះ ដើម្បីកសាងការឯកភាពជាតិលើកិច្ចការ​ស្ថា​បត្យ​កម្ម ឯកឧត្តមឧបនាយករដ្ឋមន្ត្រី បានកត់សម្គាល់​ឃើញ​ថា មានចម្រៀងមួយចំនួនដូចជា (១) ពង្សាវតាខ្មែរ ដែលបានបង្ហាញយ៉ាងច្បាស់នូវអ្វីដែលយើងធ្លាប់មាន អ្វីដែលយើងធ្លាប់បានបាត់បង់ និងអ្វីដែលយើងចង់បាន​ត្រឡប់មកវិញ (២) ឱ!ភ្នំពេញអើយ បានបង្ហាញឱ្យឃើញ​អំពីផេះផង់គំនរឆ្អឹងថ្លុកឈាមនៃសង្គ្រាមក្នុងរបបប្រល័យពូជសាសន៍ និងការសម្លាប់មនោសញ្ចេតនារបស់មនុស្ស និង…

(ភ្នំពេញ)៖ ក្រសួងមុខងារសាធារណៈ បានបញ្ចប់ការ​ធ្វើ​បច្ចុប្បន្ន​ភាពរចនាសម្ព័ន្ធ និងជំរឿនមន្ត្រី​របស់ខ្លួន​ដោយ​រលូន ក្នុងស្មារតីទទួលខុសត្រូវខ្ពស់ និងស្របតាមបទដ្ឋា​នគតិយុត្ត និងគោលការណ៍ដែលបានកំណត់។ ការធ្វើជំរឿនមន្ត្រីរយៈពេល ៣ថ្ងៃនេះ មានការអញ្ជើញ​ចូល​រួម​ដោយផ្ទាល់ពីថ្នាក់ដឹកនាំ ទីប្រឹក្សា ជំនួយការ មន្ត្រីរាជការ មន្ត្រីជាប់កិច្ចសន្យា និងមន្ត្រីផ្សេងទៀត នៃរចនាសម្ព័ន្ធចំណុះក្រសួងមុខងារសាធារណៈ សរុប​ចំនួនប្រមាណជាង ៩៩% ក្នុងស្មារតីទទួលខុសត្រូវខ្ពស់ មានកិច្ចសហការល្អ និងពេញចិត្តចូលរួមក្នុងយុទ្ធនាការ​ធ្វើជំរឿននេះ។ គួរបញ្ជាក់ថា ចំនួនថ្នាក់ដឹកនាំ និងមន្ត្រីដែលអវត្តមាន​មិន​បា​នអញ្ជើញមកក្នុងពេលនេះ កើតមានដោយសារ ស្ថាន​ភាពចាំបាច់នានា ដូចជាកំពុងសម្រាកព្យាបាល​ជំងឺធ្ងន់​ធ្ងរ​នៅមន្ទីរពេទ្យ និងកំពុងបំពេញបេសកកម្ម និងស្ថិតក្នុងវគ្គ​បណ្តុះបណ្តាលនៅក្រៅប្រទេសជាដើម ។ ទោះបីជា​យ៉ាង​នេះក្តី ស្ថានភាពទាំងនោះ សុទ្ធតែត្រូវ​បាន​កត់ត្រា​ទុក ដោយមានឯកសារផ្លូវការបញ្ជាក់ពីមូលហេតុត្រឹមត្រូវ ឬឯកសារអះអាងនានាដែលគណៈកម្មការអាចទទួលស្គាល់ និងទទួលយកបាន ៕ ដោយ ៖ ង៉ាន់ ទិត្យរូបភាព ៖ រិន រចនា

(ត្បូងឃ្មុំ)៖ ក្រសួងបរិស្ថាន បានបន្តផ្តល់ធុងសំរាមបន្ថែម​ទៀត ដែលមានចំនួនសរុប ៣៤០៥ធុង ដល់រដ្ឋបាល​ខេត្ត​ត្បូងឃ្មុំ ដើម្បីបន្តប្រគល់ជូន មូលដ្ឋានសុខាភិបាល សាលារៀន និងវត្តអារាមនៅទូទាំងខេត្ត។ ពិធីប្រគល់​និង​ទទួល បានប្រព្រឹត្តទៅ នារសៀលថ្ងៃទី១៣ ខែវិច្ឆិកា ឆ្នាំ​២០២៥ នៅសាលាខេត្តត្បូងឃ្មុំ ។ លោក ម៉ាត់ ហ្គោហ្វូត អភិបាលរងនៃគណៈអភិបាលខេត្ត​ត្បូងឃ្មុំ បានថ្លែងអំណរគុណ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ដែលបានប្រគល់ធុង​សំរាម ដល់មូលដ្ឋានសុខាភិបាល សាលារៀន វត្តអារាម​នៅទូទាំងខេត្តត្បូងឃ្មុំ ដើម្បីជួយបង្កើនភាពស្អាត និង​សុខភាពល្អរបស់ប្រជាពលរដ្ឋនៅតាមមូលដ្ឋាន ។ លោក ថន សាខន នាយករងវិទ្យាល័យ ហ៊ុន សែន ពញា​ក្រែក បានបញ្ជាក់​ថា​ ការ​ផ្តល់​ធុងសំរាមមានសារសំខាន់ ក្នុងការថែរក្សាបរិស្ថាន និងជួយលើកកម្ពស់ការយល់ដឹង​របស់​ប្រជាពលរដ្ឋ ឱ្យ​មានការទុកដាក់សំរាមបានត្រឹមត្រូវ និងឆ្លើយតបនឹងយុទ្ធ​សាស្រ្តកាត់បន្ថយការប្រើប្រាស់​ប្លាស្ទិក​តាមសាលារៀន វត្តអារាម និងតាមមូលដ្ឋាន ។ លោក ជៀប សំអាត អភិបាលរងស្រុកអូររាំងឪ បានឱ្យ​ដឹងថា ក្រសួងបរិស្ថាន…

ភ្នំពេញ ៖ធនាគារជាតិនៃកម្ពុជានៅថ្ងៃនេះបានក្រើនរម្លឹកសាធារណជន ឱ្យមានការប្រុងប្រយ័ត្នខ្ពស់ ដើម្បីចៀសវាងការ​ចាញ់បោក ឬធ្លាក់ក្នុងកលល្បិច របស់ជនទុច្ចរិត ដែលនាំឱ្យខាតបង់ទ្រព្យសម្បត្តិផ្ទាល់ខ្លួន និងជាប់ពាក់ព័ន្ធនឹងទង្វើ​ខុសច្បាប់ជាយថាហេតុ ។ សេចក្តីជូនដំណឹងរបស់ធនាគារជាតិនៃកម្ពុជា​នៅថ្ងៃទី១៤ ខែវិច្ឆិកា ឆ្នាំ២០២៥ បានគូសរំលេចថា នាពេលកន្លងមក ជនល្មើសមួយចំនួន បានប្រើប្រាស់ឈ្មោះ និមិត្តសញ្ញា និងរូបភាព ថ្នាក់ដឹកនាំធនាគារជាតិនៃកម្ពុជា ដើម្បីបង្កើត​ព័ត៌មាន​ក្លែងក្លាយ និងផ្សព្វផ្សាយតាមបណ្តាញសង្គម ក្នុងបំណងទុច្ចរិត និងបោកប្រាស់ទ្រព្យសម្បត្តិរបស់ប្រជាជន ។ ទន្ទឹមនេះជនល្មើសមួយចំនួន បានប្រើល្បិចបោកបញ្ឆោតក្រោមទម្រង់ផ្សេងៗ ដូចជា ការក្លែងបន្លំខ្លួនជាសាច់ញាតិ ដើម្បីស្នើសុំខ្ចីប្រាក់ ឬឱ្យផ្ទេរប្រាក់ ការក្លែងជាបុគ្គលិកគ្រឹះស្ថានធនាគារនិងហិរញ្ញវត្ថុ ឬក្រុមហ៊ុនឯកជន ដើម្បីផ្តល់​ព័ត៌មាន ក្លែងក្លាយអំពីរង្វាន់ ឬឱកាសការងារ ហើយតម្រូវឱ្យផ្ញើប្រាក់ជាមុន និងការបញ្ចុះបញ្ចូលទិញគណនី ធនាគារ ឬលេខទូរសព្ទផ្ទាល់ខ្លួនដោយផ្តល់កម្រៃខ្ពស់ ជាដើម។ ដើម្បីចៀសវាងការចាញ់បោក ឬធ្លាក់ទៅក្នុងកលល្បិចរបស់ជនទុច្ចរិត ដែលអាចនាំឱ្យខាតបង់ ទ្រព្យសម្បត្តិផ្ទាល់ខ្លួន និងជាប់ពាក់ព័ន្ធទៅនឹងទង្វើខុសច្បាប់ជាយថាហេតុ ធនាគារជាតិនៃកម្ពុជា សូមក្រើនរំឭកដល់សាធារណជនឱ្យបង្កើន​ការប្រុងប្រយ័ត្នខ្ពស់ ចំពោះការចុចលើតំណភ្ជាប់ គេហទំព័រ ឬផ្លែតហ្វមវិនិយោគ ដែលមិនមានប្រភពច្បាស់លាស់ និងសូមកុំផ្ទេរប្រាក់ ផ្តល់ព័ត៌មានផ្ទាល់ខ្លួន ឬ លក់គណនីធនាគារ…

ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណ:ក្នងនាមក្រសួងមុខងារសាធារណៈកម្ពុជា ជាប្រធានប្តូរវេន និងជាម្ចាស់ផ្ទះរៀបចំកិច្ចប្រជុំ ACCSM លើកទី២៣ និង ACCSM+3 លើកទី៨ និងព្រឹត្តិការណ៍ពាក់ព័ន្ធ ឆ្នាំ២០២៤-២០២៦បានស្វាគមន៍ និងចូលរួមអបអរសាទរយ៉ាងកក់ក្តៅចំពោះ សហការីពីប្រទេសទីម័រឡេស្តេ ព្រមទាំងរដ្ឋាភិបាល និងប្រជាជនសាធារណរដ្ឋប្រជាធិបតេយ្យប្រទេសទីម័រឡេស្តេចំពោះការទទួលបានការអនុម័តក្លាយជាសមាជិកអាស៊ានពេញសិទ្ធនៅក្នុងកិច្ចប្រជុំកំពូលអាស៊ានលើកទី៤៧ ថ្មីៗនេះ”។ ឯកឧត្តម ហ៊ុន ម៉ានី លើកឡើងបែបនេះ ក្នុងឱកាសអញ្ជើញចូលរួមជាអធិបតីក្នុងពិធីបិទសិក្ខាសាលាលើកទី២ ស្តីពី «ការអភិវឌ្ឍផែនការការងារ ACCSM និង ACCSM+3 ឆ្នាំ២០២៦-២០៣០ កាលពីរសៀលថ្ងៃទី១២ ខែវិច្ឆិកា ឆ្នាំ២០២៥ ។ទាក់ទងនឹងដំណើរការនៃការកសាងផែនការការងារ ACCSM និង ACCSM+3 ឆ្នាំ២០២៦-២០៣០ ឯកឧត្តមបានលើកឡើងថានេះគឺជាផែនការលើកទី៤របស់យើងសម្រាប់បរិបទថ្មី ក្នុងការកសម្រេចចក្ខុវិស័យសហគមអាស៊ានឆ្នាំ២០៤៥។” ឯកឧត្តមឧបនាយករដ្ឋមន្ត្រីក៏បានចែករំលែកជូនសិក្ខាសាលាអំពីបទពិសោធរបស់កម្ពុជាក្នុងការកសាង និងការធ្វើទំនើបកម្មរដ្ឋបាលសាធារណៈ ដែលផ្តើមចេញពីមូលដ្ឋានគ្រឹះនៃសន្តិភាព ការផ្សះផ្សាជាតិ និងការស្តារដើមទុនធនធានមនុស្ស និងបានបង្ហាញការសង្ឃឹមយ៉ាងមុតមាំថា បណ្តាប្រទេសសមាជិកអាស៊ាន អាស៊ានបូក៣ និងប្រទេសដៃគួរមានដំណើរការវិវត្តនៃទំនើបកម្មនៃវិស័យមុខងារសាធារណៈរៀងៗខ្លួន។ ឯកឧត្តម ឈុន សុជាតិ អគ្គលេខាធិការ នៃអគ្គលេខាធិការដ្ឋានកែទម្រង់រដ្ឋបាលសាធារណៈ…