ក្រុមមន្ត្រីនៃអាជ្ញាធរជាតិអប្សរា បានប្រទះឃើញបំណែកព្រះកេសអសុរាធ្វើពីថ្មបុរាណចំនួនមួយកាលពីរសៀលថ្ងៃទី១៩ ខែតុលា ឆ្នាំ២០២២ ក្រោយចុះរៀបចំសណ្តាប់ធ្នាប់ទីតាំងអតីតតូបលក់ដូររបស់អាជីវករនៅមុខខ្លោងទ្វារចូលក្រុងអង្គរធំនាប៉ែកខាងកើតនៃស្ពានទន្លេអុំ ឱ្យល្អប្រសើរឡើងវិញ។ ប្រធានក្រុមការងារចុះបញ្ជីវត្ថុសិល្បៈ របស់នាយកដ្ឋានអភិរក្សប្រាសាទនិងបុរាណវិទ្យានៃ អាជ្ញាធរជាតិអប្សរា លោកឈូក សុម៉ាឡា ឱ្យដឹងថា ទីតាំងដែលរកឃើញបំណែកព្រះកេសអសុរានេះ គឺជាអតីតកន្លែងតូបលក់ដូរវត្ថុអនុស្សាវរីយ៍របស់អាជីវករដែលស្ថិតនៅផ្នែកខាងកើតនៃខ្លោងទ្វារទន្លេអុំ។ ក្រោយពីផ្លាស់ប្តូរតូបលក់ដូរទៅទីតាំងចំណតថ្មី មុខភ្នំបាខែង ក្រុមការងារក៏បានចុះទៅសម្អាតទីតាំងចាស់នោះ ឱ្យមានសណ្តាប់ធ្នាប់ល្អប្រសើរឡើងវិញ ហើយក៏បានប្រទះឃើញបំណែកព្រះកេសអសុរាទាញព្រ័ត្រនេះ។ លោក ឈូក សុម៉ាឡា ឱ្យដឹងទៀតថា ដំបូងឡើយ ក្រុមការងារបានជីកកាយដីជម្រៅប្រមាណពី៣ ទៅ៤តឹក ក៏ប្រទះឃើញបំណែកថ្មបុរាណចំនួន៣ផ្ទាំង បន្ទាប់មកក្រុមការងារក៏បានយកទៅលាងសម្អាត និងផ្គុំគ្នា ក៏កើតបានទៅជាព្រះកេសអសុរាតែមួយ ដែលមានកម្ពស់៦០សង់ទីម៉ែត្រ ទទឹង៦៥សង់ម៉ែត្រ និងកម្រាស់៥៩សង់ទីម៉ែត្រ។ ព្រះកេសអសុរាធ្វើពីថ្មភក់ ដែលគេប្រទះឃើញនេះ គឺស្ថិតក្នុងរចនាបថបាយ័ន នៃរាជព្រះបាទជ័យវរ្ម័នទី៧ ដូចគ្នានឹងអសុរាទាញព្រ័ត្រ នៅតាមខ្លោងទ្វារទាំង៤ផ្សេងទៀតនៃក្រុងអង្គរធំដែរ។ បច្ចុប្បន្ន ព្រះកេសអសុរានេះ ក្រុមការងារបានសហការជាមួយនគរបាលការពារបេតិកភណ្ឌ និងភ្នាក់ងារសណ្តាប់ធ្នាប់ ព្រមទាំងភ្នាក់ងារទេសចរណ៍ យកទៅរក្សាទុកនៅសារមន្ទីរព្រះនរោត្តមសីហនុ-អង្គរ ដើម្បីលាងសម្អាត និងជួសជុលតាមបច្ចេកទេសឱ្យបានត្រឹមត្រូវ ហើយក្រុមការងារក៏នឹងសិក្សាដើម្បីស្វែងរកដងខ្លួនដើមនៃចម្លាក់នោះ មុននឹងយកទៅផ្គុំឡើងវិញ។ មន្ត្រីអាជ្ញាធរជាតិអប្សរា ឱ្យដឹងថា តាមការអះអាងរបស់អ្នកភូមិ កន្លែងដែលគេប្រទះឃើញព្រះកេសអសុរានេះ គឺធ្លាប់ជាការដ្ឋានជួសជុលខ្លោងទ្វារទន្លេអុំ កាលពីសម័យបារាំង។…

កំពង់ចាម៖ក្រុមមិត្តភាពកងមាសនៃវិទ្យាល័យ សម្តេច ហ៊ុន សែន ពាមជីកង បានមូលមតិគ្នាចូលួមកាន់បិណ្ឌ៩ ថ្ងៃទី១៩ខែកញ្ញា ឆ្នាំ២០២២ដោយការប្រគេនចង្ហាន់ ទេយ្យទាន និងបច្ច័យកសាង នៅក្នុងទីអារាមនៃវត្តនិគ្រោធារាម នៃស្រុកកងមាស ខេត្តកំពង់ចាម។បន្ទាប់ពីការកាន់បិណ្ឌក៏មានពិសាបាយសាមគ្គីរួមគ្នារវាងអតីតសិស្សានុសិស្ស លោកគ្រូ អ្នកគ្រូ បន្ទាប់ពីបែកគ្នាមួយរយៈកាលផងដែរ។ ក្រុមមិត្តភាពកងមាសផ្តើមឡើងពីអតីតសិស្សរៀនក្នុងទសវត្សរ៍៨០ និងទសវត្សរ៍៩០ នៃសាលាវិទ្យាល័យសម្តេច ហ៊ុន សែន ពាមជីកង ក្នុងបំណងបង្ហាញពីសារៈសំខាន់នៃការរឹតចំណងមិត្តភាព ភាតរភាព និងការនឹករលឹកគ្នាទៅវិញទៅមកនិងការរំលឹកដឹងគុណ លោកគ្រូ អ្នកគ្រូ និង ស្រុកភូមិកំណើតរបស់ពួកគេ។ក្រុមិត្តភាពកងមាសក៏បានសន្យានឹងបន្តរួមគ្នាធ្វើសកម្មភាពដូចនេះ ឱ្យបានក្នុងមួយឆ្នាំម្តង ជារៀងរាល់ឆ្នាំបន្តទៀត ដើម្បីរឹតចំណង សាមគ្គីភាព ជាមួយគ្នាឱ្យកាន់តែរឹងមាំហើយយូរអង្វែង តទៅមុខ ទៀត។ លោក ស្រេង សំណាង មន្ត្រីគយនៃអគ្គនាយកដ្ឋានគយ និង រដ្ឋាករកម្ពុជា និងជាអតីតសិស្សជំនាន់ទី១នៅវិទ្យាល័យ សម្តេច ហ៊ុន សែន ពាមជីកង បាននិយាយថា ក្រុមមិត្តភាពកងមាសតែងតែ មានរៀបចំកម្មវិធីជួបជុំមិត្តភក្តិក្នុងឱកាសបុណ្យសំខាន់ៗ នេះ ដើម្បីបង្ហាញពីការរួបរួមសាមគ្គីគ្នា បង្ហាញពីការនឹករលឹកគ្នា រំលឹក អនុស្សាវរីយ៍កាលវ័យសិក្សា…

ភ្នំពេញ៖ក្រសួងវប្បធម៌ និងវិចិត្រសិល្បៈ បានប្រកាសថាក្រសួង នឹង រៀបចំ មហោស្រពភាពយន្តខ្នាតខ្លីកម្ពុជាលើកទី៣ ឆ្នាំ២០២២ (CNSFF 2022) ដើម្បីលើកទឹកចិត្តយុវជន ឲ្យអភិវឌ្ឍសមត្ថភាព ផលិត ភាពយន្ដរបស់ពួកគេ និងចូលរួមចំណែកក្នុងការអភិវឌ្ឍវិស័យ ភាពយន្តនៅកម្ពុជា។ដើម្បីរៀបចំមហោស្រពនេះ មន្ទីរភាពយន្តមួយ (Film Lab) នឹង ត្រូវបង្កើតឡើង ដើម្បីជួយដល់ផលិតករភាពយន្ត ដែលមានបំណង ចូលរួមក្នុងការប្រកួតប្រជែងឲ្យអាចបង្កើតសាច់រឿង និងទិដ្ឋភាព ល្អៗ សម្រាប់ខ្សែភាពយន្តរបស់ពួកគេ។ ការដាក់ពាក្យមកកាន់ Film Lab ចាប់បើកពីថ្ងៃទី ៨ ខែកញ្ញា រហូត ដល់ថ្ងៃទី ២ ខែតុលា ឆ្នាំ ២០២២។ ក្នុងអំឡុងពេលនេះ ផលិតករ ភាពយន្តទាំងអស់ ដែលចង់ចូលរួមជាមួយ Film Lab គួរតែធ្វើការ លើការផលិតគ្រោង និងគំនិតនៃរឿង សម្រាប់ភាពយន្តខ្នាតខ្លី ដែលពួកគេ ចង់ផលិត ហើយបញ្ជូនវាមកដោយភ្ជាប់ជាមួយនឹង ពាក្យស្នើសុំរបស់ពួកគេ។ អ្នកផលិតភាពយន្តដែលត្រូវបានគេជ្រើសរើសសម្រាប់ Film Lab…