សេចក្តីប្រកាសព័ត៌មានរបស់រដ្ឋបាលខេត្តកំពង់ធំ ស្តីពីការរកឃើញអ្នកវិជ្ជមានជំងឺកូវីដ១៩ ចំនួន ៤០នាក់ ជាសះស្បើយចំនួន ០៧នាក់ នៅថ្ងៃទី២៦ ខែមិថុនា ឆ្នាំ២០២១។ រដ្ឋបាលខេត្តនឹងបន្តស្រាវជ្រាវរកអ្នកពាក់ព័ន្ធផ្សេងទៀតដើម្បីយកមកធ្វើចត្តាឡីស័ក និងធ្វើតេស្តរកមេរោគ កូវីដ១៩ ឲ្យបានឆាប់បំផុត។ ដើម្បីចូលរួមទប់ស្កាត់ការរីករាលដាលនៃជំងឺកូវីដ១៩ បន្ថែមទៀត រដ្ឋបាលខេត្ត សូមអំពាវនាវ ដល់អ្នកដែលធ្លាប់ប្រាស្រ័យទាក់ទងជាមួយអ្នកវិជ្ជមានខាងលើ សូមរួសរាន់ទំនាក់ទំនងទៅអាជ្ញាធរ ឬមណ្ឌលសុខភាព ដែលនៅកៀកបំផុតដើម្បីពិនិត្យសុខភាព និងធ្វើចត្តាឡីស័ករយៈពេល១៤ថ្ងៃឲ្យបានត្រឹមត្រូវ។ នៅថ្ងៃទី២៦ ខែមិថុនា ឆ្នាំ២០២១ នេះដែរ ដោយបានទទួលការព្យាបាលយ៉ាងយកចិត្តទុកដាក់ពីក្រុមគ្រូពេទ្យ អ្នកជំងឺកូវីដ១៩ ចំនួន ០៧នាក់ ស្រី ០៤នាក់ បានជាសះស្បើយ និងត្រូវបានអនុញ្ញាតឲ្យចេញទៅផ្ទះ ដោយត្រូវបន្តធ្វើ ចត្តាឡីស័កដោយខ្លួនឯងរយៈពេល១៤ថ្ងៃ។ គិតមកដល់ថ្ងៃនេះ ខេត្តកំពង់ធំបានរកឃើញអ្នកវិជ្ជមានជំងឺកូវីដ១៩ សរុបចំនួន ៧៩៦នាក់ (ស្រី៤៦៣នាក់) ក្នុងនោះបានជាសះស្បើយចំនួន ៣៥២នាក់ (ស្រី ១៩៩នាក់) និងស្លាប់ចំនួន ០៨នាក់ (ស្រី ០៦នាក់)។ អ្នកជំងឺដែលនៅ សល់ចំនួន ៤៣៦នាក់ (ស្រី ២៥៨នាក់) កំពុងសម្រាកព្យាបាលនៅមន្ទីរពេទ្យខេត្ត…

ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា លោកឧកញ៉ា ហ៊ុន ឡាក់ បានថ្លែងថា ឆ្នាំ២០២០ ជាឆ្នាំដែលពិភពលោកក៏ដូចជាកម្ពុជា បានប្រឈមនូវហានិភ័យ ផ្នែកសុខមាលភាពសង្គម និងបង្ករាំងស្ទះ ហើយជំរុញឱ្យមានឱនភាពសេដ្ឋកិច្ចស្ទើរពាសពេញពិភពលោក តែដោយឡែកកម្ពុជា ក្រោមការដឹកនាំរបស់ប្រមុខរាជរដ្ឋាភិបាលដ៏ឆ្នើម បាននឹងកំពុងគ្រប់គ្រងនូវស្ថានភាពលើការរីករាលដាលនៃការឆ្លង បានយ៉ាងល្អប្រសើរ និងគួរឱ្យមោទនភាព ស្របពេលដែលវិធានការផ្សេងៗ បានដាក់ចេញដើម្បីធានាបាននូវសុវត្ថិភាពស្បៀងអាហារ រួមទាំងការធ្វើឱ្យប្រសើរឡើងនូវផលិតភាពផលិតកម្មកសិករ។ លោកបានថ្លែងបន្តថា ក្នុងនោះវិស័យស្រូវអង្ករបានដើរតួយ៉ាងសំខាន់សម្រាប់ស្បៀងអាហារក្នុងស្រុក និងនាំចេញ ឆ្នាំ២០២០ នេះកម្ពុជាផលិតបានស្រូវសរុប ១០.៩១លានតោន និង បាននាំចេញអង្ករផ្លូវការ ជាង ៧០ម៉ឺនតោន ដែលគិតជាទឹកប្រាក់ប្រមាណជា ៤៧០លានដុល្លារសហរដ្ឋអាមេរិក គឺមានកំណើនប្រមាណជាជិត១០%។ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានថ្លែងបន្តថា ការរីកចម្រើននៃវិស័យស្រូវអង្ករកម្ពុជានេះ គឺកើតចេញពីការគិតគូយកចិត្តទុកដាក់របស់រាជរដ្ឋាភិបាល តាមរយៈ គោលនយោបាយ និងវិធានការនានាតាមរយៈក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម ក្រសួងកសិកម្ម រុក្ខាប្រមាញ់និងនេសាទ ក្រសួងសាធារណការ និងដឹកជញ្ជូន ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និង នវានុវត្តន៍ ក្រសួងរ៉ែ និងថាមពល ក្រសួងបរិស្ថាន អគ្គនាយកដ្ឋានគយ និងរដ្ឋាករកម្ពុជា…